Book List

<h2 style="text-align: center;">အပိုင်း(၃၁၆)</h2> <h2 style="text-align: center;">အဇူရာတိမ်ပြတိုက်</h2> <h2 style="text-align: center;">*</h2> <p> </p> <p>နှစ်လပြင်ဆင်ပြီးနောက်တွင် နောက်ဆုံးတော့ အဇူရာတိမ်ပြတိုက်ကို ဖွင့်လှစ်နိုင်ခဲ့၏။</p> <p>အဇူရာတိမ်မြို့ရှ်ိ အထင်ကရနေရာတစ်ခုဖြစ်သောကြောင့် လူအတော်များများက ထိုနေရာဆီ လာလည်ခဲ့ကြသည်။</p> <p>အထဲသို့ မ၀င်ခင်တွင် ပြတိုက်ရှေ့က ကျောက်တိုင်ပေါ်၌ ရေးထွင်းထားသည့် ပြတိုက်ထဲသို့ ၀င်ရန် စည်းမျဉ်းများကို မြင်တွေ့နိုင်၏။</p> <p>၁။ အဇူရာတိမ်မြို့တွင် နေထိုင်သူများ ပြတိုက်ထဲသို့ အကြိမ်ရေကန့်သတ်ချက်မရှိ နေ့စဉ် ၀င်ရောက်နိုင်သည်။</p> <p>၂။ အမြဲနေထိုင်သူ မဟုတ်သူများကတော့ သုံးရက်တစ်ကြိမ်သာ ၀င်နိုင်သည်။</p> <p>၃။ ပြတိုက်ထဲသို့ အကြိမ် ၅၀ လည်ပတ်ပြီးချိန်တွင်</p> <p>အဇူရာတိမ်မြို့ပျက်ထဲသို့ ၀င်ရောက် လည်ပတ်ခွင့်ရရှိမည်။</p> <p>၄။ အကြိမ်တစ်ရာ ၀င်ရောက်ပြီးပါက မိစ္ဆာများကို ကြည့်ရှုနိုင်မည်။</p> <p>၅။ အကြိမ် ၂၀၀၀င်ရောက်ပြီးပါက အဇူရာတိမ်ဂိုဏ်းသို့ တစ်ကြိမ်လာရောက် လည်ပတ်ခွင့် ရရှိမည်။</p> <p>၆။ အကြိမ် ၃၀၀ ၀င်ရောက်ပြီးပါက အဇူရာတိမ်ဂိုဏ်းတွင် သင်ခန်းစာတစ်ခုလာရောက်နားထောင်နိုင်သည်။ နားထောင်ချင်သော သင်ခန်းစာကို‌ရွေးချယ်၍ ရသည်။</p> <p>၇။ အကြိမ် ၅၀၀ ၀င်ရောက်ပြီးပါက အဇူရာတိမ်ဂိုဏ်းထံသို့ ဆေးဖော်စပ်ရန် သို့မဟုတ် လက်နက်သန့်စင်ရန်(သန့်စင်မည့်ကုန်ကြမ်းများကို ကိုယ်တုိင်ယူ‌ေဆာင်ခဲ့ရမည်) တစ်ကြိမ် အကူအညီတောင်းခံခွင့်ရှိမည်။</p> <p> </p> <p>စည်းမျဉ်းများကို ကြည့်ရှုပြီးနောက် လူတိုင်းလှုပ်လှုပ်ရှားရှားဖြစ်ကုန်ကြ၏။</p> <p>ပြတိုက်ထဲ၀င်ရုံနှင့် သူတို့သည်ဂိုဏ်းထဲတွင် သင်ခန်းစာသွားနားထောင်နိုင်သလို လက်နက်ပင် သွားသန့်စင်ခိုင်းနိုင်ပေဦးမည်။</p> <p> </p> <p>အခြားဂိုဏ်းမှ ကျင့်ကြံသူများပင် စိတ်လှုပ်ရှားသွားခဲ့ကြသည်။</p> <p>“ဟုတ်ပြီလေ ငါအဇူရာတိမ်ပြတိုက်ထဲ ၀င်မယ်ကွာ”</p> <p>“အမြန် စာရင်းပေးကြစို့”</p> <p>ကျင့်ကြံသူအမြောက်အများ ပြတိုက်ဆီ စုပြုံတိုးကုန်ကြ၏။</p> <p>ပြတိုက်အစောင့်လျင်မြန်စွာ အော်ပြောလိုက်လေသည်။</p> <p>“မလောကြပါနဲ့ အစဉ်လိုက်တန်းစီကြပါ ပြတိုက်ကနေ့တိုင်းဖွင့်ပါတယ် အဲ့တာကြောင့် အချိန်တွေအများကြီး ရှိဦးမှာပါ</p> <p>ပြတိုက်ထဲ၀င်ချင်ရင် ကျေးဇူးပြုပြီး စာရင်းပေးကြပါ စာရင်းပေးပြီး ၀င်တဲ့သူကိုသာ ပြတိုက်ထဲ တစ်ကြိမ်၀င်ခြင်းအဖြစ် အသိအမှတ်ပြုပေးမှာပါ”</p> <p>၀န်‌ထမ်းလေး၏ လမ်းညွှန်ချက်ဖြင့် ကျင့်ကြံသူများ ပြတိုက်ထဲဝင်ရန် စာရင်းပေးခဲ့ကြ၏။</p> <p>စာရင်းပေးပြီးသူများကတော့ ၀န်ထမ်းလေးနောက်မှ ပြတိုက်ထဲ၀င်သွားခဲ့ကြသည်။</p> <p>“စာရင်းပေးပြီးတဲ့သူတွေ ကျွန်တော့်နောက်ကလိုက်ခဲ့ပါ…ဒီနေ့တော့ ကျွန်တော်တို့အားလုံး အဇူရာတိမ်ဂိုဏ်း တည်ထောင်သူတွေရဲ့ ပုံတွေကို ကြည့်ရှုရမှာပါ</p> <p>လွန်ခဲ့နှစ်ပေါင်း ၅၃၀၀တုန်းက အဇူရာတိမ်‌ဂိုဏ်းရဲ့ တည်ထောင်သူပေါ်ပေါက်လာခဲ့ပြီး ဂိုဏ်းကိုတည်ထောင်ခဲ့ပါတယ်‌ နောက်တော့ ခေတ်အဆက်ဆက်ပြောင်းလဲသွားခဲ့ပြီး အခုဆို ၃၆ယောက်မြောက် ဆက်ခံသူရဲ့ လက်ထပ်ကိုရောက်ရှိနေပါပြီ”</p> <p>“ဟိုးအရင်က အဇူရာတိမ်မြို့ မပျက်ဆီးသေးခင်ကဆိုလျှင် မြို့ထဲမှာ အိမ်ခြေပေါင်း သန်းနဲ့ချီရှိခဲ့တာ</p> <p>ကံဆိုးစွာနဲ့ လွန်ခဲ့တဲ့နှစ်တစ်ထောင်တုန်းက မိစ္ဆာကပ်ဘေးမှာ မြို့က ဖျက်ဆီးခံခဲ့ရတယ်</p> <p>ယနေ့ခေတ် အဇူရာတိမ်မြို့ကိုတော့ အဇူရာတိမ်မြို့ပျက်ရဲ့ အပေါ်မှာ အသစ်ပြန်လည်တည်ဆောက်ထားတာ ဖြစ်ပါတယ်</p> <p>လူကြီးမင်းတို့ရဲ့ စာရင်းသွင်းတဲ့အကြိမ်ရေ ပြည့်မှီသွားတဲ့အခါ အဇူရာတိမ်မြို့ပျက်ထဲ သွားရောက်လည်ပတ်ခွင့် ရရှိသွားမှာပါ”</p> <p>ရာနှင့်ချီ‌ေသာလူများ ၀န်ထမ်း‌ေလးဧ။် ရှင်းပြချက်များကို နား‌ေထာင်‌ေနရင်း နာရီ၀က်အကြာတွင် သူတို့စာရင်းသွင်းမှုက ပြီးသွားခဲ့လေသည်။</p> <p>သူတို့ထဲက အတော်များများကတော့ ထိုအရာက အခုလောက်လွယ်နေတာကိ ုမယုံနိုင်ဖြစ်နေခဲ့၏။</p> <p>စာရင်းတစ်ကြိမ်သွင်းဖို့က ဒါလေးပဲလား လွယ်လိုက်တာ အကြိမ်ရေ ၅၀၀ ပြည့်ဖို့ ဘာခက်မှာလဲ!</p> <p>မြို့သားတစ်ယောက်သာဆိုလျှင့် နေ့တိုင်းအခုလိုလေး ပြတိုက်ထဲ၀င်ပေးနေရုံဖြင့် ရက် ၃၀၀အကြာတွင် အဇူရာတိမ်ဂိုဏ်းထဲ၌ သင်ခန်းစာသွားနားထောင်ခွင့် ရမည် မဟုတ်ပါလော။</p> <p>လွယ်လွန်းတယ်!</p> <p>တစ်ခုတည်းသော ပြဿနာမှာ စာရင်းသွင်းသူများ များလွန်းနေသော ပြဿနာသာဖြစ်၏။</p> <p>စာရင်းသွင်းရ လွယ်ကူလွန်းနေသောကြောင့် ပြတိုက်တွင် စာရင်းသွင်းသူများနှင့် ပြည့်ကြပ်နေခဲ့သည်။</p> <p>ဒါပေါ့ ထိုနေရာတွင် သာမန်လူများပါရှိနေခဲ့ခြင်း ဖြစ်၏။</p> <p>သာမန်လူများသည် အဇူရာတိမ်ပြတိုက်ထဲသို့ အကြိမ်ရေအကန့်အသတ်မရှိ အလကား၀င်ရောက်လည်ပတ်နိုင်ပေသည်။</p> <p>ဤသို့ဖြင့် အဇူရာတိမ်ပြတိုက်ကြီးသည် စည်ကားနေခဲ့၏။</p> <p>အခြားဂိုဏ်းမှ သူလျှိုများပင် ပဟေဠိဖြစ်နေခဲ့ကြသည်။</p> <p>“အဇူရာတိမ်ဂိုဏ်းက ဘာလို့ ဒီပြတိုက်ကို ဖွင့်လိုက်တာလဲ” သူတို့စိတ်ရှုပ်ထွေးနေကြကာ မစဉ်းစားတတ်တော့ပေ။</p> <p>ကုန်းချင်းဟန်နှင့်သူ့ညီအစ်မများပင် စာရင်းသွင်းရာတွင်ပါဝင်ခဲ့ကြ၏။</p> <p>အကြိမ်များစွာ လည်ပတ်ခဲ့ပြီးနောက်တွင်တော့ ထိုညီအစ်မများ၏စကားဝိုင်းတွင်ပင် အဇူရာတိမ်ဂိုဏ်း၏သမိုင်းက ပါဝင်လာခဲ့သည်။</p> <p>“အဇူရာတိမ်မြုိ့ကအဲ့လောက်ကြီးခဲ့လိမ့်မယ်လို့ ငါထင်မထားခဲ့မိဘူး”</p> <p>“ကြည့်ရတာ အခုလည်း အဇူရာတိမ်မြို့က မြို့ဟောင်းရဲ့လမ်းစဉ်အတိုင်းပဲ ဆက်ပြီးကြီးထွားနေတာထင်တယ်နော်”</p> <p>“နင်ကြားခဲ့တယ်မလား အဇူရာတိမ်ဂိုဏ်းတည်ထောင်သူက အောင်မြင်စွာ တက်လှမ်းသွားပြီတဲ့”</p> <p>သူတို့သည် ကိုယ့်ကိုကိုယ်လန်ကျားအထွတ်အမြတ်မြေက ဆိုတာကိုပါ မေ့နေပြီး အဇူရာတိမ်ဂိုဏ်းသမိုင်းကို အားရပါးရ ပြောဆိုနေခဲ့ကြ၏။</p> <p>တကယ်တော့ သူတို့တင်မဟုတ်ဘဲ အဇူရာတိမ်မြို့တစ်ခုလုံးက အဇူရာတိမ်ဂိုဏ်းသမိုင်းအကြောင်းကို ပြောဆိုနေခဲ့ကြခြင်း ဖြစ်သည်။</p> <p>သူလျှိုများကတော့ ထိုကဲ့သို့သောဖြစ်ပျက်နေမှုကို သတိမထားမိခဲ့ကြပေ။</p> <p>အဇူရာတိမ်ပြတိုက်၏ ဦးနှောက်ဆေးမှုက ဖြည်းဖြည်းချင်း အလုပ်လုပ်နေခဲ့ပြီး နောက်ဆုံးတွင်တော့ မသိလိုက်မသိဖာသာပင် အဇူရာတိမ်မြို့သည် အဇူရာတိမ်ဂိုဏ်း၏ သစ္စာခံမြို့တစ်မြို့ ဖြစ်လာခဲ့၏။</p> <p>အဇူရာတိမ်ပြတိုက်ဖွင့်လှစ်ခဲ့သည်မှာ ၁လကြာသွားခဲ့ချေပြီ။</p> <p>ကျန်းယန် တောင်ပေါ်မှဆင်းလာခဲ့ပြီး အစိုးရရုံးတွင် ကျန်းကျစ်ချိုးကိုလာရှာခဲ့သည်။</p> <p>“အဇူရာတိမ်မြို့ ဘယ်လိုနေလဲ” ကျန်းယန် မေးလိုက်၏။</p> <p>“ဘယ်အပိုင်းကို ပြောတာလဲ စီနီယာအစ်ကိုကြီး” ကျန်းကျစ်ချိုး ပြန်မေးလိုက်သည်။</p> <p>“ပြတိုက်ဖွင့်ပြီးကတည်းက အပြောင်းအလဲတွေကိုပြောတာ ပြတိုက်ဆီသွားရင်း ပြောကြတာပေါ့” ကျန်းယန် ပြောလိုက်၏။</p> <p>ကျန်းကျစ်ချိုး တွန့်ဆုတ်သွားခဲ့သည်။ သူမြို့အုပ်ချုပ်‌ရေးအကြောင်း အတော်အသင့်နားလည်နေပြီ ဖြစ်သော်လည်း ပြတိုက်နောက်ကွယ်က ရည်ရွယ်ချက်ကိုတော့ နားမလည်နိုင်သေးပေ။</p> <p>ကျန်းယန် ခေါင်းယမ်းကာ ပြောလိုက်သည်။</p> <p>“မင်းရဲ့ လက်ရှိမြို့ကိုချဉ်းကပ်ပုံက မလုံလောက်သေးဘူး မင်းမြို့ရဲ့ အပြောင်းအလဲတွေကို တိုင်းတာထားတဲ့ အချက်အလက်လိုတယ်</p> <p>ဥပမာ ပြတိုက်ဖွင့်ပြီးတဲ့နောက်မှ စာရင်းသွင်းလိုက်တဲ့အိမ်ရာ ဘယ်နှစ်ခုရှိလဲ ဆိုတာမျိုး</p> <p>ဒီနည်းလမ်းနဲ့ ငါတို့က ပြတိုက်ဖွင့်တာဘယ်လောက်အကျိုးသက်ရောက်မှုရှိသွားလဲ တွက်ဆလို့ရတယ်</p> <p>ပြီးတော့ အဇူရာတိမ်သတင်းစာက ဘယ်လောက်အကျိုးသက်ရောက်မှုရှိလဲ အားလုံးကို ခြေရာကောက်ထားရမယ် ပြီးရင် အဲ့ဒီအချက်အလက်တွေကိုသုံးပြီး အဇူရာတိမ်မြို့တစ်ခုလုံးရဲ့ တိုးတက်မှု ဆုတ်ယုတ်မှု အပြောင်းအလဲတွေကို တွက်လို့ရပြီ</p> <p>မဟုတ်ရင် မင်းအခုတော့ အုပ်ချုပ်လို့ရနေသေးပေမယ့် မြို့ကပိုကြီးလာတဲ့အခါ ထိန်းမနိုင်သိမ်းမရ ဖြစ်သွားလိမ့်မယ်”</p> <p>ကျန်းကျစ်ချိုး အလျင်အမြန်ပင် ကျန်းယန်၏ဆိုလိုရင်းကို နားလည်သွားခဲ့၏။</p> <p>“ထောက်ပြပေးလို့ ကျေးဇူးတင်ပါတယ် စီနီယာအစ်ကိုကြီး ကျွန်တော်ဖြေရှင်းဖို့ နည်းလမ်းရှာလိုက်ပါ့မယ်”</p> <p>“မင်းမှာ အချက်အလက်တွေရလာရင် ငါ့ကိုပြန်ပြီးတင်ပြ”</p> <p>ကျန်းယန် ပြောလိုက်သည်။</p> <p>“ပြီးတော့ မင်းအချက်အလက်ရှာဖွေစုဆောင်းတဲ့ နည်းလမ်းတွေ မင်းရှာဖွေတဲ့ အချက်အလက်တွေ စာရင်းဇယားတွေအကုန်လုံးကို  စာအုပ်တစ်အုပ်တည်းမှာ စုပြီးရေးထားပေး ငါအဲ့တာတွေအားလုံးကို အင်ပါယာနှစ်ခုဆီကိုရော ကုန်းမြေတိုက်ကြီးပေါ်က ဂိုဏ်းတွေအားလုံးဆီကိုရော ပို့ပေးချင်တယ်”</p> <p>အဇူရာတိမ်ကုန်းမြေတိုက်ကြီးပေါ်တွင် လုပ်အားပြညွှန်းကိန်း(kpi)တစ်ခု ပေါ်ပေါက်လာချေပေတော့မည်။</p> <p> </p> <p>(Translator note-kpi လို့ပဲ အများစုခေါ်ကြတယ် အရှည်‌‌ေခါက်က‌ေတာ့ key performance indicatorsပါ အလုပ်သမားတစ်ယောက် အဖွဲ့အစည်းတစ်ခုရဲ့ စွမ်းဆောင်ရည် လုပ်အားကို ကိန်းဂဏန်းစာရင်းဇယားနဲ့ဖော်ပြတာမျိုးပါ)</p> <p> </p> <p> </p> <p>***</p>


Save