Book List

<h2 style="text-align: center;">​အပိုင်း (၅၄၉)</h2> <h2 style="text-align: center;">ပုန်ကန်မှု (၃)</h2> <h2 style="text-align: center;">*</h2> <p> </p> <p> </p> <p>​ဟီရိုလစ်  က ထက်မြက်တဲ့ ဓားတစ်ချောင်း ကောက်ကိုင်၊ ဝတ်ရုံကို လှန်တင်ပြီး လက်မောင်းနဲ့ ရင်ဘတ်ကို တုံ့ဆိုင်းမနေဘဲ မွှန်းလိုက်တာ မြင်တော့ ဖီလစ်တပ်စ်  လန့်ဖျပ်သွားတယ်။</p> <p>​ဟီရိုလစ် က ညည်းညူရင်း သူ့သွေးတွေကို ခန္ဓာကိုယ်နဲ့ မျက်နှာပေါ် သုတ်လိမ်းလိုက်တယ်။ ဖီလစ်တပ်စ် ကို ကြည့်လိုက်တဲ့ မျက်လုံးတွေက ပိုပြတ်သားလာတယ်။</p> <p>​ဖီလစ်တပ်စ် မသိစိတ်နဲ့ တုန်လှုပ်သွားတယ်။</p> <p>​"သူ့ကို စောင့်ကြည့်ထား။ ထွက်မပြေးစေနဲ့!"</p> <p>​"ဟုတ်ကဲ့ သခင်"</p> <p>​အမိန့်ပေးပြီးတာနဲ့ ဟီရိုလစ် အောက်ထပ်ကို ချက်ချင်း ဆင်းသွားတယ်။</p> <p>​ဒီအချိန်မှာ ဟီရိုလစ် ကျွန်တွေက ကြိုတင် စီစဉ်ထားတဲ့ အတိုင်း အိမ်နီးချင်းတွေနဲ့ လမ်းသွားလမ်းလာ နိုင်ငံသားတွေကို ရင်ပြင်သွားဖို့ လှုံ့ဆော်နေကြပြီ။</p> <p>​"ကြေးစားတပ်သားတွေက အရှင် ဟီရိုလစ် ကို တိုက်ခိုက်နေတယ်" ဆိုတဲ့ သတင်း ကြားတော့၊ လွန်ခဲ့တဲ့ နှစ်အနည်းငယ် အတွင်း ဟီရိုလစ် တည်ဆောက်ခဲ့တဲ့ ကြင်နာတတ်တဲ့ ပုံရိပ်ရယ်၊ ကြေးစားတပ်သားတွေကို မုန်းတီးမှုရယ် ပေါင်းစပ်ပြီး လူတိုင်းလိုလို ဟီရိုလစ် အိမ်ဆီ ပြေးလာကြတယ်။ ထွက်ပြေးမယ့် ကြေးစားတွေကို ပိတ်ဆို့လိုက်ကြတယ်။</p> <p>​ကြေးစားတပ်သားတွေကို မြင်တော့ ကျွန်တွေ ပြောတာ ယုံသွားကြပြီး၊ လူအုပ်ကြီးက ဝင်ရောက် ရိုက်နှက်ကြတော့ ကြေးစားတွေ သေကုန်ကြတယ်။</p> <p>​သွေးသံရဲရဲ ဖြစ်နေတဲ့ ဟီရိုလစ် သူတို့ဆီ ပြေးလာပြီး ကျေးဇူးတင်စွာ ပြောတယ်။</p> <p>​"ငါ့ရဲ့ အိမ်နီးချင်းကောင်းတွေ! ရဲရင့်တဲ့ ဆီရာကျုး နိုင်ငံသားတွေ! အချိန်မီ ရောက်လာပေးလို့ ကျေးဇူးတင်ပါတယ်။ မဟုတ်ရင် ဒိုင်ယွန်နီးစီးယပ်စ် အမြတ်တနိုး ထားတဲ့ ကြေးစားတွေ လက်ချက်နဲ့ ငါသေရတော့မှာ! ငါ့အသက်ကို ကယ်ပေးလို့ ကျေးဇူးတင်ပါတယ်"</p> <p>​သူ ဦးညွှတ်ပြီး ရိုးရိုးသားသား ကျေးဇူးတင်လိုက်တယ်။</p> <p>​ဒါပေမဲ့ "ဒိုင်ယွန်နီးစီးယပ်စ် အမြတ်တနိုး ထားတဲ့ ကြေးစားတွေ" ဆိုတာ ကြားတော့ အားလုံး မျက်နှာပျက်သွားကြတယ်။ ဒိုင်ယွန်နီးစီးယပ်စ် က သူ့အာဏာ တည်မြဲဖို့ ကြေးစားတွေကို ငှားထားတာ။ ဒါပေမဲ့ မြို့ထဲမှာ ပဋိပက္ခတွေ ခဏခဏ ဖြစ်တယ်။ ဒါကြောင့် ဒိုင်ယွန်နီးစီးယပ်စ် က အမိန့်ထုတ်ထားတယ်။ "မြို့တော် ငြိမ်ဝပ်ပိပြားရေး ထိန်းသိမ်းနေတဲ့ ကြေးစားတွေကို ရန်စတဲ့ ဆီရာကျု နိုင်ငံသား ဘယ်သူမဆို ဥပဒေ အရ ပြင်းပြင်းထန်ထန် အပြစ်ပေးမယ်" တဲ့။ အခု သူတို့က ရန်စရုံတင် မကဘူး၊ သတ်တောင် သတ်ပစ်လိုက်ပြီ...</p> <p>​သူတို့ မျက်နှာပေါ်က ကြောက်ရွံ့မှုကို မြင်တော့ ဟီရိုလစ် ချက်ချင်း အော်ပြောလိုက်တယ်။</p> <p>​"ဖီလစ်တပ်စ် က ကြေးစားတွေ လွှတ်ပြီး ငါ့ကို ဘာလို့ သတ်ခိုင်းတာလဲ သိလား?! မနေ့က မက်ဂနာ ဂရိ  ကနေ မြို့တော်ခန်းမဆီ သတင်းရောက်လာတယ်။ 'သီအိုနီယာ က ငြိမ်းချမ်းရေး ဆွေးနွေးချင်တယ်' တဲ့။ ဒါပေမဲ့ ဒိုင်ယွန်နီးစီးယပ်စ် နဲ့ ဖီလစ်တပ်စ် က ငြင်းချင်နေကြတယ်။ ငြိမ်းချမ်းရေး ယူမယ့်အစား တပ်သားတွေ ထပ်စုပြီး မက်ဂနာ ဂရိ ကို ပို့ကာ ဂရိ အချင်းချင်း ဆက်တိုက်ခိုင်းချင်နေကြတယ်။ ငါက ပြင်းပြင်းထန်ထန် ကန့်ကွက်ပြီး၊ ဒီနေ့ ရင်ပြင်မှာ စုဝေးမယ့် နိုင်ငံသား အားလုံးကို အမှန်အတိုင်း ပြောပြမယ် လို့ ဆုံးဖြတ်လိုက်တယ်။ ငါ့အစီအစဉ်ကို သိလို့ ဖီလစ်တပ်စ် က ကြေးစားတွေ လွှတ်ပြီး ငါ့ကို ဖမ်းခိုင်းတာ။ သတ်တောင် သတ်ချင်နေတာ!!"</p> <p>​ပြောပြီးတာနဲ့ ဟီရိုလစ် အသံမြှင့်ပြီး အော်လိုက်တယ်။</p> <p>​"ဆီရာကျု နိုင်ငံသားတို့... ခင်ဗျားတို့ အရင် မက်ဂနာ ဂရိ ကို အပို့ခံရပြီး အိမ်ပြန်မလာနိုင်တဲ့ ရဲဘော်တွေလို တိုင်းတစ်ပါးမှာ သောင်တင်ချင်နေကြတာလား! စစ်ဆင်ရေး အခွန်တွေ အကြီးအကျယ် ပေးရပြီး၊ မပေးနိုင်ရင် သားမယားတွေနဲ့ အတူ ပြည်နှင်ဒဏ် ပေးခံရတာမျိုး လိုချင်ကြတာလား?! ကိုယ့်မြို့ထဲမှာ နေပြီး နိုင်ငံခြားသား တစ်ယောက်လို သတိထား နေထိုင်ရင်း၊ ဟို နိုင်ငံခြားသား ကြေးစားတွေရဲ့ မောက်မာတဲ့ မျက်နှာတွေကို ကြည့်ချင်နေကြတုန်းလား!...</p> <p>​နိုင်ငံသားတို့... ဒါက အေသင် တပ်မတော်ကြီးကို အနိုင်တိုက်၊ ကာသေ့ချ်တွေကို မောင်းထုတ်ဖို့ အသက်ပေါင်းများစွာ ပေးဆပ်ပြီး ငါတို့ တည်ဆောက်ခဲ့တဲ့ ဆီရာကျု လား"</p> <p>​ဟီရိုလစ် ရဲ့ လေးနက်ပြီး ပြင်းပြတဲ့ စကားတွေက ရှိနေသူ အားလုံးရဲ့ ရင်ကို ထိမှန်သွားတယ်။ ရင်ဘတ်ပေါ် ဓားတစ်ချောင်း ချိတ်ဆွဲခံထားရသလို ခက်ခဲတဲ့ ဘဝအခြေအနေကို ဖော်ထုတ်လိုက်သလို ဖြစ်သွားပြီး ပြင်းထန်တဲ့ တုံ့ပြန်မှုတွေ ထွက်ပေါ်လာတယ်။</p> <p>​"မဟုတ်ဘူး! ဒါ ငါတို့ ဆီရာကျု မဟုတ်ဘူး!!"</p> <p>​"စစ်ဆင်ရေး အခွန်တွေ မလိုချင်ဘူး!"</p> <p>​"စစ်ပွဲ မလိုချင်ဘူး!"</p> <p>​"ကြေးစားတွေကို မောင်းထုတ်!!"</p> <p>​. . . . . . . . . . . . .</p> <p>​လူအုပ်ကြီး စိတ်လှုပ်ရှားနေတုန်း တစ်ယောက်က အော်လိုက်တယ်။</p> <p>​"ဒိုင်ယွန်နီးစီးယပ်စ် ကို ဖြုတ်ချ!!"</p> <p>​ရုတ်တရက် တိတ်ဆိတ်သွားကြတယ်။ ပြီးခဲ့တဲ့ နှစ်တွေ အတွင်း ဆီရာကျု နိုင်ငံသားတွေ ဒိုင်ယွန်နီးစီးယပ်စ် ကို ၂ ကြိမ် ပုန်ကန်ခဲ့ပေမယ့် ရှုံးနိမ့်ခဲ့တယ်။ ပုန်ကန်မှု ပြီးတိုင်း ဒိုင်ယွန်နီးစီးယပ်စ် က သွေးထွက်သံယို သတ်ဖြတ်လေ့ရှိလို့ ဆီရာကျုတွေ သူ့ကို အရမ်း ကြောက်ကြတယ်။</p> <p>​ဟီရိုလစ် အခွင့်ကောင်း ယူပြီး အော်ပြောလိုက်တယ်။</p> <p>​"နိုင်ငံသားတို့... ဘာကြောက်နေကြတာလဲ?! ဒိုင်ယွန်နီးစီးယပ်စ် က ကြောက်စရာ ကောင်းတာ မှန်ပါတယ်။ ဒါပေမဲ့ အခု သူက မက်ဂနာ ဂရိ မှာ ရောက်နေတာ။ သူ အားကိုးတဲ့ ကြေးစားတွေနဲ့ အတူ စကိုင်လက်တီယမ် မှာ သီအိုနီယာ ဝိုင်းထားတာ ခံနေရတယ်။ ပြီးတော့ ငါတို့ ရေတပ်က အကြီးအကျယ် ရှုံးနိမ့်ထားလို့ သီအိုနီယာ ရေတပ်ရဲ့ ခြိမ်းခြောက်မှုအောက်မှာ ဒိုင်ယွန်နီးစီးယပ်စ် ကို ဘေးကင်းကင်း သွားကယ်ဖို့ မဖြစ်နိုင်ဘူး! ဒါ့အပြင် မားစီးယပ်စ် က သူ ချန်ထားခဲ့တဲ့ ကြေးစားတွေနဲ့ အိမ်နီးချင်း မြို့တွေက တပ်တွေကို ခေါ်သွားပြီ! အခု မြို့ထဲမှာ အောတီဂျီယာ (Ortygia) ကျွန်း စောင့်နေတဲ့ ကြေးစား ၂,၀၀၀၊ တောင်ဘက် တံခါးနားက ကြေးစား ၁,၀၀၀ နဲ့ ဟစ်ပါရီးနပ်စ် ရဲ့ ယုတ်မာတဲ့ သတင်းပေးတွေကလွဲရင် တခြား တပ် မရှိတော့ဘူး! ငါတို့ဘက်မှာကျတော့-"</p> <p>​ဟီရိုလစ် သူ့အိမ်တံခါးဝက လူအုပ်ကြီးကို လက်ညှိုးထိုးပြလိုက်တယ်။</p> <p>​"ရင်ပြင်မှာ စုဝေးနေတဲ့ ရဲရင့်တဲ့ နိုင်ငံသား သောင်းချီ ရှိတယ်။ ဒိုင်ယွန်နီးစီးယပ်စ် ရဲ့ အာဏာရှင် စနစ်ကို မကျေနပ်တဲ့ ဆိပ်ကမ်းက ပြည်သူတွေ အများကြီး ရှိတယ်! ကြေးစားတွေ ငါတို့ကို မတားနိုင်ဘူး! ဖီလစ်တပ်စ်၊ ဟစ်ပါရီးနပ်စ် တို့လို ဒိုင်ယွန်နီးစီးယပ်စ် လက်ပါးစေတွေ ငါတို့ကို မတားနိုင်ဘူး! ဒီတစ်ကြိမ်တော့ ဆီရာကျု ရဲ့ လွတ်လပ်မှုကို ငါတို့ ပြန်ယူမယ်!!!"</p> <p>​ဟီရိုလစ် အိမ်နားက လူတွေ စိတ်ဓာတ် တက်ကြွလာပြီး အော်ဟစ်ကြတယ်။</p> <p>​"ဒိုင်ယွန်နီးစီးယပ်စ် ကို ဖြုတ်ချ! ဆီရာကျု လွတ်လပ်ပါစေ!..."</p> <p>​ရင်ပြင်ကို သွားတဲ့ လမ်းတစ်လျှောက်မှာ သံချပ်ကာ ဝတ်၊ ဒိုင်းနဲ့ လှံ ထမ်းထားတဲ့ နိုင်ငံသားတွေ ပူးပေါင်းလာကြတယ်။ ဖီလော့ဇီးနပ်စ် (Philoxenus) လို ထင်ရှားကျော်ကြားသူတွေ၊ မှူးမတ်တွေက သူတို့ရဲ့ လက်နက်အပြည့်အစုံ တပ်ဆင်ထားတဲ့ ဆွေမျိုးသားချင်းတွေနဲ့ အတူ အင်အား ဖြည့်တင်းပေးကြတယ်။ ရင်ပြင် ရောက်တဲ့ အချိန်မှာ ဟီရိုလစ် ဦးဆောင်တဲ့ လူအုပ်ကြီးက ၁,၀၀၀ နီးပါး ဖြစ်နေပြီ။</p> <p>​လူသား ဆိုတာ အများ လိုက်ရင် လိုက်တတ်တဲ့ သတ္တဝါတွေ။ အထူးသဖြင့် အခွန်တွေ၊ စစ်ပွဲတွေနဲ့ ပိနေတဲ့ နိုင်ငံသားတွေ အတွက်ပေါ့။ ဟီရိုလစ် စင်မြင့်ပေါ် တက်ပြီး မိန့်ခွန်း ပြောလိုက်တော့၊ အောက်က လူထောင်ပေါင်းများစွာ က အားပေးကြတယ်။ စစ်တိုက်ဖို့ လာစုဝေးတဲ့ နိုင်ငံသားတွေလည်း ပုန်ကန်သူတွေနဲ့ ပူးပေါင်းကုန်ကြတယ်။ စည်းကမ်း ထိန်းသိမ်းရမယ့် ကင်းလှည့်တပ် အများစုလည်း ဘက်ပြောင်းကုန်ကြတယ်။</p> <p>​အခြေအနေ မကောင်းမှန်း မြင်တော့ ရင်ပြင်မှာ စောင့်ကြည့်နေတဲ့ ကြေးစား ဒါဇင်ပေါင်းများစွာ အမြန် ထွက်ပြေးကြတယ်။</p> <p>​ဟီရိုလစ် နဲ့ သူ့လုပ်ဖော်ကိုင်ဖက်တွေက အရင် ပုန်ကန်မှု ၂ ကြိမ် ဘာလို့ ရှုံးလဲ ဆိုတာ သေချာ သုံးသပ်ထားတယ်။ စပါတာ (Spartans) တွေ နှောင့်ယှက်တာ အပြင်၊ တိကျတဲ့ အစီအစဉ် မရှိတာ၊ နိုင်ငံသားတွေ ဦးတည်ချက် မရှိတာ၊ အဓိကရုဏ်း အတွင်း သဘောထား ကွဲလွဲတာတွေကြောင့်ပဲ။ ဒါကြောင့် ဒီတစ်ခါ သင်ခန်းစာ ယူပြီး အသေးစိတ် အစီအစဉ် ဆွဲထားတယ်။</p> <p>​ရင်ပြင်က တပ်သား ၁၀,၀၀၀ နီးပါးရဲ့ ထောက်ခံမှု ရတော့၊ ဟီရိုလစ် က လူ ၂,၀၀၀ ကို မြို့တော်ခန်းမ သိမ်းဖို့ ချက်ချင်း လွှတ်လိုက်တယ်။</p> <p>​မူလက မြို့တော်ခန်းမ အပြင်ဘက်မှာ ကြေးစား ၂၀၀ ရှိပေမယ့်၊ တချို့က ဟီရိုလစ် အိမ်မှာ သေ၊ တချို့က ရင်ပြင်ကို လွှတ်လိုက်ပြီး ပြန်မလာနိုင်တော့၊ အစောင့် ၁၀၀ လောက်ပဲ ကျန်တော့တယ်။ လူ ၂,၀၀၀ ရဲ့ တိုက်ခိုက်မှုကို သူတို့ ဘယ်ခံနိုင်မလဲ။</p> <p>​တပ်သားတွေက အလွယ်တကူ ချေမှုန်းပြီး တစ်ယောက်ပြီး တစ်ယောက် သတ်ဖြတ်ကာ မြို့တော်ခန်းမကို စီးနင်းလိုက်ကြတယ်။ ကျန်ရှိနေတဲ့ အရာရှိ အားလုံးကို ဖမ်းဆီးလိုက်တယ်။ ဒိုင်ယွန်နီးစီးယပ်စ် ကို ကူညီခဲ့တဲ့ အရာရှိတွေကို နိုင်ငံသားတွေ မုန်းတီးလို့ အများစု အသတ်ခံရ ဒါမှမဟုတ် သေလုမြောပါး အရိုက်ခံရတယ်။</p> <p>​ဟီရိုလစ် က တပ်သား ၈,၀၀၀ ကျော် ဦးဆောင်ပြီး အနောက်ဘက် မြို့တံခါးမှာ ရှိတဲ့ ကြေးစားတွေကို သွားတိုက်ဖို့ လုပ်နေချိန်မှာ၊ ကြေးစား ၁,၀၀၀ က မြို့တံခါးဆီ ထွက်ပြေးလာတဲ့ သူလျှိုတွေ၊ အစောင့်တွေဆီကနေ မြို့တွင်း အဓိကရုဏ်း သတင်း ကြားလိုက်တယ်။ ဒီကြေးစား ၁,၀၀၀ ရဲ့ တာဝန်က ပြင်ပ ရန်သူကို ကာကွယ်ဖို့ မဟုတ်ဘူး။ မြို့တွင်း ပုန်ကန်မှုတွေကို နှိမ်နင်းပြီး ဒိုင်ယွန်နီးစီးယပ်စ် အာဏာ တည်မြဲအောင် လုပ်ဖို့။ ဒါကြောင့် မားစီးယပ်စ် က ကြေးစား အများစု ခေါ်ပြီး မီဂါလော့စ် (Megalos) သွားတိုက်နေပေမယ့်၊ ကျန်တဲ့ ကြေးစားတွေက အမြန် တပ်ဖွဲ့ပြီး ရင်ပြင်ဆီ ချက်ချင်း ချီတက်လာကြတယ်။ အဓိကရုဏ်း မကြီးထွားခင် နှိမ်နင်းပစ်ဖို့ပေါ့။</p> <p>​ကံဆိုးတာက ဟီရိုလစ် က စစ်စည်းရုံးရေး အခွင့်ကောင်းကို ယူထားပြီးပြီ။ နိုင်ငံသား သောင်းချီရဲ့ ထောက်ခံမှု ရထားပြီး၊ ရန်သူ့ထက် ၈ ဆ များတဲ့ တပ်ကို ဦးဆောင်လာတာ။</p> <p>​ဒါပေမဲ့ လမ်းကျဉ်းလေးမှာ နှစ်ဖက် ထိပ်တိုက်တွေ့တော့ တပ်သားတွေက လူအင်အား အသာစီးကို အသုံးမချနိုင်ဘူး။ ကြေးစားတွေကတော့ ကျစ်လစ်တဲ့ တပ်ဖွဲ့ပုံစံနဲ့ တိုက်ပွဲ အတွေ့အကြုံ ကြွယ်ဝမှုကို အပြည့်အဝ အသုံးချတယ်။</p> <p>​ရန်သူနဲ့ တွေ့တာနဲ့ ပြင်းပြင်းထန်ထန် တိုက်ခိုက်ရတဲ့ အန္တရာယ်ရှိ အခြေအနေမျိုးမှာ၊ အလောတကြီး စုဖွဲ့ထားပြီး အရာရှိတောင် သေချာ မရှိသေးတဲ့ တပ်သားတွေက ရှေ့မတိုးနိုင်သလို အသာစီးလည်း မရနိုင်ဘူး ဖြစ်နေတယ်။</p> <p>​. . . . . . . . . . . . .</p> <p>​လက်ရှိမှာ ဟစ်ပါရီးနပ်စ် နဲ့ သူ့အဖွဲ့က ကျွန်းဆွယ် ထွက်ပေါက်မှာ ရှိနေတုန်းပဲ။ လူစုကွဲသွားမယ့်အစား ပိုများလာတယ်။ ဟစ်ပါရီးနပ်စ် ကို ပိတ်ဆို့ထားရုံတင် မကဘူး၊ အောတီဂျီယာ ကျွန်းထဲ ဝင်ဖို့ ကြိုးစားသူတွေကိုပါ ပိတ်ဆို့ထားတော့ ဟစ်ပါရီးနပ်စ် စိတ်မအေးဘူး။</p> <p>​ဒါ့အပြင် ဟစ်ပါရီးနပ်စ် က မြင်းရထားပေါ်က မဆင်းရဲသလို၊ လူအုပ်ကြား တိုးပြီး မြို့တော်ခန်းမဆီလည်း မသွားရဲဘူး။ ထောက်လှမ်းရေး ဌာနမှာ လုပ်ခဲ့တဲ့ အတွေ့အကြုံ အရ၊ ဆီရာကျု တွေ သူ့ကို ဘယ်လောက် မုန်းလဲ သူ သိတယ်။ ရှေ့က အဓိကရုဏ်း လူအုပ်ထဲ တိုးဝင်သွားရင် အတိုက်ခံရမှာ သေချာတယ်။</p> <p>​ဒါကြောင့် အောတီဂျီယာ ကျွန်းကို ချက်ချင်း ပြန်ပြီး ကြေးစား စခန်းဆီ သွားကာ ပုန်ကန်သူတွေကို နှိမ်နင်းဖို့ တပ်တောင်းတယ်။</p> <p>​ဒါပေမဲ့ ကြေးစားခေါင်းဆောင်က လက်မခံဘူး။ သူတို့က ဒိုင်ယွန်နီးစီးယပ်စ် အမိန့်ကိုပဲ နာခံတာ။ အောတီဂျီယာ ကျွန်းကို ကာကွယ်တာ အပြင်၊ အဓိက တာဝန်က ဒိုင်ယွန်နီးစီးယပ်စ် နဲ့ သူ့မိသားစုကို ကာကွယ်ဖို့ပဲ။ ဒိုင်ယွန်နီးစီးယပ်စ် ညီ ဖြစ်ဖြစ်၊ ယောက္ခမ ဖြစ်ဖြစ် သူတို့ကို အမိန့်ပေးခွင့် မရှိဘူး။</p> <p>​ဒါကြောင့် ဟစ်ပါရီးနပ်စ် က ဒိုင်ယွန်နီးစီးယပ်စ် သားကို ပွေ့ထားတဲ့ သူ့သမီး အရစ်စတိုမာခီ ကို ခေါ်ပြီး ကြေးစားခေါင်းဆောင်ကို ပြောခိုင်းရတယ်။</p> <p>​ကြေးစားခေါင်းဆောင် သဘောတူပြီး ပုန်ကန်သူတွေကို မောင်းထုတ်ဖို့ ကြေးစား ၂၀၀ လွှတ်လိုက်မှ၊ ထောက်လှမ်းရေး အရာရှိတွေ ကျွန်းဆွယ်ထဲ ဝင်ပြီး ဟစ်ပါရီးနပ်စ် နဲ့ တွေ့ခွင့် ရတယ်။</p> <p>​အဲဒီတော့မှ ဟီရိုလစ် က နိုင်ငံသားတွေကို ဦးဆောင်ပြီး ပုန်ကန်နေမှန်း ဟစ်ပါရီးနပ်စ် သိလိုက်ရတယ်။</p> <p>​သူ့အကြံပေးတာ နားမထောင်ဘဲ ဟီရိုလစ် ကို မဖမ်းခဲ့တဲ့ ဖီလစ်တပ်စ် ကိုပဲ ကျိန်ဆဲနိုင်တော့တယ်။ အောတီဂျီယာ ကျွန်းကို သေချာ ကာကွယ်ဖို့၊ ဒိုင်ယွန်နီးစီးယပ်စ် မိသားစု နေတဲ့ နေရာကို ကာကွယ်ဖို့ ကြေးစားခေါင်းဆောင်ကို မှာကြားပြီး၊ မားစီးယပ်စ် ဆီ အကူအညီ တောင်းဖို့ မီဂါလော့စ် ဆီ သံတမန် လွှတ်လိုက်တယ်။</p> <p>​</p> <p> </p> <p> </p> <p style="text-align: center;">အပိုင်း (၅၄၉) ပြီးဆုံး</p> <p style="text-align: center;">***</p>


Save