Book List

<h2 style="text-align: center;">အခန်း ၂၁၂ - ကြက်အုပ်ထဲက ကြိုးကြာ</h2> <h2 style="text-align: center;">*</h2> <p> </p> <p> </p> <p> </p> <p>ယန်ရှီကျင်း ထိုနှစ်များက မြင်ကွင်းကို ပြန်လည် သတိရလိုက်ရာ ၎င်းက အမှန်တကယ် ပြင်းထန်လွန်းလှ၏။ ထိုအချိန်က ယန်ရှီကျင်းသည် ဂိုဏ်း၏ တတိယမြောက် ဆက်ခံသူ မဖြစ်သေးဘဲ အနောက်ဘက် အတော်ဝေးဝေးတွင်သာ ရှိနေခဲ့သဖြင့် စင်မြင့်ပေါ်သို့ တက်ရန် သဘာဝကျကျ အရည်အချင်း မပြည့်မီခဲ့ချေ။</p> <p> </p> <p>အဓိက အကြောင်းရင်းမှာ အကယ်၍ သူသာ စင်ပေါ်တက်ခဲ့လျှင် သိုင်းကွက် တစ်ကွက်တည်းနှင့် ရှုံးနိမ့်သွားနိုင်ခြေ ရှိသောကြောင့် ဖြစ်သည်။ ထို့ကြောင့် ယန်ရှီကျင်း အနေဖြင့် ပြိုင်ပွဲတစ်ခုလုံးကို အစမှ အဆုံးတိုင်အောင် ကြည့်ရှုခဲ့ရပြီး နက်ရှိုင်းသော အထင်အမြင်ကို ချန်ရစ်ခဲ့သည်ဟု ဆိုနိုင်၏။</p> <p> </p> <p>နတ်တိမ်ဓားဂိုဏ်း၏ အဆင့်ရှစ် ဆက်ခံသူက အခြား ဂိုဏ်းနှစ်ခု၏ ထိပ်တန်း ဆက်ခံသူများကို အံ့ဩဖွယ်ကောင်းလောက်အောင် အနိုင်ယူခဲ့ပြီး ကြီးမားသော ခွန်အား ကွာဟချက်ကို ပြသခဲ့သည်။ အခြား ဂိုဏ်းများ၏ ထိပ်တန်း ဆက်ခံသူများက အားနည်းနေခြင်း မဟုတ်ဘဲ နတ်တိမ်ဓားဂိုဏ်း၏ အစစ်အမှန် ဆက်ခံသူများ အားလုံးက ထူးကဲစွာ အားကောင်းနေခြင်းသာ ဖြစ်၏။</p> <p> </p> <p>"ဒါက အင်အားဖြုန်းတီးတဲ့ တိုက်ပွဲတစ်ခုနဲ့ တောင် တူနေပြီ... နတ်တိမ်ဓားဂိုဏ်းက တကယ်ပဲ ဒီလောက် အားကောင်းတာလား..." ချန်ဖေးက အံ့အားသင့်စွာ ရေရွတ်လိုက်သည်။</p> <p> </p> <p>"အဲလိုတော့လည်း မဟုတ်ပါဘူး... နတ်တိမ်ဓားဂိုဏ်းမှာ ဆေးလုံးတွေ ရှိတယ်... ပွဲတစ်ပွဲ ပြီးသွားတာနဲ့ သူတို့က ဆေးလုံးတွေ စားကြတယ်... ပြင်းထန်တဲ့ ဒဏ်ရာ မဟုတ်သရွေ့ သူတို့ရဲ့ ရုပ်ပိုင်းဆိုင်ရာ ခွန်အားနဲ့ ဒဏ်ရာတွေက မြန်မြန် ပြန်လည် သက်သာလာနိုင်တယ်..." ယန်ရှီကျင်းက ရှင်းပြလိုက်၏။</p> <p> </p> <p>ဘုန်း…</p> <p> </p> <p>ထိုအရာက ချန်ဖေး၏ တစ်ခုတည်းသော အတွေးပင်။ အဘယ်ကြောင့်ဆိုသော် ဤဆေးလုံးများက နတ်တိမ်ဓားဂိုဏ်း အပြင်ဘက်ရှိ သူများအတွက် အလွန် အဖိုးတန်သောကြောင့် ဖြစ်၏။</p> <p> </p> <p>"ဒါဆို... အဲဒီပြိုင်ပွဲမှာ ငါတို့ဂိုဏ်းရဲ့ ထိပ်တန်း ဆက်ခံသူက ဘယ်အခြေအနေမှာ ရှိခဲ့လဲ..." ချန်ဖေးက သိချင်စိတ်ဖြင့် မေးလိုက်သည်။</p> <p> </p> <p>"အဲဒီတုန်းက ဂိုဏ်းနှစ်ခုရဲ့ ထိပ်တန်း ဆက်ခံသူတွေ ရှုံးနိမ့်ခဲ့တယ်... တစ်ခုက ချန်ရွှေပြသာဒ်ဂိုဏ်း ဖြစ်ပြီး နောက်တစ်ခုက ငါတို့ဂိုဏ်းပဲ..."</p> <p> </p> <p>ယန်ရှီကျင်းက ခါးသက်သက် အပြုံးဖြင့် ခေါင်းခါလိုက်၏။ အမှန်တကယ်တော့ ထိုအချိန်က ယွမ်ချန်ဓားဂိုဏ်း၏ ထိပ်တန်း ဆက်ခံသူသည် နတ်တိမ်ဓားဂိုဏ်းမှ အဆင့်ရှစ် ဆက်ခံသူနှင့် အတော်လေး အင်အားမျှတစွာ တိုက်ခိုက်နိုင်ခဲ့ပြီး သိုင်းကွက် တစ်ရာကျော်အထိ တောင့်ခံနိုင်ခဲ့သည်။</p> <p> </p> <p>ကံမကောင်းစွာဖြင့် နောက်ဆုံးတွင် သူတို့ အနည်းငယ် လိုအပ်သွားပြီး ရှုံးနိမ့်ခဲ့ရ၏။</p> <p> </p> <p>"နတ်တိမ်ဓားဂိုဏ်းက အတော်လေး ရက်ရောတယ်... အနိုင်ယူခံရတဲ့ သူတို့ဂိုဏ်းက ထိပ်တန်း ဆက်ခံသူ တစ်ယောက်စီတိုင်းအတွက် ဆုကြေးအနေနဲ့ လက်ခံ ပုတီးစေ့ တစ်လုံးစီ ပေးတယ်... ဆက်တိုက် အနိုင်ရရင် ဆုကြေးတွေက စုပုံလာနိုင်တယ်... အဲဒီတုန်းက ပေတို မျှော်စင်ဂိုဏ်း က တပည့်တစ်ယောက် မူလအစ နိုးထခြင်း(ချီယွမ်) ဆေးလုံး တစ်လုံး ရခဲ့တယ်လို့ ကြားဖူးတယ်..." ယန်ရှီကျင်းက ပြန်လည် ပြောပြလိုက်သည်။</p> <p> </p> <p>မူလအစ နိုးထခြင်း(ချီယွမ်)ဆေးလုံး လား…</p> <p> </p> <p>ချန်ဖေး အံ့အားသင့်သွား၏။ ၎င်းက ကုသရေး နတ်ဆေးလုံး တစ်ခု ဖြစ်သည်။ သူက အဂ္ဂိရတ်ပညာရှင် မဟာမိတ်အဖွဲ့အတွက် တာဝန်တစ်ခု ပြီးမြောက်ခဲ့စဉ်က တစ်လုံး ရရှိခဲ့ပြီး လူအများအပြားက ၎င်းကို လိုချင်တပ်မက်ကြ၏။ ဤသည်က လူများ အနေဖြင့် မူလအစ နိုးထခြင်း ဆေးလုံး ကို မည်မျှ တန်ဖိုးထားကြောင်းကိုလည်း ညွှန်ပြနေသည်။</p> <p> </p> <p>သို့သော်လည်း မူလအစ နိုးထခြင်း(ချီယွမ်) ဆေးလုံး ၏ အဓိက ပါဝင်ပစ္စည်းမှာ နတ်တိမ်ဓားဂိုဏ်း အတွင်းရှိ ဝိညာဉ်သစ်ပင်မှ အသီး ဖြစ်၏။ အခြားသူများအတွက် အဖိုးတန်သော မူလအစ နိုးထခြင်း(ချီယွမ်) ဆေးလုံး မှာ ရရှိရန် အလွန် ခက်ခဲသော်လည်း နတ်တိမ်ဓားဂိုဏ်းကမူ ၎င်းတို့ကို အတိုင်းအတာ တစ်ခုအထိ ထုတ်လုပ်နိုင်စွမ်း ရှိသည်။</p> <p> </p> <p>ကွာဟချက်က အမှန်တကယ် ကြီးမားလွန်းလှ၏။</p> <p> </p> <p>နတ်တိမ်ဓားဂိုဏ်း၏ အခမ်းအနားနှင့် ပတ်သက်သော အသေးစိတ် အချက်အလက် အချို့ကို သိရှိပြီးနောက် ချန်ဖေးနှင့် ယန်ရှီကျင်းတို့က အတန်ကြာ စကားစမြည် ပြောဆိုကြပြီးနောက် ယန်ရှီကျင်း ထွက်ခွာသွားခဲ့သည်။</p> <p> </p> <p>ချန်ဖေးက သူ၏ နေ့ရက်များကို အနှောင့်အယှက် များစွာ မရှိဘဲ သီးသန့် ကျင့်ကြံခြင်းဖြင့် ကုန်ဆုံးလေ့ ရှိကြောင်း ယန်ရှီကျင်း သိထား၏။ ဤသည်က ယန်ရှီကျင်း အနေဖြင့် ချန်ဖေးကို လေးစားရသည့် အကြောင်းရင်းများထဲမှ တစ်ခု ဖြစ်သည် - ဤမျှ ကြီးမားသော ပါရမီ ရှိပါလျက်နှင့် ဝီရိယရှိရှိနှင့် ဇွဲလုံ့လ ရှိနေဆဲ ဖြစ်သောကြောင့်ပင်။</p> <p> </p> <p>ထိုသို့ ပြုလုပ်မှသာလျှင် မိမိ၏ ခွန်အားကို စဉ်ဆက်မပြတ် တိုးတက်စေနိုင်မည် ဖြစ်၏။</p> <p> </p> <p>ယန်ရှီကျင်း ယနေ့ လာရောက်ရခြင်းမှာ နတ်တိမ်ဓားဂိုဏ်း သို့ သွားရောက် လေ့လာမည့် ကိစ္စကို ချန်ဖေးနှင့် ဆွေးနွေးရန် ဖြစ်သည်။ အမှန်တကယ်တော့ မျှော်လင့်ချက် အနည်းငယ် ပါဝင်နေ၏။ သူက ချန်ဖေး အနေဖြင့် နတ်တိမ်ဓားဂိုဏ်း လေ့လာရေး ခရီးစဉ် အတွင်း အနည်းငယ် တောက်ပပြီး အထင်ကြီးစရာတစ်ခု ချန်ရစ်နိုင်ရန် မျှော်လင့်နေသည်။</p> <p> </p> <p>နတ်တိမ်ဓားဂိုဏ်း၏ ကြီးစိုးမှုက မိုင်ထောင်ပေါင်းများစွာ ကျယ်ပြန့်ပြီး ယွမ်ချန်ဓားဂိုဏ်းနှင့် အခြား ဂိုဏ်းလေးဂိုဏ်းက ၎င်းကို ဝန်းရံထားကြ၏။ နတ်တိမ်ဓားဂိုဏ်းထံမှ ဖိအားကို အများဆုံး ခံစားနိုင်သူများမှာ ဤလူများပင် ဖြစ်သည်။</p> <p> </p> <p>ယွမ်ချန်ဓားဂိုဏ်းသည် နတ်တိမ်ဓားဂိုဏ်းကို မယှဉ်နိုင်ကြောင်း ယန်ရှီကျင်း သဘာဝကျကျ သိထားသော်လည်း ၎င်းက တပည့်များကြားရှိ အပြန်အလှန် ဆက်ဆံရေးများကို အဟန့်အတား မဖြစ်စေချေ။</p> <p> </p> <p>နတ်တိမ်ဓားဂိုဏ်းသည် ၎င်း၏ တပည့်များ၏ ခွန်အားကို ပြသလိုစိတ် ပြင်းပြပြီး ဆုကြေးများ ပေးအပ်ကာ အခြား ဂိုဏ်းများမှ တပည့်များကို သူတို့အား စိန်ခေါ်ရန် အားပေးတိုက်တွန်း၏။ စိန်ခေါ်မှု များလေလေ တိုးတက်မှု ကြီးမားလေလေ ဖြစ်သည်။</p> <p> </p> <p>ထိပ်တန်း ဂိုဏ်းတစ်ခု အတွက် သူတို့၏ အမြင့်ဆုံး အဆင့် ဆုံးဖြတ်ချက်များတွင် သူတို့ ဂိုဏ်း၏ ပိုမို ကောင်းမွန်သော ဖွံ့ဖြိုးတိုးတက်မှုကို အမြဲတမ်း မျှော်လင့်ကြ၏။ အောက်ခြေမှ ကွဲလွဲနေသော အသံများနှင့် ပတ်သက်၍မူ ၎င်းက ရှောင်လွှဲ၍ မရနိုင်သော အရာဖြစ်သည်။</p> <p> </p> <p>အခြား ဂိုဏ်းလေးဂိုဏ်းကလည်း သူတို့၏ တပည့်များကို စိန်ခေါ်မှုများမှတစ်ဆင့် အတွေ့အကြုံ ပိုမို ရရှိစေရန် မျှော်လင့်ကြသည်။ ကွာဟချက်ကို မြင်တွေ့ရမှသာ သူတို့ အနေဖြင့် တိုးတက်ရန် တွန်းအား ရရှိနိုင်ပြီး သူတို့၏ ကန့်သတ်ချက် ရှိသော အမြင်များမှ ဖောက်ထွက်နိုင်မည် ဖြစ်သည် - ၎င်းက အလွန် ကြောက်မက်ဖွယ်ကောင်းသော အလားအလာ တစ်ခုပင်။</p> <p> </p> <p>ယခင်က ဂိုဏ်းလေးဂိုဏ်း၏ ထိပ်တန်း ဆက်ခံသူများက နတ်တိမ်ဓားဂိုဏ်း၏ ထိပ်တန်း ငါးယောက် သို့မဟုတ် ထိပ်တန်း သုံးယောက်နှင့်ပင် အမှန်တကယ် ယှဉ်ပြိုင်နိုင်ခဲ့ကြ၏။ သို့သော်လည်း မကြာသေးမီ နှစ်များအတွင်း ဂိုဏ်းလေးဂိုဏ်း၏ ခွန်အားက ကျဆင်းလာခဲ့ပြီး နတ်တိမ်ဓားဂိုဏ်းကမူ ပိုမို အားကောင်းလာခဲ့သည်။</p> <p> </p> <p>တပည့်များ၏ စွမ်းဆောင်ရည်နှင့် ပတ်သက်၍ မကြာသေးမီ နှစ်များအတွင်း၌သာ ဂိုဏ်းလေးဂိုဏ်းမှ ထိပ်တန်း ဆက်ခံသူများသည် နတ်တိမ်ဓားဂိုဏ်း၏ အဆင့်ခုနစ် သို့မဟုတ် အဆင့်ရှစ် ဆက်ခံသူများအထိသာ စိန်ခေါ်နိုင်ခဲ့ပြီးနောက် ရပ်တန့်သွားခဲ့ရ၏။</p> <p> </p> <p>အတိုင်းအတာ တစ်ခုအထိ ဤသည်က ဂိုဏ်းတစ်ခုစီ၏ လက်ရှိ ခွန်အားကိုလည်း ထင်ဟပ်နေသည်။</p> <p> </p> <p>အချိန်များက ဆက်လက် စီးဆင်းနေပြီး မျက်တောင်တစ်ခတ်အတွင်း နောက်ထပ် ၁၂ ရက် ကုန်လွန်သွားခဲ့ပြီ ဖြစ်၏။</p> <p> </p> <p>ဝိညာဉ်မူလ နှလုံးသား သော့ခတ် ကျင့်စဉ် ၏ မဟာ ပြီးပြည့်စုံမှု နှင့်အတူ ချန်ဖေးက သူ၏ စိတ်စွမ်းအား အနည်းငယ် ပြောင်းလဲသွားသည်ကို ခံစားလိုက်ရသည်။ တစ်ချိန်တည်းမှာပင် ဝိညာဉ်မူလ နှလုံးသား သော့ခတ် ကျင့်စဉ် ကို အပြည့်အဝ ကျွမ်းကျင်ပိုင်နိုင်မှုကြောင့် နှလုံးသား နယ်ပယ် သို့ ဝင်ထွက်သည့် အကြိမ်အရေအတွက်က ၁၀ ရက်မှ ၈ ရက်သို့ တိုတောင်းသွား၏။</p> <p> </p> <p>ဆယ့်ရှစ်ရက်မြောက်နေ့တွင် နဂါးဆင် ဖိနှိပ်ခြင်း ကျင့်စဉ် ၏ ပြီးပြည့်စုံမှု အဆင့်သို့ ရောက်ရှိသွားသည်။</p> <p> </p> <p>ရေပူစမ်း ဘေးတွင် ချန်ဖေးက ရေပြင်ပေါ်ရှိ သူ၏ ပုံရိပ်ကို ကြည့်လိုက်၏။ အံ့ဩစရာ မဟုတ်ဘဲ နဂါးဆင် ဖိနှိပ်ခြင်း ကျင့်စဉ် ၏ အဆင့်တက်မှုက သူ၏ အသွင်အပြင်တွင် အတော်လေး သိသာထင်ရှားသော အပြောင်းအလဲ တစ်ခုကို ဖြစ်ပေါ်စေခဲ့သည်။</p> <p> </p> <p>သူ၏ အရပ်အမောင်းက သိသိသာသာ ပြောင်းလဲသွားခြင်း မရှိဘဲ စင်တီမီတာ အနည်းငယ်မျှသာ ပိုရှည်လာ၏။ သို့သော်လည်း သူ၏ ခန္ဓာကိုယ် ဖွဲ့စည်းပုံက ပိုမို ဟန်ချက်ညီလာသည်။ အခြေခံ သိုင်းပညာ အသိပညာ ရှိသူ မည်သူမဆို ချန်ဖေး၏ လက်ရှိ ပုံစံတွင် ပါဝင်နေသော ပေါက်ကွဲထွက်နိုင်သည့် ခွန်အားကို ခွဲခြားသိမြင်နိုင်၏။</p> <p> </p> <p>မူလ ချိတ်ဆက်ခြင်း ကျင့်စဉ် ၏ ထူးခြားချက် ဖြစ်သော ကြီးမားသော ခွန်အားက ချန်ဖေးအတွက် အသုံးမဝင်တော့ချေ။ သူ၏ လက်ရှိ ခွန်အားက ကြီးမားသော ခွန်အား ပေးစွမ်းနိုင်သည်ထက် များစွာ သာလွန်နေပြီ ဖြစ်သည်။</p> <p> </p> <p>သူ၏ အရေပြားက ပိုမို တင်းရင်းလာပြီး ကြံ့ခိုင်လာ၏။ အသေးစိတ် အချက်အလက် အငယ်ဆုံးများတွင်ပင် ၎င်းက အထင်ကြီးလောက်အောင် မာကျောလာခဲ့သည်။ ချန်ဖေးက ချန်ယွမ် ဓားကို အသုံးပြု၍ တမင်တကာ ဓားရာတစ်ခု ပေးကြည့်ခဲ့ရာ အရေပြား ပေါက်ပြဲသွားရန် အားအနည်းငယ် သုံးရန် လိုအပ်ကြောင်း သူ သဘောပေါက်သွား၏။</p> <p> </p> <p>ချန်ယွမ် ဓားတွင် ထက်မြက်သည့် ဝိသေသလက္ခဏာ မပါရှိသော်လည်း ဝိညာဉ်လက်နက်တစ်ပိုင်း ဓား ဖြစ်သည့်အတွက် ၎င်း၏ ထက်မြက်မှုက သာမန် လက်နက်များထက် သဘာဝကျကျ သာလွန်၏။ သို့တိုင်အောင် ချန်ဖေး၏ အရေပြားကို ဖောက်ထွင်းရန် အားလိုအပ်နေသေးသည်။</p> <p> </p> <p>သူ၏ အရေပြားက ကြံ့ခိုင်ရုံသာမက ဓားရှခံရသော အရေပြားကလည်း လျင်မြန်စွာ သွေးထွက်ခြင်း မရှိတော့ချေ။ ယင်းအစား ၎င်းက ကုသပျောက်ကင်းခြင်း လက္ခဏာများကို စတင် ပြသလာ၏။ ရှင်းလင်းစွာပင် ချန်ဖေး၏ မိမိကိုယ်ကို ကုသနိုင်စွမ်းက သိသိသာသာ တိုးတက်လာခဲ့ပြီ ဖြစ်သည်။</p> <p> </p> <p>နောက်ဆုံးအနေဖြင့် သူ၏ မျက်နှာက အရင်အတိုင်းပင် ဖြစ်ပြီး အခြားသူများက သူ့ကို ချန်ဖေးအဖြစ် မှတ်မိနိုင်သေး၏။ သို့သော်လည်း သူ့ကို မြင်သူတိုင်း သူက ပိုမို ချောမောလာပြီး ထူးခြားသော ဆွဲဆောင်မှု တစ်ခုကို ထုတ်လွှတ်နေကြောင်း သတိပြုမိကြလိမ့်မည်။</p> <p> </p> <p>ယခင်က သူ၏ မျက်နှာသွင်ပြင်များက ရှင်းလင်းပြတ်သားပြီး သေချာ ကြည့်ရှုပြီးမှသာ ဆွဲဆောင်မှု ရှိသည်ဟု ယူဆနိုင်၏။ ယခုအခါ ချန်ဖေးကို လူအုပ်ထဲမှ ခွဲခြားသိမြင်ရန် တစ်ချက် ကြည့်လိုက်ရုံဖြင့် လုံလောက်နေပြီ ဖြစ်သည်။</p> <p> </p> <p>"ဒီကျင့်စဉ်က အမြဲတမ်း အဓိက အလုပ်ကို အာရုံမစိုက်ဘူးပဲ..."</p> <p> </p> <p>ချန်ဖေးက သူ၏ မေးစေ့ကို ပွတ်သပ်လိုက်ပြီး နှုတ်ခမ်းများက အပြုံးသဲ့သဲ့တစ်ခု အဖြစ်သို့ ကွေးညွှတ်သွား၏။</p> <p> </p> <p>နှစ်ဆယ့်သုံးရက်မြောက်နေ့၊ နတ်တိမ်ဓားဂိုဏ်း သို့ လေ့လာရေး ခရီးစဉ် မတိုင်မီ သုံးရက်အလိုတွင် ကျုံးယွမ် ဓားသိုင်းက မဟာ ပြီးပြည့်စုံမှု အဆင့်သို့ ရောက်ရှိသွားသည်။</p> <p> </p> <p>မကြာသေးမီက ချန်ဖေးသည် သူ၏ အချိန်များစွာကို လေ့ကျင့်ပြီး ဆေးဖော်စပ်သည့် လုပ်ငန်းစဉ်များကို ပင် စတေးခဲ့ရ၏။ အချိန်ရတိုင်း သူက ရေတံခွန်အောက်တွင် မတ်တတ်ရပ်နေခဲ့သည်။</p> <p> </p> <p>နဂါးဆင် ဖိနှိပ်ခြင်း ကျင့်စဉ် ၏ တိုးတက်မှုက ချီစွမ်းအင် မလုံလောက်မှုကြောင့် နှေးကွေးခဲ့၏။ ကျုံးယွမ် ဓားသိုင်းက မြင့်မားသော ကျွမ်းကျင်မှု လိုအပ်ပြီး ရေတံခွန်အောက်တွင် အချိန်များစွာ ကုန်ဆုံးခဲ့သော်လည်း အပြည့်အဝ ကျွမ်းကျင်ပိုင်နိုင်ရန် အချိန်အတော်ကြာ လိုအပ်ခဲ့သေးသည်။</p> <p> </p> <p>ကံကောင်းထောက်မစွာဖြင့် ကျုံးယွမ် ဓားသိုင်းက နောက်ဆုံးတွင် မဟာ ပြီးပြည့်စုံမှု သို့ ရောက်ရှိသွားခဲ့ပြီ ဖြစ်၏။</p> <p> </p> <p>ခြံဝင်းထဲတွင် ချန်ဖေးက သူ၏ လက်ဝါးကို ကြည့်လိုက်သည်။ တစ်ချိန်ချိန်တွင် လက်ဝါးက အနက်ရောင်စစ်စစ် အဖြစ်သို့ ပြောင်းလဲသွားခဲ့၏။</p> <p> </p> <p>ကျုံးယွမ် ဓားသိုင်းကို အပြည့်အဝ ကျွမ်းကျင်ပိုင်နိုင်သွားသဖြင့် ချန်ဖေးသည် ယခုအခါ ဤစွမ်းအားကို သိမ်မွေ့သော အဆင့်အထိ ထိန်းချုပ်နိုင်ပြီ ဖြစ်သည်။ ထို့ကြောင့် လက်ထဲတွင် ဓားမရှိလျှင်ပင် ကျုံးယွမ် ဓားသိုင်း၏ စွမ်းအားကို သူ၏ လက်ဝါးထဲတွင် စုစည်းနိုင်သည်။</p> <p> </p> <p>သေချာသည်မှာ စွမ်းအားကို ဓားသွားပေါ်တွင် စုစည်းခြင်းနှင့် နှိုင်းယှဉ်လျှင် ချန်ဖေး လက်ထဲရှိ စွမ်းအားက အတော်လေး အားနည်းမည် ဖြစ်၏။ မည်သို့ပင်ဆိုစေ အသွေးအသား၏ ခိုင်မာမှုက ဓားသွားကို မယှဉ်နိုင်ချေ။</p> <p> </p> <p>ချန်ဖေး အနေဖြင့် ရန်သူများကို လက်နက်မဲ့ ရင်ဆိုင်ရန် ရည်ရွယ်ချက် မရှိပေ။ သူ၏ လက်ရှိ လုပ်ရပ်များက မဟာ ပြီးပြည့်စုံမှု သို့ ရောက်ရှိပြီးနောက် ကျုံးယွမ် ဓားသိုင်းရှိ အပြောင်းအလဲများကို လေ့လာကြည့်ရှုရန် စမ်းသပ်မှု တစ်ခုမျှသာ ဖြစ်၏။</p> <p> </p> <p>ခဏအကြာတွင် ချန်ဖေး၏ လက်ဝါး အလယ်ရှိ အနက်ရောင်များက တဖြည်းဖြည်း ပျောက်ကွယ်သွားသည်။ သူက အဝေးသို့ လှမ်းကြည့်လိုက်ပြီး သူသည် အတွင်းကလီစာသန့်စင်ခြင်း အဆင့်၏ အထွတ်အထိပ်သို့ ရောက်ရှိရန် ဆယ်ရာခိုင်နှုန်းခန့်သာ လိုတော့ကြောင်း သဘောပေါက်သွား၏။</p> <p> </p> <p>ဝိညာဉ်မူလ နှလုံးသား သော့ခတ် ကျင့်စဉ် ၏ မဟာ ပြီးပြည့်စုံမှု ၊ နဂါးဆင် ဖိနှိပ်ခြင်း ကျင့်စဉ် ၏ ပြီးပြည့်စုံမှု နှင့် ကျုံးယွမ် ဓားသိုင်း ၏ မဟာ ပြီးပြည့်စုံမှု တို့နှင့်အတူ ချန်ဖေး၏ ခွန်အားက ကျန်ကျိုက်ဝမ်နှင့် တိုက်ခိုက်ခဲ့သော လွန်ခဲ့သည့် နှစ်လကထက် သိသိသာသာ ကြီးထွားလာခဲ့ပြီ ဖြစ်သည်။</p> <p> </p> <p>အားနည်းချက် တစ်ခုခု ရှိမည်ဆိုလျှင် သူ၏ ယခင်က အားအကောင်းဆုံး ဖြစ်ခဲ့သော ခြေကွက်သိုင်းက ယခုအခါ အနည်းငယ် သာမန် ဖြစ်နေပုံရခြင်းပင်။</p> <p> </p> <p>သေချာသည်မှာ ဂိုဏ်း၏ အစစ်အမှန် အမွေအနှစ်များထဲတွင်ပင် ချန်ဖေး၏ ခြေကွက်သိုင်းက ထူးကဲသည်ဟု ယူဆထားကြ၏။ အမြန်နှုန်းနှင့် ရှောင်တိမ်းမှုကို အဓိကထားသော အစစ်အမှန် အမွေအနှစ်များပင် သူတို့၏ ခြေကွက်သိုင်းများက ချန်ဖေးထက် သာလွန်သည်ဟု မဆိုရဲကြချေ။</p> <p> </p> <p>ကံကောင်းထောက်မစွာဖြင့် ချန်ဖေး လေ့ကျင့်သော ကျုံးယွမ် ဓားသိုင်းက တိုက်ပွဲမြေပြင်ကို ထိန်းချုပ်နိုင်စွမ်း ပေးထား၏။ သူ၏ စွမ်းအားစက်ကွင်းကို ဖြန့်ကျက်ထားခြင်းဖြင့် သူ၏ ခြေကွက်သိုင်းက အခြားသူများနှင့် မယှဉ်နိုင်လျှင်ပင် ပြိုင်ဘက်များကို အတင်းအကျပ် နှေးကွေးသွားစေနိုင်သည်။</p> <p> </p> <p>ပြိုင်ဘက်ကို နှေးကွေးသွားစေခြင်းက အခြေခံအားဖြင့် ကိုယ့်ကိုယ်ကိုယ် အရှိန်မြှင့်လိုက်ခြင်းပင် ဖြစ်သည် မဟုတ်ပါလား။</p> <p> </p> <p>သုံးရက် ကြာပြီးနောက် အစစ်အမှန်တပည့် ခန်းမ၏ သိုင်းပြိုင်ကွင်းတွင် အစစ်အမှန် တပည့် သုံးဆယ် စုရုံးရောက်ရှိနေကြ၏။ မကြာမီ သူတို့က နတ်တိမ်ဓားဂိုဏ်း သို့ သွားရောက်ရန် ထွက်ခွာကြတော့မည် ဖြစ်သည်။</p> <p> </p> <p>ဤတစ်ကြိမ်တွင် အဖွဲ့ကို အစစ်အမှန်တပည့် ခန်းမ၏ ကြီးကြပ်ရေးမှူး ကျိုးချွန်းရှန်းသာမက အခြား အကြီးအကဲ အတော်များများကပါ ဦးဆောင်လာကြ၏။ ထိုအထဲတွင် ဝူကွမ်းရင် ပါဝင်သကဲ့သို့ ဥပဒေစိုးမိုးရေး ခန်းမ မှ အကြီးအကဲ ကျုံးပန်ယွမ် လည်း ပါဝင်သည်။</p> <p> </p> <p>တစ်ချိန်တည်းမှာပင် ယွမ်ချန်ဓားဂိုဏ်း၏ ဂိုဏ်းချုပ် ချွီချင်းရှန်း ကိုလည်း ချန်ဖေး တွေ့လိုက်ရ၏။ သူက သိုင်းပညာ ဘာမှမသိသူ တစ်ဦးကဲ့သို့ ပတ်ဝန်းကျင်ရှိ အကြီးအကဲများ၏ လွှမ်းမိုးနိုင်သော အငွေ့အသက်မျိုး မရှိဘဲ သာမန် အဘိုးအို တစ်ဦးနှင့် တူနေသည်။</p> <p> </p> <p>သေချာသည်မှာ ချွီချင်းရှန်းက သိုင်းပညာကို ဘာမှမသိဘူးဟု မည်သူကမျှ အမှန်တကယ် မယုံကြည်ကြချေ။ အမှန်တကယ်တော့ သူ၏ အငွေ့အသက်ကို လုံးဝ ဖုံးကွယ်ထားနိုင်ခြင်းကပင် သူ့ကို ပို၍ ကြောက်မက်ဖွယ် ကောင်းစေခြင်း ဖြစ်၏။</p> <p> </p> <p>"ဒီခရီးစဉ်က အဓိကအားဖြင့် လေ့လာကြည့်ရှုဖို့၊ ကိုယ်နဲ့ အခြားသူတွေကြားက ကွာဟချက်ကို မြင်တွေ့ဖို့နဲ့ ပိုကောင်းတဲ့ ကျင့်ကြံမှုတွေ လုပ်ဖို့ ပြန်လာကြဖို့ပဲ..."</p> <p> </p> <p>ချွီချင်းရှန်းက အောက်ဘက်ရှိ အစစ်အမှန် တပည့် သုံးဆယ်ကို ကြည့်လိုက်၏။ ဤတပည့်များက ဒွာရသန့်စင်ခြင်း အဆင့်သို့ ချိုးဖောက် ဝင်ရောက်ရန် ယွမ်ချန်ဓားဂိုဏ်း၏ မျှော်လင့်ချက် အရှိဆုံး ကိုယ်စားလှယ်များ ဖြစ်ကြသည်။</p> <p> </p> <p>ယွမ်ချန်ဓားဂိုဏ်းတွင် အတွင်းကလီစာသန့်စင်ခြင်း အဆင့်၏ အထွတ်အထိပ်သို့ ရောက်ရှိနေသော အတွင်းတပည့် အတော်များများ ရှိသော်လည်း သူတို့အများစုက ချိုးဖောက် ဝင်ရောက်ရန် မျှော်လင့်ချက် အလွန်နည်းပါးလောက်အောင် အသက်အရွယ် ကြီးရင့်နေပြီ ဖြစ်သည်၊ သို့မဟုတ် ချိုးဖောက် ဝင်ရောက်ရန် တစ်ကြိမ် ကြိုးစားခဲ့ဖူးပြီး ရှုံးနိမ့်ခဲ့ကြသူများ ဖြစ်၏။ အချို့က လိုအပ်သော အခြေခံအုတ်မြစ် မရှိသဖြင့် ချိုးဖောက် ဝင်ရောက်ရန် ကြိုးစားချိန်တွင် ရှုံးနိမ့်ရန် အလွန် သေချာနေကြသည်။</p> <p> </p> <p>အတွင်းကလီစာသန့်စင်ခြင်း အဆင့်နှင့် ဒွာရသန့်စင်ခြင်း အဆင့်တို့သည် အဆင့်တစ်ဆင့်တည်း ကွာခြားနေပုံရသော်လည်း ဤအတားအဆီးကို အမှန်တကယ် ချိုးဖောက် ဝင်ရောက်နိုင်သူများမှာ တပည့် အများအပြားထဲတွင် လူနည်းစုသာ ဖြစ်သေး၏။</p> <p> </p> <p>ကံကောင်းစွာဖြင့် အောင်မြင်စွာ ချိုးဖောက် ဝင်ရောက်နိုင်ခဲ့သော အတွင်းတပည့်များ သေချာပေါက် ရှိသော်လည်း ၎င်းတို့က အလွန် ရှားပါးလှပြီး ဆယ်နှစ်တွင်မှ တစ်ယောက် ပေါ်ထွက်လာခြင်း ဖြစ်နိုင်သည်။ ထို့ကြောင့် အစစ်အမှန် တပည့်များက မျှော်လင့်ချက် အများဆုံး ရှိပြီး သူ၏ ရှေ့ရှိ လူသုံးဆယ်မှာ အလားအလာ အကောင်းဆုံးများ ဖြစ်ကြ၏။</p> <p> </p> <p>"လေ့လာကြည့်ရှုပြီးတဲ့အခါ ယှဉ်ပြိုင် တိုက်ခိုက်တာတွေ ရှိလိမ့်မယ်... အတင်းကာရောမလုပ်ကြနဲ့... ခွန်အား ကွာဟချက် အရမ်းကြီးတယ်လို့ ခံစားရရင် သည်းခံတတ်ရမယ်... ခွန်အား ကွာဟချက် နည်းတယ် ဆိုရင်တော့ ကိုယ့်ရဲ့ အလိုဆန္ဒအတိုင်း လုပ်ကြပေါ့..."</p> <p> </p> <p>ချွီချင်းရှန်းက လူအုပ်ကို ကြည့်လိုက်ပြီး သူ၏ အကြည့်က ချန်ဖေးထံတွင် ခဏတာ ရပ်တန့်သွား၏။ မကြာသေးမီ လများအတွင်း ချန်ဖေး၏ နာမည်က သူ၏ နားထဲသို့ အကြိမ်အနည်းငယ် ရောက်ရှိလာခဲ့သည်။</p> <p> </p> <p>မည်သို့ပင်ဆိုစေ လအနည်းငယ်အတွင်း ကျုံးယွမ် ဓားသိုင်းကို နက်နဲစွာ ကျွမ်းကျင်ပိုင်နိုင်ခြင်းက ဂိုဏ်း၏ အထက်ပိုင်း အရာရှိများ၏ အာရုံစိုက်မှုကို သဘာဝကျကျ ဆွဲဆောင်နိုင်ခဲ့သည် မဟုတ်ပါလား။</p> <p> </p> <p>"ကောင်းပြီ... ထွက်ကြတာပေါ့..."</p> <p> </p> <p>ချွီချင်းရှန်းက ပြုံး၍ လှည့်ကာ တောင်အောက်သို့ လျှောက်သွားလိုက်၏။ သူက အေးအေးလူလူ လမ်းလျှောက်နေသော်လည်း သူ၏ အမြန်နှုန်းက အံ့မခန်း ဖြစ်နေသည်။ အကြီးအကဲ အများအပြားက သူ၏ အနောက်မှ လိုက်လာကြသော်လည်း သူတို့၏ ခြေကွက်သိုင်းများက ချွီချင်းရှန်း၏ ခြေကွက်သိုင်းနှင့် နှိုင်းယှဉ်ပါက ထူးခြားသော အရသာ တစ်ခုခု လိုအပ်နေပုံရ၏။</p> <p> </p> <p>ချန်ဖေးက သူ၏ ဆရာ ဖုန်းရှိုးဖူ ကိုလည်း အဖွဲ့ထဲတွင် တွေ့လိုက်ရသည်။ ချန်ဖေး သွားမည်ဖြစ်သောကြောင့် ဖုန်းရှိုးဖူက လိုက်လာခြင်း ဖြစ်တန်ရာ၏။ တစ်ခုခု ဖြစ်လာပါက ဖုန်းရှိုးဖူက ၎င်းကို ဖြေရှင်းပေးနိုင်မည် ဖြစ်သည်။</p> <p> </p> <p>အဖွဲ့က ကြီးကျယ်ခမ်းနားသော စီတန်းလှည့်လည်မှုဖြင့် ရွေ့လျားသွားပြီး တစ်နာရီကြာပြီးနောက် တောင်တံခါး တစ်ခုသို့ ရောက်ရှိလာကြ၏။ ၎င်းက ချန်ဖေး ယခင်က သွားရောက်ခဲ့ဖူးသော နတ်တိမ်ဓားဂိုဏ်း၏ တံခါးပေါက်ပင် ဖြစ်သည်။</p> <p> </p> <p>နတ်တိမ် မြို့သို့ ပထမဆုံး ရောက်ရှိလာစဉ်က ချန်ဖေး၏ ပထမဆုံး ရည်မှန်းချက်မှာ နတ်တိမ်ဓားဂိုဏ်းသို့ ဝင်ရောက်ရန် ဖြစ်ခဲ့၏။ မည်သို့ပင်ဆိုစေ သူတို့က မိုင်ထောင်ပေါင်းများစွာ အတွင်း ကြီးစိုးသော အင်အားစု ဖြစ်ပြီး သိုင်းပညာ လမ်းစဉ်ကို လျှောက်လှမ်းလိုသူ မည်သူမဆို နတ်တိမ်ဓားဂိုဏ်းကို သူတို့၏ ပထမဆုံး ရွေးချယ်မှုအဖြစ် ရွေးချယ်ကြမည် ဖြစ်သည်။</p> <p> </p> <p>ကံမကောင်းစွာဖြင့် ထိုအချိန်က ချန်ဖေး၏ ကျင့်ကြံမှုက မလုံလောက်ခဲ့ဘဲ နတ်တိမ်ဓားဂိုဏ်းက သူ့ကို အခွင့်အရေး တစ်ခုတောင် မပေးခဲ့ချေ။</p> <p> </p> <p>ယခု အချိန်အတော်ကြာ ကုန်လွန်သွားပြီးနောက် ဤနေရာသို့ ပြန်လည် ရောက်ရှိလာခြင်းက ချန်ဖေးကို ရင်းနှီးကျွမ်းဝင်နေသည့် ခံစားချက်ကို ပေးစွမ်းနေ၏။</p> <p> </p> <p>"ဂိုဏ်းချုပ်ချွီ... မတွေ့ရတာ ကြာပြီနော်... အဝေးကြီးကနေ လာရတာဆိုတော့ အဆင်မပြေတာတွေ ရှိရင် ခွင့်လွှတ်ပေးဖို့ မျှော်လင့်ပါတယ်..."</p> <p> </p> <p>နတ်တိမ်ဓားဂိုဏ်းမှ အကြီးအကဲ တစ်ဦးက ချွီချင်းရှန်းကို မြင်သောအခါ အလျင်အမြန် ချဉ်းကပ်လာပြီး ယွမ်ချန်ဓားဂိုဏ်းမှ အဖွဲ့ကို တောင်ပေါ်သို့ ကြိုဆိုလိုက်လေသည်…</p> <p> </p> <p>***</p> <p> </p>


Save