Book List

<h2 style="text-align: center;">အခန်း (၃၇၈)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">မန်ယူ၏ ပြင်းထန်သော ဖိအားပေးမှုက ကိုးမိနစ်တိတိ ကြာမြင့်ခဲ့ပြီး မန်စီးတီး၏ ဘောလုံးပေးပို့ ထိန်းချုပ်သည့် ကစားကွက်ကို အရင်ဆုံး ဖျက်ဆီးပစ်ကာ ထောင်ချောက်ဆန်သော ခံစစ်ဗျူဟာဖြင့် ဘောလုံးပိုင်ဆိုင်မှုကို ပြန်လည် ရယူနိုင်ခဲ့ခြင်း ဖြစ်သည်။ နည်းဗျူဟာ တစ်ခုလုံးကို အပြစ်ဆိုဖွယ်ရာ မရှိအောင် အကောင်အထည် ဖော်နိုင်ခဲ့လေသည်။</p> <p style="text-align:justify">“ဂိုး.....”</p> <p style="text-align:justify">“Sky Sports ရဲ့ ပွဲကြို မဲခွဲဆုံးဖြတ်မှုမှာ ပရိသတ် ၆၀% က မန်စီးတီးက အရင်ဂိုးသွင်းမယ်လို့ ယုံကြည်ခဲ့ကြတာဗျ...”</p> <p style="text-align:justify">“ဒါပေမဲ့ အမှန်တရားက ဘာလဲဆိုတော့... မန်ယူက အရင် ဦးဆောင်ဂိုး ရသွားပါပြီ။ ချူဖုန်းရဲ့ ကံဆိုးမှုလေးသာ မပါခဲ့ဘူးဆိုရင် ရလဒ်က အခုဆို ၂-၀ တောင် ဖြစ်နေလောက်ပြီ...”</p> <p style="text-align:justify">“မန်ယူတို့ အိုးထရက်ဖို့ဒ်မှာ အိမ်မက်ဆန်တဲ့ အစပျိုးမှုကို ရရှိသွားပါပြီဗျာ...”</p> <p style="text-align:justify">နဗီးလ် အလွန်အမင်း စိတ်လှုပ်ရှားနေသဖြင့် မျက်နှာကြီး နီရဲလာကာ စားပွဲကို လက်သီးဖြင့် ထုပြီး သူ၏ ခံစားချက်များကို ပေါက်ကွဲထုတ်လိုက်သည်။ ပွဲမစမီက သူ ဘယ်လောက်ပဲ ယုံကြည်မှု ရှိနေပုံပေါ်ပါစေ၊ တကယ့် တကယ်တွင်တော့ သူ တော်တော်လေး မသေမချာ ဖြစ်နေခဲ့သည်။ </p> <p style="text-align:justify">သူက မန်ယူ ဂိုးသွင်းနိုင်ခဲ့လျှင်တောင် ချူဖုန်းက ပြင်းထန်သော ထိုးဖောက်မှုများနှင့် သူ၏ တစ်ဦးချင်း စွမ်းရည်များကို သုံးပြီး ယူရလိမ့်မည် ဟု ထင်ထားခဲ့သည်။</p> <p style="text-align:justify">ယခုလို နည်းဗျူဟာပိုင်း အောင်မြင်မှုမျိုး ဖြစ်လာမည်ဟု မည်သူက ထင်ထားမည်နည်း။ မော်ရင်ညိုက ဂွါဒီယိုလာထက် ပိုတော်သည်ဟု ပြောရန် မသင့်တော်သော်လည်း ပွဲအစ ၁၀ မိနစ်တွင်တော့ ၎င်းက အမှန်တရား ဖြစ်ခဲ့ပေသည်။</p> <p style="text-align:justify">စိမ်းလန်းသော ဘောလုံးကွင်းပြင်ပေါ်တွင်။</p> <p style="text-align:justify">ကစားသမားများက မာရက်ဇ်ဘေးတွင် စုရုံးကာ အောင်ပွဲခံနေကြသည်။</p> <p style="text-align:justify">“ရီယာ့ဒ်... မင်းရဲ့ ရွှေဘယ်ခြေက အလုပ်လုပ်သွားပြန်ပြီ... မင်းကို ငါ တကယ် သဘောကျတာကွာ...”</p> <p style="text-align:justify">“ခုနက လူလိမ်ခေါက်ကွက်လေးကလည်း တကယ့်ကို လှတယ်ကွ...”</p> <p style="text-align:justify">မန်ယူကစားသမားများက မာရက်ဇ်ကို တစ်လှည့်စီ ချီးကျူးနေကြရာ သူ၏ မျက်နှာပေါ်တွင် အပျော်များ အတိုင်းသား ပေါ်လွင်နေ၏။</p> <p style="text-align:justify">ချူဖုန်းက အဆုံးသတ် မှတ်ချက်ပေးလိုက်သည်။ “အခု ငါတို့ တစ်ဂိုး အသာရသွားပြီဆိုတော့ အရင်လောက် ဖိကစားစရာ မလိုတော့ဘူး။ ဒါပေမဲ့ ကွင်းလယ်နဲ့ တိုက်စစ်ဇုန်တွေမှာ ဆက်ပြီး ဖိအားပေးနေရမယ်။ မန်စီးတီးနဲ့ ငါတို့ အကြိမ်ကြိမ် ကစားဖူးတယ်... သူတို့ ဘယ်လောက် အကြောမာတယ် ဆိုတာ ငါတို့ သိပြီးသားပဲ... ဒါကြောင့် လုံးဝ သတိလက်လွတ် မဖြစ်စေနဲ့...”</p> <p style="text-align:justify">သူက တမင်တကာ ပျော်ပွဲလာဖျက်သူ လုပ်နေခြင်း မဟုတ်ပေ။ အဘယ်ကြောင့်ဆိုသော် ဘောလုံးပွဲများက ခန့်မှန်းရ ခက်ခဲပြီး မိနစ်အနည်းငယ်အတွင်း ကောင်းကင်ဘုံမှ ငရဲပြည်သို့ ပြောင်းလဲသွားနိုင်သောကြောင့် ဖြစ်သည်။ </p> <p style="text-align:justify">ဘောလုံးလောကတွင် ၁၉၉၉ ခုနှစ် နူးကမ့်ဖြစ်ရပ်ကဲ့သို့ ဖြစ်ရပ်ပေါင်း များစွာ ရှိခဲ့ဖူးသည် မဟုတ်ပါလား…။</p> <p style="text-align:justify">ထိုစကားကို ကြားသောအခါ မန်ယူကစားသမားများက သူတို့၏ စိတ်လှုပ်ရှားမှုကို ထိန်းချုပ်လိုက်ပြီး တည်ငြိမ်မှုကို ပြန်လည် ရယူလိုက်ကြသည်။ အောင်ပွဲအရုဏ်ဦးက ရှေ့တွင် ရှိနေပြီဖြစ်ရာ မည်သူကမျှ ၎င်းကို လက်လွှတ်မခံလိုကြသလို သူတို့၏ ကစားသမားဘဝတွင် အမည်းစက်တစ်ခု အဖြစ်လည်း မခံလိုကြချေ။</p> <p style="text-align:justify">ကွင်းဘေးမှ မော်ရင်ညိုက တိတ်တဆိတ် ခေါင်းညိတ်လိုက်သည်။ သူ ဘာကြောင့် ချူဖုန်းကို အသင်းခေါင်းဆောင် အဖြစ် ရွေးချယ်ခဲ့တာလဲ။ </p> <p style="text-align:justify">ချူဖုန်းက နာမည်ကြီးလို့၊ စွမ်းဆောင်ရည် ကောင်းလို့ ဒါမှမဟုတ် ရုပ်ချောလို့ မဟုတ်ပေ။ အန္တရာယ်နှင့် ရင်ဆိုင်ရချိန်မှာ ပြသတဲ့ သူ၏ တည်ငြိမ်မှုကြောင့်ပင်…။</p> <p style="text-align:justify">ဘောလုံးဆိုတာ စိတ်အားထက်သန်မှု လိုအပ်သည့် အားကစားတစ်ခု ဖြစ်ပေမဲ့ တည်ငြိမ်သော ဆုံးဖြတ်ချက်များလည်း လိုအပ်တယ် မဟုတ်ပါလော။ </p> <p style="text-align:justify">“ဘော့စ်... ကျွန်တော်တို့ အရှိန်လေး နည်းနည်း လျှော့ဖို့ လိုတယ်... မဟုတ်ရင် ဒုတိယပိုင်းမှာ ခက်ခဲသွားလိမ့်မယ်...” ဖာရီယာက သတိပေးလိုက်သည်။ </p> <p style="text-align:justify">ဘောလုံးလောကရှိ မည်သည့်အသင်းမှ ကစားသမားများက စက်ရုပ်များ မဟုတ်သရွေ့ ပွဲချိန်ပြည့် ဖိအားပေးကစားရန် မဖြစ်နိုင်ပေ။ ထို့ကြောင့် စည်းချက်ကို ကျွမ်းကျင်စွာ ထိန်းချုပ်နိုင်ရေးက အလွန် အရေးကြီးသည်။ </p> <p style="text-align:justify">ဖိအားပေးမှုကို အဓိကထားသော ကလော့ပ်၏ နည်းဗျူဟာများကြောင့် အထင်မလွဲလိုက်ပါနှင့်။ သူ့တွင် ရှင်းလင်းသော စည်းချက်တစ်ခု ရှိပြီး ကွင်းတွင်းရှိ ပြောင်းလဲနေသော အခြေအနေများနှင့် လိုက်လျောညီထွေ ဖြစ်အောင် လုပ်နိုင်စွမ်း ရှိသည်။</p> <p style="text-align:justify">မန်ယူက ထိုသို့သော ပြင်းထန်သည့် ဖိအားပေးမှုမျိုး မလုပ်နိုင်ပေ။ ထို့ကြောင့် မော်ရင်ညိုက ပါးနပ်သော နည်းလမ်းတစ်ခု ဖြစ်သည့် အချိုးမညီသော ခံစစ်စနစ်ကို အသုံးပြုခဲ့ခြင်း ဖြစ်သည်။ </p> <p style="text-align:justify">၎င်း၏ ဗဟိုချက်က ကန်တေပင်။</p> <p style="text-align:justify">ပြင်သစ်သား ကန်တေသည် အလွန် ကြီးမားသော ဧရိယာကို လွှမ်းခြုံ၍ ကစားနိုင်သည်။ ခပ်ပိုပို ပြောရလျှင် သူ့ကို လူတစ်ယောက်ခွဲစာ အဖြစ် အသုံးပြုနိုင်သည်။ </p> <p style="text-align:justify">သူက အားနည်းသော ခံစစ်ဧရိယာကို ကာကွယ်ပေးနိုင်ရုံသာမက ရှေ့သို့တက်၍ အရေးပါသော ကြားဖြတ် လုယူမှုများကိုပါ အခွင့်ကောင်းယူ လုပ်ဆောင်နိုင်စွမ်း ရှိသည်။</p> <p style="text-align:justify">ဂွါဒီယိုလာက သူ၏ နားထင်များကို ပွတ်သပ်လိုက်ရာ သူ၏ မျက်နှာပေါ်တွင် အလွန်အမင်း ပင်ပန်း နွမ်းနယ်နေသည့် အမူအရာများ ပေါ်လွင်နေ၏။</p> <p style="text-align:justify">မော်ရင်ညို ပြောင်းလဲသွားပြီဟု သူ ခံစားလိုက်ရသည်။ အရင်ကထက် ပိုတော်လာပြီး ပိုရဲတင်းလာခဲ့ပြီ။</p> <p style="text-align:justify">ခုနက မန်ယူတို့လို အခြေအနေမျိုးတွင် မန်စီးတီးအတွက် မန်ယူ၏ ခံစစ်ကို ဖောက်ထွက်ရန် အဝေးဘော တစ်ချက်သာ လိုအပ်သည်။ ကံဆိုးစွာဖြင့် မန်ယူက သူတို့ကို ကန်သွင်းခွင့် မပေးခဲ့ပေ။</p> <p style="text-align:justify">‘ဒါပေမဲ့ မော်ရင်ညို တိုးတက်လာသလို ငါလည်း တိုးတက်လာခဲ့တာပဲ...’</p> <p style="text-align:justify">ဂွါဒီယိုလာက စိတ်ကို ပြန်လည် တည်ငြိမ်စေလိုက်ပြီးနောက် သူ၏ ကစားသမားများကို လက်ညှိုး ညွှန်ကာ ညွှန်ကြားချက်များ အတိုင်း လုပ်ဆောင်ရန် လက်ဟန်ပြလိုက်သည်။</p> <p style="text-align:justify">ဘောလုံးပိုင်ဆိုင်မှုကို အခြေခံသော ကစားကွက် ဗားရှင်း ၃.၀ ။</p> <p style="text-align:justify">ဒါက ယခုရာသီတွင် သူ ပြောင်းလဲထားသော မန်စီးတီး၏ ပုံစံသစ် ဖြစ်ပြီး ပြီးခဲ့သည့် ရာသီက နည်းဗျူဟာများကို လုံးဝ စွန့်လွှတ်ထားခြင်းပင်။ ရိုးရိုးရှင်းရှင်း ပြောရလျှင် ဖာထေးသည့် အဆင့်ကို ကျော်ကာ စနစ်တစ်ခုလုံးကို အဆင့်မြှင့်တင်လိုက်ခြင်း ဖြစ်သည်။</p> <p style="text-align:justify">ကမ္ဘာတစ်ဝှမ်းရှိ နယ်ပယ်အသီးသီးမှ ထိပ်တန်းသို့ ရောက်နေသူများတွင် ဘုံတူညီချက် အနည်းနှင့် အများ ရှိတတ်ကြသည်။ ဥပမာ - သူတို့၏ ကိုယ်ပိုင် အကြံဉာဏ်များကို ဘယ်သောအခါမှ သံသယ မဝင်ခြင်းမျိုးပင်။ </p> <p style="text-align:justify">ဂွါဒီယိုလာက ပြီးပြည့်စုံသော ဥပမာတစ်ခု ဖြစ်သည်။</p> <p style="text-align:justify">သူ၏ တည်ငြိမ်သော အမူအရာက မှော်ဆန်သော စွမ်းအားတစ်ခု ရှိနေသကဲ့သို့ မန်စီးတီး ကစားသမားများ၏ ရင်ထဲမှ မတည်ငြိမ်မှုများကို ဖယ်ရှားပေးလိုက်သည်။</p> <p style="text-align:justify">“ငါတို့ ညာတောင်ပံနဲ့ အလယ်ပေါက်ကနေ ဖောက်ဝင်ရမယ်... ပြီးတော့ သူတို့ ငါတို့ကို ဖိအားမပေးနိုင်အောင် ကွင်းလယ်ဧရိယာမှာ အမြန် အကူးအပြောင်းတွေ လုပ်ရမယ်...”</p> <p style="text-align:justify">ဒီဘရိုင်းက ပြတ်သားစွာ ပြောလိုက်သည်။ အသင်းထဲတွင် အသံတစ်သံတည်းသာ ရှိရမည် ဖြစ်ပြီး သို့မှသာ အားလုံး စည်းလုံးညီညွတ်စွာ လုပ်ဆောင်နိုင်မည်ဖြစ်ကာ ရှုပ်ထွေးသော တိုက်စစ်ဆင်မှုမျိုးကို ရှောင်ရှားနိုင်မည် ဖြစ်သည်။</p> <p style="text-align:justify">မန်စီးတီးတွင် ဘောလုံးပိုင်ဆိုင်မှု အသားပေး ကစားကွက်မျိုး ကစားနိုင်စွမ်း ရှိသလား။</p> <p style="text-align:justify">ဒါက သံသယဝင်စရာပင် မလိုပေ။ သူတို့အားလုံးက ဘောလုံးကိုင် ကစားရာတွင် အထူးချွန်ဆုံး ကစားသမားများ ဖြစ်ကြလေသည်။</p> <p style="text-align:justify">ပွဲပြန်စသည်နှင့် တစ်ပြိုင်နက်...</p> <p style="text-align:justify">မန်စီးတီးက သူတို့ ချမှတ်ထားသော နည်းဗျူဟာများကို ခိုင်ခိုင်မာမာ အကောင်အထည် ဖော်ကြပြီး ဒီဘရိုင်းက ဘောလုံး ဖြန့်ဝေမှုကို အဓိက တာဝန်ယူထားသည်။</p> <p style="text-align:justify">ဖျစ်... ဖျစ်... ဖျစ်...</p> <p style="text-align:justify">မန်စီးတီးတို့ လျင်မြန်စွာ ရှေ့သို့ ဆွဲတက်လာသည်နှင့်အမျှ ဘောလုံးကို ထပ်တလဲလဲ ထိတွေ့နေသော အသံများ ထွက်ပေါ်လာသည်။ တူညီသော ဇာတ်လမ်းက ပြန်လည် စတင်နေသကဲ့သို့ပင်။ </p> <p style="text-align:justify">မန်ယူက အညှာအတာမဲ့စွာ ဖိအားပေးကြပြီး မန်စီးတီး၏ ဘောလုံးပေးပို့မှု စည်းချက်ကို ဖြတ်တောက်ရန် ကြိုးပမ်းသည့် အနေဖြင့် နည်းဗျူဟာမြောက် ဖောင်းဘောများကိုပင် အသုံးပြုလာကြသည်။</p> <p style="text-align:justify">သို့ရာတွင် မိနစ် ၃၀ ကျော်ကြာ ဖိအားပေးပြီးနောက် မန်ယူကစားသမားများ၏ ရုပ်ပိုင်းဆိုင်ရာ အခြေအနေက သိသိသာသာ ကျဆင်းလာခဲ့သည်။</p> <p style="text-align:justify">FIFA ဂိမ်းထဲတွင်ဆိုလျှင် အစိမ်းရောင်ဘားတန်းမှ အဝါရောင်ဘားတန်းသို့ ပြောင်းသွားသကဲ့သို့ပင်။ </p> <p style="text-align:justify">သူတို့၏ ဖိအားပေးနိုင်မှု အရှိန်က လျော့ကျသွားသည်။ ယင်းက အနည်းငယ်သာ ဖြစ်သော်ငြား မန်ချက်စတာ စီးတီး အတွက် တဖြည်းဖြည်းနှင့် ကစားရ ပိုသက်သာလာသည်။</p> <p style="text-align:justify">“ဝိုင်းလုကြကွာ...”</p> <p style="text-align:justify">အက်ရှလေယန်းက အရှေ့သို့ ပြေးထွက်သွားကာ အော်ဟစ်လိုက်ပြီး ဘောလုံးရနေသော ဘာနာဒို ဆေးလ်ဗားထံ တန်းတန်းမတ်မတ် သွားလိုက်သည်။ ဘာနာဒို ဆေးလ်ဗားက ယုန်တစ်ကောင်အလား သူ၏ ညာခြေကို သုံး၍ ဖျက်ထုတ်မှုကို ရှောင်တိမ်းကာ ရှေ့သို့ ခြေလှမ်း အနည်းငယ် ဆက်သွားပြီးနောက် ရုတ်တရက် ရပ်တန့်လိုက်သည်။ </p> <p style="text-align:justify">ထိုအခါ အက်ရှ်လေယန်း တစ်ယောက် ရှေ့တိုးနောက်ဆုတ် လုပ်ရင်း လိုက်ပါနေရုံမှအပ အခြား မလုပ်နိုင်တော့ချေ။ သူ ယခု ကြီးမားသော ဖိအားများကို ရင်ဆိုင်နေရပြီ ဖြစ်သည်။ အသက်ပိုကြီးလာပြီဖြစ်ရာ လူငယ်များနှင့် မယှဉ်နိုင်တော့သည်မှာ သေချာလှသည်။ </p> <p style="text-align:justify"><br /> ***</p>


Save