Book List

<h2 style="text-align: center;">အခန်း (၇၀၂)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">တစ်ချိန်တည်းမှာပင် လုမိသားစုတို့ ရှိရာနှင့် ကီလိုမီတာ ဒါဇင်နှင့်ချီ ဝေးကွာသော အခြားနေရာတစ်ခု၌…။</p> <p style="text-align:justify">အရပ် လေးမီတာကျော် မြင့်ကာ အပြာရင့်ရောင် အသားအရေရှိပြီး အမြီးရှည်နှင့် နားရွက်ချွန်ချွန်များ ပါရှိသော သန်မာသည့် အမျိုးသားတစ်ဦးသည် ရှေ့မှ မြင်ကွင်းကို ကြောင်စီစီဖြင့် ကြည့်နေမိသည်။ </p> <p style="text-align:justify">သူသည် ရှေးဦးမျိုးနွယ်စုမှ စစ်သည်တော်တစ်ဦးကဲ့သို့ ဝတ်ဆင်ထားသည်။ သူသည် ဧရာမ ကန်တော့ပုံ အလင်းတန်းကြီး၏ အောက်ခြေတွင် ရှိနေခြင်းပင်။ </p> <p style="text-align:justify">ရေတံခွန်ကြီးထဲသို့ တိုးဝင်နေသော မရေမတွက်နိုင်သော တိမ်တိုက်များနှင့် အလင်းတန်းများကို သူ ကိုယ်တိုင် မြင်တွေ့နေရသည်။ ထိုအရာများက ရေတံခွန်တစ်ခုလုံးအား တောက်ပနေသော အလင်းစီးကြောင်းကြီးတစ်ခုအဖြစ် ပြောင်းလဲလိုက်သည်။</p> <p style="text-align:justify">"ဝှစ်…"</p> <p style="text-align:justify">ရုတ်တရက် ရေတံခွန်ထဲမှ ရေစင်များ လွင့်ထွက်လာသည်။ </p> <p style="text-align:justify">အရပ်ရှည်ပြီး သန်မာသော သမင်ထီးကြီးတစ်ကောင်မှာ ရေထဲမှ လမ်းလျှောက်ထွက်လာသည်။ </p> <p style="text-align:justify">ထိုအမျိုးသား၏ အပြာရင့်ရောင် မျက်စိသူငယ်အိမ်များမှာ ကျုံ့သွားရသည်။ </p> <p style="text-align:justify">အကြောင်းမှာ ထိုသမင်မှာ သူကိုယ်တိုင် လှံဖြင့် ထိုးထားခဲ့ပြီး သေလုမျောပါး ဖြစ်နေသဖြင့် ဤနေရာသို့ မောင်းထုတ်လာခဲ့သော သားကောင်ဖြစ်နေသောကြောင့်ပင်။ သို့သော် ယခုအခါ ထိုသမင်မှာ ဘာဒဏ်ရာမှ မရှိတော့ဘဲ ကျန်းမာသန်စွမ်းစွာဖြင့် သူ့အား ပြန်ကြည့်နေသည်။</p> <p style="text-align:justify">"အဘား…အဘား…"</p> <p style="text-align:justify">ထိုအမျိုးသားသည် ထူးဆန်းသော အော်သံတစ်ခုကို လွှတ်လိုက်ပြီး လက်ထဲမှ လှံကို ပစ်ချကာ မြေပြင်ပေါ်တွင် ဒူးထောက်လိုက်တော့သည်။ </p> <p style="text-align:justify">ထို့နောက် ရေတံခွန်ဘက်သို့ ဦးတည်ကာ အသည်းအသန် ဦးချလေတော့သည်။ ခဏကြာ ဦးချပြီးနောက်တွင် သူသည် လှံကို ပြန်ကောက်ကာ လေလို အမြန်နှုန်းဖြင့် နောက်သို့ လှည့်မကြည့်ဘဲ ထွက်ပြေးသွားတော့သည်။</p> <p style="text-align:justify">ရွှမ်လင်းဘောလုကျင့်စဉ်ကို စတင်လည်ပတ်လိုက်သည်နှင့် တစ်ပြိုင်နက် မိမိ၏ အတွေး မှန်ကန်ကြောင်း လုရှန် ချက်ချင်းပင် သဘောပေါက်လိုက်သည်။</p> <p style="text-align:justify">စကြာဝဠာဟင်းလင်းပြင်အတွင်းရှိ သဘာဝစွမ်းအင်တို့သည် အတိုင်းအဆမရှိသော ပမာဏဖြင့် သူ၏ခန္ဓာကိုယ်အတွင်းသို့ အလုံးအရင်းနှင့် တိုးဝင်လာကြတော့သည်။</p> <p style="text-align:justify">မသေမျိုးဆဲလ်တို့သည် တစ်ခုပြီးတစ်ခု စတင်ဖြစ်တည်လာကြသည်။ </p> <p style="text-align:justify">အစပိုင်း၌ အရှိန်အဟုန်မှာ မထူးခြားသော်လည်း တဖြည်းဖြည်းနှင့် နှင်းဘောလုံးလိမ့်သကဲ့သို့ အရှိန်ရလာကာ နောက်ဆုံးတွင် ကြယ်တာရာလေ့ကျင့်ရေးကွင်း အတွင်းရှိ အရှိန်နှုန်းကိုပင် မှီလုနီးပါး ဖြစ်သွားခဲ့သည်။</p> <p style="text-align:justify">ဤစကြာဝဠာစွမ်းအင်တို့သည် ရွှမ်လင်းဘောလုကျင့်စဉ်၏ ဆွဲဆောင်မှုကြောင့် ရှုပ်ထွေးသော်လည်း သန့်စင်သော အခြေအနေဖြင့် ဧရာမမြစ်ကြီးတစ်စင်းအလား သူ၏ကိုယ်တွင်းသို့ စီးဝင်ကာ ဆဲလ်တိုင်းကို အားဖြည့်ပေးနေသည်။</p> <p style="text-align:justify">မူလက ရှိပြီးသားဖြစ်သော မသေမျိုးဆဲလ် ရှစ်သောင်းမှာလည်း စဉ်ဆက်မပြတ် အသွင်ပြောင်းလဲလာပြီး ပင်မကြယ်တာရာအဆင့်မှ ကြယ်နီကြီး ပုံစံသို့ လျင်မြန်စွာ ကူးပြောင်းနေပြီဖြစ်သည်။</p> <p style="text-align:justify">လုရှန်သည် သူ၏စိတ်စွမ်းအားကို ထုတ်လွှတ်၍ အပြင်ဘက်တွင် မိမိဖန်တီးထားသော ခမ်းနားထည်ဝါသည့် မြင်ကွင်းကို ကြည့်ရှုရင်း အတွေးနယ်ချဲ့နေမိသည်။ </p> <p style="text-align:justify">"ငါ့ရဲ့ပါရမီက အတော်လေး ကောင်းတယ်လို့ ပြောလို့ရမလား"</p> <p style="text-align:justify">ချန်ယွီရှု၏ မှတ်ဉာဏ်များအရ မသေမျိုးလမ်းစဉ်ယဉ်ကျေးမှုရှိ ကျင့်ကြံသူတို့၏ ဝိညာဉ်အမြစ်ကို အဆင့်ကိုးဆင့် ခွဲခြားထားပြီး အထက် အလယ် အောက် ဟူ၍ သတ်မှတ်ထားကြသည်။</p> <p style="text-align:justify">အဆင့်တစ်ခုချင်းစီ၏ ကွာဟချက်မှာ ကျင့်ကြံခြင်းအရှိန်နှုန်းကို သိသိသာသာ ကွာခြားစေသည်။</p> <p style="text-align:justify">ချန်ယွီရှုသည် အဆင့်နှစ် ဝိညာဉ်အမြစ်ပိုင်ရှင် ပါရမီရှင်တစ်ဦးဖြစ်ပြီး မွေးဖွားစဉ်ကပင် ထူးခြားသော နိမိတ်များ ပြခဲ့သူဖြစ်သည်။ သို့သော် လုရှန် သူ၏မှတ်ဉာဏ်နှင့် နှိုင်းယှဉ်ကြည့်လိုက်သောအခါ မိမိ၏ စကြာဝဠာစွမ်းအင် စုပ်ယူနိုင်စွမ်းမှာ ချန်ယွီရှုထက် အဆပေါင်းတစ်ရာကျော်မျှ ပိုမိုအားကောင်းနေသည်ကို တွေ့လိုက်ရသည်။</p> <p style="text-align:justify">"တစ်နည်းအားဖြင့် ပြောရရင် ငါ့ရဲ့ သိုင်းလမ်းစဉ် စစ်မှန်သောဝိညာဉ် အမှတ်အသားက ချန်ယွီရှုရဲ့ ဝိညာဉ်အမြစ်ထက် အဆတစ်ရာမက ပိုပြီး အစွမ်းထက်နေတာပဲ"</p> <p style="text-align:justify">မည်သို့ပင်ဖြစ်စေ ရွှမ်လင်းဘောလု ကျင့်စဉ်မှာ လုရှန်အတွက် အံ့အားသင့်ဖွယ် လက်ဆောင်မွန်တစ်ခု ဖြစ်ခဲ့သည်။</p> <p style="text-align:justify">ဤမျှအစွမ်းထက်သော စွမ်းအင်စုပ်ယူမှုမှာ သူယခင်က လေ့ကျင့်ခဲ့ဖူးသမျှသော မည်သည့်သိုင်းကျင့်စဉ်နှင့်မျှ နှိုင်းယှဉ်၍မရပေ။ မသေမျိုးလမ်းစဉ်နှင့် သိုင်းလမ်းစဉ်ကို မပေါင်းစပ်နိုင်ခဲ့လျှင်ပင် နှစ်မျိုးလုံးကို တွဲဖက်ကျင့်ကြံရုံဖြင့် သူသည် အကျိုးကျေးဇူး အမြောက်အမြား ရရှိနိုင်မည်ဖြစ်သည်။</p> <p style="text-align:justify">"ဒီပုံစံအတိုင်းဆိုရင် အဆင့် ၁၁ ကို ရောက်ဖို့က သိပ်မဝေးတော့ဘူး"</p> <p style="text-align:justify">လုရှန်သည် လောလောဆယ်တွင် အဆင့် ၁၀ သာ ရှိသေးသော်လည်း သူ့တွင် အဆင့် ၅ အထွတ်အထိပ်သို့ ရောက်ရှိပြီး နိယာမများကို ထိန်းချုပ်နိုင်သည့် သိုင်းပညာ ခုနစ်မျိုး ရှစ်မျိုးခန့် ရှိနေပြီဖြစ်သည်။</p> <p style="text-align:justify">အဆင့် ၁၀ မှ အဆင့် ၁၁ ထိုမှတစ်ဆင့် အဆင့် ၁၂ အထိ...။</p> <p style="text-align:justify">သူ့အတွက်မူ အဆင့်တက်ရန် အတားအဆီးဟူ၍ အလျဉ်းမရှိချေ။ လုံလောက်သော စွမ်းအင်များကို စုဆောင်းနိုင်ရုံဖြင့် အလွယ်တကူ တက်လှမ်းသွားနိုင်မည်ဖြစ်သည်။</p> <p style="text-align:justify">လုရှန်၏ ခန္ဓာကိုယ်ကို ခွက်တစ်ခုနှင့် ဥပမာပေးရလျှင် သူ၏ခွက်မှာ အဆင့် ၁၂ အရွယ်အစားအထိ ကြီးမားနေပြီဖြစ်သည်။</p> <p style="text-align:justify">သို့သော် ထိုခွက်ထဲတွင် စွမ်းအင်များ ပြည့်ဝမနေသေးဘဲ ဟာလာဟင်းလင်း ဖြစ်နေသဖြင့် စွမ်းအင်များ ဖြည့်တင်းရန် လိုအပ်နေခြင်းသာ ဖြစ်သည်။</p> <p style="text-align:justify">သူသည် ယခင်က အစွမ်းကုန် ကြိုးစားခဲ့သော်လည်း သူ၏တိုးတက်မှုနှုန်းမှာ မြန်လွန်းလှသဖြင့် ခွက်ကြီးထွားလာသည့် အရှိန်မှာ စွမ်းအင်ဖြည့်တင်းသည့် အရှိန်ထက် ပိုမိုမြန်ဆန်နေခဲ့သည်။ မသေမျိုးဆဲလ်များ တိုးလာတိုင်း ခွက်မှာလည်း ပို၍ ကြီးမားလာသည်။</p> <p style="text-align:justify">ထိုစွမ်းအင်စုဆောင်းမှုမှာ လုရှန်၏ ခွက်ဝအရွယ်အစားပေါ်တွင် မူတည်သည်။ ခွက်ဝ ကြီးမားလေလေ စွမ်းအင်စီးဝင်မှု များပြားလေလေဖြစ်ပြီး စုဆောင်းမှုမှာလည်း လျင်မြန်လေလေဖြစ်သည်။</p> <p style="text-align:justify">ယခင် လုရှန်၏ ခွက်ဝမှာ ထိုမျှ မကြီးမားခဲ့ချေ။</p> <p style="text-align:justify">ယခု ရွှမ်လင်းဘောလု ကြောင့် သူ၏ခွက်ဝမှာ အတိုင်းအဆမရှိ ကျယ်ပြန့်သွားခဲ့ပြီဖြစ်ပြီး ခွက်ကြီးထွားလာသည့် အရှိန်အား ကောင်းကောင်း လိုက်မှီနိုင်နေပြီဖြစ်သည်။</p> <p style="text-align:justify">ဤအချက်တစ်ခုတည်းနှင့်ပင် လုရှန်အနေဖြင့် မသေမျိုးကျင့်စဉ်ကိုပါ တွဲဖက်ကျင့်ကြံရခြင်းမှာ အလွန်တန်သည်ဟု ခံစားလိုက်ရသည်။</p> <p style="text-align:justify">ပင်လယ်ပြင်ကဲ့သို့ အဆုံးအစမဲ့သော စွမ်းအင်တို့သည် လုရှန်၏ ခန္ဓာကိုယ်ထဲသို့ စီးဝင်လာသည်။ </p> <p style="text-align:justify">မသေမျိုးဆဲလ် ရှစ်သောင်းကျော်မှာ ရေငတ်နေသော မျိုးစေ့များအလား ထိုစွမ်းအင်များကို လောဘတကြီး စုပ်ယူကာ လျင်မြန်စွာ ကြီးထွားလာကြသည်။</p> <p style="text-align:justify">မသေမျိုးဆဲလ် အရေအတွက်မှာလည်း အရှိန်အဟုန်ဖြင့် တိုးပွားလာတော့သည်။</p> <p style="text-align:justify">ရှစ်သောင်းတိတိမှသည် ရှစ်သောင်းတစ်ထောင် ရှစ်သောင်းနှစ်ထောင် သုံးထောင် လေးထောင်...။</p> <p style="text-align:justify">ဤလုပ်ငန်းစဉ်အတွင်း၌ စကြာဝဠာစွမ်းအင်များသည် ရွှမ်လင်းဘောလု ကျင့်စဉ်၏ အသွင်ပြောင်းလဲပေးမှုကြောင့် ဓာတ်ငွေ့အခြေအနေမှ အရည်အခြေအနေသို့ ထိုမှတစ်ဆင့် သလင်းကျောက်ကဲ့သို့ ခဲသွားသော အခြေအနေသို့ လျင်မြန်စွာ ပြောင်းလဲသွားသည်။</p> <p style="text-align:justify">နောက်ဆုံးတွင် လုရှန်၏ ဒန်ထျန်းနေရာ၌ ကြက်ဥအရွယ်အစားရှိသော အဖြူရောင်အလုံးလေးတစ်ခုအဖြစ် စုစည်းသွားတော့သည်။</p> <p style="text-align:justify">၎င်းမှာ အဆင့်ရှစ် သိုင်းမဟာသခင်များ၏ ရွှေရောင်အမြုတေနှင့် ဆင်တူလှသည်။</p> <p style="text-align:justify">မျက်တောင်တစ်ခတ်အတွင်းမှာပင် ထိုအဖြူရောင်အလုံးလေးမှာ လျင်မြန်စွာ ကြီးထွားလာပြီး ကြက်ဥအရွယ်မှ လက်သီးဆုပ်အရွယ် ထိုမှတစ်ဆင့် ဖရဲသီးအရွယ်အစားအထိ ဖြစ်လာသည်။</p> <p style="text-align:justify">"သောက်ကျိုးနည်း... ဒါကြီးက ငါ့ဆီးအိမ်ကိုများ ဖောက်ထွက်သွားမလား မသိဘူး"</p> <p style="text-align:justify">လုရှန်၏ ရင်ထဲ ထိတ်ခနဲ ဖြစ်သွားသော်လည်း မြင်နေရသော အရာများက သူ၏စိုးရိမ်မှုမှာ အပိုဖြစ်ကြောင်း သက်သေပြလိုက်သည်။</p> <p style="text-align:justify">ဤအဖြူရောင်အလုံးကြီးမှာ စဉ်ဆက်မပြတ် ကြီးထွားနေပြီး အချင်းမှာ တစ်မီတာ နှစ်မီတာ ဆယ်မီတာအထိ လျင်မြန်စွာ ကျော်လွန်သွားသည်။</p> <p style="text-align:justify">သို့သော် လုရှန်၏ ဒန်ထျန်းမှာလည်း အဆုံးအစမရှိ ကျယ်ပြောလှပုံရသည်။ </p> <p style="text-align:justify">ထိုအဖြူရောင်အလုံးကြီး မည်မျှပင် ကြီးထွားလာပါစေ ကောင်းကောင်း ဆံ့နေသေးသည်။</p> <p style="text-align:justify">"ဒါက... ငါ့ရဲ့ မသေမျိုးလမ်းစဉ် ရွှေရောင်အမြုတေလား"</p> <p style="text-align:justify">လုရှန် မျက်တောင်တဖျပ်ဖျပ် ခတ်ရင်း အံ့အားသင့်နေမိသည်။</p> <p style="text-align:justify">သူသည် ချန်ယွီရှု၏ မှတ်ဉာဏ်များနှင့် နှိုင်းယှဉ်ကြည့်လိုက်သည်။ မသေမျိုးလမ်းစဉ် ရွှေရောင်အမြုတေနှင့် သိုင်းလမ်းစဉ် ရွှေရောင်အမြုတေကြား သိသိသာသာ ကွာခြားမှု ရှိသော်လည်း ယေဘုယျအားဖြင့် ကြက်ဥအရွယ် သို့မဟုတ် အများဆုံး လက်သီးဆုပ်အရွယ်သာ ရှိတတ်ကြသည်။</p> <p style="text-align:justify">ဤမျှလောက်အထိ ကြီးမားလာသည်ကို သူ တစ်ခါမှ မကြားဖူးချေ။</p> <p style="text-align:justify">"ယုတ္တိဗေဒအရ ပြောရင်တော့ ရွှေရောင်အမြုတေက အတိုင်းအတာတစ်ခုအထိ ကြီးလာပြီး လပြည့်တာနဲ့ ပြန်ဆုတ်သလိုမျိုး... အမြုတေက ကွဲထွက်ပြီး နို့စို့ကလေးပုံစံ ပေါ်လာရမှာ။ အဲဒါမှ နောက်တစ်ဆင့်ကို တက်တာ..."</p> <p style="text-align:justify">ချန်ယွီရှု၏ ဦးခေါင်းခွံထဲမှ ထွက်ပေါ်လာခဲ့သော ထွားထွားကျိုင်းကျိုင်း ကလေးငယ်ပုံရိပ်ကို လုရှန် မှတ်မိနေသေးသည်။</p> <p style="text-align:justify">၎င်းမှာ ရွှေရောင်အမြုတေအဆင့်မှ နောက်တစ်ဆင့်ဖြစ်သော ကနဦးဝိညာဉ် နယ်ပယ်သို့ ကူးပြောင်းခြင်းပင် ဖြစ်သည်။</p> <p style="text-align:justify">သို့သော် လုရှန်၏ ရွှမ်လင်းဘောလု ကျင့်စဉ်မှ ရရှိလာသော ရွှေရောင်အမြုတေမှာမူ ယုံကြည်နိုင်စရာမရှိလောက်အောင် ပါးစပ်အဟောင်းသား ဖြစ်သွားရလောက်အောင် ကြီးမားလွန်းနေသည်။</p> <p style="text-align:justify">ချန်ယွီရှု၏ ဘဝနှစ်ခုစာ ကျင့်ကြံခြင်း အတွေ့အကြုံဖြင့်ပင် ဤအရာကို ရှင်းပြ၍ မရနိုင်ချေ။</p> <p style="text-align:justify">"ပြဿနာက ကျင့်စဉ်မှာလား ဒါမှမဟုတ် ငါ့ဆီမှာလား"</p> <p style="text-align:justify">လုရှန်လည်း မသေချာတော့ပေ။</p> <p style="text-align:justify">ဤအချိန်တွင် ပင်လယ်ပြင်ကဲ့သို့ စကြာဝဠာစွမ်းအင်များမှာ လုရှန်၏ ခန္ဓာကိုယ်ထဲသို့ စဉ်ဆက်မပြတ် စီးဝင်နေဆဲပင်။</p> <p style="text-align:justify">ရွှေရောင်အမြုတေမှာလည်း ဆက်လက် ကြီးထွားနေဆဲ ဖြစ်သည်။</p> <p style="text-align:justify">ဤနှုန်းအတိုင်းသာဆိုလျှင် လုရှန်သည် ခေတ္တမျှနေ၍ ရွှေရောင်အမြုတေကို ပြန်ထွေးထုတ်လိုက်ပါက ဧရာမ အဖြူရောင်ဂြိုဟ်ကြီးတစ်လုံး ထွက်လာမည်လားဟုပင် သံသယဝင်မိတော့သည်။</p> <p style="text-align:justify">အကျိုးကျေးဇူးကမူ ထင်ရှားလှသည်။ မသေမျိုးလမ်းစဉ် ရွှေရောင်အမြုတေမှ သယ်ဆောင်လာသော ဧရာမစွမ်းအင်များကြောင့် လုရှန်၏ မသေမျိုးဆဲလ် အရေအတွက်မှာ ပေါက်ကွဲထွက်မတတ် မြင့်တက်လာသည်။</p> <p style="text-align:justify">ယခုအခါ ဆဲလ်ပေါင်း တစ်သိန်းခွဲအထိ ကျော်လွန်သွားပြီဖြစ်သည်။</p> <p style="text-align:justify">နဂိုထက် နှစ်ဆနီးပါး တိုးလာခြင်းပင်။</p> <p style="text-align:justify">ထို့ပြင် အရှိန်လျော့မည့် လက္ခဏာလည်း မရှိဘဲ နှင်းဘောလုံးလိမ့်သကဲ့သို့ ပို၍ပင် မြန်ဆန်လာသည်။</p> <p style="text-align:justify">ဤဖြစ်စဉ်အတွင်းမှာပင် လုရှန်၏ သိုင်းခန္ဓာကိုယ်မှာ အံ့အားသင့်ဖွယ် အသွင်ပြောင်းလဲမှုကို ကြုံတွေ့နေရသည်။ </p> <p style="text-align:justify">မူလက သူ၏သိုင်းခန္ဓာမှာ အဆင့် ၁၅ ကြယ်တာရာလမ်းစဉ်အတွက် အထူးသီးသန့် ပြုလုပ်ထားသော ကြယ်တာရာ အထွတ်အထိပ် ခန္ဓာကိုယ် ဖြစ်သည်။</p> <p style="text-align:justify">ထိုခန္ဓာကိုယ်မှာ ကြယ်တာရာလမ်းစဉ်၏ အသင့်တော်ဆုံး ဆင့်ကဲပြောင်းလဲမှုအတိုင်း ကြီးထွားလာခဲ့ခြင်းပင်။</p> <p style="text-align:justify">ယခုမူ မသေမျိုးလမ်းစဉ် ရွှေရောင်အမြုတေ ပေါ်ထွက်လာမှုကြောင့် လုရှန်၏ ကြယ်တာရာ အထွတ်အထိပ် ခန္ဓာကိုယ်ပေါ်တွင် တောက်ပသော အဖြူရောင် ရှိကာ ရှင်းပြရခက်ပြီး နက်ရှိုင်းလှသော အမှတ်အသားများ စတင်ပေါ်ပေါက်လာတော့သည်။</p> <p style="text-align:justify">"မသေမျိုးလမ်းစဉ် အမှတ်အသားတွေပဲ"</p> <p style="text-align:justify">လုရှန်၏ မျက်လုံးများထဲမှ ထက်ရှသော အလင်းတန်းနှစ်ခု ထွက်ပေါ်လာသည်။</p> <p style="text-align:justify">သူသည် မသေမျိုးလမ်းစဉ်နှင့် သိုင်းလမ်းစဉ်ကို ပေါင်းစပ်ရန် ရည်မှန်းချက် ရှိခဲ့သော်လည်း ၎င်းမှာ အလွန်ခက်ခဲလိမ့်မည်ဟု ထင်မှတ်ခဲ့ခြင်း ဖြစ်သည်။ သို့သော် လောလောဆယ်တွင် ပထမဆုံးခြေလှမ်းမှာ သူထင်ထားသည်ထက်ပင် ပိုမို ချောမွေ့နေပုံရသည်။</p> <p style="text-align:justify">***</p>


Save