Book List

<h2 style="text-align: center;">ရော်နယ်ဒိုလက်သစ် ကျွန်တော်</h2> <h2 style="text-align: center;">အခန်း (၃၆၁)</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">"ချူဖုန်းက အနီးတိုင်မှာရှိတဲ့ နောက်ခံလူတွေရဲ့ အာရုံကို ဆွဲဆောင်ထားပြီး မာရက်ဇ်က အဝေးတိုင်မှာ ရှိတဲ့ ရက်ရှ်ဖို့ဒ်ဆီ ဘောလုံး ပင့်တင်ပေးလိုက်ပါတယ်..."</p> <p style="text-align:justify">"ဆီမီဒို အဖျက်စွမ်းရည်ကတော့ အတော်လေး အသက်ပါတာပဲဗျာ... ရက်ရှ်ဖို့ဒ် ခေါင်းတိုက်မယ့် အနေအထားကို ကြိုတင်ဖတ်ပြီး ဝင်နှောင့်ယှက်လိုက်နိုင်တဲ့အတွက် ရက်ရှ်ဖို့ဒ် အနေအထား ပျက်သွားပြီး ဘောလုံးကလည်း ကွင်းပြင်ကို ရောက်သွားပါတယ်..."</p> <p style="text-align:justify">"ဆီမီဒိုက အာနိုးလ်ထက် တိုက်စစ်လိုက်ပါမှု ကောင်းရုံတင်မကဘူး... ခံစစ်အာရုံစိုက်မှုပိုင်းမှာလည်း တစ်ပန်းသာနေတာကို တွေ့ရပါတယ်..."</p> <p style="text-align:justify">ကျန်းကျွင်း၏ လေသံတွင် အနည်းငယ် နှမြောတသဖြစ်မှုများ ရောယှက်နေသည်။</p> <p style="text-align:justify">မန်ယူအသင်း၏ အရပ်အမောင်း အားသာချက်ကြောင့် ထောင့်ကန်ဘောများမှတစ်ဆင့် ဂိုးရနိုင်ခြေ မြင့်မားသည်ဟု သူ တွေးထားခဲ့သော်လည်း ယခု တိုက်စစ်ဗျူဟာကမူ အတော်လေး လွဲချော်နေခဲ့သည်။</p> <p style="text-align:justify">အကယ်၍ ရှောင်ချူကိုသာ ပစ်မှတ်ထားနိုင်ခဲ့လျှင်...</p> <p style="text-align:justify">ဒါကလည်း ဖြစ်နိုင်ခြေ သိပ်မရှိလှပေ။ ပီကေးနှင့် လန်းဂလတ်တို့က သွေးစုပ်ကောင်များပမာ ချူဖုန်းအနားမှ ခွာမသွားဘဲ ကပ်တွယ်ထားကြသည်။</p> <p style="text-align:justify">သူတို့နှစ်ယောက်၏ အပိတ်အဆို့ကြားမှ ဘောလုံးကို ရယူပြီး ခေါင်းတိုက်ဂိုး သွင်းယူနိုင်ရန်မှာ အလွန် ခက်ခဲသော ကိစ္စဖြစ်သည်။</p> <p style="text-align:justify">"တိုက်စစ်အရှိန်ကို နည်းနည်း ထပ်တင်ကြ... ပထမပိုင်း ပြီးတော့မယ်ဟေ့..."</p> <p style="text-align:justify">ဘူးစကွက်ခ်က ကျယ်လောင်စွာ အော်ဟစ် အမိန့်ပေးလိုက်၏။</p> <p style="text-align:justify">မန်ယူ၏ တိုက်စစ် ခြိမ်းခြောက်မှုများကို အဆက်မပြတ် ခံနေရသဖြင့် ခံစစ်ကြောင်း၏ ဖိအားများက လျော့ကျသွားခြင်း မရှိဘဲ အချိန်မရွေး ပေါက်ကွဲနိုင်သော ဗုံးတစ်လုံးပမာ ဖြစ်နေသည်။</p> <p style="text-align:justify">ထို့ကြောင့်...</p> <p style="text-align:justify">တိုက်စစ်ဇုန်က အသက်ဝင်လာမှသာ မန်ယူကစားသမားများကို အလုပ်များစေပြီး လျင်မြန်သော တန်ပြန်တိုက်စစ်များ မဆင်နိုင်အောင် တားဆီးနိုင်မည် ဖြစ်သည်။</p> <p style="text-align:justify">ဘူးစကွက်ခ်က ရာကီတစ်ထံ ဘောလုံး ပေးပို့လိုက်သည်။</p> <p style="text-align:justify">ခရိုအေးရှားအသင်း ကမ္ဘာ့ဖလား ဒုတိယ ရရှိခဲ့ခြင်းမှာ ရာကီတစ်နှင့် မိုဒရစ်တို့ကြောင့်ဟု ဆိုလျှင်လည်း မမှားပေ။ သူ၏ စွယ်စုံရ စွမ်းရည်များက ကွင်းလယ်ရှိ မည်သည့်နေရာတွင်မဆို ကစားနိုင်စွမ်း ရှိစေသည်။</p> <p style="text-align:justify">ထူးချွန်သော ဘောလုံးပေးပို့မှုနှင့် ထိန်းချုပ်နိုင်စွမ်းက ဘာစီလိုနာ၏ ညာတောင်ပံ တိုက်စစ်အတွက် အာမခံချက်ပင် ဖြစ်သည်။</p> <p style="text-align:justify">ရက်ရှ်ဖို့ဒ်၏ ဖိအားပေးမှုနှင့် အနှောင့်အယှက်များ ကြားမှပင် ရာကီတစ်သည် ဘောလုံးကို အသေအချာ ထိန်းချုပ်ထားနိုင်ခဲ့ပြီး သူ၏ ရှေ့ရှိ မက်ဆီနှင့်ပါ အပေးအယူ တွဲကစားလိုက်သေးသည်။</p> <p style="text-align:justify">"လီယို... ပြန်ပေး..."</p> <p style="text-align:justify">ရာကီတစ်က ဘောလုံး လက်ခံရယူရန် ရှေ့သို့ တိုးထွက်လာပြီး ရုတ်တရက် ရပ်တန့်လိုက်ရာ နောက်မှ ထပ်ကြပ်မကွာ လိုက်ပါလာသော ရက်ရှ်ဖို့ဒ်ကို ချက်ချင်း ဖြတ်ကျော်ပြီးသား ဖြစ်သွားသည်။</p> <p style="text-align:justify">ရာကီတစ်က မျှောထိုးပေးပို့မှု တစ်ခုဖြင့် တိုက်စစ်ကို ဆက်လက် ပံ့ပိုးပေးလိုက်ပြန်သည်။</p> <p style="text-align:justify">ဘောလုံးက ဟာရဲရား၏ ညာဘက်ခြမ်းမှ လျင်မြန်စွာ လိမ့်ထွက်သွားပြီး ဆွာရက်ဇ်၏ ခြေဖျားဆီသို့ တိကျစွာ ရောက်ရှိသွားသည်။</p> <p style="text-align:justify">ယခု တစ်ကြိမ်တွင်တော့ ဘာစီလိုနာတို့ သင်ခန်းစာ ရသွားပုံရသည်။</p> <p style="text-align:justify">ငါတို့ လေထဲကနေ မသွားဘူး... မြေကြီးပေါ်ကပဲ သွားမယ်ကွ...</p> <p style="text-align:justify">မက်ဂွိုင်းယားကဲ့သို့ ခန္ဓာကိုယ် တောင့်တင်းသော ဗဟိုနောက်ခံလူများ အားလုံး၏ တူညီသော အားနည်းချက်မှာ နှေးကွေးခြင်းပင် ဖြစ်သည်။</p> <p style="text-align:justify">လှည့်ဖို့ နှေးတယ်... ခြေလှမ်း နှေးတယ်... အစပျိုးဖို့ နှေးတယ်...</p> <p style="text-align:justify">ထို့ကြောင့် ဆွာရက်ဇ်က ဘောလုံးကို ထိန်းချုပ်ကာ အယောင်ပြလှည့်ကွက်များ ဆက်တိုက်သုံးပြီး သူ၏ ပေါက်ကွဲအားဖြင့် ထိုးဖောက် ဝင်ရောက်နိုင်သည်။</p> <p style="text-align:justify">အဓိက သော့ချက်ကတော့ အလှည့်ပဲ...</p> <p style="text-align:justify">ဆွာရက်ဇ်သည် အစွမ်းကုန် အားထုတ်ကာ မက်ဂွိုင်းယားကို ကာကွယ်ထားရင်း သူ၏ ထက်မြက်သော သွားများကို ပေါ်လာသည်အထိ ပြုံးဖြီးလိုက်သည်။</p> <p style="text-align:justify">သူသည် အခြား တိုက်စစ်မှူးများကဲ့သို့ အရပ်မရှည်သော်လည်း သူ့အားသာချက်က တောင့်တင်း ခိုင်မာသော ခန္ဓာကိုယ်အောက်ပိုင်း ဖြစ်ပြီး ပြင်းထန်သော ဖိအားများအောက်တွင် ဘောလုံး ဆုံးရှုံးလေ့ မရှိခြင်းပင် ဖြစ်သည်။</p> <p style="text-align:justify">ဘယ်ခြေဖြင့် ဘောလုံးကို ကျော်ခွလိုက်ပြီး ဆန့်ကျင်ဘက်သို့ လှည့်တော့မယောင် ဟန်ပြကာ တကယ်တမ်းတွင်မူ ဖနောင့်ဖြင့် နောက်သို့ ပင့်တင်လိုက်သည်။</p> <p style="text-align:justify">ဒါက တောင်အမေရိက ဘောလုံးသမားတွေရဲ့ ဝိညာဉ်ပဲ...</p> <p style="text-align:justify">ဘောလုံးသည် မက်ဂွိုင်းယား၏ ခြေနှစ်ချောင်းကြားမှ လျှောထွက်သွားပြီး ရှေ့သို့ အပြေးအလွှား လာနေသော မက်ဆီထံ လိမ့်သွားလေသည်။</p> <p style="text-align:justify">အာဂျင်တီးနားသားများက အရပ်သိပ်မရှည်သော်လည်း သူတို့၏ တာတို ပေါက်ကွဲအရှိန်ကမူ အတော်လေး အထင်ကြီးစရာ ကောင်းသည်။ သို့မဟုတ်ပါက ထိုကဲ့သို့သော လှုပ်ရှားမှုများကို လုပ်ဆောင်နိုင်မည် မဟုတ်ပေ။</p> <p style="text-align:justify">အက်ရှ်လေယန်းက အံကြိတ်ကာ နောက်မှ အပြေးလိုက်လေသည်။</p> <p style="text-align:justify">"မမှီတော့ဘူး... တကယ်ကို မမှီတော့ဘူး..."</p> <p style="text-align:justify">"ဒီနှစ်က စာချုပ်နှစ် မဟုတ်တာ နှမြောစရာပဲဟ..."</p> <p style="text-align:justify">အက်ရှ်လေယန်းသည် ပင်နယ်တီ ဧရိယာအတွင်း ဖောင်းဘော မလုပ်ရဲပေ။ သို့မဟုတ်ပါက ဘယ်နောက်ခံလူ မရှိသော မန်ယူကို ယနေ့ ဘာစီလိုနာက အမှုန့်ကြိတ်သွားလိမ့်မည် ဖြစ်သည်။</p> <p style="text-align:justify">ဒီဂီယာသည် မက်ဆီအား စူးစိုက်ကြည့်ကာ သူ၏ နာမည်ကြီး "K" ပုံစံဖြင့် အသင့်အနေအထား ယူလိုက်သည်။</p> <p style="text-align:justify">ကမ္ဘာ့ဖလားပြိုင်ပွဲတွင် သူ၏ ဈေးကွက်တန်ဖိုးကို ရော်နယ်ဒိုက ထက်ဝက်ချိုးပစ်ခဲ့ပြီး ပြန်လည် နာလန်ထူရန် ရာသီဝက်ခန့် အချိန်ယူခဲ့ရသည်။ မက်ဆီကြောင့် နောက်ထပ် ထက်ဝက် အချိုးခံရ၍ လုံးဝ (လုံးဝ) မဖြစ်ပေ။</p> <p style="text-align:justify">ထောင့်က တဖြည်းဖြည်း ကျဉ်းလာသည်ကို မြင်သောအခါ မက်ဆီသည် ဆက်မစောင့်တော့ဘဲ ဘယ်ခြေဖြင့် ရုတ်တရက် ကန်သွင်းလိုက်သည်။</p> <p style="text-align:justify">ဘန်း...</p> <p style="text-align:justify">တုံးတိတိ အသံနှင့်အတူ ဘောလုံးသည် မြှားတစ်စင်းပမာ ပစ်ထွက်သွားပြီး ဒီဂီယာ၏ ပေါင်ကြားဆီသို့ တည့်တည့်မတ်မတ် ဦးတည်သွားလေသည်။</p> <p style="text-align:justify">ညာခြေကို ချ...</p> <p style="text-align:justify">ဒီဂီယာသည် သူ၏ ပေါင်ကြားကို အလွန် လျင်မြန်စွာ ပိတ်လိုက်သည်။</p> <p style="text-align:justify">ဘောလုံး ဖြတ်သွားမည့် ဆဲဆဲတွင် သူ၏ ဒူးခေါင်းထိပ်နှင့် အနည်းငယ် ပွတ်တိုက်မိသွားကာ လမ်းကြောင်း ပြောင်းသွားပြီး ပင်နယ်တီ ဧရိယာ အစွန်းဆီသို့ လွင့်ထွက်သွားသည်။</p> <p style="text-align:justify">ရှုပ်ယှက်ခတ်သွားပြီ...</p> <p style="text-align:justify">ခြေထောက်ပေါင်းများစွာက ရမ်းသန်း ထိုးနှိုက်နေကြသော်လည်း ဒေးဗစ်လူးဝစ်က အမြန်ဆုံးဖြစ်ပြီး ဘောလုံးကို ပင်နယ်တီ ဧရိယာအပြင်သို့ အရင်ဆုံး ထိုးထုတ်နိုင်ခဲ့သည်။</p> <p style="text-align:justify">ဘူးစကွက်ခ်...</p> <p style="text-align:justify">သူက အပြင်ဘက်မှာ ချောင်းမြောင်းနေခဲ့ပြီး မန်ယူကစားသမားများ ဘောလုံး ရှင်းထုတ်မည့်အချိန်ကို အတိအကျ စောင့်ဆိုင်းနေခဲ့ခြင်း ဖြစ်သည်။</p> <p style="text-align:justify">ဘာမှမပြောဘဲ သူက ပြင်းထန်သော ကန်ချက်တစ်ခုကို ကန်လိုက်ရာ ဘောလုံးသည် ဂိုးပေါက်ဆီသို့ တရွှီရွှီ မြည်လျက် ပြေးဝင်သွားလေသည်။</p> <p style="text-align:justify">ဤအခိုက်အတန့်တွင် မန်ယူပရိသတ်များ အားလုံး အသက်ရှူမှားမတတ် ဖြစ်သွားကြပြီး ကွင်းထဲသို့ စိတ်လှုပ်ရှားစွာ စောင့်ကြည့်နေကြသည်။</p> <p style="text-align:justify">ဒီဂီယာ...</p> <p style="text-align:justify">မန်ယူအသင်း၏ အစောင့်အရှောက် ကောင်းကင်တမန်က နောက်တစ်ကြိမ် ထွက်ပေါ်လာပြန်ပြီ။ သူက ခွန်အားယူရန် အနည်းငယ် ခုန်လိုက်ပြီးနောက် ဘေးဘက်သို့ လှဲချကာ ဘူးစကွက်ခ်၏ ကန်ချက်ကို ပိတ်ဆို့လိုက်လေသည်။</p> <p style="text-align:justify">"ဒေးဗစ်... လှတယ်ကွာ..."</p> <p style="text-align:justify">ချူဖုန်းပင် မချီးကျူးဘဲ မနေနိုင်အောင် ဖြစ်သွားရသည်။ ပရီးမီးယားလိဂ်ကို စတင် ရောက်ရှိချိန်က ရုန်းကန်ခဲ့ရမှုများမှသည် တဖြည်းဖြည်း အကောင်းဆုံးများထဲမှ တစ်ဦး ဖြစ်လာသည်အထိ မန်ယူရှိ ဒီဂီယာ၏ စွမ်းဆောင်ရည်မှာ နှစ်စဉ်နှစ်တိုင်း တိုးတက်လာခဲ့သည်။</p> <p style="text-align:justify">ယခုဆိုလျှင် သူ၏ မျက်လုံးနှင့် လက် အချိတ်အဆက်မိမှု၊ ဘေးတိုက် ရွေ့လျားမှု အမြန်နှုန်း၊ ဂိုးစည်းပေါ်ရှိ နည်းစနစ်နှင့် အခြား စွမ်းရည်များသည် ပရီးမီးယားလိဂ်တွင်သာမက ဥရောပတွင်ပါ အကောင်းဆုံးစာရင်းဝင် ဖြစ်နေပြီဖြစ်သည်။</p> <p style="text-align:justify"><br /> သို့သော် သူ့တွင် အားနည်းချက်များ မရှိသည်တော့ မဟုတ်ပေ။ ဂိုးပေါက်ကနေ ထွက်လာတာတို့၊ ဘောလုံး ပေးပို့တာတို့မှာတော့ သိပ်မကျွမ်းကျင်လှချေ။</p> <p style="text-align:justify">သို့သော် မော်ရင်ညို အသုံးပြုသော ဗဟိုနောက်ခံလူများ အားလုံးက ကောင်းမွန်သော အဝေးပေးပို့မှု စွမ်းရည်များကို ပိုင်ဆိုင်ထားကြသဖြင့် ဒီဂီယာ၏ ပြဿနာများကို ဖုံးကွယ်ရန် လုံလောက်နေသည်။</p> <p style="text-align:justify">"ဒေးဗစ်... မင်းက ငါတို့ရဲ့ ကာကွယ်စောင့်ရှောက်သူပဲကွာ..." မက်ဂွိုင်းယားက ဒီဂီယာကို တင်းကြပ်စွာ ဖက်ထားရင်း စိတ်လှုပ်ရှားစွာဖြင့် အသံတုန်တုန်ရီရီ ပြောလိုက်သည်။</p> <p style="text-align:justify">ဒီဂီယာက မက်ဂွိုင်းယား၏ တံတွေးများကို ကာကွယ်ရန် လက်ကို မြှောက်လိုက်ပြီး မက်ဂွိုင်းယား၏ ဖက်တွယ်မှုမှ ရုန်းထွက်ရန် အစွမ်းကုန် ကြိုးစားလေသည်။</p> <p style="text-align:justify">သို့သော်လည်း ခွန်အားကွာဟချက်က ကြီးမားလွန်းနေသည်။</p> <p style="text-align:justify">သူပြောနိုင်သည်မှာ "မင်းတို့တွေ ဂိုးပေးရနိုင်ခြေ နည်းအောင် လုပ်ပေးရင် ငါ အရမ်း ကျေးဇူးတင်မှာပဲ..." ဟူ၍သာ။</p> <p style="text-align:justify">ချူဖုန်းက LED ဘုတ်ကို လှမ်းကြည့်လိုက်ရာ (၄၃) မိနစ်သို့ ရောက်နေပြီ ဖြစ်သည်။ ထို့နောက် သူက အသင်းဖော်များကို သတိပေးလိုက်သည်။ </p> <p style="text-align:justify">"အားကုန်ထုတ်ပြီး နောက်ဆုံး မိနစ်အနည်းငယ်ကို တောင့်ခံထားကြ... ဦးဆောင်ဂိုးနဲ့အတူ အဝတ်လဲခန်းထဲ ပြန်ဝင်ရအောင်..."</p> <p style="text-align:justify">"လာထား..."</p> <p style="text-align:justify">မန်ယူကစားသမားများက ကျယ်လောင်စွာ တုံ့ပြန်လိုက်ကြသည်။</p> <p style="text-align:justify">မလှမ်းမကမ်းတွင် ရပ်နေသော ပီကေး၏ မျက်လုံးများတွင် လွမ်းဆွတ်နေသော အရိပ်အယောင်များ အထင်းသား ပေါ်လွင်နေသည်။ သူသည်လည်း တစ်ချိန်က အနီရောင်ဂျာစီကို ဝတ်ဆင်ကာ အိုးထရက်ဖို့ဒ်တွင် မန်ယူအတွက် တိုက်ပွဲဝင်ခဲ့ဖူးသည်။</p> <p style="text-align:justify">"ငါ့ အသင်းဟောင်းကိုတော့ အရှုံးပေးလို့ လုံးဝ မဖြစ်ဘူး..." ပီကေးက သူ့ကိုယ်သူ တိတ်တဆိတ် အားပေးလိုက်ပြီး မန်ယူ ပင်နယ်တီ ဧရိယာထဲသို့ တိုးဝင်သွားလေသည်။</p> <p style="text-align:justify">သို့သော် ဘာစီလိုနာသည် ထောင့်ကန်ဘောများဖြင့် တိုက်စစ်ဆင်ရန် ဗျူဟာကျကျ ရွေးချယ်ခဲ့ပြီး ဘောလုံးကို တိုက်စစ်ဇုန်သို့ ပြန်ပို့ကာ ကစားကွက်ကို ပြန်လည် ဖွဲ့စည်းခဲ့သည်။</p> <p style="text-align:justify">ဒါက သူတို့ရဲ့ ကစားဟန်ပါပဲ။</p> <p style="text-align:justify">ဘောလုံးကို အပြန်အလှန် ပေးပို့နေသည်မှာ (၄) မိနစ်ခန့် အကြာ၊ နာကျင်အချိန်ပို ကုန်ဆုံးခါနီးတွင် ဘာစီလိုနာက သူတို့၏ အစစ်အမှန် အစွယ်များကို ထုတ်ပြလာလေပြီ။</p> <p style="text-align:justify">ဘူးစကွက်ခ်က ပေါ့ပါးသွက်လက်စွာ လှည့်ထွက်လိုက်ပြီး ပေါ့ဘာ၏ ဝင်ရောက်လုယူမှုကို နောက်တစ်ကြိမ် ရှောင်တိမ်းသွားပြန်သည်။</p> <p style="text-align:justify">ဇာဗီနှင့် အင်နီယေစတာတို့ ထွက်ခွာသွားပြီးနောက် သူသည် ကစားကွက် အရှိန်အဟုန်နှင့် ဦးတည်ချက်ကို ထိန်းချုပ်ပေးသော ဘာစီလိုနာ၏ ဗဟိုဦးနှောက် ဖြစ်လာခဲ့သည်။ ဘူးစကွက်ခ်က ဘောလုံးကွင်း တစ်ခုလုံးကို ခြုံကြည့်ပြီးနောက် ညာခြမ်းသို့ ဘောလုံး ပေးပို့လိုက်၏။</p> <p style="text-align:justify">ကော်တင်ဟို ဘောလုံး လက်ခံရယူချိန်တွင် မန်ယူ၏ ကစားကွက် ပုံစံမှာလည်း လိုက်ပါ ပြောင်းလဲသွားသော်လည်း ဘရာဇီးသားက အလယ်သို့ ဝင်ရောက်လာပြီးနောက် လမ်းတစ်ဝက်မှာတွင် မက်ဆီဆီ ဖြတ်ပေးလိုက်သည်။</p> <p style="text-align:justify">"မက်ဆီ..."</p> <p style="text-align:justify">"တောင်ပံကနေ ထိုးဖောက်တာထက် သူ့ရဲ့ တကယ့် စင်မြင့်က ကွင်းလယ်မှာပဲ..."</p> <p style="text-align:justify">"စာရင်းဇယားတွေအရ မက်ဆီရဲ့ ဂိုး ၇၆% က တောင်ပံတွေကနေ လာတာဗျ..."</p> <p style="text-align:justify">မက်ဆီ၏ ဘေးတိုက် ရွေ့လျားမှုက ဟာရဲရားနှင့် အက်ရှ်လေယန်း၏ ခံစစ်ကို ရှောင်ရှားနိုင်ပြီး သူ့ကို ခေတ္တမျှ တစ်ဦးချင်း ရင်ဆိုင်ရမည့် အခွင့်အရေးကို ပေးစွမ်းနိုင်သည်။</p> <p style="text-align:justify">ဘောလုံးက မက်ဆီ၏ ခြေထောက်တွင် ကပ်နေသကဲ့သို့ အဆက်မပြတ် ဦးတည်ချက် ပြောင်းလဲနေ၏။ မက်ဆီနှင့် ရင်ဆိုင်နေရသော ဟာရဲရားမှာမူ ကြီးမားသော ဖိအားအောက်သို့ ကျရောက်နေသည်။</p> <p style="text-align:justify">"လုပ်လိုက်တော့မယ်ကွာ..."</p> <p style="text-align:justify">မက်ဆီ ကန်သွင်းရန် ပြင်ဆင်နေသည်ကို ဟာရဲရား တွေ့လိုက်ရသောအခါ စိတ်ကို ဒုံးဒုံးချကာ ခြေထောက်ကို ဆွဲချိတ်လိုက်တော့သည်။ </p> <p style="text-align:justify">***</p>


Save