Book List

<h2 style="text-align: center;">အခန်း (၇၁၇) ကြိုးကိုင်သူ</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ယဲ့ပုဖန်၌ လုပ်စရာကိစ္စများ ရှိနေသေးကြောင်း ဝမ်ရွှယ်နင် သိရှိထားပြီး စီမာဝေကို မည်သို့ ရင်ဆိုင်ရမည်နည်း ဆိုတာကိုလည်း သူမ မစဉ်းစားတတ်သေးသဖြင့် သူမ၏ ခံစားချက်များမှာ အလွန် ရှုပ်ထွေးနေပေသည်။ ထို့ကြောင့် ယဲ့ပုဖန်ကို နှုတ်ဆက်ပြီးနောက် သူမ ထွက်ခွာသွားလေသည်။</p> <p style="text-align:justify">ယဲ့ပုဖန်က ဆရာကြီးကဲ့ကို တိတ်ဆိတ်သော အခန်းတစ်ခန်း စီစဉ်ပေးရန် တောင်းဆိုလိုက်ပြီးနောက် စီမာဝေနှင့် ယဲ့ထျန်းတို့ကို ထိုအခန်းထဲသို့ ခေါ်ဆောင်သွားလေသည်။</p> <p style="text-align:justify">အထဲသို့ ဝင်ရောက်ပြီး တံခါးပိတ်လိုက်ပြီးနောက် စီမာဝေက "ရှန်တုန်းလိုင်က ရှင့်ကို လူကိုယ်တိုင် လာပြီး ပြဿနာရှာတယ်လို့ ကြားလိုက်ရတော့ ရှင့်အတွက် ကျွန်မ စိုးရိမ်နေခဲ့တာ။ ဒါပေမဲ့ ဒီလောက် အလွယ်တကူ ဖြေရှင်းနိုင်သွားလိမ့်မယ်လို့ မထင်ထားခဲ့ဘူး" ဟု ပြောလိုက်သည်။</p> <p style="text-align:justify">ထို့နောက် သူမက ငြိမ်သက်နေသော ယဲ့ထျန်းကို ကြည့်ကာ "သူက ရှင့်သူငယ်ချင်းလား။ သူ့ရဲ့ သိုင်းစွမ်းရည်က တကယ်ကို အံ့မခန်းပဲ" ဟု ဆိုလေသည်။</p> <p style="text-align:justify">သူမ အနည်းငယ် ဇဝေဇဝါ ဖြစ်နေမိသည်။ သိုင်းပညာရှင် တစ်ဦးအနေဖြင့် ဂရန်းမားစတာ တစ်ဦးကို ရှာတွေ့ရန် မည်မျှ ခက်ခဲကြောင်း သူမ သေချာပေါက် သိရှိထားပေသည်။ ယဲ့ထျန်းသည် ရှန်တုန်းလိုင်နှင့် ဟွမ်ချန်ချိုတို့ကို အလွယ်တကူ သတ်ဖြတ်နိုင်ခဲ့ခြင်းက သူ၏ သိုင်းစွမ်းရည် မည်မျှ မြင့်မားကြောင်းကို ဖော်ပြနေသော်လည်း ဂရန်းမားစတာ တစ်ဦး၌ ရှိသင့်သော မောက်မာမှုမျိုး သူ့ထံတွင် မရှိချေ။</p> <p style="text-align:justify">ထို့အပြင် ဤမျှ ပြောင်မြောက်သော သိုင်းစွမ်းရည် ရှိသူ တစ်ဦးမှာ ယခင်ကလည်း သေချာပေါက် နာမည်ကြီးခဲ့ဖူးမည်သာ။ သူမသည် ရွှမ်ယွမ်စံအိမ်အတွက် ထောက်လှမ်းရေး တာဝန်များကို ယူထားသူ ဖြစ်သော်လည်း ယဲ့ထျန်းကဲ့သို့သော ဂရန်းမားစတာ တစ်ဦးအကြောင်းကို တစ်ခါမှ မကြားဖူးခဲ့ချေ။</p> <p style="text-align:justify">ယဲ့ပုဖန်က "မင်း နားလည်မှု လွဲနေပြီ။ သူက အလောင်းရုပ်သေး တစ်ခု သက်သက်ပါ..." </p> <p style="text-align:justify">သူက ရှန်းကွမ်မိသားစုနှင့် တွေ့ဆုံခဲ့ရပုံကို ပြန်လည် ပြောပြလိုက်ပြီးနောက် ယဲ့ထျန်း၏ သရုပ်မှန်ကို ဖွင့်ဟလိုက်လေသည်။</p> <p style="text-align:justify">"ရှင် ပြောချင်တာက ဒါက ငွေအလောင်း တစ်ခုလို့လား"</p> <p style="text-align:justify">စီမာဝေက ယဲ့ထျန်းကို မယုံကြည်နိုင်စွာဖြင့် စိုက်ကြည့်နေမိသည်။ သူမ ဘယ်လိုပဲ ကြည့်ကြည့် သူက သက်ရှိလူသား တစ်ယောက်လိုသာ ဖြစ်နေပြီး အလောင်းရုပ်သေး တစ်ခု၏ အရိပ်အယောင်ကို အနည်းငယ်မျှပင် မမြင်တွေ့ရချေ။</p> <p style="text-align:justify">"ဟုတ်တယ်။ သူက ငွေအလောင်းပဲ။ ဒါပေမဲ့ ငါက သူ့ကို အထူးနည်းလမ်း တစ်ခု သုံးပြီး ဖန်တီးထားတာ"</p> <p style="text-align:justify">ယဲ့ပုဖန်က ဆက်၍ "လက်ရှိ အလောင်းသန့်စင်ခြင်း နည်းစနစ်တွေက မပြည့်စုံဘူး။ ဒါကြောင့် သူတို့ ဖန်တီးထားတဲ့ အလောင်းရုပ်သေးတွေကို ခွဲခြားသိမြင်ဖို့ လွယ်ကူတာ။ ဒါပေမဲ့ ငါက ပြည့်စုံတဲ့ နည်းလမ်းကို အသုံးပြုထားတာမို့လို့ မင်း ခွဲခြားသိနိုင်မှာ မဟုတ်ဘူး" ဟု ရှင်းပြလိုက်သည်။</p> <p style="text-align:justify">"ရှင်က ဘယ်လိုလုပ်ပြီး အရာအားလုံးကို တတ်နေရတာလဲ။ ဒီလိုမျိုးကိစ္စကိုတောင်မှ လုပ်နိုင်သေးတယ်"</p> <p style="text-align:justify">ယဲ့ပုဖန်က ပြုံးလျက် "ငါက သမားတော် တစ်ယောက်လေ။ ဒါကြောင့် လူ့ခန္ဓာကိုယ်နဲ့ ပတ်သက်တဲ့ အရာတွေကို ပိုပြီး သိထားဖို့ လိုအပ်တာပေါ့။ အလောင်းသန့်စင်တဲ့ နည်းလမ်းကို ငါ မတော်တဆ ရရှိခဲ့တာပါ"</p> <p style="text-align:justify">စီမာဝေက ယဲ့ထျန်းကို ပတ်ချာလှည့်ကာ ကြည့်ရှုရင်း နှုတ်ခမ်းကို တစ်ချက် စုပ်သပ်လိုက်ပြီး "ရှင်က ဒီလို ဂရန်းမားစတာ အဆင့်ရှိတဲ့ လက်အောက်ခံ တစ်ယောက်ကို ရလိုက်တာ တကယ်ကို တန်သွားတာပဲ"</p> <p style="text-align:justify">"ဒါပေမဲ့ ဒါက ရှန်းကွမ်မိသားစုနဲ့ ရှင့်ကြားက ရန်ငြိုးကို ပိုပြီး နက်ရှိုင်းသွားစေလိမ့်မယ်။ သူတို့ဆီမှာတောင် ငွေအလောင်းတွေ သိပ်အများကြီး မရှိဘူးဆိုတာ ရှင် နားလည်ထားရမယ်။ အခု ရှင်က ဒါကို အသုံးပြုဖို့ လုယူထားလိုက်ပြီဆိုတော့ အဲဒီ သရဲအိုကြီးတွေသာ ဒါကို သိသွားရင် ရှင့်ကို သေချာပေါက် အသေအလဲ တိုက်ခိုက်လာကြလိမ့်မယ်"</p> <p style="text-align:justify">ယဲ့ပုဖန်က ခပ်အေးအေးပင် "ရှန်းကွမ်မိသားစုက အစောကြီး မဟုတ်ရင်တောင် နောက်ကျရင်တော့ ငါ့ဆီကို ပြဿနာလာရှာမှာ သေချာပါတယ်။ ဒါဆို သူတို့ကို ဘာလို့ ဂရုစိုက်နေရမှာလဲ" ဟု ဆိုလိုက်သည်။</p> <p style="text-align:justify">စီမာဝေက ခေါင်းညိတ်လိုက်ပြီး "ရှင် ပြောတာ မှန်ပါတယ်။ ရှန်းကွမ်မိသားစုက တိုက်ခိုက်တဲ့ နေရာမှာ အမြဲတမ်း ရက်စက် ကြမ်းကြုတ်တတ်တယ်။ ရှင်က သူတို့ရဲ့ အဓိက အဖွဲ့ဝင် နှစ်ယောက်ကိုတောင် သတ်ပစ်ခဲ့ပြီးပြီဆိုတော့ သူတို့ သေချာပေါက် ရှင့်နောက်ကို ထပ်လိုက်လာကြမှာပဲ"</p> <p style="text-align:justify">ယဲ့ပုဖန်က "ရှန်းကွမ်မိသားစု ကိစ္စကို ခဏထားလိုက်။ ဒီနေ့ ချွေ့ပေါင်ကျုံး ကိစ္စကို မင်း ဘယ်လို ထင်လဲ" ဟု မေးလိုက်သည်။</p> <p style="text-align:justify">"ဘာလို့ တခြားအချိန်တွေ မဟုတ်ဘဲ အခု အချိန်မှလဲ။ ယဲ့ထျန်းက ရှန်တုန်းလိုင်နဲ့ ဟွမ်ချန်ချိုကို သတ်ပစ်လိုက်ပြီးတာနဲ့ ချက်ချင်း သူတို့က ငါ့ကို လာဖမ်းတယ်။ သူတို့က ကြိုတင် ပြင်ဆင်လာကြတာ ရှင်းနေပါတယ်။ ပွင့်ပွင့်လင်းလင်း ပြောရရင် သူတို့က ငါ့ကို ရည်ရွယ်ပြီး လာခဲ့ကြတာပဲ"</p> <p style="text-align:justify">စီမာဝေက "ဒီကိစ္စက တကယ်ကို နည်းနည်းတော့ ထူးဆန်းနေတယ်။ အရင်က ဒီအကြောင်းနဲ့ ပတ်သက်ပြီး ဘာသတင်းမှ ကျွန်မတို့ မရခဲ့ဘူး။ ဒါက လျှို့ဝှက်မှု အဆင့်အတန်း ဘယ်လောက် မြင့်မားသလဲ ဆိုတာကို ပြသနေတာပဲ" ဟု ဆိုလေသည်။</p> <p style="text-align:justify">ယဲ့ပုဖန်က "ဒီကိစ္စကို ဘယ်သူ စီစဉ်ခဲ့တယ်လို့ မင်း ထင်လဲ။ ကျန်းပေ့မြို့က ထိပ်သီး မိသားစုကြီးတွေထဲက တစ်ယောက်ယောက်များ ဖြစ်နိုင်မလား" ဟု ဆက်မေးလိုက်သည်။</p> <p style="text-align:justify">စီမာဝေက ခေါင်းခါယမ်းလိုက်ပြီး "ချွေ့ပေါင်ကျုံးက ကျန်းနန်ပြည်နယ်မှာ အာဏာကြီးတဲ့ ပုဂ္ဂိုလ် တစ်ယောက်ပဲ။ ကျန်းပေ့က ထိပ်သီး မိသားစုကြီးတွေတောင် သူ့ကို သဘောရှိ ခိုင်းစေလို့ မရနိုင်ပါဘူး။ ဒီနောက်ကွယ်မှာ တခြားလူ တစ်ယောက်ယောက် ရှိနေမယ်လို့ ကျွန်မ သံသယဝင်မိတယ်"</p> <p style="text-align:justify">ယဲ့ပုဖန်က "ငါလည်း အဲဒီလိုပဲ ထင်တယ်။ ဒါပေမဲ့ သူတို့ကလွဲပြီး တခြား ဘယ်သူ ဖြစ်နိုင်သေးလို့လဲ။ ရှန်းကွမ်မိသားစုရဲ့ နောက်ကွယ်မှာ ပုန်းကွယ်နေတဲ့ လူနဲ့များ တစ်ယောက်တည်း ဖြစ်နေမလား"</p> <p style="text-align:justify">စီမာဝေက "အဲဒီလို ဖြစ်သင့်တာပေါ့။ ကျန်းနန်ပြည်နယ် မှုခင်းတပ်ဖွဲ့ရဲ့ အင်အားကို လှုံ့ဆော်နိုင်ဖို့နဲ့ ရှန်းကွမ်မိသားစုကို သူ့အတွက် လိုလိုလားလား အလုပ်လုပ်ပေးလာအောင် လုပ်နိုင်ဖို့ဆိုတာ ဒီလူက သေချာပေါက်ကို သာမန် မဟုတ်တဲ့ သူတစ်ယောက် ဖြစ်ရမယ်"</p> <p style="text-align:justify">ယဲ့ပုဖန် မျက်မှောင်ကြုတ်သွားလေသည်။ သူသည် အမှောင်အင်အားစု တစ်ခု၏ ပစ်မှတ်ထားခြင်းကို ခံနေရသည်မှာ ရှင်းလင်းနေသော်လည်း ထိုသူမှာ မည်သူမည်ဝါ ဖြစ်ကြောင်းကို သူ မသိရှိပေ။ ဤအချက်က သူ့ကို အလွန်အမင်း စိတ်မသက်မသာ ဖြစ်စေပြီး ဤခံစားချက်မျိုးကို သူ အလွန် မုန်းတီးလှပေသည်။</p> <p style="text-align:justify">စီမာဝေက ထပ်မံ၍ "လတ်တလောမှာတော့ ရှင် ပိုပြီး သတိထားဖို့ လိုအပ်လိမ့်မယ်။ အကြိမ်ကြိမ် ကျရှုံးပြီးတဲ့နောက်မှာ အဲဒီလူက အလွယ်တကူ လက်လျှော့သွားမှာ မဟုတ်ဘဲ တခြား နည်းလမ်းတွေကို သေချာပေါက် စဉ်းစားလာလိမ့်မယ်" ဟု သတိပေးလိုက်သည်။</p> <p style="text-align:justify">"အမြဲတမ်း ခံစစ်မှာပဲ နေရတာက မကောင်းပါဘူး" ယဲ့ပုဖန်က ဆိုလိုက်ပြီး "ကောင်းကင်စစ်သည်တော် စီမံကိန်း ပြီးဆုံးသွားတာနဲ့ ငါ ရှန်းရှီးကို သွားပြီး ဒီအရာတွေ အားလုံးရဲ့ နောက်ကွယ်က ကြိုးကိုင်သူကို ရှာဖွေရမယ်"</p> <p style="text-align:justify">စီမာဝေက "ရှန်းကွမ်မိသားစုက ရှန်းရှီးမှာ အင်အားကြီးမားတဲ့ မိသားစုကြီး တစ်ခုပဲ။ အဲဒါက သူတို့ရဲ့ နယ်မြေလေ။ ရှင် ဒီမှာရှိနေတုန်း ကိစ္စတွေကို ဖြေရှင်းရတာ ပိုလွယ်ပေမဲ့ အဲဒီကို သွားမယ်ဆိုရင်တော့ အရမ်း အန္တရာယ်များလိမ့်မယ်"</p> <p style="text-align:justify">ယဲ့ပုဖန်က တည်ငြိမ်စွာပင် "ဘာပဲဖြစ်ဖြစ် ဒီနောက်ကွယ်က ကြိုးကိုင်သူကို ငါတို့ သေချာပေါက် ရှာတွေ့ရမယ်။ အဲဒီမတိုင်ခင် ငါ့ရဲ့ စွမ်းအားတွေ တိုးတက်လာအောင် အစွမ်းကုန် ကြိုးစားရမယ်" ဟု ပြတ်သားစွာ ပြောလိုက်သည်။</p> <p style="text-align:justify">စီမာဝေက "ရှင်က အခုဆိုရင်ကိုပဲ အလွန်အမင်း ထူးချွန်နေပါပြီ။ ကောင်းကင်အဆင့်ကနေ မြေကမ္ဘာအဆင့်ကို ဒီလောက် မြန်မြန်ဆန်ဆန် ဖောက်ထွက်နိုင်တာက တရုတ်နိုင်ငံ တစ်ခုလုံးမှာတောင် ပြိုင်ဘက်ကင်း ဖြစ်လောက်တယ်"</p> <p style="text-align:justify">"တကယ်တော့ ကိုယ့်ကိုယ်ကိုယ် ကာကွယ်ဖို့က ရိုးရှင်းပါတယ်။ ရွှမ်ယွမ်စံအိမ်ရဲ့ လေ့ကျင့်ရေး စခန်းမှာ နေလိုက်ရုံပါပဲ။ ရှန်းကွမ်မိသားစုက ဘယ်လောက်ပဲ အတင့်ရဲပါစေ ရွှမ်ယွမ်စံအိမ်ကိုတော့ ဗြောင်ကျကျ ဆန့်ကျင်ရဲမှာ မဟုတ်ပါဘူး"</p> <p style="text-align:justify">ယဲ့ပုဖန်က "သတ္တိကြောင်တာက ငါ့ရဲ့ စတိုင်လ် မဟုတ်ဘူး။ ထိရောက်မှု ရှိချင်ရင် ကိုယ်တိုင်က အစွမ်းထက်နေဖို့ လိုတယ်။ ငါ့ရဲ့ စွမ်းအားတွေကို တတ်နိုင်သမျှ အမြန်ဆုံး တိုးတက်အောင် လုပ်ရမယ်"</p> <p style="text-align:justify">စီမာဝေက "ဒါနဲ့... ရွှမ်ယွမ်စံအိမ်ရဲ့ ကျန်းပေ့ လေ့ကျင့်ရေးစခန်းကို ဝင်ရမယ့် အချိန်က မနက်ဖြန် မနက် ကိုးနာရီလို့ သတ်မှတ်ထားတယ်။ ရှင် ဒီနေ့ ကြိုတင် ပြင်ဆင်ထားသင့်တယ်" ဟု ပြောလိုက်သည်။</p> <p style="text-align:justify">ခေတ္တမျှ စကားစမြည် ပြောဆိုပြီးနောက် သူတို့ နှစ်ဦးစလုံးသည် ကဲ့ဝန်ကုန်း၏ နေရာမှ ထွက်ခွာလာခဲ့ကြသည်။ စီမာဝေသည် အချို့သော ကိစ္စရပ်များကို ကိုင်တွယ်ဖြေရှင်းရန် ရွှမ်ယွမ်စံအိမ်သို့ တိုက်ရိုက် ပြန်သွားခဲ့ပြီး ယဲ့ပုဖန်မှာမူ ဝမ်ရွှယ်နင်၏ စံအိမ်တော်သို့ ကားမောင်းကာ ပြန်လာခဲ့လေသည်။</p> <p style="text-align:justify">………………….</p> <p style="text-align:justify">ရှန်းရှီးပြည်နယ် ၊ အဆုံးအစမရှိ သွယ်တန်းနေသော တောင်တန်းကြီးများ။</p> <p style="text-align:justify">ထိုတောင်တန်းများ၏ နက်ရှိုင်းသော နေရာတွင် ဧရာမ တောင်ပေါ်ကျေးရွာကြီး တစ်ခု ပုန်းကွယ်လျက် ရှိနေပေသည်။ အပြင်ပန်းမှ ကြည့်မည်ဆိုလျှင် ဤကျေးရွာမှာ အခြား မြောင်လူမျိုး ကျေးရွာများနှင့် သိပ်မကွာခြားလှဘဲ အရွယ်အစား အနည်းငယ် ပိုမို ကြီးမားခြင်းသာ ကွာခြားပေသည်။</p> <p style="text-align:justify">သို့သော် မိုင်တစ်ရာ ပတ်လည်ရှိ ရွာသူရွာသားများမှာ ဤနေရာကို နတ်ဘုရား တစ်ပါးအလား ရိုသေလေးစားကြပေသည်။ အကြောင်းမှာ ထိုနေရာသည် နာမည်ကျော် ရှန်းကွမ်မိသားစု၏ အခြေစိုက်ရာ နေရာ ဖြစ်သောကြောင့်ပင်။</p> <p style="text-align:justify">ရာစုနှစ်ပေါင်းများစွာ သမိုင်းကြောင်း ရှိသော မိသားစုကြီး တစ်ခုအနေဖြင့် ရှန်းကွမ်မိသားစုသည် ရှန်းရှီးဒေသတွင် နက်ရှိုင်းစွာ အမြစ်တွယ်နေပြီး သူတို့၏ ဩဇာလွှမ်းမိုးမှုမှာ အလွန် ကြီးမား ကျယ်ပြန့်လှသဖြင့် မည်သူကမျှ သူတို့ကို မရန်စဝံ့ကြချေ။</p> <p style="text-align:justify">ကျေးရွာ၏ အမြင့်ဆုံး နေရာတွင် အလွန် ထူးဆန်းသော အသွင်အပြင်ရှိသည့် ဧရာမ နတ်ဘုရား ရုပ်တုကြီး တစ်ခု မတ်မတ်ရပ်လျက် ရှိနေပြီး မည်သည့် နတ်ဘုရားမျိုး ဖြစ်သည်ကို မည်သူကမျှ မသိရှိကြပေ။</p> <p style="text-align:justify">ထိုရုပ်တုကြီး၏ အောက်တွင် အနက်ရောင် ဝတ်ရုံများ ဝတ်ဆင်ထားသော အဘိုးအို နှစ်ဦး ရပ်နေကြသည်။ ဦးဆောင်နေသူမှာ ပိန်ချုံးကာ အသားအရေ ဝါကြန့်ကြန့် ဖြစ်နေပြီး ရေဓာတ် ခန်းခြောက်နေသော လိမ္မော်ခွံကဲ့သို့ ဖြူလျော့နေသော အသားအရေကြောင့် သူ၏ အသက်အရွယ်ကို ခန့်မှန်းရန်ပင် မဖြစ်နိုင်ချေ။</p> <p style="text-align:justify">သို့တိုင်အောင် ထိုအဘိုးအိုထံမှ အစွမ်းထက်ပြီး ကြောက်မက်ဖွယ် ကောင်းလှသော အရှိန်အဝါ တစ်ရပ် ထွက်ပေါ်နေသဖြင့် သူ့အား မည်သူကမျှ အထင်မသေးဝံ့ကြချေ။ ထိုသူကား အခြားသူမဟုတ်။ ရှန်းကွမ်မိသားစု၏ အရှင်သခင် ရှန်းကွမ်ရှုံပင် ဖြစ်လေသည်။</p> <p style="text-align:justify">သူ၏ မျက်နှာချင်းဆိုင်တွင် ရပ်နေသူမှာ ရှန်းကွမ်မိသားစု၏ ဒုတိယ အကြီးအကဲ ဖြစ်ပြီး ရှန်းကွမ်ရှုံ၏ ညီဖြစ်သူ ရှန်းကွမ်ကျိုးပင် ဖြစ်သည်။</p> <p style="text-align:justify">ရှန်းကွမ်ကျိုးက "အစ်ကိုကြီး... ဒီတစ်ကြိမ် တံခါးပိတ် ကျင့်ကြံတာ ဘယ်လိုနေလဲ။ တစ်ခုခု ရလိုက်ရဲ့လား" ဟု မေးလိုက်သည်။</p> <p style="text-align:justify">ရှန်းကွမ်ရှုံက ခေါင်းကို အနည်းငယ် ခါယမ်းလိုက်ပြီး "ငါတို့ရဲ့ အဆင့်မှာ ရှေ့ကို တစ်လှမ်းတိုးဖို့ဆိုတာ အလွန်အမင်း ခက်ခဲတယ်။ ပြီးတော့ အခွင့်အရေးတွေကိုပဲ ပိုပြီး အားကိုးနေရတုန်းပဲ" ဟု ဖြေလိုက်သည်။ </p> <p style="text-align:justify">ထို့နောက် သူက ခေတ္တမျှ ရပ်တန့်လိုက်ပြီး "လတ်တလော ရွာမှာ အခြေအနေ ဘယ်လိုရှိလဲ။ ကြီးကြီးမားမား ကိစ္စတွေ တစ်ခုခု ဖြစ်သေးလား" ဟု ပြန်လည် မေးမြန်းလိုက်သည်။</p> <p style="text-align:justify">"ကြီးကြီးမားမားတော့ ဘာမှ မဖြစ်ပါဘူး။ ဒါပေမဲ့ ကျန်းပေ့မှာ ပြဿနာ နည်းနည်း ရှိနေတယ်"</p> <p style="text-align:justify">ရှန်းကွမ်ရှုံက "ကျန်းပေ့မှာလား။ မင်း ပြောခဲ့တဲ့ ယဲ့ပုဖန် ဆိုတဲ့ ကောင်လေးလေ။ ငါတို့ရဲ့ ရှန်းကွမ်မိသားစုက သူ့ကို အခုထိ ရှင်းလို့ မရသေးဘူးလား"</p> <p style="text-align:justify">ရှန်းကွမ်ကျိုးက သက်ပြင်းချကာ "ဟုတ်ပါတယ်။ ဒီတစ်ကြိမ်လည်း ကျရှုံးခဲ့ပြန်ပြီ" ဟု ဖြေလိုက်သည်။</p> <p style="text-align:justify">"ရှန်းကွမ်ဟုန်ပင်းနဲ့ ရှန်းကွမ်ဟုန်ရှားတို့က သူတို့ရဲ့ အလုပ်ကို ဘယ်လိုများ လုပ်နေကြတာလဲ။ ဒီကိစ္စလေး တစ်ခုကိုတောင် မဖြေရှင်းနိုင်ကြဘူး။ အကြောင်းကိစ္စ တစ်ခုခု ဖြစ်လာရင်တောင် သုံးလို့ရအောင် ငါက သူတို့ကို ငွေအလောင်း တစ်ခု ပေးလိုက်သေးတာပဲ"</p> <p style="text-align:justify">ထိုငွေအလောင်းမှာ အဆင့်လေး ငွေအလောင်းသာ ဖြစ်သော်လည်း မြေကမ္ဘာအဆင့်၏ ကနဦးအဆင့်ရှိ သိုင်းပညာရှင် တစ်ဦးနှင့် ညီမျှပေသည်။ သာမန် သမားတော်လေး တစ်ယောက်ကိုတောင် သတ်ဖို့ တကယ်ပဲ မဖြစ်နိုင်ဘူးတဲ့လား။</p> <p style="text-align:justify">ရှန်းကွမ်ကျိုးက "အစ်ကိုကြီး... ဒီတစ်ကြိမ် ယဲ့ပုဖန်ကို မသတ်နိုင်ခဲ့ရုံတင် မကဘူး။ ကျွန်တော်တို့ ရှန်းကွမ်မိသားစုလည်း ဆုံးရှုံးမှု ကြီးကြီးမားမား ကြုံလိုက်ရတယ်"</p> <p style="text-align:justify">ရှန်းကွမ်ဟုန်ပင်းနှင့် ရှန်းကွမ်ဟုန်ရှားတို့၏ သက်တမ်းမီးအိမ်များ ငြိမ်းသွားခဲ့ခြင်းက ထိုနှစ်ဦးစလုံး အသတ်ခံလိုက်ရပြီ ဖြစ်ကြောင်းကို ပြသနေပေသည်။ ထို့အပြင် သူတို့ စေလွှတ်လိုက်သော ငွေအလောင်း တစ်ခုနှင့် ကြေးအလောင်း ဆယ်ခုတို့မှာလည်း အရိပ်အယောင်ပင် မကျန်တော့ဘဲ ပျောက်ကွယ်သွားခဲ့လေပြီ။ ယခုအချိန်အထိ တစ်ခုကိုမျှ ရှာမတွေ့သေးချေ။</p> <p style="text-align:justify">"သေသွားပြီ ဟုတ်လား။ ငါတို့ ရှန်းကွမ်မိသားစုက လူကို ဘယ်သူကများ အတင့်ရဲပြီး လက်ပါးဝံ့တာလဲ"</p> <p style="text-align:justify">ရှန်းကွမ်ရှုံ၏ မျက်နှာအမူအရာမှာ သိပ်မပြောင်းလဲသွားသော်လည်း သူ၏ ခန္ဓာကိုယ်မှ အေးစက်ကာ ကြောက်မက်ဖွယ် ကောင်းလှသော အရှိန်အဝါ တစ်ရပ် ရုတ်တရက် ပေါက်ကွဲထွက်ပေါ်လာပြီးနောက် "ကြည့်ရတာ ငါတို့ ရှန်းကွမ်မိသားစု ပျောက်ကွယ်နေခဲ့တဲ့ ဒီနှစ်တွေအတွင်းမှာ တချို့လူတွေက ငါတို့ရဲ့ စွမ်းအားတွေကို မေ့လျော့ကုန်ကြပြီ ထင်တယ်" ဟု အေးစက်သောအသံဖြင့် ဆိုလိုက်လေတော့သည်။</p> <p style="text-align:justify">***</p>


Save