Book List

<h2 style="text-align: center;">အခန်း ၃၆၉</h2> <h2 style="text-align: center;">မျက်နှာပြာနှမ်းသွားခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>“ဂိုဏ်းချုပ်... စိတ်လျှော့ပါ၊ ကျွန်တော် မှားမှန်း သိပါပြီ” </p> <p>သားရဲဝိညာဉ်ပိုင်ရှင်မှာ တုန်တုန်ယင်ယင် ဖြစ်သွားတော့သည်။</p> <p>ထန်ထိုင်ကျုံးတယ်က ထန်ယွင်ကို လှည့်ကြည့်ကာ... <br /> “ဆက်ပြောစမ်း”</p> <p>ထန်ယွင်က အသက်ပြင်းပြင်းတစ်ချက်ရှူလိုက်ပြီး အံကြိတ်ကာ ပြော၏။ </p> <p>“ဂိုဏ်းချုပ်ကို တင်ပြပါရစေ... တပည့်နဲ့ မုန့်ဂျီက တစ်သက်စာ လက်တွဲဖို့ ကတိပြုထားကြတာပါ... သူမက တပည့်ရဲ့ စေ့စပ်ထားသူဖြစ်သလို ဝူဟုန်ရဲ့ တပည့်ရင်းလည်း ဖြစ်ပါတယ်”</p> <p>“ဒါပေမဲ့ ဝူဟုန်က သူရဲ့သား ဝူဖေးရှုန်းကို အိပ်မက်ဆေးလုံးပေးပြီး မုန့်ဂျီကို ယုတ်မာဖို့ သွေးထိုးပေးခဲ့ပါတယ်”</p> <p>“သူဟာ သိက္ခာရှိလှတဲ့ သားရဲဝိညာဉ်အဖွဲ့ရဲ့ ခေါင်းဆောင်ဖြစ်သလို တပည့်ရဲ့ ဇနီးလောင်းရဲ့ ဆရာလည်း ဖြစ်ပါလျက်နဲ့ ဒီလိုမျိုး အောက်တန်းကျတဲ့ ကိစ္စတွေကို လုပ်ရဲခဲ့တာပါ သူဟာ တိရစ္ဆာန်ထက်တောင် ယုတ်ညံ့သူဖြစ်ပြီး ဟောင်ဖူနတ်ဘုရားဂိုဏ်းရဲ့ အရှက်မရှိတဲ့ အနာဆိုးတစ်ခုပါပဲ”</p> <p>ဝူဟုန် ထိုစကားကို ကြားရသောအခါ မှင်သက်သွားပြီး သူ့နဖူးပေါ်တွင် ချွေးစေးများ ပျံလာတော့သည်။</p> <p>သူက ဤကိစ္စကို သူနှင့် သူ၏သားသာ သိသည်ဟု ထင်ထားခဲ့သော်လည်း ထန်ယွင်က မည်သို့ သိသွားသည်ကို သူ လုံးဝ စဉ်းစားမရပေ။</p> <p>“တကယ်လို့ ဒီလိုကိစ္စမျိုးသာ ရှိခဲ့ရင်...” </p> <p>ထန်ထိုင်ကျုံးတယ်က စကားကို ခေတ္တရပ်ကာ သားရဲဝိညာဉ်ပိုင်ရှင်ကို စိုက်ကြည့်ပြီး တစ်လုံးချင်း ပြောလိုက်၏။ </p> <p>“မင်းရဲ့ အကြောင်းပြချက်က ဘယ်လိုမှ လက်ခံနိုင်စရာ မရှိဘူး”</p> <p>“ဂိုဏ်းချုပ်... ကျွန်တော့်ကို ယုံကြည်ပေးပါ” </p> <p>သားရဲဝိညာဉ်ပိုင်ရှင်က မခံမရပ်နိုင်ဖြစ်ဟန်ဖြင့်... </p> <p>“ဂိုဏ်းချုပ်... ထန်ယွင်က ကျွန်တော့်ကို မတရားစွပ်စွဲနေတာပါ ကျွန်တော် သိတာကတော့ ထန်ယွင်က ကျွန်တော့်သားကို ဒုက္ခိတဖြစ်အောင် လုပ်ခဲ့တယ်ဆိုတာပဲ... ကျန်တဲ့ ကိစ္စတွေကိုတော့ ကျွန်တော် လုံးဝ မသိပါဘူး”</p> <p>“မတရားစွပ်စွဲတာ ဟုတ်လား” </p> <p>ထန်ယွင်က လှောင်ပြောင်လိုက်ပြီး... </p> <p>“အဘိုးကြီး... ဒါကို သေချာ ကြည့်စမ်း... ဒါက ဘာလဲဆိုတာကို”</p> <p>ပြောပြောဆိုဆိုပင် ထန်ယွင်က သူ့ညာလက်ကို ဝှေ့ယမ်းလိုက်ရာ သူ့မှတ်ဉာဏ်ထဲမှ ပုံရိပ်များကို ဝိညာဉ်စွမ်းအားဖြင့် ဟင်းလင်းပြင်ထဲတွင် ပေါ်လာအောင် လုပ်လိုက်တော့သည်။</p> <p>လူတိုင်း၏ အကြည့်အောက်တွင် ပေါ်လာသော ပုံရိပ်ထဲ၌ ဝူဖေးရှုန်းက ထုံထိုင်းသော အမူအရာဖြင့်... </p> <p>“လွန်ခဲ့တဲ့ ၂ နာရီလောက်က မင်း သားရဲဝိညာဉ်အဖွဲ့ထဲကို ရောက်လာတယ်ဆိုတာ သိလိုက်ရတော့ ကျွန်တော် အဖေ့ဆီသွားပြီး ဘာလုပ်ရမလဲ မေးခဲ့တယ်”</p> <p>“အဖေက ကျွန်တော့်ကို အိပ်မက်ဆေးလုံး ပေးပြီး သူမကို ဖျက်ဆီးခိုင်းလိုက်တာ... ကိစ္စတွေ ပြီးသွားတဲ့အခါ မင်းနဲ့ တွေ့သွားရင် မင်းက ကျွန်တော့်ကို တိုက်ခိုက်လိမ့်မယ်... အဲ့ဒီအခါကျရင် အဖေက မင်းကို ဖျက်ဆီးပစ်ဖို့ အကြောင်းပြချက် ရသွားမှာပေါ့”</p> <p>၎င်းနောက် ပုံရိပ်ထဲ၌ ထန်ယွင်က ဝူဖေးရှုန်းကို မြေပြင်ပေါ်သို့ ပစ်ချလိုက်သည်ကို တွေ့လိုက်ရ၏။</p> <p>ဤမြင်ကွင်းကို မြင်လိုက်ရသောအခါ တစ်ဖက်လူကို သေစေချင်နေကြသော အခြားသော ဂိုဏ်းခွဲခေါင်းဆောင် ၈ ယောက်မှာ အခွင့်အရေးကို လက်မလွှတ်ဘဲ ဝိုင်းဝန်း ပြောဆိုကြတော့သည်။</p> <p>“ဟေး... ခေါင်းဆောင်ဝူ၊ မင်းက လူရော နတ်ပါ ဒေါသထွက်လောက်တဲ့ ကိစ္စမျိုးကို ဘယ်လိုလုပ်ပြီး လုပ်ရဲတာလဲ” </p> <p>ဝိညာဉ်ငါးပါးပိုင်ရှင်က ကျယ်လောင်စွာ အော်ပြောလိုက်သည်။</p> <p>“မှန်တယ်” </p> <p>ချန်ခွန်းပိုင်ရှင်ကလည်း အေးစက်စွာဖြင့်... </p> <p>“အဖွဲ့တစ်ခုရဲ့ ခေါင်းဆောင်ဖြစ်ပြီးတော့ ကိုယ့်တပည့်ကို ယုတ်မာဖို့ ကိုယ့်သားကို သွေးထိုးပေးတယ်ပေါ့၊ မင်း ဒါမျိုး လုပ်ရဲတာကိုပဲ ချီးကျူးရမလိုပဲ အရှက်မရှိလိုက်တာ”</p> <p>“ပါးစပ်ပိတ်ကြစမ်း” </p> <p>ထန်ထိုင်ကျုံးတယ်က ဟိန်းဟောက်လိုက်သဖြင့် အားလုံး ငြိမ်ကျသွားကြသည်။</p> <p>ထန်ထိုင်ကျုံးတယ်က ဝူဟုန်ကို စိုက်ကြည့်ကာ... </p> <p>“ထန်ယွင်ရဲ့ မှတ်ဉာဏ်ပုံရိပ်တွေက အထင်အရှားပဲ... မင်း ဘာပြောချင်သေးလဲ”</p> <p>ဤကဲ့သို့ သေရေးရှင်ရေး အခြေအနေတွင် သားရဲဝိညာဉ်ပိုင်ရှင်က စိတ်ကို တည်ငြိမ်အောင် ထိန်းလိုက်ပြီး စဉ်းစားလိုက်သည်။ </p> <p>'မဟုတ်ဘူး... သက်သေမရှိအောင် ငါ အသေသတ်မှ ဖြစ်မယ်'</p> <p>ကျားသည် မိမိသားကို ပြန်မစားဟု ဆိုရိုးရှိသော်လည်း၊ ယခုအချိန်တွင် သားရဲဝိညာဉ်ပိုင်ရှင်မှာ သူ့သားကို သတ်ရန် ဆုံးဖြတ်လိုက်ပြီ ဖြစ်၏။</p> <p>သူသည် ဒူးထောက်လျက် ထန်ထိုင်ကျုံးတယ်ကို ကြည့်ကာ လေးနက်သော အမူအရာဖြင့်... </p> <p>“ဂိုဏ်းချုပ်... မလုပ်ရင် မကြောက်နဲ့ ဆိုသလိုပေါ့၊ ကျွန်တော် မလုပ်ခဲ့ဘူးလို့ ပြောရင် မလုပ်ခဲ့တာပါပဲ”</p> <p>“ဂိုဏ်းချုပ်... ခုနက ကျွန်တော့်သား ထန်ယွင်ကို ဖြေနေတုန်းက သူက ဒဏ်ရာတွေ အပြင်းအထန် ရနေပေမဲ့ သူ့မျက်နှာမှာ နာကျင်တဲ့ အရိပ်အယောင် လုံးဝ မရှိဘဲ ထုံထိုင်းနေတာကို တွေ့ရမှာပါ”</p> <p>“ကျွန်တော့်သားရဲ့ အမူအရာကို ကြည့်ရင် ထန်ယွင်က တစ်စုံတစ်ရာသော နည်းလမ်းနဲ့ သူ့ရဲ့ စိတ်ကို ထိန်းချုပ်ပြီး ဒီမှတ်ဉာဏ်ပုံရိပ်ကို တမင်တကာ ဖန်တီးခဲ့တာ ဖြစ်ရမယ်... သူ့ရဲ့ ရည်ရွယ်ချက်ကတော့ ရှင်းပါတယ်... သူက လူကောင်းကို ဒုက္ခပေးဖို့ ကြိုးစားနေတာပါ”</p> <p>“ကျေးဇူးပြုပြီး ဂိုဏ်းချုပ် သေချာ စုံစမ်းပေးပါ... ကျွန်တော့်အတွက် တရားမျှတမှုကို ဖော်ဆောင်ပေးပြီး ထန်ယွင်လို သူခိုးကို သတ်ပစ်ပေးပါ”</p> <p>သားရဲဝိညာဉ်ပိုင်ရှင်၏ ပြောပုံမှာ အင်မတန် ရိုးသားသူတစ်ဦးအလား ထင်မှတ်ရပေသည်။ </p> <p>“ဂိုဏ်းချုပ်... တကယ်လို့ မယုံဘူးဆိုရင် ကျွန်တော့်ရဲ့ မှတ်ဉာဏ်ကို အခုချက်ချင်း စစ်ဆေးလို့ ရပါတယ်၊ ကျွန်တော် အဲ့ဒီလိုမျိုး စကားတွေ ကျွန်တော့်သားကို ပြောခဲ့ဖူးသလား ဆိုတာကိုပေါ့”</p> <p>“တကယ်လို့ ကျွန်တော် ပြောခဲ့တာ မှန်ရင် ကျွန်တော့်ကို သတ်စရာ မလိုပါဘူး... ကျွန်တော့်ဘာသာ ကျွန်တော် သတ်သေပါ့မယ်”</p> <p>သားရဲဝိညာဉ်ပိုင်ရှင်က မတရား အနိုင်ကျင့်ခံရသူအလား မျက်ရည်ပင် ညှစ်ထုတ်ပြလိုက်သေးသည်။</p> <p>“ဂိုဏ်းချုပ်... သူ့ကို မယုံပါနဲ့... သူ ဒီလို စကားမျိုး ပြောရဲတယ်ဆိုရင် သူ ဝူဖေးရှုန်းကို မှာကြားခဲ့တဲ့ မှတ်ဉာဏ်တွေကို ဆေးလုံးတစ်ခုခုနဲ့ ဖျောက်ဖျက်ထားပြီးသား ဖြစ်မှာပါ”</p> <p>“လှည့်ကွက်တွေ သုံးချင်တာပေါ့... ငါ အဆုံးထိ လိုက်ပေးပါ့မယ်” </p> <p>ထန်ယွင်က ရုတ်တရက် အော်ဟစ်လိုက်ပြီး... </p> <p>“ဝူဟုန်... မျက်လုံးကို ဖွင့်ပြီး ဒါ ဘယ်သူလဲဆိုတာ ကြည့်စမ်း”</p> <p>ထန်ယွင်၏ ညာလက်ကို ဝှေ့ယမ်းလိုက်သောအခါ သူ့ရှေ့က ခေါင်းတလားမှာ ပွင့်သွားတော့သည်။ ချက်ချင်းပင် ထန်ယွင်က ဝိညာဉ်စွမ်းအားဖြင့် ဆွဲတင်လိုက်ရာ ခေါင်းတလားအတွင်းမှ အနက်ရောင်ဝတ်စုံဝတ် ခေါင်းမပါသော အလောင်းတစ်ခုမှာ လေထဲသို့ မြောက်တက်လာပြီး သားရဲဝိညာဉ်ပိုင်ရှင်၏ ရှေ့သို့ ကျဆင်းသွားတော့သည်။</p> <p>ထို့နောက် ပြတ်တောက်နေသော ခေါင်းတစ်ခုသည်လည်း ခေါင်းတလားအတွင်းမှ လွင့်ထွက်လာပြီး သားရဲဝိညာဉ်ပိုင်ရှင်၏ ရှေ့သို့ လိမ့်သွားသောအခါ သားရဲဝိညာဉ်ပိုင်ရှင်၏ ကိုယ်မှာ ပြင်းထန်စွာ တုန်ယင်သွားတော့သည်။</p> <p>“ထန်ယွင်... သူက ဘယ်သူလဲ”</p> <p>ထန်ထိုင်ကျုံးတယ်က မျက်မှောင်ကြုတ်ကာ မေးလိုက်၏။</p> <p>“ဂိုဏ်းချုပ်ကို တင်ပြပါရစေ၊ လွန်ခဲ့တဲ့ လဝက်ကျော်က တပည့် နေရပ်ကို ပြန်ပြီး ဆွေမျိုးတွေဆီ သွားတုန်းက ဒီလူက ဝိညာဉ်သန့်စင်ခြင်းအဆင့် ၉ စွမ်းအားနဲ့ ကျွန်တော့်ရဲ့ ထန်မိသားစုကို ဖျက်ဆီးဖို့ ကြိုးစားခဲ့တာပါ” </p> <p>ထန်ယွင်က အမှန်အတိုင်း ပြောလိုက်သည်။ </p> <p>“ကံကောင်းလို့ ကျွန်တော့်မိသားစုမှာ အစွမ်းထက်သူတစ်ယောက် ရှိနေလို့သာပေါ့... မဟုတ်ရင် တပည့်နဲ့ တပည့်မိသားစုတစ်ခုလုံး ဒီလူ့လက်ချက်နဲ့ သေကုန်မှာပါ”</p> <p>“ဒီလူကတော့ တခြားသူ မဟုတ်ပါဘူး... ဝူဟုန်ရဲ့ လူယုံ၊ သားရဲဝိညာဉ်အဖွဲ့က သင်းထောက် ဂျန်းရှန်း ပါပဲ”</p> <p>“ဂိုဏ်းချုပ်... တပည့်မိသားစုက အစွမ်းထက်သူက ဂျန်းရှန်းကို ဖမ်းမိပြီးတဲ့နောက်မှာ ထန်ယွင်က ဝူဖေးရှုန်းကို ဒုက္ခိတဖြစ်အောင် လုပ်ခဲ့လို့ ဝူဟုန်က အာဃာတထားပြီး ကျွန်တော့်မိသားစုကို သတ်ခိုင်းလိုက်တာ ဖြစ်ကြောင်း ဂျန်းရှန်း ကိုယ်တိုင် ဝန်ခံခဲ့ပါတယ်”</p> <p>ထန်ယွင်၏ နောက်ဆုံးစကားမှာ တစ်ဝက်ခန့် လုပ်ကြံပြောဆိုခြင်း ဖြစ်သလို၊ ဂျန်းရှန်းက ဝူဟုန်ကို ဖျက်ဆီးနိုင်လိမ့်မည်ဟု သူ မမျှော်လင့်ထားပေ။</p> <p>ဝူဟုန်က သားရဲဝိညာဉ်အဖွဲ့ခေါင်းဆောင် ဖြစ်နေမှတော့ သူသည် လူမိုက် မဟုတ်ကြောင်း ထန်ယွင် ယုံကြည်သည်။ ဂျန်းရှန်း၏ ဝိညာဉ်မီးအိမ် ငြိမ်းသွားသည်ကို သူ သိလိုက်သည်နှင့် ဂျန်းရှန်းကို ခိုင်းခဲ့သည့် မှတ်ဉာဏ်များကို ဆေးလုံးအသုံးပြုကာ ဖျောက်ဖျက်ထားပြီးသား ဖြစ်လိမ့်မည်။</p> <p>အမှန်တကယ်လည်း ထိုသို့ပင် ဖြစ်၏။</p> <p>ထိုအချိန်တွင် ထန်ထိုင်ကျုံးတယ်က ထန်မိသားစုရှိ အစွမ်းထက်သူမှာ သူ၏ လူယုံ ထန်ထိုင်ကျုံးခွန်း ဖြစ်ကြောင်း သိလိုက်သည်။</p> <p>ထန်ထိုင်ကျုံးတယ် စကားမပြောမီမှာပင် သားရဲဝိညာဉ်ပိုင်ရှင်က ဒေါသတကြီး ပြန်လည် ချေပလိုက်၏။ </p> <p>“ဂိုဏ်းချုပ်... ဂျန်းရှန်းက ကျွန်တော့်ရဲ့ လူယုံဆိုတာ မှန်ပါတယ်... ဒါပေမဲ့ ကျွန်တော် သူ့ကို ဘာမှ မခိုင်းခဲ့ပါဘူး”</p> <p>“ဂိုဏ်းချုပ်... သင်းထောက်ဂျန်းဟာ ကျွန်တော့်သားကို အရမ်းချစ်တာပါ... သူက ဖေးရှုန်း ဒုက္ခိတဖြစ်သွားတာကို တွေ့တော့ စိတ်ထဲမှာ မကောင်းတဲ့ အတွေးတွေ ဝင်လာခဲ့တာ ဖြစ်ရမယ်... အဲ့ဒီနောက်မှာ ထန်ယွင် အိမ်ပြန်မယ်ဆိုတာ သိတော့ ကျွန်တော့်ကို ကျောခိုင်းပြီး သူ့သဘောနဲ့သူ ထန်မိသားစုကို သွားပြီး ဖျက်ဆီးဖို့ ကြိုးစားခဲ့တာပါ”</p> <p>“ဂိုဏ်းချုပ်... သင်းထောက်ဂျန်းက သေသင့်ပါတယ်... ဒါပေမဲ့ ဒါဟာ ကျွန်တော်နဲ့ လုံးဝ မပတ်သက်ပါဘူး... မယုံရင် ကျွန်တော့်မှတ်ဉာဏ်ကို စစ်ဆေးနိုင်ပါတယ်”</p> <p>သားရဲဝိညာဉ်ပိုင်ရှင်မှာ ဦးတိုက်ကာ မတရားစွပ်စွဲခံရကြောင်း အော်ဟစ်နေတော့သည်။</p> <p>ထန်ယွင်က ဝူဟုန်ကို မတရားစွပ်စွဲနေခြင်းလား... သို့မဟုတ် ဝူဟုန်က တကယ်ပဲ လုပ်ခဲ့ခြင်းလား ဆိုသည်ကို ယခုအချိန်တွင် လူအများစု၏ စိတ်ထဲ၌ အဖြေက ရှိနေပြီးသား ဖြစ်၏။</p> <p>ဝူဟုန်ကသာ ဝန်မခံဘဲ ငြင်းနေခြင်း ဖြစ်သည်။</p> <p>ထန်ထိုင်ကျုံးတယ်က သားရဲဝိညာဉ်ပိုင်ရှင်ကို မျက်မှောင်ကြုတ်ကာ ကြည့်လိုက်ရာ သူ့အကြည့်မှာ ဓားတစ်လက်ကဲ့သို့ ဝူဟုန်၏ နှလုံးသားကို ထိုးဖောက်သွားသကဲ့သို့ပင်။</p> <p>သားရဲဝိညာဉ်ပိုင်ရှင်၏ နဖူးပေါ်တွင် ချွေးစေးများ ပျံနေသော်လည်း မတရားခံရသူအလား ဟန်ဆောင်နေဆဲပင်။ </p> <p>“ဂိုဏ်းချုပ်... ကျွန်တော့်ကို မယုံဘူးဆိုရင် တောင်စဉ် ၉ ခု ပြိုင်ပွဲ ပြီးသွားတဲ့အခါ ကျွန်တော့်သားရဲ့ မှတ်ဉာဏ်ကို ကိုယ်တိုင် စစ်ဆေးနိုင်ပါတယ်”</p> <p>ထိုအချိန်တွင် ထန်ယွင်က ပြုံးလိုက်သည်။ ၎င်းမှာ အခြေအနေအားလုံးကို ထိန်းချုပ်ထားနိုင်သူ၏ အပြုံးမျိုးဖြစ်ပြီး လူတစ်ယောက်ကို သေတွင်းထဲ ပို့မည့် အပြုံးမျိုးပင်။</p> <p>ထန်ယွင်က ဦးညွှတ်လိုက်ပြီး... </p> <p>“ဂိုဏ်းချုပ်ကို တင်ပြပါရစေ၊ လွန်ခဲ့တဲ့ တစ်လက တပည့် ဝူဖေးရှုန်းကို ပြင်းထန်စွာ ဒဏ်ရာရစေပြီး သူ့ရဲ့ ဝိညာဉ်ကန်ကို ဖျက်ဆီးခဲ့ပါတယ်”</p> <p>“ဝူဟုန်က သူ့ရဲ့ မှတ်ဉာဏ်ကို ဖျောက်နိုင်ပေမဲ့ ဝူဖေးရှုန်းရဲ့ မှတ်ဉာဏ်ကိုတော့ ဖျောက်ရဲမှာ မဟုတ်ဘူး... မဟုတ်ရင် ဒဏ်ရာအပြင်းအထန် ရနေပြီး ကျင့်ကြံသူ မဟုတ်တော့တဲ့ ဝူဖေးရှုန်းဟာ သေချာပေါက် သေသွားမှာပေါ့”</p> <p>“တပည့် ဂိုဏ်းချုပ်ကို တောင်းဆိုချင်တာကတော့ ဝူဖေးရှုန်းကို အခုချက်ချင်း ခေါ်ယူပြီး ဒီမှာတင် အစစ်ခံခိုင်းဖို့ပါ... တပည့် စိုးရိမ်တာက ပြိုင်ပွဲ ပြီးသွားတဲ့အခါ ဝူဟုန်က သက်သေမရှိအောင် ဝူဖေးရှုန်းကို ရက်ရက်စက်စက် သတ်ပစ်လိုက်မှာကိုပါ”</p> <p>ထိုစကားများ ထွက်ပေါ်လာသည် နှင့်အမျှ ထန်ထိုင်ကျုံးတယ်၏ ရှေ့တွင် ဦးတိုက်ကာ ဒူးထောက်နေသော သားရဲဝိညာဉ်ပိုင်ရှင်၏ မျက်နှာမှာ ပြာနှမ်းသွားပြီး ရင်ထဲတွင် ထိတ်လန့်တကြား အော်ဟစ်နေတော့သည်။ </p> <p>'ထန်ယွင်ဆိုတဲ့ ဒီကောင်စုတ်လေးက ဘာလို့ ဒီလောက်အထိ အကွက်စေ့နေရတာလဲ ငါ ဘာလုပ်ရမလဲ... ငါ့သားကို ခေါ်လာရင်တော့ သေချာပေါက် ငါ့ကို သံသယဝင်တော့မှာပဲ'</p> <p>အခန်း ၃၆၉ ပြီး</p> <p> </p>


Save