Book List

<h2 style="text-align: center;">အခန်း ၃၃၅</h2> <h2 style="text-align: center;">အကျပ်အတည်း။ သွေးမျိုးဆက်နယ်ပယ်၏ အမြင့်ဆုံးကန့်သတ်ချက်။ (၁)</h2> <h2 style="text-align: center;">*</h2> <p> </p> <p> </p> <p>​တစ်ခါတစ်ရံတွင် မကောင်းဆိုးဝါး ရည်ရွယ်ချက်များ ကြီးထွားလာရန်အတွက် သက်သေအထောက်အထားများစွာ မလိုအပ်ချေ။ လူတစ်ယောက်၏ ရင်တွင်းမှ သတိထားမှုနှင့် ကြောက်ရွံ့မှု အရိပ်အယောင် အနည်းငယ်၊ ထို့အပြင် မနာလိုမှုနှင့် တုန်လှုပ်မှု အရိပ်အယောင် အနည်းငယ်တို့ကပင် ကောင်းကင်ဘုံ၏ ဂုဏ်ယူဝင့်ကြွားဖွယ် သားတော်တစ်ဦးကို လူသတ်ချင်စိတ် ပေါ်လာစေရန် လုံလောက်နေပေသည်။</p> <p>​မသေမျိုးစံအိမ်မှ မူလဝိညာဉ်အဆင့် ကျင့်ကြံသူသည် မသေမျိုးတက်လှမ်းခြင်းလမ်းကြောင်းပေါ်ရှိ အခြေအနေကို စောင့်ကြည့်နေသော်ငြားလည်း...</p> <p>​အကယ်၍ သူသာ ချက်ချင်း လှုပ်ရှားလိုက်မည်ဆိုလျှင် ထိုကျင့်ကြံသူအနေဖြင့် အချိန်မီ တုံ့ပြန်နိုင်မည် မဟုတ်ပေ။</p> <p>​ထိုအချိန်ရောက်လျှင် အသက်ရှင်ခြင်းနှင့် သေဆုံးခြင်းက ကြိုတင်ဆုံးဖြတ်ပြီးသား ကိစ္စတစ်ခု ဖြစ်သွားပေလိမ့်မည်။</p> <p>​ထိုမူလဝိညာဉ်အဆင့် ကျင့်ကြံသူက ဘာလုပ်နိုင်မည်နည်း။</p> <p>​ဘာပဲဖြစ်ဖြစ် အနှစ် ၃၀၀မှာ ကိုယ်စားလှယ်လောင်း ဆယ်ယောက်ပဲ ရှိပြီး ကိုယ်စားလှယ်လောင်း တစ်ယောက်သေဆုံးသွားတာကို သူ မြင်လိုက်ရရင်တောင် ဒုတိယမြောက် ကိုယ်စားလှယ်လောင်းကို ထပ်ပြီး အသေခံခိုင်းမှာ မဟုတ်လောက်ပေ။</p> <p>​ထို့ကြောင့် ကိုယ်စားလှယ်လောင်းများအကြား အသက်ရှင်ခြင်းနှင့် သေဆုံးခြင်း ပဋိပက္ခတစ်ခု ရှိနေလျှင်တောင်မှ အချိန်မီ မတားဆီးနိုင်ခဲ့ဘူးဆိုသည့် အကြောင်းပြချက်အောက်တွင်...</p> <p>​ကြီးမြတ်သော မူလဝိညာဉ်အဆင့် ကျင့်ကြံသူတစ်ဦးက လက်ပိုက်ကြည့်နေမည်လား။ မဟုတ်ပေ။ ၎င်းက ဖြစ်နိုင်ချေတစ်ခု မဟုတ်ဘဲ သေချာပေါက် ဖြစ်လာမည့် အရာပင်။</p> <p>​သာမန် အသိတရားအရဆိုလျှင် မသေမျိုးစံအိမ်မှ ကြီးမြတ်သော မူလဝိညာဉ်အဆင့်ကျင့်ကြံသူသည်  မသေမျိုးတက်လှမ်းခြင်းလမ်းကြောင်းပေါ်တွင် မည်သူ့ကိုမျှ မသေဆုံးစေချင်သည်မှာ သေချာလှသည်။</p> <p>​ဘာပဲဖြစ်ဖြစ် ကျင့်ကြံခြင်းလောကတွင် ဤမျှ အရည်အချင်းရှိသော ပါရမီရှင်တစ်ဦးကို ရှာဖွေတွေ့ရှိရန် လွယ်ကူသောကိစ္စ မဟုတ်ချေ။ သို့မဟုတ်ပါက သူသည် အနှစ် ၃၀၀လျှင် တစ်ကြိမ် ကိုယ်စားလှယ်လောင်းများကို ဖိတ်ကြားနေမည် မဟုတ်ပေ။</p> <p>​အလွန်တိုတောင်းသော အချိန်တိုလေးအတွင်း ဤပါရမီရှင်၏ စိတ်ထဲတွင် မရေမတွက်နိုင်သော အတွေးများ ဖြတ်ပြေးသွားခဲ့သည်။</p> <p>​သူသည် သူ၏ ဝိညာဉ်လက်နက်ကို နောက်တစ်ကြိမ် ထုတ်ယူလိုက်ပြန်သည်။ ၎င်းမှာ သေးငယ်သော ပျံသန်းနိုင်သည့် ဓားတစ်လက်ဖြစ်၏။</p> <p>​ဤအလွန်သေးငယ်သော ပျံသန်းနိုင်သည့် ဓားသည် လက်တစ်ချောင်းစာခန့်သာ ရှည်လျားလေသည်။ ၎င်းသည် သူ၏ လက်ဖဝါးထဲတွင် လည်ပတ်နေ၏။</p> <p>​ရုတ်တရက် ဤကောင်းကင်ဘုံ၏ အချစ်တော်၏ မျက်နှာအမူအရာက ပြောင်းလဲသွားလေသည်။ သူ၏ မျက်နှာပေါ်ရှိ သတ်ဖြတ်လိုသော ရည်ရွယ်ချက်များသည် ဤအချိန်တွင် လုံးဝ ပျောက်ကွယ်သွားပြီး သူ၏ လက်ထဲရှိ ဝိညာဉ်လက်နက်ကို ချက်ချင်း သိမ်းဆည်းလိုက်သည်။</p> <p>​အပေါ်ယံကြည့်ရုံဖြင့် ဘာမှမဖြစ်ခဲ့သည့်အလား ပုံပေါက်နေခဲ့သည်။</p> <p>​နောက်တစ်ခဏတွင် အံ့အားသင့်နေသော အသံတစ်သံ ထွက်ပေါ်လာလေသည်။ "နင်က တကယ်ကြီး လူတစ်ယောက်နဲ့ တွေ့ခဲ့တာလား။"</p> <p>​၎င်းမှာ ချင်းကျောက်၏ အသံပင်ဖြစ်သည်။</p> <p>​ချင်းကျောက်သည် ချန်ချန်ရွှယ်၏ ကျောပြင်ကို မြင်လိုက်ရပြီး ချန်ချန်ရွှယ် အသိအမြင် ပွင့်လင်းနေဆဲဖြစ်သည်ကို တွေ့လိုက်ရသည်။ သို့သော် ချင်းကျောက် အနည်းငယ်မျှ အံ့အားသင့်ခြင်း မရှိခဲ့ချေ။</p> <p>​အဘယ်ကြောင့်ဆိုသော် သူတို့သည် မသေမျိုးတက်လှမ်းခြင်းလမ်းကြောင်းပေါ်တွင် နှစ်အနည်းငယ်ကြာ နေထိုင်ခဲ့ကြပြီး သူတို့နှစ်ဦးစလုံး အမြဲလိုလို အသိအမြင် ပွင့်လင်းသည့် အခြေအနေသို့ ရောက်ရှိနေခဲ့သောကြောင့်ပင်။ သူတို့သည် ၎င်းနှင့်ပတ်သက်၍ ထုံထိုင်းနေကြပြီဖြစ်သည်။</p> <p>​ချင်းကျောက်ကို အံ့အားသင့်သွားစေခဲ့သည်မှာ ချန်ချန်ရွှယ်၏ ရှေ့မှ လူပင်ဖြစ်သည်။ ၎င်းသည် လူငယ်တစ်ဦးနှင့်တူသော သူတစ်ယောက် ဖြစ်၏။ ချင်းကျောက်သည်လည်း ချန်ချန်ရွှယ်ကဲ့သို့ပင် တစ်ဖက်လူ၏ ကျင့်ကြံခြင်းအဆင့်ကို တစ်ချက်ကြည့်ရုံဖြင့် သိနိုင်ပေသည်။</p> <p>​သူမ မျက်ခုံးပင့်လိုက်သည်။ "ရွှေအမြုတေအဆင့် နှစ်လွှာ။ ဒီကောင်ကလည်း မသေမျိုးစံအိမ်က ဖိတ်ကြားထားတဲ့ ကိုယ်စားလှယ်လောင်း တစ်ယောက်များ ဖြစ်နေမလား။"</p> <p>​"ကျစ်..."</p> <p>​ချင်းကျောက်၏ မျက်နှာပေါ်ရှိ စိတ်ဝင်စားနေသော အမူအရာများ ပျောက်ကွယ်သွားပြီး သူမက စိတ်ပျက်လက်ပျက်ဖြင့် ခေါင်းခါလိုက်လေသည်။ "ကျန်တဲ့ ကောင်းကင်ဘုံရဲ့ အချစ်တော် ရှစ်ယောက်က အားလုံး စွမ်းအားကြီးတဲ့သူတွေလို့ ငါထင်ထားခဲ့တာ၊ ဒါပေမဲ့ အဆုံးကျတော့ ဒီလောက်ပဲလား။ သူတို့ရဲ့ ပါရမီက သိပ်ပြီး ကြီးမားပုံမရပါလား။"</p> <p>​သူမသည် ဤစကားများကို ပွင့်ပွင့်လင်းလင်း ပြောဆိုခဲ့ခြင်းဖြစ်ပြီး သူမ တွေးနေသည့်အရာများကို ဖုံးကွယ်ထားခဲ့ခြင်း မရှိချေ။</p> <p>​ထိုကောင်းကင်ဘုံ၏ အချစ်တော်သည် ချင်းကျောက်၏ စကားများကို သဘာဝကျကျပင် ကြားလိုက်ရလေသည်။ ဤအချိန်တွင် တစ်ဖက်လူ၏ မျက်နှာအမူအရာမှာ အလွန်စိတ်ဝင်စားဖွယ်ကောင်းသည်ဟု ဆိုနိုင်ပေသည်။ သူ၏ မျက်နှာမှာ စိမ်းလိုက်နီလိုက် ဖြစ်သွားခဲ့၏။</p> <p>​ဤကောင်းကင်ဘုံ၏ အချစ်တော်သည် နှစ်ပေါင်းမည်မျှကြာအောင် သို့မဟုတ် သူ၏ ဘဝတစ်လျှောက်လုံးတွင် သူ၏ ပါရမီမကောင်းဘူးဟု မည်သူကမျှ ပြောသည်ကို မကြားခဲ့ရဖူးသည်မှာ ရှင်းလင်းလှသည်... သို့သော် ယခုအခါတွင် သူ၏ ပါရမီက မကောင်းဘူးဟု တစ်စုံတစ်ယောက်က ပြောလိုက်သည်ကို သူ ပထမဆုံးအကြိမ် ကြားလိုက်ရခြင်းပင်။</p> <p>​အရေးအကြီးဆုံးမှာ ထိုသူက သူ၏ရှေ့မှာတင် ပွင့်ပွင့်လင်းလင်း ပြောဆိုခဲ့ခြင်း ဖြစ်သည်။</p> <p>​သို့သော် ချင်းကျောက်၏ ကျင့်ကြံမှုမှာ သာမန်မဟုတ်ချေ။ သူသည် အလျင်စလို မလှုပ်ရှားရဲသလို ဘာတစ်ခွန်းမှပင် မပြောရဲခဲ့ပေ... သူမ၏ ကျင့်ကြံမှုကို သူ ထိုးထွင်းမမြင်နိုင်ခဲ့ချေ။</p> <p>​ဤကောင်းကင်ဘုံ၏ အချစ်တော်မှာ ထုံထိုင်းသွားလုနီးပါး ဖြစ်နေ၏။ မသေမျိုးတက်လှမ်းခြင်း လမ်းကြောင်းပေါ်တွင် တစ်ရက်တည်း၌ လူနှစ်ယောက်နှင့် ဆုံတွေ့ခဲ့ရခြင်းက သူ၏ မျှော်လင့်ချက်များထက် များစွာ ကျော်လွန်နေပြီဖြစ်သည်။</p> <p>​ထို့အပြင် ဤလူနှစ်ဦးစလုံးက သူ့ထက် အနည်းငယ် ပို၍ စွမ်းအားကြီးမားပုံရနေသည်။ ထိုအရာက သူ အမှန်တကယ်ပင် လုံလောက်အောင် မစွမ်းဆောင်နိုင်တာလားဟု သူ့ကိုယ်သူ တွေးတောမိသွားစေခဲ့၏။</p> <p>​ထိုသို့မဟုတ်ပါက... မသေမျိုးတက်လှမ်းခြင်း လမ်းကြောင်းပေါ်တွင် သူ တွေ့ဆုံခဲ့ရသူတိုင်းက ဘာကြောင့် သူ့ထက် ပို၍ စွမ်းအားကြီးမားနေရသနည်း။</p> <p>​'ဖြစ်နိုင်တာက... သူက ကိုယ်စားလှယ်လောင်း ဆယ်ယောက်ထဲမှာ အားအနည်းဆုံးသူများ ဖြစ်နေမလား။'</p> <p>​ဤအချိန်တွင် နောက်ထပ် ပေါ်လာသော အမျိုးသမီး ကျင့်ကြံသူသည် သူ့ထံမှ အာရုံစိုက်မှုကို ဖယ်ရှားလိုက်ပြီဖြစ်ပြီး အသိအမြင်ပွင့်လင်းနေသူထံသို့သာ အာရုံစိုက်သွားပြီဖြစ်ကြောင်း ထိုကောင်းကင်ဘုံ၏ အချစ်တော်က သတိပြုမိလိုက်သည်။</p> <p>​အမှန်တကယ်ပင် ချင်းကျောက်သည် သူ့ကို စိတ်မဝင်စားတော့ချေ။ သူသည် အားနည်းသူတစ်ဦးဖြစ်ရာ ချင်းကျောက်က သူ့ကို အာရုံစိုက်ရန် အချိန်မဖြုန်းချင်တော့ပေ။</p> <p>​သူမသည် သူမ၏ မေးစေ့ကို ပွတ်သပ်ကာ မျက်လုံးများမှိတ်ထားပြီး ထူးဆန်းသော အခြေအနေတစ်ခုထဲ ရောက်ရှိနေသည့် ချန်ချန်ရွှယ်ကို အကဲခတ်ကြည့်လိုက်သည်။</p> <p>​သူမ ရုတ်တရက် ပြုံးလိုက်ပြီး သူမ၏ အပြုံးတွင် အစအနောက်သန်သော အရိပ်အယောင်တစ်ခု ပါဝင်နေ၏။</p> <p>​သို့သော် ချင်းကျောက် မသိခဲ့သည်မှာ မကောင်းဆိုးဝါးဆန်ဆန် ဟာသနှောထားသော အရိပ်အယောင်များ ပါဝင်နေသည့် သူမ၏ မကောင်းကြံတော့မည့် အပြုံးကို သူမ လျစ်လျူရှုထားခဲ့သော ထိုရွေးချယ်ခံရသူက စူးရှစွာ ဖမ်းယူမိသွားခဲ့ခြင်းပင်။</p> <p>​'သူမရဲ့ မျက်လုံးတွေက ဘာဖြစ်နေတာလဲ။ အဲဒါက ဘယ်လို အမူအရာမျိုးလဲ။' ကောင်းကင်ဘုံ၏ အချစ်တော်သည် ဆွံ့အသွားပြီး ရဲတင်းသော အတွေးတစ်ခု ထပ်မံပေါ်လာခဲ့ပြန်သည်။ 'သူမကလည်း အဲဒီ အမျိုးသမီး ကျင့်ကြံသူကို တိုက်ခိုက်ချင်နေတာများလား။'</p> <p>​သူ ပိုတွေးလေလေ ပိုပြီး ဖြစ်နိုင်ချေရှိလေလေပင်။</p> <p>​အသစ်ရောက်လာသူသည် အသိအမြင် ပွင့်လင်းနေသော ထိုအမျိုးသမီး ကျင့်ကြံသူအပေါ် သတ်ဖြတ်လိုသော ရည်ရွယ်ချက် ရှိနေနိုင်ပေသည်။ အဘယ်ကြောင့်ဆိုသော် အသိအမြင် ပွင့်လင်းနေသော ထိုအမျိုးသမီး ကျင့်ကြံသူ၏ ကျင့်ကြံခြင်း ပါရမီက လူအများအပြားကို ခြိမ်းခြောက်နေခဲ့ပြီ ဖြစ်သောကြောင့်ပင်။</p> <p>​ကျင့်ကြံခြင်းလောကတွင် အချင်းချင်း လှည့်စားခြင်းနှင့် တစ်ဦးကိုတစ်ဦး အကွက်ချကြံစည်ခြင်းများက အမြဲတမ်း ရှိနေတတ်သည် မဟုတ်ပါလား။</p> <p>​လူကောင်းသူကောင်းများဟု ထင်ရသူအချို့သည် အမှန်တကယ်တွင် မိစ္ဆာများထက်ပင် ပို၍ မိစ္ဆာဆန်သော လုပ်ရပ်များကို လုပ်ဆောင်တတ်ကြသည်။ ဤကဲ့သို့သော ကိစ္စမျိုးသည် ကျင့်ကြံခြင်းလောကတွင် အလွန် အဖြစ်များလှပေသည်။</p> <p>​'နေဦး..'</p> <p>​ကောင်းကင်ဘုံ၏ အချစ်တော်မှာ သတိဝင်လာခဲ့၏။ သူသည် အလွန် ကြီးလေးသော ကိစ္စရပ်တစ်ခုကို တွေးမိသွားခဲ့သည် - အကယ်၍ အမျိုးသမီး ကျင့်ကြံသူအသစ်က ပေါ်လာပြီး ပထမ အမျိုးသမီးကျင့်ကြံသူကို သတ်ပစ်လိုက်မည်ဆိုလျှင်... ထို့အပြင် ထိုနေရာတွင် သူကသာ တစ်ဦးတည်းသော ဘေးလူသက်သေ ဖြစ်နေမည်ဆိုပါက။</p> <p>​'ထိုအမျိုးသမီး ကျင့်ကြံသူအသစ်က အသိအမြင် ပွင့်လင်းနေသော အမျိုးသမီး ကျင့်ကြံသူကို သတ်ပစ်ပြီးနောက် ကမ္ဘာကြီးကို လှည့်စားရန်အတွက် သူ့ကိုပါ နှုတ်ပိတ်သတ်ပစ်ချင်နေတာများ ဖြစ်နိုင်မလား။'</p> <p>​'ရှီး..</p> <p>​ထိုကောင်းကင်ဘုံ၏ အချစ်တော် ကျွမ်းကျင်သူသည် ချက်ချင်း အသက်ပြင်းပြင်း ရှူသွင်းလိုက်လေသည်။ ဤဖြစ်နိုင်ချေက အလွန်မြင့်မားသည်ဟု သူ ခံစားလိုက်ရ၏။</p> <p>​</p> <p> </p> <p style="text-align: center;">***</p>


Save