Book List

<h2 style="text-align: center;">အခန်း ၃၇၃</h2> <h2 style="text-align: center;">မုမုန့်ဂျီ၏ တောင်းဆိုချက်</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p> </p> <p>ထန်ထိုင်ကျုံးတယ်မှာ အနည်းငယ် မကျေမနပ်ဖြစ်သွားသော်လည်း ဘာမှတော့ မပြောပေ။ မည်သို့ဖြစ်စေ အစကတည်းက သတိပေးထားပြီးသားဖြစ်သလို လက်နက်များ၌ မျက်စိမပါသည်မို့ ဒဏ်ရာရ သေဆုံးသည်မှာတော့ မဆန်းပေ။</p> <p>“ဟဲဟဲ... ငါ့ရဲ့ လျှို့ဝှက်ဓားမြှောင် ၃ လက်ကိုတောင် မရှောင်နိုင်ဘူးဆိုတော့ တကယ်ကို အားနည်းလွန်းတာပဲ” </p> <p>ခန်းရှီယွန်းက ခေါင်းယမ်းကာ သူ့ဘာသာ တိုးတိုးလေး ရေရွတ်ရင်း အနည်းငယ် ရှုပ်ပွသွားသော ဝတ်ရုံကို ပြန်ပြင်လိုက်သည်။</p> <p>“ဒီကောင်စုတ်... မင်းက ဘာလို့ လူကို သေအောင် သတ်ရတာလဲ” <br /> သားရဲဝိညာဉ်အုပ်စုမှ သန်မာထွားကျိုင်းသော လူငယ်တစ်ဦးက အော်ဟစ်လိုက်သည်။ </p> <p>“မင်းကို ငါ သတ်မယ်”</p> <p>ထိုသူ၏ အမည်မှာ ‘ထိုက်ရှန်း’ ဖြစ်ပြီး အရပ် ၁၀ ပေခန့် မြင့်ကာ သားရဲဝိညာဉ်ပိုင်ရှင်၏ တပည့်ရင်း ၃ဦးထဲမှ တစ်ဦးလည်း ဖြစ်သည်။</p> <p>“တတိယညီလေး” </p> <p>လင်းတုန်းက လက်လှမ်းကာ ထိုက်ရှန်း၏ လက်ကောက်ဝတ်ကို ဖမ်းဆွဲလိုက်ပြီး မျက်စိပျက် မျက်နှာပျက်ဖြင့် ခေါင်းယမ်းပြလိုက်သည်။ </p> <p>“သူ့ကို ခဏလောက် အသက်ရှင်ခွင့် ပေးလိုက်ပါဦး... နောက်မှ ငါတို့နဲ့ တွေ့ကြမှာပဲ... အခုလောလောဆယ် စိတ်လိုက်မာန်ပါ မလုပ်နဲ့ဦး”</p> <p>“ကောင်းပါပြီ... စီနီယာဒုတိယအစ်ကို ပြောတဲ့အတိုင်း နားထောင်ပါ့မယ်” </p> <p>ထိုက်ရှန်း၏ အသံမှာ မိုးကြိုးပစ်သံအလား ဟိန်းထွက်နေပြီး ကြီးမားသော လက်ညှိုးဖြင့် နံပါတ် ၂ နှင့် နံပါတ် ၃ စင်မြင့်ပေါ်က ခယ်ရှင်းယီနှင့် ခန်းရှီယွန်း တို့ကို ညွှန်ပြကာ တစ်လုံးချင်း ပြောလိုက်သည်။ </p> <p>“နောက်ပြိုင်ပွဲတွေမှာ ငါ့လက်ထဲကိုသာ မိလိုက်လို့ကတော့ မင်းတို့ခေါင်းတွေကို ငါ ကိုယ်တိုင် ဖြတ်ပစ်မယ်”</p> <p>ထိုခြိမ်းခြောက်မှုကို ခယ်ရှင်းယီနှင့် ခန်းရှီယွန်း တို့က ပြုံးလျက်သာ တုံ့ပြန်လိုက်ကြသည်။ ၎င်းမှာ မထီမဲ့မြင်ပြုခြင်းနှင့် လှောင်ပြောင်ခြင်းပင်။</p> <p>နောက်ထပ် အချိန်အနည်းငယ်အထိ ကျန်ရှိနေသော အုပ်စု ၈ခုမှ တပည့်တစ်ဦးမျှ သန့်စင်သောဝိညာဉ်အုပ်စုမှ ၃ ဦးကို တက်ရောက်စိန်ခေါ်ခြင်း မရှိကြပေ။</p> <p>မည်သူမျှ မစိန်ခေါ်ဘူးဆိုသည်မှာ လူတိုင်း သူတို့၏ ပြိုင်ဘက် မဟုတ်လို့လား။<br /> မဟုတ်ပါဘူး၊ လုံးဝ မဟုတ်ပါဘူး။</p> <p>အခြားအုပ်စု ၈ ခုမှ အစွမ်းထက်သူများသည်လည်း နောက်မှ ချန်ပီယံ နေရာယူကြရဦးမည် ဖြစ်ရာ အခုချိန်မှာ အသေအလဲ တိုက်ခိုက်ရမည့် အချိန် မဟုတ်သေးသောကြောင့်ပင်။</p> <p>ထိုအချိန်တွင် ကျောက်စိမ်းအဆောက်အဦးပေါ်မှ သန့်စင်သောဝိညာဉ်ပိုင်ရှင်က ထရပ်ကာ အော်ပြောလိုက်သည်။ </p> <p>“ငါ့ရဲ့ တပည့် ၃ ယောက်ကို ဘယ်သူမှ မစိန်ခေါ်တဲ့အတွက် ငါတို့ သန့်စင်သောဝိညာဉ်အုပ်စုရဲ့ ချန်လုံစာရင်း ထိပ်တန်း ၈ နေရာအတွက် ယှဉ်ပြိုင်မယ့်သူ ၃ ဦး ထွက်ပေါ်လာပြီ ဖြစ်တယ်”</p> <p>ထို့နောက် ရှန့်ရှန့်ထျန်း၊ ခယ်ရှင်းယီနှင့် ခန်းရှီယွန်း တို့သည် ချန်လုံစင်မြင့်ပေါ်မှ အေးအေးဆေးဆေး ဆင်းလာခဲ့ကြသည်။</p> <p>သူတို့ ၃ ယောက်လုံးမှာ ချန်ပီယံနေရာ ရရှိသွားသည့်အတွက် ဝမ်းသာနေပုံ မရဘဲ ထိုနေရာမှာ သူတို့နှင့်သာ ထိုက်တန်သည်ဆိုသည့် ပုံစံမျိုးဖြင့် ခပ်တည်တည်ပင် ရှိနေကြသည်။ သူတို့၏ မာနကြီးပုံမှာ သိသာလှပေသည်။</p> <p>“နောက်ထပ် စင်မြင့်စောင့်ဖို့အတွက် ငါ့ရဲ့ သားရဲဝိညာဉ်အုပ်စုက တပည့်တွေ ထွက်လာခဲ့စမ်း” </p> <p>သားရဲဝိညာဉ်ပိုင်ရှင်က နေရာမှ ထရပ်ကာ လေးနက်စွာ ပြောလိုက်သည်။ </p> <p>“လင်းတုန်း၊ ထိုက်ရှန်း... မင်းတို့ သွားကြ”</p> <p>“ဆရာ့အမိန့်ကို နာခံပါ့မယ်” </p> <p>သူတို့ ၂ ဦးလုံးမှာ ချန်လုံစင်မြင့် နံပါတ် ၁ နှင့် နံပါတ် ၂ ပေါ်သို့ လျှပ်ခနဲ ရောက်ရှိသွားကြတော့သည်။</p> <p>“ငါတော့ တကယ် စိတ်တိုတာပဲ ငါ့ရဲ့ တပည့်ကြီးက ဘယ်တွေ ရောက်နေလို့ အခုထိ ရောက်မလာသေးတာလဲ” </p> <p>သားရဲဝိညာဉ်ပိုင်ရှင်မှာ မကျေမနပ် ဖြစ်နေ၏။</p> <p>သူ့ပါးစပ်မှ ပြောနေသော တပည့်ကြီးမှာ မနေ့က ထန်ယွင်ကြောင့် ကျင့်စဉ်ဖျက်ဆီးခံရပြီး ချောက်ထဲခုန်ချကာ သတ်သေသွားခဲ့သော ပိုင်ရွှီ ပင်တည်း။ သားရဲဝိညာဉ်အုပ်စုဝင် တပည့်များထဲတွင် ပိုင်ရွှီမှာ အစွမ်းအထက်ဆုံး နံပါတ် ၃ ဖြစ်၏။ ဒုတိယတပည့် လင်းတုန်းနှင့် တတိယတပည့် ထိုက်ရှန်း တို့မှာ နံပါတ် ၁ နေရာအတွက် ပူးတွဲ ရပ်တည်နေကြသူများ ဖြစ်သည်။</p> <p>ဒုတိယနေရာတွင် ရှိနေသူမှာမူ သားရဲဝိညာဉ်အုပ်စုမှ ဒုတိယအကြီးအကဲ မူရုန်ဟုံ၏ မြေးဖြစ်သူ ချန်ဆုန့်ပင်။</p> <p>“ခေါင်းဆောင်ဝူ... ကျုပ်မြေးကိုပါ စင်မြင့်စောင့်ခိုင်းလိုက်ရင် ဘယ်လိုလဲ” </p> <p>ထိုအချိန်တွင် မူရုန်ဟုံက ဝူဟုန်ကို အကြံပြုလိုက်သည်။</p> <p>“ကောင်းပြီလေ” </p> <p>သားရဲဝိညာဉ်ပိုင်ရှင်က ခေါင်းညိတ်ကာ ဆိုလိုက်သည်။</p> <p>“ချန်ဆုန့်... နံပါတ် ၃ စင်မြင့်ကို စောင့်ဖို့ တာဝန် မင်းကို လွှဲပေးလိုက်မယ်” </p> <p>“တပည့် နာခံပါ့မယ်” </p> <p>ရိုသေသော အသံ ထွက်ပေါ်လာပြီးနောက် အသက် ၂၆၊ ၂၇ ခန့်ရှိသော ချန်ဆုန့်သည် တောင်ထိပ်ပေါ်မှ ပျံတက်ကာ နံပါတ် ၃ ချန်လုံစင်မြင့်ပေါ်သို့ ရောက်ရှိသွားတော့သည်။</p> <p>စင်မြင့်စောင့်သူ ၃ ဦးလုံးမှာလည်း ဝိညာဉ်သန္ဓေ ပြည့်စုံခြင်းအဆင့်သို့ ရောက်ရှိနေသူများ ဖြစ်ကြသည်။</p> <p>“အခု ငါတို့ သားရဲဝိညာဉ်အုပ်စုရဲ့ စိန်ခေါ်ပွဲကို စတင်ကြောင်း ကြေညာတယ်”</p> <p>သားရဲဝိညာဉ်ပိုင်ရှင် ကြေညာပြီးနောက် အုပ်စုအသီးသီးရှိ ထိပ်တန်း တပည့် ၅ ဦး မှလွဲ၍ အခြားတပည့်များမှာ လင်းတုန်း အပါအဝင် ၃ ဦးကို ကြောက်ရွံ့ရိုသေသော မျက်လုံးများဖြင့် ကြည့်နေကြသည်။ ထန်ယွင်က ပတ်ဝန်းကျင်ရှိ တပည့်များ၏ အကြည့်ကို ကြည့်ရုံဖြင့် ဤ ၃ ဦးမှာ အင်မတန် နာမည်ကြီးပြီး ကြောက်စရာကောင်းသူများ ဖြစ်ကြောင်း သိလိုက်၏။</p> <p>သူတို့ ၃ ဦးကိုလည်း မည်သူမျှ တက်ရောက် စိန်မခေါ်ကြပေ။</p> <p>အခြားအုပ်စု ၈ ခုမှ ထိပ်တန်း အစွမ်းထက်သူ ၃ ဦး မှလွဲ၍ အခြားသူများ စိန်မခေါ်ရသည့် အကြောင်းရင်းမှာ ရှင်းပါသည်။ သူတို့ စိန်ခေါ်လို့ အောင်မြင်လျှင်ပင် နောက်ဆုံးမှာ ထိပ်တန်း ၈ယောက်စာရင်းထဲ ဝင်နိုင်မည် မဟုတ်ဘူးဆိုသည်ကို နားလည်ထားကြသောကြောင့်ပင်။</p> <p>ပို၍ အရေးကြီးသော အကြောင်းရင်းမှာ စိန်ခေါ်ပွဲတွင် ဒဏ်ရာအပြင်းအထန် ရရှိသွားပါက နောက်ပိုင်း မိမိတို့အုပ်စုအလိုက် ထာဝရနယ်မြေ ဝင်ရောက်ခွင့် နေရာများကို ယှဉ်ပြိုင်သည့်အခါတွင် ရှုံးနိမ့်သွားနိုင်ပြီး ထာဝရနယ်မြေထဲ ဝင်ခွင့်မရရုံတင်မကဘဲ အလတ်စား ရတနာအဆင့် လက်နက်ကိုပါ ဆုံးရှုံးသွားနိုင်သောကြောင့် ဖြစ်သည်။</p> <p>နောက်ပိုင်းတွင် ရှေးဟောင်းဝိညာဉ်အုပ်စုမှ တပည့် ၃ ဦး စတင် စင်မြင့်စောင့်ကြရာတွင်လည်း မည်သူမျှ မစိန်ခေါ်ကြဘဲ အောင်မြင်စွာ ပြီးဆုံးသွားခဲ့သည်။ လေပြင်းနှင့် မိုးကြိုးအုပ်စုမှ တပည့် ၃ ဦးမှာလည်း ထိုနည်းတူပင် အောင်မြင်သွားကြ၏။</p> <p>နောက်ထပ် နာရီဝက်ခန့်အတွင်း၌ အစီအရင်အုပ်စု၊ လက်နက်အစီအရင်အုပ်စုနှင့် လက်နက်အုပ်စုတို့မှ တပည့် ၃ ဦးစီ ထုတ်ကာ စင်မြင့်စောင့်ကြသည်။</p> <p>အစီအရင်အုပ်စုမှ တပည့် ၃ ဦးထဲတွင် ပြတ်သားသော ပုံစံရှိသည့် ရှောင်လုံ ဆိုသူ ပါဝင်ပြီး၊ အခြား ၂ ဦးမှာ ခေတ္တမျှ ယှဉ်ပြိုင်ပြီးနောက် ရှေးဟောင်းဝိညာဉ်အုပ်စုမှ ၂ ဦးက စင်မြင့်ကို သိမ်းပိုက်သွားခဲ့ကြသည်။ ရှေးဟောင်းဝိညာဉ်အုပ်စုမှ ၂ ဦး ချန်ပီယံဖြစ်သွားပြီးနောက်တွင်လည်း မည်သူမျှ စိန်မခေါ်ကြပေ။</p> <p>ထိုအချိန်တွင် ထန်ယွင် သတိထားမိသည်မှာ ရှောင်လုံ ဆိုသည့် တပည့်သည် ထာဝရနတ်ဘုရားဂိုဏ်းတွင် ကျင်းပခဲ့သော အစီအရင် ပြိုင်ပွဲတွင် ပါဝင်ခဲ့ခြင်း မရှိပေ။ သို့သော် သူ့အား မည်သူမှ စိန်မခေါ်ရဲသည်ကို ကြည့်ခြင်းဖြင့် ဤသူမှာ အင်မတန် အစွမ်းထက်သူ ဖြစ်ကြောင်း သိသာလှသည်။</p> <p>လက်နက်အစီအရင်အုပ်စုမှ စင်မြင့်စောင့်သူ ၃ ဦးထဲတွင် ဟောင်ဖူထင်ဖုန်း ပါဝင်ပြီး စိန်ခေါ်သူများထဲတွင် ဟောင်ဖူထင်ဖုန်းကိုမူ မည်သူမျှ မရွေးချယ်ကြပေ။</p> <p>အကြောင်းရင်း ၂ ခု ရှိသည်။ ပထမအချက်မှာ ဟောင်ဖူထင်ဖုန်းက အင်မတန် အစွမ်းထက်၏။ ဒုတိယအချက်မှာ မနေ့ညက ဂိုဏ်းခွဲခေါင်းဆောင်များက သူတို့၏ တပည့်များကို ဟောင်ဖူထင်ဖုန်းမှာ မျိုးနွယ်စုခေါင်းဆောင်၏ မျိုးဆက်ဖြစ်သဖြင့် စိန်မခေါ်ရန် မှာကြားထားသောကြောင့်ပင်။ မည်သို့ဖြစ်စေ သူ့နောက်ခံမှာ အင်မတန် တောင့်တင်းလှသည် မဟုတ်ပါလော။</p> <p>လက်နက်အစီအရင်အုပ်စုမှ အခြားသော တပည့် ၂ ဦးမှာမူ သန့်စင်သောဝိညာဉ်အုပ်စုမှ တပည့် ၂ ဦး၏ အနိုင်ယူခြင်းကို ခံလိုက်ရသည်။ သန့်စင်သောဝိညာဉ်အုပ်စုမှ တပည့် ၂ ဦး ချန်ပီယံ ဖြစ်သွားသည်ကို လက်နက်အစီအရင်အုပ်စုမှ တပည့်ပေါင်း သောင်းနှင့်ချီက မကျေမနပ် ဖြစ်နေကြပြီး ၎င်းတို့ထဲမှ ၆ ဦးမှာ တက်ရောက် စိန်ခေါ်ခဲ့ကြသော်လည်း ရလဒ်မှာ ၂ ဦး သေဆုံးကာ ၄ ဦး ဒဏ်ရာရရှိသွားသည့် အခြေအနေသို့ ရောက်ရှိသွားခဲ့သည်။ နောက်ဆုံးတွင် သန့်စင်သောဝိညာဉ်အုပ်စုမှာ ချန်ပီယံနေရာ ၂ ခု ထပ်မံ ရရှိသွားပြန်သည်။</p> <p>မူရုန်ဆရာမက လက်နက်အုပ်စုမှ တပည့် ၃ ဦးကို စင်မြင့်စောင့်ရန် လွှတ်လိုက်သောအခါတွင်မူ လေပြင်းနှင့် မိုးကြိုးအုပ်စု၊ ရှေးဟောင်းဝိညာဉ်အုပ်စုနှင့် သားရဲဝိညာဉ်အုပ်စုတို့မှ တပည့်တစ်ဦးစီက တက်ရောက် စိန်ခေါ်ခဲ့ကြရာ လက်နက်အုပ်စုမှ တပည့် ၃ ဦးလုံးမှာ ချန်လုံစင်မြင့်ပေါ်မှ အလဲအကွဲ ဆင်းပေးလိုက်ရတော့သည်။</p> <p>ကျုံးဝူစစ်ယောင်မှာ ဘာမှ မတတ်နိုင်ပေ။ သူမတွင် ထန်ယွင် ပေးထားသော ကျင့်စဉ်များ ရှိသော်လည်း သူမ အတွင်းစည်း လက်နက်အုပ်စုသို့ ဝင်ရောက်ပြီးကတည်းက ၇၀ ရာခိုင်နှုန်းသော အချိန်ကို မူရုန်ဆရာမ နှင့်အတူ လက်နက်ဖော်စပ်ခြင်း ပညာရပ်များကိုသာ သင်ယူနေခဲ့ရသဖြင့် သူမ၏ ကျင့်စဉ်အဆင့်မှာ ဝိညာဉ်သန္ဓေအဆင့် ၉ တွင်သာ ရှိနေသေးသောကြောင့် ဖြစ်သည်။</p> <p>တစ်ဖက်တွင်မူ အမြဲတမ်း တံခါးပိတ် ကျင့်ကြံနေခဲ့သော ရွှယ်ဇီယန်နှင့် မုမုန့်ဂျီတို့မှာမူ ဝိညာဉ်သန္ဓေ ပြည့်စုံခြင်းအဆင့်သို့ ရောက်ရှိနေကြပြီ ဖြစ်၏။</p> <p>ယနေ့တွင် ဆေးဝါးအုပ်စုနှင့် ဝိညာဉ်ငါးပါးအုပ်စုတို့သာ စင်မြင့်စောင့်ရန် ကျန်ရှိတော့သည်။</p> <p>ကျောက်စိမ်းအဆောက်အဦးပေါ်ရှိ ရှန်စုပင်းက ဆေးဝါးအုပ်စုဝင် တပည့်များကို ငုံ့ကြည့်ကာ သက်ပြင်းချပြီး ကြေညာလိုက်သည်။ </p> <p>“ဆေးဝါးအုပ်စုအနေနဲ့ ချန်ပီယံနေရာ ၂ ခုကို စွန့်လွှတ်လိုက်ပြီး ထန်ယွင် တစ်ယောက်တည်းကိုပဲ စင်မြင့်စောင့်ခိုင်းပါ့မယ်” </p> <p>ရှန်စုပင်း၏ စကားအဆုံးတွင် ကျောက်စိမ်းအဆောက်အဦးပေါ်ရှိ အခြားသော ဂိုဏ်းခွဲခေါင်းဆောင် ၈ယောက်၊ အကြီးအကဲများနှင့် သင်းထောက်များမှာ ဂိုဏ်းချုပ် ရှိနေသဖြင့် ဘာမှ မပြောကြသော်လည်း၊ ရှန်စုပင်းကို ကြည့်သော သူတို့၏ မျက်လုံးများထဲတွင်မူ မထီမဲ့မြင်ပြုမှုများ ပြည့်နှက်နေတော့သည်။</p> <p>လူတိုင်း၏ အမြင်တွင် ရှန်စုပင်း အုပ်ချုပ်သော ဆေးဝါးအုပ်စုသည် တောင်စဉ် ၉ ခု ပြိုင်ပွဲတွင် တစ်ခါထက်တစ်ခါ ပို၍ အခြေအနေ ဆိုးလာသည်ဟု ယူဆထားကြသည်။ ယခင်က ဆေးဝါးအုပ်စုသည် စင်မြင့်စောင့်သူ ၃ ဦး အမြဲတမ်း လွှတ်လေ့ရှိသော်လည်း ယခုမူ ထန်ယွင် တစ်ယောက်တည်းသာ ရှိတော့သည် မဟုတ်ပါလော။</p> <p>ဆေးဝါးအုပ်စုဝင် အကြီးအကဲများနှင့် တပည့်အားလုံးမှာလည်း အရှက်ရနေကြသကဲ့သို့ ခံစားနေရသည်။</p> <p>ဆုန့်ဟုန်နှင့် လုအိုဖန်တို့မှာ တစ်ယောက်ကိုတစ်ယောက် ကြည့်လိုက်ကြပြီးနောက် ကျောက်စိမ်းအဆောက်အဦးပေါ်ရှိ ရှန်စုပင်းကို ကြည့်ကာ ပြတ်သားသော အမူအရာဖြင့် တောင်းဆိုလိုက်ကြသည်။ </p> <p>“အုပ်စုခေါင်းဆောင်ကြီး... တပည့်တို့ စင်မြင့်စောင့်ဖို့ ခွင့်ပြုပေးပါ” </p> <p>ရှန်စုပင်းက သူတို့ ၂ ဦးကို ချီးကျူးသော မျက်လုံးများဖြင့် ကြည့်လိုက်ပြီး... </p> <p>“အခုက စိတ်လိုက်မာန်ပါ လုပ်ရမယ့် အချိန်မဟုတ်ဘူး... ငါတို့ ဆေးဝါးအုပ်စုက ဆေးဖော်စပ်တာကိုပဲ အဓိကထားတာလေ... တပည့်တွေရဲ့ တိုက်ခိုက်ရေးအစွမ်းက တခြားအုပ်စုတွေထက် အနည်းငယ် နိမ့်ကျနေတာဟာ သဘာဝပါပဲ”</p> <p>“မင်းတို့က ဒီလောက်ငယ်ငယ်ရွယ်ရွယ်နဲ့ အနိမ့်စား ဆေးပညာရှင်ကြီးတွေ ဖြစ်နေပြီပဲ... အဲ့ဒါကို တခြားအုပ်စုက တပည့်တွေနဲ့ ယှဉ်လို့ ရပါ့မလား”</p> <p>“ကဲ... ပြန်သွားကြတော့”</p> <p>ရှန်စုပင်း သိထားသည်မှာ သူတို့ ၂ ယောက်သာ စင်မြင့်စောင့်၍ အောင်မြင်ခဲ့လျှင်ပင် ဘာဖြစ်မည်နည်း။ နောက်ဆုံး ချန်လုံစာရင်း ထိပ်တန်း ၈ ယောက် ယှဉ်ပြိုင်သည့်အခါ ရှုံးနိမ့်သွားမှာဖြစ်သလို အသက်ပါ ဆုံးရှုံးသွားနိုင်သည် မဟုတ်ပါလော။ ထို့ကြောင့် ရှန်စုပင်းအနေဖြင့် သူမ၏ ဆေးပညာရှင် ၂ ဦးကို ရည်မှန်းချက် မအောင်မြင်နိုင်သည့် အန္တရာယ်ရှိသော ကိစ္စများတွင် လုံးဝ အသုံးမခံနိုင်ပေ။</p> <p>ဆုန့်ဟုန်နှင့် လုအိုဖန်တို့မှာ ခါးသက်စွာ ပြုံးလိုက်ကြပြီး ထန်ယွင်၏ ပုခုံးကို ပုတ်ကာ အနောက်သို့ ပြန်သွားကြတော့သည်။</p> <p>ထန်ယွင်က နံပါတ် ၁ ချန်လုံစင်မြင့်ပေါ်သို့ တက်ရန် ပြင်လိုက်စဉ်မှာပင် သူ၏ ညာဘက်ရှိ မုမုန့်ဂျီက လက်သီးဆုပ်ကာ ရှန်စုပင်းကို မော့ကြည့်လိုက်ပြီး ခန့်ညားလှသော အသံလေး ထွက်ပေါ်လာသည်။ </p> <p>“အုပ်စုခေါင်းဆောင်ကြီး... တပည့် မုမုန့်ဂျီ အနေနဲ့ ထန်ယွင်နဲ့အတူ စင်မြင့်စောင့်ပွဲမှာ ပါဝင်ခွင့်ပြုဖို့ တောင်းဆိုပါတယ်... ကျေးဇူးပြုပြီး ခွင့်ပြုပေးပါ”</p> <p>အခန်း ၃၇၃ ပြီး</p> <p> </p>


Save