Book List

<h2 style="text-align: center;">‎အခန်း ( ၄၃၁ )</h2> <h2 style="text-align: center;">ဖဲချပ်ဆိုသည်မှာ၊ တစ်ကိုယ်တော်ပွဲ၊ ဘုရင်နှစ်ပါးကို တစ်ယောက်တည်း ရင်ဆိုင်ခြင်း</h2> <h2 style="text-align: center;">‎*</h2> <h2 style="text-align: center;">‎</h2> <p>‎</p> <p>‎" အား! "</p> <p>‎</p> <p>‎</p> <p>‎ရုတ်တရက် အပြောင်းအလဲကြောင့် ချန်းရှီအင်မော်တယ်ဘုရင်မှာ သိသိသာသာပင် အငိုက်မိသွားလေသည်။</p> <p>‎</p> <p>‎</p> <p>‎ကုချန်၏ ဧကရာဇ်လက်သီးကို ရင်ဆိုင်ရချိန်တွင် သူ ပြင်ဆင်ချိန် မရလိုက်ပေ။ ပို၍တိတိကျကျပြောရလျှင် ခုခံရန် အချိန်မရလိုက်ဘဲ လက်သီးတစ်ချက်တည်းဖြင့် လွင့်စဉ်သွားကာ သွေးများ ပန်းထွက်သွား၍ သူ၏တာအိုခန္ဓာကိုယ်ပေါ်တွင် ထိတ်လန့်ဖွယ် အက်ကွဲကြောင်းများ ပြည့်နှက်သွား၏။</p> <p>‎</p> <p>‎</p> <p>‎ထိုလက်သီး၏ စွမ်းအားမှာ သူ၏ခန္ဓာကိုယ်အား လုံးဝ ကျိုးပဲ့လုနီးပါး ဖြစ်သွားစေသည်။</p> <p>‎</p> <p>‎</p> <p>‎" ဘယ်သူလဲ "</p> <p>‎</p> <p>‎</p> <p>‎ချန်းရှီအင်မော်တယ်ဘုရင်သည် ကုချန်အား ကြည့်ကာ အံ့သြဒေါသထွက်စွာဖြင့် အော်ဟစ်လိုက်၏။</p> <p>‎</p> <p>‎</p> <p>‎ဒီကောင်းကင်ဖုံးလွှမ်း နယ်ပယ်ထဲမှာ နောက်ထပ် ရန်သူတစ်ယောက် ဘယ်လိုလုပ် ရုတ်တရက် ပေါ်လာရတာလဲ။</p> <p>‎</p> <p>‎</p> <p>‎" ကောင်းကင်ဖုံးလွှမ်း အင်မော်တယ်ဘုရင် "</p> <p>‎</p> <p>‎</p> <p>‎ချန်းရှီအင်မော်တယ်ဘုရင်၏ လေသံမှာ အနည်းငယ် မကျေမနပ် ဖြစ်နေ၏။</p> <p>‎</p> <p>‎</p> <p>‎ကောင်းကင်ဖုံးလွှမ်း နယ်ပယ်ကို ဖြန့်ကျက်ပြီးတာနဲ့ အထဲက ဖြစ်ပျက်သမျှကို အပြင်ကလူတွေ မသိနိုင်ဘူးလို့ သူ ပြောခဲ့တယ် မဟုတ်လား။ ဒါဆို သူ့ရှေ့က ဒီရန်သူက ဘယ်ကနေ ရောက်လာတာလဲ။</p> <p>‎</p> <p>‎</p> <p>‎" ကောင်းကင်ဖုံးလွှမ်း နယ်ပယ်အောက်မှာ ချီအငွေ့အသက်တွေ လုံးဝ မပေါက်ကြားဘူး... ချန်းရှီ... ဒီလူ ဘယ်လိုပေါ်လာလဲဆိုတာ မင်းဘာသာမင်း ပြန်မေးကြည့်သင့်တယ် "</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်၏ အေးစက်သော အသံသည် ချန်းရှီအင်မော်တယ်ဘုရင်၏ နားထဲတွင် ပဲ့တင်ထပ်သွားကာ တစ်စုံတစ်ခုကို သတိရသွားစေပုံရ၏။</p> <p>‎</p> <p>‎</p> <p>‎ဒီလူက ယွဲ့လင်အင်မော်တယ်ဘုရင်ကို လျှို့ဝှက်ကူညီပေးနေတာများလား။</p> <p>‎</p> <p>‎</p> <p>‎သူတို့က အမြဲတမ်း အတူတူ ရှိနေခဲ့တာ ဖြစ်နိုင်တယ်။</p> <p>‎</p> <p>‎</p> <p>‎ထို့ကြောင့်သာ ယွဲ့လင်အင်မော်တယ်ဘုရင် ကောင်းကင်ဖုံးလွှမ်း နယ်ပယ်ထဲတွင် နက်ရှိုင်းစွာ ပိတ်မိနေချိန်၌ တစ်ဖက်လူမှ ကူညီရန် အပြေးရောက်လာခြင်း ဖြစ်ပေမည်။</p> <p>‎</p> <p>‎</p> <p>‎အဘယ်ကြောင့်ဆိုသော် သူတို့နှစ်ဦးမှာ အစကတည်းက သိပ်မဝေးသောနေရာတွင် ရှိနေသဖြင့် ယွဲ့လင်အင်မော်တယ်ဘုရင် တစ်ခုခုဖြစ်သည်နှင့်တစ်ပြိုင်နက် ဤသူမှ သိရှိကာ ကူညီရန် ရောက်လာခြင်း ဖြစ်သည်။</p> <p>‎</p> <p>‎</p> <p>‎ဒါဆို မကြာသေးခင်က သူခံစားမိခဲ့တဲ့ အင်မော်တယ်ဘုရင်တစ်ပါး ကျဆုံးသွားတဲ့ လှိုင်းဂယက်က ဒီလူကြောင့် ဖြစ်ရတာပေါ့။</p> <p>‎</p> <p>‎</p> <p>‎ကုချန်ကို ကြည့်သော ချန်းရှီအင်မော်တယ်ဘုရင်၏ အကြည့်များမှာ ရန်လိုလာတော့၏။</p> <p>‎</p> <p>‎</p> <p>‎ကုချန်သည် ယွဲ့လင်အင်မော်တယ်ဘုရင် ရှာဖွေထားသော အကူအညီဖြစ်ပြီး သူ့ကို ကိုင်တွယ်ရန် အမှောင်ထဲတွင် ပုန်းအောင်းနေခဲ့ခြင်းဖြစ်မည်ဟု သူ ထင်မှတ်လိုက်သည်။</p> <p>‎</p> <p>‎</p> <p>‎အကယ်၍ သူသာ ကောင်းကင်ဖုံးလွှမ်း အင်မော်တယ်ဘုရင်၏ အကူအညီကို မတောင်းဘဲ ပေါ့ဆစွာဖြင့် တစ်ယောက်တည်း လာခဲ့ပါက ဤသူ၏ ချုံခိုတိုက်ခိုက်ခြင်းကို ခံရကာ အရှက်ရဖွယ် ရှုံးနိမ့်သွားမည် မဟုတ်လော။</p> <p>‎</p> <p>‎</p> <p>‎" ယွဲ့လင်... မင်းဆီမှာ ဒီလို ဖဲချပ်မျိုး ပုန်းကွယ်နေလိမ့်မယ်လို့ ငါ မထင်ထားခဲ့ဘူး "</p> <p>‎</p> <p>‎</p> <p>‎ချန်းရှီအင်မော်တယ်ဘုရင်၏ အကြည့်များသည် ယွဲ့လင်အင်မော်တယ်ဘုရင်ထံသို့ ပြန်လည်ရောက်ရှိသွား၏။ သူ၏မျက်လုံးများမှာလည်း အေးစက်နေလေသည်။</p> <p>‎</p> <p>‎</p> <p>‎" ကံကောင်းလို့ ငါအရှင်က ကြိုတင်ပြင်ဆင်ပြီး တာအိုရောင်းရင်း ကောင်းကင်ဖုံးလွှမ်း အင်မော်တယ်ဘုရင်ကို အကူအညီတောင်းလာခဲ့တာ... မဟုတ်ရင် ဒီနေ့ မင်းရဲ့ ထောင်ချောက်ထဲကို တကယ် ကျသွားတော့မလို့ပဲ "</p> <p>‎</p> <p>‎</p> <p>‎ချန်းရှီအင်မော်တယ်ဘုရင်၏ စကားများကို နားထောင်လျက် ယွဲ့လင်အင်မော်တယ်ဘုရင်မှာ တိတ်ဆိတ်နေလေသည်။</p> <p>‎</p> <p>‎</p> <p>‎ချန်းရှီတစ်ခုခု အထင်လွဲနေပြီဆိုတာကို သူ သိ</p> <p>‎၏။ ကုချန်သည် သူ့ကို ကူညီရန် လာခဲ့သည်မှာ မှန်သော်လည်း သူ၏ဖဲချပ်ဆိုသည်မှာ မဟုတ်ပေ။</p> <p>‎</p> <p>‎</p> <p>‎အမှန်တကယ်တော့ ကုချန်၏အကူအညီကို တောင်းခံရန် ယွဲ့လင်အင်မော်တယ်ဘုရင်သည် ကြီးမားသော 'တန်ရာတန်ကြေး' ကို ပေးဆပ်ခဲ့ရရ၏။</p> <p>‎</p> <p>‎</p> <p>‎ဤအရာအားလုံးမှာ ချန်းရှီကြောင့်ပင် ဖြစ်လေသည်။</p> <p>‎</p> <p>‎</p> <p>‎သို့သော်.....</p> <p>‎</p> <p>‎</p> <p>‎ချောက်နက်ကြီးတစ်ခုကဲ့သို့ သူ့ဘေးတွင် ရပ်နေသော ကုချန်၏ ခမ်းနားသည့် ပုံရိပ်ကို ကြည့်ပြီးနောက် ကမ္ဘာလောကကို လွှမ်းခြုံထားဆဲဖြစ်သော မှောင်မိုက်သည့် ညကောင်းကင်ယံကို ကြည့်လိုက်သောအခါ ကယ်တင်ခံလိုက်ရ၍ မူလက ဖြစ်ပေါ်လာသော ယွဲ့လင်အင်မော်တယ်ဘုရင်၏ ဝမ်းသာမှုများမှာ အလွန်အမင်း လျော့ပါးသွားခဲ့၏။</p> <p>‎</p> <p>‎</p> <p>‎အကယ်၍ ချန်းရှီအင်မော်တယ်ဘုရင် တစ်ပါးတည်းသာဆိုပါက ကုချန်၏ တိုက်ခိုက်ရေးစွမ်းအားဖြင့် ကိုင်တွယ်နိုင်ပေလိမ့်မည်။</p> <p>‎</p> <p>‎</p> <p>‎မည်သို့ပင်ဆိုစေ ရှေးဟောင်းမကောင်းဆိုးဝါးအင်မော်တယ်ဘုရင်ကို သူ သတ်ဖြတ်ခဲ့သည့် မြင်ကွင်းများမှာ ယွဲ့လင်အင်မော်တယ်ဘုရင်၏ စိတ်ထဲတွင် ထင်ဟပ်နေဆဲ ဖြစ်သည်။</p> <p>‎</p> <p>‎</p> <p>‎သို့သော် ယခုအခါ ကောင်းကင်ဖုံးလွှမ်း အင်မော်တယ်ဘုရင်ဆိုသည့် 'အပြောင်းအလဲ' တစ်ခု ရှိနေလေပြီ။</p> <p>‎</p> <p>‎</p> <p>‎ဤသူသည် သာမန် အင်မော်တယ်ဘုရင်တစ်ပါး မဟုတ်ဘဲ အင်မော်တယ်ဘုရင်များ၏ အထွတ်အထိပ်တွင် ရပ်တည်နေသည့် စစ်မှန်သော အင်မော်တယ်ဘုရင် ဘီလူးကြီးတစ်ပါး ဖြစ်သည်။ ကုချန်သည် ဤကောင်းကင်ဖုံးလွှမ်း အင်မော်တယ်ဘုရင်ကို ယှဉ်နိုင်ပါမည်လော။</p> <p>‎</p> <p>‎</p> <p>‎" တာအိုရောင်းရင်း ကောင်းကင်ဖုံးလွှမ်း အင်မော်တယ်ဘုရင်... ဒီလူကို မင်းဆီပဲ အပ်လိုက်မယ်... သူ့ကို အလုပ်ရှုပ်နေအောင် လုပ်ထားပေးပါ... ယွဲ့လင်ကို ငါ ရှင်းပြီးတာနဲ့ တာအိုရောင်းရင်း ထွက်သွားလို့ရပြီ "</p> <p>‎</p> <p>‎</p> <p>‎ချန်းရှီအင်မော်တယ်ဘုရင်သည် ကုချန်အား သတိထားကာ တစ်ချက် ကြည့်လိုက်၏။</p> <p>‎</p> <p>‎</p> <p>‎ယခုလေးတင် သူသည် ဤသူ၏ 'ချုံခိုတိုက်ခိုက်ခြင်း' ကို ခံလိုက်ရကာ လက်သီးတစ်ချက် အထိုးခံလိုက်ရသော်လည်း ကုချန်၏စွမ်းအားသည် သူ၏စိတ်ထဲတွင် နက်ရှိုင်းသော မှတ်တမ်းတစ်ခုကို ချန်ရစ်ထားခဲ့၏။</p> <p>‎</p> <p>‎</p> <p>‎ထို့အပြင် ဤသူသည် အင်မော်တယ်ဘုရင်တစ်ပါးကို သတ်ဖြတ်ထားသည့် သာဓကရှိနေပြီဖြစ်ရာ ချန်းရှီအင်မော်တယ်ဘုရင်သည် ကုချန်နှင့် ထိပ်တိုက် မရင်ဆိုင်ချင်တော့ပေ။ ယင်းအစား သူသည် ကောင်းကင်ဖုံးလွှမ်း အင်မော်တယ်ဘုရင်ကို အသုံးပြု၍ ကုချန်အား ထိန်းထားစေကာ ယွဲ့လင်ကို သူ ရှင်းလင်းပြီးပါက ဤသူနှင့် ဆက်လက် ရှုပ်ထွေးနေရန် မလိုအပ်တော့ချေ။</p> <p>‎</p> <p>‎</p> <p>‎" စိတ်ချပါ "</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်မှ ခပ်ဟဟ ရယ်မောလိုက်၏။</p> <p>‎</p> <p>‎</p> <p>‎" တကယ်လို့ ဒီလူသာ ငါ့ရဲ့ ကောင်းကင်ဖုံးလွှမ်း နယ်ပယ်အပြင်ဘက်မှာ ရှိနေမယ်ဆိုရင် သူ့ကို ကိုင်တွယ်ရတာ နည်းနည်း ခက်ခဲလိမ့်မယ်... ဒါပေမယ့် သူက ငါ့နယ်ပယ်ထဲကို ကိုယ်တိုင် တက်တက်ကြွကြွ ဝင်လာရဲမှတော့ ထွက်သွားဖို့ မစဉ်းစားနဲ့တော့ "</p> <p>‎</p> <p>‎</p> <p>‎ကောင်းကင်ဖုံးလွှမ်း နယ်ပယ်ထဲသို့ အတားအဆီးမဲ့ ဝင်ရောက်လာသော ကုချန်၏</p> <p>‎လုပ်ရပ်သည် ကောင်းကင်ဖုံးလွှမ်း အင်မော်တယ်ဘုရင်ကို မကျေမနပ် ဖြစ်စေခဲ့၏။</p> <p>‎</p> <p>‎</p> <p>‎အဘယ်ကြောင့်ဆိုသော် ဤသူသည် မောက်မာလွန်းသောကြောင့်ပင်။ သူ၏ ကောင်းကင်ဖုံးလွှမ်း နယ်ပယ်အမည်ကို ကြားရုံမျှဖြင့် အင်မော်တယ်ဘုရင်အဆင့် တည်ရှိမှု မည်မျှများများ တုန်လှုပ်ခဲ့ကြသနည်း။</p> <p>‎</p> <p>‎</p> <p>‎အပြင်ဘက်မှ တစ်စုံတစ်ခုကို ခံစားသိရှိပြီးနောက် ဤသူသည် ထွက်မပြေးသည့်အပြင် အတင်းအကျပ်ပင် ဝင်ရောက်လာရဲ၏။ ဤသည်မှာ ထိုသူသည် သူ့ကို အဖက်မတန်သကဲ့သို့ ဆက်ဆံနေကြောင်း ရှင်းလင်းစွာ ပြသနေလေသည်။</p> <p>‎</p> <p>‎</p> <p>‎" ငါအရှင်ရဲ့ ကောင်းကင်ဖုံးလွှမ်း နယ်ပယ်က လှောင်ပိတ်ဖို့ သက်သက် မဟုတ်ဘူး... မင်း ဝင်လာရဲမှတော့ ဒီမှာပဲ နေခဲ့တော့ "</p> <p>‎</p> <p>‎</p> <p>‎ညကောင်းကင်ယံ၏ အစွန်းမှနေ၍ အေးစက်စက် ရယ်သံတစ်ခု ပဲ့တင်ထပ်လာ၏။</p> <p>‎</p> <p>‎</p> <p>‎နောက်တစ်ခဏတွင် တက်လာသော နေမင်းများကဲ့သို့ အင်မော်တယ်အလင်းတန်းများနှင့် သန့်စင်သော ရောင်ခြည်များ ဆက်တိုက် ထွက်ပေါ်လာကာ ညကောင်းကင်ယံ တစ်ခုလုံးကို လွှမ်းခြုံသွား၍ ကုချန်ထံသို့ တိုးဝင်လာလေသည်။</p> <p>‎</p> <p>‎</p> <p>‎အင်မော်တယ်အလင်းတန်းများနှင့် သန့်စင်သော ရောင်ခြည်များသည် မရေမတွက်နိုင်သော တာအိုအက္ခရာများဖြင့် ဖွဲ့စည်းထားကာ အစောပိုင်း ရှေးဟောင်းခေတ်မှ မြစ်ဖျားခံလာပုံရ၍ ရှေးဆန်လျက် အမြင့်မြတ်ဆုံး ဆွဲဆောင်မှုများဖြင့် ပြည့်နှက်နေ၏။</p> <p>‎</p> <p>‎</p> <p>‎အင်မော်တယ်အလင်းတန်း တစ်ချက် ပွတ်တိုက်သွားရုံဖြင့် သာမန် အင်မော်တယ်ဘုရင်တစ်ပါးကို ဒဏ်ရာရစေနိုင်သည်။</p> <p>‎</p> <p>‎</p> <p>‎ယခုအခါ တိုးဝင်လာသော အင်မော်တယ်အလင်းတန်းများသည် ရာထောင်ချီရုံမျှသာ မကတော့ချေ။</p> <p>‎</p> <p>‎</p> <p>‎" ချန်းရှီကို ငါ ရှင်းမယ်... ရှင်က ကောင်းကင်ဖုံးလွှမ်း အင်မော်တယ်ဘုရင်ကို ထိန်းထားပေး "</p> <p>‎</p> <p>‎</p> <p>‎ကောင်းကင်နှင့်မြေကြီးကို ဖုံးလွှမ်းလာသော ကြောက်မက်ဖွယ် အင်မော်တယ်အလင်းတန်းများကို မြင်သောအခါ ယွဲ့လင်အင်မော်တယ်ဘုရင်၏ အမူအရာမှာ ပြောင်းလဲသွားကာ အရင် စတင်ပြောလိုက်၏။</p> <p>‎</p> <p>‎</p> <p>‎ကုချန်မှ ကောင်းကင်ဖုံးလွှမ်း အင်မော်တယ်ဘုရင်ကို ထိန်းထားပေးနိုင်ခြင်းက သူ့အတွက် အကူအညီကြီးတစ်ခု ဖြစ်သည်။ သူ၏ မူလစွမ်းအားသည် ချန်းရှီအင်မော်တယ်ဘုရင်လောက် အားမကောင်းသော်လည်း ပြင်းပြင်းထန်ထန် ရုန်းကန်ပြီးနောက် အသက်ရှင်ရန် အခွင့်အရေးတစ်ခု ရှာတွေ့နိုင်ပေမည်။ ယခင်က လုံးဝ အခွင့်အရေး မရှိခဲ့သည်ထက်စာလျှင် ပိုကောင်းလေသည်။</p> <p>‎</p> <p>‎</p> <p>‎သို့သော် ယွဲ့လင်အင်မော်တယ်ဘုရင်၏ အကြံပြုချက်ကို ရင်ဆိုင်ရချိန်တွင် ကုချန်သည် ဖြည်းညင်းစွာ ခေါင်းခါလိုက်၏။</p> <p>‎</p> <p>‎</p> <p>‎" ငါကိုယ်တော်က မင်းနဲ့ သဘောတူညီချက် ရထားပြီးမှတော့ ဒီနှစ်ယောက်ကို ရှင်းဖို့က ငါကိုယ်တော်ရဲ့ တာဝန်ပဲ... မင်း ဝင်ပါစရာ မလိုဘူး "</p> <p>‎</p> <p>‎</p> <p>‎အကျပ်အတည်းမှ ကယ်တင်ပေးရန် ယွဲ့လင်အင်မော်တယ်ဘုရင်နှင့် သူ သဘောတူညီချက် ရယူထားပြီးဖြစ်ကာ ယွဲ့လင်အင်မော်တယ်ဘုရင်သည် သူ့ကို နှစ်တစ်သိန်းကြာ သစ္စာခံရမည် ဖြစ်သည်။</p> <p>‎</p> <p>‎</p> <p>‎ယခုအခါ ယွဲ့လင်အင်မော်တယ်ဘုရင်မှ အသေအလဲ တိုက်ခိုက်နေရဦးမည်ဆိုလျှင် သူ ယခင်က ပြောခဲ့သော စကားများသည် မည်သည့်နေရာတွင် ရှိတော့မည်နည်း။</p> <p>‎</p> <p>‎</p> <p>‎ဝါရင့် အင်မော်တယ်ဘုရင်တစ်ပါးနှင့် အင်မော်တယ်ဘုရင် ဘီလူးကြီးတစ်ပါးမျှသာ ဖြစ်သည်။ သူ တစ်ယောက်တည်းဖြင့် နှစ်ယောက်စလုံးကို ဖိနှိပ်ပစ်နိုင်လေသည်။</p> <p>‎</p> <p>‎</p> <p>‎" ရှင် လုပ်နိုင်ပါ့မလား "</p> <p>‎</p> <p>‎</p> <p>‎ကုချန်သည် ကောင်းကင်ဖုံးလွှမ်း အင်မော်တယ်ဘုရင်နှင့် ချန်းရှီအင်မော်တယ်ဘုရင်တို့၏ ပူးပေါင်းတိုက်ခိုက်မှုကို ယှဉ်နိုင်မည် မဟုတ်ဟု တွေးကာ ယွဲ့လင်အင်မော်တယ်ဘုရင်၏ မျက်နှာပေါ်တွင် သံသယအရိပ်အယောင်လေး ပေါ်လာ၏။</p> <p>‎</p> <p>‎</p> <p>‎သို့သော် နောက်တစ်ခဏတွင် တရိပ်ရိပ် မြင့်တက်လာသော ဧရာမ စွမ်းအားလှိုင်းတစ်ခုသည် ကုချန်၏ခန္ဓာကိုယ်အတွင်းမှ ပေါက်ကွဲထွက်လာလေသည်။</p> <p>‎</p> <p>‎</p> <p>‎မျက်စိတစ်မှိတ်အတွင်းမှာပင် ကုချန်သည် ဤတတိယကိုယ်ပွားကို သူ၏ မူလခန္ဓာကိုယ်နှင့် ပေါင်းစည်းလိုက်ကာ အင်မော်တယ်ဘုရင်အဆင့်ကို ကျော်လွန်လုနီးပါး ဖြစ်နေသော ကြီးမားလှသည့် စွမ်းအားကို ရရှိသွားလေသည်။</p> <p>‎</p> <p>‎</p> <p>‎" အရမ်း ရိုးရှင်းပါတယ် "</p> <p>‎</p> <p>‎</p> <p>‎တောင်များပြိုကျကာ ပင်လယ်တို့ ဆူပွက်နေသကဲ့သို့ သူ၏အတွင်းမှ ခမ်းနားကြီးကျယ်သော စွမ်းအားကို ခံစားရကာ ကုချန်၏ မျက်လုံးများမှာ လင်းလက်သွား၏။ သူသည် လက်နှစ်ဖက်လုံးကို တစ်ပြိုင်နက်တည်း လှုပ်ရှားလိုက်၍ ဘယ်ဘက်လက်ဝါးက အင်မော်တယ်အလင်းတန်းများဆီသို့ ပေါ့ပေါ့ပါးပါး ရိုက်ချလိုက်ကာ ညာဘက်လက်ဝါးအား လက်သီးအဖြစ် ပြန်ပြောင်းသွားစေ၍ ချန်းရှီအင်မော်တယ်ဘုရင်ဆီသို့ ထိုးချလိုက်လေသည်။</p> <p>‎</p> <p>‎</p> <p>‎သူသည် ကောင်းကင်ဖုံးလွှမ်း အင်မော်တယ်ဘုရင်နှင့် ချန်းရှီအင်မော်တယ်ဘုရင် နှစ်ဦးစလုံးကို သူ တစ်ယောက်တည်း ရင်ဆိုင်ရန် အမှန်တကယ် ရည်ရွယ်ထားခြင်း ဖြစ်သည်။</p> <p>‎</p> <p>‎</p> <p>‎" ဟမ့်... မောက်မာလိုက်တာ "</p> <p>‎</p> <p>‎</p> <p>‎" ငါအရှင်ရဲ့ ဂုဏ်သိက္ခာကို အထင်အမြင်သေးတဲ့သူတွေက သွေးနဲ့ တန်ရာတန်ကြေး ပေးဆပ်ရမယ် "</p> <p>‎</p> <p>‎</p> <p>‎ကုချန်၏လုပ်ရပ်သည် ယွဲ့လင်အင်မော်တယ်ဘုရင်ကို မှင်သက်သွားစေရုံသာမက ကောင်းကင်ဖုံးလွှမ်း အင်မော်တယ်ဘုရင်ကိုလည်း ဒေါသတကြီး နှာခေါင်းရှုံ့သွားစေခဲ့သည်။</p> <p>‎</p> <p>‎</p> <p>‎ဒီလူက တကယ်ကို မောက်မာလွန်းလှတယ်။ သူ့ကိုရော ချန်းရှီကိုပါ တစ်ယောက်တည်းနဲ့ ရင်ဆိုင်နိုင်မယ်လို့ တကယ်ပဲ ထင်နေတာလား။</p> <p>‎</p> <p>‎</p> <p>‎ချန်းရှီအင်မော်တယ်ဘုရင် ရှိနေခြင်းက ဘာကွာခြားမှုမှ မရှိဟု ကောင်းကင်ဖုံးလွှမ်း အင်မော်တယ်ဘုရင် ခံစားရသော်လည်း ကုချန်၏လုပ်ရပ်မှာ သူ့အား အဖက်မတန်သကဲ့သို့ ဆက်ဆံနေကြောင်း ရှင်းလင်းစွာ ပြသနေလေသည်။</p> <p>‎***</p> <p> </p>


Save