Book List

<h2 style="text-align: center;">အခန်း (၃၇၇)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">“မန်ယူရဲ့ နည်းဗျူဟာက မှန်ကန်သည်ဖြစ်စေ၊ မှားယွင်းသည်ဖြစ်စေ မန်စီးတီးရဲ့ ဘောလုံးပေးပို့မှု ကစားကွက် စည်းချက်ကတော့ ထပ်ပြီး ပျက်စီးသွားပြန်ပါပြီ...”</p> <p style="text-align:justify">“ဒါပေမဲ့ ဒီလို အရှိန်အဟုန်မျိုးက တကယ့်ကို ရင်သပ်ရှုမောစရာပဲဗျာ...”</p> <p style="text-align:justify">နဗီးလ်က ကောင်းကင်သို့ မော့ကြည့်လိုက်သည်။ စူးရှတောက်ပနေသော မီးရောင်များအောက်တွင် သူ၏ ကိုယ်ပိုင်အရိပ်ကို ပြန်မြင်နေရသလိုပင်။ ထို့ပြင် တစ်ချိန်က ဘယ်သူမှ ယှဉ်မရခဲ့သော ရဲရင့်သည့် မန်ချက်စတာ ယူနိုက်တက်ကိုပါ မြင်ယောင်လာမိသည်။</p> <p style="text-align:justify">ကာရေဂါကလည်း ထုံးစံအတိုင်း ပြန်လည် ချေပခြင်း မပြုတော့ပေ။ အဘယ်ကြောင့်ဆိုသော် သူလည်း ထိုခံစားချက်ကို အပြည့်အဝ ခံစားနေရသောကြောင့် ဖြစ်သည်။</p> <p style="text-align:justify">မန်စီးတီး၏ ကစားကွက်က နောက်သို့ ဆုတ်သွားချိန်တွင် လာပေါ့ထံ ဘောလုံး ရောက်သွား၏။ ထိုစဥ် ချူဖုန်းက လာပေါ့၏ အဝေးဘော ကန်တင်မည့် ထောင့်ကို ပိတ်ဆို့ရန် ပြတ်ပြတ်သားသား ရှေ့တက်လာခဲ့ပြီး ဘေးဘက်ရှိ မာရက်ဇ်ကလည်း ဒေါင့်ဖြတ်ပေးပို့မည့် လမ်းကြောင်းကို ဖြတ်တောက်ထားလိုက်သည်။</p> <p style="text-align:justify">လာပေါ့တစ်ယောက် ဘာလုပ်ရမှန်းမသိဘဲ ဟိုဒီ ကြည့်နေမိသည်။ ပေးပို့စရာ လမ်းကြောင်းအားလုံး ပိတ်ဆို့ခံထားရသဖြင့် ဂိုးသမားထံ နောက်ပြန်ပေးရုံမှလွဲ၍ ရွေးချယ်စရာ မရှိတော့ပေ။</p> <p style="text-align:justify">“ငါ့ဆီ မပေးနဲ့...”</p> <p style="text-align:justify">အီဒါဆန် စကားပြောလို့ပင် မဆုံးသေး။ လာပေါ့က နောက်သို့ ဘောလုံး ပြန်ပေးလိုက်ချေပြီ။</p> <p style="text-align:justify">ထို့နောက် လာပေါ့တစ်ယောက် ထိတ်လန့်တုန်လှုပ်စွာဖြင့် သတိထားမိလိုက်သည်က ချူဖုန်းသည် သူ၏ ဖိအားပေးမည့် ပစ်မှတ်ကို အလွယ်တကူ ပြောင်းလဲလိုက်ပြီး အီဒါဆန်ထံသို့ အရှိန်တင် ပြေးဝင်သွားခြင်းပင်။ ကွင်းလုံးပြည့် ပရိသတ်များမှာ အသက်ရှူရပ်မတတ် တင်းမာသွားကြသည်။ </p> <p style="text-align:justify">အီဒါဆန်က တစ်စက္ကန့်မျှသာ တွေဝေသွားပြီးနောက် ပြတ်သားစွာပင် အစပြုလုပ်ရှားလိုက်သည်။ သူက ဘောလုံးကို အဝေးသို့ အားပါပါ ကန်ထုတ်ပစ်လိုက်၏။</p> <p style="text-align:justify">ဘန်း...</p> <p style="text-align:justify">“ချူဖုန်းက ဒါကို ကြိုသိနေတဲ့ပုံပဲ... သူက ခြေထောက်ကို ဆန့်ထုတ်ပြီး ကြိုပိတ်ထားလိုက်တော့ ဘောလုံးက ဂိုးပေါက်ထဲကို ပြန်ကန်ထွက်သွားတယ်ဗျ...”</p> <p style="text-align:justify">“အိုး... နှမြောစရာကောင်းလိုက်တာဗျာ...”</p> <p style="text-align:justify">ဘောလုံးက တိုင်ကို ပွတ်တိုက်သွားပြီး ကွင်းပြင်သို့ လိမ့်ထွက်သွားသောအခါ နဗီးလ်တစ်ယောက် မချိတင်ကဲ ညည်းတွားလိုက်မိသည်။ ချူဖုန်းသာ နည်းနည်းလေး ပိုကံကောင်းခဲ့မည်ဆိုလျှင်... မန်ယူသာ စောစောစီးစီး ဦးဆောင်ဂိုး ရသွားပါက ကျန်ရှိနေသော ပွဲချိန်များတွင် ပြင်းထန်သော ဖိအားပေးမှုများကို ဆက်လက် ထိန်းထားစရာ မလိုတော့ဘဲ များစွာ သက်တောင့်သက်သာ ရှိသွားမည် မဟုတ်ပါလော။</p> <p style="text-align:justify">အီဒါဆန်တစ်ယောက် တုန်လှုပ်နေဆဲဖြစ်ကာ ဘောလုံးကောက်သည့် ကလေး ပစ်ပေးသော ဘောလုံးကို လှမ်းဖမ်းလိုက်သည်။ ခုနက ဖြစ်ပျက်သွားသည့် မြင်ကွင်းက သူ့ကို အလွန် ထိတ်လန့်သွားစေခဲ့သည်။ </p> <p style="text-align:justify">လာပေါ့ တစ်ယောက် ဒီလောက် နီးကပ်နေတာကို ဘာစိတ်ကူးနဲ့ နောက်ပြန် ပေးလိုက်ရတာလဲ။</p> <p style="text-align:justify">ထို့ပြင် ပွဲမစမီကတည်းက ဂွါဒီယိုလာက သတိပေးထားခဲ့သည် မဟုတ်ပါလား…။ ချူဖုန်း၏ ဘောလုံးလမ်းကြောင်း ခန့်မှန်းနိုင်စွမ်းက အလွန် တိကျကြောင်းနှင့် တိုက်စစ်ဇုန်တွင် အရေးပါသော ကြားဖြတ် လုယူမှုများ အကြိမ်ကြိမ် လုပ်ပြထားကြောင်းကို သေချာပေါက် ပြောထားခဲ့သည်။ </p> <p style="text-align:justify">မန်စီးတီးနှင့် မန်ယူတို့ ယှဉ်ပြိုင်ခဲ့သော လိဂ်ဖလား ဗိုလ်လုပွဲတွင်လည်း လာပေါ့သည် အမှားအယွင်းများစွာ ပြုလုပ်ခဲ့ပြီးနောက် ဆယ်မိနစ်အကြာတွင် ဂွါဒီယိုလာ၏ လူစားလဲခြင်းကို ခံခဲ့ရသည်။ </p> <p style="text-align:justify">ယခု အချိန်တွေ အများကြီး ကုန်လွန်သွားတာတောင် ဒီကောင်က သင်ခန်းစာ မယူသေးဘူးလား။ လိဂ်ဖလား ဗိုလ်လုပွဲက အဖြစ်အပျက်ကို ထပ်ပြီး ပုံတူကူးချင်နေတာလား။</p> <p style="text-align:justify">“ဆောရီးကွာ... ငါ့အမှားပါ...”</p> <p style="text-align:justify">လာပေါ့က အမှားကို ဝန်ခံလိုက်သည်။ ဘာကြောင့်မှန်း မသိသော်လည်း ချူဖုန်းနှင့် ရင်ဆိုင်ရတိုင်း သူ အမြဲတမ်း ထိတ်လန့်နေတတ်သည်။ </p> <p style="text-align:justify">တွေဝေပြီး ဆုံးဖြတ်ချက် မပြတ်သားနိုင်သော ခံစားချက်ကြီးပင်။ သူတို့၏ မူလ ခြေစွမ်း (၁၀) ပုံရှိလျှင် (၆) ပုံခန့်သာ ထုတ်သုံးနိုင်တော့သည်။</p> <p style="text-align:justify">လာပေါ့က သူ၏ ခေါင်းကို ရိုက်ချလိုက်ကာ အသက်ပြင်းပြင်း အကြိမ်ကြိမ် ရှူလိုက်ပြီး “အသင်းခေါင်းဆောင်... ခဏနေရင် ကျွန်တော့်နောက်က အခြေအနေကို သေချာလေး ကြည့်ပေးထားပါဦး...”</p> <p style="text-align:justify">ကွန်ပနီက ခေါင်းညိတ်ပြလိုက်သည်။ လာပေါ့၏ ခံစားချက်ကို သူ နားလည်ပါသည်။ မည်သို့ပင်ဆိုစေ သူကိုယ်တိုင်လည်း ချူဖုန်း၏ အလဲထိုးခြင်းကို အကြိမ်ကြိမ် ခံခဲ့ရသည် မဟုတ်ပါလား…။</p> <p style="text-align:justify">ပွင့်ပွင့်လင်းလင်း ပြောရလျှင် ရင်ထဲတွင် မိစ္ဆာနတ်ဆိုးများ ဝင်ပူးနေသကဲ့သို့ စိတ်ဒဏ်ရာ ရနေခြင်းပင်။ ထို့ပြင် သူက ဒူးဒဏ်ရာ အပြင်းအထန် ရရှိထားသူလည်း ဖြစ်သည်။</p> <p style="text-align:justify">“မင်း ကိုင်တွယ်ရ ခက်တယ်လို့ ခံစားရရင် ဘောလုံးပိုင်ဆိုင်မှုကို ကိုယ့်သဘောနဲ့ကိုယ် လျှော့ချပစ်လိုက်လို့ ရတယ်...” ကွန်ပနီက ကြင်နာစွာ သတိပေးလိုက်သည်။ </p> <p style="text-align:justify">ဤသို့ပြုလုပ်ခြင်းက မန်စီးတီး၏ ဘောလုံးပေးပို့ထိန်းချုပ်နိုင်စွမ်းကို လျော့ကျသွားစေမည် မှန်သော်လည်း ခုနကလို အဖြစ်အပျက်မျိုး ထပ်ဖြစ်လာခြင်းထက်စာလျှင် ပိုကောင်းသေးသည် မဟုတ်ပါလော။</p> <p style="text-align:justify">လာပေါ့က အတင်းပြုံးပြကာ “ကျွန်တော် စိတ်ကို ပြန်ပြင်ဆင်ပြီးပါပြီ...”</p> <p style="text-align:justify">ထိုသို့ပြောသည်ကို မြင်သောအခါ ကွန်ပနီက ဘာမှ ဆက်မပြောတော့ချေ။</p> <p style="text-align:justify">မန်စီးတီး၏ ဂိုးစည်းမှ ကန်တင်ခြင်းက တောင်ပံရှိ ဇင်ချန်ကိုထံသို့ ရောက်သွားသည်။ ယူကရိန်းသား၏ ဘောလုံးဆွဲတက်နိုင်စွမ်းက အတော်လေး ကောင်းမွန်သော်လည်း သူ စွမ်းရည်ပြချင်နေချိန်တွင် မန်ယူကစားသမားများက သူ့ကို ဖိအားလာမပေးသည်ကို တွေ့လိုက်ရသည်။</p> <p style="text-align:justify">အချိုးမညီတဲ့ ခံစစ်စနစ်လား။</p> <p style="text-align:justify">ဂွါဒီယိုလာက မော်ရင်ညိုကို လှမ်းကြည့်လိုက်ပြီးနောက် အာတီတာနှင့်အတူ အခြေအနေကို အသေးစိတ် ခွဲခြမ်းစိတ်ဖြာလိုက်သည်။ “မန်ယူက ငါတို့ရဲ့ တိုက်စစ်အားကောင်းတဲ့ဘက်က ညာတောင်ပံ ဆိုတာ သိထားတယ်... ဒါကြောင့် သူတို့ရဲ့ ခံစစ်က အဲဒီဘက်ကို အလေးသာနေတယ်။ သူတို့ ကိုယ်တိုင် လွတ်ထားပေးတဲ့ ဘယ်တောင်ပံအတွက်ကရော...”</p> <p style="text-align:justify">ဒါ ထောင်ချောက်ပဲ... ။</p> <p style="text-align:justify">ဂွါဒီယိုလာ ရုတ်တရက် မော့ကြည့်လိုက်သည်။</p> <p style="text-align:justify">ဇင်ချန်ကိုက ကွင်းလယ်မျဉ်း အနီးအထိ ဘောလုံးကို လိမ်ခေါက်ဆွဲလာပြီးနောက် အလယ်သို့ ချိုးဝင်လာသော ဒီဘရိုင်းထံ ဘောလုံး ကန့်လန့်ဖြတ် ပေးပို့လိုက်သည်။</p> <p style="text-align:justify">သို့သော် ထိုခဏမှာပင် မန်ယူတို့က ဖိအားပေး တိုက်ခိုက်မှုကို စတင်လိုက်ချေပြီ။</p> <p style="text-align:justify">တစ်သင်းလုံး၏ ကစားကွက်က ဆောက်သွားကြီး တစ်လက်နှင့် တူနေပြီး မန်စီးတီး၏ ကွင်းလယ်ကို အညှာအတာမဲ့စွာ ထိုးဆောက်နေသည်။ ကန်တေက ဒီဘရိုင်းအနီးသို့ လျင်မြန်စွာ ကပ်လာ၏။ သူက ခန္ဓာကိုယ် တောင့်တင်းမှုပိုင်းတွင် သိပ်မအားကောင်းသော်လည်း ဒီဘရိုင်းကို ရစ်ပတ်နှောင့်ယှက်နိုင်ခဲ့သည်။</p> <p style="text-align:justify">အခြေအနေများ ရှုပ်ထွေးသွားမှုကြောင့် ဒီဘရိုင်းတွင် ဘောလုံးပေးစရာ လမ်းကြောင်း မရှိတော့ဘဲ သူ၏ ဘောလုံးဆွဲနိုင်သည့် နေရာလွတ်များ ကျဉ်းမြောင်းလာသည်ကို သတိထားမိလိုက်သည်။ ထို့ကြောင့် တောင်ပံသို့ ရောက်နေသော ဇင်ချန်ကိုထံသို့သာ ဘောလုံး ပြန်ပေးလိုက်ရတော့သည်။</p> <p style="text-align:justify">သို့ရာတွင် မန်ယူ၏ ဖိအားပေးမှုက မပြီးဆုံးသေးပေ။ ဟာရဲရားနှင့် ဝမ်ဘစ်ဆာကာတို့က တိတ်တဆိတ် ရှေ့တက်လာကြပြီး ဒေးဗစ်ဆေးလ်ဗားနှင့် ဇင်ချန်ကိုတို့ကို အသီးသီး ပစ်မှတ်ထားလိုက်ကြသည်။</p> <p style="text-align:justify">“အသင်းလိုက် ပူးပေါင်းဆောင်ရွက်မှုက တကယ့်ကို ပြတ်သားလွန်းတယ်... ဇင်ချန်ကို နောက်ပြန်ပေးလိုက်ရလို့ အကောင်းဆုံး အခွင့်အရေးကြီး ဖြစ်သွားပြီဗျ...”</p> <p style="text-align:justify">“အဂူရိုက တိုက်စစ်ဇုန်မှာ လူကျွံနေတယ်... ဖာနန်ဒင်ဟိုသာ ဘောလုံးပေးနိုင်ရင်...”</p> <p style="text-align:justify">နဗီးလ်၏ မျက်လုံးများ ရုတ်တရက် ပြူးကျယ်သွားသည်။</p> <p style="text-align:justify">ဝုန်း...</p> <p style="text-align:justify">ပေါ့ဘာက ဖာနန်ဒင်ဟိုကို ဘေးတိုက် ဝင်ဆောင့်လိုက်ရာ ဖာနန်ဒင်ဟို ရည်ရွယ်ထားသော အဝေးဘော လမ်းကြောင်း လွဲချော်သွားလေသည်။ ဘောလုံးက ရှေ့သို့ လိမ့်ထွက်သွားကာ ယိမ်းထိုး တုန်လှုပ်နေ၏။</p> <p style="text-align:justify">ဒီဘရိုင်းကို နှောင့်ယှက်ပြီးနောက် ကန်တေက သူ၏ မူလနေရာသို့ ပြန်မသွားဘဲ ရှေ့သို့ ဆက်တက်သွားခဲ့သည်။ သူ၏ ထက်မြက်သော အာရုံခံနိုင်စွမ်းက မန်ယူတို့ ဘောလုံး ပြန်လည် ရရှိရေးအတွက် အများကြီး အထောက်အကူ ဖြစ်စေခဲ့သည်။ </p> <p style="text-align:justify">ကန်တေက ပေါ့ဘာထံသို့ ပထမအကြိမ် ဒေါင့်ဖြတ်ပေးပို့မှု လုပ်လိုက်ပြီး ပေါ့ဘာက ဘောလုံး လက်ခံရယူကာ လှည့်ထွက်ပြီး မန်စီးတီး ပင်နယ်တီဧရိယာဆီသို့ အရှိန်ကုန် ပြေးထွက်သွားလေသည်။ </p> <p style="text-align:justify">မန်ယူ၏ ရှေ့တက် ဖိအားပေး ကစားကွက်ကြီးက အကျိုးအမြတ်များ ရရှိသွားခဲ့ချေပြီ။</p> <p style="text-align:justify">“ဒါ့အပြင် မန်စီးတီးရဲ့ ကစားကွက်က ရှေ့ကို အရမ်း တက်လွန်းနေတယ်... နောက်တန်းမှာ ခံစစ်ကစားသမား အရေအတွက် အကန့်အသတ် ဖြစ်သွားပြီ...”</p> <p style="text-align:justify">“ဒါကြောင့် မန်ယူတို့ တိုက်စစ်ဇုန်မှာ (၃) ယောက်ချင်း ယှဉ်ရမယ့် အခွင့်အရေး ရသွားပါပြီဗျာ...”</p> <p style="text-align:justify">နဗီးလ် အလွန်အမင်း စိတ်လှုပ်ရှားနေသည်။ မျက်တောင်တစ်ခတ်အတွင်းမှာပင် ပေါ့ဘာက တိုက်စစ်ဇုန်သို့ ရောက်ရှိလာပြီး အရှိန် အနည်းငယ် လျှော့ကာ ဂိုးကန်သွင်းမည့် ဟန်ပြင်လိုက်သည်။ သူ၏ ရှေ့ရှိ အသင်းဖော်များကလည်း အသင့်ပင်။</p> <p style="text-align:justify">ချူဖုန်းနှင့် မာရက်ဇ်တို့ နှစ်ဦးစလုံးက ပင်နယ်တီဧရိယာထဲသို့ ပြေးဝင်နေကြပြီး ထပ်ဆင့် တိုက်စစ် အတွဲအဖက်ကိုပင် အကောင်အထည် ဖော်နေကြသည်။</p> <p style="text-align:justify">လာပေါ့တစ်ယောက် လုံးဝကို ကြက်သေသေသွားပြီး ခေါင်းထဲတွင် ရှုပ်ထွေးသွားကာ မည်သူ့ကို လူကပ်ရမှန်း မသိတော့ချေ။ နောက်ဆုံးတွင် သူက မသိစိတ်၏ စေ့ဆော်မှုအရ ချူဖုန်းနောက်သို့သာ လိုက်သွားလိုက်သည်။ </p> <p style="text-align:justify">မည်သို့ပင်ဆိုစေ ချူဖုန်းက အန္တရာယ် အပေးနိုင်ဆုံး မဟုတ်ပါလား…။ ကွန်ပနီကမူ အခြေအနေကို ထိန်းချုပ်ရန် ရှေ့သို့ တက်လာခဲ့ပြီ ဖြစ်သည်။</p> <p style="text-align:justify">သူ၏ ရည်ရွယ်ချက် အထမြောက်သွားပြီ ဖြစ်သဖြင့် ပေါ့ဘာက ဘယ်ဘက်သို့ ပြတ်ပြတ်သားသား မျှောထိုးပေးပို့မှု တစ်ခု လုပ်လိုက်ရာ ဘောလုံးက မာရက်ဇ်ထံသို့ တိကျစွာ ရောက်ရှိသွားတော့သည်။</p> <p style="text-align:justify">ဝေါ်ကာက အလွန် လျင်မြန်စွာ လိုက်မီလာသည်။ အကယ်၍သာ မာရက်ဇ် စက္ကန့်ဝက်ခန့် တွေဝေသွားပါက မန်ယူ၏ တိုက်စစ်ကို သူ ဖြတ်တောက်နိုင်မည်ဟု ယုံကြည်ထား၏။</p> <p style="text-align:justify">သို့သော် အိမ်မက်နှင့် လက်တွေ့ကြားရှိ ကွာဟချက်က ကြီးမားလွန်းလှသည်။ မာရက်ဇ်က ပြေးနေစဉ်မှာပင် ဂိုးကန်သွင်းမည့် အနေအထားကို ကြိုတင် ပြင်ဆင်ထားခဲ့ပြီး ဘောလုံး သူ၏ ရှေ့သို့ ရောက်လာသည်နှင့် တစ်ပြိုင်နက် တန်းကန်လိုက်လေသည်။</p> <p style="text-align:justify">ရွှစ်... ဘန်း...</p> <p style="text-align:justify">ဘောလုံးက မြက်ခင်းပြင်ပေါ်မှ လိမ့်ဆင်းသွားကာ အဝေးထောင့်ဆီသို့ တန်းတန်းမတ်မတ် ဝင်သွားပြီး ဘေးသို့ ရွေ့လာသော အီဒါဆန်နှင့် ကပ်သီးလေး လွဲသွားခဲ့သည်။</p> <p style="text-align:justify">ဆူညံနေပြီဖြစ်သော အိုးထရက်ဖို့ဒ်ကွင်းကြီးက ဤအချိန်တွင် ပို၍ပင် ဆူညံသွားတော့သည်။ မန်ယူ ပရိသတ်များ၏ အားပေးသံများက သည်းထန်စွာ ရွာသွန်းနေသော မိုးသက်မုန်တိုင်းအလား လူတိုင်း၏ နားစည်များကို ရိုက်ခတ်သွားလေသည်။</p> <p style="text-align:justify">၁-၀…</p> <p style="text-align:justify">***</p>


Save