Book List

<h2 style="text-align: center;">အခန်း (၃၆၄)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ပွဲကစားချိန် (၆၇) မိနစ်…</p> <p style="text-align:justify">ဒေးဗစ် လူးဝစ်က ဘောလုံးကို ပြိုင်ဘက် ကွင်းဘက်ခြမ်းသို့ ရှင်းထုတ်လိုက်သော်လည်း ချူဖုန်းက အနည်းငယ် နောက်ကျသွားသဖြင့် ပီကေး အတွက် ဘောလုံးကို အလွယ်တကူ ရယူနိုင်ရန် အခွင့်အရေး ဖြစ်သွားခဲ့သည်။ </p> <p style="text-align:justify">ပီကေး၏ ခံစစ် စွမ်းရည်က သာမန်မျှသာ ဖြစ်သော်လည်း သူ၏ ဘောလုံး ပေးပို့မှု စွမ်းရည်ကတော့ တကယ်ကို မြင့်မားလှသည် မဟုတ်ပါလား။ မည်သို့ပင်ဆိုစေ သူက လာမာစီယာမှ ထွက်ပေါ်လာသူပင်။ </p> <p style="text-align:justify">ထို့အပြင် မီဒီယာ တစ်ခု၏ ဖော်ပြချက်အရ ပီကေး၏ ဉာဏ်ရည်က (၁၇၀) အထိပင် ရှိသည်ဟု ဆိုသည်။ ယင်းက သူ့ကို ကစားကွက် တစ်ခုလုံးအား ကောင်းမွန်စွာ မြင်တွေ့နိုင်စေခဲ့ပြီး မက်ဆီ၏ ညာဘက်ခြမ်းမှ ပြေးထွက်မှုကို လျင်မြန်စွာ သတိပြုမိသွားစေခဲ့သည်</p> <p style="text-align:justify">‘ဖြောင်း’</p> <p style="text-align:justify">ကြည်လင် ပြတ်သားသော အသံနှင့်အတူ ဘောလုံးက နူးကမ့် ကွင်းကြီး၏ ညကောင်းကင်ယံကို ဖြတ်သန်း ပျံသန်းသွားလေသည်။</p> <p style="text-align:justify">တစ်ချိန်တည်းမှာပင်…</p> <p style="text-align:justify">မက်ဆီက ရုတ်တရက် အရှိန်မြှင့်ကာ အက်ရှ်လေယန်းကို ကျော်ဖြတ်သွားပြီး ညာဘက် ပေါင်ကို မြှောက်ကာ ဘောလုံးကို ဒေါ့ဗ် ချောကလက်လိုမျိုး ချောမွေ့ နူးညံ့စွာဖြင့် ထိန်းချုပ်လိုက်သည်။</p> <p style="text-align:justify">အာဂျင်တီးနားသားများက သမိုင်းဝင် အကောင်းဆုံး ဘောလုံး ထိန်းချုပ်နိုင်စွမ်းကို ပိုင်ဆိုင်ထားကြသည် မဟုတ်ပါလား။</p> <p style="text-align:justify">မက်ဆီ၏ သိမ်မွေ့သော ဘောလုံးထိန်းချုပ်နိုင်စွမ်းနှင့် လူလိမ်ခေါက်ကွက် စွမ်းရည်များက ဘောလုံး သမိုင်းတစ်လျှောက် အကောင်းဆုံးများထဲတွင် ပါဝင်လေသည်။</p> <p style="text-align:justify">ဘောလုံးကို အသာအယာ ချပေးလိုက်တယ်၊ ဘောလုံးကို ပင့်တင်လိုက်တယ်၊ ဘောလုံးကို လိမ်ခေါက်သွားတယ်...</p> <p style="text-align:justify">လှုပ်ရှားမှုတိုင်းက လှပ သေသပ်စွာ ချိတ်ဆက်နေလေသည်။</p> <p style="text-align:justify">အက်ရှ်လေယန်း တစ်ယောက် အနောက်မှ နေ၍ ကြည့်နေရုံမှလွဲ၍ ဘာမှ မတတ်နိုင်တော့ဘဲ မက်ဂွိုင်းယား အပေါ်သို့သာ မျှော်လင့်ချက်များ ပုံအပ်ထားလိုက်တော့သည်။ </p> <p style="text-align:justify">“ဟယ်ရီ... မင်း ဘာပဲလုပ်လုပ်။ မကန်ထုတ်လိုက်နဲ့နော် သူ့ကို ပိတ်ထားစမ်းပါ”</p> <p style="text-align:justify">မက်ဂွိုင်းယားက အသက်ပြင်းပြင်း တစ်ချက် ရှူလိုက်ပြီး မက်ဆီ၏ ခြေဖျားများကို စူးစိုက်ကြည့်နေလိုက်၏။</p> <p style="text-align:justify">လူတွေက အလွန်အမင်း အာရုံစိုက်နေချိန်တွင် မသိစိတ်မှ လှုပ်ရှားမှုများကို မကြာခဏ ပြုလုပ်တတ်ကြသည်။ ထို့ကြောင့် မက်ဆီ ဘောလုံးကို ပင့်တင်လိုက်သည့် အခိုက်အတန့်တွင် မက်ဂွိုင်းယားလည်း လိုက်ပါ ရွေ့လျားသွားခဲ့လေသည်။</p> <p style="text-align:justify">သို့သော်...</p> <p style="text-align:justify">မက်ဆီက ဘောလုံးကို ပို၍ မြန်ဆန်သော အရှိန်ဖြင့် လိမ်ခေါက်သွားပြီး မက်ဂွိုင်းယားကို ချက်ချင်း ကျော်သွားလေသည်။ </p> <p style="text-align:justify">“ဂိုးပေါက်ရှေ့မှာ ဒီဂီယာ တစ်ယောက်တည်း ကျန်တော့တယ်ဗျာ”</p> <p style="text-align:justify">“သူက...”</p> <p style="text-align:justify">ကျန်းကျွင်း စကားပင် ဆုံးအောင် မပြောနိုင်သေးမီ မက်ဆီက ဘယ်ခြေဖြင့် တွန်းကန်လိုက်ရာ ဘောလုံးက ဂိုးပေါက်၏ ဘယ်ဘက်သို့ တိုးဝင်သွားတော့သည်။</p> <p style="text-align:justify">ဘောလုံးက ဂိုးတိုင်ကို ထိကာ ဂိုးပေါက်ထဲသို့ ခုန်ဝင်သွားလေသည်</p> <p style="text-align:justify">(၁-၂)</p> <p style="text-align:justify">နူးကမ့် ကွင်းကြီး တစ်ခုလုံး ချက်ချင်း ပေါက်ကွဲထွက်သွားပြီး ဘာစီလိုနာ ပရိသတ်များက သူတို့၏ ဘုရင်ကြီးကို ကြည့်ကာ နားကွဲမတတ် အားပေး အော်ဟစ်လိုက်ကြလေသည်။</p> <p style="text-align:justify">ကွင်းထဲရှိ ဘောလုံး ဝေဖန်ရေးဆရာများ ကလည်း ပို၍ပင် စိတ်အားထက်သန်စွာဖြင့်...</p> <p style="text-align:justify">“အို... ဂါလာ မက်ဆီ၊ ဂါလာ မက်ဆီ၊ ဂါလာ မက်ဆီ...”</p> <p style="text-align:justify">“ဂိုး... ဂိုး... ဂိုး...”</p> <p style="text-align:justify">မက်ဆီက အောင်ပွဲခံရန် မရွေးချယ်ဘဲ ဘောလုံးကို ကောက်ကိုင်ကာ နောက်သို့ ပြန်လျှောက်သွားလေသည်။</p> <p style="text-align:justify">ထိုသို့ လျှောက်သွားစဉ် အတွင်း သူက ပွဲကြည့်စင်ပေါ်ရှိ ပရိသတ်များထံသို့ လက်သီးဆုပ်ကာ အောင်ပွဲခံပြလိုက်ရာ ပို၍ ကျယ်လောင်သော အားပေးသံများ ချက်ချင်း ထွက်ပေါ်လာပြီး နောက်ပိုင်းတွင် မက်ဆီ၏ နာမည်ကို အော်ဟစ်သံများ အဖြစ် ပြောင်းလဲသွားတော့သည်။</p> <p style="text-align:justify">ကွင်းဘေးမှနေ၍ ဤမြင်ကွင်းကို ကြည့်ကာ ဗယ်လ်ဗာဒီ တစ်ယောက် မနေနိုင်ဘဲ ရေရွတ်လိုက်မိ၏။ </p> <p style="text-align:justify">“သူ့ကို ကြည့်စမ်း သူ လုပ်တဲ့ လှုပ်ရှားမှုတိုင်းက ပြီးပြည့်စုံပြီး အလွန် ကောင်းမွန်လွန်းတယ်။ မက်ဆီ ရှိနေတာ ငါတို့ တကယ် ကံကောင်းတာပဲ။ သူက ပြိုင်ဘက်ကို ဘယ်နည်းလမ်းနဲ့မဆို ခြိမ်းခြောက်နိုင်တယ်။ သူက ကြီးကျယ် ခမ်းနားတဲ့ စွမ်းဆောင်ရည်တွေကို အကျင့်တစ်ခုလို ဖြစ်နေအောင် လုပ်ပြနိုင်ခဲ့ပြီ”</p> <p style="text-align:justify">သူ့ဘေးရှိ လက်ထောက်နည်းပြကတော့ နှုတ်ခမ်း တစ်ချက် တွန့်လိုက်ပြီး စိတ်ထဲမှ တွေးလိုက်သည်။ ‘ခင်ဗျားက နံပါတ်တစ် မက်ဆီ ပရိသတ်ကြီး ဆိုပေမယ့် ဒီလောက်ကြီးတော့ အလွန်အကျွံ မချီးကျူးသင့်ဘူးလေ”</p> <p style="text-align:justify">သို့သော် ဗယ်လ်ဗာဒီက ပြောလို့ မဆုံးသေးပေ။ သူက လေးနက်စွာဖြင့် ဆက်ပြောလိုက်၏။ </p> <p style="text-align:justify">“မက်ဆီက အချိန်တိုင်းမှာ ဘာလုပ်ရမယ်၊ ဘာလုပ်ဖို့ လိုအပ်တယ် ဆိုတာကို ရှင်းရှင်းလင်းလင်း သိတယ်။ ပြီးတော့ ငါက ဒီလို ကြီးကျယ်ခမ်းနားတဲ့ ကစားသမားဆီကနေ သင်ယူနေရတာပါ...”</p> <p style="text-align:justify">မော်ရင်ညိုက ဗယ်လ်ဗာဒီ၏ စကားများကို သေချာစွာ နားထောင်နေပြီး သူ၏ နှုတ်ခမ်းများထက်တွင် အေးစက်သော အပြုံးတစ်ခု ထွက်ပေါ်လာသည်။</p> <p style="text-align:justify">‘ခင်ဗျား အနေနဲ့ ကစားသမား တစ်ယောက်ကို ဗဟိုပြုပြီး စနစ်တစ်ခု တည်ဆောက်နိုင်တယ်။ ပြီးတော့ ခင်ဗျားရဲ့ မျှော်လင့်ချက် အများစုကို အဲဒီ ကစားသမား အပေါ်မှာ ပုံအပ်ထားနိုင်တယ်။ ဒါပေမယ့် အဲဒီလို လုပ်လိုက်လို့ နည်းဗျူဟာတွေနဲ့ ကျန်တဲ့ အသင်းသားတွေကိုတော့ လုံးဝ လျစ်လျူရှုထားလို့ မရဘူးလေ...’</p> <p style="text-align:justify">မဟုတ်ရင် အကျိုးဆက်တွေကတော့ ရှင်းနေတာပဲ... အခြေအနေတွေက ပိုမကောင်းလာပဲနဲ့ ဆိုးသွားတတ်တယ်လေ။</p> <p style="text-align:justify">“လုခ်ရှော၊ စကော့... မင်းတို့ နှစ်ယောက် သွားပြီး သွေးပူ လေ့ကျင့်ခန်း လုပ်ကြ...”</p> <p style="text-align:justify">မော်ရင်ညိုက အရန်ခုံတန်းဆီသို့ လှမ်းပြောလိုက်သည်။</p> <p style="text-align:justify">“ဟုတ်ကဲ့ ဘော့စ်”</p> <p style="text-align:justify">သူတို့နှစ်ဦးက ပြိုင်တူ ဖြေကြားလိုက်ပြီး အပေါ်ဝတ်များကို ဝတ်ဆင်ကာ သွေးပူ လေ့ကျင့်ခန်း လုပ်ရာ နေရာသို့ ပြေးသွားကြလေသည်။</p> <p style="text-align:justify">“နောက်ပိုင်း ပြုလုပ်ရမယ့် ပြုပြင်ပြောင်းလဲမှုတွေ အများကြီး ရှိတယ်။ ပထမတစ်ခုက ညာဘက်ခြမ်း ခံစစ်ကို အားဖြည့်ဖို့ပဲ။ မက်ဆီကို ကစားသမား နှစ်ယောက်နဲ့ ချိတ်ဆက်ပြီး ကာကွယ်ရမယ်”</p> <p style="text-align:justify">“တိုက်စစ်လိုင်းကို ရှေ့တိုးလိုက်။ ကိုယ့်နောက်က နေရာလွတ်တွေကို လျစ်လျူရှုထားလိုက်”</p> <p style="text-align:justify">မော်ရင်ညိုက ခက်ခဲသော ဆုံးဖြတ်ချက် တစ်ခုကို ချမှတ်လိုက်လေပြီ။</p> <p style="text-align:justify">ယခုအခါ ဘာစီလိုနာတို့ ဂိုးရသွားပြီ ဖြစ်ရာ သူတို့က အရှိန်အဟုန်ကို ရရှိသွားပြီ ဖြစ်ပြီး သေချာပေါက် ချေပဂိုး နောက်တစ်ဂိုး ထပ်ရရန် အစွမ်းကုန် ကြိုးစားလာပေလိမ့်မည်။ အကယ်၍ မန်ချက်စတာ ယူနိုက်တက်ကသာ ဤအချိန်တွင် ခံစစ်ကစားရန် ရွေးချယ်လိုက်မည် ဆိုပါက သူတို့က ပို၍ ပို၍ ဖိနှိပ်ခံရဖို့သာ ရှိလေသည်။</p> <p style="text-align:justify">ထို့ကြောင့် သူတို့ အနေဖြင့် ကွင်းလယ်တွင်ပင် ဘာစီလိုနာ၏ တိုက်စစ်ကို ထိန်းချုပ်ရန် ကြိုးစားရပေလိမ့်မည်။</p> <p style="text-align:justify">အတိတ်က ဆိုလျှင် သူသည် ဘယ်သောအခါမျှ ဤသို့ လုပ်ဆောင်မည် မဟုတ်ပေ။ ယင်းအစား လက်ရှိ ရလဒ်ကိုသာ ထိန်းသိမ်းထားနိုင်ရန် ခံစစ်ပိတ် ကစားဖို့သာ ကြိုးစားပေမည်။</p> <p style="text-align:justify">သို့သော် သူက တစ်ချိန်က မော်ရင်ညို မဟုတ်တော့ပေ။</p> <p style="text-align:justify">“လုခ်ရှောက အက်ရှ်လေယန်း နေရာမှာ ဝင်လာပြီး မက်တော်မီနေးက ရက်ရှ်ဖို့ဒ် နေရာမှာ ဝင်လာပါတယ်။ မန်ချက်စတာ ယူနိုက်တက်ရဲ့ လူစာရင်း ပုံစံ နေရာယူမှုက (၄-၃-၂-၁) ဖြစ်သွားပါပြီဗျာ...”</p> <p style="text-align:justify">“ဒါက ကွင်းလယ် အကူးအပြောင်းကို လုံးဝ စွန့်လွှတ်လိုက်တာလား”</p> <p style="text-align:justify">ကျန်းကျွင်းက နားမလည်နိုင်စွာဖြင့် မေးလိုက်၏။</p> <p style="text-align:justify">ကျန်းလုက ခေါင်းယမ်းလိုက်ပြီး သူ၏ အထင်ကို ပြောလေသည်။</p> <p style="text-align:justify">“နောက်ခံလူ လေးယောက်နဲ့ ကွင်းလယ်ခံစစ် သုံးယောက်ကို အသုံးပြုတာဟာ ကွင်းလယ်မှာ အရေအတွက် အသာစီးရမှုကို အသုံးပြုပြီး ပြိုင်ဘက်တွေရဲ့ လှုပ်ရှားနိုင်စွမ်းကို ထိန်းချုပ်ဖို့ပဲ။ ရည်ရွယ်ချက်က ဘာစီလိုနာရဲ့ ကွင်းလယ်နဲ့ တိုက်စစ်ကို ကန့်သတ်ဖို့နဲ့ သူတို့ရဲ့ ဘောလုံး ပေးပို့မှုတွေကို အနှောင့်အယှက် ပေးဖို့ပါပဲ...”</p> <p style="text-align:justify">“ဒါ့အပြင် ဒီ လူစာရင်း ပုံစံ နေရာယူမှုက ကွင်းလယ်ခံစစ် ကစားသမားတွေ အနေနဲ့ ဘောလုံးကို ကြားဖြတ် လုယူပြီးတာနဲ့ ချက်ချင်း တိုက်စစ် ပြန်ဆင်ဖို့ အလေးပေးထားပါတယ်။ အဲဒါက တိုက်စစ်နဲ့ ခံစစ် အကူးအပြောင်းရဲ့ ရစ်သမ်ကို အများကြီး တိုးတက်စေပါတယ်...”</p> <p style="text-align:justify">လူစားလဲလှယ်မှုများ ပြီးစီးသွားပြီးနောက် ပွဲကို ပြန်လည် စတင်လိုက်သည်။</p> <p style="text-align:justify">“မန်ချက်စတာ ယူနိုက်တက်တို့က ဟာရဲရားကို ဘယ်ဘက်ကို ရွှေ့လိုက်ပြီး အဲဒီ စကော့ ဆိုတဲ့ ကောင်လေးကို ညာဘက်မှာ ထားလိုက်တယ်။ အဲ့ဒီလို လုပ်လိုက်တာက မက်ဆီကို တားနိုင်မယ်လို့ ထင်နေလို့လား”</p> <p style="text-align:justify">“ငါ သူ့ရဲ့ အချက်အလက်တွေကို ကြည့်လိုက်တယ်။ ဒီနှစ်မှ အသက် (၂၃) နှစ်ပဲ ရှိသေးတယ်။ ပြီးတော့ သူက ပွဲထွက်ခွင့် နေရာတောင် သေချာ မရသေးဘူးလေ”</p> <p style="text-align:justify">စပိန် ဘောလုံး ဝေဖန်ရေးဆရာက အထင်သေးသော လေသံဖြင့် ပြောလိုက်၏။</p> <p style="text-align:justify">ပွဲကြည့်စင်ပေါ်ရှိ ဘာစီလိုနာ ပရိသတ်များပင်လျှင် စကော့ မက်တော်မီနေးကို ကျယ်လောင်စွာ လှောင်ပြောင် အော်ဟစ်လိုက်ကြသည်။</p> <p style="text-align:justify">မက်တော်မီနေးကတော့ ဝေဖန်မှုများကို လုံးဝ ဂရုမစိုက်ပေ။ ပွဲထွက်ခွင့် မရချိန်တွင်ပင် မန်ချက်စတာ ယူနိုက်တက်၌ ဆက်နေရန် ပြတ်ပြတ်သားသား ရွေးချယ်နိုင်သူ တစ်ယောက်သည် ခိုင်မာသော စိတ်ဓာတ်ကို ပိုင်ဆိုင်ထားရမည်မှာ အသေအချာပင်…။</p> <p style="text-align:justify">ထို့အပြင် သူ၏ အချစ်ဆုံး သူငယ်ချင်း ချူဖုန်း တစ်ယောက် ဥရောပ၏ ထိပ်တန်း အဆင့်သို့ တဖြည်းဖြည်း ရောက်ရှိသွားသည်ကိုလည်း သူ စောင့်ကြည့်ခဲ့ရသည် မဟုတ်ပါလား…။</p> <p style="text-align:justify">ထို့ကြောင့် သူ့တွင်လည်း ချူဖုန်းကဲ့သို့ ခိုင်ကျည်သော စိတ်ထားများ ရှိပေသည်။ သူ၏ ခံယူချက်ကလည်း ရိုးရှင်းသည်။</p> <p style="text-align:justify">အပြောင်းအလဲများကို ခံနိုင်ရည်ရှိပြီး မိမိကိုယ်ကို သစ္စာရှိကာ ကြိုးစားပမ်းစား လေ့ကျင့်နိုင်သော ကစားသမားများသည် သေချာပေါက် ဆုလာဘ်များကို ရိတ်သိမ်းရမည်သာ ဖြစ်သည်။</p> <p style="text-align:justify">မက်တော်မီနေး ကွင်းထဲသို့ ရောက်လာပြီးနောက် ကွင်းတွင်း အခြေအနေကို မကြာခဏ စောင့်ကြည့်ကာ သူ၏ နေရာယူမှုကို အဆက်မပြတ် ချိန်ညှိနေလေသည်။</p> <p style="text-align:justify">“မန်ချက်စတာ ယူနိုက်တက်တို့က သူတို့ရဲ့ တိုက်စစ်ကို ရှေ့တိုးလိုက်ပြီးတဲ့ နောက်မှာ အခြေအနေတွေကို ပြောင်းပြန်လှန်ပြီး ဘာစီလိုနာကို ပြန်လည် ဖိအားပေးလာပါတယ်...”</p> <p style="text-align:justify">“ပြီးတော့ သူတို့က ထိပ်တိုက် ရင်ဆိုင်မှုတွေကိုလည်း အရှိန်မြှင့်တင်လာပါတယ်ဗျာ”</p> <p style="text-align:justify">“မက်တော်မီနေးက ဘယ်ဘက် တောင်ပံ ကနေ တိုက်စစ် တစ်ခု စတင်လိုက်ပါပြီ။ အတော်လေး ကောင်းမွန်တဲ့ အနေအထားပါပဲ”</p> <p style="text-align:justify">ချူဖုန်းက ပီကေးနှင့် လန်းဂလတ်တို့ ကြားတွင် နေရာယူလိုက်ပြီး သူတို့ နှစ်ဦးစလုံး အပေါ် ဖိအားပေးထားသည်။ </p> <p style="text-align:justify">“ကစားကွက်ကို နည်းနည်း ထပ်ပိတ်လိုက်စမ်း”</p> <p style="text-align:justify">ပီကေးက ဘူးစကွက်စ်ကို အော်ပြောလိုက်၏။</p> <p style="text-align:justify">သူက လုံးဝကို လုံခြုံမှု မရှိသလို ခံစားနေရသဖြင့် ချူဖုန်း ဘောလုံး လက်ခံရယူနိုင်မည့် နေရာလွတ်ကို လျှော့ချရမည် ဖြစ်သည်။ ယင်းက ချူဖုန်းကို တားဆီးရာတွင် များစွာ ပိုမို လွယ်ကူစေမည် ဖြစ်သည်။</p> <p style="text-align:justify">ဘူးစကွက်စ်က လက်ပြလိုက်ပြီး ဗီဒယ်လ်ကို အလယ်ဘက်သို့ ရွှေ့ရန် အချက်ပြလိုက်သည်။</p> <p style="text-align:justify">ဒမ်ဘီလီက ဘယ်ဘက် တောင်ပံတွင် ရှိနေသဖြင့် ဗီဒယ်လ် အနေဖြင့် ကွင်းလယ်ခံစစ်တွင် လွတ်လပ်စွာ လှုပ်ရှား သွားလာနိုင်ပေသည်။</p> <p style="text-align:justify">“တစ်၊ နှစ်၊ သုံး၊ လေး”</p> <p style="text-align:justify">ချူဖုန်းက ဘေးပတ်ဝန်းကျင်ကို တစ်ချက် ကြည့်လိုက်ရာ သူ့ကိုယ်သူ လူလေးယောက် ဝိုင်းရံထားခြင်း ခံနေရသည်ကို တွေ့လိုက်ရ၏။ ထို့ကြောင့် မချိပြုံးလေး ပြုံးလိုက်မိသည်။</p> <p style="text-align:justify">သို့သော် ရှေးစကား တစ်ခွန်း ရှိသည် မဟုတ်ပါလား။ ‘သစ်ပင်က ပြောင်းရွှေ့ရင် သေတယ်။ လူကတော့ ပြောင်းရွှေ့ရင် ရှင်သန်တယ်’ ဆိုတာလေ။</p> <p style="text-align:justify">ယင်းစကားပုံကို ဘောလုံး လောကတွင် အသုံးမပြုသော်လည်း အတိုင်းအတာ တစ်ခုအထိတော့ အဓိပ္ပာယ် ရှိပေသည်။ ဘောလုံးလောက၌ အရာရာသည် နေရာယူမှုများ အပေါ်မှာပင် မူတည်နေတာ မဟုတ်ဘူးလား။</p> <p style="text-align:justify">ချူဖုန်း၏ အဆက်မပြတ် ရွေ့လျားမှုများက နေရာလွတ်များကို ဖြစ်ပေါ်လာစေပြီး မာရက်ဇ် အတွက် ဒေါင်လိုက် နေရာလွတ် တစ်ခုကို ဖန်တီးပေးလိုက်လေသည်။</p> <p style="text-align:justify">ပေါ့ဘာက ထိုအခွင့်အရေးကို အရယူကာ မျှောထိုးပေးပို့မှု တစ်ခု ပြုလုပ်လိုက်သည်။</p> <p style="text-align:justify">***</p>


Save