Book List

<h2 style="text-align: center;">အခန်း (၁၅၇)</h2> <h2 style="text-align: center;">ဆေးလုံးနှစ်လုံးအနက်မှ တစ်လုံးကို ရွေးချယ်ပါ</h2> <h2 style="text-align: center;">*</h2> <p> </p> <p> </p> <p>*တစ်ယောက်ယောက်ကများ ငါ့ခံစားချက်တွေကို ထည့်စဉ်းစားပေးဖူးရဲ့လား…။*</p> <p>ကျန်းမုဟိုင် ဘာပဲတွေးနေပါစေ၊ ဘယ်သူကမှ သူ့ဘက်ကနေ ရပ်တည်ပေးတော့မည် မဟုတ်ပေ။</p> <p>စိတ်ပျက်လက်ပျက်နဲ့သာ ကျန်းမုဟိုင်သည် ဒဏ်ရာတွေကုသရန်အတွက် သူ့ဂိုဏ်းကို ပြန်သွားရုံကလွဲ ပြီး ဘာမျှမတတ်နိုင်တော့ပေ။</p> <p>သို့သော်လည်း ဒဏ်ရာတွေကို ကုသ၍ရနိုင်ပါသော်လည်း ကျိုးပဲ့သွားသော ဓားပျံကိုတော့ မည်ကဲ့သို့ ပြန်လည်ကောင်းမွန်အောင် လုပ်နိုင်မည်ပါနည်း။</p> <p>လင်းဖန်ကလည်း ကျန်းမုဟိုင် ထွက်သွားတာကို အလိုလိုပင် သတိထားမိလိုက်လေသည်။</p> <p>တစ်ဖက်လူ ကောက်ယူသွားသည့် ဓားပျံကို ကြည့်လိုက်ပြီး မှော်ပစ္စည်းတွေ ပြုပြင်ပေးတဲ့ အလုပ် နောက်တစ်ခုများ လုပ်လျင်ကောင်းမလားဟု သူ စဉ်းစားလိုက်မိ၏။</p> <p>ကုန်သည်တွေဆိုတာ အငြိုးအတေး မထားတတ်ဘူးလေ။</p> <p>တစ်ဖက်လူက လင်းဖန်ရဲ့ စီးပွားရေးကို အထောက်အကူပြုနိုင်သရွေ့ပေါ့။</p> <p>လင်းဖန်က အစောပိုင်းက ပြစ်မှားခဲ့သည်များကို မျက်စိတစ်မှိတ်အတွင်းမှာတင် ခွင့်လွှတ်ပေးနိုင်လေ သည်။</p> <p>*ဒါပေမယ့် သူတို့ရဲ့ အမူအရာကို ကြည့်ရတာတော့ မကြာခင်အချိန်အတွင်းမှာ စီးပွားရေးအရ ငါ့ကို ဆက်သွယ်လာဖို့ မရှိလောက်ဘူး။*</p> <p>"တာအိုရောင်းရင်းလင်း... လျော်ကြေးကိစ္စကို ဆွေးနွေးကြတာပေါ့…။"</p> <p>"ဒီနေ့ဖြစ်ပျက်ခဲ့တဲ့ ကိစ္စကို ငါသိရပါပြီ။ ဒါက ငါတို့ ထျန်းယင်ဂိုဏ်းရဲ့ စီမံခန့်ခွဲမှု ညံ့ဖျင်းတာကြောင့် ဖြစ်ရတာ အမှန်ပါပဲ…။"</p> <p>"သူက ကိုယ်ကျိုးအတွက် ဥပဒေကို ချိုးဖောက်ရုံသာမကဘဲ အထက်လူကြီးကိုပါ ဖီဆန်ခဲ့တာဆိုတော့ တကယ်ကို လက်ခံနိုင်စရာ မရှိပါဘူး…။"</p> <p>"ဒီလိုလုပ်ရင်ကော... လျော်ကြေးအနေနဲ့ ငါတို့ ခင်ဗျားကို စိတ်ဝိညာဉ်ကျောက်တုံးတွေ ပေးမယ့်အပြင် မိုးခြိမ်းသံမြို့တော်ထဲက နေရာကောင်းမှာရှိတဲ့ ဆိုင်ခန်းကြီးတစ်ခန်းကိုလည်း လျော်ကြေးအနေနဲ့ ထပ် ပေးပါ့မယ်…။"</p> <p>စုန့်ယုံချန်ရဲ့ အကြံပြုချက်က နှစ်ဖက်စလုံးအတွက် အကျိုးရှိစေသည်ပင်။ လင်းဖန်အတွက် အကျိုး အမြတ်ကတော့ ရှင်းလင်းပြီးသား ဖြစ်၏။</p> <p>သို့သော်လည်း စုန့်ယုံချန်ကတော့ ယုံကြည်နေသည်မှာ လင်းဖန်က ကြီးမြတ်သောပြန်လည်ကုသခြင်း ဆေးလုံးကို ပိုင်ဆိုင်ထားမှတော့ သူ့ဆီမှာ တခြားသော အံ့မခန်းပစ္စည်းတွေလည်း ရှိနေနိုင်ပေသည်ဟု သာဖြစ်၏။</p> <p>လင်းဖန်သာ မိုးခြိမ်းသံမြို့တော်မှာ ဆိုင်ခန်းဖွင့်နိုင်မည်ဆိုပါလျင် သူတို့က အရင်းအမြစ်နဲ့ နီးစပ်တဲ့ အခွင့် အရေးကို အသုံးချနိုင်ပြီ မဟုတ်ပါလား။</p> <p>ထို့ကြောင့် နှစ်ဖက်စလုံး ချက်ချင်း သဘောတူညီသွားကြပြီး လင်းဖန်သည် မိုးခြိမ်းသံမြို့တော်တွင် ဆိုင်ခန်းတစ်ခန်းကို အောင်မြင်စွာ ရရှိသွားခဲ့လေသည်။</p> <p>"တစ်ပါးသူထံမှ အကျိုးအမြတ် ရရှိထားလျှင် ထောက်ထားညှာတာရမည်" ဆိုသည့် စကားအတိုင်းပင်။</p> <p>လျော်ကြေးကို လက်ခံရရှိပြီးနောက် လင်းဖန်သည် စည်းကမ်းထိန်းသိမ်းရေး အရာရှိနှစ်ဦး၏ ပြစ်မှားမှု ကိစ္စကို ဆက်လက်အရေးယူရန် အားနာသွားခဲ့ပြန်လေသည်။</p> <p>ထို့နောက် စုန့်ယုံချန်က သူတို့ကို ခေါ်သွားခဲ့လေသည်။</p> <p>သို့သော်လည်း ခုနလေးတင် အပြစ်တွေကို သူ့အပေါ် ပုံချဖို့ ကြိုးစားခဲ့သော ဆိုင်ရှင် နှစ်ဦးကိုတော့ ကာကွယ်ပေးမည့်သူ မရှိတော့ပေ။ ထိုသို့ဆိုလျှင်တော့ သူတို့အနေနဲ့ လင်းဖန်လက်ထဲကို ကိုယ်တိုင်အပ် လိုက်ရုံမှလွဲ၍ ရွေးချယ်စရာ မရှိတော့ပေ။</p> <p>အစပထမတွင်တော့ လင်းဖန်က သူတို့ကို ကိုယ်တိုင်ပေါက်ကွဲဆေးလုံး စမ်းသပ်ရန် သုံးဖို့ စဉ်းစား ခဲ့သေးသည်။ သို့သော် မိုးခြိမ်းသံမြို့တော်တွင် ဆိုင်ခန်းရရှိပြီးနောက် သူ စိတ်ပြောင်းသွားခဲ့သည်။</p> <p>*ငါက မိုးခြိမ်းသံမြို့တော်မှာ အမြဲတမ်း နေထိုင်မှာ မဟုတ်တော့ ဆိုင်ခန်းကို စောင့်ရှောက်ဖို့ လူတစ် ယောက်တော့ လိုအပ်နေသေးတယ်။*</p> <p>ရှေ့မှာရှိနေသော ဆိုင်ရှင်စုံတွဲက ရွေးချယ်စရာကောင်းတစ်ခုပင် ဖြစ်သည်မဟုတ်ပါလား။</p> <p>သို့သော်လည်း လင်းဖန်က လက်ရှိအချိန်၌ သူတို့ကို ဟင်းလင်းပြင်မြင့်မြတ်နယ်မြေထဲကို ခေါ်ယူရန် ရည်ရွယ်ချက် မရှိပေ။</p> <p>သူ၏ ဟင်းလင်းပြင်မြင့်မြတ်နယ်မြေသည် အစပိုင်းကလို လူမလုံလောက်သည့် အခြေအနေမျိုး မဟုတ်တော့ပေ။ အနာဂတ်မှာ မည်သူမဆို ဟင်းလင်းပြင်မြင့်မြတ်နယ်မြေရဲ့ အဖွဲ့ဝင်ဖြစ်ဖို့ အရည် အချင်းပြည့်မီမည် မဟုတ်တော့ပေ။</p> <p>*သူတို့ကို မြင့်မြတ်နယ်မြေထဲ ဝင်ခွင့်မပြုနိုင်ရင် သူတို့ကို ထိန်းချုပ်ဖို့ တခြားနည်းလမ်းတွေ ရှာရမယ်။*</p> <p>ဤသည်ကို တွေးမိပြီး လူတွေကို ထိန်းချုပ်နိုင်စွမ်းရှိသော ဆေးလုံးတစ်မျိုး သန့်စင်ရန် ဆုံးဖြတ်လိုက် လေသည်။</p> <p>ထို့အပြင် အနာဂတ်တွင် မိမိအတွက် အလုပ်လုပ်ပေးသော်လည်း မြင့်မြတ်နယ်မြေထဲ ဝင်ရန် အရည် အချင်းမပြည့်မီသော ဤကဲ့သို့သော ကျင့်ကြံသူများ များစွာ ရှိလာဦးမည်မှာ သေချာသည်ပင်။</p> <p>ထိုကဲ့သို့သော လူမျိုးများကို ဆေးလုံးများနှင့် ထိန်းချုပ်နိုင်သည်ပင်။</p> <p>"ဂျူနီယာညီမလေး လဲ့ယန်၊ မင်း အခုလောလောဆယ် အဲဒီနှစ်ယောက်ကို စောင့်ကြည့်ထားလိုက်။ ငါ ဆေးလုံးတချို့ သွားသန့်စင်လိုက်ဦးမယ် ပြီးရင် ချက်ချင်း ပြန်လာခဲ့မယ်…။"</p> <p>ထိုသို့ပြောပြီးနောက် လင်းဖန်သည် ဟင်းလင်းပြင်မြင့်မြတ်နယ်မြေသို့ ပြန်သွားခဲ့လေသည်။</p> <p>ထုတ်လုပ်ရေးအဖွဲ့ဆေးမီးဖိုသို့ ရောက်ရှိပြီးနောက် လင်းဖန်သည် ဆေးလုံးများကို စတင်လေ့လာ ခဲ့သည်။</p> <p>*လူတွေကို ထိန်းချုပ်ချင်တယ်ဆိုရင် စိတ်ဝိညာဉ်ကို သက်ရောက်မှုရှိတဲ့ ဆေးဖက်ဝင်အပင်တချို့ လိုအပ်နိုင်ခြေ အများဆုံးပဲ..။*</p> <p>သေချာ ဂရုတစိုက် ရွေးချယ်ပြီးနောက် လင်းဖန်သည် စိတ်လှည့်စားခြင်းမြက်ပင် ကို အဓိက ဆေးဖက် ဝင်ပစ္စည်းအဖြစ် ရွေးချယ်လိုက်လေသည်။</p> <p>စိတ်လှည့်စားခြင်းမြက်ပင် တစ်ပင်ကို ထုတ်ယူပြီးနောက် လင်းဖန်က ၎င်းကို လူရုပ်လေးပုံစံ​ေ အလွယ် တကူ ယက်လုပ်လိုက်လေသည်။</p> <p>ထို့နောက် သူက ချွန်ထက်သော သံမဏိအပ်တစ်ချောင်းကို ထုတ်ယူကာ အကြိမ်အနည်းငယ်ခန့်​ ထိုး စိုက်လိုက်လေသည်။ ထိုးစိုက်ခံထားရသော လူရုပ်လေးကို ထုတ်လုပ်ရေးအဖွဲ့ဆေးမီးဖိုထဲ ပစ်ထည့် ပြီးနောက် အရန်ဆေးဖက်ဝင်အပင် အနည်းငယ်နှင့် စိတ်ဝိညာဉ်ကျောက်တုံးများကိုပါ ထည့်သွင်းလိုက် လေသည်။</p> <p>မိနစ်အနည်းငယ်ကြာပြီးနောက် "ဒင်" ဟူသော အသံနှင့်အတူ ဆေးလုံး ဖော်စပ်ခြင်း အောင်မြင်သွား ခဲ့လေသည်။</p> <p>လင်းဖန်ကတော့ ကြီးမားသော မျှော်လင့်ချက်များနှင့် ဆေးလုံး၏ အာနိသင်ကို စစ်ဆေးကြည့်လိုက် လေသည်။</p> <p>[စိတ်လှည့်စားခြင်း ဆေးလုံး (မြည်းတံဆိပ်) : အထူးဆေးလုံး။]</p> <p>[ဆေးလုံးများနှင့် ကျိန်စာများ ပေါင်းစပ်ထားမှု၊ သေချာသော ဆေးဆရာတစ်ဦး၏ ကျွမ်းကျင်လှသော ဖန်တီးမှု။]</p> <p>အာနိသင် - အသုံးပြုသူ၏ စိတ်ဝိညာဉ်စွမ်းအားကို မြှင့်တင်ပေးနိုင်သည်။</p> <p>[ဘေးထွက်ဆိုးကျိုး - ဆေးလုံးကို သောက်သုံးပြီးနောက် ဆေးဆရာ၏ မှော်ပညာအောက်သို့ ကျရောက် သွားမည်ဖြစ်ပြီး၊ တဖြည်းဖြည်းနှင့် မသိမသာ ဆေးဆရာအား ၎င်းတို့၏ သခင်အဖြစ် သတ်မှတ်လာ လိမ့်မည်။]</p> <p>[ဆေးဆရာအပေါ် ထိခိုက်စေမည့် အတွေးတစ်ခု ပေါ်လာသည်နှင့် တစ်ပြိုင်နက် ချွန်ထက်သော သံမဏိအပ်ဖြင့် အထိုးခံရသကဲ့သို့ ပြင်းထန်သော နာကျင်မှုကို ခံစားရမည်။]</p> <p>အသစ်ဖော်စပ်လိုက်သော စိတ်လှည့်စားခြင်း ဆေးလုံး၏ အာနိသင်ကို ကြည့်ပြီး လင်းဖန် အလွန် ကျေနပ်သွားခဲ့လေသည်။</p> <p>ဆေးလုံး အလုံးငါးဆယ်ကို သိမ်းဆည်းပြီးနောက် လင်းဖန်သည် စည်းကမ်းထိန်းသိမ်းရေး ခန်းမဆောင် သို့ ပြန်သွားခဲ့လေသည်။</p> <p>သူ၏ရှေ့ရှိ အသက်မဲ့နေသော မျက်လုံးများဖြင့် အဆုံးအဖြတ်ကို စောင့်ဆိုင်းနေကြသော ဆိုင်ရှင်နှစ်ဦး ကို ကြည့်ကာ လင်းဖန်က ဖြည်းညှင်းစွာ ပြောလိုက်လေသည်။</p> <p>"ဒီနေ့ မင်းတို့ ဆိုင်ခန်းဖွင့်နေတုန်း ငါနဲ့ တွေ့လိုက်ရတာက မင်းတို့အတွက် ကံကောင်းမှုတစ်ခုပဲ…။"</p> <p>"ဒါပေမဲ့ စည်းကမ်းထိန်းသိမ်းရေး ခန်းမဆောင်ကို ရောက်လာပြီးတဲ့နောက်မှာ မင်းတို့က အပြစ်တွေကို ငါ့အပေါ် ပုံချပြီး ပြန်ကိုက်ဖို့ ကြိုးစားလိမ့်မယ်လို့ ငါ လုံးဝ မမျှော်လင့်ထားခဲ့ဘူး…။"</p> <p>"အခွင့်အရေးတွေကနေ ရန်ငြိုးအဖြစ် ပြောင်းလဲသွားတာက မင်းတို့ ကိုယ်တိုင် လုပ်ခဲ့တာပဲ…။"</p> <p>"တခြား မဟာယာနအဆင့် ကျင့်ကြံသူတစ်ယောက်ယောက်သာ ဆိုရင် မင်းတို့ကို ရိုက်သတ်ပစ် ပြီးလောက်ပြီ…။"</p> <p>"ဒါပေမဲ့ ငါက သဘောကောင်းလို့ မင်းတို့ကို ရွေးချယ်ခွင့် တစ်ခုပေးဖို့ ဆန္ဒရှိတယ်…။"</p> <p>သူတို့၏ ကံကြမ္မာကို ကြောင်အမ်းအမ်းဖြင့် စောင့်ဆိုင်းနေခဲ့သော လူနှစ်ဦးသည် ယခုအခါ သူတို့၏ ကံကြမ္မာထံမှ အဆုံးအဖြတ်ကို ရင်ဆိုင်နေရပြီ ဖြစ်သည်။</p> <p>လင်းဖန်က သူတို့ကို အခွင့်အရေးပေးရန် ဆန္ဒရှိကြောင်း ကြားလိုက်ရသောအခါ သူတို့သည် အယောင် ယောင်အမှားမှား ဖြစ်နေရာမှ တစ်ပြိုင်နက် သတိဝင်လာခဲ့ကြလေသည်။ သူတို့သည် လင်းဖန်ကို အသက်ချမ်းသာပေးရန် တောင်းပန်နေသကဲ့သို့ မျှော်လင့်ချက်အပြည့်ရှိသော မျက်လုံးများဖြင့် ကြည့် လိုက်ကြလေသည်။</p> <p>ထို့နောက် လင်းဖန်သည် စိတ်လှည့်စားခြင်း ဆေးလုံး တစ်ပုလင်းနှင့် ကိုယ်တိုင်ပေါက်ကွဲဆေးလုံး တစ်ပုလင်းကို ထုတ်ယူလိုက်သည်။</p> <p>ထို့နောက် ၎င်းတို့ကို ဘယ်လက်နှင့် ညာလက်တွင် အသီးသီး ကိုင်ထားပြီး ပြောလိုက်သည်။</p> <p>"ငါ့လက်တစ်ဖက်စီမှာ ဆေးတစ်လုံးစီ ရှိတယ်။ အဲဒီဆေးတွေက အာနိသင် မတူကြဘူး…။"</p> <p>"မင်းတို့နှစ်ယောက် သောက်ဖို့အတွက် ဆေးတစ်လုံးကို ရွေးချယ်နိုင်တယ်။ ရလဒ်ကတော့ မင်းတို့ရဲ့ ရွေးချယ်မှုအပေါ်မှာ မူတည်တယ်…။"</p> <p>လင်းဖန်၏ လက်ထဲရှိ ဆေးပုလင်းနှစ်ခုတွင် မည်သည့်ဆေးလုံး အမျိုးအစားများ ပါဝင်ကြောင်း တိတိ ကျကျ ဖော်ပြထားခြင်း မရှိပေ။</p> <p>တုံ့ဆိုင်းနေသော ဆိုင်ရှင်က သတိထားကာ မေးလိုက်သည်။</p> <p>"စီနီယာ... ဒီဆေးပုလင်းနှစ်ခုထဲမှာ ဘယ်လို ဆေးလုံးမျိုးတွေ ပါတာလဲ…။"</p> <p>ဆိုင်ရှင်၏ မေးခွန်းသည် သဘာဝကျကျပင် အဖြေမရခဲ့ပေ။</p> <p>"ဟက်... ဆေးလုံးတွေရဲ့ အာနိသင်ကို ငါ မင်းကို ပြောပြရင်တောင် မင်းက ရွေးချယ်ဖို့ လိုသေးလို့ လား…။"</p> <p>"မင်းရဲ့ ကံကြမ္မာက အခု မင်းရဲ့ လက်ထဲမှာပဲ ရှိတယ်။ ရလဒ်ကတော့ မင်းရဲ့ ကံတရားပေါ်မှာပဲ မူတည် တယ်…။"</p> <p>ဆေးလုံး၏ အမည်ကို မသိရသောကြောင့် ဆိုင်ရှင်များမှာ မသိမမြင်ရသောအရာအတွက် ကြောက်ရွံ့မှု များဖြင့် ပြည့်နှက်နေခဲ့လေသည်။</p> <p>သို့သော် ယခု သူတို့တွင် ရွေးချယ်စရာ မရှိတော့ပေ။ ဤတစ်ကြိမ်အတွက် သူတို့ကို ကာကွယ်ပေးရန် နတ်ဘုရားများထံ ဆုတောင်းရုံသာ တတ်နိုင်တော့သည်။</p> <p>"စီနီယာ... ငါတို့ ဒီဆေးလုံးကိုပဲ ရွေးပါ့မယ်…။"</p> <p>ထိုသို့ပြောရင်း ဆိုင်ရှင်သည် လင်းဖန်၏ ညာဘက်လက်ရှိ စိတ်လှည့်စားခြင်း ဆေးလုံးကို လက်ညှိုးထိုး ပြလိုက်လေသည်။</p> <p>ဤရလဒ်ကို မြင်သောအခါ လင်းဖန်က ရယ်မောလိုက်လေသည်။</p> <p>*သူတို့က တကယ်ပဲ အသက်ရှင်မယ့်လမ်းကို ရွေးချယ်လိုက်တာပဲ…။*</p> <p>သေချာသည်မှာ သူတို့ကို ရွေးချယ်ခွင့် ပေးလိုက်ခြင်းသည် လင်းဖန် ရုတ်တရက် စိတ်ကူးပေါက်ကာ လုပ်လိုက်သော အကြံအစည်တစ်ခုသာ ဖြစ်သည်။ သူတို့က ကိုယ်တိုင်ပေါက်ကွဲဆေးလုံးကို ရွေးချယ် ခဲ့လျှင်ပင် လင်းဖန်က ၎င်းကို စိတ်လှည့်စားခြင်း ဆေးလုံးဖြင့် ခိုးကြောင်ခိုးဝှက် လဲလှယ်ပေးမည်သာ ဖြစ်သည်။</p> <p>"ဟား..ဟား.. မင်းတို့က ဒီဆေးကို တကယ် ရွေးလိုက်တာပဲ၊ နှမြောစရာပဲကွာ….။"</p> <p>လင်းဖန်၏ စကားကို ကြားသောအခါ ဆိုင်ရှင်နှစ်ဦးမှာ "နှမြောစရာပဲ" ဟူသော စကား၏ အဓိပ္ပာယ်ကို ခဏတာ နားမလည်နိုင်အောင် ဖြစ်သွားခဲ့ကြသည်။</p> <p>ကောင်းသော ဆေးလုံးများကို သူတို့ ရွေးချယ်လိုက်ခြင်းက လင်းဖန်ကို နောင်တရသွားစေခဲ့ခြင်း ဖြစ် နိုင်သည်လား။ ဆိုးရွားသော ဆေးလုံးများကို ရွေးချယ်ခဲ့သောကြောင့် လင်းဖန်က သူတို့အတွက် စိတ်မ ကောင်းဖြစ်နေခြင်းသာ ဖြစ်လေသည်။</p> <p>သို့သော်လည်း လင်းဖန် ကမ်းပေးသော ဆေးလုံးနှစ်လုံးကို မြင်သောအခါ သူတို့နှစ်ဦးသည် အကြိတ်ကာ သောက်ရန် ဆုံးဖြတ်လိုက်ကြသည်။</p> <p>မည်သို့ပင်ဆိုစေ သူတို့ကသာ ဆေးသောက်ဖို့ ငြင်းဆန်ခဲ့ပါက လင်းဖန်က သူတို့ကို ချက်ချင်း သတ်ပစ် လောက်သည်ပင်။</p> <p>ဆေးသောက်ပြီးနောက် သူတို့နှစ်ဦးသည် မျက်လုံးမှိတ်ကာ ဆေးအာနိသင် ပြလာမည့်အချိန်ကို စောင့်ဆိုင်းနေခဲ့ကြလေသည်။</p> <p>သို့သော်လည်း ခဏကြာ စောင့်ဆိုင်းပြီးနောက်...</p> <p>*ငါ့ရဲ့ စိတ်ဝိညာဉ်အာရုံ သိသိသာသာ အားကောင်းလာတယ်လို့ ခံစားရတာကလွဲပြီး တခြား ဘာဆိုးရွား တဲ့ တုံ့ပြန်မှုမှ မကြုံတွေ့ရပါလား….။*</p> <p>သူက ဆေးရွေးချယ်မှု မှန်ကန်သွားပြီဟု ထင်ကာ ချက်ချင်းပင် စိတ်လှုပ်ရှားစွာ ပြောလိုက်လေသည်။</p> <p>"စီနီယာ... ဒီဆေးက စိတ်ဝိညာဉ်အာရုံကို မြှင့်တင်ပေးတဲ့ ဆေးလား…။ ငါ ရွေးတာ မှန်သွားပြီပဲ…။"</p> <p>"ဆေးပေးတဲ့အတွက် ကျေးဇူးတင်ပါတယ် စီနီယာ။ စီနီယာရဲ့ ကြီးမြတ်တဲ့ ကျေးဇူးကို ငါ ဘယ်တော့မှ မေ့မှာ မဟုတ်ပါဘူး…။"</p> <p>ဤစကားကို ကြားသောအခါ လင်းဖန်က အနည်းငယ် ပြုံးကာ ပြောလိုက်သည်။</p> <p>"ဟား..ဟား... မင်းက အောင်ပွဲခံတာ စောလွန်းနေတယ်။ စိတ်ဝိညာဉ်အာရုံကို မြှင့်တင်ပေးတဲ့အပြင်၊ ဒီဆေးလုံးက ကျွန်ပြုနိုင်တဲ့ အာနိသင်လည်း ရှိသေးတယ်…။"</p> <p>"အခုကစပြီး မင်းတို့ရဲ့ အသက်ရှင်ခြင်းနဲ့ သေဆုံးခြင်းတွေက ငါ့လက်ထဲမှာပဲ ရှိတော့မယ်…။"</p> <p>ဤစကားကို ကြားသောအခါ ဆိုင်ရှင်နှင့် သူ၏ဇနီးတို့၏ မျက်နှာအမူအရာများမှာ ချက်ချင်းပင် သိသိ သာသာ ပြောင်းလဲသွားခဲ့လေတာ့သည်။</p> <p>လင်းဖန်၏ ကျွန်ဖြစ်သွားပြီဟူသော အတွေးက သူမအား လင်းဖန်အပေါ် နာကြည်းမုန်းတီးမှုများ ပြည့်နှက်သွားစေခဲ့သည်။</p> <p>သို့သော် သူတို့၏ စိတ်နှလုံးထဲတွင် နာကြည်းမှုများ စတင်ဖြစ်ပေါ်လာသည် နှင့် တစ်ပြိုင်နက် သူတို့၏ နှလုံးသားများကို ဖောက်ထွင်းသွားသကဲ့သို့ ပြင်းထန်သော နာကျင်မှုတစ်ခုက ရုတ်တရက် ပေါ်ပေါက် လာခဲ့လေသည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save