Book List

<h2 style="text-align: center;">​အပိုင်း (၅၄၈)</h2> <h2 style="text-align: center;">ပုန်ကန်မှု (၂)</h2> <h2 style="text-align: center;">*</h2> <p> </p> <p> </p> <p>​ဒိုင်ယွန်နီးစီးယပ်စ် ရဲ့ အစောပိုင်း ထောက်ခံသူ တစ်ယောက် အနေနဲ့၊ အောတီဂျီယာ ကျွန်းကို သူ့ရဲ့ "အခရိုပိုလစ် " အဖြစ် ပြောင်းပြီးနောက်၊ ဟီရိုလစ် ကို အဲဒီမှာ လာနေဖို့ ဖိတ်ခေါ်ခဲ့ဖူးတယ်။ ဒါပေမဲ့ ဟီရိုလစ် က ယဉ်ယဉ်ကျေးကျေးပဲ အကြိမ်ကြိမ် ငြင်းခဲ့တယ်။ အကြောင်းပြချက်က သူ့ဘိုးဘွားတွေ လက်ထက်ကတည်းက မျိုးဆက်ချီ ဒီနေရာမှာပဲ နေလာတာ၊ အသားကျနေပြီ။ ပြီးတော့ သူက အိပ်ပျော်ရခက်တတ်ပြီး အသံနည်းနည်းကြားတာနဲ့ နိုးတတ်တယ်။ အောတီဂျီယာ က ပင်လယ်လှိုင်းသံတွေက သူ့အတွက် ဆူညံလွန်းလို့ အဆင်မပြေဘူး ဆိုပြီး ငြင်းခဲ့တာ။</p> <p>​ဒိုင်ယွန်နီးစီးယပ်စ် ဆက်မပြောတော့ပေမယ့်၊ ဒီအချက်ကြောင့် ဟီရိုလစ် ကို မကျေမနပ် ဖြစ်ခဲ့တာ ဖြစ်နိုင်တယ်။</p> <p>​ဟီရိုလစ် အိမ်က မဝေးပါဘူး။ မြို့တော်ခန်းမ ကနေ ရင်ပြင် အနောက်ဘက် လမ်းအတိုင်း လျှောက်၊ ပြဇာတ်ရုံ လမ်းကြားကို ဖြတ်၊ အနောက်ဘက် မီတာ ၂၀၀ လောက် ဆက်သွားရင် သူဌေး ရပ်ကွက်ကို ကျော်ပြီး သာမန် အရပ်သား ရပ်ကွက်နဲ့ သူဌေး ရပ်ကွက် ကြား လမ်းဆုံနားမှာ သူ့အိမ် ရှိတယ်။</p> <p>​ဖီလစ်တပ်စ်  ခြေလှမ်းကျဲကြီးနဲ့ လျှောက်လာတော့ ကိုယ်ရံတော်တွေက အလယ်မှာ ထားပြီး သေချာ ကာကွယ်ပေးကြတယ်။ ဒီကိုယ်ရံတော်တွေက ဆီရာကျု ပြည်သူတွေ မုန်းတီးတဲ့ ကြေးစားတပ်သားတွေမို့ ဒိုင်ယွန်နီးစီးယပ်စ် ကို သစ္စာရှိကြတယ်။</p> <p>​ကျွန်က တံခါးဖွင့်ပေးပြီး ဖီလစ်တပ်စ် ကို မြင်တော့ အလောတကြီး ကြိုဆိုတယ်။</p> <p>​"သခင်ကြီးက အိပ်ရာထဲမှာပါ"</p> <p>​"ဟီရိုလစ် ဒဏ်ရာ ပြင်းထန်လား"</p> <p>​ဖီလစ်တပ်စ် စိုးရိမ်တကြီး မေးလိုက်တယ်။</p> <p>​"ခေါင်းကို ရိုက်ခံရလို့ သွေးတွေ အများကြီး ထွက်ပါတယ်။ သမားတော် အခုလေးတင် လာကြည့်ပြီး အနားယူဖို့ ပြောသွားပါတယ်။ အို... ကြောက်စရာ ကောင်းလိုက်တာ! အဲဒီ လူယုတ်မာတွေ ငရဲကျပါစေ! သခင်ကြီး... သူတို့ကို ဖမ်းပေးပါ!..."</p> <p>​ဖီလစ်တပ်စ် ကျွန်တစ်ယောက်ရဲ့ တောင်းဆိုမှုကို ပြန်မပြောချင်လို့ မျက်မှောင်ကြုတ်ရုံပဲ ကြုတ်လိုက်တယ်။ ဒါပေမဲ့ ဟီရိုလစ် ဒဏ်ရာ ပြင်းထန်ပြီး ဘာမှ မလုပ်နိုင်တာက သူ့အတွက် သတင်းကောင်း မဟုတ်ဘူး။</p> <p>​အိမ်မကြီး ဧည့်ခန်းထဲ ရောက်တော့ ဖီလစ်တပ်စ် အပေါ်ထပ် တက်မလို့ လုပ်တုန်း၊ ကျွန်က သူ့ကို အားနာပါးနာ ကြည့်နေတယ်။ ပြီးတော့ သူ့နောက်ကို ကြည့်ပြီး ပြောလိုက်တယ်။</p> <p>​"သခင်ကြီး... ဟို..."</p> <p>​ဖီလစ်တပ်စ် အတွေးလွန်နေလို့ သတိမထားမိဘူး။ အခုမှ သတိရတယ်။ ဂရိ သာမန်လူ ဖြစ်ဖြစ်၊ မှူးမတ် ဖြစ်ဖြစ်၊ အိမ်မကြီး အပေါ်ထပ် ဆိုတာ အိမ်ထောင်ဦးစီး နဲ့ သူ့ဇနီးတွေရဲ့ အိပ်ခန်းတွေ ရှိတဲ့ နေရာ။ ပြင်ပလူတွေ တက်ခွင့် မရှိဘူး။ သူက ဟီရိုလစ် သူငယ်ချင်း အရင်းခေါက်ခေါက် ဖြစ်ပြီး၊ ဒီအိမ်ကို ဧည့်သည် အဖြစ် ခဏခဏ လာဖူးပေမယ့်၊ အပေါ်ထပ်ကို တစ်ခါမှ မတက်ဖူးဘူး။ ဒါပေမဲ့ ဒီနေ့က အခြေအနေ ထူးခြားတယ်လေ။</p> <p>​ဒါကို တွေးမိပြီး သူ့နောက်က ကိုယ်ရံတော်တွေကို လှည့်ပြောလိုက်တယ်။</p> <p>​"မင်းတို့ ဒီမှာ စောင့်နေ။ ငါပဲ တက်သွားမယ်"</p> <p>​ကိုယ်ရံတော်တွေ တွန့်ဆုတ်နေပေမယ့် သဘောတူလိုက်ကြတယ်။ သူတို့က ဂရိတွေ ဆိုတော့ ဒီထုံးစံကို နားလည်ကြတယ်။ ပြီးတော့ ဖီလစ်တပ်စ် နဲ့ ဒီအိမ်ကို ခဏခဏ လာဖူးပြီး ဘာပြဿနာမှ မရှိခဲ့ဖူးဘူးလေ။</p> <p>​ဖီလစ်တပ်စ် တစ်ယောက်တည်း အပေါ်ထပ် တက်သွားတော့ ကျွန်က မတားရဲတော့ဘူး။ တခြား ကျွန်တစ်ယောက်ကို ကိုယ်ရံတော် ၂၀ ကို ဧည့်ခံခိုင်းပြီး၊ သူက ဖီလစ်တပ်စ် ကို လမ်းပြလိုက်တယ်။</p> <p>​. . . . . . . . . . . . .</p> <p>​ဖီလစ်တပ်စ် အခန်းထဲ တန်းဝင်သွားလို့ မဖြစ်ဘူး။ ဟီရိုလစ် ကို အမျိုးသမီးတွေ ပြုစုနေရင် အနေရခက်ကုန်မှာ။ သူ့အဆင့်အတန်းနဲ့ ဆိုရင် ဒီလောက် ရိုင်းစိုင်းလို့ မဖြစ်ဘူး။ ဒါကြောင့် ကျွန်ကို အရင် ဝင်ပြောခိုင်းလိုက်တယ်။</p> <p>​အိပ်ခန်းထဲက ပြန်ထွက်လာတော့ ကျွန်က ရိုသေစွာ ပြောတယ်။</p> <p>​"သခင်ကြီး... ဝင်သွားလို့ ရပါပြီ"</p> <p>​ဖီလစ်တပ်စ် တံခါးဝ ဖြတ်ကျော်လိုက်တာနဲ့၊ တံခါး ဘေးတစ်ဖက်တစ်ချက်မှာ မည်းမည်း အရိပ် နှစ်ခုကို မျက်လုံးထောင့်ကနေ မြင်လိုက်ရလို့ လန့်သွားတယ်။ သူ ဘာမှ မလုပ်နိုင်ခင်မှာပဲ၊ လက်မောင်း နှစ်ဖက်ကို အတင်း ဖမ်းချုပ်တာ ခံလိုက်ရတယ်။</p> <p>​လန့်ပြီး အော်မလို့ လုပ်တုန်း၊ ပါးစပ်ထဲ လီနင် (Linen) အ၀တ်စ လုံးပြီး ထည့်ခံလိုက်ရတယ်။ ပြီးတော့ ကြမ်းပြင်ပေါ် ဖိချခံရပြီး လက်ပြန်ကြိုးတုပ်ခံလိုက်ရတယ်။ သူ လုပ်နိုင်တာ ဆိုလို့ ရှေ့က ကုတင်ကြီးကို စိုက်ကြည့်နေရုံပဲ ရှိတော့တယ်။</p> <p>​ကုတင်ပေါ်မှာ လဲနေတဲ့ ဟီရိုလစ် ထထိုင်လိုက်တယ်။ ဒီလောက် လျင်လျင်မြန်မြန် လှုပ်ရှားနိုင်တာကို ကြည့်ရင် ဒဏ်ရာ မရထားဘူး ဆိုတာ သေချာတယ်။ တကယ်တော့ ခေါင်းမှာ ပတ်တီး မရှိသလို သွေးစက် တစ်စက်တောင် မရှိဘူး။</p> <p>​ဖီလစ်တပ်စ် အရူးလုပ်ခံလိုက်ရမှန်း သိလိုက်ပြီ။</p> <p>​ရှုပ်ထွေးတဲ့ မျက်နှာထားနဲ့ ကြည့်နေတဲ့ ဖီလစ်တပ်စ် ကို ဟီရိုလစ် လေးလေးနက်နက် ပြောလိုက်တယ်။</p> <p>​"ဖီလစ်တပ်စ်... တောင်းပန်ပါတယ်။ ဆီရာကျု (Syracuse) အတွက် ခင်ဗျားကို ခဏ ထိန်းသိမ်းထားမှ ဖြစ်မယ်!"</p> <p>​ဖီလစ်တပ်စ် သူ့ကို ဒေါသတကြီး စိုက်ကြည့်နေတယ်။ ဒါပေမဲ့ ပါးစပ် ပိတ်ခံထားရလို့ "အွန်း... အွန်း" အသံပဲ ထွက်လာတယ်။</p> <p>​"သူ့ကို ထူပေးလိုက်"</p> <p>​ဟီရိုလစ် လက်ပြလိုက်တယ်။</p> <p>​လူနှစ်ယောက် ဖီလစ်တပ်စ် ကို ဆွဲထူပြီး သစ်သား ကုလားထိုင်ပေါ် ထိုင်ခိုင်းလိုက်တယ်။</p> <p>​ရုတ်တရက် အောက်ထပ်က တိုက်ခိုက်သံတွေ ကြားလိုက်ရတယ်။ ရုန်းကန်နေတဲ့ ဖီလစ်တပ်စ် ချက်ချင်း ငြိမ်ကျသွားပြီး တံခါးဘက် ခေါင်းစောင်းကာ နားစွင့်လိုက်တယ်။</p> <p>​သူ့အတွေးကို ရိပ်မိတဲ့ ဟီရိုလစ် မဲ့ပြုံး ပြုံးလိုက်တယ်။</p> <p>​"ဟို ကြေးစားတွေကို မျှော်လင့်မနေနဲ့။ ခင်ဗျားကို ဖမ်းမယ် လို့ ဆုံးဖြတ်ပြီးမှတော့၊ ဒိုင်ယွန်နီးစီးယပ်စ် ခွေးတွေကို ဘယ်မေ့မလဲ? သူတို့ ဘယ်လောက်ပဲ တော်တော်၊ ဒီမှာ စစ်သည် ရာချီ စောင့်နေတယ်။ ငါ့အိမ်ထဲ ဝင်လာကတည်းက သံလှောင်အိမ်ထဲ ဝင်လာတဲ့ ကြွက်တွေ ဖြစ်သွားပြီ!!"</p> <p>​ဟီရိုလစ် ပြောလိုက်တော့ ဖီလစ်တပ်စ် နှာခေါင်းရှုံ့လိုက်တယ်။</p> <p>​"ခင်ဗျား မယုံဘူးပေါ့။ ဟစ်ပါရီးနပ်စ် (Hipparinus) မျက်စိဒေါက်ထောက် ကြည့်နေတဲ့ ကြားက ငါ့အိမ်ထဲ ဘယ်လိုလုပ် စစ်သည် အများကြီး ရောက်နေမလဲ လို့ တွေးနေတာလား?!"</p> <p>​ဟီရိုလစ် ဂုဏ်ယူစွာ ပြောလိုက်တယ်။</p> <p>​"မနေ့မနက်က ခင်ဗျားဆီ ခွင့်တောင်းခဲ့တာ မေ့သွားပြီလား? မြို့ထဲက မှူးမတ် မိသားစုတွေ ဒုတိယ အကြိမ် ပင်လယ်ရပ်ခြား စစ်ဆင်ရေးမှာ ပါဝင်လာအောင် စည်းရုံးဖို့လေ။ ခင်ဗျား ဝမ်းသာအားရ ခွင့်ပြုခဲ့တာလေ။ ငါ သူတို့ဆီ သွားတာ ဖြစ်ဖြစ်၊ သူတို့ကို အိမ်ဖိတ်တာ ဖြစ်ဖြစ်၊ အားလုံး မြင်းရထားတွေနဲ့ လာကြ၊ သွားကြတာ။ မြင်းရထား တစ်စီးမှာ လူတစ်ယောက်တည်း ပါတာ မဟုတ်ဘူးလေ..."</p> <p>​ဒါကြားတော့ ဖီလစ်တပ်စ် မျက်လုံးထဲက မျှော်လင့်ချက်တွေ မှေးမှိန်သွားတယ်။ ပြီးတော့ မျက်လုံး ပြူးကျယ်ပြီး ကုတင်ပေါ်က သူငယ်ချင်းဟောင်း၊ သူ ယုံကြည်ခဲ့ဖူးသူကို စိုက်ကြည့်နေတယ်။</p> <p>​သူ့မျက်လုံးထဲက ခံစားချက်ကို နားလည်တဲ့ ဟီရိုလစ် လေးလေးနက်နက် ပြောလိုက်တယ်။</p> <p>​"ဖီလစ်တပ်စ်... ခင်ဗျား လုပ်တဲ့ စားပွဲဝိုင်းမှာ ခင်ဗျား ဂုဏ်ယူစွာ ပြောခဲ့တာကို ငါ မှတ်မိနေတုန်းပဲ။ 'ဒိုင်ယွန်နီးစီးယပ်စ် လက်ထက်မှာ ဆီရာကျု က ဘယ်တုန်းကနဲ့မှ မတူအောင် သန်မာလာမယ်။ ဘယ် မြို့ပြနိုင်ငံ၊ ဘယ် အင်အားစုမှ ငါတို့ကို မထိရဲတော့ဘူး။ နိုင်ငံသားတွေ အတွက် ဂုဏ်သိက္ခာတွေ၊ ကြွယ်ဝမှုတွေ ယူဆောင်ပေးမယ့် အင်အားအကြီးဆုံး မြို့ပြနိုင်ငံ ဖြစ်လာမယ်! ငါတို့ လုပ်ရမှာက ဒီရည်မှန်းချက် ပြည့်မီဖို့ ဒိုင်ယွန်နီးစီးယပ်စ် ကို ကူညီဖို့ပဲ!...' အဲဒီတုန်းက ငါ ခင်ဗျား စကားကို ထောက်ခံခဲ့တယ်။ အခုတော့ ငါ တကယ် တွေးနေတာကို ပြောပြမယ်-"</p> <p>​ဟီရိုလစ် သူ့ဘက် လှည့်ပြီး တည်ငြိမ် လေးနက်စွာ ပြောတယ်။</p> <p>​"ခင်ဗျားလိုပဲ ငါလည်း ကာသေ့ချ် (Carthaginians) ကျူးကျော်မှု ကြုံနေရချိန်၊ နိုင်ငံရေး ရှုပ်ထွေးနေချိန်မှာ ဒိုင်ယွန်နီးစီးယပ်စ် ကို ထောက်ခံခဲ့တယ်။ သူကပဲ စိတ်ဓာတ်တွေ မြှင့်တင်နိုင်၊ နိုင်ငံသားတွေ စည်းလုံးစေနိုင်၊ ကာသေ့ချ် တွေကို မောင်းထုတ်နိုင်ပြီး နိုင်ငံရေး တည်ငြိမ်အောင် လုပ်နိုင်ခဲ့တာကိုး။ ဒါကြောင့် သူ့ကို အာဏာရှင် (Supreme commander) အဖြစ် အပြည့်အဝ ထောက်ခံခဲ့ကြတာ! ဒီနှစ်တွေ အတွင်း သူက ဆီရာကျု နယ်မြေတွေ ချဲ့ထွင်၊ ကာသေ့ချ် တွေကို အပစ်အခတ် ရပ်စဲအောင် လုပ်၊ စစ္စလီ (Sicily) ဂရိ မြို့တွေကို ကာသေ့ချ် ရန်က လွတ်မြောက်စေပြီး ဆီရာကျု ကို စစ္စလီ အရှင်သခင် ဖြစ်အောင် လုပ်ပေးခဲ့တယ်။ သူ့နာမည် ကြားရင် ဂရိတွေ တုန်လှုပ်ကြတယ်။ စပါတာ (Sparta) တောင် မာန လျှော့ပြီး ငါတို့နဲ့ မိတ်ဖွဲ့ ဆွေးနွေးလာရတယ်... ဒါတွေက ဆီရာကျု ရဲ့ ဂုဏ်ယူစရာတွေ၊ ခင်ဗျား အမြဲ မြင်ချင်ခဲ့တာတွေ ဆိုတာ ငါ သိတယ်။ ဒါကြောင့် ခင်ဗျား သူ့ကို အစွမ်းကုန် ကူညီခဲ့တာ!"</p> <p>​ဟီရိုလစ် သက်ပြင်းချပြီး အလေးအနက် ပြောလိုက်တယ်။</p> <p>​"ဒါပေမဲ့ ငါ မျှော်လင့်တာက ခင်ဗျား မျှော်လင့်တာနဲ့ မတူဘူး။ ငါ မြင်တာက ခင်ဗျား မြင်တာနဲ့ ကွာခြားနေတယ်!</p> <p>​ငါ့မျက်လုံးထဲမှာတော့... ဒိုင်ယွန်နီးစီးယပ်စ် က မြေတွေ၊ လူဦးရေတွေ၊ ကျွန်တွေ လိုချင်ရုံ သက်သက်နဲ့ မိတ်ဆွေရင်းချာ နက်ဆော့စ် (Naxos) နဲ့ ကာတာနီးယား (Catania) ကို ဖျက်ဆီးပစ်ခဲ့တယ်!</p> <p>​ငါ့မျက်လုံးထဲမှာတော့... ဒိုင်ယွန်နီးစီးယပ်စ် မှာ ကာသေ့ချ် တွေကို စစ္စလီ ကနေ အပြီးတိုင် မောင်းထုတ်နိုင်တဲ့ အင်အား ရှိရက်နဲ့၊ သူ့ထီးနန်း အတွက်ပဲ ကြည့်ပြီး အသာစီး ရနေပါလျက် အပစ်အခတ် ရပ်စဲခဲ့တယ်!</p> <p>​ငါ့မျက်လုံးထဲမှာတော့... ဒိုင်ယွန်နီးစီးယပ်စ် က ဒီမိုကရေစီ လိုလားတဲ့ ဆီရာကျု နိုင်ငံသားတွေကို 'သစ္စာဖောက်' ဆိုပြီး စွပ်စွဲ၊ နှိပ်စက်၊ သတ်ဖြတ်ခဲ့တယ်။ သူ့ကို ဆန့်ကျင်လို့ တဲ့။ မိသားစုတွေကိုတောင် မချန်ဘူး။ ဟာသ ပြောမိရုံနဲ့ ဖီလော့ဇီးနပ်စ် (Philoxenus) ကို ကျောက်တုံး ထောင်ထဲ ထည့်ခဲ့တယ်!</p> <p>​ငါ့မျက်လုံးထဲမှာတော့... ဆီရာကျု ပြည်သူတွေဟာ နှစ်တိုင်း တိုးလာတဲ့ စစ်ဆင်ရေး အခွန်တွေကြောင့် ဒုက္ခရောက်နေရတယ်။ ကြေးစားတွေ သောင်းကျန်းတာ၊ ဟစ်ပါရီးနပ်စ် ရဲ့ စောင့်ကြည့်တာတွေကြောင့် စကားပြောတာ၊ သွားလာတာက အစ အလွန် သတိထားနေရတယ်။ ဒါ့အပြင် အောတီဂျီယာ ကျွန်းပေါ်မှာ ဆယ်စုနှစ်၊ ရာစုနှစ်ချီ နေလာတဲ့ ပြည်သူတွေကို မောင်းထုတ်ပြီး ကျွန်းတစ်ကျွန်းလုံးကို သူ့နန်းတော် လုပ်ပစ်လိုက်တယ်!"</p> <p>​ဟီရိုလစ် ပြောရင်း ပိုစိတ်လှုပ်ရှားလာတယ်။ ဝမ်းနည်းမှု၊ ဒေါသတွေ မျက်နှာပေါ် ပြည့်နှက်လာတယ်။</p> <p>​"ဒိုင်ယွန်နီးစီးယပ်စ် က ဆီရာကျု ကို ကယ်တင်ချင်တဲ့ သူရဲကောင်း မဟုတ်တော့ဘူး။ သူ့အာဏာ တည်မြဲဖို့ ဆီရာကျု နဲ့ စစ္စလီ ဂရိတွေရဲ့ သွေးတွေနဲ့ လက်ဆေးထားတဲ့ မိစ္ဆာကောင် ဖြစ်နေပြီ! သူ့အာဏာရှင် စနစ်အောက်မှာ ဆီရာကျု က ငါတို့ကို ကြွယ်ဝစေပြီး လွတ်လပ်ခွင့် ပေးတဲ့ မိခင်ကြီး မဟုတ်တော့ဘူး။ သူ့ဆန္ဒ ပြည့်ဖို့ သုံးတဲ့ ကိရိယာ သက်သက် ဖြစ်သွားပြီ! သူ့လောဘ အတွက် ဆီရာကျု နိုင်ငံသား ၇၀,၀၀၀ ကျော်ကို အန္တရာယ်တွင်းထဲ တွန်းပို့ပြီး၊ ဆီရာကျု ကို ဘာရန်ငြိုးမှ မရှိတဲ့ မက်ဂနာ ဂရိ (Magna Graecia) ကို သွားတိုက်ခိုင်းတာ... ငါတို့ ပြည်သူ သောင်းချီရဲ့ အရိုးတွေ တိုင်းတစ်ပါးမှာ ကျန်ရစ်ခဲ့ရပြီ! ငါတို့သာ မလှုပ်ရှားရင်၊ ကြီးမြတ်တဲ့ ဆီရာကျု က ဒိုင်ယွန်နီးစီးယပ်စ် လက်ထဲမှာ ပျက်စီးသွားလိမ့်မယ်! သူ့ကို အာဏာရှင် နေရာ ပို့ပေးခဲ့တာ ငါပဲ။ ဒါကြောင့် ဒီနေ့ ငါ့ရဲ့ အကြီးမားဆုံး အမှားကို ပြန်ပြင်ဖို့ ငါ အစွမ်းကုန် ကြိုးစားရမယ်!"</p> <p>​နှစ်အတော်ကြာ ရင်ထဲ မျိုးသိပ်ထားတဲ့ စကားတွေ ပြောလိုက်ရတော့ ဟီရိုလစ် စိတ်သက်သာရာ ရသွားတယ်။ ပြတ်သားတဲ့ မျက်နှာထားနဲ့ မတ်တပ်ရပ်လိုက်တယ်။</p> <p>​ဖီလစ်တပ်စ် ခေါင်းကို အတင်း ခါရင်း "အွန်း... အွန်း" နဲ့ အသံတွေ ပြုနေတယ်။ မျက်လုံးတွေက စိုးရိမ်တကြီး စိုက်ကြည့်နေတယ်။</p> <p>​ဟီရိုလစ် သူ့ကို လျစ်လျူရှုပြီး နောက်က လူကို လှည့်ကြည့်လိုက်တယ်။</p> <p>​"အောက်ဆင်းပြီး ကြေးစားတွေ သေကုန်ပြီလား သွားကြည့်စမ်း!"</p> <p>​သူ ပြောလိုက်တာနဲ့ သူ့လူယုံ ကျွန် အပေါ်ထပ် ပြေးတက်လာပြီး ပြောတယ်။</p> <p>​"သခင်ကြီး... ကိုယ်ရံတော် အများစု သေကုန်ပါပြီ။ တချို့ပဲ ဝိုင်းထားတာကို ဖောက်ထွက်ပြီး အိမ်အပြင် ပြေးထွက်သွားကြတယ်!"</p> <p>​ဒါကြားတော့ ဖီလစ်တပ်စ် မျက်လုံးထဲ မျှော်လင့်ချက် ရောင်ခြည် သန်းလာတယ်။</p> <p>​ဒါပေမဲ့ ဟီရိုလစ် ပြောလိုက်တဲ့ စကားကြောင့် စိတ်ပျက်သွားပြန်တယ်။</p> <p>​"ကောင်းတယ်။ အားလုံး အစီအစဉ် အတိုင်း ဖြစ်နေပြီ"</p> <p> </p> <p> </p> <p style="text-align: center;">​အပိုင်း (၅၄၈) ပြီးဆုံး</p> <p style="text-align: center;">***</p>


Save