Book List

<h2 style="text-align: center;">အခန်း (၂၈၀)</h2> <h2 style="text-align: center;">ချင်းတန်နှင့် လင်းကျန်းတို့၏ တိုက်ပွဲ၊ အမှောင်ဘိုးဘေးအဆောင်</h2> <h2 style="text-align: center;">ထွက်ပေါ်လာခြင်းလော(၂)</h2> <h2 style="text-align: center;">*</h2> <p> </p> <p> </p> <p>ဤသည်မှာ မဟာရှေးဟောင်းကျမ်းနှင့် အနည်းငယ် ဆင်တူသော်လည်း မဟာရှေးဟောင်းကျမ်းမှာ ကျင့်ကြံခြင်း နည်းလမ်း တစ်ခုသာ ဖြစ်ပြီး ကောင်းကင်နှင့် မြေကြီး၏ စွမ်းအားများကို အသုံးပြု၍ အချိန်တိုအတွင်း ပေါက်ကွဲထွက်ရန်အတွက်သာ ဖြစ်လေသည်။</p> <p> </p> <p>သို့သော် ကောင်းကင်ဝါးမျို နတ်ဆိုးခန္ဓာကိုယ်မှာ အခြေခံအုတ်မြစ် တစ်ခု ဖြစ်လေသည်။ ၎င်းကို အလိုအလျောက် အလုပ်လုပ်နေသော မဟာရှေးဟောင်းကျမ်းတစ်ခုဟု ပြော၍ ရနိုင်ပေသည်။</p> <p> </p> <p>သေချာသည်မှာ လက်ရှိ ချင်းတန်သည် ကောင်းကင်ဝါးမျို နတ်ဆိုးခန္ဓာကိုယ် အဆင့်သို့ မရောက်ရှိသေးသော်လည်း တော်ဝင်ခန္ဓာကိုယ် အဆင့်သို့ ရောက်ရှိနေပြီ ဖြစ်သည်။</p> <p> </p> <p>ခန္ဓာကိုယ်ကျမ်း၏ “ယင်” အက္ခရာ ကျင့်ကြံခြင်း နည်းလမ်းအရ သူမသည် ယင်ရှခန္ဓာကိုယ်ကို ခန္ဓာကိုယ်ကျမ်းရှိ မွေးရာပါ ယင်မိစ္ဆာခန္ဓာကိုယ် အဖြစ်သို့ ပြောင်းလဲခဲ့ပြီးနောက် ဤအခြေခံအပေါ်တွင် ကျင့်ကြံခဲ့ခြင်း ဖြစ်ရပေမည်။</p> <p> </p> <p>သူမ၏ ခန္ဓာကိုယ်မှာ လျင်မြန်စွာ အားကောင်းလာပြီး ကျန်းရွှယ်၏ ခန္ဓာကိုယ် နှင့် တန်းတူဖြစ်သော တော်ဝင်ခန္ဓာကိုယ် အဆင့်သို့ပင် တက်လှမ်းနေပြီ ဖြစ်သည်။</p> <p> </p> <p>လက်ရှိ ချင်းတန်၏ တော်ဝင်ခန္ဓာကိုယ်သည် ကောင်းကင်ဝါးမျိုခန္ဓာကိုယ် ဖြစ်ရပေမည်။</p> <p> </p> <p>သူမ၏ လက်ထဲရှိ အနက်ရောင် တံစဉ်ကြီးနှင့် ပေါင်းစပ်လိုက်သောအခါ အလွန်ကြောက်မက်ဖွယ်ကောင်းသော စွမ်းအားကို ပိုင်ဆိုင်ထားသည်ဟု သတ်မှတ်၍ရပေသည်။</p> <p> </p> <p>တံစဉ်ထံမှ ထွက်ပေါ်နေသော အမှောင်အရှိန်အဝါမှာ အလွန်အမင်း အားကောင်းလှပြီး သန့်စင်ယွမ်ရတနာအဆင့်သို့ ရောက်ရှိနေသည်မှာ သံသယဖြစ်ဖွယ် မလိုပေ။</p> <p> </p> <p>ရုပ်ပိုင်းဆိုင်ရာခန္ဓာကိုယ်၊ ယွမ်စွမ်းအင်၊ ဝိညာဉ်၊ ကျင့်ကြံခြင်းနည်းလမ်းနှင့် လက်နက်ပိုင်းဆိုင်ရာတို့တွင် ချင်းတန်မှာ တစ်စက်ကလေးမှ အားမနည်းပေ။ </p> <p> </p> <p>ဤစွမ်းအားသည် သူတို့နှင့် ယှဉ်ပြိုင်ရန် တကယ်ပင် လုံလောက်ပြီး လင်းကျန်းကို ကိုင်တွယ်ရန်မှာ ပြဿနာမဖြစ်သင့်ပေ။</p> <p> </p> <p>“ကောင်းပြီ၊ သွားတော့... လှပတဲ့ တိုက်ပွဲလေးတစ်ခု ဖြစ်ပါစေ...”</p> <p> </p> <p>ဝူယွမ်က အလွယ်တကူပင် သဘောတူလိုက်လေသည်။</p> <p> </p> <p>လင်းတုန်ကဲ့သို့ သူသည် အမျိုးသား ကြီးစိုးဝါဒီ တစ်ယောက် မလုပ်နိုင်ပေ။ မိန်းကလေးများ ကိုယ်တိုင်ကိုယ်ကျ စွမ်းဆောင်နိုင်ရန် သင့်တော်သော အခွင့်အရေးများ ပေးရန်လည်း လိုအပ်ပေသည်။ </p> <p>သူတို့သည်လည်း သက်သေပြရန် လိုအပ်လေသည်။</p> <p> </p> <p>“ရေး... အစ်ကိုကြီးဝူယွမ်၊ ညီမလေးအစ်ကိုကြီးကို သေချာပေါက် စိတ်ပျက်အောင် မလုပ်ပါဘူး...”</p> <p> </p> <p>ချင်းတန်က စိတ်လှုပ်ရှားစွာဖြင့် ခုန်ပေါက်သွားခဲ့လေသည်။</p> <p> </p> <p>ထို့နောက် သူမက အနက်ရောင် အရိပ်တစ်ခုအဖြစ်သို့ တိုက်ရိုက်ပြောင်းလဲသွားပြီး ပြေးထွက်သွားလေတော့သည်။</p> <p> </p> <p>“နင်က အဲ့ဒီ သိုးပေါက်လေး မဟုတ်လား... ဒီကိုလာခဲ့၊ ငါ့ရဲ့ တံစဉ်နဲ့ နင့်ရဲ့ သိုးမွေးတွေကို ရိတ်ပေးမယ်...”</p> <p> </p> <p>ချင်းတန်က အဖြူရောင်ဝတ်စုံနှင့် လင်းကျန်းကို စိုက်ကြည့်ရင်း ပြုံးဖြီးဖြီးဖြင့် ပြောလိုက်လေသည်။</p> <p> </p> <p>“မင်းက သေချင်နေတာပဲ... မိန်းမတစ်ယောက်ဆိုပြီး ငါက အလျှော့ပေးမှာ မဟုတ်ဘူး...”</p> <p> </p> <p>လင်းကျန်းက သူ၏ ယပ်တောင်ကို ပိတ်လိုက်ရာ သူ၏ မျက်နှာမှာ ချက်ချင်းပင် မှောင်မည်းသွားခဲ့၏။</p> <p> </p> <p>သူက ချင်းတန်ထံသို့ လက်ဝါးတစ်ချက် ချက်ချင်း ပစ်လွှတ်လိုက်လေသည်။</p> <p> </p> <p>“အစ်ကိုကြီး... ဒါက သင့်တော်ပါ့မလား...” လင်းတုန်က စိုးရိမ်တကြီးဖြင့် မေးလိုက်လေသည်။</p> <p> </p> <p>“ညီအစ်ကိုဝူယွမ်... ချင်းတန်ကို ဘယ်လိုလုပ် မဆင်မခြင် လှုပ်ရှားခွင့် ပေးလိုက်ရတာလဲ... တကယ်လို့ သူမ တစ်ခုခု ဖြစ်သွားရင် ကျွန်တော် ဆရာ့ကို ရှင်းပြနိုင်မှာမဟုတ်ဘူး...” ချန်ကွေ့က ဝင်ရောက် တားဆီးရန် ပြင်လိုက်လေသည်။</p> <p> </p> <p>“မင်းတို့နှစ်ယောက်... ချင်းတန်အပေါ် မင်းတို့ရဲ့ အတွေးတွေနဲ့ အတင်းအကျပ် လိုက်မကွပ်ကဲနေနဲ့တော့... သူမက ကလေး မဟုတ်တော့ဘူးလေ၊"</p> <p> </p> <p>“အမြဲတမ်း အလိုလိုက်ထားလို့ သူမ ကြီးထွားလာမှာ မဟုတ်ဘူး... ဒါ့အပြင် သူမက မင်းတို့ရဲ့ အလိုလိုက်တာကို လိုအပ်တော့မှာ မဟုတ်ဘူးထင်တယ်၊ သူမက မင်းတို့ ထင်ထားသလောက် အားမနည်းပါဘူး..."</p> <p> </p> <p>“ဒီတိုင်းပဲ ကြည့်နေပါ၊ စိတ်မပူပါနဲ့... မင်းတို့ နှစ်ယောက်တည်း သူမကို ဂရုစိုက်တာ မဟုတ်ပါဘူး၊ သူမကို ငါဘာမှ အဖြစ်မခံပါဘူး...” ဝူယွမ်က ထိုနှစ်ဦးကို တည်ငြိမ်စွာဖြင့် ချေပလိုက်လေသည်။</p> <p> </p> <p>သူ၏ ချင်းတန်လေးမှာ ငယ်သေးပုံရသော်လည်း သူမတွင် သူမ၏ အစ်ကိုကြီးနှင့် ဂိုဏ်းတူအစ်ကိုကြီးတို့ထက် များစွာ ပိုမို အားကောင်းသော တော်ဝင်ခန္ဓာကိုယ် ရှိနေလေသည်။</p> <p> </p> <p>ဤနေရာတွင် ဝူယွမ်၏ တောင်တန်းခန္ဓာကိုယ် တစ်ခုတည်းကသာ သူမကို အပြတ်အသတ် ဖိနှိပ်ထားနိုင်လိမ့်မည်ဟု ခန့်မှန်းရပေသည်။</p> <p> </p> <p>သူမ၏ အစ်ကိုကြီး နှစ်ယောက်ရှေ့တွင် စွမ်းဆောင်ရည် ပြသရန် အခွင့်အရေးတစ်ခု နောက်ဆုံးတွင် ရရှိသွားသဖြင့် ချင်းတန်၏ ကိုယ်တွင်းမှ စွမ်းအားများ ပေါက်ကွဲထွက်လာခဲ့၏။</p> <p> </p> <p> မျက်တောင်တစ်ခတ် အတွင်းမှာပင် သူမ၏ အမူအရာ ပြောင်းလဲသွားပြီး အေးစက်သော ယင်ရှအရှိန်အဝါ တစ်ခုက သူမ၏ ကိုယ်တွင်းမှ လှိုင်းတံပိုးများအလား ထွက်ပေါ်လာခဲ့လေသည်။</p> <p> </p> <p>ချင်းတန်က တိတ်ဆိတ်နေပြီး သူမ၏ မျက်နှာအမူအရာမှာ အလွန် လေးနက်နေခဲ့၏။</p> <p> </p> <p>အလွန်အမင်း အေးစက်နေသော အနက်ရောင် အလင်းတန်း တစ်ခုက သူမ၏ ခန္ဓာကိုယ်အတွင်းမှ ရုတ်တရက် ပြန့်နှံ့ထွက်ပေါ်လာခဲ့သည်။</p> <p> </p> <p>အနက်ရောင် အလင်းတန်း ပြန့်နှံ့သွားသော နေရာများတွင် လေထုပင်လျှင် အနည်းငယ် အေးခဲသွားသကဲ့သို့ ဖြစ်နေခဲ့၏။</p> <p> </p> <p>ချင်းတန်က ပြတ်သားစွာ လှုပ်ရှားလိုက်လေသည်။ သူမ၏ လက်ထဲရှိ ဧရာမတံစဉ်းကြီးကို ဝှေ့ယမ်းလိုက်ရာ အလွန်အမင်း အေးစက်နေသော အနက်ရောင် အလင်းတန်း တစ်ခုက လင်းကျန်း၏ ခေါင်းဆီသို့ ပြင်းထန်စွာ တိုး၀င်သွားခဲ့သည်။</p> <p> </p> <p>လေထုထဲတွင် လင်းကျန်း၏ မျက်နှာမှာ ချင်းတန်၏ လှုပ်ရှားမှုကို မြင်သောအခါ ချက်ချင်း အေးစက်သွားခဲ့၏။</p> <p>သူက ယပ်တောင်ကို ရုတ်တရက် ဖွင့်လိုက်ရာ ယွမ်စွမ်းအင် အကာအကွယ် တစ်ခု ချက်ချင်း ဖြစ်ပေါ်လာခဲ့လေသည်။</p> <p> </p> <p>ရွှစ်...</p> <p> </p> <p>အနက်ရောင် အလင်းတန်းက ယွမ်စွမ်းအင် အကာအကွယ်ကို တိုက်ခိုက်လိုက်ပြီး တိုက်ရိုက် ဖောက်ထွင်းသွားကာ လင်းကျန်း၏ ယပ်တောင်ပေါ်တွင် အက်ကွဲကြောင်း တစ်ခုကို ဖန်တီးလိုက်လေသည်။</p> <p> </p> <p>“သန့်စင်ယွမ်ရတနာလား...”</p> <p> </p> <p>လင်းကျန်း၏ မျက်နှာအမူအရာ အနည်းငယ် ပြောင်းလဲသွားပြီး ချင်းတန်ကို အထင်မသေးရဲတော့ပေ။ သူက လေထဲသို့ ချက်ချင်း တက်လိုက်ပြီး လက်သင်္ကေတများကို ဖန်တီးလိုက်လေသည်။</p> <p> </p> <p>ကြီးကျယ်ခမ်းနားပြီး ထက်ရှလွန်းသော ယွမ်စွမ်းအင် တစ်ခုက လှံရှည်တစ်လက်၏ ပုံသဏ္ဍာန်အဖြစ်သို့ စုစည်းသွားပြီး ချင်းတန်၏ မျက်ခုံးနှစ်ခုကြားဆီသို့ လျှပ်စီးတစ်ခုအလား ပြေး၀င်သွားခဲ့၏။</p> <p> </p> <p>အနက်ရောင်တံစဉ်းကြီး၏ ဓားသွားပေါ်တွင် ထူးဆန်းသော အေးစက်သည့် အလင်းတန်းတစ်ခု လင်းလက်သွားခဲ့လေသည်။ နောက်တစ်ခဏတွင် သူမက ပြင်းထန်စွာ ခုတ်ပိုင်းချလိုက်၏။</p> <p> </p> <p>ဘုန်း...</p> <p> </p> <p>အမှောင်ဓားအလင်းတန်းက လင်းကျန်း၏ လှံရှည်ကို တိုက်ရိုက်ပင် နှစ်ပိုင်း ပိုင်းဖြတ်ပစ်လိုက်လေသည်။</p> <p> </p> <p>ချင်းတန်၏ တိုက်ခိုက်မှု အရှိန်အဟုန်မှာ မလျော့ကျသွားပေ။ သူမ၏ ကျောက်စိမ်းရောင်လက်လေးဖြင့် အနက်ရောင် တံစဉ်းကြီးကို တင်းကျပ်စွာ ဆုပ်ကိုင်ထားပြီး လျင်မြန်စွာ ခုတ်ပိုင်းချလိုက်၏။</p> <p> </p> <p> သူမ၏ အရှေ့ရှိ လေဟာနယ်မှာ လှိုင်းထသွားပြီး အရိုးကွဲမတတ် အေးစက်မှုကို ထုတ်လွှတ်နေသော ထက်ရှသည့် ဓားအလင်းတန်း တစ်ခုက လေဟာနယ်ကို တိုက်ရိုက်ထိုးဖောက်သွားကာ လင်းကျန်း၏ ခေါင်းထက်တွင် ထူးဆန်းစွာ ပေါ်လာပြီး သူ့ကို ခုတ်ပိုင်းချလိုက်လေသည်။</p> <p> </p> <p>သူမ၏ အနက်ရောင် တံစဉ်းကြီးမှ အနက်ရောင် အလင်းတန်း ပစ်လွှတ်ထွက်ပေါ်လာပြီး သူမ၏ တိုက်ခိုက်မှုမှာ အလွန် ထူးဆန်းလှပေသည်။</p> <p> </p> <p>လင်းကျန်းနှင့် အနည်းငယ် ဝေးသေးသော်လည်း ထက်ရသော ဓားအလင်းတန်းမှာ လေဟာနယ်နှင့် အတားအဆီးကို လျစ်လျူရှုကာ လင်းကျန်းကို ထူးဆန်းစွာ လွှမ်းခြုံသွားတော့မည့်ဟန် ရှိနေလေသည်။</p> <p> </p> <p>လင်းကျန်းက အလျင်စလို ရှောင်တိမ်းလိုက်သော်လည်း သူ၏ ဆံပင်များမှာ ပြတ်တောက်သွားခဲ့၏။ မျက်တောင်တစ်ခတ် အတွင်းမှာပင် သူ၏ ဆံပင်များမှာ ဖရိုဖရဲ ဖြစ်သွားပြီး ချောမောမှု အားလုံး ပျောက်ကွယ်သွားကာ ဖရိုဖရဲ ဖြစ်သွားလေတော့သည်။</p> <p> </p> <p>“ဟူး...”</p> <p> </p> <p>ဤမြင်ကွင်းက လူတိုင်းကို အေးစက်စက် လေကများ ရှူသွင်းမိသွားစေခဲ့လေသည်။</p> <p> </p> <p>“ဒီအနက်ရောင် တံစဉ်ကြီးက အကွာအဝေးကို လျစ်လျူရှုပြီး တကယ်ကြီး တိုက်ခိုက်နိုင်တာပဲ... တကယ်ကို ထူးဆန်းလွန်းတယ်...”</p> <p> </p> <p>“ကြောက်စရာကောင်းတဲ့ ကောင်မလေးပဲ... သူမက အရမ်း ငယ်သေးပုံရပေမယ့် သူမရဲ့ ပေါက်ကွဲထွက်နိုင်တဲ့ အဖျက်စွမ်းအားက  ဒီလောက် အားကောင်းလိမ့်မယ်လို့ ငါ မထင်ထားခဲ့မိဘူး...”</p> <p> </p> <p>“ဒီခေတ်ကြီးအှာ မိန်းမပျိုလေးတွေကို အထင်သေးလို့ မရတော့ဘူးပဲ...”</p> <p> </p> <p>... လင်းကျန်း၏ မျက်နှာမှာ ချက်ချင်းပင် ရက်စက်ကြမ်းကြုတ်သွားခဲ့၏။ သူက လေသံကိုနှိမ့်ကာ ပြောလိုက်လေသည်။</p> <p> </p> <p>“မင်း ငါ့ကို ဒေါသထွက်အောင်လုပ်တာ အောင်မြင်သွားပီ... သန့်စင်ယွမ်ရတနာလား... ဒီလောက်နဲ့ မလုံလောက်သေးဘူး...”</p> <p> </p> <p>သူ စကားပြောနေစဉ် အပြာနှင့် ရွှေရောင် ရောယှက်နေသော လှံရှည် တစ်လက် သူ၏ လက်ထဲတွင် ပေါ်လာခဲ့၏。</p> <p> </p> <p>ပတ်ဝန်းကျင်ရှိ ကောင်းကင်ယံမှာ ချက်ချင်းပင် အပြာရောင်အဖြစ်သို့ ပြောင်းလဲသွားပြီး မှေးမှိန်သော အစိမ်းရောင် အရိပ်တစ်ခုက လင်းကျန်း၏ အနောက်ဘက်တွင် ပေါ်လာခဲ့လေသည်။ လင်းကျန်း၏ အရှိန်အဝါမှာလည်း လျင်မြန်စွာ မြင့်တက်လာခဲ့၏</p> <p> </p> <p>“ဝိညာဉ်ဧကရာဇ်ကျမ်းပဲ...”</p> <p> </p> <p>“လင်းကျန်းက အလေးအနက်လုပ်လာပီ...”</p> <p> </p> <p>“ဝိညာဉ်ဧကရာဇ်ကျမ်းကို ဒီလောက် မြန်မြန် ထုတ်သုံးဖို့ ဖိအားပေးခံရတာဆိုတော့... ဒီကောင်မလေး ခံနိုင်ရည်ရှိပါ့အုံးမလား သိချင်မိတယ်...”</p> <p> </p> <p>“သူ့ရဲ့ အရှိန်အဝါကို ကြည့်ရတာ ဒီအချိန်မှာ လင်းကျန်းက ဆန်းကြယ်ရှင်ခြင်းအဆင့် အားကောင်းတဲ့ သိုင်းပညာရှင် တစ်ယောက်နဲ့တောင် ယှဉ်နိုင်လောက်တယ်...”</p> <p> </p> <p>... အခြားသူများ အားလုံးမှာ အံ့ဩသွားကြလေသည်။</p> <p> </p> <p>တောင်ဂိုဏ်းဘက်ရှိ လူများမှာမူ အားလုံးက စိုးရိမ်ပူပန်နေသော အမူအရာများကို ပြသနေကြ၏။ လင်းတုန်နှင့် ချန်ကွေ့တို့သည် ပေါက်ကွဲတော့မည့်အလား ဖြစ်နေပြီး တစ်ခုခု မှားယွင်းသွားပါက ချက်ချင်း လှုပ်ရှားရန် အသင့်ရှိနေပုံ ရလေသည်။</p> <p> </p> <p>လူအများအပြားက ဝူယွမ်ကို ကြည့်လိုက်ရာ သူသည် တည်ငြိမ်အေးဆေးနေဆဲဖြစ်ပြီး လုံးဝ စိုးရိမ်နေပုံ မရပေ။</p> <p> </p> <p>သို့သော် သူ၏ ဝိညာဉ်စွမ်းအင်များ ဖြန့်ကျက်ထားပြီး ဖြစ်ကြောင်းကိုတော့ သူတို့ မသိရှိကြချေ။</p> <p> </p> <p>“ဝိညာဉ်ဧကရာဇ်ကျမ်း၊ ကောင်းကင်ခွဲဖြာ ဝိညာဉ်လှံ...”</p> <p> </p> <p>လင်းကျန်းက ဟိန်းဟောက်လိုက်ပြီး ယွမ်ဂိုဏ်း၏ အမြင့်ဆုံးသော သိုင်းပညာရပ် သုံးခုထဲမှ တစ်ခုဖြစ်သည့် ဝိညာဉ်ဧကရာဇ်ကျမ်းကို ထုတ်လွှတ်လိုက်လေသည်။</p> <p> </p> <p>သူ၏ လက်ထဲရှိ လှံရှည်မှ တောက်ပသော အလင်းတန်းများ ပေါက်ကွဲထွက်လာပြီး ပတ်ဝန်းကျင်ရှိ ကောင်းကင်နှင့် မြေကြီး ယွမ်စွမ်းအင်များမှာ သူ၏ လှံထဲသို့ လျင်မြန်စွာ စုစည်းလာကြ၏။</p> <p> </p> <p>မျက်တောင်တစ်ခတ် အတွင်းမှာပင် လှံထဲတွင် စုစည်းသွားသော ယွမ်စွမ်းအင်များမှာ နိဗ္ဗာန်အဆင့် ၉ အားကောင်းသည့် သိုင်းပညာရှင် တစ်ဦးကို ကျော်လွန်ကာ ကြောက်မက်ဖွယ်ကောင်းသော အဆင့်တစ်ခုသို့ ရောက်ရှိနေပြီ ဖြစ်သည်။</p> <p> </p> <p>၎င်းကို မြင်သောအခါ ချင်းတန်မှာ အလျင်စလို မဖြစ်သွားပေ။ သူမက နက်နဲသော လက်သင်္ကေတ တစ်ခုကို အလျင်အမြန် ဖန်တီးလိုက်ရာ သူမ၏ မျက်ခုံးနှစ်ခုကြားမှ အနက်ရောင် အလင်းတန်းများ ချက်ချင်း ပေါက်ကွဲထွက်လာခဲ့၏။</p> <p> </p> <p>နောက်ဆုံးတွင် ရှေးဟောင်း အနက်ရောင် ရူန်းစာလုံး တစ်ခုက သူမ၏ နီ၀မ်နယ်ပယ်အတွင်းမှ ဖြည်းညင်းစွာ ပျံသန်းထွက်ပေါ်လာခဲ့လေသည်။</p> <p> </p> <p>ဤရှေးဟောင်း အနက်ရောင် ရူန်းစာလုံး ထွက်ပေါ်လာသည်နှင့်အမျှ ကမ္ဘာကြီးမှာ ချက်ချင်း မှောင်မိုက်သွားပြီး ကြောက်မက်ဖွယ်ကောင်းသော အနက်ရောင် အလင်းတန်းများက ၎င်းအတွင်းမှ ပြန့်နှံ့ထွက်ပေါ်လာခဲ့၏။</p> <p> </p> <p>အနက်ရောင် အလင်းတန်းများက ကောင်းကင်ယံကို လွှမ်းခြုံသွားပြီး အံ့ဩတကြီး ကြည့်နေသော အကြည့်များမှာ ကောင်းကင်ယံတွင် ပျံဝဲနေသည့် ရှေးဟောင်း အမှောင်ရူန်းစာလုံးဆီသို့ ရောက်ရှိသွားကြလေသည်။</p> <p> </p> <p>၎င်းထံမှ အံ့ဩစရာကောင်းသော လှိုင်းဂယက်တစ်ခု ပြန့်နှံ့ထွက်ပေါ်နေခဲ့သည်။</p> <p> </p> <p>“အမှောင်ဘိုးဘေးအဆောင်လား...”</p> <p> </p> <p>ရူန်းစာလုံး ထွက်ပေါ်လာသည်နှင့် လူအများအပြားက အံ့ဩတကြီး ရေရွတ်လိုက်ကြလေသည်။</p> <p> </p> <p>သူတို့အားလုံးက ထိုရူန်းစာလုံးကို ဘိုးဘေးအဆောင် အစစ်အမှန်ဟု ထင်မှတ်သွားကြခြင်းပဲ ဖြစ်လေတော့သည်။</p> <p> </p> <p> </p> <p style="text-align: center;">***</p>


Save