Book List

<h2 style="text-align: center;">ကမ္ဘာသစ်နတ်ဘုရား</h2> <h2 style="text-align: center;">အခန်း ၁၅၃၁</h2> <h2 style="text-align: center;">( နဂါးတစ်ကောင် ထပ်ရပြီ )</h2> <h2 style="text-align: center;">*</h2> <p> </p> <p> </p> <p>လင်းရန်လည်း အလွန် စိတ်လှုပ်ရှားနေလေသည်။ သူသည် နဂါးကန် အပြင်ဘက်ရှိ လုံတျန်းဖန်ကို လုံးဝ မေ့လျော့သွားခဲ့ပြီ ဖြစ်သည်။ သွေးမိစ္ဆာနဂါး၏ သိမ်းပိုက်ခြင်း တိုက်ပွဲကို ကြည့်ရှုရန် ယင်ယန်နတ်ဘုရားမျက်လုံးကို အကန့်အသတ်အထိ တွန်းပို့လိုက်သည်။</p> <p>သွေးမိစ္ဆာနဂါးသည် အဆင်ပြေနေဆဲ ဖြစ်သော်လည်း နဂါးနီ၏ မျက်လုံးများတွင် မီးတောက်များ တောက်လောင်နေပြီး လည်ပင်းပေါ်ရှိ ကြီးမားသော အနီရောင် အကြေးခွံအားလုံး ပွင့်ဟကာ ထောင်ထနေသည်ကို တွေ့လိုက်ရသည်။ ကြက်တိုက်ပွဲ ဝင်တော့မည့် ကြက်ဖ တစ်ကောင် ကဲ့သို့ပင် ဖြစ်နေလေသည်။</p> <p>"ဝါး..."</p> <p>"ဂါး..."</p> <p>ချက်ချင်းဆိုသလို နဂါးဟိန်းသံ နှစ်သံ တစ်ပြိုင်နက် ထွက်ပေါ်လာပြီး ကောင်းကင်နှင့် မြေကြီးကိုပင် တုန်လှုပ်သွားစေသည်။ နဂါးကန် အောက်ရှိ ရေများ လှိုင်းထလာပြီး နဂါးနှစ်ကောင်မှာလည်း အသေအကြေ ထိပ်တိုက်တွေ့ကြတော့၏။</p> <p>နဂါးနှစ်ကောင် စစ်ပွဲ ဖြစ်သောကြောင့် ရစ်ပတ် တိုက်ခိုက်ခြင်းနေသာ။ တစ်ကောင်က အနီရောင်၊ အခြား တစ်ကောင်က သွေးရောင် ဖြစ်ပြီး နှစ်ကောင်စလုံး အလင်းရောင်များ ထုတ်လွှတ်နေကြသည်။ တိုက်ပွဲလှိုင်းတို့ ပြင်းထန်နေသည်မို့ လင်းရန်ပင် ခွဲခြား၍ မရနိုင်တော့ပေ။</p> <p>နဂါးကန် အောက်တွင် ရေစီးကြောင်းများ လှိုင်းထနေပြီး လှိုင်းလုံးကြီးများ လိမ့်တက်နေသော်လည်း အထက်တွင် ဝိညာဥ်နတ်ဘုရားမိုးမခ၏ ဖိနှိပ်ထားမှုကြောင့် အစိမ်းရောင် အလင်းတန်း လွှမ်းခြုံထားသော ဧရိယာ အတွင်းရှိ ရေသည် အလွန် တည်ငြိမ်နေလေသည်။ လင်းရန်သည် ယင်း၏ အလယ်တွင် ရှိနေပြီး နဂါးနှစ်ကောင် တိုက်ခိုက်နေသည်ကို စိတ်ဝင်တစား ကြည့်ရှုနေ၏။</p> <p>သို့သော် ဝိညာဥ်နတ်ဘုရားမိုးမခ၏ အလင်းရောင် အပြင်ဘက်ရှိ ရေပြင်သည် လုံးဝ ကွဲပြားခြားနားသော မြင်ကွင်း ဖြစ်နေလေသည်။</p> <p>အောက်ခြေတွင်တော့ ကမ္ဘာပျက်မတတ်ပင်...</p> <p>နဂါးကန် အပြင်ဘက်တွင် မီတာ ၁၀ အချင်းဝက် အတွင်းရှိ တည်ငြိမ်သော ရေမျက်နှာပြင်မှလွဲ၍ ကျန်ရှိသော ရေပြင်သည် ကမ်းခြေကို ရိုက်ခတ်နေသော လှိုင်းလုံးကြီးများဖြင့် မွှေနှောက်နေပြီး အမှန်တကယ် အံ့မခန်း မြင်ကွင်းကို ဖန်တီးနေလေ၏။</p> <p>ထို့အပြင် နဂါးနှစ်ကောင် တိုက်ပွဲ စတင်သည်နှင့် တပြိုင်နက် မူလက ကြည်လင်နေသော ညကောင်းကင်ယံတွင် မည်းမှောင်သော တိမ်တိုက်များ အကြောင်းပြချက်မရှိ ပေါ်လာပြီး လျင်မြန်စွာ စုဝေးကာ ကောင်းကင်နှင့် လမင်းကို ဖုံးလွှမ်းသွားပြီး လရောင်ကို ကွယ်ကာ ရေပြင်ဧရိယာ တစ်ခုလုံးကို လုံးဝ လွှမ်းခြုံထားလိုက်သဖြင့် လက်တစ်ကမ်း အကွာအဝေးကိုပင် မမြင်ရတော့ပေ။</p> <p>"သူ အသက်ရှင်နေသေးတာလား..."</p> <p>လုံတျန်းဖန်မှာ လေထဲတွင် ရပ်နေပြီး နဂါးကန် အထက်၌ ဝဲပျံကာ သူ့ နတ်ဘုရားအာရုံကို အကန့်အသတ်အထိ ချဲ့ထွင်ပြီး နဂါးကန် အတွင်း ဖြစ်ပျက်နေသမျှကို ကြည့်ရှုရန် ကြိုးစားနေလေသည်။ သို့သော် ထိုအခိုက်အတန့်တွင် သူသည် ရေမျက်နှာပြင်အောက် မီတာ ၂၀ ကျော် အထိသာ မြင်နိုင်လေသည်။</p> <p>စွမ်းအားကြီးမားသော ဝိညာဥ်နတ်ဘုရားမိုးမခမှာ လုံတျန်းဖန်၏ နတ်ဘုရားအာရုံကို တားဆီးထားပြီး လုံးဝ ဖောက်ထွင်းခွင့် မပေးပေ။</p> <p>ထို့ကြောင့် လုံတျန်းဖန်သည် ရေမျက်နှာပြင်ပေါ်ရှိ လှုပ်ရှားမှုအပေါ် အခြေခံပြီး လင်းရန်၏ အခြေအနေကို ခန့်မှန်းရုံသာ တတ်နိုင်တော့သည်။</p> <p>လင်းရန် နဂါးကန် ထဲသို့ ဝင်ရောက်သွားပြီး ယခု နဂါးကန် အတွင်း ကြီးမားသော လှုပ်ရှားမှု ရှိနေမှသာ လင်းရန် အသက်ရှင်နေသေးသည်ဟု ဆိုလိုမည် ဖြစ်သည်။</p> <p>"ဟမ့်... မင်း ဒီလောက် လွယ်လွယ်နဲ့ မသေဘူး ဆိုတာ ငါ သိတယ်..."</p> <p>လုံတျန်းဖန် လှောင်ပြောင်လိုက်ပြီး စိတ်ထဲ၌ တွေးလိုက်သည်။ <br /> "ဒါပေမဲ့ ဒါက အံကိုက်ပဲ... မင်းတို့ကို အရင် တိုက်ခိုက်ခိုင်းလိုက်မယ်... မင်းတို့နှစ်ကောင်လုံး ဒဏ်ရာ အပြင်းအထန် ရပြီးရင် ငါ အောက်ဆင်းပြီး နဂါးရော လူရော နှစ်ကောင်စလုံးကို သတ်ပစ်မယ်..."</p> <p>ဒေါသထွက်နေစဉ် လုံတျန်းဖန်သည် ပြောင်းပြန် အကြေးခွံ နဂါးဒေါသ လျှို့ဝှက်သိုင်းကွက်ကို ထုတ်သုံးလိုက်ခြင်းမှာ လင်းရန်နှင့် သေသည်အထိ တိုက်ခိုက်ရန် သက်သက် မဟုတ်ပေ။ သူသည် လင်းရန်ကို ကင်းထောက် အဖြစ် အသုံးပြုရန်အတွက် နဂါးကန်ထဲသို့ ဝင်ရောက်စေရန် အကြီးအကျယ် ကြိုးစားခဲ့ခြင်း ဖြစ်သည်။ သူသည် လင်းရန်ကို ဦးစွာ သေလမ်းသို့ ပို့ဆောင်ပြီးနောက် နဂါးကန် ထဲသို့ ဝင်ရောက်ပြီး အကျိုးအမြတ် ရယူမည် ဖြစ်သည်။</p> <p>"ဒေါ်လေး... လုံတျန်းဖန် ဆိုတဲ့ ကောင်လေးက တကယ် ကောက်ကျစ်တာပဲ... သူက လင်းရန်နဲ့ သေသည်အထိ တိုက်ခိုက်ချင်တယ်လို့ ပြောပြီး တကယ်တော့ လင်းရန်ကို နဂါးကန်ထဲ ပစ်ချဖို့ တမင် ကြံစည်ခဲ့တာ... ရေပေါ်က ပြင်းထန်တဲ့ လှုပ်ရှားမှုတွေကို ကြည့်ရတာ လင်းရန်ရဲ့ အခြေအနေ မကောင်းဘူး ထင်တယ်..."</p> <p>မြေပြင်အထက် မီတာ နှစ်ထောင် အကွာတွင် ရီတျန်းရှောက်သည် ရေမျက်နှာပြင်ပေါ်ရှိ လှုပ်ရှားမှုကို ကြည့်နေလေသည်။ အောက်ဘက် ရေထဲတွင် လှိုင်းလုံးကြီးများ လှိုက်ထနေသည်ကို မြင်သောအခါ သူ လင်းရန်အတွက် စိုးရိမ်စိတ် ဝင်လာမိလေသည်။</p> <p>"မင်း ဘာမှ မသိပါဘူး... လင်းရန် အောက်ရောက်နေတာ ဒီလောက် ကြာနေပြီ... တကယ်လို့ လှုပ်ရှားမှု မရှိခဲ့ရင်သာ သူ တစ်ခုခု ဖြစ်သွားပြီလို့ ဆိုလိုတာ... အခု သူက ဒီလောက် လှုပ်ရှားမှုတွေ လုပ်နေတယ် ဆိုတာ နဂါးကန်ထဲက အကောင်နဲ့ တိုက်ခိုက်နေပြီ ဆိုတဲ့ သဘောပဲ... သူ ပြန်တိုက်နိုင်တဲ့ အင်အား ရှိသေးတယ် ဆိုတာ သက်သေပြနေတာပေါ့..."</p> <p>ရီတျန်းတုက ရီတျန်းရှောက်ကို တစ်ချက်ကြည့်လိုက်ပြီး ပြန်ပြောလိုက်သည်။ သူ့ မျက်နှာတွင် လင်းရန်အတွက် စိုးရိမ်မှု အရိပ်အယောင် လုံးဝ မရှိပေ။<br /> ရီချင်ရှင်း၏ လှပသော မျက်နှာ လေးနက်သွားပြီး ခေါင်းညိတ်လိုက်သည်။ <br /> "သူတို့ တိုက်ခိုက်နေကြတာတော့ မှန်တယ်... ဒါပေမဲ့... အဲဒီ အသံတွေကို လင်းရန် လုပ်နေတာ မဟုတ်ပုံရဘူး..."</p> <p>"အာ..."</p> <p>ရီချင်ရှင်း၏ သုံးသပ်ချက်ကို ကြားလိုက်ရသောအခါ ရီတျန်းရှောက် နှင့် ရီတျန်းတုတို့ နှစ်ဦးစလုံး အံအားတကြီး တစ်ပြိုင်နက် ခေါင်းလှည့်လာကြသည်။</p> <p>ရီချင်ရှင်း မျက်မှောင်ကြုတ်ပြီး ဆက်ပြောလိုက်သည်။ <br /> "လင်းရန်နဲ့ လုံတျန်းဖန်တို့ ပိုရန်ရေကန်အလယ်မှာ တိုက်ခိုက်တုန်းက ငါတို့ မြင်ခဲ့ရတယ်... အဲဒီတုန်းက သူတို့နှစ်ဦးစလုံး အစွမ်းကုန် ထုတ်သုံးခဲ့ကြတာ... သူတို့ရဲ့ အရှိန်အဟုန်က အထင်ကြီးစရာ ကောင်းပေမဲ့ အခု ငါတို့ မြင်နေရတာနဲ့ ယှဉ်ရင် ဘာမှ မဟုတ်ဘူး..."</p> <p>ရီချင်ရှင်း လက်ကို ဆန့်တန်းပြီး ရေပေါ်ရှိ ကြီးမားသော လှိုင်းလုံးကြီးများကို ညွှန်ပြလိုက်သည်။ "ကြည့်လိုက်... အဲဒီ လှိုင်းလုံးတွေက မီတာ ဒါဇင်ချီ မြင့်တယ်... တန်ချိန် ထောင်ချီ လေးတဲ့ သင်္ဘောတစ်စင်း ဆိုရင်တောင် တိမ်းမှောက်ပြီး ချက်ချင်း ဝါးမျိုခံရလိမ့်မယ်... ဒီ ဧရာမ လှိုင်းလုံးကြီးတွေက မီတာ ရာပေါင်းများစွာ အချင်းဝက် အတွင်းမှာ နိမ့်ချည် မြင့်ချည် ဖြစ်နေတယ်... ဒါက လင်းရန် လုပ်တဲ့ လှုပ်ရှားမှု ဖြစ်ဖို့ မဖြစ်နိုင်ဘူး..."</p> <p>"ပြီးတော့..."</p> <p>ရီချင်ရှင်း သူမ၏ ခေါင်းပေါ်ရှိ ကောင်းကင်ကို ထပ်မံ ညွှန်ပြလိုက်ပြီး အလွှာလိုက် ဖြစ်နေသော မည်းမှောင်သည့် တိမ်တိုက်များကို ကြည့်ကာ လေးနက်သော မျက်နှာထားဖြင့် ပြောလိုက်သည်။ "ကောင်းကင်နဲ့ မြေကြီးရဲ့ ထူးဆန်းတဲ့ ဖြစ်စဉ်တွေ... နဂါးကန်ထဲက တိုက်ပွဲက ကောင်းကင်နဲ့ မြေကြီးရဲ့ ဖြစ်စဉ်တွေကို ဖြစ်ပေါ်စေခဲ့တာ... ဒါ ရိုးရှင်းတဲ့ ကိစ္စ မဟုတ်ဘူး..."</p> <p>"ဒါ့အပြင်..."</p> <p>ရီချင်ရှင်း ခေါင်းပြန်ငုံ့လိုက်ပြီး နဂါးကန်ရေပြင်ကို ကြည့်လိုက်သည်။ <br /> "နင်တို့ သတိထားမိလား... လင်းရန် ရေထဲဝင်သွားတဲ့ နေရာက ဘေးပတ်ဝန်းကျင် ရေတွေ ဘယ်လောက်ပဲ လှိုင်းထနေပါစေ... အဲဒီ မီတာ ၁၀ အချင်းဝက် အတွင်းကတော့ ပုံမှန်အတိုင်း တည်ငြိမ်နေတယ်... တစ်စုံတစ်ခုက အေးခဲထားသလိုပဲ..."</p> <p>"ဘုရားရေ... တကယ်ပါလား..."</p> <p>ရီတျန်းရှောက် နှင့် ရီတျန်းတုတို့မှာ ရီချင်ရှင်း၏ သတိပေးမှုကြောင့် တစ်ယောက်ကိုတစ်ယောက် ထိတ်လန့်တကြား ကြည့်လိုက်ကြပြီး အံ့အားသင့်စွာ အော်ဟစ်လိုက်ကြလေသည်။</p> <p>"လုံမိသားစုက လုံတျန်းဖန်က ထူးခြားတဲ့ ပါရမီရှင်ပဲ... ဒါက သူ့ရဲ့ ထူးခြားတဲ့ ရုပ်ပိုင်းဆိုင်ရာ တစ်ခုတည်းကြောင့် မဟုတ်ဘူး... သူက မဆင်မခြင် စိတ်လိုက်မာန်ပါ လုပ်တတ်ပုံ ပေါက်ပေမဲ့ တကယ်တမ်းကျတော့ လုံတျန်းရှင်းထက် ပိုဉာဏ်ကောင်းတယ်..."</p> <p>"သူ ပြောင်းပြန် အကြေးခွံ နဂါးဒေါသ လျှို့ဝှက်သိုင်းကွက်ကို အသက်သွင်းလိုက်တယ်... ဒီသိုင်းကွက်က သူ့ကို အများဆုံး ၃၆ မိနစ်ပဲ ခံနိုင်ရည် ရှိစေမယ် ဆိုတာ သူ သိတယ်... အခု သူ အသာစီး ရနေပေမဲ့ ရေထဲ မဝင်ဘူး... လင်းရန် နဂါးကန် ထဲမှာ ၁၀ မိနစ်ထက် ပိုမခံနိုင်ဘူး ဆိုတာကို သူ လောင်းကြေးထပ်နေတာ..."</p> <p>"ဒါဆိုရင် ဖြစ်နိုင်ချေ နှစ်ခု ရှိလာမယ်... လင်းရန် နဂါးကန်ထဲမှာ သေဆုံးသွားမယ်... ဒါမှမဟုတ် လင်းရန် ရေထဲက သတ္တဝါတွေကို မနိုင်ဘဲ အပြင်ကို အတင်းအကျပ် ပြေးထွက်လာရမယ်... အဲဒီကျရင် သူက အခြေအနေကို အခွင့်ကောင်းယူပြီး အကျိုးအမြတ် ရယူလိမ့်မယ်..."</p> <p>ဤအဆင့် ရောက်မှ ရီချင်ရှင်း အောက်ဘက်ရှိ လုံတျန်းဖန်ကို နက်နက်ရှိုင်းရှိုင်း တစ်ချက်ကြည့်လိုက်ပြီး ခေါင်းအနည်းငယ် ခါလိုက်သည်။</p> <p>မည်သို့ဆိုစေ လုံမိသားစု၏ မျိုးဆက်သစ်များကြားတွင် လုံတျန်းဖန် ရှိနေသဖြင့် သူတို့သည် ရီမိသားစုကို မသိမသာ လွှမ်းမိုးထားနိုင်ပေသည်။</p> <p>အကယ်၍ လင်းရန်သာ တစ်စုံတစ်ရာ ဖြစ်သွားပါက လုံမိသားစုသည် အနာဂတ်တွင် အကြွင်းမဲ့ အာဏာကို ဆက်လက် ဆုပ်ကိုင်ထားနိုင်မည် ဖြစ်သည်။</p> <p>ကံဆိုးစွာပင် ရီချင်ရှင်း ရေကူး မကျွမ်းကျင်သလို လင်းရန်ကလည်း ထွက်မလာသဖြင့် သူမ ကူညီချင်လျှင်ပင် ကူညီ၍ မရနိုင်ပေ။</p> <p>နဂါးကန် ရေမျက်နှာပြင်အောက် မီတာ ၅၀ အကွာတွင်...</p> <p>လင်းရန် နဂါးကန်ထဲ ဝင်ရောက်သွားချိန်မှစ၍ ၁၅ မိနစ် ကုန်ဆုံးသွားပြီ ဖြစ်သည်။ နဂါးနှစ်ကောင် ပြင်းထန်စွာ တိုက်ခိုက်နေကြဆဲ ဖြစ်သော်လည်း အခြေအနေ လုံးဝ ပြောင်းလဲသွားခဲ့၏။</p> <p>ဤအခိုက်အတန့်တွင် လင်းရန်၏ ယင်ယန်နတ်ဘုရားမျက်လုံး အတွင်း၌ သွေးမိစ္ဆာနဂါး၏ ပုံရိပ် ပျောက်ကွယ်သွားပြီ ဖြစ်ကာ နဂါးနီ တစ်ကောင်တည်းသာ ကျန်ရှိတော့သည်။</p> <p>သွေးမိစ္ဆာနဂါး၏ နဂါးဝိညာဉ်သည် နဂါးနီ၏ ခန္ဓာကိုယ်ထဲသို့ ဝင်ရောက်သွားပြီ ဖြစ်ကာ နှစ်ကောင်သား တစ်သားတည်း ပေါင်းစပ်သွားကြပြီ ဖြစ်၏။ အနီရောင်နှင့် သွေးရောင် အလင်းတန်းများသည် နဂါးနီ၏ ခန္ဓာကိုယ်ပေါ်တွင် တစ်လှည့်စီ လက်ခနဲ ဖြစ်နေပြီး ယင်း၏ ကြီးမားသော နဂါးခန္ဓာကိုယ်သည် ရေကို မွှေနှောက်လျက် ပြင်းထန်စွာ ဆက်လက် လှိမ့်ဝင်နေလေသည်။</p> <p>နဂါးနှစ်ကောင်ကြား တိုက်ပွဲသည် အရေးအကြီးဆုံး အချိန်သို့ ရောက်ရှိနေပြီ ဖြစ်ကြောင်း လင်းရန် သိလိုက်သည်။ ယင်းသည် နဂါးဝိညာဉ် တိုက်ပွဲ ဖြစ်ပြီး နဂါးနီ၏ ခန္ဓာကိုယ်ကို ထိန်းချုပ်ရန် ရုန်းကန်နေခြင်းပင်။</p> <p>ရလာဒ်ကား နှစ်ခုသာ ရှိတော့သည်။ သွေးမိစ္ဆာနဂါး၏ ဝိညာဉ် လုံးဝ ပျက်စီးသွားပြီး နဂါးနီ၏ ဝါးမြိုမှုကို ခံလိုက်ရမည်... သို့မဟုတ် သွေးမိစ္ဆာနဂါး၏ ဝိညာဉ်က အခြားတစ်ဖက်၏ ဆန္ဒကို ဝါးမျိုလိုက်ပြီး နဂါးနီ၏ ခန္ဓာကိုယ်ကို ရရှိကာ အစစ်အမှန် နဂါးခန္ဓာကိုယ်ကို ပိုင်ဆိုင်သွားမည်။<br /> မကြာလိုက်...</p> <p>တဖြည်းဖြည်းနှင့် နဂါးနီ၏ မွှေနှောက်နိုင်စွမ်း လျော့နည်းလာသည်နှင့်အမျှ နဂါးကန် အောက်ခြေရှိ လှိုင်းများ ငြိမ်သက်သွားပြီး ကန်ရေ ငြိမ်သက်စ ပြုလာလေသည်။</p> <p>ရုတ်တရက်...</p> <p>နဂါးနီ၏ ကြီးမားသော ခန္ဓာကိုယ်ကြီးမှာ ခေါင်းမှ အမြီးအထိ တောက်လောင်နေသော အနီရောင် အလင်းတန်းများဖြင့် ရုတ်တရက် တောက်ပလာလေသည်။</p> <p>ထိုသည်ကို မြင်သောအခါ လင်းရန်၏ ရင်ထဲတွင် အေးစက်သွားပြီး ပြီးသွားပြီဟု တွေးလိုက်မိ၏။</p> <p>သို့သော် မျက်စိတစ်မှိတ် အတွင်းမှာပင် ပြင်းထန်သော အနီရောင် အလင်းတန်း ပျောက်ကွယ်သွားပြီး ထိုထက်ပြင်းထန်သော သွေးရောင် အလင်းတန်း တစ်ခုက နဂါးခန္ဓာကိုယ်မှ ထွက်ပေါ်လာကာ နဂါးကန် အောက်ခြေ ပတ်ဝန်းကျင် မီတာ တစ်ရာ အတွင်းရှိ အမှောင်ထုအား လင်းထိန်သွားစေ၏။</p> <p>နဂါးနီ၏ မျက်လုံးနှစ်လုံးသည်လည်း သွေးရောင် ပြောင်းလဲသွားပြီး အလင်းတန်းတို့ တောက်လောင်နေတော့သည်။</p> <p>သွေးမိစ္ဆာနဂါးသည် နဂါးနီ၏ ဝိညာဉ်နှင့် စိတ်ဆန္ဒကို ဝါးမျိုလိုက်ပြီး နဂါးခန္ဓာကိုယ်ကို သိမ်းပိုက်လိုက်ပြီ ဖြစ်သည်။</p> <p>ယင်းသည် ရေအောက်တွင် လွတ်လပ်စွာ ကူးခတ်လိုက်ကာ ခေါင်းခါ အမြီးယမ်းပြီး အထက်ရှိ လင်းရန်ဘက်သို့ ရုတ်တရက် ခေါင်းလှည့်လိုက်သည်။ ယင်း၏ နဂါးမျက်လုံးများထဲရှိ အလင်းရောင်သည် နာခံမှုကို ရှင်းလင်းစွာ ပြသနေပြီး နဂါးကန် အထက်ရှိ လင်းရန်၏ နေရာသို့ လျင်မြန်စွာ ပြေးဝင်လာလေသည်။</p> <p>"ကျေးဇူးတင်ပါတယ် သခင်... ကျွန်တော် နိုင်ပြီ..."</p> <p>ရွှပ်...</p> <p>လင်းရန် ကျေနပ်စွာ ခေါင်းညိတ်လိုက်သည်။ သူသည် ဝိညာဥ်နတ်ဘုရားမိုးမခကို ချက်ချင်း ပြန်သိမ်းလိုက်ပြီး သွေးမိစ္ဆာနဂါးကို သူ့ဘေးနားသို့ ဆင့်ခေါ်လိုက်ကာ သူ့ကို လုံးဝ ဝန်းရံထားစေလိုက်သည်။</p> <p>"လုပ်တာ ကောင်းတယ်..."<br /> လင်းရန် ပြုံးပြီး သွေးမိစ္ဆာနဂါး၏ ခေါင်းကို ပွတ်သပ်ကာ ချီးကျူးလိုက်သည်။</p> <p>သွေးမိစ္ဆာနဂါးသည် ခေါင်းခါ အမြီးယမ်းကာ နဂါးကန်ကို မွှေနှောက်လိုက်ပြီး လင်းရန်၏ ချီးကျူးမှုကို နှစ်သက်နေပုံ ရသည်။</p> <p>ထို့နောက် နောက်တစ်ခဏတွင် ယင်း၏ ကြီးမားသော ခန္ဓာကိုယ်သည် ရေထဲတွင် ရုတ်တရက် ရပ်တန့်သွားလေသည်။</p> <p>ထိုအခိုက်အတန့်တွင် လင်းရန် လှုပ်ရှားလိုက်ပြီး ယင်း၏ လည်ပင်းနားသို့ ရောက်ရှိကာ ပြောင်းပြန် အကြေးခွံကို ပွတ်သပ်ရန် လက်လှမ်းလိုက်သည်။</p> <p>"ဟားဟား... ငါ ထိလို့ ရတယ်..."</p> <p>လင်းရန် ပေါ့ပေါ့ပါးပါး နှုတ်ဆက်လိုက်သော်လည်း တစ်ချိန်တည်းမှာပင် အလွန်အမင်း သတိထားနေလေသည်။ နဂါးများတွင် ပြောင်းပြန် အကြေးခွံ ရှိပြီး ယင်းကို ထိပါက သေစေနိုင်သည်။ အကယ်၍ သွေးမိစ္ဆာနဂါးသာ သူ့ကို ထိခွင့်မပေးပါက သူသည် နဂါးတစ်ကောင် ရရှိမည် မဟုတ်ဘဲ ဆုံးရှုံးသွားမည် ဖြစ်သည်။</p> <p>ကံကောင်းထောက်မစွာ သွေးမိစ္ဆာနဂါးသည် ခေတ္တမျှသာ တောင့်တင်းသွားပြီးနောက် ပုံမှန် အတိုင်း ပြန်ဖြစ်သွားသဖြင့် လင်းရန် စိတ်သက်သာရာ ရသွားလေသည်။</p> <p>" ဒေါသထွက်နေတာလား..."</p> <p>လင်းရန် လှောင်ပြောင်လိုက်သည်။ သူ ရုတ်တရက် ကိုယ်ကို လှန်လိုက်ပြီး သွေးမိစ္ဆာနဂါး၏ ခန္ဓာကိုယ်ပေါ်သို့ ခွစီးလိုက်သည်။ ထို့နောက် သူ့ နတ်ဘုရားအာရုံကို အသုံးပြု၍ သွေးမိစ္ဆာနဂါးကို အမိန့်ပေးလိုက်၏။ <br /> "သွား... ဒီကနေ ထွက်သွားပြီး ကောင်းကင်ပေါ်က မောက်မာတဲ့ ကောင်စုတ်လေးကို ငိုတဲ့အထိ ရိုက်နှက်ကြမယ်..."</p> <p>ဝုန်း...</p> <p>ရုတ်တရက် မီတာ ဒါဇင်ချီ မြင့်မားသော ရေပန်းကြီး တစ်ခုသည် မိနစ် ၂၀ ကြာ ငြိမ်သက်နေသော နဂါးကန် အထက်မှ ပန်းထွက်လာလေသည်။ သွေးရောင် အလင်းတန်းများဖြင့် တောက်ပနေသော ကြီးမားသည့် နဂါးတစ်ကောင်သည် နဂါးကန်ထဲမှ ကောင်းကင်သို့ ပျံတက်သွားလေသည်။</p> <p>လင်းရန်သည် ဓားကို မစီးနင်းတော့ပေ။ ထိုအစား သူသည် နဂါးခေါင်းပေါ်တွင် ရပ်လျက် လုံတျန်းဖန်ကို တိုက်ခိုက်ရန် နဂါးစီးပြီး ထွက်လာခဲ့လေသည်။</p> <p> </p> <p>အခန်း ၁၅၃၁ ပြီး</p> <p> </p> <p> </p> <p style="text-align: center;">***</p>


Save