Book List

<h2 style="text-align: center;">အခန်း (၂၀၂) ဟိန်းဟောက် မေးမြန်းခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"ကျွန်တော်ကိုယ်တိုင်ပဲ စိန်ခေါ်စာ သွားပေးရမှာလား..." ချန်ဖေးက တိုးညှင်းသော လေသံဖြင့် မေးလိုက်သည်။</p> <p>"ဟုတ်တယ်... အကယ်၍ တစ်ဖက်လူက လက်ခံတယ် ဆိုရင်တော့ မင်းတို့ နှစ်ယောက်စလုံး အစစ်အမှန်တပည့် ခန်းမကို လာပြီး ဒီကိစ္စကို အတည်ပြုရမှာ ဖြစ်တယ်..."</p> <p> </p> <p> </p> <p>တာဝန်ကျ တပည့်က ခေါင်းညိတ်ပြရင်း ချန်ဖေးကို စပ်စုလိုသော မျက်လုံးများဖြင့် ကြည့်ကာ မေးလိုက်၏။ "မင်းက ဘယ်အစစ်အမှန် တပည့်ကို စိန်ခေါ်ဖို့ ရည်ရွယ်ထားတာလဲ..."</p> <p> </p> <p> </p> <p>ချန်ဖေး ခေတ္တမျှ စဉ်းစားလိုက်ပြီး ပြုံးလျက် ပြန်ဖြေလိုက်သည်။ "ကျန်ကျိုက်ဝမ် ပါ..."</p> <p>တာဝန်ကျ တပည့်၏ မျက်လုံးများမှာ ပြူးကျယ်သွားပြီး ချန်ဖေးကို မယုံကြည်နိုင်သလို စိုက်ကြည့်နေမိ၏။ ကျန်ကျိုက်ဝမ်မှာ အစစ်အမှန် တပည့်များအကြားတွင် အဆင့် ၁၀ ရှိသူ ဖြစ်သည်။</p> <p> </p> <p> </p> <p>နံပါတ် ၁၀ အဆင့်အထိ စိန်ခေါ်နိုင်သည်ဟု သူ ပြောခဲ့သော်လည်း ချန်ဖေးက ထိုသူကို အမှန်တကယ် စိန်ခေါ်လိမ့်မည်ဟု သူ မထင်မှတ်ခဲ့ပေ။ အဆင့် ၉၈ မှ အဆင့် ၁၀ သို့ ခုန်တက်ခြင်းမှာ အဆင့်ပေါင်း ရှစ်ဆယ်နီးပါး ကွာခြားနေသည် မဟုတ်ပါလား။</p> <p> </p> <p> </p> <p>၎င်းမှာ အဆင့်သတ်မှတ်ချက် တစ်ခုတည်းတင် မကဘဲ ခွန်အားချင်း ကွာခြားမှုမှာလည်း အလွန်ပင် ကြီးမားလှပေသည်။ ယွမ်ချန် ဓားဂိုဏ်း ၏ အစစ်အမှန် တပည့်များမှာ များပြားလှပြီး အများစုမှာ ထိုနေရာကို နှစ်ပေါင်းများစွာ ထိန်းသိမ်းထားနိုင်သူများ ဖြစ်ကြ၏။</p> <p> </p> <p> </p> <p>အထူးသဖြင့် ထိပ်ဆုံး ၁၀ ဦးမှာ အစစ်အမှန် တပည့် ကျင့်စဉ်များကို ကြာမြင့်စွာကတည်းက ကျင့်ကြံလာခဲ့ကြသူများ ဖြစ်သည်။</p> <p>သူတို့၏ ကျင့်ကြံမှု အဆင့်ရော တိုက်ခိုက်မှု စွမ်းအားပါ အခြားသော အစစ်အမှန် တပည့်များထက် များစွာ သာလွန်လှပေသည်။</p> <p> </p> <p> </p> <p>ချန်ဖေးကဲ့သို့ အသစ်တက်လာသော အစစ်အမှန် တပည့်တစ်ဦး၏ ခွန်အားမှာ ပွင့်ပွင့်လင်းလင်း ပြောရလျှင် အားနည်းသည့် အဆင့်၌သာ ရှိနေသေး၏။ အစစ်အမှန် တပည့် ကျင့်စဉ်များကို ရရှိထားလျှင်ပင် လအနည်းငယ်သာ ရှိသေးသဖြင့် ဉာဏ်နှေးသူများဆိုလျှင် အခြေခံကိုပင် နားလည်ဦးမည် မဟုတ်ပေ။</p> <p> </p> <p> </p> <p>သဘာဝကျကျပင် ချန်ဖေး၏ ခွန်အားမှာ သာမန် အတွင်းကလီစာ သန့်စင်ခြင်း အဆင့်ရှိ ကျင့်ကြံသူများထက် များစွာ သာလွန်ကြောင်း လွန်ခဲ့သော တိုက်ပွဲတွင် သက်သေပြခဲ့ပြီး ဖြစ်သည်။ ၎င်းကို ကြည့်ခြင်းအားဖြင့် ချန်ဖေး၏ တိုက်ခိုက်မှု စွမ်းအားမှာ အစစ်အမှန် တပည့်များအကြားတွင် အနည်းဆုံး အဆင့် ၆၀ သို့မဟုတ် ၇၀ ဝန်းကျင်တွင် ရှိနိုင်ပေသည်။</p> <p> </p> <p> </p> <p>ဤအဆင့်မှာပင် အသစ်တက်လာသူ တစ်ဦးအတွက် မှတ်သားလောက်စရာ ဖြစ်သော်လည်း ကျန်ကျိုက်ဝမ်နှင့် ယှဉ်လျှင်တော့ များစွာ ကွာခြားနေဆဲ ဖြစ်၏။ လွန်ခဲ့သော တိုက်ပွဲတွင် သူ အနိုင်ယူခဲ့သည့် ပြိုင်ဘက် ၉ ဦးမှာ အတွင်းကလီစာ သန့်စင်ခြင်း အဆင့် အစောပိုင်း၌သာ ရှိကြပြီး သာမန် ကျင့်စဉ်များကိုသာ ကျင့်ကြံထားကြသူများ ဖြစ်သည်။</p> <p> </p> <p> </p> <p>အစစ်အမှန် တပည့်များ၊ အထူးသဖြင့် နှစ်ပေါင်းများစွာ ကျင့်ကြံလာသူများ၏ တိုက်ခိုက်မှု စွမ်းအားမှာ အခြား အတွင်းတပည့်များထက် များစွာ သာလွန်လှပေသည်။ ထို့ပြင် ချန်ဖေး၏ အနေအထား၌ အဆင့်တူချင်း စိန်ခေါ်ရမည်ဟူသော စည်းမျဉ်းမှာလည်း အရေးမပါတော့ပေ။</p> <p> </p> <p> </p> <p> </p> <p>အဆင့် ၆၀ သို့မဟုတ် ၇၀ မှ စတင်၍ အစစ်အမှန် တပည့် အားလုံးမှာ အတွင်းကလီစာ သန့်စင်ခြင်း အဆင့် အထွတ်အထိပ်သို့ ရောက်ရှိနေကြပြီ ဖြစ်၏။ အနိမ့်ဆုံးအားဖြင့် နောက်ဆုံး အဆင့်များသို့ ရောက်နေကြပြီး ဒွာရ သန့်စင်ခြင်း အဆင့်သို့ တက်လှမ်းရန် ပြင်ဆင်နေကြသူများ ဖြစ်သည်။</p> <p> </p> <p> </p> <p>သူတို့အကြားတွင် ကွာခြားချက်မှာ မိမိတို့ ရွေးချယ်ထားသည့် အစစ်အမှန် တပည့် ကျင့်စဉ်များအပေါ် နားလည်မှု အနက်အရှိုင်းနှင့် သူတို့ အသုံးပြုသည့် ဝိညာဉ်လက်နက်တစ်ပိုင်းများ၏ စွမ်းအားပေါ်တွင်သာ မူတည်တော့သည်။</p> <p> </p> <p> </p> <p>တာဝန်ကျ တပည့်သည် ချန်ဖေးမှာ နောက်ပြောင်နေခြင်း မဟုတ်ကြောင်း သိရှိလိုက်ရသောအခါ အံ့အားသင့်လွန်းသဖြင့် ဘာပြောရမှန်းပင် မသိတော့ပေ။</p> <p>ချန်ဖေးမှာ မာနကြီးပြီး ကိုယ့်ကိုယ်ကိုယ် ယုံကြည်မှု လွန်ကဲနေသည်ဟု ဆိုနိုင်သော်လည်း သူ ပြသခဲ့သည့် ခွန်အားမှာလည်း ထူးခြားလှပေသည်။</p> <p> </p> <p> </p> <p>သို့သော်လည်း ဤမျှအထိ အဆင့်ကို ကျော်လွှား၍ စိန်ခေါ်ခြင်းမှာတော့ အတော်လေးကို လွန်ကဲနေသည်ဟု ထင်ရ၏။</p> <p>"အမှန်တော့ မင်းအနေနဲ့ အဲဒီလောက်အထိ မြင့်တဲ့သူကို စိန်ခေါ်ဖို့ မလိုပါဘူး... ဆရာတူအကိုကျန်က အတော်လေးကို စိတ်တိုတတ်တဲ့သူဗျ..."</p> <p>တာဝန်ကျ တပည့်က နောက်ဆုံးတွင်တော့ သတိပေးစကား ဆိုလိုက်မိသည်။</p> <p> </p> <p> </p> <p>ကျန်ကျိုက်ဝမ်၏ စိတ်ဓာတ်မှာ အတော်လေးကို ပြင်းထန်ပြီး မာနကြီးသူ တစ်ဦး ဖြစ်၏။</p> <p>ကျန်ကျိုက်ဝမ်သည် အဆင့် ၁၀ နေရာကို ကြာမြင့်စွာ ထိန်းသိမ်းထားနိုင်သော်လည်း ထိုထက် မြင့်မားသော အဆင့်သို့ တက်လှမ်းရန် ခဲယဉ်းနေသူ ဖြစ်သည်။</p> <p> </p> <p> </p> <p>ဤသည်က သူ့ကို အခြားသူများ၏ စိန်ခေါ်မှုကို ခဏခဏ ခံရသည့် အနေအထားသို့ ရောက်ရှိစေခဲ့၏။</p> <p>အဘယ်ကြောင့်ဆိုသော် ကျန်ကျိုက်ဝမ်ကို အနိုင်ယူနိုင်မှသာ အခြားသော အစစ်အမှန် တပည့်များအနေဖြင့် ထိပ်ဆုံး အဆင့်များကို ဆက်လက် စိန်ခေါ်နိုင်မည် ဖြစ်သောကြောင့် ဖြစ်သည်။</p> <p> </p> <p> </p> <p>ထို့ကြောင့် ကျန်ကျိုက်ဝမ်၏ နေရာမှာ ထိပ်ဆုံး ၁၀ ဦး စာရင်း၏ စောင့်ကြပ်သူ တစ်ဦးကဲ့သို့ ဖြစ်နေပေတော့သည်။</p> <p>သူကိုယ်တိုင် အဆင့်မတက်နိုင်သဖြင့် လူအများ၏ စိန်ခေါ်မှုကို အမြဲတမ်း ရင်ဆိုင်နေရခြင်း ဖြစ်သည်။ ရလဒ်အနေဖြင့် ကျန်ကျိုက်ဝမ်သည် စိန်ခေါ်မှုများကို အမြဲတမ်း ပြတ်သားပြီး ပြင်းထန်သော နည်းလမ်းများဖြင့်သာ တုံ့ပြန်လေ့ ရှိ၏။</p> <p> </p> <p> </p> <p>သူ၏ ရည်ရွယ်ချက်မှာ အခြားသော အစစ်အမှန် တပည့်များကို သူ့အား ပြိုင်ဘက်အဖြစ် မရွေးချယ်ကြရန် သတိပေးလိုခြင်း ဖြစ်သည်။ အကယ်၍ သူ့ကို အနိုင်ယူနိုင်လျှင်တော့ မပြောလိုသော်လည်း အကယ်၍ မနိုင်ခဲ့လျှင်တော့ ကျန်ကျိုက်ဝမ်မှာ လုံးဝ ညှာတာလိမ့်မည် မဟုတ်ပေ။</p> <p> </p> <p> </p> <p>အစစ်အမှန် တပည့်တစ်ဦး ကျန်ကျိုက်ဝမ်ကို စိန်ခေါ်တိုင်း ပြင်းထန်သော ဒဏ်ရာများဖြင့်သာ အဆုံးသတ်လေ့ ရှိ၏။</p> <p>ဤနည်းလမ်းမှာ အတော်လေးကို ထိရောက်မှု ရှိပေသည်။ အနိုင်ရရှိရန် သေချာမှု မရှိလျှင်တော့ အစစ်အမှန် တပည့် အတော်များများမှာ ကျန်ကျိုက်ဝမ်ကို စိန်ခေါ်ရန် တွန့်ဆုတ်နေကြပြီ ဖြစ်သည်။</p> <p> </p> <p> </p> <p>"ကျွန်တော် သေချာ စဉ်းစားပါ့မယ်..." ချန်ဖေး ခေါင်းညိတ်လိုက်၏။</p> <p>"နောက်တစ်ချက် ရှိသေးတယ်... နောက်နှစ်လ ကြာရင် နတ်တိမ် ဓားဂိုဏ်း က တပည့်တွေရဲ့ ပြိုင်ပွဲ ရှိတယ်... ငါတို့ ဂိုဏ်းကိုလည်း လာရောက် ကြည့်ရှုဖို့ ဖိတ်ကြားထားတယ်... ထိပ်ဆုံး ၃၀ စာရင်းဝင် အစစ်အမှန် တပည့်တွေပဲ သွားခွင့် ရမှာပါ... အကယ်၍ မင်းက နတ်တိမ် ဓားဂိုဏ်းကို သွားချင်တယ် ဆိုရင်တော့ အဆင့် ၃၀ ရှိတဲ့ အစစ်အမှန် တပည့်ကို စိန်ခေါ်နိုင်ပါတယ်..."</p> <p> </p> <p> </p> <p>တာဝန်ကျ တပည့်က ချန်ဖေး၏ စိတ်နေစိတ်ထားကို ရိပ်မိသဖြင့် ထပ်မံ အကြံပေးလိုက်ခြင်း ဖြစ်၏။</p> <p>"သတိပေးတဲ့အတွက် ကျေးဇူးတင်ပါတယ် ဆရာတူအကို..."</p> <p>ချန်ဖေး ဤသတင်းကို မကြားဖူးခဲ့ပေ။</p> <p> </p> <p> </p> <p>နတ်တိမ် ဓားဂိုဏ်း ဆိုသည်မှာ ဖျင်းယင်း ခရိုင် တွင် ရှိစဉ်ကပင် သူ ကြားဖူးခဲ့သည့် ကျော်ကြားလှသော ဂိုဏ်းကြီး တစ်ခု ဖြစ်သည်။</p> <p>ထိုဂိုဏ်းသို့ ဝင်ရောက်ရန် အခွင့်အရေး မရရှိခဲ့သော်လည်း ဤနည်းလမ်းဖြင့် သွားရောက်ခွင့် ရလိမ့်မည်ဟု သူ မထင်မှတ်ခဲ့ပေ။</p> <p> </p> <p> </p> <p>ကြည့်ရှုရုံသက်သက် ဟုတ်လား...။ နတ်တိမ် ဓားဂိုဏ်းအနေဖြင့် သူတို့၏ ခွန်အားကို ထုတ်ဖော်ပြသလိုသဖြင့် အခြားသော ဂိုဏ်းလေးခုမှ တပည့်များမှာ မည်မျှအထိ ထူးချွန်ကြောင်း သိရှိစေရန် လုပ်ဆောင်ခြင်းသာ ဖြစ်ပေလိမ့်မည်။</p> <p> </p> <p> </p> <p>"သေချာ စဉ်းစားပါဦး..." တာဝန်ကျ တပည့်က ချန်ဖေး၏ အမူအရာကို ကြည့်၍ သူ ပြောသမျှ အလဟဿ ဖြစ်သွားပြီ ဖြစ်ကြောင်း သိရှိသဖြင့် ခေါင်းခါလျက် ဆိုလိုက်၏။</p> <p> </p> <p> </p> <p>ချန်ဖေးသည် လက်အုပ်ချီ နှုတ်ဆက်၍ အစစ်အမှန်တပည့် ခန်းမမှ ထွက်ခွာလာခဲ့ပြီး သူ၏ ခြံဝင်းသို့ ပြန်ရောက်သောအခါ ကျန်ကျိုက်ဝမ်နှင့် ပတ်သက်သည့် အချက်အလက်များကို ထုတ်ယူလိုက်သည်။</p> <p>ချန်ဖေးသည် မကြာသေးမီကပင် အစစ်အမှန် တပည့် အသီးသီးနှင့် ပတ်သက်သည့် အချက်အလက်များကို စုဆောင်းခိုင်းထားခဲ့ခြင်း ဖြစ်၏။</p> <p> </p> <p> </p> <p>အခြေခံ အချက်အလက်များသာ လိုအပ်သဖြင့် မည်သူ့ကိုမျှ ဒုက္ခပေးစရာ မလိုဘဲ အစစ်အမှန် တပည့် အများစုအကြောင်းကို သူ သိရှိထားပြီး ဖြစ်သည်။</p> <p>ဤသို့ သိရှိထားသဖြင့်လည်း အစစ်အမှန်တပည့် ခန်းမ၌ ကျန်ကျိုက်ဝမ်ကို စိန်ခေါ်ရန် သူ ယုံကြည်မှု ရှိနေခြင်း ဖြစ်၏။</p> <p> </p> <p> </p> <p>ချန်ဖေးသည် သူ၏ လက်ထဲမှ စာရွက်များကို ဖတ်ရှုပြီးနောက် ဘေးသို့ ချထားလိုက်ပြီး စားပွဲကို သူ၏ ညာဘက် လက်ဖြင့် အသာအယာ ခေါက်နေမိသည်။</p> <p>ကျန်ကျိုက်ဝမ်... အတွင်းကလီစာ သန့်စင်ခြင်း အဆင့် အထွတ်အထိပ်... အစစ်အမှန် တပည့် ဖြစ်လာသည်မှာ ၁၀ နှစ်ခန့် ရှိပြီ ဖြစ်သည်။</p> <p> </p> <p> </p> <p>လွန်ခဲ့သော တစ်နှစ် သို့မဟုတ် နှစ်နှစ်အတွင်းမှာပင် သူသည် ဒွာရ သန့်စင်ခြင်း အဆင့်သို့ တက်လှမ်းရန် နီးကပ်နေသူ ဖြစ်သင့်၏။</p> <p>ထိပ်ဆုံး ၁၀ ဦးအကြားတွင် ဒွာရ သန့်စင်ခြင်း အဆင့်သို့ တက်လှမ်းနိုင်ခြေမှာ အတော်လေး မြင့်မားလှပေသည်။</p> <p> </p> <p> </p> <p>သူတို့ အများစုမှာ ဂိုဏ်းမှ ပေးအပ်သည့် အရင်းအမြစ်များကို အသုံးပြု၍ သူတို့၏ အုတ်မြစ်ကို ခိုင်မာအောင် လုပ်ဆောင်ထားကြသဖြင့် အောင်မြင်ရန်မှာ သေချာသလောက် ရှိနေခြင်း ဖြစ်၏။</p> <p>ကျန်ကျိုက်ဝမ် ရွေးချယ်ထားသည့် အစစ်အမှန် တပည့် ကျင့်စဉ်မှာ မိုးထိ ကျမ်းစာ ဖြစ်သည်။</p> <p> </p> <p> </p> <p>၁၀ နှစ်နီးပါး ကျင့်ကြံထားသဖြင့် သူ၏ ကိုယ်ဖော့ပညာမှာ အခြားသော အစစ်အမှန် တပည့်များနှင့် နှိုင်းယှဉ်လျှင် အတုမဲ့လှပေသည်။</p> <p>သို့သော်လည်း မိုးထိ ကျမ်းစာအပေါ်တွင်သာ အဓိက အာရုံစိုက်ထားသဖြင့် သူ၏ တိုက်စစ်ပိုင်းမှာ အနည်းငယ် အားနည်းနိုင်ပေသည်။</p> <p> </p> <p> </p> <p>ဤသည်မှာလည်း မကြာသေးမီ နှစ်များအတွင်း ကျန်ကျိုက်ဝမ်အနေဖြင့် သူ၏ အဆင့်ကို တိုးမြှင့်ရန် ခက်ခဲနေရသည့် အကြောင်းရင်းပင် ဖြစ်၏။</p> <p>"မိုးထိ ကျမ်းစာရဲ့ အတွင်းကလီစာ သန့်စင်ခြင်း အဆင့်က လေဟာနယ် ခရီးသွားခြင်း ထက် အများကြီး ပိုပြီး အစွမ်းထက်တယ်... ဒါပေမဲ့ သူ ဘယ်လောက်အထိ ကျွမ်းကျင်နေပြီလဲ ဆိုတာကတော့ သိချင်စရာပဲ..."</p> <p>ချန်ဖေး စဉ်းစားလိုက်မိသည်။</p> <p> </p> <p> </p> <p>လေဟာနယ် ခရီးသွားခြင်း ဆိုသည်မှာ မိုးထိ ကျမ်းစာမှ ဆင်းသက်လာသောအရာ ဖြစ်သော်လည်း အတွင်းကလီစာ သန့်စင်ခြင်း အဆင့်ရှိ မိုးထိ ကျမ်းစာကိုတော့ မယှဉ်နိုင်သည်မှာ အမှန်ပင် ဖြစ်၏။</p> <p> </p> <p> </p> <p>သို့သော်လည်း လူတစ်ဦး၏ တိုက်ခိုက်မှု စွမ်းအားမှာ မိမိ ရွေးချယ်ထားသည့် ကျင့်စဉ်နှင့် ၎င်းအပေါ် နားလည်မှု အနက်အရှိုင်းပေါ်တွင်သာ မူတည်ပေသည်။</p> <p>ချန်ဖေးသည် အတွင်းကလီစာ သန့်စင်ခြင်း အဆင့်ရှိ မိုးထိ ကျမ်းစာကို ပြီးပြည့်စုံသည့် အဆင့်အထိ ကျွမ်းကျင်ထားပြီး ဖြစ်ရာ သူ၏ တိုးတက်မှုမှာ အထွတ်အထိပ်သို့ ရောက်ရှိနေပြီ ဖြစ်၏။</p> <p> </p> <p> </p> <p>ကျန်ကျိုက်ဝမ်၏ ကိုယ်ဖော့ပညာမှာ သာလွန်နေစေဦးတော့၊ ချန်ဖေးကို သိသိသာသာ ကျော်လွန်ရန်မှာမူ မဖြစ်နိုင်ပေ။</p> <p>သို့သော်လည်း ချန်ဖေးအနေဖြင့် ယခင်ကကဲ့သို့ ကိုယ်ဖော့ပညာတစ်ခုတည်းနှင့် တိုက်ခိုက်မှုများကို ရှောင်တိမ်းရန်မှာမူ ပိုမို ခက်ခဲလာပေလိမ့်မည်။</p> <p> </p> <p> </p> <p>"ကျုံးယွမ် ဓားသိုင်း က တခြားလူတွေကို ထိန်းချုပ်နိုင်မလား... မိုးထိ ကျမ်းစာကိုရော သက်ရောက်မှု ရှိမလား ဆိုတာ သိချင်မိတယ်..."</p> <p>ချန်ဖေး စဉ်းစားလိုက်သော်လည်း လက်တွေ့ တိုက်ပွဲ မရှိဘဲနှင့်တော့ ဆုံးဖြတ်ရန် ခက်ခဲလှပေသည်။ ကိုယ်တိုင် ကြုံတွေ့ကြည့်မှသာ ရလဒ်ကို သိရှိနိုင်မည် ဖြစ်၏။</p> <p> </p> <p> </p> <p>တစ်ရက် ကြာပြီးနောက် ချန်ဖေးသည် အစစ်အမှန်တပည့် တောင်ထိပ်၏ အပေါ်ဘက်သို့ လျှောက်လှမ်းလာခဲ့သည်။ သူ ဤနေရာတွင် နေထိုင်လာသည်မှာ အတန်ကြာခဲ့ပြီ ဖြစ်သော်လည်း ကောလင်းရှန်းထံ သွားရောက်ခြင်း သို့မဟုတ် အခြား နေရာများသို့ သွားရောက်ခြင်းမှအပ သူသည် သူ၏ ခြံဝင်းအတွင်း၌သာ အချိန်ကုန်ဆုံးလေ့ ရှိ၏။</p> <p> </p> <p> </p> <p>အပေါ်သို့ တက်လာသည်နှင့်အမျှ ချန်ဖေးသည် ပတ်ဝန်းကျင်ရှိ သဘာဝစွမ်းအင်များ၏ ပြောင်းလဲမှုကို သိသိသာသာ ခံစားလိုက်ရသည်။ ၎င်း၏ စီးဆင်းမှုမှာ ချန်ဖေး အာရုံခံနိုင်သည့် အတိုင်းအတာအတွင်း၌ ပိုမို မြန်ဆန်လာခြင်း ဖြစ်၏။</p> <p> </p> <p> </p> <p> </p> <p>ချန်ဖေး ကျန်ကျိုက်ဝမ်၏ ခြံဝင်းတံခါးဝသို့ ရောက်ရှိသောအခါ ပတ်ဝန်းကျင်ရှိ သဘာဝစွမ်းအင် သိပ်သည်းဆမှာ သူ၏ ကိုယ်ပိုင် ခြံဝင်းထက် ထက်ဝက်ကျော်ခန့် ပိုမို များပြားနေသည်ကို တွေ့ရှိလိုက်ရသည်။</p> <p>ဤမျှအထိ ကွာခြားချက်မှာ သိသာထင်ရှားလှပေသည်။</p> <p> </p> <p> </p> <p>အခြား အရင်းအမြစ်များ ခွဲဝေမှုမှာ ကွဲပြားနေစေဦးတော့၊ လပေါင်းများစွာနှင့် နှစ်ပေါင်းများစွာအတွင်း သဘာဝစွမ်းအင် ကွာခြားချက်ကြောင့် ရရှိမည့် အကျိုးကျေးဇူးမှာ အလွန်ပင် ကြီးမားလှ၏။ အခြားသော အစစ်အမှန် တပည့်များ ဤနေရာကို အဘယ်ကြောင့် မျက်စိကျနေကြသည်မှာ မထူးဆန်းတော့ပေ။</p> <p> </p> <p> </p> <p>"ဒေါက်... ဒေါက်... ဒေါက်..."</p> <p>ချန်ဖေးသည် တံခါးဝသို့ ချဉ်းကပ်၍ တံခါးကို ခေါက်လိုက်၏။ ခေတ္တမျှ ကြာသောအခါ အမျိုးသမီးငယ် တစ်ဦးက တံခါးဖွင့်ပေးလိုက်ပြီး ချန်ဖေးကို ထိပ်ဆုံးမှ ခြေဖျားအထိ အကဲခတ်ကြည့်လိုက်သည်။</p> <p> </p> <p> </p> <p>သူသည် အစစ်အမှန် တပည့် တစ်ဦး၏ ဝတ်စုံကို ဝတ်ဆင်ထားသည်ကို မြင်သောအခါမှသာ သူမ၏ အမူအရာမှာ အနည်းငယ် ပြေလျော့သွားတော့သည်။</p> <p>"ကျွန်တော့် နာမည်က ချန်ဖေးပါ... ဆရာတူအကိုကျန် ရှိပါသလား..." ချန်ဖေးက ရိုသေစွာ ဦးညွှတ် နှုတ်ဆက်လိုက်၏။</p> <p> </p> <p> </p> <p>"ဆရာတူအကိုကျန်က ကျင့်ကြံနေပါတယ်... ကြိုတင် ချိန်းဆိုထားတာ ရှိလား..." အိမ်ဖော်မလေးက ယဉ်ကျေးသော အပြုံးဖြင့် မေးလိုက်၏။</p> <p>"ကြိုတင် ချိန်းဆိုထားတာတော့ မရှိပါဘူး... သူ့ကို အကြောင်းကြားပေးစေချင်လို့ပါ..."</p> <p>ချန်ဖေးအနေဖြင့် ခြံဝင်းအတွင်းမှ စကားပြောသံများကို ကြားနေရပြီ ဖြစ်၏။</p> <p> </p> <p> </p> <p>ကျန်ကျိုက်ဝမ်မှာ အမှန်တကယ် ကျင့်ကြံနေခြင်း မဟုတ်လျှင်ပင် အခြားလူများနှင့် ကိစ္စရပ်များကို ဆွေးနွေးနေခြင်း ဖြစ်ရပေလိမ့်မည်။ အကယ်၍ သူက ပြင်ပလူများကို မတွေ့ချင်လျှင်တော့ ကျင့်ကြံနေသည်ဟု ပြောဆိုခြင်းမှာ သဘာဝကျလှပေသည်။</p> <p> </p> <p> </p> <p>"ဆရာတူအကိုချန် လာရင်းကိစ္စကို သိလို့ ရမလား... ကျွန်မ အထဲဝင်ပြီး သတင်းပို့ပေးပါ့မယ်..." အိမ်ဖော်မလေးက ခေါင်းညိတ်ပြလိုက်၏။</p> <p>ချန်ဖေး တစ်ခဏမျှ စဉ်းစားလိုက်ပြီး စိန်ခေါ်စာကို ပေးအပ်လိုက်သည်။ အိမ်ဖော်မလေးမှာ စိန်ခေါ်စာကို မြင်သောအခါ သူမ၏ အမူအရာမှာ တောင့်တင်းသွားပြီး ချန်ဖေးကို ဇဝေဇဝါ ဖြစ်စွာ ကြည့်လိုက်မိ၏။</p> <p> </p> <p> </p> <p>အစစ်အမှန် တပည့် အဆင့်သတ်မှတ်ချက် ပြိုင်ပွဲမှာ စတင်ခြင်း မရှိသေးဘဲနှင့် သူက စိန်ခေါ်စာ ပေးအပ်နေသည် ဟုတ်လား...။ ဆိုလိုသည်မှာ သူသည် ကျန်ကျိုက်ဝမ်ကို အချိန်မတိုင်ခင် စိန်ခေါ်လိုခြင်း ဖြစ်ပေသည်။</p> <p> </p> <p> </p> <p>အိမ်ဖော်မလေးသည် အစစ်အမှန်တပည့် တောင်ထိပ်တွင် ရှိနေသည်မှာ အတန်ကြာပြီ ဖြစ်သဖြင့် အစစ်အမှန် တပည့် အသီးသီး၏ အသွင်အပြင်ကို အကြမ်းဖျင်း သိရှိထား၏။</p> <p>သို့သော်လည်း ချန်ဖေးမှာမူ သူမအတွက် အတော်လေးကို သူစိမ်း ဖြစ်နေသည်။ သူသည် အသစ်တက်လာသော အစစ်အမှန် တပည့်များထဲမှ တစ်ဦး ဖြစ်နိုင်သဖြင့် သူမ မှတ်မိခြင်း မရှိခြင်း ဖြစ်ပေလိမ့်မည်။</p> <p> </p> <p> </p> <p>အစပိုင်းတွင်တော့ အိမ်ဖော်မလေးမှာ ချန်ဖေးသည် ကျန်ကျိုက်ဝမ်နှင့် ရင်းနှီးမှု ရယူရန် လာရောက်ခြင်းဟုသာ ထင်မြင်ခဲ့မိ၏။ မည်သို့ပင်ဆိုစေ၊ အဆင့် ၁၀ ရှိသူ ဖြစ်သလို နောင်တစ်ချိန်တွင် ဒွာရ သန့်စင်ခြင်း အဆင့်ရှိ ပညာရှင်တစ်ဦး ဖြစ်လာနိုင်ခြေ မြင့်မားသဖြင့် ကြိုတင်၍ ရင်းနှီးမှု ရယူထားခြင်းမှာ မဆိုးလှသောကြောင့် ဖြစ်သည်။</p> <p> </p> <p> </p> <p>သို့သော်လည်း သူက စိန်ခေါ်ရန် လာရောက်လိမ့်မည်ဟု သူမ တစ်ခါမျှ မထင်မှတ်ခဲ့ဖူးချေ၊ ဤသည်မှာ အမှန်တကယ်ပင် မယုံကြည်နိုင်စရာ ဖြစ်၏။</p> <p>"ခဏလောက် စောင့်ပါဦး..."</p> <p>အိမ်ဖော်မလေးသည် စိန်ခေါ်စာကို ယူဆောင်၍ အတွင်းသို့ အလျင်အမြန် ပြေးဝင်သွားတော့သည်။</p> <p> </p> <p> </p> <p>ခေတ္တမျှ ကြာသောအခါ ခြံဝင်းအတွင်းမှ လှောင်ပြောင် သရော်သံများ ရောနှောနေသည့် ကျယ်လောင်သော ရယ်မောသံများ ထွက်ပေါ်လာ၏။</p> <p>"အစစ်အမှန်တပည့် ချန်... ဆရာတူအကိုကျန်က ဝင်ခဲ့ဖို့ ပြောပါတယ်..." အိမ်ဖော်မလေး ပြန်ထွက်လာပြီး ချန်ဖေးကို ထူးဆန်းသော အကြည့်တစ်ခုဖြင့် ကြည့်ကာ အတွင်းသို့ ခေါ်ဆောင်သွားတော့သည်။</p> <p> </p> <p> </p> <p> </p> <p>စင်္ကြံလမ်းကို ဖြတ်ကျော်ဝင်ရောက်သွားသောအခါ ချန်ဖေးသည် ခြံဝင်းအတွင်း၌ ကျန်ကျိုက်ဝမ်နှင့်အတူ အခြား အစစ်အမှန် တပည့် နှစ်ဦးကို တွေ့လိုက်ရ၏။ တစ်ဦးမှာ အဆင့် ၅၇ ရှိသော မိုယွမ်ဖေး ဖြစ်ပြီး ကျန်တစ်ဦးမှာ အဆင့် ၇၃ ရှိသော ချီကျစ်ယီ ဖြစ်သည်။</p> <p> </p> <p> </p> <p> </p> <p>ချီကျစ်ယီမှာ ရှားပါးလှသော အမျိုးသမီး အစစ်အမှန် တပည့်များထဲမှ တစ်ဦး ဖြစ်၏။ ယခုအချိန်တွင် သူမသည် ချန်ဖေးကို စပ်စုလိုသော မျက်လုံးများဖြင့် ကြည့်နေသည်။</p> <p>"ဆရာတူအကိုကျန်... ဆရာတူအကိုမို... ဆရာတူအစ်မချီ..." ချန်ဖေးက သူတို့ သုံးဦးကို ဦးညွှတ် နှုတ်ဆက်လိုက်၏။</p> <p> </p> <p> </p> <p>"စိန်ခေါ်စာ ပေးပို့တာလား ညီလေးချန်... မင်း တကယ်ပဲ မမှားဘူးလား..."</p> <p>မိုယွမ်ဖေးက ချန်ဖေးကို ကြည့်၍ ကျောက်စားပွဲပေါ်ရှိ စိန်ခေါ်စာကို အသာအယာ ပုတ်ရင်း လှောင်ပြောင်သလို ဆိုလိုက်သည်။</p> <p> </p> <p> </p> <p>အသစ်တက်လာသော အောက်ဆုံးအဆင့် အစစ်အမှန် တပည့်တစ်ဦးက အစစ်အမှန် တပည့် ကျင့်စဉ်များကို လအနည်းငယ်သာ ကျင့်ကြံရသေးဘဲ အဆင့် ၁၀ ရှိသူကို စိန်ခေါ်ရန် ကြံရွယ်နေခြင်းမှာ အမှန်တကယ်ပင် ရယ်စရာကောင်းလှပေသည်။</p> <p> </p> <p> </p> <p>"မင်းအကြောင်း ငါ သိပါတယ်... လွန်ခဲ့တဲ့ ရက်ပိုင်းက အတွင်းတပည့် ၉ ယောက်ကို အနိုင်ယူလိုက်တာ မဟုတ်လား... မင်းရဲ့ ခွန်အားကတော့ မှတ်သားလောက်စရာပါပဲ..."</p> <p>ကျန်ကျိုက်ဝမ်က ချန်ဖေးကို အထက်စီးမှ ကြည့်လိုက်ပြီး ရှေ့သို့ အနည်းငယ် ကိုင်းကာ လှောင်ပြောင် ပြုံးလိုက်၏။</p> <p> </p> <p> </p> <p>"ဒါပေမဲ့ အဲဒါကြောင့်နဲ့တင် မင်းက ငါ့ကို စိန်ခေါ်နိုင်ပြီလို့ တကယ်ပဲ ထင်နေတာလား... ဒီလောက်အထိ မာနကြီးပြီး အတင့်ရဲဖို့အတွက် ဘယ်သူက မင်းကို ယုံကြည်မှုတွေ ပေးထားတာလဲ..."</p> <p> </p> <p> </p> <p>ကျန်ကျိုက်ဝမ် စကားပြောရင်း သူ၏ လေသံမှာ တဖြည်းဖြည်း မြင့်တက်လာပြီး နောက်ဆုံးတွင် ဟိန်းဟောက်သံကြီးအဖြစ် ပြောင်းလဲသွားကာ ခြံဝင်းတစ်ခုလုံးကို တုန်ခါသွားစေတော့သည်။</p> <p> </p> <p> </p> <p>မိုယွမ်ဖေးမှာ ဘေးနားမှနေ၍ အော်ဟစ် ရယ်မောနေသော်လည်း ချီကျစ်ယီမှာမူ တိတ်ဆိတ်နေဆဲ ဖြစ်ပြီး ခေါင်းကိုသာ အသာအယာ ခါလိုက်မိ၏။ ဤမျှအထိ လွန်ကဲလှသော ဖြစ်ရပ်မျိုးကို သူမ တွေ့ကြုံဖူးခြင်း မရှိသဖြင့် ဤသည်မှာ အမှန်တကယ်ပင် မယုံကြည်နိုင်စရာ ဖြစ်နေရတော့သည်။</p> <p> </p> <p> </p> <p>"ဘုန်း..."</p> <p>ချန်ဖေး၏ နောက်ကျောမှ ဓားအိမ်ကို သူ၏ လက်ဖြင့် ရုတ်တရက် ကိုင်ဆောင်လိုက်ပြီး မြေပြင်ပေါ်သို့ အားဖြင့် စိုက်ချလိုက်၏။ ထိုပြင်းထန်သော အသံက မိုယွမ်ဖေး၏ ရယ်သံကို ဖြတ်တောက်လိုက်သကဲ့သို့ ကျန်ကျိုက်ဝမ်၏ ဟိန်းဟောက်နေသော အရှိန်အဝါကိုလည်း ဖျက်ဆီးပစ်လိုက်သည်။</p> <p> </p> <p> </p> <p>"ဒါက ဝိညာဉ်လက်နက်တစ်ပိုင်း ဖြစ်တော့မယ့် ချန်ယွမ် ဓား ပဲ... ဒါဟာ ဒီစိန်ခေါ်မှုအတွက် အလောင်းအစားပဲ... အကယ်၍ ခင်ဗျား နိုင်မယ် ဆိုရင်တော့ ဒီဓားကို ယူသွားပြီး ခင်ဗျား ကြိုက်သလို ပုံဖော်နိုင်ပါတယ်..."</p> <p>ချန်ဖေးသည် ချန်ယွမ် ဓားကို ဓားအိမ်အတွင်းမှ ဆွဲထုတ်လိုက်ရာ ၎င်း၏ အရှိန်အဝါမှာ ပတ်ဝန်းကျင် တစ်ခုလုံးသို့ ပျံ့နှံ့သွားတော့၏။</p> <p> </p> <p> </p> <p>"လေရှည်မနေကြနဲ့တော့... ရိုးရိုးရှင်းရှင်းပဲ လုပ်ကြရအောင်... ဒီစိန်ခေါ်မှုကို လက်ခံမလား၊ လက်မခံဘူးလား..." ချန်ဖေးက ကျန်ကျိုက်ဝမ်ကို တည်ငြိမ်စွာ ကြည့်၍ ဆိုလိုက်သည်။</p> <p> </p> <p> </p> <p>***</p> <p> </p>


Save