Book List

<h2 style="text-align: center;">အခန်း ၁၅၃၇</h2> <h2 style="text-align: center;">( ခွန်လွန်)</h2> <h2 style="text-align: center;">*</h2> <p> </p> <p>"မျှော်လင့်ထားတဲ့ အတိုင်း ခွန်လွန်ပဲ..."</p> <p>လင်းရန်၏ မျက်လုံးများ အရောင်လက်သွားပြီး သူ့အတွေးများ လျင်မြန်စွာ လည်ပတ်သွားသည်။ သူ့ခန့်မှန်းချက်များ မှန်ကန်ကြောင်း သိလိုက်ရသဖြင့် ခေါင်းညိတ်လိုက်ပြီး တစ်ချိန်တည်းမှာပင် လွန်ခဲ့သော နှစ်လေးဆယ်က ဟွာရှ၏ တုန်လှုပ်ဖွယ်ရာ လျှို့ဝှက်ချက်ကို ဖော်ထုတ်ရန် တစ်လှမ်း ပိုနီးကပ်လာသည်ဟု ခံစားလိုက်ရပေသည်။</p> <p>"ဒေါ်လေးရီ... အကြောင်းရင်းကို ကျွန်တော့်ကို ပြောပြပေးလို့ ရမလား... ဒါပေါ့... ဒေါ်လေး အဆင်မပြေဘူး ဆိုရင်လည်း ဘာမှ ပြောစရာ မလိုပါဘူး... ကျွန်တော်ကိုယ်တိုင် ဖြည်းဖြည်းချင်း စုံစမ်းလို့ ရပါတယ်..."</p> <p>လင်းရန် ထိုသို့ ပြောရခြင်း အကြောင်းရင်းမှာ ပြီးခဲ့သည့် သုံးလအတွင်း လွန်ခဲ့သော နှစ်လေးဆယ်က ဟွာရှ၏ လျှို့ဝှက်ချက်နှင့် ပတ်သက်သည့် မည်သည့်အရာကိုမဆို ကြုံတွေ့ရတိုင်း ချင်မိသားစုမှ ချင်ချန်ချင်း၊ လင်းမိသားစုမှ လင်းလီနှင့် ကောင်းကင်အဖွဲ့မှ ကျိုးဝမ်ယိ အပါအဝင် သူတွေ့ခဲ့သမျှ လူတိုင်း ပါးစပ်ပိတ်နေခဲ့ပြီး ထိုအကြောင်းကို ဆွေးနွေးရန် ဆန္ဒမရှိခဲ့သောကြောင့် ဖြစ်ပေသည်။</p> <p>ရိုးရိုးသားသား ပြောရလျှင် လင်းရန်နှင့် ရီချင်ရှင်းတို့ ပထမဆုံး တွေ့ဆုံ စကားပြောချိန်တွင် သူမက လင်းမိသားစု၏ အကြီးမားဆုံး ရန်သူဖြစ်သော ခွန်လွန်ကို ဖော်ထုတ်ပြနိုင်ခြင်းမှာ လင်းရန်၏ မျှော်လင့်ချက်ထက် ကျော်လွန်နေပြီ ဖြစ်သည်။ သို့သော် ထိုမျှ ကောင်းမွန်သော အခွင့်အရေးနှင့် အမှန်တရားမှာ တစ်လှမ်းအကွာတွင်သာ ရှိနေသဖြင့် သူ မမေးဘဲ မနေနိုင်ခဲ့ပေ။</p> <p>"အကြောင်းရင်းကို ပြောရမယ် ဆိုရင်တော့... လွန်ခဲ့တဲ့ နှစ်လေးဆယ်က ဟွာရှက လျှို့ဝှက်ချက်နဲ့ ပတ်သက်နေသင့်တယ်..."</p> <p>ရီချင်ရှင်း အမှန်တကယ်ပင် အခက်တွေ့နေပုံရသော်လည်း သူမ၏ လေသံအရ သူမကိုယ်တိုင် ခန့်မှန်းနေပုံ ရပေသည်။ သူမ စဥ်းစားလိုက်၏။ <br /> "အဲဒီအချိန်တုန်းက မင်းရဲ့ လင်းမိသားစုဝင်တွေက ခွန်လွန်ကို သွားခဲ့ကြတယ်... အဲဒီနောက်မှာ ဘာသတင်းမှ ထွက်မလာတော့ဘူး... သူတို့ တကယ် ဝင်သွားလား မဝင်သွားလား ဆိုတာကို ရှုတောင်တန်းက ငါတို့ အပါအဝင် ဘယ်သူမှ ဒီနေ့အထိ အတည်မပြုနိုင်သေးဘူး..."</p> <p>"ဒါပေမဲ့ နောက်ပိုင်း ကိစ္စတွေအရ ကြည့်ရရင် သူတို့ထဲက တချို့ ဝင်သွားလောက်တယ်... ဘာလို့လဲဆိုတော့ ဆယ်နှစ်ကြာပြီးနောက်မှာ ဟွာရှ ကျင့်ကြံခြင်းလောကရဲ့ ခေါင်းဆောင်တွေ အားလုံးက သတင်းစကား တစ်ခု လက်ခံရရှိခဲ့ကြတယ်... အဲဒါကို အမိန့်တစ်ခုလို့လည်း ခေါ်လို့ရတယ်... ဘယ်ကျင့်ကြံခြင်းဂိုဏ်းကမှ မင်းတို့ လင်းမိသားစုဝင် တစ်ယောက်ကိုမှ တပည့်အဖြစ် လက်မခံရဘူး ဆိုပြီးတော့ ပြောထားတာပဲ..."</p> <p>"အဲဒီ သတင်းစကား ထွက်လာပြီးနောက် နောက်ထပ် ခြောက်နှစ် ကြာတဲ့အခါ သတင်းအချက်အလက် အသစ် ထပ်ရောက်လာတယ်... တကယ်တော့ အဓိက ကျင့်ကြံခြင်းဂိုဏ်းတွေ အားလုံးကို လင်းမိသားစုက ကျင့်ကြံသူ တစ်ယောက်ယောက် ပေါ်လာတာ မြင်တာနဲ့ သနားညှာတာမှု မရှိဘဲ သတ်ပစ်ဖို့ တောင်းဆိုခဲ့ပြီး ခွန်လွန်က ရက်ရောတဲ့ ဆုလာဘ်တွေ ပေးမယ်လို့ ကမ်းလှမ်းခဲ့တယ်..."</p> <p>"ဆယ်နှစ်... ပြီးတော့ ခြောက်နှစ်..."</p> <p>လင်းရန် ဂရုတစိုက် နားထောင်ရင်း သူ့ မျက်လုံးများတွင် အလင်းများ လက်သွားသည်။ သူ စိတ်ထဲ၌ အချိန်ကို တိတ်တဆိတ် တွက်ချက်လိုက်ပြီး ခေါင်းတိတ်တဆိတ် ညိတ်လိုက်၏။</p> <p>လွန်ခဲ့သော နှစ်လေးဆယ်က လင်းမိသားစုဝင် နှစ်ဆယ်ကျော် ခွန်လွန်သို့ ဝင်ရောက်ပြီးနောက် အချိန်ကြာလာသည်နှင့်အမျှ သူတို့က ခွန်လွန်ကို တုန်လှုပ်စေလောက်သည့် အံ့အားသင့်ဖွယ်ရာ တစ်ခုခုကို လုပ်ဆောင်ခဲ့ပြီး ယင်းကြောင့် ခွန်လွန်က လင်းမိသားစုအပေါ် ဖိနှိပ်မှုကို ပိုမို ပြင်းထန်လာစေခဲ့မှန်း သူ သိလိုက်သည်။ မိသားစု၏ အမွေအနှစ်ကို အသက်သွင်းခဲ့ပြီး လင်းမိသားစု၏ မျိုးဆက်သွေး စွမ်းအား နိုးထလာခဲ့ပြီ ဖြစ်သည်။</p> <p>အခြား အကြောင်းရင်း မရှိနိုင်ပေ။ လင်းမိသားစု၏ ကျင့်ကြံခြင်းနည်းလမ်းမှာ လောကဦး ရွှမ်ဟောင် ( နက်ဝါရောင် ) ကျင့်စဥ် ဖြစ်၏။ ထိုသည်မှာ အမှန်တကယ် အားကောင်းသော ကျင့်ကြံခြင်းနည်းလမ်း တစ်ခု ဖြစ်ကြောင်း လင်းရန်  ယခု အတည်ပြုထားပြီး ဖြစ်သော်လည်း လောကဦး ရွှမ်ဟောင် ကျင့်စဥ် နှင့် လင်းမိသားစု၏ ဘိုးဘွားအမွေအနှစ် ဖြစ်သော ဝိညာဥ်နတ်ဘုရားမိုးမခတို့က ဆက်စပ်နေချေသည်။ အကယ်၍ ဝိညာဥ်နတ်ဘုရားမိုးမခသာ ပြန်လည် မရှင်သန်လာခဲ့ပါမူ လောကဦး ရွှမ်ဟောင် ကျင့်စဥ် ကို ရှေးဟောင်း သိုင်းပညာရပ် တစ်ခု အဖြစ်သာ ကျင့်ကြံနိုင်မည် ဖြစ်သည်။ လင်းမိသားစုဝင်များ၏ ကျင့်ကြံဆင့် မည်မျှပင် မြင့်မားသည် ဖြစ်စေ သူတို့ကို အမှန်တကယ် ကျင့်ကြံသူများဟု သတ်မှတ်၍ မရနိုင်ပေ။</p> <p>အမွေအနှစ်ကို အသက်သွင်းပြီးနောက် ဆယ်နှစ်အတွင်း လင်းမိသားစု၏ ထက်မြက်သော ရှေ့ဆောင်များ၏ ပါရမီနှင့် နားလည်နိုင်စွမ်းဖြင့် တစ်စုံတစ်ယောက်သည် ရွှေအမြုတေအဆင့်သို့ ရောက်ရှိရန် အလွန် ဖြစ်နိုင်ချေ ရှိသည်။ ထို့နောက် ခြောက်နှစ်ကြာလျှင်ကော...</p> <p>အခြေတည်ဝိညာဥ် အဆင့်လား။</p> <p>လင်းရန် ထိုသို့ တွေးနေရင်း သူ့ နှုတ်ခမ်းထောင့်တွင် အပြုံးတစ်ခု မထိန်းနိုင်ဘဲ ပေါ်လာသည်။ အကယ်၍ သူ မျှော်လင့်ထားသည့် အတိုင်းသာ မှန်ကန်ပါက လင်းမိသားစုမှ အခြေတည်ဝိညာဥ် အဆင့် ကျင့်ကြံသူ နှစ်ဆယ်ကျော် ဆိုလျှင် ခွန်လွန်ကို မတုန်လှုပ်စေပါက အံ့ဩစရာပင် ဖြစ်ပေလိမ့်မည်။</p> <p>အခြေတည်ဝိညာဥ် ကျင့်ကြံသူ နှစ်ဆယ်ကျော်... ထိုသို့သော အင်အားက ကြီးကျယ်သော ကျင့်ကြံခြင်းလောကတွင်ပင် ကြောက်မက်ဖွယ် ကောင်းသည်ဟု သတ်မှတ်နိုင်ပေသည်။</p> <p>ဟုတ်ပေသည်။ လင်းရန် ထိုအတွေးများက လက်တွေ့မကျမှန်းတော့ သိချေသည်။ အဘယ်ကြောင့်ဆိုသော် ခွန်လွန်ရှိ လင်းမိသားစုသာ အလုံအလောက် အားကောင်းပါက သူတို့က ဟွာရှ လောကီဘုံရှိ လင်းမိသားစုကို ချေမှုန်းခံရရန် သေချာပေါက် ခွင့်ပြုမည် မဟုတ်သောကြောင့်ပင်။</p> <p>ထို့ကြောင့် လွန်ခဲ့သော နှစ်လေးဆယ်က လင်းမိသားစုမှ ထိုလူများ ခွန်လွန်သို့ ဝင်ရောက်စဉ် သို့မဟုတ် ခွန်လွန်သို့ ဝင်ရောက်ပြီးနောက် အဖွဲ့ဝင် အများအပြား ဆုံးရှုံးခဲ့ခြင်း သို့မဟုတ် ကြီးမားသော ဆုံးရှုံးမှုများ ဖြစ်ပေါ်စေသည့် ပျက်စီးစေသော ထိုးနှက်ချက်ကို ခံစားခဲ့ရခြင်း ဖြစ်ရပေမည်။</p> <p>ထိုသို့ တွေးမိသောအခါ လင်းရန်၏ မျက်နှာအမူအရာလည်း မလွှဲမရှောင်သာဘဲ တစ်ဖန် လေးနက်သွားပြန်သည်။</p> <p>"ဘာတွေ စဉ်းစားနေတာလဲ..."</p> <p>ရီချင်ရှင်း လင်းရန်၏ မျက်လုံးများ တဖျပ်ဖျပ် လက်နေပြီး တစ်ခါတစ်ရံ ပြုံးလိုက် တစ်ခါတစ်ရံ လေးနက်သွားလိုက် ဖြစ်နေသည်ကို သတိပြုမိပြီး မမေးဘဲ မနေနိုင် ဖြစ်သွားသည်။</p> <p>"ဪ... ဘာမှမဟုတ်ပါဘူး ဒေါ်လေးရီ... ကျွန်တော်တို့ လင်းမိသားစုက ရှေးဟောင်း သိုင်းမိသားစု တစ်ခုပါ... ဘာလို့ ခွန်လွန်က ကျွန်တော်တို့ကို ဒီလောက် အလေးထားပြီး ဒီလောက် ဖိနှိပ်ရတာလဲလို့ စဉ်းစားနေတာပါ..."</p> <p>လင်းရန် မကျေမနပ် ဟန်ဆောင်ပြီး နာကြည်းစွာ ပြောလိုက်သည်။</p> <p>ရီချင်ရှင်း လှပသော မျက်လုံးများဖြင့် လင်းရန်ကို တစ်ချက် ကြည့်လိုက်ပြီး အေးဆေးစွာ မေးလိုက်သည်။ "ရှေးဟောင်း သိုင်းမိသားစု ဟုတ်လား... အခုရော ဟုတ်သေးလို့လား..."</p> <p>လင်းရန် မျက်နှာ ချက်ချင်း ရှက်သွေးဖြန်းသွားလေသည်။ လိမ်ညာမှု တစ်ခုတွင် ဖော်ထုတ်ခံရသည့် ခံစားချက်မှာ အမှန်တကယ် မနှစ်မြို့ဖွယ် ကောင်းလှပေ။ သူ ခေါင်းကို အဆင်မပြေစွာ ကုတ်လိုက်ပြီး ရယ်ကျဲကျဲဖြင့် ပြောလိုက်၏။ "ဒေါ်လေးရီ... မြင်ထားတာကို ဖော်ထုတ်မနေပါနဲ့တော့..."</p> <p>"ဟင်း..."</p> <p>ရီချင်ရှင်း လင်းရန်၏ အမူအရာကြောင့် မနေနိုင်ဘဲ ရယ်မောလိုက်မိသည်။ သူမ ခေါင်းခါလိုက်ပြီး ကူကယ်ရာမဲ့စွာ ပြောလိုက်၏။ "အင်း... အဲဒါကြောင့်ပဲ လေးနှစ်ကြာပြီးနောက်... ဒါမှမဟုတ် ပိုတိတိကျကျ ပြောရရင် အဲဒီနောက် ငါးနှစ်အကြာ... အခုဆို လွန်ခဲ့တဲ့ တစ်ဆယ့်ရှစ်နှစ်ပေါ့... မင်းမိဘတွေရဲ့ ကိစ္စကြောင့် ခွန်လွန်က အခွင့်အရေးကို ဆုပ်ကိုင်လိုက်တယ်... သူတို့ အမိန့်ထုတ်ပြန်လိုက်ပြီး ခွန်လွန်ဓားဂိုဏ်းရဲ့ ပူးတွဲ ဦးဆောင်မှုအောက်မှာ ဟွာရှသိုင်းလောကရဲ့ ဖြောင့်မတ်တဲ့ ဂိုဏ်းတွေက လင်းမိသားစုကို ပူးပေါင်း တိုက်ခိုက်ခဲ့ကြတယ်... အဲဒါက လွန်ခဲ့တဲ့ တစ်ဆယ့်ရှစ်နှစ်က လူသိရှင်ကြား ဖြစ်ရပ်ပဲ..."</p> <p>ထိုစကားကို ကြားသောအခါ လင်းရန် လွန်ခဲ့သော တစ်ဆယ့်ရှစ်နှစ်က လင်းမိသားစု၏ လူသိရှင်ကြား ဖြစ်ရပ်ကို အပြည့်အဝ နားလည်သွားပြီး လွန်ခဲ့သော နှစ်လေးဆယ်က ဟွာရှ၏ လျှို့ဝှက်ချက်ကိုပင် အကြို ရှုမြင်ခွင့် ရလိုက်သည်။ သူ စဥ်းစားလိုက်၏။ <br /> "ဒါဆို ဒီကိစ္စ တစ်ခုလုံးရဲ့ တကယ့် အကြောင်းရင်းက လွန်ခဲ့တဲ့ နှစ်လေးဆယ်က အဲဒီ လင်းမိသားစုဝင်တွေ ခွန်လွန်ထဲ ဝင်သွားတာကြောင့်ပေါ့... ပြီးတော့ ခွန်လွန်က အဲဒီနောက် နှစ်နှစ်ဆယ်အတွင်းမှာ ကျွန်တော့် လင်းမိသားစုကို ပစ်မှတ်ထားဖို့ အမိန့် သုံးခု ဆက်တိုက် ထုတ်ပြန်ခဲ့တယ်... နောက်ဆုံး အမိန့်ကြောင့် ကျွန်တော့် လင်းမိသားစု တစ်ခုလုံး နီးပါး မျိုးတုံးသွားပြီးမှ သူတို့ ရပ်တန့်ခဲ့တာလား..."</p> <p>လွန်ခဲ့သော နှစ်လေးဆယ်က လင်းမိသားစု ခွန်လွန်သို့ ဝင်ရောက်ခြင်းက အကြောင်းရင်း ဖြစ်ပြီး၊ လွန်ခဲ့သော တစ်ဆယ့်ရှစ်နှစ်က လင်းမိသားစု မျိုးတုံးလုနီးနီး အသတ်ခံရခြင်းက အကျိုးဆက် ဖြစ်သည်။ လင်းမိသားစုနှင့် ဖြစ်ပျက်ခဲ့သမျှ အရာအားလုံးက ခွန်လွန်ကြောင့်ပင်။</p> <p>"အတိအကျပဲ..."</p> <p>ရီချင်ရှင်း ပြုံးလျက် ခေါင်းညိတ်လိုက်သည်။ ထို့နောက် သူမ ဆက်ပြောလိုက်၏။ "ဒါကြောင့် လွန်ခဲ့တဲ့ ဆယ်စုနှစ် အနည်းငယ်အတွင်း မင်းတို့ လင်းမိသားစုကို တကယ် ဖိနှိပ်ခဲ့တာက ခွန်လွန်ပဲ... မင်းတို့ လင်းမိသားစု ထွန်းတောက်လာမှာကို တားဆီးခဲ့တာက ခွန်လွန်ပဲ... လွန်ခဲ့တဲ့ တစ်ဆယ့်ရှစ်နှစ်က ဖြစ်ရပ်ကတော့ အခွင့်ကောင်းယူလိုက်တာ သက်သက်ပဲ..."</p> <p>"ဘာလို့လဲဆိုတော့ ခွန်လွန်က လောကီရေးရာတွေမှာ ကိုယ်တိုင် ဝင်ရောက် စွက်ဖက်လို့ မရဘူး... မဟုတ်ရင် လွန်ခဲ့တဲ့ တစ်ဆယ့်ရှစ်နှစ်အထိ စောင့်နေမှာ မဟုတ်ဘူး... မင်းတို့ လင်းမိသားစုက လွန်ခဲ့တဲ့ အနှစ်သုံးဆယ်ကျော်ကတည်းက မျိုးတုံးသွားလောက်ပြီ..."</p> <p>"လွန်ခဲ့တဲ့ တစ်ဆယ့်ရှစ်နှစ်က မင်းတို့ မိသားစုရဲ့ လူသိရှင်ကြား ဖြစ်ရပ်ကို ခွန်လွန်က နောက်ကွယ်ကနေ စီစဥ်ခဲ့တာ... ခွန်လွန်ဓားဂိုဏ်းက ဦးဆောင်ပြီး ဖြောင့်မတ်တဲ့ သိုင်းဂိုဏ်းတွေက တစ်ခုပြီးတစ်ခု တုံ့ပြန်ခဲ့ကြတယ်... ရှုတောင်တန်းက ရီမိသားစုကို ဝင်မစွက်ဖက်ဖို့ တားမြစ်ခဲ့ပြီး ရီ မိသားစုကလည်း အခွင့်အရေးယူပြီး ထွန်းတောက်လာချင်ခဲ့တယ်... လုံမိသားစုက တိတ်တဆိတ် မီးလောင်ရာလေပင့် လုပ်ခဲ့တယ်... အဲဒါတွေ အားလုံးက နောက်ဆုံးမှာ မင်းတို့ လင်းမိသားစုကို လုံးဝ မျိုးတုံးလုနီးပါး ဖြစ်သွားစေခဲ့တာပဲ..."</p> <p>ရီချင်ရှင်း နောက်ဆုံးတွင် အနှစ်ချုပ် ပြောလိုက်ရာ ယင်းက လွန်ခဲ့သော တစ်ဆယ့်ရှစ်နှစ်က လင်းမိသားစု၏ လူသိရှင်ကြား ဖြစ်ရပ် ဇာတ်လမ်း အပြည့်အစုံပင် ဖြစ်ပေသည်။</p> <p>"ဒေါ်လေးရီ... လုံမိသားစုက တိတ်တဆိတ် မီးလောင်ရာလေပင့် လုပ်ခဲ့တယ် ဆိုရင် ဘာလို့ သူတို့က နောက်ဆုံးမှာ ကျွန်တော့် လင်းမိသားစုကို ကယ်တင်ခဲ့တာလဲ..."</p> <p>ထိုကိစ္စနှင့် ပတ်သက်၍ လင်းရန်တွင် မသဲမကွဲ အဖြေတစ်ခု ရှိနေပြီးသား ဖြစ်သည်။ သူ ရလဒ်ကို အတည်ပြုလိုခြင်းသာ ဖြစ်၏။</p> <p>"အဲဒီတုန်းက မင်းတို့ လင်းမိသားစုက ဟွာရှမှာ ဘယ်လောက် အားကောင်းခဲ့လဲ... ပြီးတော့ အရင်းအမြစ် ဘယ်လောက် ထိန်းချုပ်ထားလဲ ဆိုတာ မင်း သိသင့်ပါတယ်... တကယ်လို့ တစ်ကြိမ်တည်းနဲ့ မျိုးတုံးသွားခဲ့ရင် ပထမဆုံး အနေနဲ့ သက်ရောက်မှုက အရမ်း ကြီးမားသွားလိမ့်မယ်... ဟွာရှမှာ ပရမ်းပတာ အခြေအနေကြီး ဖြစ်သွားနိုင်တယ်... အဲဒါက လုံမိသားစု လုံးဝ မလိုလားတဲ့ အရာပဲ..."</p> <p>ထိုနေရာတွင် ရီချင်ရှင်းက လင်းရန်ကို မော့ကြည့်ပြီး မေးလိုက်သည်။ "ဥပမာ ပြောရရင် မင်း အခု အလုံအလောက် အားကောင်းနေပြီ... ပြီးတော့ နောက်ခြောက်လမှာ သေချာပေါက် ပိုအားကောင်းလာလိမ့်မယ်... မင်း တစ်ယောက်တည်းနဲ့ လုံမိသားစုကို ချေမှုန်းနိုင်လောက်တယ်... အဲဒီအခါကျရင် မင်း လုံမိသားစု တစ်ခုလုံးကို မျိုးတုံးပစ်မှာလား..."</p> <p>လင်းရန် ပြတ်သားစွာ ခေါင်းခါလိုက်သည်။ "လုံးဝ မလုပ်ဘူး... အဲဒီလို လုပ်စရာ မလိုဘူးလေ..."</p> <p>ရီချင်ရှင်း ကျေနပ်စွာ ခေါင်းညိတ်လိုက်သည်။ "ဟုတ်တယ်... အဲဒီ အဓိပ္ပာယ်ပဲ... တကယ် လုပ်စရာ မလိုဘူး..."</p> <p>"ဒုတိယ အချက်က လုံမိသားစုက လင်းမိသားစုကို ကယ်တင်ဖို့ ဝင်ပါခဲ့တဲ့ အတွက် လင်းမိသားစုရဲ့ အရင်းအမြစ်တွေကို ခွဲဝေတဲ့ လုပ်ငန်းစဥ်မှာ သူတို့က သဘာဝကျကျ အရင်းအမြစ်နဲ့ နီးစပ်တဲ့ အားသာချက် ရသွားတယ်... ဒါ့အပြင် လင်းမိသားစုက လုံမိသားစုကို သေချာပေါက် ကျေးဇူးတင်မှာ ဖြစ်ပြီး လင်းမိသားစုက အရင်းအမြစ် အများဆုံးကို လုံမိသားစုကို မတောင်းဘဲနဲ့တောင် ပေးမှာပဲ..."</p> <p>"တတိယ တစ်ချက်လည်း ရှိသေးတယ်... အဲဒီနှစ်က မင်းတို့ လင်းမိသားစု တစ်ခုတည်း ဒုက္ခရောက်ခဲ့တာ မဟုတ်ဘူး... ချင်မိသားစုလည်း ပါတယ်... ဖြစ်ရပ်နှစ်ခုက လဝက်လောက်ပဲ ခြားတယ်... မင်းတို့ မိသားစု နှစ်ခုလုံး ပြိုလဲသွားခဲ့ရင် လုံမိသားစုက မလွှဲမရှောင်သာ တစ်ဦးတည်း အာဏာစက် ဖြစ်လာပြီး လူအများရဲ့ ပစ်မှတ် ဖြစ်လာလိမ့်မယ်... လုံမိသားစုက အားကောင်းရင်တောင် သူတို့ မကိုင်တွယ်နိုင်တော့ဘူး... အဲဒီအခါကျရင် ဟွာရှက တကယ် ပရမ်းပတာ ဖြစ်သွားပြီး လုံမိသားစုက အဲဒီ တာဝန်ကို မထမ်းနိုင်ဘူး..."</p> <p>"ဒါတွေက အဲဒီတုန်းက ဟွာရှမှာ ဖြစ်ခဲ့တဲ့ လူသိရှင်ကြား ဖြစ်ရပ်နှစ်ခု... လင်းမိသားစုနဲ့ ချင်မိသားစု... နောက်ဆုံးမှာ ဘေးအန္တရာယ်ကနေ လွတ်မြောက်နိုင်ခဲ့တဲ့ အကြောင်းရင်းတွေပဲ..."</p> <p>လင်းရန် အလွန် တုန်လှုပ်သွားသည်။ သူ ကြောင်တောင်တောင်ဖြင့် မေးလိုက်သည်။ "ဒေါ်လေးရီ... ဒီအရာတွေ အားလုံးကို ဒေါ်လေးကိုယ်တိုင် သုံးသပ်ခဲ့တာလား..."</p> <p>ရီချင်ရှင်း တိုက်ရိုက် ခေါင်းခါလိုက်သည်။ "ငါ မဟုတ်ဘူး... ရီချင်ဖုန်း..."</p> <p>လင်းရန် ရီ မိသားစု၏ လက်ရှိ အကြီးအကဲအပေါ် အမြင်သစ်တစ်ခု ချက်ချင်း ရရှိသွားလေသည်။</p> <p>"ရှုတောင်တန်းကရော... ဟွာရှမှာ ဒီလောက် ကြီးမားတဲ့ ဖြစ်ရပ်နှစ်ခု ဖြစ်ပွားခဲ့တာ... ကောလာဟလတွေ အရ ဆိုရင် ရှုတောင်တန်းက ဟွာရှ ကျင့်ကြံခြင်းဂိုဏ်းတွေရဲ့ ခေါင်းဆောင်လို့ လူသိများတယ်... ဘာလို့ သူတို့က လျစ်လျူရှုနေခဲ့တာလဲ..."</p> <p>ခွန်လွန်နှင့် လုံမိသားစု အကြောင်း မေးပြီးနောက် လင်းရန် ရှုတောင်တန်း အကြောင်းကို မေးလိုက်သည်။ အဖြေရရန် သူ ရှုတောင်တန်းကို သိမ်မွေ့စွာ မြှောက်ပင့်လိုက်၏။ အဘယ်ကြောင့်ဆိုသော် ရီချင်ရှင်းက ရှုတောင်တန်းမှ ဓားကျင့်ကြံသူ တစ်ဦး ဖြစ်သောကြောင့်ပင်။</p> <p>"ကောင်စုတ်လေး... ငါ့ကို မြှောက်ပင့်မနေနဲ့... အမှန်အတိုင်း ပြောရရင် ရှုတောင်တန်းက ရှေးပဝေသဏီကတည်းက ဟွာရှကို စောင့်ရှောက်ခဲ့ပေမဲ့ မိစ္ဆာတွေကို နှိမ်နင်းပြီး မကောင်းဆိုးဝါးတွေကို ဖယ်ရှားဖို့ တာဝန်ယူခဲ့တာ မှန်တယ်... လောကမှာ ကပ်ဘေးကြီး တစ်ခု မဖြစ်သ၍ ရှုတောင်တန်းက လူတွေ ပေါ်လာမှာ မဟုတ်ဘူး..."</p> <p>ရီချင်ရှင်း ထောင်ချောက်ထဲ မဝင်ဘဲ ချက်ချင်း ပြန်လည် ချေပလိုက်သည်။</p> <p>"ဪ... ဒါဆို ဒီည ခွန်လွန်ကနေ လာတဲ့ အင်မော်တယ်သခင် နှစ်ယောက်က ကျွန်တော့်အတွက် သီးသန့် လာခဲ့ကြတာ ဖြစ်ရမယ်... ကျွန်တော့် ကျင့်ကြံဆင့်နဲ့ နည်းလမ်းကို စစ်ဆေးဖို့... ပြီးတော့ ကျွန်တော့် ခွန်အားကို အကဲဖြတ်ဖို့ပေါ့... တကယ်လို့ ကျွန်တော်က သူတို့ ပြိုင်ဘက် မဟုတ်ခဲ့ရင်..."</p> <p>ရီချင်ရှင်း ပြတ်သားစွာ ပြောလိုက်သည်။ "မင်း ဒီည သေသွားလောက်ပြီ..."</p> <p>"ငါက ကျန်းခွန်လွန်နဲ့ လီခွန်လွန်ထဲက တစ်ယောက်ကိုပဲ တားနိုင်တယ်... မင်းက သူတို့ထဲက တစ်ယောက်ကို မနိုင်ခဲ့ရင် သူတို့က ငါ့ရဲ့ တားဆီးမှုကို ဂရုမစိုက်ဘဲ မင်းကို နေရာမှာတင် သတ်ပစ်မှာ သေချာတယ်..."</p> <p>လင်းရန် အနည်းငယ် ပြုံးလိုက်သည်။ ယခု သူက လင်းမိသားစု၏ အကြီးမားဆုံး ရန်သူ၊ အမှန်တကယ်တော့ သူတို့၏ တကယ့် ရန်သူမှာ ခွန်လွန်မှလွဲ၍ အခြား မည်သူမျှ မဟုတ်ကြောင်း နောက်ဆုံးတွင် သေချာသွားပြီ ဖြစ်သည်။</p> <p>သို့ဖြစ်ရာ သူ့တွင် နောက်ဆုံး မေးခွန်း တစ်ခုသာ ကျန်တော့သည်။</p> <p>"ဒေါ်လေးရီ... ခွန်လွန်က ဘယ်မှာလဲ..."</p> <p>သူ အံ့ဩသွားသည်မှာ ရီချင်ရှင်း၏ လှပသော မျက်လုံးများ ကျယ်သွားခြင်းပင်။ <br /> "အဲဒီ မေးခွန်းကို အခု လုံးဝ မစဉ်းစားနဲ့... ခွန်လွန်ဝင်ပေါက် အကြောင်း ငါကိုယ်တိုင် သိပ်မရှင်းဘူး... ပြီးတော့ ငါ သိခဲ့ရင်တောင် မင်းကို အလကား သေဖို့ အဲဒီကို သွားခွင့်ပြုမှာ မဟုတ်ဘူး..."</p> <p>"..."</p> <p>လင်းရန် စကားမဲ့သွားသည်။ သူ ချက်ချင်း စိတ်ပြောင်းလိုက်ပြီး ထပ်မေးလိုက်၏။ "ဒါဆို ခွန်လွန်က တကယ်တမ်း ဘာကြီးလဲ... ကျင့်ကြံခြင်းဂိုဏ်းလား... မြင့်မြတ်ကုန်းမြေလား... ကမ္ဘာငယ် တစ်ခုလား... ကြီးမားတဲ့ လျှို့ဝှက်နယ်မြေ တစ်ခုလား..."</p> <p>ရီချင်ရှင်း လင်းရန်၏ အဆက်မပြတ်သော မေးခွန်းထုတ်မှုကြောင့် အတော်လေး ကူကယ်ရာမဲ့သွားသည်။ သူမ အခက်တွေ့နေပုံရပြီး တုံ့ဆိုင်းနေ၏။ <br /> "ငါ အခု မင်းကို ပြောပြနိုင်တာ တစ်ခုပဲ ရှိတယ်... အဲဒါက ကျင့်ကြံသူတိုင်း တောင့်တတဲ့ ကျင့်ကြံခြင်း နေရာ တစ်ခုပဲ..."</p> <p>"ကျန်တာတွေကတော့ မင်း ချီစုစည်းခြင်း အဆင့် နှောင်းပိုင်းကို ရောက်တာနဲ့ ငါ မင်းကို အသေးစိတ် ရှင်းပြနိုင်တယ်... ဘာပဲဖြစ်ဖြစ် မင်းက ကျင့်ကြံတာ အရမ်းမြန်တာပဲ... အများဆုံး လအနည်းငယ်ပဲ ကြာမှာပါ..."</p> <p>"ကောင်းပါပြီ..."</p> <p>လင်းရန် လက်လျှော့ရုံမှတပါး အခြား ရွေးချယ်စရာ မရှိတော့ပေ။ သူ နောက်ဆုံးတွင် ရီချင်ရှင်းကို စိုက်ကြည့်လိုက်ပြီး အပြစ်ကင်းသော အကြည့်မျိုးဖြင့် ပြောလိုက်သည်။ <br /> "ကျေးဇူးတင်ပါတယ် ဒေါ်လေးရီ... ကျွန်တော့်ကို ဒီလျှို့ဝှက်ချက်တွေ ပြောပြတဲ့ အတွက်ပါ... ဒေါ်လေးက တကယ် ကြင်နာတတ်တာပဲ..."</p> <p>ရီချင်ရှင်း ချိုသာစွာ ပြုံးလိုက်သည်။ သူမ စကားမပြောဘဲ သူမ၏ ကျောက်စိမ်းကဲ့သို့သော လက်ကို မြှောက်လိုက်ပြီး လင်းရန်၏ ပခုံးကို ညင်သာစွာ ပုတ်လိုက်၏။</p> <p>အခန်း ၁၅၃၇ ပြီး</p> <p> </p> <p> </p> <p> </p> <p style="text-align: center;">***</p>


Save