Book List

<h2 style="text-align: center;">Chapter 10</h2> <h2 style="text-align: center;">သွေးနှင်း၏ ပွင့်လင်းမှု</h2> <h2 style="text-align: center;">*</h2> <p> </p> <p> </p> <p> </p> <p>ဝက်ဝံဝါကြီးဟာ ဂျူဟွာကို တပိုင်းတစစီ ပြတ်တောက်နေတဲ့ ခြေလက်အင်္ဂါတွေရှိတဲ့ ရုပ်ထုကြီးတွေ၊ ပြိုကျပျက်စီးနေတဲ့ နံရံတွေ ပြည့်နှက်နေတဲ့ စစ်မြေပြင်တစ်ခုဆီကို နေရာရွှေ့ပြောင်းပေးလိုက်ပါတယ်။ မကြာခင်မှာပဲ ဂျူဟွာရဲ့ရှေ့မှာ ပုံရိပ်တစ်ခု ပေါ်လာပါတော့တယ်။</p> <p> </p> <p>ဒါက ရွှေရောင် သံချပ်ကာဝတ်စုံကို ဝတ်ဆင်ထားပြီး လက်ထဲမှာ လှံရှည်တစ်လက်ကို ကိုင်ဆောင်ထားတဲ့ အင်ပါရီယာ နတ်ဘုရား တစ်ပါးပါ။ အထင်ရှားဆုံးကတော့ သူ့ရဲ့ ဆံပင်နီနီတွေနဲ့ သူ့ဆီကနေ ဖြာထွက်နေတဲ့ အေးစက်ပြီး အဆုံးမရှိတဲ့ သတ်ဖြတ်လိုတဲ့ အငွေ့အသက်တွေပါပဲ။</p> <p> </p> <p>"ကျွမ်းရွှေ ဂျူဟွာ ဆိုတာလား"</p> <p>အင်ပါရီယာ နတ်ဘုရားက မေးလိုက်ပါတယ်။</p> <p> </p> <p>"ရောင်းရင်းက... အင်ပါရီယာ နတ်ဘုရား တစ်ပါးလား"</p> <p>ဂျူဟွာက အပေါ်ယံအနေနဲ့သာ မေးလိုက်ပေမဲ့ တကယ်တမ်း သူ့စိတ်ထဲမှာတော့ ရောက်လာတဲ့သူက ဘယ်သူလဲဆိုတာကို ခန့်မှန်းမိနေပါပြီ။</p> <p> </p> <p>"ဓားတန်ခိုးရှင်၏ ဒဏ္ဍာရီ" ဝတ္ထုထဲမှာ တိတိကျကျ ဖော်ပြထားတာက တာအိုဖခင်ကြီး အသက်သုံးချောင်း ချန်ထားခဲ့တဲ့ အင်မော်တယ်ဂူနန်းထဲမှာ တကယ့်ကို အဓိက ကမ္ဘာကြီး တစ်ခု ရှိနေပြီး အဲဒါကို ကြယ်တာရာဖမ်း ကမ္ဘာကြီး လို့ ခေါ်တယ်လေ။</p> <p> </p> <p>ပြီးတော့ ကြယ်တာရာဖမ်း ကမ္ဘာကြီးထဲမှာ အင်ပါရီယာ နတ်ဘုရား ခုနစ်ပါး ရှိနေပါတယ်။</p> <p> </p> <p>ဒီ အင်ပါရီယာ နတ်ဘုရား ခုနစ်ပါးထဲမှာ အစွမ်းအထက်ဆုံးကတော့ ရှေးခေတ်ဟောင်း စစ်နတ်ဘုရား ဖြစ်တဲ့ အင်ပါရီယာ နတ်ဘုရား သွေးနှင်း ပါပဲ။</p> <p> </p> <p>အခု သူ့ရှေ့မှာ ရောက်နေတဲ့ အင်ပါရီယာ နတ်ဘုရားဟာ သူ့ရဲ့ ကြောက်မက်ဖွယ်ကောင်းတဲ့ အရှိန်အဝါရော၊ အသွင်အပြင်ပါ "ဓားတန်ခိုးရှင်၏ ဒဏ္ဍာရီ" ထဲမှာ ဖော်ပြထားတဲ့ အင်ပါရီယာ နတ်ဘုရား သွေးနှင်း နဲ့ အရမ်းကို ဆင်တူနေပါတယ်။ ဂျူဟွာဟာ အခုဆိုရင် "ဓားတန်ခိုးရှင်၏ ဒဏ္ဍာရီ" ကို တော်တော်လေး ယုံကြည်နေပြီဖြစ်တာမို့ တစ်ဖက်လူရဲ့ မည်သူမည်ဝါဖြစ်ကြောင်းကို အတော်လေး သေချာသွားခဲ့ပါပြီ။</p> <p> </p> <p>"ငါ့နာမည်က သွေးနှင်း၊ ဒါက ငါ့ရဲ့ နတ်ဘုရားစွမ်းအင် ကိုယ်ပွားတွေထဲက တစ်ခုပါပဲ"</p> <p>အင်ပါရီယာ နတ်ဘုရားက ပြုံးလျက် ပြောလိုက်ပါတယ်။</p> <p> </p> <p>"ဆရာကြီး သွေးနှင်းကို ဂါရဝပြုပါတယ်"</p> <p>ဂျူဟွာက လက်နှစ်ဖက်ကို ယှက်လိုက်ပါတယ်။ ဘာပဲဖြစ်ဖြစ် ဒါက အင်ပါရီယာ နတ်ဘုရား တစ်ပါးလေ။ ဂျူဟွာ အခုအချိန်အထိ တွေ့ဖူးသမျှထဲမှာ အစွမ်းအထက်ဆုံး လူဆိုရင် ဒီ အင်ပါရီယာ နတ်ဘုရား သွေးနှင်း ပဲ ဖြစ်ရပါမယ်။</p> <p> </p> <p>"ဓားတန်ခိုးရှင်၏ ဒဏ္ဍာရီ" ထဲက ဖော်ပြချက်အရဆိုရင် တစ်ယောက်ချင်း တိုက်ခိုက်ရမယ်ဆိုရင် ရှအင်ပါရီယာပြည့်ရှင် တောင်မှ ဒီအင်ပါရီယာ နတ်ဘုရားရဲ့ ပြိုင်ဘက် ဖြစ်ချင်မှ ဖြစ်မှာပါ။</p> <p> </p> <p>"ဟားဟားဟား၊ ပွင့်ပွင့်လင်းလင်းပဲ ပြောကြတာပေါ့။ ငါ့ကို သွေးနှင်း လို့ပဲ ခေါ်ပါ။ မင်းသာ အင်ပါရီယာ နတ်ဘုရား ကပ်ဘေးကို ကျော်ဖြတ်နိုင်မယ်ဆိုရင် ငါတို့က ညီအစ်ကိုတွေ ဖြစ်သွားပြီပဲ"</p> <p>သွေးနှင်းက ရယ်မောလိုက်ပါတယ်။</p> <p> </p> <p>"ငါက မင်းအပေါ်မှာ မျှော်လင့်ချက် ကြီးကြီးမားမား ထားထားတယ်ကွ"</p> <p> </p> <p>"..."</p> <p>ဂျူဟွာက ဘာမှ မပြောပါဘူး။</p> <p> </p> <p>"လာစမ်းပါ၊ မင်းရဲ့ တကယ့်အစွမ်း ငါ့ကို ထုတ်ပြစမ်းပါ"</p> <p>သွေးနှင်းက သူ့လက်ထဲက လှံရှည်ကို ဝှေ့ယမ်းလိုက်တာနဲ့ တစ်ပြိုင်နက် သတ်ဖြတ်မှုတွေ လွှမ်းနေတဲ့ အငွေ့အသက်တွေဟာ ဂျူဟွာဆီကို လှိုင်းလုံးကြီးတွေလို ရိုက်ခတ်လာပါတော့တယ်။</p> <p> </p> <p>"ဒါဆိုရင်လည်း ကျွန်တော် နာခံလိုက်ပါ့မယ်"</p> <p>ဂျူဟွာက လက်ကို ဆန့်ထုတ်လိုက်တာနဲ့ ချိုးဟွာဓား (ဆောင်းဦးတောက်ပခြင်း) ဓားဟာ လေထဲကနေ ပေါ်လာပါတယ်။</p> <p> </p> <p>ရွှစ် ရွှစ် ရွှစ်...</p> <p>တိုက်ပွဲက ရှောင်လွှဲလို့မရတော့ဘဲ သူတို့နှစ်ဦးဟာ ချက်ချင်းပဲ ရင်ဆိုင်တိုက်ခိုက်ကြပါတော့တယ်။</p> <p> </p> <p>ဂျူဟွာရဲ့ ဓားရှည်က ခုတ်ပိုင်းလိုက်တာနဲ့ တစ်ပြိုင်နက် ဟင်းလင်းပြင်ထဲမှာ အဆုံးမရှိသလို ထင်ရတဲ့ ဓားအရိပ်တွေ တစ်ထပ်ပြီးတစ်ထပ် ပေါ်လာပါတယ်။ သွေးနှင်းကတော့ သူ့ရဲ့ လှံရှည်ကို ဝှေ့ယမ်းလိုက်တာနဲ့ တစ်ခဏအတွင်းမှာပဲ ဆီးနှင်းပွင့်တွေ ဝဲကျလာပါတော့တယ်။</p> <p> </p> <p>ဂျူဟွာဟာ သူ့ပတ်ဝန်းကျင်မှာ အချိန်စီးဆင်းမှုတွေ ကမောက်ကမ ဖြစ်သွားသလို ခံစားလိုက်ရပါပြီ။ သွေးနှင်းရဲ့ လှံချက်တွေက အလွန်ကို လိမ္မာပါးနပ်လှပါတယ်။ ဂျူဟွာရဲ့ များပြားလှတဲ့ ဓားအရိပ်တွေတောင်မှ တစ်ဖက်လူရဲ့ တံမြက်စည်းလှည်းသလို ဖယ်ရှားချေမှုန်းခံလိုက်ရပါပြီ။</p> <p> </p> <p>ဂျူဟွာဟာ သွေးနှင်းဆီကနေ ကြီးမားလှတဲ့ ဖိအားကို ခံစားနေရပြီး သူတို့နှစ်ဦး အပြန်အလှန် တိုက်ခိုက်လေလေ၊ ဒီဖိအားက ပိုပိုပြီး ကြီးမားလာလေလေပါပဲ။ သွေးနှင်းဟာ အစပိုင်းမှာ သူ့ရဲ့ အစွမ်းအပြည့်ကို မသုံးခဲ့ပေမဲ့ တဖြည်းဖြည်းနဲ့ အစွမ်းကုန် ထုတ်သုံးလာတယ်ဆိုတာကို ဂျူဟွာ သိလိုက်ပါတယ်။</p> <p> </p> <p>သွေးနှင်းရဲ့ အဆင့်ဟာ ဂျူဟွာထက် အများကြီး ပိုမြင့်မားတာ ထင်ရှားသလို၊ သူ့ရဲ့ တိုက်ပွဲ အတွေ့အကြုံကလည်း ဂျူဟွာထက် အဆပေါင်းများစွာ သာလွန်နေပါတယ်။ ဂျူဟွာနဲ့ တိုက်ခိုက်နေတဲ့ သွေးနှင်းဟာ နတ်ဘုရားစွမ်းအင် ကိုယ်ပွားတစ်ခုသာ ဖြစ်ပေမဲ့ ဂျူဟွာကလည်း ဘာပဲဖြစ်ဖြစ် မူလတာအိုသူတော်စင်အဆင့် ဖင်းဂေါ့ တစ်ပါးသာ ဖြစ်ပြီး သူ့ရဲ့ အခြေခံကလည်း သွေးနှင်းထက် ပိုအားမကောင်းပါဘူး။</p> <p> </p> <p>ဒါကြောင့် သွေးနှင်းက သူ့ရဲ့ အစွမ်းအပြည့်ကို တဖြည်းဖြည်း သုံးလာတာနဲ့အမျှ ဂျူဟွာဟာ သူ ဆက်ပြီး တောင့်မခံနိုင်တော့ဘူးလို့ ခံစားလာရပါတော့တယ်။</p> <p> </p> <p>"ဆရာကြီး... သတိထားပါ"</p> <p>ဂျူဟွာက ရုတ်တရက် သတိပေးလိုက်ပါတယ်။</p> <p> </p> <p>"သူ့မှာ ဝှက်ဖဲ ရှိနေသေးတာလား"</p> <p>သွေးနှင်း အနည်းငယ် အံ့ဩသွားပါတယ်။ အဲဒီအချိန်မှာပဲ ဂျူဟွာရဲ့ ဓားဟာ ရုတ်တရက် လင်းလက်သွားပါတော့တယ်။</p> <p> </p> <p>ဓားသိုင်းကွက်က အရင်အတိုင်းပဲ ဖြစ်ပေမဲ့ ပါဝင်လာတဲ့ စွမ်းအားကတော့ ယှဉ်လို့မရအောင်ပါပဲ။</p> <p> </p> <p>သွေးနှင်းဟာ သူ့ရဲ့ လှံရှည်ကို လှည့်လိုက်ပြီး သိုင်းကွက်ကို ပြောင်းလဲလိုက်ပါတယ်။</p> <p> </p> <p>ဝုန်း...</p> <p>ပထမ ဓားချက်ကို ကာကွယ်နိုင်ခဲ့ပါတယ်။</p> <p> </p> <p>ဝုန်း ဝုန်း ဝုန်း ဝုန်း…</p> <p> </p> <p>သွေးနှင်းရဲ့ ကာကွယ်မှုက အားနည်းချက် လုံးဝ မရှိပါဘူး။ ဂျူဟွာရဲ့ ဆက်တိုက် တိုက်ခိုက်လာတဲ့ ဓားငါးချက်စလုံးက လွဲချော်သွားခဲ့ပါတယ်။</p> <p> </p> <p>ဒါပေမဲ့ ဂျူဟွာက ဆက်ပြီး တိုက်ခိုက်ဖို့ ပြင်လိုက်တဲ့ အချိန်မှာပဲ သွေးနှင်းဟာ အလင်းတန်းတစ်ခုအဖြစ် ပြောင်းလဲသွားပြီး အဝေးကို ဆုတ်ခွာသွားပါတော့တယ်။</p> <p> </p> <p>"မတိုက်တော့ဘူး၊ မတိုက်တော့ဘူး၊ မင်း နိုင်ပြီ"</p> <p>သွေးနှင်းက ပြောလိုက်ပါတယ်။</p> <p> </p> <p>"ကျွန်တော့်ရဲ့ ဒီသိုင်းကွက်က ကြာကြာမခံပါဘူး၊ ဆရာကြီး သွေးနှင်းက လုံးဝကို ကာကွယ်နိုင်ခဲ့တာပဲ"</p> <p>ဂျူဟွာက ခေါင်းခါလိုက်ပါတယ်။</p> <p> </p> <p>"ငါ့မှာသာ နတ်ဘုရားစွမ်းအင် အလုံအလောက် ရှိမယ်ဆိုရင် သေချာပေါက် ကာကွယ်နိုင်တာပေါ့။ ဒါပေမဲ့ ငါ့ရဲ့ ဒီနတ်ဘုရားစွမ်းအင် ကိုယ်ပွားက နောက်ထပ် ဓားနှစ်ချက်လောက်ဆိုရင် ပျောက်ကွယ်သွားလောက်ပြီ။ ငါက ဘယ်လိုလုပ် အနိုင်ရမှာလဲ"</p> <p>သွေးနှင်းက အေးအေးဆေးဆေး ပြုံးလိုက်ပါတယ်။ အဲဒီနောက် သူက နားမလည်နိုင်စွာနဲ့ မေးလိုက်ပါပြီ။</p> <p> </p> <p>"ဒါပေမဲ့ မင်းရဲ့ ဒီသိုင်းကွက်က ဘယ်လို သိုင်းကွက်မျိုးလဲ။ သူ့ရဲ့ စွမ်းအားက ရုတ်တရက်ကြီး အများကြီး မြင့်တက်သွားပါလား"</p> <p>သွေးနှင်း တကယ်ကို နားမလည်နိုင် ဖြစ်သွားတာပါ။ ဂျူဟွာရဲ့ ဓားချက်အနည်းငယ်က စွမ်းအားတွေ ချက်ချင်းဆိုသလို အဆင့်ပေါင်းများစွာ မြင့်တက်သွားတာလေ။ ဝက်ဝံဝါကြီးက ဂျူဟွာဟာ ကြယ်တာရာဖမ်း နတ်ဘုရားလက်သိုင်း အမွေကို မရရှိထားဘူးလို့ သူ့ကို အခုလေးတင် မပြောထားဘူးဆိုရင် သူက ဒါကို ကြယ်တာရာဖမ်း နတ်ဘုရားလက်သိုင်းလို့တောင် ထင်မိမှာပါ။</p> <p> </p> <p>ဂျူဟွာ ဘာမှ မပြောနိုင်ခင်မှာပဲ ဝက်ဝံဝါကြီးဟာ သူတို့နှစ်ဦးကြားမှာ ရုတ်တရက် ပေါ်လာပါတယ်။</p> <p>"ပြီးခဲ့တဲ့တစ်ခေါက် မင်း အဲဒီ ကောင်းကင်အင်မော်တယ်ကို သတ်လိုက်တုန်းက ငါ သတိမထားမိလိုက်ဘူး၊ ဒါပေမဲ့ အဲဒီတုန်းကလည်း မင်း ဒီစွမ်းအားကို သုံးခဲ့တာပဲ မဟုတ်လား"</p> <p>ဝက်ဝံဝါကြီးက မေးလိုက်ပါတယ်။</p> <p> </p> <p>"ဟုတ်ပါတယ်"</p> <p>ဂျူဟွာက ခေါင်းညိတ်လိုက်ပါတယ်။ ခဏလောက် စဉ်းစားပြီးနောက် ပြောာလိုက်ပါပြီ။</p> <p> </p> <p>"ဒါက နှလုံးသားအင်အား ပါ"</p> <p> </p> <p>"ဒါ နှလုံးသားအင်အား လား"</p> <p>ဝက်ဝံဝါကြီးရဲ့ မျက်လုံးတွေ ပြူးကျယ်သွားသလို သွေးနှင်းတောင်မှ အနည်းငယ် အံ့ဩသွားပါတယ်။</p> <p> </p> <p>"ဒါက လောကသုံးပါးမှာရှိတဲ့ ထိပ်တန်း စွမ်းအားတွေထဲက တစ်ခုပဲလေ။ ဒါပေမဲ့ နှလုံးသားအင်အားဆိုတာက စိတ်ကူးယဉ်ဆန်ပြီး တကယ့် တိုက်ပွဲမှာ အသုံးချဖို့ ခက်ခဲတယ်လို့ ငါ ကြားဖူးတယ်။ မင်းက တကယ်ကြီး နှလုံးသားအင်အားကို သုံးနိုင်တာလား"</p> <p>ဝက်ဝံဝါကြီးက မေးလိုက်ပါတယ်။</p> <p> </p> <p>"ကျွန်တော် မိစ္ဆာအာရုံ ထင်ယောင်ထင်မှား နယ်မြေထဲမှာ ဆယ်နှစ်ကျော် လေ့ကျင့်ခဲ့တယ်ဆိုတာ ဆရာကြီး သိပါတယ်၊ အဲဒီ လေ့ကျင့်မှုကပဲ ကျွန်တော့်ရဲ့ နှလုံးသားအင်အားကို တတိယမြောက် အလွှာအထိ ရောက်သွားစေခဲ့တာပါ"</p> <p> </p> <p>ဂျူဟွာက ခဏရပ်လိုက်ပြီး ဆက်ပြောပါတယ်။</p> <p>"နှလုံးသားအင်အားကို တိုက်ပွဲမှာ အသုံးချတဲ့ အပိုင်းကိုတော့ ကျွန်တော့်ဟာကျွန်တော် တွေးကြည့်ပြီး နားလည်သွားတာပါ"</p> <p> </p> <p>"ကိုယ့်ဟာကိုယ် တွေးကြည့်ပြီး နားလည်သွားတာ ဟုတ်လား"</p> <p>ဝက်ဝံဝါကြီးနဲ့ သွေးနှင်းတို့ဟာ တစ်ယောက်ကိုတစ်ယောက် ကြည့်လိုက်ကြပါတယ်။ တစ်ခုခုကို တွေးမိသွားသလိုမျိုး ဝက်ဝံဝါကြီးက ရုတ်တရက် မေးလိုက်ပါတယ်။</p> <p>"မင်းက နှလုံးသားအင်အားအကြောင်းကို တော်တော်လေး နားလည်နေပုံရတယ်၊ မင်းရဲ့ တိကျတဲ့ အဆင့်ကိုတောင် သိနေသေးတယ်။ မင်းကို ထိပ်တန်းတန်ခိုးရှင်တစ်ယောက်ယောက်ကများ လမ်းညွှန်ပေးထားတာလား"</p> <p> </p> <p>"ဆရာကြီးက တခြားကိစ္စတွေကို မေးမယ်ဆိုရင် ကျွန်တော့်အနေနဲ့ အမှန်အတိုင်း ပြောမှာပါ။ ဒါပေမဲ့ ဒီကိစ္စကတော့..."</p> <p>ဂျူဟွာက စကားကို ဆက်မပြောတော့ပါဘူး၊ ဝက်ဝံဝါကြီးကလည်း ဂျူဟွာ ဘာကို ဆိုလိုတယ်ဆိုတာကို နားလည်သွားပါပြီ။</p> <p>ဒါပေမဲ့ ဝက်ဝံဝါကြီးက ဆက်ပြီး အတင်းအကျပ် မမေးတော့ပါဘူး၊ ဘာဖြစ်လို့လဲဆိုတော့ ဒါက ဂျူဟွာရဲ့ ကိုယ်ရေးကိုယ်တာကိစ္စပဲလေ။</p> <p> </p> <p>"ဝက်ဝံဝါကြီးကတော့ မင်းဟာ အစစ်အမှန် နတ်ဘုရား ဒါမှမဟုတ် တာအိုဖခင် တစ်ပါး ဝင်စားတာ ဖြစ်ဖို့ အရမ်းများတယ်လို့ ပြောတယ်။ ဒါက မင်းရဲ့ အတိတ်ဘဝနဲ့များ သက်ဆိုင်နေသလား"</p> <p>သွေးနှင်းက ရုတ်တရက် မေးလိုက်ပါတယ်။</p> <p> </p> <p>"အရင်တုန်းကဆိုရင်တော့ ကျွန်တော် ကိုယ်တိုင်လည်း အမှန်တရားကို သေချာ မသိခဲ့လို့ ချက်ချင်း အတည်မပြုနိုင်ခဲ့ပါဘူး"</p> <p>ဂျူဟွာဟာ သွေးနှင်းနဲ့ ဝက်ဝံဝါကြီးကို လုံးဝ ပွင့်ပွင့်လင်းလင်း ကြည့်လိုက်ပါတယ်။ သူက ပြောလိုက်ပါပြီ။</p> <p>"ဒါပေမဲ့ အခုတော့ ဆရာကြီး နှစ်ယောက်စလုံးကို ရှင်းရှင်းလင်းလင်း ပြောနိုင်တာက ကျွန်တော်က တကယ်ကို ပြန်လည်မွေးဖွားလာတဲ့ အင်မော်တယ် မဟုတ်ပါဘူး။ ကျွန်တော့်ရဲ့ ပါရမီနဲ့ ပတ်သက်ပြီးတော့ တခြား အကြောင်းရင်း တစ်ခု ရှိနေလို့ပါ"</p> <p> </p> <p>"ဟားဟားဟား၊ ဒါဆိုလည်း ပြီးတာပါပဲ။ ဒီလိုဆိုမှတော့ ဝက်ဝံဝါကြီး၊ မင်းလည်း စိတ်အေးလို့ ရပါပြီ"</p> <p> </p> <p>သွေးနှင်းက ရယ်မောလိုက်ပါတယ်။ သူတို့ အတူတူ နေခဲ့ရတဲ့ အချိန်က တိုတောင်းလှပေမဲ့ ဂျူဟွာက ပွင့်လင်းတဲ့ စရိုက်ရှိတယ်ဆိုတာကို သူ သိနိုင်ပါတယ်။ ဒါကြောင့် သူက ဂျူဟွာရဲ့ စကားတွေကို ယုံကြည်လိုက်ပါပြီ။</p> <p> </p> <p>"..."</p> <p>ဝက်ဝံဝါကြီးက ဘာမှ မပြောဘဲ ခေါင်းညိတ်ရုံသာ ခေါင်းညိတ်ပြလိုက်ပါတယ်။</p> <p> </p> <p>"ဆရာကြီး ဝက်ဝံဝါကြီး... ဒီအင်မော်တယ်ဂူနန်းမှာ လျှို့ဝှက်ချက် တစ်ချို့ ရှိနေပုံရတယ်နော်"</p> <p>ဂျူဟွာက ရုတ်တရက် မေးလိုက်ပါတယ်။</p> <p> </p> <p>"သွေးနှင်းကို မင်းနဲ့ ထွက်တွေ့ခိုင်းကတည်းက မင်းကို ဖုံးကွယ်ထားဖို့ မရည်ရွယ်တော့လို့ပဲ"</p> <p>ဝက်ဝံဝါကြီးက ပြောလိုက်ပါတယ်။</p> <p>"အရင်တုန်းက မင်း အင်ပါရီယာ နတ်ဘုရား ကပ်ဘေးကို ကျော်ဖြတ်နိုင်ဖို့ မျှော်လင့်ချက် ရှိတယ်လို့ပဲ ငါ ထင်ခဲ့တာ။ အခု ကြည့်ရတာ မင်းရဲ့ မျှော်လင့်ချက်က အရမ်းကို ကြီးမားနေပြီ။ ဒါ့အပြင် မင်းရဲ့ လက်ရှိ စွမ်းအားကလည်း အင်ပါရီယာ နတ်ဘုရားတွေထဲမှာ အားမနည်းတော့ဘူးဆိုတော့ မင်း တချို့အရာတွေကို သိခွင့်ရှိနေပါပြီ"</p> <p> </p> <p>"ဟုတ်ကဲ့"</p> <p>ဂျူဟွာက ခေါင်းညိတ်လိုက်ပါတယ်။ သူက ဝက်ဝံဝါကြီး ဆက်ပြောမယ့် စကားတွေကို စောင့်စားနေပါတယ်။</p> <p>"ဒီအင်မော်တယ်ဂူနန်းရဲ့ ပထမဆုံး ပိုင်ရှင်ကတော့ ရှေးခေတ်ဟောင်းအချိန်ကတည်းက နာမည်ကြီးခဲ့တဲ့ တာအိုဖခင်ကြီး အသက်သုံးချောင်း ပါပဲ။ သူ့လက်အောက်မှာ မရေမတွက်နိုင်တဲ့ အင်ပါရီယာ နတ်ဘုရားတွေ ရှိခဲ့တယ်..."</p> <p> </p> <p>ဝက်ဝံဝါကြီးဟာ အင်မော်တယ်ဂူနန်းရဲ့ မူလအစနဲ့ လက်ရှိ ကြုံတွေ့နေရတဲ့ အခက်အခဲတွေကို ဖြည်းဖြည်းချင်း ပြောပြပါတော့တယ်။</p> <p> </p> <p>ဂျူဟွာဟာ ဝက်ဝံဝါကြီး ပြောပြတဲ့ အချက်အလက်တွေနဲ့ "ဓားတန်ခိုးရှင်၏ ဒဏ္ဍာရီ" ထဲက အကြောင်းအရာတွေကို တိုက်ဆိုင်စစ်ဆေးရင်း နားထောင်နေပါတယ်။ တကယ်ကို သူတို့နှစ်ယောက်ပြောတာ အတော်များများ တူညီနေတာပါပဲ။</p> <p> </p> <p>ဒါပေမဲ့ အဆုံးသတ်မှာတော့ ဂျူဟွာ မျက်မှောင်ကြုတ်သွားပါတယ်။</p> <p> </p> <p>ဝက်ဝံဝါကြီး ပြောတဲ့စကားအရဆိုရင် သွေးနှင်း အပါအဝင် ကြယ်တာရာဖမ်း ကမ္ဘာကြီးထဲမှာ အင်ပါရီယာ နတ်ဘုရား ခုနစ်ပါး မဟုတ်ဘဲ ရှစ်ပါး ရှိနေတာလား။</p> <p> </p> <p> </p> <p style="text-align: center;">***</p>


Save