Book List

<h2 style="text-align: center;">အခန်း (၁၅၆)</h2> <h2 style="text-align: center;">ခင်ဗျားကို ဆံပင်ပုံစံသစ် ညှပ်ပေးမယ်</h2> <h2 style="text-align: center;">*</h2> <p> </p> <p> </p> <p>သူ၏ရှေ့ရှိ မဟာယာနအဆင့် ကျင့်ကြံသူနှစ်ဦးတည်းသာဆိုလျှင် လင်းဖန်၏ ရှေ့မှောက်တွင် လီလဲ့ယန် ကို ဒဏ်ရာရအောင် လုပ်နိုင်မည် မဟုတ်ပေ။</p> <p>လင်းဖန်က သူ့ရှေ့မှ လူနှစ်ဦးကို သတ်လိုက်ပြီးနောက် သူ့ကို ကူညီရန် ရောက်လာမည့် သူများကို စိုးရိမ် နေခြင်း ဖြစ်လေသည်။</p> <p>မည်သို့ပင်ဆိုစေ ဤနေရာသည် ကျုံးကျိုးဖြစ်၏။ တစ်ဖက်လူသည် အဆင့်(၈)ဂိုဏ်းသာ ဖြစ်သော် လည်း၊ ဂိုဏ်း၏ အခြေခံအုတ်မြစ်အဖြစ် အတိဒုက္ခအဆင့် ကျင့်ကြံသူတစ်ဦး မရှိဘူးဆိုသည်ကိုလည်း လင်းဖန် မယုံကြည်ပေ။</p> <p>အကယ်၍ အတိဒုက္ခအဆင့် ကျင့်ကြံသူတစ်ဦးသာ ရောက်လာခဲ့ပါက လီလဲ့ယန် ထိခိုက်မှု မရှိစေရန် သူ အာမခံနိုင်မည်ဟု လင်းဖန် ယုံကြည်မှု မရှိပေ။</p> <p>တစ်ချိန်တည်းမှာပင် ကျန်းမုဟိုင်၏ အပြုအမူက ကျူးရှိုးဝမ်၏ မျက်နှာကိုလည်း အနည်းငယ် အကျည်း တန်သွားစေခဲ့သည်ပင်။</p> <p>တစ်ဖက်လူသည် သူ ဤနေရာတွင် ရှိနေသည်ကို သိနေပြီး သူတို့ စတင်လှုပ်ရှားမည်ဆိုသည်နှင့် သူက လက်ပိုက်ကြည့်နေရန် မကောင်းဘူးဆိုသည်ကို သိနေကြောင်း ထင်ရှားလေသည်။</p> <p>*နားလည်မှုလွဲမှားတာကို အခုလေးတင် ရှင်းလင်းပြီးသွားပြီဆိုတော့ ဒီပဋိပက္ခမှာ ငါက ဘယ်လိုလုပ် ထပ်ပြီး ပါဝင်ပတ်သက်နေရမှာလဲ…။*</p> <p>"တာအိုရောင်းရင်းကျန်း... ခင်ဗျားသွားလေရာမှာ ရန်သူတွေ ဖန်တီးနေတဲ့ ခင်ဗျားရဲ့ အပြုအမူကို ခင်ဗျားတို့ ဂိုဏ်းချုပ်ကရော သိရဲ့လား…။"</p> <p>"တာအိုရောင်းရင်းလင်း... ကျေးဇူးပြုပြီး ဒေါသမထွက်ပါနဲ့။ အရာရာတိုင်းမှာ သဟဇာတဖြစ်မှုက အရေးအကြီးဆုံးပါ….။"</p> <p>"ကျန်းမုဟိုင်က ထျန်းယင်ဂိုဏ်းရဲ့ ဒုတိယဂိုဏ်းချုပ်ပဲ ဖြစ်ပြီး ဆုံးဖြတ်ချက်တွေ မချနိုင်ပါဘူး။ ခင်ဗျား အနေနဲ့ တကယ့် ဂိုဏ်းချုပ်နဲ့ စကားပြောဖို့ သူတို့ရဲ့ ဂိုဏ်းချုပ်ကို ငါ အကြောင်းကြားပေးပါ့မယ်…။"</p> <p>"မဟာယာနအဆင့် ကျင့်ကြံသူတွေကြားက တိုက်ပွဲရဲ့ နောက်ဆက်တွဲ ရလဒ်တွေက မြို့ထဲက အဆင့်နိမ့် ကျင့်ကြံသူ များစွာကို သေချာပေါက် ထိခိုက်စေပါလိမ့်မယ်။ ခင်ဗျားတို့နှစ်ယောက်စလုံး တည်ငြိမ်မှုကို ထိန်းထားဖို့ လိုပါတယ်…။"</p> <p>ကျူးရှိုးဝမ်၏ လေးနက်သော ဖျောင်းဖျမှုကို ကြားပြီးနောက် ကျန်းမုဟိုင်သည် သူ စိတ်လိုက်မာန်ပါ ပြုမူ မိခဲ့ကြောင်း သဘောပေါက်သွားခဲ့လေသည်။</p> <p>*ငါက တိုက်ပွဲတစ်ခုကို ဖန်တီးလိုက်ပြီး မိုးခြိမ်းသံမြို့တော်က အဆင့်နိမ့် ကျင့်ကြံသူတွေ သေကြေ ဒဏ်ရာရခဲ့မယ်ဆိုရင်…. အဲဒီအခါကျရင် ငါက ထျန်းယင်နဲ့ မိုးကြိုးနတ်ဘုရားဂိုဏ်းတွေအပေါ် အပြစ် လုပ်မိတဲ့သူ ဖြစ်သွားလိမ့်မယ်…။*</p> <p>ယခု တည်ငြိမ်သွားပြီဖြစ်ရာ ကျန်းမုဟိုင်သည် ကျူးရှိုးဝမ်က သူ့ကို ထွက်ပေါက်ပေးလိုက်သည်ကို မြင် သောအခါ နောက်ဆုတ်ရန် အခွင့်အရေးကို အရယူလိုက်လေသည်။</p> <p>ထို့ကြောင့် အေးစက်စွာ နှာမှုတ်လိုက်ပြီးနောက် သူ၏ ဖိနှိပ်နိုင်သော အရှိန်အဝါကို ရုပ်သိမ်းလိုက်လေ သည်။</p> <p>သူက နောက်ဆုတ်သွားသော်လည်း လင်းဖန်ကတော့ မလိုလားပေ။ လင်းဖန်သည် ခရမ်းရွှေနတ်နဂါး ဓားကို ချက်ချင်း ထုတ်ယူလိုက်ပြီး တစ်ဖက်လူကို ချိန်ရွယ်လိုက်လေတော့သည်။</p> <p>"မင်းက ငိုယိုပြီး သတ္တိကြောင်တဲ့ပုံစံ လုပ်ပြပြီး ဘာတွေ လှည့်စားဖို့ ကြိုးစားနေတာလဲ…။"</p> <p>"မင်းက လှုပ်ရှားချင်နေတာ မဟုတ်ဘူးလား။ လာလေ... မင်း မလှုပ်ရှားဘူးဆိုရင် ငါက လှုပ်ရှားမယ်။"</p> <p>လင်းဖန်က မရပ်တန့်သည့်အပြင် မှော်လက်နက်တစ်ခုကိုပင် ထုတ်ယူလာသည်ကို မြင်သောအခါ။</p> <p>ကျူးရှိုးဝမ် ချက်ချင်းပင် သူ့ကို တားဆီးရန် ကြိုးစားလိုက်သည်။</p> <p>"တာအိုရောင်းရင်းလင်း... ကျေးဇူးပြုပြီး စိတ်အေးအေး ထားပါ။ ထျန်းယင်ဂိုဏ်းကို ငါ သတင်းပို့ပြီးပါ ပြီ။ မကြာခင် သူတို့ ခင်ဗျားကို ရှင်းပြချက်တစ်ခု ပေးပါလိမ့်မယ်…။"</p> <p>"ဒေါသထွက်ပြီးတော့ ဘယ်တော့မှ စိတ်လိုက်မာန်ပါ မလုပ်ပါနဲ့။ တစ်ယောက်ယောက် ဒဏ်ရာရတာ ဒါမှမဟုတ် သေဆုံးတာတွေ ဖြစ်ခဲ့ရင် ပျက်စီးသွားတာတွေကို ပြန်ပြင်လို့ မရတော့ဘူး…။"</p> <p>ကျူးရှိုးဝမ်၏ အကြံပြုစကားများကို ကြားသောအခါ လင်းဖန်က အရေးမစိုက်သည့်အပြုံးဖြင့် ပြုံး လိုက်လေသည်။</p> <p>"ဟက်... ခင်ဗျားက ဘာကို ဖြေရှင်းချင်သေးလို့လဲ။ ငါက ဘာမှတောင် မလှုပ်ရှားရသေးဘူး။ ခင်ဗျားတို့ နောက်ကွယ်က ဂိုဏ်းတွေကို ဂရုစိုက်လို့ ငါ ဒီလိုလုပ်နေတယ်လို့များ ထင်နေတာလား…။"</p> <p>"ဒါ့အပြင် မဟာယာနအဆင့် ကျင့်ကြံသူတစ်ယောက်ကို ဖြေရှင်းရတာက ကြီးကြီးမားမား ဆူညံမှုတွေ ဖြစ်စေမှာ မဟုတ်ပါဘူး…။"</p> <p>"ငါ့ကို မယုံဘူးဆိုရင် သူ့ကို ဆံပင်ပုံစံသစ် ညှပ်ပေးတာကို ကြည့်နေလိုက်…။"</p> <p>ပြောပြောဆိုဆိုနှင့်ပင် လင်းဖန် ရုတ်တရက် လှုပ်ရှားလိုက်လေသည်။ သူ၏ လက်ထဲရှိ ဓားပျံသည် ကျန်းမုဟိုင်၏ ခေါင်းပေါ်သို့ ချက်ချင်း ရောက်ရှိသွားခဲ့လေသည်။</p> <p>သူ တုံ့ပြန်နိုင်ခြင်း မရှိမီမှာပင် ၎င်းက သူ့ကို ဆံပင်ပုံစံသစ် ညှပ်ပေးလိုက်ပြီဖြစ်၏။မူလက အတော်လေး ထူထဲသော ဆံပင်ရှိသည့် ကျန်းမုဟိုင်မှာ ရုတ်တရက် ကတုံးဖြစ်သွားခဲ့လေသည်။</p> <p>သူ၏ ခေါင်းပေါ်မှ အေးစိမ့်မှုကို ခံစားလိုက်ရသောအခါ ကျန်းမုဟိုင် ချက်ချင်း လက်လှမ်းကာ စမ်းကြည့် လိုက်လေ၏။ ဘာဖြစ်သွားသည်ကို သဘောပေါက်ပြီးနောက် ကျန်းမုဟိုင်သည် ဆက်လက် သည်းခံနိုင် ခြင်း မရှိတော့ပေ။</p> <p>သူ၏ ဓားပျံကို ချက်ချင်း ထုတ်ယူကာ လင်းဖန်ကို တိုက်ခိုက်လိုက်လေတော့သည်။ သို့သော်လည်း လင်းဖန်၏ ခရမ်းရွှေနတ်နဂါးဓားက ချက်ချင်း တန်ပြန်တိုက်ခိုက်လိုက်လေ၏။</p> <p>ထို့နောက် ခရမ်းရွှေနတ်နဂါးဓားသည် ပြိုင်ဘက်၏ ဓားပျံကို အပိုင်းပိုင်းအစစဖြစ်အောင် ခုတ်ပိုင်းလိုက် ပြီး ပြိုင်ဘက်၏ မျက်ခုံးကြားတွင် ရပ်တန့်သွားခဲ့လေသည်။</p> <p>သူတို့၏ စိတ်ဝိညာဉ်နှင့် ဆက်သွယ်ထားသော မှော်လက်နက် ပျက်စီးသွားမှုက ကျန်းမုဟိုင်ကိုလည်း သိသိသာသာ ဒဏ်ရာရစေခဲ့ပြီး သူ၏ နှုတ်ခမ်းထောင့်မှ သွေးများ ချက်ချင်း စီးကျလာခဲ့လေသည်။</p> <p>မဟာယာနအဆင့် ကျင့်ကြံသူများကြားရှိ ကြီးကျယ်ခမ်းနားပြီး ကြာရှည်မည့် တိုက်ပွဲတစ်ခု ဖြစ်သင့် သော်လည်း မျက်စိတစ်မှိတ်အတွင်း အသံတိတ် ပြီးဆုံးသွားခဲ့လေသည်။</p> <p>"ဟား..ဟား... တာအိုရောင်းရင်း၊ ငါ မှန်တယ်ဆိုတာ ခင်ဗျား မြင်တယ်မလား။ သူ့ကို ဖြေရှင်းရတာက ခဏလေးပဲ အချိန်ယူရတာပါ…။"</p> <p>ယခုအချိန်တွင် သူ၏ မျက်ခုံးနှစ်ခုကြားတွင် ဝဲပျံနေသော ဓားကြောင့် ကျန်းမုဟိုင်သည် အနည်းငယ်မျှ ပင် မလှုပ်ရှားဝံ့တော့ပေ။</p> <p>ဘေးတွင် ရပ်နေသော ကျူးရှိုးဝမ်မှာ ကျောချမ်းသွားသည်ဟု ခံစားလိုက်ရလေသည်။ သူ၏ အင်အား သည်လည်း ကျန်းမုဟိုင်နှင့် အကြမ်းဖျင်းအားဖြင့် တူညီလေသည်။ ကျန်းမုဟိုင် ချက်ချင်း ရှုံးနိမ့်သွား သောကြောင့် သူသာဖြစ်ခဲ့လျှင်လည်း ရလဒ်က အတူတူပင် ဖြစ်ပေလိမ့်မည်။</p> <p>ဤသည်ကို တွေးမိသောအခါ ကျူးရှိုးဝမ်သည် ပြဿနာကို အစကတည်းက အသေးအဖွဲ ဖြစ်အောင် လုပ်ရန် ရည်ရွယ်ခဲ့ခြင်းအတွက် ကံကောင်းသည်ဟု ခံစားလိုက်ရလေသည်။ သို့မဟုတ်ပါက ယနေ့ ဓားပျံ မှော်လက်နက် ပျက်စီးသွားမည့်သူမှာ သူ ဖြစ်နေပေလိမ့်မည်။</p> <p>တစ်ချိန်တည်းမှာပင် လင်းဖန်၏ လက်ထဲရှိ ဓားပျံက မည်သည့်အဆင့်ဖြစ်မည်ကို သူ သိချင်စိတ် ပြင်းပြလာခဲ့လေသည်။</p> <p>အဘယ်ကြောင့်ဆိုသော် သူလည်း သတိထားမိသောကြောင့်ပင်။ ဤတစ်ကြိမ် ကျန်းမုဟိုင် ဤမျှ မြန်မြန် ရှုံးနိမ့်သွားရခြင်း၏ အဓိက အကြောင်းရင်းမှာ သူ့မှော်လက်နက်၏ အားနည်းချက်ကြောင့်ပင် ဖြစ်လေ၏။</p> <p>တကယ်တမ်းတွင် ကျူးရှိုးဝမ်၏ ခန့်မှန်းချက်က မှန်ကန်ပေ၏။</p> <p>လင်းဖန်သည် မဟာယာနအဆင့်တွင် ရှိသော်လည်း တိုက်ခိုက်ရေး မှော်ပညာ တစ်ခုကိုမျှ ဝယ်ယူခဲ့ခြင်း မရှိပေ။</p> <p>အဆင့်မြင့် ပြိုင်ဘက်များကို တိုက်ခိုက်ရာတွင် သူ၏ ယုံကြည်မှုမှာ အဓိကအားဖြင့် သူ ကိုင်ဆောင်ထား သော မှော်လက်နက်များမှ မြစ်ဖျားခံလေသည်။</p> <p>ခရမ်းရွှေနတ်နဂါးဓား၏ အနိုင်ယူ၍မရသော စွမ်းအားနှင့် ခရမ်းရွှေနတ်နဂါးထီး၏ အားကောင်းသော ခုခံကာကွယ်မှုတို့ပင် ဖြစ်လေသည်။</p> <p>"တာအိုရောင်းရင်းလင်း... ကျေးဇူးပြုပြီး စိတ်အေးအေး ထားပါ။ ဒါက အဘိုးကြီးကျန်းရဲ့ အမှားပါ။ ကျေးဇူးပြုပြီး သနားညှာတာပေးပါ…။"</p> <p>"ထျန်းယင်ဂိုဏ်းရဲ့ ဂိုဏ်းချုပ်က မကြာခင် ရောက်လာတော့မှာပါ။ သူက ခင်ဗျား ကျေနပ်လောက်တဲ့ အဖြေတစ်ခု ပေးမယ်ဆိုတာ ငါ သေချာပါတယ်…။"</p> <p>ထို့နောက် ကျူးရှိုးဝမ်၏ လေးနက်သော ဖျောင်းဖျမှုကို ကြားပြီးနောက် လင်းဖန်သည် နောက်ထပ် မည်သည့် လှုပ်ရှားမှုမျှ မလုပ်တော့ပေ။ သူသည် ဓားပျံကို ကျန်းမုဟိုင်၏ နဖူးပေါ်တွင် ဆက်လက် ဖိထားလိုက်လေသည်။</p> <p>သိပ်မကြာမီမှာပင် ထျန်းယင်ဂိုဏ်း၏ ဂိုဏ်းချုပ် စုန့်ယုံချန်သည် မိုးခြိမ်းသံမြို့တော်သို့ ရောက်ရှိလာခဲ့ လေသည်။</p> <p>တွေ့ဆုံသည်နှင့် တစ်ပြိုင်နက် စုန့်ယုံချန်သည် လင်းဖန်ကို လှိုက်လှိုက်လှဲလှဲ နှုတ်ဆက်လိုက်လေသည်။</p> <p>"တာအိုရောင်းရင်းလင်း... ဒါက နားလည်မှုလွဲတာပါ၊ နားလည်မှုလွဲတာပါ…။"</p> <p>"အင်မော်တယ်တိမ်တိုက်ဂိုဏ်းက စီနီယာလျူက ငါ့ကို အခုလေးတင် သတင်းပို့လို့ ဒီကိစ္စကို ငါ သိရတာ ပါ။ ငါ တကယ်ကို တောင်းပန်ပါတယ်…။"</p> <p>"ခင်ဗျားကို တွေ့ရတာ ဝမ်းသာပါတယ်။ တာအိုရောင်းရင်းလင်း... ကျေးဇူးပြုပြီး ဒီလက်ဆောင်ကို လက်ခံပေးပါ…။"</p> <p>ထျန်းယင်ဂိုဏ်းချုပ်၏ စကားကို ကြားသောအခါ လင်းဖန်သည် အံ့သြတကြီးဖြင့် လီလဲ့ယန်ဘက်သို့ လှည့်ကြည့်လိုက်လေသည်။</p> <p>လီလဲ့ယန်က အနေရခက်စွာ ပြုံးပြရင်း ပြောလိုက်လေသည်။</p> <p>"စီနီယာအစ်ကို အန္တရာယ်ကြုံရမှာ စိုးရိမ်လို့ စာရေးဆီကို သတင်းပို့လိုက်တာ….။"</p> <p>ယခုအချိန်တွင် စုန့်ယုံချန်သည် လီလဲ့ယန် စကားပြောနေသည်ကိုလည်း သတိပြုမိသွားလေသည်။</p> <p>"သူမက စီနီယာလျူရဲ့ မျိုးဆက် ဖြစ်ရမယ်။ ဒီလောက် ငယ်ငယ်ရွယ်ရွယ်နဲ့ ဟင်းလင်းပြင်သန့်စင်ခြင်း အဆင့်ကို ရောက်နေပြီပဲ။ တကယ်ကို မျိုးဆက်သစ်တွေက မျိုးဆက်ဟောင်းတွေထက်ကို သာလွန်တာ ပဲ…။"</p> <p>ထိုသို့ပြောပြီးနောက် စုန့်ယုံချန်သည် လင်းဖန်လည်း အလွန် ငယ်ရွယ်ပုံပေါက်ကြောင်း ရုတ်တရက် သတိရသွားလေသည်။</p> <p>*ဒီလောက် ငယ်ရွယ်တဲ့ မဟာယာနအဆင့် ကျင့်ကြံသူတစ်ယောက်က ဘာတွေများ ဒီလောက် အများ ကြီးစားပြီး ကြီးပြင်းလာတာလဲ…။*</p> <p>စုန့်ယုံချန် ရှင်းပြပြီးနောက် တစ်ဖက်လူ ဘာကြောင့် ဤမျှ စိတ်အားထက်သန်နေရသည်ကို လင်းဖန် နောက်ဆုံးတွင် နားလည်သွားခဲ့လေသည်။</p> <p>သွေးမိစ္ဆာဂိုဏ်းဖြစ်ရပ်ကြောင့် စုန့်ယုံချန်သည် လျူအန်းရှန်းနှင့် သိကျွမ်းခွင့်ရခဲ့ခြင်း ဖြစ်သည်။</p> <p>လျူအန်းရှန်းက လင်းဖန်ထံမှ ဆေးလုံးများကို လက်ခံရရှိပြီးနောက် သူ သိကျွမ်းသော မဟာယာန အတိဒုက္ခအဆင့် ကျင့်ကြံသူများထံသို့ သူ၏ လုပ်ငန်းကို မြှင့်တင်ရန် သူ တွေးခဲ့လေသည်။</p> <p>မဟာယာနအဆင့်၏ အထွတ်အထိပ်တွင် အတိဒုက္ခခံယူတော့မည့် စုန့်ယုံချန်မှာ အလိုအလျောက်ပင် ပထမဆုံး ရွေးချယ်မှု ဖြစ်လာခဲ့သည်ပင်။</p> <p>လျူအန်းရှန်းသည် စုန့်ယုံချန်နှင့် ကြီးမြတ်သောပြန်လည်ကုသခြင်းဆေးလုံး အကြောင်း ဆက်သွယ် ပြောဆိုနေချိန်တွင် ဖြစ်၏။</p> <p>လီလဲ့ယန်ထံမှ သတင်းစကားတစ်ခု ရုတ်တရက် ရရှိခဲ့သည်လေ။</p> <p>အလွန် တိုက်ဆိုင်စွာပင် လီလဲ့ယန် ပြောပြသော ပဋိပက္ခ၏ ပစ်မှတ်မှာ ထျန်းယင်ဂိုဏ်း ဖြစ်နေကြောင်း သူတို့ သိရှိခဲ့ကြလေသည်။</p> <p>သေချာသည်မှာ ထိုအချိန်က စုန့်ယုံချန်နှင့် ဆက်သွယ်နေသော လျူအန်းရှန်းက ဤကိစ္စအကြောင်း သူ့ကို ချက်ချင်း ပြောပြခဲ့လိုက်သည်ပင်။</p> <p>စုန့်ယုံချန်က ဤကိစ္စကို သင့်လျော်စွာ ကိုင်တွယ်ဖြေရှင်းမည်ဟု ကတိပေးပြီးနောက်။ လျူအန်းရှန်းက ထပ်မံ၍ ခရီးထွက်ရန် ပျင်းရိနေခဲ့လေသည်။ သူ၏အမြင်တွင် ဆန်းကြယ်သော မြင့်မြတ်နယ်မြေကို ပိုင်ဆိုင်ထားသော လင်းဖန်သည် မည်သည့် အန္တရာယ်နှင့်မျှ ကြုံတွေ့ရမည် မဟုတ်ပေ။</p> <p>သူ၏ ဒုတိယဂိုဏ်းချုပ်နှင့် ထိပ်တိုက်တွေ့ခဲ့သူမှာ ကြီးမြတ်သောပြန်လည်ကုသခြင်းဆေးလုံး ပိုင်ရှင် ဖြစ်ကြောင်း သိရှိပြီးနောက် စုန့်ယုံချန်သည် သူသည် အလွန် အလျင်စလိုဖြင့် မိုးခြိမ်းသံမြို့တော်ဆီသို့ ချက်ချင်း ပြေးလာခဲ့သည်ပင်။</p> <p>တစ်ဖက်လူကို လုံးဝ ဒေါသထွက်အောင် လုပ်မိပါက ကြီးမြတ်သောပြန်လည်ကုသခြင်းဆေးလုံးကို သူ့အား ရောင်းချရန် ငြင်းဆန်မည်ကို သူ စိုးရိမ်နေခဲ့ခြင်းပင်။</p> <p>လင်းဖန်သည် သူ လုံးဝအလေးပေးဆက်ဆံရမည့်သူပင် ဖြစ်လေသည်။</p> <p>လျူအန်းရှန်းက ကြားဝင်စေ့စပ်ပေးနေသည်ကို မြင်သောအခါ လင်းဖန်သည် ဆက်လက်လှုပ်ရှားရန် အကြံအစည်ကို စွန့်လွှတ်လိုက်တော့သည်။</p> <p>အထူးသဖြင့် တစ်ဖက်လူက ကြီးမြတ်သောပြန်လည်ကုသခြင်းဆေးလုံးကို ဝယ်ယူချင်ကြောင်း သိရှိပြီး နောက် သူတို့၏ သဘောထားမှာပင် များစွာ ကောင်းမွန်လာခဲ့သည်ပင်။</p> <p>ခရမ်းရွှေနတ်နဂါးဓားကို သိမ်းဆည်းပြီးနောက် လင်းဖန်က ပြုံးကာ စုန့်ယုံချန်ကို ပြောလိုက်လေသည်။</p> <p>"ဂိုဏ်းချုပ်စုန့်... ဒီတိုက်ပွဲကနေတဆင့် ငါတို့ သူငယ်ချင်းတွေ ဖြစ်သွားပြီပဲ။ အနာဂတ်မှာ ဆေးလုံး ဒါမှ မဟုတ် မှော်လက်နက် တစ်ခုခု လိုအပ်ရင် ငါ့ဆီကနေ အချိန်မရွေး ဝယ်ယူနိုင်ပါတယ်…။"</p> <p>ဤစကားကို ကြားသောအခါ စုန့်ယုံချန် ပြုံးလိုက်လေသည်။ ဘေးတွင် ရပ်ကာ စိတ်ဓာတ်ကျနေသော ကျန်းမုဟိုင်မှာ ပို၍ပင် အကျည်းတန်နေပုံရ၏။</p> <p>*သူတို့က တိုက်ပွဲတစ်ခုဖြစ်ပြီးမှ သူငယ်ချင်းတွေ ဖြစ်သွားတာလား။ မင်းတို့နှစ်ယောက်က သိနေကြ တာပဲ၊ ဒါပေမဲ့ ငါ့ကို ရိုက်တဲ့သူတွေက မင်းတို့ပဲလေ….*</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save