Book List

<h2 style="text-align: center;">အခန်း (၁၅၃)</h2> <h2 style="text-align: center;">အုတ်နံရံကို ဝင်တိုက်မိခြင်း</h2> <h2 style="text-align: center;">*</h2> <p> </p> <p>မကြာမီမှာပင် မတူညီသော ဂိုဏ်းဝတ်စုံများကို ဝတ်ဆင်ထားသည့် ကျင့်ကြံသူနှစ်ဦးသည် ဆိုင်ခန်းရှေ့ သို့ ရောက်ရှိလာခဲ့လေသည်။</p> <p>ဆိုင်ခန်းရှေ့ရှိ မြင်ကွင်းကို ကြည့်လိုက်ရုံဖြင့် စည်းကမ်းထိန်းသိမ်းရေးအဖွဲ့သည် ဆိုင်ရှင် ရှင်းပြစရာ ပင်မလိုဘဲ ဘာဖြစ်နေသည်ကို နားလည်သွားကြသည့်ပုံပေါ်လေသည်။</p> <p>"စည်းကမ်းထိန်းသိမ်းရေး အရာရှိမင်းတို့... ကျေးဇူးပြုပြီး ငါ့အတွက် တရားမျှတအောင် လုပ်ပေးကြ ပါဗျာ…။"</p> <p>ဆိုင်ရှင်၏ စကားကို ကြားသောအခါ စည်းကမ်းထိန်းသိမ်းရေးအရာရှိများထဲမှ တစ်ဦးသည် ကျန်းဖန်ကို ဖမ်းဆီးရန် ချက်ချင်း ပြင်ဆင်လိုက်လေသည်။</p> <p>သို့သော်လည်း ချက်ချင်းပင် ​အခြား စည်းကမ်းထိန်းသိမ်းရေးအရာရှိတစ်ဦးက ထိုသူကို ရုတ်တရက် တားဆီးလိုက်ပြီး သူ့ထံသို့ လျှို့ဝှက်အသံလွှင့်ကာ သတင်းစကား ပါးလိုက်လေသည်။</p> <p>"အစ်ကိုလီ... သူက ငါတို့ ထျန်းယင်ဂိုဏ်းရဲ့ ဒုတိယဂိုဏ်းချုပ်ရဲ့ မြေးတော်စပ်သူပဲ။ ကျေးဇူးပြုပြီး သူ့ကို မျက်နှာသာနည်းနည်းလောက် ပေးလို့ရမလား….။"</p> <p>ထိုစကားကို ကြားသောအခါ လီဟု အမည်ရသော ကျင့်ကြံသူမှာ ချက်ချင်းပင် အံ့သြသွားပြီး အနည်း ငယ် တုံ့ဆိုင်းသွားသည့်ပုံရလေ၏။</p> <p>"အစ်ကိုကျောက်... ဒီကိစ္စကို လူသိရှင်ကြား မဖြေရှင်းဘူးဆိုရင် လူထုကို ယုံကြည်အောင် လုပ်ဖို့ ခက်လိမ့်မယ်…။"</p> <p>"ငါ မိုးကြိုးနတ်ဘုရားဂိုဏ်းကို ပြန်ရောက်တဲ့အခါ ငါ့ကိုယ်ငါ ဘယ်လို ရှင်းပြရမလဲဆိုတာ မသိတော့ ဘူး…။"</p> <p>ခဏတာ စဉ်းစားပြီးနောက် ထျန်းယင်ဂိုဏ်းမှ ကျင့်ကြံသူသည် ဆုံးဖြတ်ချက်ချလိုက်ပြီး အသံလွှင့်ကာ ဆက်ပြောလိုက်သည်။</p> <p>"ဒါဆိုရင်လည်း ဟန်ပြအနေနဲ့ လူရှေ့မှာ သူ့ကို ခေါ်သွားလိုက်ကြတာပေါ့။ ပြီးမှ သူ့ကို တောင်းပန်ဖို့ နေရာတစ်ခုခု ရှာကြတာပေါ့…။"</p> <p>"မိုးခြိမ်းသံမြို့တော်ရဲ့ ဂုဏ်သတင်းအတွက်မို့လို့ သူ ငါတို့ကို သိပ်ပြီး အပြစ်တင်မှာ မဟုတ်ဘူးလို့ ငါ ယုံကြည်တယ်…။"</p> <p>ဤဆုံးဖြတ်ချက်ကို ကြားသောအခါ မိုးကြိုးနတ်ဘုရားဂိုဏ်းမှ တပည့်ဖြစ်သူကလည်း သဘောတူ လိုက်လေသည်။</p> <p>"ဒီတစ်နည်းပဲ ရှိတော့တာပေါ့…။"</p> <p>သူတို့နှစ်ဦး မသိလိုက်သည်မှာ သူတို့၏ လျှို့ဝှက်အသံလွှင့် ပြောဆိုမှုများကို လင်းဖန်က အကုန်အစင် ကြားနေရခြင်းပင် ဖြစ်သည်ကိုပင်။</p> <p>သူတို့၏ စကားများကို ကြားပြီး လင်းဖန်သည် ဆက်တိုက်ဆိုသလို သက်ပြင်းချလိုက်မိလေသည်။</p> <p>ဘက်လိုက်မှုကင်းပြီး ဆိုင်ရှင်များကို ကာကွယ်ပေးခြင်းဆိုသည်က လူပုဂ္ဂိုလ်၏အပေါ်၌ မူတည်နေပုံရ သည်ပင်။</p> <p>အဘယ်ကြောင့်ဆိုသော် မိုးခြိမ်းသံမြို့တော်သည် အင်အားစု အများအပြား၏ အုပ်ချုပ်မှုအောက်တွင် ရှိနေသောကြောင့်ပင် ဖြစ်လေသည်။</p> <p>အကယ်၍ ထျန်းယင်ဂိုဏ်း တစ်ခုတည်းကသာ အုပ်ချုပ်ခဲ့မည်ဆိုပါက။ သူတို့က ဟန်ပြလုပ်ရန်ပင် စီစဉ် နိုင်ပါ့မည့်လားဆိုတာကိုပင် သံသယပင် ဝင်မိလေတော့သည်။</p> <p>ဤသည်ကို တွေးမိလိုက်သောအခါ လင်းဖန်သည် သူ၏ ကိုယ်ပိုင် အတွေးများကြောင့်ပင် စိတ်ပျက် လက်ပျက် ရယ်မောလိုက်မိလေတော့သည်။</p> <p>*ဒီဆိုင်ရှင်ကလည်း လူကောင်းမှ မဟုတ်တာပဲ။ ငါက ဘာလို့ အများကြီး တွေးပူနေရမှာလဲ…။*</p> <p>သို့သော်လည်း ထျန်းယင်ဂိုဏ်းမှ စည်းကမ်းထိန်းသိမ်းရေးသမား၏ စကားတစ်ခွန်းက လင်းဖန်ကို ဆက်တွေးနေရန်ပင် အချိန်မပေးတော့ချေ။</p> <p>"မင်းတို့လေးယောက်လုံး ငါတို့နဲ့ လိုက်ခဲ့။ ဒီကိစ္စကို ဖြေရှင်းကြတာပေါ့….။"</p> <p>ဤစကားကို ကြားသောအခါ ဆိုင်ရှင်မှာ လျော်ကြေးကိစ္စ ဆွေးနွေးတော့မည်ဟု ထင်မှတ်ကာ အလွန် ဝမ်းသာသွားခဲ့လေသည်။</p> <p>ထိုသူနှစ်ဦး၏ ပြောစကားများကို ကြားခဲ့ရသော လင်းဖန်ကတော့ ဘာဖြစ်တော့မည်ကို ကောင်း ကောင်းကြီး သိနေခဲ့သည်ပင်။ ပြဿနာကို ဖြေရှင်းမယ်ဟုသာ ထိုသူက ပြောနေပါသော်လည်း တကယ်တမ်းတွင်တော့ ပါဝင်ပတ်သက်နေသော လူများကို ဖြေရှင်းတော့မည်ပင် ဖြစ်လေသည်။</p> <p>လင်းဖန်ကလည်း မငြင်းဆန်ဘဲ ထိုလူများခေါ်ဆောင်ရာနောက်သို့ လိုက်သွားခဲ့လေသည်။ ဤသို့လုပ် ခြင်းဖြင့် ထျန်းယင်ဂိုဏ်းထံမှ လျော်ကြေးအချို့ကို ခြိမ်းခြောက်တောင်းယူနိုင်မည်ဟု သူ တွေးလိုက် သည်။</p> <p>မကြာမီမှာပင် လူခုနစ်ယောက်ပါဝင်သော အဖွဲ့သည် အဆောက်အအုံတစ်ခုအတွင်းသို့ ရောက်ရှိသွား ခဲ့ကြလေသည်။</p> <p>ဤနေရာသည် မိုးခြိမ်းသံမြို့တော်၏ စည်းကမ်းထိန်းသိမ်းရေး ခန်းမဆောင်ဖြစ်ပြီး ဂိုဏ်းဝတ်စုံများကို ဝတ်ဆင်ထားသည့် ကျင့်ကြံသူ များစွာ ရှိနေခဲ့သည်။</p> <p>အဖွဲ့သည် အခန်းတစ်ခုထဲသို့ ဝင်ရောက်သွားပြီးနောက် ထျန်းယင်ဂိုဏ်းမှ စည်းကမ်းထိန်းသိမ်းရေး သမားများသည် ဟန်ဆောင်ထားမှုများကို ချက်ချင်း ခွါချလိုက်ကြလေတော့သည်။</p> <p>"သခင်လေးကျန်း... သခင်လေး ဒုက္ခများသွားရပါပြီ။ စောစောက အခြေအနေတွေအရ ဖိအားပေးခံရလို့ သခင်လေးကို အများကြီး ပြစ်မှားမိသွားတယ်။ သခင်လေး အပြစ်မယူဘူးလို့ ငါ မျှော်လင့်ပါတယ်…။"</p> <p>ထျန်းယင်ဂိုဏ်းမှ စည်းကမ်းထိန်းသိမ်းရေးသမားများ စကားပြောနေချိန်တွင်...</p> <p>ဘေးတွင် ရပ်နေသော မိုးကြိုးနတ်ဘုရားဂိုဏ်းမှ စည်းကမ်းထိန်းသိမ်းရေးသမားကမူ လက်အုပ်ချီကာ နှုတ်ဆက်ရုံသာ နှုတ်ဆက်ပြီး ဘာမှ ထပ်မပြောတော့ပေ။</p> <p>ဤသခင်လေးသည် အဆင့်အတန်း မြင့်မားသည်ဆိုသော်လည်း တကယ်တမ်းတွင်တော့ သူတို့ မိုးကြိုးနတ်ဘုရားဂိုဏ်း၏ အဖွဲ့ဝင်ဖြစ်နေသည်တော့ မဟုတ်ပေ။</p> <p>အခြားဂိုဏ်းက လူကို ဖော်လံဖားရလောက်တဲ့အထိတော့ သူ အောက်ကျခံနေမည် မဟုတ်ပေ။ ထိုသို့ လုပ်ခြင်းက သူတို့ မိုးကြိုးနတ်ဘုရားဂိုဏ်း၏ ဂုဏ်သတင်းကို ကျဆင်းစေမည်ဖြစ်ပြီး ဂိုဏ်းကသာ သိသွားပါက သူ့အား အပြစ်တင်ပေလိမ့်မည်။</p> <p>အရာရှိများ၏ တုံ့ပြန်မှုကို မြင်တွေ့လိုက်ရပြီးနောက် ဆိုင်ရှင်မှာ ကျောချမ်းသွားသည်ဟု ခံစားလိုက် ရလေသည်။</p> <p>ထို့နောက် သူ၏ ခန္ဓာကိုယ် အေးစက်သွားမည့် (သေဆုံးမည့်) အချိန်မှာ သိပ်မဝေးတော့ကြောင်းကို ချက်ချင်း သဘောပေါက်သွားခဲ့လေသည်။</p> <p>"သခင်လေးကျန်း... ကျေးဇူးပြုပြီး ကျွန်တော့ကို ချမ်းသာပေးပါ….။ ကျွန်တော်က မျက်စိကန်းပြီး သခင်လေးရဲ့ အဆင့်အတန်းကို မသိခဲ့လို့ပါ... ဒါက..."</p> <p>ဆိုင်ရှင် လိမ်ပြောနေခြင်း မဟုတ်ပေ။ ယခုအချိန်ထိ သူသည် ကျန်းဖန်၏ မည်သူမည်ဝါဖြစ်ကြောင်းကို မသိသေးပေ။</p> <p>သို့သော်လည်း စည်းကမ်းထိန်းသိမ်းရေးအဖွဲ့ဝင်များ ဤမျှ နှိမ့်ချနေသည်ကို မြင်ရသောအခါ သူ၏ အဆင့်အတန်းသည် အတော်လေး မြင့်မားမည်မှာ သေချာပေသည်။</p> <p>သူ အသက်ရှင်ရန် အခွင့်အရေးကို ရှာချင်ပါက ပထမဆုံး လုပ်ရမည့်အရာမှာ အသက်ချမ်းသာပေးရန် တောင်းပန်ခြင်းပင် ဖြစ်သည်ပင်။ အသက်ချမ်းသာပေးရန် တောင်းပန်ပြီးနောက် သေချာပေါက် သူတို့ သည် တာဝန်ကို ရှောင်လွှဲရန် ကြိုးစားကြပေလိမ့်မည်။</p> <p>ထို့နောက် ဆိုင်ရှင်သည် လင်းဖန်ကို လက်ညှိုးထိုးပြလိုက်လေသည်။</p> <p>"သခင်လေးကျန်း... ဒါက... ဒါတွေအားလုံးက သူ့ရဲ့ အကြံအစည်တွေပါ။ သူက ဆေးလုံးတွေကို ပေးပြီး ဒီအစီအစဉ်ကို ဆွဲခဲ့တာပါ…။"</p> <p>"ငါက ခဏတာ လှည့်စားခံလိုက်ရပြီး သူ့ရဲ့ လှည့်ကွက်ထဲ ရောက်သွားခဲ့ရတာပါ…။"</p> <p>ဆိုင်ရှင်၏ စကားများကို နားထောင်ရင်း လင်းဖန်သည် ထိုသူ့ကို နောက်ကျလျင် ကိုယ်တိုင်ပေါက်ကွဲ ဆေးလုံးတစ်လုံးဖြင့် ဆုချရန် ဆုံးဖြတ်လိုက်လေသည်။</p> <p>ကိုယ်ပိုင် ဆေးလုံးများကို စမ်းသပ်ရန် စမ်းသပ်မှု မှတ်တမ်းအသစ်တစ်ခု ထည့်သွင်းရမည်။</p> <p>ကျန်းဖန်နှင့် စည်းကမ်းထိန်းသိမ်းရေး အရာရှိနှစ်ဦးတို့ကတော့ ဤသည်က ဘယ်သူ့အကြံလဲဆိုသည်ကို ဂရုမစိုက်ကြပေ။</p> <p>ကိုယ်ကျိုးအတွက် ဥပဒေကို ချိုးဖောက်ရန် ဆုံးဖြတ်ပြီးကတည်းက သက်သေအထောက်အထား အားလုံးကို ဖျက်ဆီးပစ်ရမည်ပင် ဖြစ်၏။</p> <p>သတင်းများ ပေါက်ကြားပြီး သူတို့၏ မိုးခြိမ်းသံမြို့တော်၏ ဂုဏ်သတင်းကို မထိခိုက်စေရန် ကာကွယ် ရန်ပင် ဖြစ်လေသည်။</p> <p>ထို့ကြောင့် ပထမဆုံး ရှင်းလင်းပစ်ရမည့်အရာမှာ သဘာဝကျကျပင် ဤသက်သေ လေးဦး ဖြစ်နေ သည်ပင်။</p> <p>"အခုမှ ဒါတွေ အားလုံး ပြောနေလည်း အသုံးမဝင်တော့ဘူး။ မင်းတို့ လေးယောက်လုံး ဒီကိစ္စမှာ ပါဝင် ပတ်သက်နေတယ်။ နောက်ဘဝကျရင် မျက်လုံးဖွင့်ပြီး ကြည့်ဖို့ မှတ်ထားလိုက်…။"</p> <p>ပြောပြောဆိုဆိုနှင့်ပင် ထျန်းယင်ဂိုဏ်းမှ စည်းကမ်းထိန်းသိမ်းရေးသမားများသည် စတင်လှုပ်ရှားရန် ပြင်ဆင်လိုက်ကြလေသည်။</p> <p>စည်းကမ်းထိန်းသိမ်းရေး အရာရှိက သူ၏ အခြေတည်စိတ်ဝိညာဉ်အဆင့် ကျင့်ကြံမှုကို ထုတ်ဖော်လိုက် သောအခါ ဆိုင်ရှင်နှင့် သူ၏ တာအိုအဖော်တို့သည် အလွန်ကြောက်ရွံ့သွားကာ အလျင်အမြန် အနောက် သို့ဆုတ်သွားကြလေသည်။</p> <p>စည်းကမ်းထိန်းသိမ်းရေးသမား၏ တိုက်ခိုက်မှုသည် သဘာဝကျကျပင် လင်းဖန်အပေါ်သို့ ကျရောက် လာခဲ့လေသည်။</p> <p>သို့သော်လည်း နောက်ဆက်တွဲ ဖြစ်ပေါ်လာသောအရာက သူတို့၏ မျှော်လင့်သည်ထက်များစွာ ကျော်လွန်နေခဲ့လေ၏။</p> <p>လင်းဖန်အပေါ် ကျရောက်လာသော တိုက်ခိုက်မှုသည် လှိုင်းဂယက် အနည်းငယ်မျှကိုပင် မဖြစ်ပေါ်စေ နိုင်ခဲ့ပေ။</p> <p>မဟာယာနအဆင့် ကျင့်ကြံသူတစ်ဦး၏ စွမ်းအားသည် အခြေတည်စိတ်ဝိညာဉ်အဆင့် ကျင့်ကြံသူ တစ်ဦး၏ လက်လှမ်းမီနိုင်သော အတိုင်းအတာထက် များစွာ သာလွန်နေသည်မဟုတ်ပါလား။</p> <p>လင်းဖန် မတ်တတ်ရပ်နေပြီး တစ်ဖက်လူကို သူ့အား တိုက်ခိုက်ခွင့်ပြုထားလျှင်ပင်။ တစ်ဖက်လူက အသေအလဲ ကြိုးစားတိုက်ခိုက်မည်ဆိုလျှင်တောင် လင်းဖန်ကို အနည်းငယ်မျှ အန္တရာယ်ပြုနိုင်မည် မဟုတ်ပေ။</p> <p>ပြိုင်ဘက်၏ တိုက်ခိုက်မှုက သူ့ကို ထိမှန်သွားသည်ကို မြင်သောအခါ လင်းဖန်သည် သူ၏ ရည်မှန်းချက် အောင်မြင်သွားပြီဖြစ်ကြောင်း သဘောပေါက်လိုက်လေသည်။</p> <p>နောက်ပိုင်း ထျန်းယင်ဂိုဏ်းမှ လူများ ရောက်လာသောအခါ ဤအချင်းအရာကို အသုံးချပြီး သူတို့ထံမှ စိတ်ဝိညာဉ်ကျောက်တုံးများ ထပ်မံ ခြိမ်းခြောက်တောင်းယူနိုင်တော့မည် ဖြစ်သည်။</p> <p>"ဟက်... သာမန် အခြေတည်စိတ်ဝိညာဉ်အဆင့် ကျင့်ကြံသူလေးက သူ့အထက်ကလူကို ဖီဆန်ပြီး မဟာ ယာနအဆင့် ဂုဏ်သရေရှိပုဂ္ဂိုလ်ကို တိုက်ခိုက်ရဲတယ်ပေါ့။ မင်းကို ဘယ်သူက ဒီလို သတ္တိတွေ ပေးထား တာလဲ…။"</p> <p>"မင်းတို့ ထျန်းယင်ဂိုဏ်းကသာ ဒီကိစ္စအတွက် ငါ့ကို ရှင်းပြချက် မပေးဘူးဆိုရင် မင်းတို့ရဲ့ မိုးခြိမ်းသံ   မြို့တော်ကို ငါ ဖျက်စီးပစ်မယ်….။"</p> <p>ပြောပြောဆိုဆိုနှင့်ပင် လင်းဖန်သည် မည်သည့် အဟန့်အတားမျှမထားရှိတော့ဘဲ သူ၏ ကျင့်ကြံမှု အဆင့်ကို ထုတ်ဖော်ပြသလိုက်လေတော့သည်။</p> <p>ထိုအခိုက်အတန့်တွင် စည်းကမ်းထိန်းသိမ်းရေး ခန်းမဆောင်တစ်ခုလုံးသည် မဟာယနတက်လှမ်းခြင်း အဆင့်ရှိ လင်းဖန်၏ ဖိနှိပ်နိုင်သော အရှိန်အဝါ အငွေ့အသက်များဖြင့် လွှမ်းခြုံသွားခဲ့လေတော့သည်။</p> <p>သူတို့သည် ကြီးမားလှသော ဖိအားကို ခံစားလိုက်ကြရ၏။ ပထမဆုံး အထိနာခဲ့သော ကျန်းဖန်နှင့် အခြားသူများမှာ မြေပြင်ပေါ်သို့ လဲကျသွားပြီး မလှုပ်ရှားနိုင်တော့ပေ။</p> <p>တစ်ချိန်တည်းမှာပင် အခန်းအပြင်ဘက် စည်းကမ်းထိန်းသိမ်းရေး ခန်းမဆောင်အတွင်းရှိ လူများ၊ အထူး သဖြင့် ကျင့်ကြံမှုအဆင့် နိမ့်ပါးသူများမှာ ထိတ်လန့်တုန်လှုပ်သွားကြလေတော့သည်။</p> <p>ကျင့်ကြံမှုအဆင့် အမြင့်မားဆုံးဖြစ်သော ကျင့်ကြံသူနှစ်ဦးမှာ မိုးကြိုးနတ်ဘုရားဂိုဏ်းနှင့် ထျန်းယင် ဂိုဏ်းတို့မှ အသီးသီး ဖြစ်ကြလေသည်။</p> <p>သူတို့သည် မိုးခြိမ်းသံမြို့တော်ကို ကာကွယ်ရန် တာဝန်ယူထားသော စည်းကမ်းထိန်းသိမ်းရေး အကြီး အကဲများ ဖြစ်ကြ၏။</p> <p>လင်းဖန်၏ ဖိအားက သူတို့ထံသို့ တိုက်ရိုက် မရောက်လာသောကြောင့် ဖြစ်သည်။ ထို့ကြောင့် သူတို့ သည် လင်းဖန်၏ အခန်းထဲမှ ထွက်ပေါ်လာသော ကြွင်းကျန်နေသည့် စွမ်းအားကိုသာ ခဲယဉ်းစွာဖြင့် ခံနိုင်ရည်ရှိခဲ့ကြလေသည်။</p> <p>​သူတို့သည် အကူအညီတောင်းခံရန် သူတို့၏ သက်ဆိုင်ရာ ဂိုဏ်းများထံသို့ လျှို့ဝှက်အသံလွှင့်ကာ သတင်းပို့လိုက်ကြလေသည်။ သူတို့၏ ဂိုဏ်းထံသို့ သတင်းပေးပို့ပြီးနောက် ထိုနှစ်ဦးသည် သူတို့၏ ကံကြမ္မာကို ထိုင်စောင့်မနေခဲ့ကြပေ။</p> <p>သူတို့သည် အချိန်ဆွဲရန် စီစဉ်ခဲ့ပြီး ဂိုဏ်း၏ မဟာယာနအဆင့်မှ စွမ်းအားကြီးမားသော ကျင့်ကြံသူ တစ်ဦး ရောက်ရှိလာကာ အကူအညီပေးမည့်အချိန်ကို စောင့်ဆိုင်းနေခဲ့ကြလေသည်။</p> <p>သူသည် ဖိနှိပ်နိုင်သော အငွေ့အသက်များ၏ အရင်းအမြစ်ကို ချက်ချင်း ရှာဖွေတွေ့ရှိသွားပြီး တံခါးဝ မှပင် ရိုသေလေးစားစွာ ပြောလိုက်လေသည်။</p> <p>"ဘယ်စီနီယာက မိုးခြိမ်းသံမြို့တော်ကို လာလည်တာလဲဆိုတာ ကျွန်တော်သိချင်ပါတယ်။ ထျန်းယင် ဂိုဏ်းရဲ့ စည်းကမ်းထိန်းသိမ်းရေး အကြီးအကဲ ကျိုးဟွာ က စီနီယာကို အရိုအသေပေးပါတယ်….။"</p> <p>"ကျွန်တော်က မိုးကြိုးနတ်ဘုရားဂိုဏ်းရဲ့ စည်းကမ်းထိန်းသိမ်းရေး အကြီးအကဲ လီကျန်း ပါ။ ကျွန်တော် က စီနီယာကို မရိုမသေ လုပ်မိသွားပါတယ်။ ကျေးဇူးပြုပြီး ကျွန်တော့်ကို ခွင့်လွှတ်ပေးပါ….။"</p> <p>တံခါးအပြင်ဘက်မှ ရိုသေလေးစားစွာဖြင့် နှုတ်ဆက်သံ နှစ်ခုကို ကြားလိုက်ရသောအခါ လင်းဖန်သည် သူ၏ လက်ကိုဝှေ့ယမ်းကာ တံခါးကို ဖွင့်လိုက်လေသည်။</p> <p>ဤအချိန်တွင် စည်းကမ်းထိန်းသိမ်းရေး အကြီးအကဲနှစ်ဦးသည် အခန်းတွင်းရှိ မြင်ကွင်းကို နောက်ဆုံး တွင် မြင်တွေ့သွားကြလေသည်။</p> <p>အထူးသဖြင့် ကျိုးဟွာသည် ဒုတိယဂိုဏ်းချုပ်၏ မြေးဖြစ်သူက သူတို့ကြားတွင် ရှိနေသည်ကို မြင်သော အခါ သူ၏ မျက်လုံးများကို ချက်ချင်း ကျဉ်းမြောင်းသွားစေခဲ့သည်။</p> <p>"စီနီယာ... သူက ကျွန်တော်တို့ ထျန်းယင်ဂိုဏ်းရဲ့ ဒုတိယဂိုဏ်းချုပ်ရဲ့ မြေးပါ။ သူက စီနီယာကို ဘာတွေများ ပြစ်မှားမိလို့လဲဆိုတာ ကျွန်တော် သိချင်မိပါတယ်…။"</p> <p>"ဒီကိစ္စကို ဒုတိယဂိုဏ်းချုပ်ဆီ သေချာပေါက် သတင်းပို့ပြီး သူ့ကို သင့်တော်သလို အပြစ်ပေးဖို့ ကျွန်တော် သေချာတောင်းဆိုပေးပါ့မယ်…။"</p> <p>ဤစကားသည် တောင်းပန်စကားတစ်ခွန်းဟု ထင်ရပေသည်။</p> <p>သို့သော်လည်း သူ၏ တကယ့်ရည်ရွယ်ချက်မှာ ကျန်းဖန်၏ မည်သူမည်ဝါဖြစ်ကြောင်းကို ဖော်ပြရန် ဖြစ်သည်။ ဤသို့ဆိုလျှင် လင်းဖန်အနေဖြင့် သတိထားစရာ တစ်ခုခု ရှိလာစေမည် ဖြစ်သည်။</p> <p>နှစ်ဦးစလုံးသည် မဟာယာနအဆင့်တွင် ရှိနေကြသော်လည်း။</p> <p>သို့သော်လည်း ဒုတိယဂိုဏ်းချုပ်ဖြစ်သူ မဟာယာနအဆင့် ကျင့်ကြံသူတစ်ဦးသည် တူညီသောအဆင့်ရှိ အခြားသူများထက် ပိုမို အစွမ်းထက်လေ့ရှိသည်ပင်။</p> <p>အဘယ်ကြောင့်ဆိုသော် အင်အားကြီးမားသော အဖွဲ့အစည်းများအတွင်း အရေးကြီးသော ရာထူးများကို ကိုင်စွဲထားသူများ ဖြစ်သောကြောင့်ပင်။ သူတို့ ကိုင်ဆောင်ထားသော မှော်ရတနာများ၊ ဆေးလုံးများနှင့် အခြားပစ္စည်းများသည် သာမန် ကျင့်ကြံသူများ၏ ပစ္စည်းများထက် ပိုမိုမြင့်မားသော အဆင့်တွင် ရှိလေ့ ရှိကြပေသည်။</p> <p>လင်းဖန် နားလည်သော်လည်း သူ ဒေါသတော့မထွက်ခဲ့ပေ။</p> <p>*တစ်ဖက်လူက ပိုပြောလေ ပိုလုပ်လေ၊ နောက်ကျရင် ငါ တောင်းဆိုမယ့် စိတ်ဝိညာဉ်ကျောက်တုံးတွေနဲ့ အခြား အရင်းအမြစ်တွေက ပိုများလေပဲ ဖြစ်လိမ့်မယ်….။*</p> <p>*သူ့ကို ပြောခွင့်ပေးလိုက်ပါ။ သူ ပိုပြောလေ ပိုကောင်းလေပဲ…။*</p> <p>"အဋ္ဌမအဆင့် ဂိုဏ်းတစ်ခုရဲ့ ဒုတိယဂိုဏ်းချုပ်ဆိုတော့ အင်မတန် ချမ်းသာကြွယ်ဝတဲ့ မိသားစု နောက်ခံ တော့ ရှိရမှာပေါ့။ မဟုတ်ဘူးလား…။"</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save