Book List

<h2 style="text-align: center;">Chapter 8</h2> <h2 style="text-align: center;">ကြယ်တာရာ နန်းတော်သို့ တစ်ဖန် ပြန်လည်ဝင်ရောက်ခြင်း</h2> <h2 style="text-align: center;">*</h2> <p> </p> <p> </p> <p> </p> <p>ပိတ်ဆို့တန့်ရပ်နေခဲ့တဲ့ ဂျူဟွာရဲ့ နှလုံးသားအင်အားဟာ ဉာဏ်အလင်းပွင့်တဲ့ အခြေအနေမျိုးနဲ့ ဆင်တူတဲ့ အနေအထားတစ်ခုကို ရောက်ရှိသွားတာကြောင့် နှလုံးသားအင်အား တတိယမြောက် အလွှာကို အောင်မြင်စွာ ဆုပ်ကိုင်နိုင်ခဲ့ပါတယ်။</p> <p>(စာကြွင်း။ နှလုံးသားအင်အားကို အလွှာအဖြစ် စာရေးသူ ပြောင်းလဲအသုံးပြုထားပါတယ်။)</p> <p>ဂျူဟွာ တစ်ယောက် လျိုဖုန်းတောင်ဆီကို ရောက်သွားတဲ့ အချိန်ကျမှသာ သူဟာ အဲဒီဈာန်ဝင်စားမှု အခြေအနေကနေ ပြန်လည် နိုးထလာခဲ့တာပါ။</p> <p> </p> <p>ဒီအချိန်ကျမှပဲ သူ့ရဲ့ နှလုံးသားအင်အားဟာ တတိယမြောက် အလွှာကို ရောက်ရှိနေပြီဆိုတာကို ဂျူဟွာ သတိထားမိလိုက်ပါတယ်။</p> <p> </p> <p>"ဒီပုံစံအရဆိုရင် မိစ္ဆာအာရုံ ထင်ယောင်ထင်မှား နယ်မြေကို သွားစရာတောင် မလိုတော့ဘူးထင်တယ်"</p> <p>ဂျူဟွာဟာ သူ့ဟာသူ ပြုံးလိုက်ပါတယ်။ သူ့ရဲ့ စိတ်ခံစားချက်ကလည်း အများကြီး ပိုကောင်းလာခဲ့ပါပြီ။</p> <p> </p> <p>သူ့ရဲ့ နှလုံးသားအင်အားက တတိယမြောက် အလွှာကို ရောက်သွားပြီဆိုတော့ ပထမအချက်အနေနဲ့ သူဟာ မိစ္ဆာအာရုံ ထင်ယောင်ထင်မှား နယ်မြေဆီကို သွားဖို့ နည်းလမ်းရှာနေစရာ မလိုတော့ပါဘူး။</p> <p> </p> <p>ဂျူဟွာ ရှင်းလင်းစွာ သိထားတာက သူ့ရဲ့ လက်ရှိ တာအိုနှလုံးသားနဲ့ဆိုရင် မိစ္ဆာအာရုံ ထင်ယောင်ထင်မှား နယ်မြေရဲ့ ဗဟိုချက်မဒေသ အလယ်ဗဟိုကို သွားရင်တောင်မှ အဲဒီက ပုံရိပ်ယောင်တွေက သူ့ကို နည်းနည်းလေးတောင် လွှမ်းမိုးနိုင်စွမ်း ရှိတော့မှာ မဟုတ်ဘူး ဆိုတာပါပဲ။</p> <p> </p> <p>ဒါ့အပြင် သူ့ရဲ့ တန်ခိုးစွမ်းအားကလည်း အဆမတန် တိုးတက်လာခဲ့ပါပြီ။</p> <p> </p> <p>နှလုံးသားအင်အား တတိယမြောက် အလွှာဟာ သူ့ရဲ့ သိုင်းကွက်တွေရဲ့ စွမ်းအားကို ကြီးကြီးမားမား မြင့်တက်စေရုံသာမက ဓာသိုင်းထုတ်သုံးနိုင်တဲ့ အကြိမ်အရေအတွက်ကိုလည်း ပိုများလာစေခဲ့ပါတယ်။</p> <p> </p> <p>သူ့ရဲ့ နှလုံးသားအင်အား ဒုတိယမြောက် အလွှာမှာ ရှိနေတုန်းကဆိုရင် သာမန် ကောင်းကင်အင်မော်တယ် တစ်ပါးကို ချက်ချင်း သတ်ပစ်နိုင်လောက်အောင် ကြောက်စရာကောင်းတဲ့ တိုက်ခိုက်မှုတစ်ခုကို လုပ်လိုက်တာနဲ့ သူ့ရဲ့ နှလုံးသားအင်အား သုံးပုံတစ်ပုံလောက် ကုန်ဆုံးသွားမှာ ဖြစ်ပြီး အများဆုံး သုံးကြိမ်လောက်ပဲ သုံးနိုင်မှာပါ။</p> <p> </p> <p>အခုတော့ သူဟာ အဲဒီထက် ပိုအစွမ်းထက်တဲ့ တိုက်ခိုက်မှုတွေကိုတောင် ဆယ်ကြိမ်မက အသုံးပြုနိုင်လောက်ပါပြီ။</p> <p> </p> <p>"နှမြောစရာကောင်းတာက ငါ့အစွမ်းက မလုံလောက်သေးဘူး၊ ငါ ဒီထက်ပိုပြီး အစွမ်းထက်လာဖို့ လိုသေးတယ်"</p> <p>အဲဒီလို တွေးရင်းနဲ့ပဲ ဂျူဟွာဟာ ကျွမ်းရွှေ ကလန်ရဲ့ တပ်မဟာ စခန်းဆီကို ပျံသန်းသွားပါတော့တယ်။</p> <p> </p> <p>ဂျူဟွာဟာ အရင်ဆုံး အင်မော်တယ် ချင်းမူလင်းဆီကို သွားတွေ့ပြီး တပ်မဟာရဲ့ လတ်တလော အခြေအနေတွေကို နားလည်အောင် လုပ်ပြီးတဲ့နောက်မှာတော့ နှုတ်ဆက်ပြီး ထွက်ခွာလာခဲ့ပါတယ်။</p> <p> </p> <p>ကျင့်ကြံသူ တစ်ယောက်အတွက်က ဆယ်နှစ်ဆိုတာ အရမ်းကို တိုတောင်းလွန်းတဲ့ အချိန်တစ်ခုပါ။ ဒါ့အပြင် တပ်မဟာကလည်း လျိုဖုန်းတောင်ရဲ့ တောင်ခြေမှာ ကြီးကြီးမားမား လှုပ်ရှားမှု ဘာမှမရှိဘဲ စောင့်ကြည့်ရုံပဲ ရှိခဲ့တာ ဆိုတော့ တပ်ထဲမှာ ထူးထူးခြားခြား ပြဿနာကြီးတွေ ဘာမှ မရှိခဲ့ပါဘူး။</p> <p> </p> <p>ဒါက ဂျူဟွာ မျှော်လင့်ထားတဲ့ အတိုင်းပါပဲ။ အဲဒီလိုမှ မဟုတ်ရင်လည်း အဲဒီတုန်းက သူ မိစ္ဆာအာရုံ ထင်ယောင်ထင်မှား နယ်မြေဆီကို အဲဒီလောက် အလွယ်တကူ သွားနိုင်ခဲ့မှာ မဟုတ်ဘူးလေ။</p> <p> </p> <p>အဲဒီနောက် ဂျူဟွာဟာ ဘိုးဘေးကြီး ထျန်ယန်နဲ့ ဆက်သွယ်လိုက်ပါတယ်။ ဘိုးဘေးကြီး ထျန်ယန်ဟာ တပ်မဟာ စခန်းနဲ့ မလှမ်းမကမ်းမှာ တံခါးပိတ် ကျင့်ကြံနေတယ်ဆိုတာ သိရပြီးနောက်မှာတော့ ဂျူဟွာဟာ အဲဒီကို ပျံသန်းသွားပါတော့တယ်။</p> <p> </p> <p>ဂျူဟွာ ဘိုးဘေးကြီး ထျန်ယန်ကို တွေ့လိုက်ရတဲ့ အချိန်မှာတော့ ဘိုးဘေးကြီးဟာ ဝိညာဉ်ဆေးပင် တစ်ပင်ကို ပြုစုပျိုးထောင်နေတာ တွေ့လိုက်ရပါပြီ။</p> <p> </p> <p>"ဘိုးဘေးကြီး"</p> <p>ဂျူဟွာက လက်နှစ်ဖက်ကို ယှက်ကာ အရိုအသေပေးလိုက်ပါတယ်။</p> <p> </p> <p>"မင်း ပြန်လာပြီပဲ၊ သတင်း တစ်ခုခု ကြားခဲ့ရသေးလား"</p> <p>ဘိုးဘေးကြီး ထျန်ယန်က မေးလိုက်ပါတယ်။</p> <p> </p> <p>"ထျန်ဟယ် ကလန်က ထုံးယို ကောင်းကင်အင်မော်တယ်နဲ့ တုန်းဖူ ကလန်က အံ့ဖွယ်ကိုးပါး ကောင်းကင်အင်မော်တယ်တို့က တစ်ခုခုကို လိုက်ရှာနေပုံရတယ်။ ပြီးတော့ ထုံးယို ကောင်းကင်အင်မော်တယ်က မိစ္ဆာအာရုံ ထင်ယောင်ထင်မှား နယ်မြေက မလုံခြုံတော့ဘူးလို့တောင် တပည့်ကို သတိပေးခဲ့သေးတယ်"</p> <p>ဂျူဟွာက ပြန်ဖြေပါတယ်။</p> <p>"ဒါကြောင့် တပည့်လည်း ပြန်လာခဲ့တာပါ"</p> <p> </p> <p>"ဟုတ်တယ်၊ မလုံခြုံတော့ဘူး"</p> <p>ဘိုးဘေးကြီး ထျန်ယန်က ခေါင်းညိတ်လိုက်ပြီး တိုက်ရိုက်ပဲ ဆက်ပြောလိုက်ပါတယ်။</p> <p>"ကောင်းကင်အင်မော်တယ် တစ်ပါး အဲဒီထဲမှာ သေသွားတယ်"</p> <p> </p> <p>"ဟုတ်လား"</p> <p>"ငါတို့တွေက မိစ္ဆာအာရုံ ထင်ယောင်ထင်မှား နယ်မြေထဲက ဖင်းဂေါ့တွေ ထောင်ထားတဲ့ ထောင်ချောက်တွေကို ရှောင်နိုင်ခဲ့ပေမဲ့ နောက်ဆုံးမှာ ကောင်းကင်အင်မော်တယ် တစ်ပါးကတော့ အဲဒီထဲကို ကျသွားခဲ့ရတာပဲ"</p> <p>ဘိုးဘေးကြီး ထျန်ယန်က သက်ပြင်းချလိုက်ပါတယ်။</p> <p> </p> <p>ဘိုးဘေးကြီး ထျန်ယန် သက်ပြင်းချနေတာကို ကြည့်ပြီး ဂျူဟွာဟာ တစ်ခုခုကို တွေးမိသွားပုံရကာ မေးလိုက်ပါတယ်။</p> <p> </p> <p>"ဘိုးဘေးကြီးက အဲဒီသေသွားတဲ့ ကောင်းကင်အင်မော်တယ်နဲ့ မိတ်ဆွေကောင်းတွေလားဟင်"</p> <p> </p> <p>"မိတ်ဆွေကောင်း ဟုတ်လား။ ငါတို့က တစ်ခါပဲ ဆုံဖူးတာပါ"</p> <p>ဘိုးဘေးကြီး ထျန်ယန်က ရယ်မောလိုက်ပါတယ်။</p> <p>"အဲဒီကောင်က ငါ့စိတ်နဲ့ မကိုက်ဘူး၊ သူ့ကို ငါ ဂရုတောင် မစိုက်အားပါဘူးကွာ"</p> <p> </p> <p>"..."</p> <p>ဂျူဟွာ တစ်ယောက် နှုတ်ဆိတ်သွားပါတော့တယ်။</p> <p> </p> <p>အဲဒီအဘိုးကြီး သူ့ကို သတ်ချင်ခဲ့ရတဲ့ အကြောင်းရင်းက သူ့ရဲ့ ကျွမ်းရွှေ ကလန် နောက်ခံအကြောင်းကို ကြားဖူးပြီး သူဟာ ဘိုးဘေးကြီး ထျန်ယန် အလွန်တန်ဖိုးထားတဲ့ ဂျူနီယာ တပည့်တစ်ယောက် ဖြစ်မယ်လို့ ကောက်ချက်ချလိုက်လို့လေ။</p> <p> </p> <p>ဒါပေမဲ့ အခု ဘိုးဘေးကြီး ထျန်ယန်ကကျတော့ အဲဒီသေသွားတဲ့ ကောင်းကင်အင်မော်တယ်နဲ့ ရင်းနှီးကျွမ်းဝင်မှု မရှိဘူးလို့ ပြောနေခဲ့ပါတယ်။</p> <p> </p> <p>အဲဒီလိုသာဆိုရင် ဘိုးဘေးကြီး ထျန်ယန် ကိုယ်တိုင်တောင် တစ်ဖက်လူကို ဘယ်တုန်းက သွားစော်ကားမိလို့ တစ်ဖက်လူက အခုလို အငြိုးထားသွားမှန်းတောင် သိမှာ မဟုတ်လောက်ပါဘူး။</p> <p> </p> <p>ဒါက တကယ့်ကို မတန်တဲ့ ကပ်ဘေးတစ်ခုပါပဲ။</p> <p> </p> <p>"မိစ္ဆာအာရုံ ထင်ယောင်ထင်မှား နယ်မြေထဲမှာ ဆယ်နှစ်ကျော် နေခဲ့ရတာ ဘာတွေများ အကျိုးအမြတ် ရခဲ့လဲ"</p> <p>ဘိုးဘေးကြီး ထျန်ယန်က မေးလိုက်ပါတယ်။</p> <p> </p> <p>"အများကြီး အကျိုးရှိခဲ့ပါတယ်"</p> <p>ဂျူဟွာက မဆိုင်းမတွ ပြန်ဖြေလိုက်ပါတယ်။</p> <p> </p> <p>"အစကတော့ ဆယ်နှစ်၊ အနှစ်နှစ်ဆယ်ဆိုတာ အရမ်းကို တိုတောင်းလွန်းတယ်လို့ ငါထင်ခဲ့တာ။ ဒါပေမဲ့ မင်းက အများကြီး အကျိုးရှိခဲ့တယ်လို့ ပြောတော့လည်း ငါ စိတ်အေးသွားပါပြီ"</p> <p>ဘိုးဘေးကြီး ထျန်ယန်က ပြုံးလိုက်ပြီး လက်ကာပြကာ ပြောလိုက်ပါတယ်။</p> <p>"သွားချေတော့"</p> <p> </p> <p>"..."</p> <p>ဂျူဟွာ ဘာမှ ထပ်မပြောတော့ပါဘူး။ အရိုအသေပေး နှုတ်ဆက်ပြီးတဲ့နောက် သူဟာ လှည့်ထွက်လာခဲ့ပါတော့တယ်။</p> <p> </p> <p>ဘိုးဘေးကြီး ထျန်ယန်ဆီက ပြန်လာပြီးတဲ့နောက် ဂျူဟွာဟာ သူ့တဲဆီကို ပြန်သွားခဲ့ပြီး ဝင်္ကပါတစ်ခု ချထားလိုက်ကာ သူ့ရဲ့ လက်ရှိ အခြေအနေကို စဉ်းစား သုံးသပ်ကြည့်ပါတော့တယ်။</p> <p> </p> <p>သေချာတာကတော့ သူဟာ လုံးဝ စိတ်ချရတဲ့ အခြေအနေမှာ မရှိသေးပါဘူး။ သူလုပ်ခဲ့တဲ့ ကိစ္စ ဘယ်အချိန် ပေါ်သွားမလဲ ဆိုတာကို သူ အာမမခံနိုင်သလို၊ ပေါ်သွားတဲ့ အချိန်ကျရင်တော့ သူ ထွက်ပြေးရမှာပါပဲ။</p> <p> </p> <p>တကယ်လို့ သူ မပြေးဘူးဆိုရင် ရှအင်ပါရီယာပြည့်ရှင်က သူ့ကို သတ်ချင်မှ သတ်မှာ ဆိုပေမဲ့ ဂျူဟွာကတော့ သူ့ကံကြမ္မာကို သူများလက်ထဲ ထည့်မထားချင်ပါဘူး၊ အဲဒါက လူမိုက်တွေ လုပ်တဲ့ အလုပ်ပါ။</p> <p> </p> <p>"တကယ်လို့ ငါ ပြေးရမယ်ဆိုရင်လည်း ငါ့အစွမ်းက ပိုအစွမ်းထက်လေ ပိုကောင်းလေပဲ။ အခု ငါ ဒါပိ ဓားသိုင်းရဲ့ အဋ္ဌမမြောက် သိုင်းကွက်ကို နားလည်သဘောပေါက်ခါစပဲ ရှိသေးတာဆိုတော့ အချိန်တိုအတွင်းမှာ ထူးထူးခြားခြား တိုးတက်မှု ထပ်ရဖို့ဆိုတာ အရမ်းကို ခက်ခဲလိမ့်မယ်။ ဒီအချိန်မှာ ငါလုပ်နိုင်တာက စကြဝဠာ မဟာတာအိုကနေပဲ စတင်ရမှာပဲ"</p> <p>ဒီအတွေးက ဂျူဟွာရဲ့ စိတ်ထဲမှာ တစ်ချက်ဖြတ်သွားပါတယ်။</p> <p> </p> <p>စကြဝဠာ မဟာတာအို တစ်ခုတည်းကိုပဲ သီးသန့် နားလည်သဘောပေါက်နေတာက ဂျူဟွာရဲ့ လက်ရှိ စွမ်းအားကို ကြီးကြီးမားမား တိုးတက်စေမှာ မဟုတ်ပါဘူး။ ဒါပေမဲ့ ဓားတာအိုနဲ့ စကြဝဠာ မဟာတာအိုကို ဒီထက်ပိုပြီး နက်နက်ရှိုင်းရှိုင်း ပေါင်းစည်းနိုင်မယ်ဆိုရင်တော့ သူ့ရဲ့ စွမ်းအားဟာ အရှိန်အဟုန်နဲ့ တိုးတက်လာနိုင်ပါသေးတယ်။</p> <p> </p> <p> </p> <p>သူ ပထမဆုံးအကြိမ် တာအိုနှစ်ခုကို ပေါင်းစည်းခဲ့တုန်းက ပေါင်းစည်းမှုက အများကြီး မဟုတ်ခဲ့ပါဘူး။ ဒါတောင်မှ သူ ထုတ်သုံးလိုက်တဲ့ ဒါပိ ဓားသိုင်းရဲ့ ပဉ္စမမြောက် သိုင်းကွက်ဟာ ဆဋ္ဌမမြောက် သိုင်းကွက်နဲ့ ညီမျှတဲ့ စွမ်းအားရှိခဲ့တာပါ။</p> <p> </p> <p>ဒါပေမဲ့ သူ့ရဲ့ ဓားသိုင်းက ပိုအစွမ်းထက်လာတာနဲ့အမျှ ဓားတာအိုနဲ့ စကြဝဠာ မဟာတာအို ပေါင်းစည်းမှုကနေ ရလာတဲ့ စွမ်းအားတိုးပွားမှုကလည်း တဖြည်းဖြည်း လျော့ကျလာခဲ့ပါတယ်။</p> <p> </p> <p>အခုအချိန်မှာဆိုရင် စကြဝဠာ မဟာတာအိုကို ထည့်ပေါင်းလိုက်ရင်တောင်မှ သူ့ရဲ့ ဒါပိ ဓားသိုင်း အဋ္ဌမမြောက် သိုင်းကွက်ကနေ ထွက်ပေါ်လာတဲ့ စွမ်းအားဟာ နဝမမြောက် သိုင်းကွက်ရဲ့ အဆင့်ကို ရောက်ဖို့ အများကြီး လိုနေပါသေးတယ်။</p> <p> </p> <p>(ဒါက တာအိုနှစ်ခု ပေါင်းစည်းထားတဲ့ ဉာဏ်အလင်း အပိုင်းအစတွေက အရမ်းကို သေးငယ်လွန်းနေလို့ ဖြစ်ရပါမယ်။)</p> <p> </p> <p>(တကယ်လို့ ငါသာ တာအိုနှစ်ခုကို ဒီထက်ပိုပြီး ကျယ်ကျယ်ပြန့်ပြန့် ပေါင်းစည်းနိုင်မယ်ဆိုရင် ဒါပိ ဓားသိုင်းရဲ့ အဋ္ဌမမြောက် သိုင်းကွက်နဲ့တင် နဝမမြောက် သိုင်းကွက်ရဲ့ စွမ်းအားကို ရရှိဖို့ဆိုတာ မဖြစ်နိုင်တဲ့ ကိစ္စတော့ မဟုတ်ပါဘူး။)</p> <p> </p> <p>"ကြယ်တာရာ နန်းတော်ကို ထပ်သွားဖို့ အချိန်တန်ပြီ"</p> <p>ဂျူဟွာဟာ သူ့စိတ်ထဲမှာ ဆုံးဖြတ်ချက်ချလိုက်ပါတယ်။</p> <p> </p> <p>ဒီနှစ်တွေ တစ်လျှောက်လုံး သူဟာ တပ်မဟာနဲ့အတူ စစ်ချီနေခဲ့ရတာကြောင့် ကြယ်တာရာ နန်းတော်ဆီကို ထပ်ပြီး မသွားဖြစ်ခဲ့ပါဘူး။</p> <p> </p> <p>အခုတော့ သူဟာ ဓားတာအိုမှာရော စကြဝဠာ မဟာတာအိုမှာပါ အများကြီး တိုးတက်လာခဲ့ပြီဖြစ်ပြီး နက်ရှိုင်းတဲ့ ဉာဏ်အလင်း နားလည်သဘောပေါက်မှုတွေကိုလည်း စုဆောင်းထားနိုင်ခဲ့ပါပြီ။</p> <p> </p> <p>တကယ်လို့ သူသာ ကြယ်တာရာ နန်းတော်ရဲ့ အကူအညီကို ထပ်ရမယ်ဆိုရင် တာအိုနှစ်ခုကို ပိုပြီး ပြည့်စုံအောင် ပေါင်းစည်းနိုင်ဖို့ မျှော်လင့်ချက် ရှိလာမှာပါ။</p> <p> </p> <p>ဆုံးဖြတ်ချက်ချပြီးတာနဲ့ ဂျူဟွာဟာ တာအိုဖခင်ကြီး အသက်သုံးချောင်း ချန်ထားခဲ့တဲ့ အင်မော်တယ်ဂူနန်းထဲကို ဝင်ရောက်သွားပါတော့တယ်။</p> <p> </p> <p>အဝါရောင်ဆံပင်နဲ့ ဝက်ဝံကြီးကို နှုတ်ဆက်ပြီးတဲ့နောက် သူဟာ ကြယ်တာရာ နန်းတော်ထဲကို ဝင်သွားခဲ့ပါပြီ။</p> <p> </p> <p>အဝါရောင်ဆံပင်နဲ့ ဝက်ဝံကြီးက အဝေးကနေ ကြည့်နေခဲ့ပါတယ်။</p> <p> </p> <p>ရုတ်တရက် အဝါရောင်ဆံပင်နဲ့ ဝက်ဝံကြီးရဲ့ ဘေးမှာ ဆံပင်နီနီနဲ့ ပုံရိပ်တစ်ခု ပေါ်လာပါပြီ။</p> <p> </p> <p>"မင်း ရောက်လာပြီလား"</p> <p>အဝါရောင်ဆံပင်နဲ့ ဝက်ဝံကြီးက မေးလိုက်ပါတယ်။</p> <p> </p> <p>"ဒါ လက်ရှိ နန်းတော်ရှင်လား။ အစစ်အမှန် နတ်ဘုရား ဒါမှမဟုတ် တာအိုဖခင် တစ်ပါး ဝင်စားတယ်လို့ သံသယရှိရတဲ့ တစ်ယောက်လား"</p> <p> </p> <p>ဆံပင်နီနီနဲ့ ပုံရိပ်ကလည်း ကြယ်တာရာ နန်းတော်ထဲမှာ နားလည်သဘောပေါက်အောင် ကြိုးစားနေတဲ့ ဂျူဟွာကို လှမ်းကြည့်လိုက်ပါတယ်။</p> <p> </p> <p>"လွန်ခဲ့တဲ့ အနှစ်သုံးဆယ်တုန်းက သူက ထိပ်တန်း လွတ်မြောက်အင်မော်တယ် တစ်ပါးအဆင့်ပဲ ရှိသေးတယ်။ အနှစ်သုံးဆယ် ကြာပြီးတဲ့နောက်မှာတော့ သူက ကောင်းကင်အင်မော်တယ် တစ်ပါးကို သတ်ပစ်နိုင်သွားပြီ"</p> <p>အဝါရောင်ဆံပင်နဲ့ ဝက်ဝံကြီးက ပြောလိုက်ပါတယ်။</p> <p> </p> <p>"သာမန် အဆင့် ကောင်းကင်အင်မော်တယ် တစ်ပါးလား"</p> <p>ဆံပင်နီနီနဲ့ ပုံရိပ်က မေးလိုက်ပါတယ်။</p> <p> </p> <p>"မဟုတ်ဘူး။ အဲဒီ ကောင်းကင်အင်မော်တယ်ရဲ့ စွမ်းအားက အလယ်အလတ်ပဲ ရှိပေမဲ့ သာမန် ကောင်းကင်အင်မော်တယ်ထက်တော့ အများကြီး ပိုအစွမ်းထက်တယ်"</p> <p>အဝါရောင်ဆံပင်နဲ့ ဝက်ဝံကြီးက ဖြေပါတယ်။</p> <p> </p> <p>"..."</p> <p>ခဏလောက် တိတ်ဆိတ်သွားပြီးနောက် ဆံပင်နီနီနဲ့ ပုံရိပ်က ဖြည်းဖြည်းချင်း ပြောလိုက်ပါတယ်။</p> <p>"ပါရမီ ကောင်းတယ်ဆိုတိုင်း အစစ်အမှန် နတ်ဘုရားတို့ တာအိုဖခင် ဝင်စားတာလို့တော့ ပြောလို့မရသေးပါဘူး"</p> <p> </p> <p>"ဒါပေမဲ့ သူ့ရဲ့ အရင်တုန်းက ပါရမီက သာမန်လောက်ပဲလို့ ပြောလို့ရတယ်"</p> <p>အဝါရောင်ဆံပင်နဲ့ ဝက်ဝံကြီးက ဆက်ပြောပါတယ်။</p> <p> </p> <p>"တချို့လူတွေက အခြေအနေ တစ်ခုခုအောက်မှာ ကြီးမားတဲ့ အသွင်ကူးပြောင်းမှုတွေ ဖြစ်သွားပြီး အဲဒီအချိန်ကစလို့ အရှိန်အဟုန်နဲ့ တိုးတက်သွားတတ်တယ်ဆိုတာကို ငါသိပါတယ်။ ဒါပေမဲ့ ဂျူဟွာရဲ့ အခြေအနေက အဲဒီလို အသွင်ကူးပြောင်းမှုမျိုး မဖြစ်နိုင်ဘူး။ သူ တိုးတက်လာတာ အရမ်းကို မြန်လွန်းနေတယ်"</p> <p> </p> <p>"ဖြစ်နိုင်တာက သူ တစ်ခုခု ထူးထူးခြားခြား ကံကောင်းမှုမျိုး ကြုံခဲ့ရတာများလား"</p> <p>ဆံပင်နီနီနဲ့ ပုံရိပ်က ဆက်ပြောပါတယ်။</p> <p> </p> <p>"ငါတို့ စောင့်ကြည့်ကြသေးတာပေါ့"</p> <p> </p> <p>"အင်း"</p> <p> </p> <p> </p> <p style="text-align: center;">***</p>


Save