Book List

<h2 style="text-align: center;">​အပိုင်း (၅၄၂)</h2> <h2 style="text-align: center;">ဆီရာကျု မဟာမိတ်တပ်မတော်၏ တိုက်ခိုက်မှု</h2> <h2 style="text-align: center;">*</h2> <p> </p> <p> </p> <p>​ဟီရဲလော့စ် က ဝိုင်းရံတိုက်ပွဲကို အရှိန်လျှော့လိုက်ပေမယ့်၊ ဝိုင်းရံတိုက်ပွဲသုံး ပစ္စည်းတွေ လုပ်ဖို့ သစ်ပင်တွေ အများကြီး ခုတ်နေတယ်။</p> <p>​သီအိုနီယာ  တွေ မက်ဒမာကို တိုက်ခိုက်လုနီးပါး ဖြစ်နေချိန်မှာ၊ ကောလိုနီယာ တပ်မတော်နဲ့ ရင်ဆိုင်နေရတဲ့ လိုခရီ တွေက မက်ဒမာ ကို သွားကယ်ချင်ပေမယ့် မကယ်နိုင်ဘူး။</p> <p>​သူတို့ ပိုစိုးရိမ်တာက... သီအိုနီယာ က မက်ဒမာ ကို သိမ်းပြီးရင်၊ သီအိုနီယာ-ရက်ဂျီယမ် ပူးပေါင်းတပ်ဖွဲ့က အနောက်ကနေ အရှေ့ကို လမ်းဟောင်းအတိုင်း ထွက်လာပြီး လိုခရီ အခြေအနေ ပိုဆိုးသွားမှာကိုပဲ။</p> <p>​ဒါကြောင့် လိုခရီ က ပန်တီကွန်တာ ၅ စီး လွှတ်လိုက်တယ်။ ၂ စီး နစ်မြုပ်ပြီး ၂ စီး အဖမ်းခံလိုက်ရတဲ့ အထိ ပေးဆပ်ပြီးမှ စကိုင်လက်တီယမ် ဆိပ်ကမ်းထဲ ဝင်နိုင်ခဲ့တယ်။ ဒိုင်ယွန်နီးစီးယပ်စ် ကို သတင်းပို့နိုင်ခဲ့တယ်။ ငြိမ်းချမ်းရေး ဆွေးနွေးပွဲ လုပ်ပြီး အချိန်ဆွဲနေတာ သူတို့ တစ်ဖွဲ့တည်း မဟုတ်ဘူး၊ ဒါးဗို့စ်  လည်း ငြိမ်နေတာ မဟုတ်ဘူး ဆိုတာ သိလိုက်ရတယ်။ ဒါးဗို့စ် က ကောလိုနီယာ ကို လက်နက်ချခိုင်းရုံတင် မကဘူး၊ တပ်ခွဲပြီး သူ့ကို ဝိုင်းထား၊ လိုခရီ တပ်မတော်ကို အနိုင်တိုက်၊ တယ်ရီနာ နဲ့ ဟစ်ပိုနီယံ  ကို သိမ်းပိုက်၊ အခု မက်ဒမာ တောင် အန္တရာယ် ရှိနေပြီ။ စကိုင်လက်တီယမ် နဲ့ လိုခရီ ကို လုံးဝ အထီးကျန် ဖြစ်သွားအောင် လုပ်လိုက်ပြီ။ ဒါကို ကြည့်ရင် ဒါးဗို့စ် က ငြိမ်းချမ်းရေး ယူဖို့ စိတ်ကူး လုံးဝ မရှိဘူး ဆိုတာ သိသာနေပြီ!</p> <p>​ဒိုင်ယွန်နီးစီးယပ်စ် လန့်သွားတယ်။</p> <p>​'ဒီဘုရင်ပေါက်စလေးက အသက်နဲ့ မလိုက်အောင် နိုင်ငံရေး ပါးနပ်သလို၊ စစ်ရေးမှာလည်း ကောက်ကျစ်တာပဲ။ ငါ့ကို အမှောင်ချထားပြီး မက်ဂနာ ဂရိ က ငါ့မဟာမိတ်တွေကို တစ်ခုပြီး တစ်ခု ဝါးမြိုပစ်နေတာ။ နောက်ဆုံး ငါ့တပ်မတော်ကို အပြီးတိုင် ချေမှုန်းပစ်မလို့ပဲ!'</p> <p>​ဒါးဗို့စ် ရဲ့ ရည်ရွယ်ချက်အမှန်ကို သိလိုက်ရတော့ ဒိုင်ယွန်နီးစီးယပ်စ် ထိုင်ပြီး သေမယ့်နေ့ စောင့်မနေနိုင်တော့ဘူး။ စစ်ကူ ဘယ်တော့ ရောက်မလဲ ဂရုမစိုက်တော့ဘဲ ကြိုတင် ပြင်ဆင်ရတော့မယ်။</p> <p>​. . . . . . . . . . . . .</p> <p>​နောက်တစ်နေ့မှာ အန်တိုနီးယော့စ် က စစ္စလီ ဆိုင်ရာ သီအိုနီယာ ထောက်လှမ်းရေး ခေါင်းဆောင် အန်ထရာပိုလစ် လွှတ်လိုက်တဲ့ လူနဲ့ တွေ့တယ်။ သူက အန်ထရာပိုလစ် ရဲ့ အကြံပြုချက်ကို ယူလာပေးတာ။ မီဂါလော့စ် ကို မျှားစာ အဖြစ် သုံးပြီး ဆီရာကျု နဲ့ မဟာမိတ်တွေကို လာတိုက်ခိုင်းဖို့၊ ဒါမှ ကာတာနီးယား၊ လီယွန်တီနွိုင်း  နဲ့ ဆီရာကျု မြို့ပြနိုင်ငံတွေရဲ့ ခံစစ် အားနည်းသွားပြီး ဒိုင်ယွန်နီးစီးယပ်စ် အတိုက်အခံတွေ ပုန်ကန်ဖို့ အခွင့်အရေး ရလာမှာ။</p> <p>​စစ္စလီ အရှေ့ပိုင်း နဲ့ အလယ်ပိုင်း မြို့ကြီးတွေမှာ အန်ထရာပိုလစ် စီစဉ်ထားတာတွေကို အကြမ်းဖျင်း နားလည်သွားပြီး၊ နောင်တိုက်ခိုက်တဲ့အခါ အတားအဆီး လျော့နည်းသွားအောင် အန်တိုနီးယော့စ် သဘောတူလိုက်တယ်။</p> <p>​ရန်သူ့ တိုက်ခိုက်မှုကို စောင့်နေရင်း၊ အန်တိုနီးယော့စ် က ဖမ်းထားတဲ့ စီကူရီ သက်ကြီးရွယ်အိုတွေ၊ အမျိုးသမီးတွေနဲ့ ကလေးတွေကို ပြန်လွှတ်ပေးလိုက်တယ်။ ရိက္ခာ သက်သာအောင်ရော၊ စီကူရီ ပြည်သူတွေဆီ သတင်းစကား ပါးချင်လို့ရောပေါ့။</p> <p>​'သီအိုနီယာ တွေ စစ္စလီ လာတာ မက်ဂနာ ဂရိ ကို ကျူးကျော်တဲ့ ဆီရာကျု တွေကို လက်စားချေဖို့ သက်သက်ပါ။ ဘယ်မြို့ပြနိုင်ငံ နယ်မြေကိုမှ သိမ်းပိုက်ဖို့၊ ရန်သူလုပ်ဖို့ ဆန္ဒ မရှိပါဘူး။ အဲဒီအစား စစ္စလီ မြို့ပြနိုင်ငံတွေနဲ့ ပူးပေါင်းပြီး ဒိုင်ယွန်နီးစီးယပ်စ် ရဲ့ အာဏာရှင် စနစ်ကို ဖြုတ်ချချင်ပါတယ်' ဆိုတဲ့ သတင်းစကားပေါ့။</p> <p>​မြောက်ဘက် တော်ရိုမီနီယမ် ဆီလည်း နက်ဆော့စ် သား တစ်ယောက် လွှတ်ပြီး အလားတူ သတင်းစကား ပါးခိုင်းတယ်။ ဒါပေမဲ့ သံတမန် ပြန်မလာဘူး။ ဒီ ကမ်ပန်းနီးယန်းကြေးစားတွေက သီအိုနီယာ ကို ရန်လိုနေတယ် ဆိုတာ ပြနေတယ်။ ကံကောင်းတာက အယ်လ်ကန်တာရာ ချောက်ကမ်းပါး အတိုင်း အရှေ့ဘက် ရွှေ့ပြောင်းလာတဲ့ ပြည်နှင်ဒဏ်သင့်သူတွေကို တောင်ပေါ်က ဆင်းပြီး မတိုက်ခိုက်ကြဘူး။</p> <p>​ပြည်နှင်ဒဏ်သင့်သူတွေ မီဂါလော့စ် ထဲ ဝင်လာတော့ ပထမ လီဂျင်တပ်မ တပ်သားတွေ နွေးထွေးစွာ ကြိုဆိုကြတယ်။ အန်တိုနီးယော့စ် ဆီမှာ တပ်သား အင်အား လုံလောက်လာတယ်။ လာဒီရှန် (Ladician) နဲ့ လာစီပါရာတော့စ် (Lasiperatus) ကို လူသစ်တွေ နေရာချထားခိုင်းပြီး၊ လူငယ်၊ လူလတ်ပိုင်းတွေကို သားရေဒိုင်း နဲ့ လှံတွေ ထုတ်ပေးလိုက်တယ်။ ၂ ရက် အတွင်း အန်တိုနီးယော့စ် ဆီမှာ အရန်တပ်သား ၂,၀၀၀ နီးပါး တိုးလာတယ်။</p> <p>​မွန်းလွဲပိုင်းမှာ အန်တိုနီးယော့စ် တပ်အင်အား တိုးလာလို့ ပျော်နေတုန်း ကင်းထောက်တွေဆီက သတင်းရတယ်။ 'ခြေထောက် ၃ ချောင်း ပါတဲ့ အလံ လွှင့်ထူထားတဲ့ တပ်မတော်ကြီး စီကူရီ (Sikuri) ထဲ ဝင်ရောက်လာပြီ' တဲ့။</p> <p>​ဆီရာကျု တပ်မတော် ရောက်လာပြီ ဆိုတာ အန်တိုနီးယော့စ် သိလိုက်ပြီ။</p> <p>​မကြာခင် သူ့ မြင်းစီး ကင်းထောက်တွေ ဆီရာကျု မြင်းတပ် မောင်းထုတ်တာ ခံရပြီး အယ်လ်ကန်တာရာ မြစ် မြောက်ဘက်ကမ်းကို ပြန်ဆုတ်လာရတယ်။ တောင်ဘက်ကမ်းမှာ ရောင်စုံ အမောက်တပ် ဦးထုပ် ဆောင်းထားတဲ့ စစ်သေနာပတိတွေ ပေါ်လာတယ်။ အစောင့်တွေ ကာကွယ်မှုအောက်မှာ မီဂါလော့စ် ဘက် လက်ညှိုးထိုးပြပြီး အချိန်အတော်ကြာ ကြည့်ရှုပြီးမှ ပြန်သွားကြတယ်။</p> <p>​မိုးချုပ်နေပြီမို့ မနက်ဖြန် မီဂါလော့စ် မှာ တိုက်ပွဲကြီး ဖြစ်တော့မယ် ဆိုတာ အန်တိုနီးယော့စ် သိလိုက်တယ်။</p> <p>​ရင်ထဲက တင်းမာမှုကို လျှော့ချပြီး၊ လွန်ခဲ့တဲ့ ၂ ရက်က စီစဉ်ထားတာတွေထဲမှာ လိုအပ်ချက်၊ ပေါ့ဆမှု ရှိမရှိ သေချာ ပြန်စဉ်းစားလိုက်တယ်။</p> <p>​. . . . . . . . . . . . .</p> <p>​နောက်တစ်နေ့ ရာသီဥတု သာယာပြီး လေငြိမ်နေတယ်။ တိုက်ပွဲဝင်ဖို့ ကောင်းတဲ့ နေ့ပေါ့။ ဒါပေမဲ့ အန်တိုနီးယော့စ် အတွက် သတင်းကောင်း မဟုတ်ဘူး။ မိုးသည်းသည်းထန်ထန် ရွာပြီး မီဂါလော့စ် ကို တိုက်ရခက်အောင်၊ အယ်လ်ကန်တာရာ မြစ်ရေ မြင့်တက်ပြီး ဆီရာကျု တွေ မြစ်ကူးရ ခက်အောင် သူ မျှော်လင့်ခဲ့တာ။</p> <p>​မနက်ပိုင်း ရောက်တော့ ကင်းမျှော်စင်ပေါ်က ကင်းသမားတွေ တောင်ဘက်မှာ ဖုန်လုံးကြီးတွေ ထနေတာ မြင်လိုက်ရတယ်။</p> <p>​ဒါပေမဲ့ ရန်သူကို အရင်ဆုံး တွေ့တာ ဆိပ်ကမ်း ဖြစ်နေတယ်။ ဆီရာကျု ရေတပ် ဆိပ်ကမ်းနား ရောက်လာတာကိုး။</p> <p>​သတင်းရပေမယ့် အန်တိုနီးယော့စ် မျက်နှာ မပြောင်းလဲဘူး။ ဆီရာကျု တွေ ရေတပ်၊ ကုန်းတပ် ညှပ်တိုက်ပြီး ပထမ လီဂျင်တပ်မ ရဲ့ ထွက်ပေါက်ကို ပိတ်၊ စစ်ကူ လမ်းကြောင်း ဖြတ်၊ ဝိုင်းထားချင်မှန်း သူ သိတယ်။</p> <p>​"စစ်သင်္ဘော ဘယ်နှစင်း ပါလဲ!"</p> <p>​"အတိအကျ မသိပေမယ့် ကျွန်တော်တို့ ရေတပ်ထက် မနည်းဘူး ထင်တယ်!"</p> <p>​မီးပြတိုက်ပေါ်က ကင်းသမား ပြန်ဖြေတယ်။ ကုန်းတပ်နဲ့ မတူဘဲ ရေတပ်က ၆ ကီလိုမီတာလောက် နေရာယူထားနိုင်တော့ ကမ်းပေါ်က ကင်းမျှော်စင်နဲ့ အကုန် မမြင်ရဘူး။</p> <p>​အန်တိုနီးယော့စ် သိပါတယ်။ ဆက်ကလီးယန်း ကိုပဲ အားကိုးရတော့မယ်။</p> <p>​"ဆိပ်ကမ်းက လူတွေ၊ ကင်းလှည့်တွေ မြို့ထဲ အမြန် ပြန်လာခိုင်း!"</p> <p>​အန်တိုနီးယော့စ် အမိန့်ပေးလိုက်တယ်။ ဆိပ်ကမ်းက မီဂါလော့စ် မြို့ရိုး အပြင်ဘက်မှာ ရှိနေတာ။ ရန်သူ့ တပ်မတော်ကြီး လာနေချိန်မှာ မကာကွယ်နိုင်တဲ့ ဆိပ်ကမ်း အတွက် လူအင်အား မဖြုန်းတီးချင်ဘူး။ ကုန်းဘက်က ရန်သူကိုပဲ အာရုံစိုက်ရမယ်။ ဆီရာကျု ရေတပ် ကမ်းတက်ပြီး ဆိပ်ကမ်းကို မီးရှို့၊ ရိက္ခာတွေ ဖျက်ဆီးရင်တောင် သူ ဂရုမစိုက်နိုင်တော့ဘူး။</p> <p>​ဒါပေမဲ့ ဆီရာကျု ရေတပ်က ကမ်းမတက်သလို မီးလည်း မရှို့ဘူး။ လွန်ခဲ့တဲ့ ၂ ရက်က ဒီလမ်းကြောင်း ဖြတ်သွားတဲ့ ကုန်သည် သင်္ဘောတွေ သတင်းပေးထားတယ်။ 'သီအိုနီယာ ရေတပ်က မနက်တိုင်း ရက်ဂျီယမ် (Rhegium) က ထွက်လာပြီး မီဂါလော့စ် ဆိပ်ကမ်း ရောက်၊ မွန်းလွဲပိုင်း အထိ ကင်းလှည့်ပြီးမှ ရက်ဂျီယမ် ပြန်တယ်' တဲ့။ ဒါကြောင့် ဆီရာကျု ရေတပ်မှူးသာ မအဘူး ဆိုရင်၊ အခုအချိန် ဆိပ်ကမ်းထဲ ဝင်ပြီး ကျောက်ချထားတာက ရောက်လာမယ့် သီအိုနီယာ ရေတပ် အတွက် သင်္ဘောတိုက် လေ့ကျင့်ဖို့ ပစ်မှတ် ဖြစ်သွားစေရုံပဲ ရှိမယ်။</p> <p>​ဆီရာကျု ရေတပ်ဗိုလ်ချုပ်က ပါရိုနီးဆပ်စ် (Paronisus)။ ဆီရာကျု မှူးမတ် မျိုးရိုး ဖြစ်ပြီး ဒိုင်ယွန်နီးစီးယပ်စ် နန်းတက်ဖို့ ဟီရိုလစ် (Herolis) နဲ့ အတူ ကူညီပေးခဲ့တဲ့ သူငယ်ချင်း တစ်ယောက်။ သင်္ဘော ကွပ်ကဲမှုမှာ အရည်အချင်း ရှိတယ်။ ကာသေ့ချ် (Carthage) နဲ့ တိုက်ပွဲမှာ လက်ပ်တီးနီးစ် (Leptines) ရှုံးတုန်းက ဆီရာကျုတွေ သူ့ကို ရေတပ်ဗိုလ်ချုပ် ခန့်ဖို့ တောင်းဆိုခဲ့ကြဖူးတယ်။</p> <p>​ဒါပေမဲ့ မက်ဂနာ ဂရိ ကို ကျူးကျော်တုန်းက ဒိုင်ယွန်နီးစီးယပ်စ် က သူ့ညီကိုပဲ ရေတပ်ဗိုလ်ချုပ် ခန့်လိုက်တယ်။ ပါရိုနီးဆပ်စ် မကျေနပ်ပေမယ့်၊ သီအိုနီယာ ရေတပ် အားနည်းမှန်း သိကြလို့ အလွယ်တကူ နိုင်မယ့် ပွဲမှာ ညီဖြစ်သူ နာမည်ကောင်း ရအောင် လုပ်ပေးတာပဲ လို့ တွေးခဲ့တယ်။</p> <p>​မထင်မှတ်ဘဲ ဆီရာကျု ရေတပ် အကြီးအကျယ် ရှုံးနိမ့်တဲ့ သတင်းတွေ ဆက်တိုက် ကြားရတော့ ပါရိုနီးဆပ်စ် လန့်ပြီး ဒေါသထွက်သွားတယ်။ ဒီတစ်ခါ ကမ်းတက်လာတဲ့ သီအိုနီယာ တွေကို ချေမှုန်းဖို့၊ သာမန် ပြည်သူတွေရဲ့ မကျေနပ်ချက်ကို ထည့်စဉ်းစားပြီး ဖီလစ်တပ်စ် က ပါရိုနီးဆပ်စ် ကို ရေတပ်ဗိုလ်ချုပ် ခန့်လိုက်တာ။ ရေတပ်သားတွေ ကြားမှာ သူ့သြဇာ ရှိလို့ တိုက်ခိုက်မှု ပိုချောမွေ့မယ် ထင်လို့။ ပါရိုနီးဆပ်စ် လည်း ဒိုင်ယွန်နီးစီးယပ်စ် ရွေးချယ်မှု မှားကြောင်း အောင်ပွဲကြီးနဲ့ သက်သေပြချင်နေတယ်။</p> <p>​လက်ရှိ ဆီရာကျု သင်္ဘောတွေ ဆိပ်ကမ်း အပြင်ဘက်မှာ ကျောက်ချပြီး၊ သင်္ဘောဦး မြောက်ဘက် လှည့်ကာ သီအိုနီယာ ရေတပ်ကို စောင့်နေကြတယ်။</p> <p>​. . . . . . . . . . . . .</p> <p>​သီအိုနီယာ ရေတပ် စစ္စလီ အရှေ့ဘက် ကမ်းရိုးတန်း အတိုင်း တောင်ဘက်ကို ဆင်းလာတယ်။</p> <p>​ရက်ဂျီယမ် ရေတပ်ကို စောင့်ရှောက်၊ မီဂါလော့စ် နား ကင်းလှည့် စတဲ့ အလုပ်တွေ နေ့တိုင်း လုပ်နေရလို့ ဆက်ကလီးယန်း ပျင်းနေပြီ။ သီအိုနီယာ တပ်မတော်က မက်ဂနာ ဂရိ ရန်သူတွေကို အကြီးအကျယ် တိုက်ခိုက် အောင်မြင်နေချိန်မှာ၊ သီအိုနီယာ သမဂ္ဂ အောင်ပွဲ အတွက် အုတ်မြစ်ချပေးခဲ့တဲ့ ရေတပ်က အရေးမပါတဲ့ အလုပ်တွေ လုပ်နေရလို့ အားမလိုအားမရ ဖြစ်နေတယ်။ စစ္စလီ စစ်ဆင်ရေးသာ အရေးမကြီးရင်၊ သူ ရက်ဂျီယမ် မှာ နေခဲ့ပြီး သူ့လူတွေကိုပဲ လွှတ်လိုက်မှာ။</p> <p>​ကုန်းပတ်ပေါ် ထိုင်ပြီး တောင်ဘက် ဆင်းကာ ဆီရာကျု ဆိပ်ကမ်းကြီးကို သွားကြည့်ရင် ကောင်းမလား စဉ်းစားနေတုန်း... ရွက်တိုင်ပေါ်က ကင်းသမား အော်ပြောလိုက်တယ်။</p> <p>​"ရှေ့မှာ ရေတပ်ကြီး တစ်ခု တွေ့တယ်! စစ်သင်္ဘောတွေ အများကြီးပဲ!"</p> <p>​ဒါ ကြားတာနဲ့ ဆက်ကလီးယန်း မတ်တပ်ရပ်လိုက်တယ်။</p> <p>​'ဒီပင်လယ်ပြင်မှာ ပေါ်လာနိုင်တဲ့ ရေတပ် ဆိုလို့ ဆီရာကျု ပဲ ရှိတယ်!'</p> <p>​ဆက်ကလီးယန်း စိတ်လှုပ်ရှားသွားတယ်။</p> <p>​"ဆီရာကျု ရေတပ် လာပြီ! ခရာမှုတ်! ကြိုဆိုလိုက်ကြစို့!!"</p> <p>​သင်္ဘော ကပ္ပတိန် တစ်ယောက်က စိုးရိမ်တကြီး ပြောတယ်။</p> <p>​"ရေတပ်ဗိုလ်ချုပ်... ဆီရာကျုတွေ ပြင်ဆင်လာပုံပဲ။ သူတို့ သင်္ဘောတွေ ကျွန်တော်တို့ထက် များနေမလား မသိဘူး။ ပြီးတော့ ကျွန်တော်တို့ သင်္ဘောတွေမှာ ကိုးဗပ်စ် မပါဘူး။ ယာယီ ရှောင်-"</p> <p>​"ပါးစပ်ပိတ်ထား!"</p> <p>​ဆက်ကလီးယန်း ဒေါသတကြီး အော်ငေါက်လိုက်တယ်။</p> <p>​"ခင်ဗျား သူရဲဘောကြောင်မှန်း မသိခဲ့ဘူး! ကိုးဗပ်စ် မပါတာနဲ့ ရေတပ်တိုက်ပွဲ မတိုက်ရဲတော့ဘူးလား?! ရဲရင့်တဲ့ ရေတပ်သား ဖြစ်ဖို့ ထိုက်တန်သေးရဲ့လား?! အဲဒီလိုဆိုရင် လေးလံ လက်နက်ကိုင် ခြေလျင်တပ် သွားလုပ်တော့!</p> <p>​လွန်ခဲ့တဲ့ ဆယ်စုနှစ်တွေတုန်းက အားနည်းတဲ့ အေသင်  ရေတပ်က ပါရှား  တွေကို နိုင်ခဲ့တယ်။ အတွေ့အကြုံ မရှိတဲ့ စပါတာ ရေတပ်က အေသင် တွေကို နိုင်ခဲ့တယ်။ ဒီနေ့ ငါ ဆက်ကလီးယန်း က ခြေလျင်တပ်ကို အားမကိုးဘဲ ရိုးရာ ရေတပ်တိုက်နည်း သက်သက်နဲ့ ဆီရာကျု တွေကို အနိုင်တိုက်ပြမယ်!"</p> <p>​ဆက်ကလီးယန်း ရှေ့ကို မာနကြီးစွာ ကြည့်နေချိန်မှာ ကပ္ပတိန် ခေါင်းငုံ့ပြီး ရှက်သွားတယ်။</p> <p>​</p> <p> </p> <p style="text-align: center;">အပိုင်း (၅၄၂) ပြီးဆုံး</p> <p style="text-align: center;">***</p>


Save