Book List

<h2 style="text-align: center;">အခန်း (၇၁၄)</h2> <h2 style="text-align: center;">*</h2> <p> </p> <p> </p> <p style="text-align:justify">"ဘုန်း..."</p> <p style="text-align:justify">ကျယ်လောင်သော ဟိန်းဟောက်သံနှင့်အတူ ပျက်စီးနေသော ယာဉ်ပျံ၏ အပေါက်ဝ ပွင့်ထွက်သွားပြီး အတွင်းမှ ပုံရိပ်နှစ်ခု ထွက်ပေါ်လာသည်။</p> <p style="text-align:justify">လုရှန် မျက်လုံးများကို အနည်းငယ်ကျဉ်း၍ ကြည့်လိုက်ရာ ထိုနှစ်ဦးမှာ တစ်ယောက်က အရပ်ရှည်ပြီး တစ်ယောက်က အရပ်ပုကြောင်း တွေ့လိုက်ရသည်။  ယာဉ်ပျံပေါ်တက်စဉ်က သူ၏ ကိုယ်ရေးအချက်အလက်ကို စစ်ဆေးခဲ့သော အေးစက်စက် မျက်နှာနှင့် လူလတ်ပိုင်းအရွယ် အမျိုးသားမှာ ထိုအထဲမှ တစ်ဦးဖြစ်သည်။</p> <p style="text-align:justify">အခြားတစ်ဦးမှာ မျက်နှာဝိုင်းဝိုင်းနှင့် ပြုံးရွှင်နေပြီး အတော်လေး သဘောကောင်းမည့်ပုံ ပေါ်နေသည်။</p> <p style="text-align:justify">ထိုနှစ်ဦး ရောက်ရှိလာမှုက ဆူညံနေမှုကို ချက်ချင်း တိတ်ဆိတ်သွားစေသည်။</p> <p style="text-align:justify">တကယ်တမ်းဆိုလျှင် ဆူညံမှု သိပ်မရှိလှပေ။ လူအများစုက မိမိတို့၏ အခန်းထဲတွင်သာ တစ်ယောက်တည်း အချိန်ကြာမြင့်စွာ နေထိုင်ခဲ့ကြပြီး ဆာယာကဲ့သို့ ဂေါက်ကြောင်များသာ ယာဉ်ပျံတစ်ဝိုက် လျှောက်သွားနေကြခြင်းဖြစ်သည်။</p> <p style="text-align:justify">အေးစက်စက် မျက်နှာနှင့် လူလတ်ပိုင်းအမျိုးသားက အော်ဟစ်လိုက်သည်။</p> <p style="text-align:justify">"ပါးစပ်ပိတ်ထားစမ်း..." </p> <p style="text-align:justify">အဆိုပါအော်ဟစ်မှု၏ ရှစ်ဆယ်ရာခိုင်နှုန်းမှာ ဆာယာနှင့် ကျောက်တုံးလူသားတို့အား သီးသန့်ရည်ရွယ်ထားခြင်း ဖြစ်သည်။</p> <p style="text-align:justify">ဤကောင်နှစ်ကောင်မှာ ယခုအခါ ပုံမှန်မဟုတ်ဘဲ လိမ္မာရေးခြားရှိနေကြပြီး ပါးစပ်ပိတ်ကာ စကားတစ်ခွန်းမျှပင် မဟရဲကြတော့ပေ။</p> <p style="text-align:justify">လုရှန် ကျောက်တုံးလူသားအား သတိထားကြည့်လိုက်သည်။ </p> <p style="text-align:justify">ဤကောင်တွင် ပါးစပ်ပင် မရှိချေ။ အကယ်၍ သူသာ မျက်လုံးမှိတ်ထားပါက တကယ့် ကျောက်တုံးကြီး တစ်တုံးနှင့် အစားထိုး၍ပင် ရနေတော့မည်။</p> <p style="text-align:justify">စကြာဝဠာ၏ မျိုးနွယ်စုများမှာ အံ့ဩဖွယ်ရာပင်။</p> <p style="text-align:justify">"အခု မင်းတို့တွေ ဟင်းလင်းပြင် စစ်မြေပြင်ထဲကို တရားဝင် ခြေချလိုက်ပြီ..."</p> <p style="text-align:justify">မျက်နှာထား တင်းမာခက်ထန်လှသည့် လူလတ်ပိုင်းအရွယ် အမျိုးသား၏ စကားသံ ပေါ်ထွက်လာသည်နှင့် အောက်ရှိ လူအုပ်ကြားတွင် ရုတ်ရုတ်သဲသဲ ဖြစ်သွားလေသည်။</p> <p style="text-align:justify">"ဒါ ဟင်းလင်းပြင် စစ်မြေပြင်ပဲလား..."</p> <p style="text-align:justify">လုရှန် အခွင့်ကောင်းယူ၍ ပတ်ဝန်းကျင်ကို အကဲခတ်လိုက်ရာ သူ၏ မျက်ဝန်းတို့မှာ တဖျပ်ဖျပ် လှုပ်ရှားသွားသည်။</p> <p style="text-align:justify">သူမြင်ရသမျှမှာ ဗလာကျင်းနေသည့် ဟင်းလင်းပြင်ကြီးသာ ဖြစ်သည်။</p> <p style="text-align:justify">သို့သော် ဤဟင်းလင်းပြင်အတွင်း၌ ယခင်က သူတို့စီးနင်းလာသော ယာဉ်ပျံကို ပျက်ကျစေခဲ့သည့် ဥက္ကာပျံမျိုးကဲ့သို့ အရာဝတ္ထုများ တစ်ခါတစ်ရံ ပေါ်လာတတ်သည်။</p> <p style="text-align:justify">ထိုအရာများမှလွဲ၍ အခြား ဂြိုဟ် ကြယ်ဟူ၍ မရှိသဖြင့် လူသူကင်းမဲ့ကာ အသက်ဓာတ် ပျောက်ဆုံးနေသည့် ခံစားချက်မျိုးကိုသာ ပေးစွမ်းနေသည်။</p> <p style="text-align:justify">လုရှန် အာရုံခံကြည့်လိုက်ရာ ဤနေရာရှိ သဘာဝ စကြာဝဠာစွမ်းအင်မှာ ယခင် ကြယ်တာရာ ကောင်းကင်ယံထက် ပိုမိုသိပ်သည်းနေကြောင်း တွေ့ရှိလိုက်ရသည်။</p> <p style="text-align:justify">စကြာဝဠာ၏ လှုပ်ရှားမှုများမှာလည်း ပိုမိုသွက်လက်နေသည်။</p> <p style="text-align:justify">"ဒီနေရာမှာသာ ကျင့်ကြံမယ်ဆိုရင် ကျင့်ကြံမှု အရှိန်နှုန်းက နှစ်ဆကနေ သုံးဆအထိ တိုးလာမှာ သေချာတယ်..."</p> <p style="text-align:justify">လုရှန် စိတ်ထဲမှ တွေးလိုက်သည်။</p> <p style="text-align:justify">ဤအချက်ကို သတိထားမိသူမှာ သူတစ်ယောက်တည်း မဟုတ်ပေ။ ထိုနေရာတွင် ရှိနေသူတိုင်းမှာ အနည်းဆုံး အဆင့် (၁၁) သိုင်းပညာရှင်များ ဖြစ်ကြရာ ဟင်းလင်းပြင် စစ်မြေပြင်၏ ထူးခြားချက်ကို အာရုံခံမိပြီးနောက် လူအများအပြား၏ မျက်လုံးများမှာ အရောင်လက်သွားကြသည်။</p> <p style="text-align:justify">ထိုအချိန်တွင် အေးစက်စက် လူလတ်ပိုင်း အမျိုးသားက ရှေ့သို့တိုးလာကာ လူတိုင်း၏ မျှော်လင့်ချက်များအပေါ် ရေအေးလောင်းချလိုက်တော့သည်။</p> <p style="text-align:justify">"သိပ်ပြီးတော့ မပျော်ကြနဲ့ဦး..."</p> <p style="text-align:justify">သူ နှာခေါင်းရှုံ့ လှောင်ပြောင်လိုက်သည်။</p> <p style="text-align:justify">"ဒီမှာ အကျိုးကျေးဇူးတွေ ရှိတာ မှန်ပေမယ့် မင်းတို့ ခံစားနေရတာက အဲဒီထဲက အစိတ်အပိုင်း သေးသေးလေး တစ်ခုပဲ ရှိသေးတယ်..."</p> <p style="text-align:justify">အကျိုးကျေးဇူး ရှိသလို အန္တရာယ်လည်း ကြီးမားလှသည်။</p> <p style="text-align:justify">အေးစက်ပြီး တင်းကျပ်သည့် လူလတ်ပိုင်း အမျိုးသား၏ အသံမှာ ရုတ်တရက် ရက်စက်ကြမ်းကြုတ်သွားသည်။</p> <p style="text-align:justify">"အခုချိန်ကစပြီး မင်းတို့တွေ အချိန်မရွေး ကြောက်မက်ဖွယ်ကောင်းတဲ့ အဆင့် (၁၂) (၁၃) ဒါမှမဟုတ် အဆင့် (၁၄) သားရဲကောင်တွေရဲ့ တိုက်ခိုက်မှုကို ခံရနိုင်တယ်..."</p> <p style="text-align:justify">"ကံမကောင်းရင်တော့ ဒီနေရာမှာ သေဖို့ပဲ စောင့်နေရလိမ့်မယ်..."</p> <p style="text-align:justify">အေးစက်စက် မျက်နှာနှင့် လူလတ်ပိုင်း အမျိုးသား၏ စကားများမှာ ကြောက်မက်ဖွယ် ကောင်းလှသော်လည်း အောက်ရှိ လူများမှာ သက်ဆိုင်ရာ ကြယ်တာရာ နယ်မြေများမှ အားကောင်းသူများ သို့မဟုတ် ပါရမီရှင်များချည်း ဖြစ်ကြသည်။</p> <p style="text-align:justify">သူ၏ စကားတစ်ခွန်းနှစ်ခွန်းဖြင့် အဘယ်မှာ ကြောက်သွားကြမည်နည်း။ လူအများစုမှာ ထိုစကားကို အလေးအနက်ပင် မထားကြသေးပေ။</p> <p style="text-align:justify">သူတို့ထဲမှ တစ်ယောက်က မေးလိုက်သည်။</p> <p style="text-align:justify">"ဆရာ..."</p> <p style="text-align:justify">"ဂြိုဟ်သား စစ်မြေပြင်မှာ ကျွန်တော်တို့ လူသားတွေအတွက် ခြေကုပ်စခန်းတွေ မရှိဘူးလား..."</p> <p style="text-align:justify">သူမေးလိုက်သော မေးခွန်းကို လူအများအပြားကလည်း သိလိုနေကြသည်။</p> <p style="text-align:justify">သူတို့အားလုံးသည် အေးစက်ပြီး တင်းကျပ်သည့်ပုံစံရှိသော လူလတ်ပိုင်း အမျိုးသားကို စိုက်ကြည့်နေကြသည်။</p> <p style="text-align:justify">ဆိုလိုသည်မှာ ဤနေရာသို့ ဝင်ရောက်လာသည်နှင့် တစ်ပြိုင်နက် သူတို့အား လွတ်လပ်စွာ သွားလာခွင့် ပေးလိုက်ခြင်းလော။</p> <p style="text-align:justify">ဤစစ်မြေပြင်တွင် လူသားမျိုးနွယ်စုအတွက် အဖွဲ့အစည်း သို့မဟုတ် အခြေစိုက်စခန်း မရှိဘူးဟု ဆိုလိုခြင်းလော။</p> <p style="text-align:justify">"ဒါက မေးခွန်းကောင်းတစ်ခုပဲ..."</p> <p style="text-align:justify">အေးစက်စက် မျက်နှာနှင့် လူလတ်ပိုင်း အမျိုးသားက တည်ငြိမ်စွာ ပြောလိုက်သည်။</p> <p style="text-align:justify">"ကြယ်တာရာ နယ်မြေ တစ်ရာမှာ အခြေစိုက်စခန်းတွေ ရှိတာပေါ့။ မဟုတ်ရင် သူတို့က ဒီကာကွယ်ရေးမျဉ်းကို ဘယ်လိုလုပ် စောင့်ကြပ်ပြီး စကြာဝဠာရဲ့ အမှောင်ခြမ်းကနေ ဂြိုဟ်သား သားရဲကောင်တွေ ဝင်မလာအောင် တားဆီးနိုင်ပါ့မလဲ..."</p> <p style="text-align:justify">"ဒါပေမဲ့ ဟင်းလင်းပြင် စစ်မြေပြင်ထဲက နေရာသတ်မှတ်ချက် ကိုဩဒိနိတ် တွေက ကြိုတင်ခန့်မှန်းလို့ မရဘူး။ ယာဉ်ပျံရဲ့ ခုန်ပျံမှု တစ်ခုတည်းကို အားကိုးပြီး အခြေစိုက်စခန်းရဲ့ တည်နေရာကို တိတိကျကျ ရှာဖို့ဆိုတာ မလုံလောက်ဘူး..."</p> <p style="text-align:justify">"ဆိုလိုတာက ငါတို့ အခြေစိုက်စခန်းကို ရောက်ဖို့ ခရီးအဝေးကြီး သွားရဦးမယ်..."</p> <p style="text-align:justify">"ပြီးတော့ ဒီတစ်ခါ ငါတို့ ကံ သိပ်မကောင်းဘူး ငါတို့ ဆင်းသက်လာတဲ့ နေရာက အခြေစိုက်စခန်းနဲ့ တော်တော်လေး ဝေးနေတယ်..."</p> <p style="text-align:justify">"အဝေးကြီးဆိုမှတော့ ဘာလို့ ယာဉ်ပျံနဲ့ မသွားတာလဲ..." </p> <p style="text-align:justify">ဩရှရှ အသံကြီးတစ်ခု ဟိန်းထွက်လာသည်။</p> <p style="text-align:justify">မေးခွန်းရှင်မှာ လုရှန်၏ ဘေးတွင် ရပ်နေသည့် ကျောက်တုံးရုပ်ရည်နှင့် လူသားပင် ဖြစ်သည်။</p> <p style="text-align:justify">အေးစက်စက် မျက်နှာထားနှင့် လူလတ်ပိုင်းအမျိုးသားက ထိုအသားမည်းမည်းနှင့် လူကို တစ်ချက်ကြည့်လိုက်သည်။ </p> <p style="text-align:justify">ထို့နောက် နှုတ်ခမ်းထက်တွင် အဓိပ္ပာယ်မဖော်နိုင်သည့် အပြုံးတစ်ဝက်ကို ပုံဖော်ရင်း ဆိုလိုက်သည်။ </p> <p style="text-align:justify">"မင်း သွားချင်တယ်ဆိုရင်တော့ ရတာပေါ့။ ဘယ်သူမှ မင်းကို မတားပါဘူး..."</p> <p style="text-align:justify">ကျောက်တုံးလူသားက ခေါင်းကို ကုတ်လိုက်သည်။ ထိုလူလတ်ပိုင်း၏ တင်းကျပ်အေးစက်သော အပြောအဆိုတို့၏ အဓိပ္ပာယ်ကို သူ လုံးဝ နားမလည်ရှာပေ။</p> <p style="text-align:justify">သို့သော် လုရှန်မှာမူ အကြောင်းရင်းကို တစ်စိတ်တစ်ပိုင်း ခန့်မှန်းမိလိုက်သည်။</p> <p style="text-align:justify">ထိုလူလတ်ပိုင်း၏ စကားသာ မှန်ကန်ပါက အဆင့် ၁၁ နှင့် ၁၂ ဂြိုဟ်သား သားရဲကောင်တို့သည် ဟင်းလင်းပြင် စစ်မြေပြင်တွင် အနှံ့အပြား ပျံ့နှံ့နေပေလိမ့်မည်။</p> <p style="text-align:justify">ထိုသို့ဆိုလျှင် ယာဉ်ပျံဖြင့် ခရီးနှင်ရုံမျှနှင့် မည်သို့မျှ အဝေးသို့ ရောက်နိုင်မည် မဟုတ်ပေ။</p> <p style="text-align:justify">မကြာမီ ဂြိုဟ်သား သားရဲတို့၏ တိုက်ခိုက်မှုအောက်တွင် ပျက်စီးသွားပေလိမ့်မည်။</p> <p style="text-align:justify">အဆင့် ၁၂ ယာဉ်ပျံ ဖြစ်နေသည့်တိုင် လုံခြုံလှသည်တော့ မဟုတ်ပေ။ အနည်းငယ်မျှ ရိုက်ခတ်လိုက်ရုံဖြင့် အပိုင်းပိုင်း ကွဲကြေသွားနိုင်သည့် အခြေအနေမျိုး ဖြစ်သည်။</p> <p style="text-align:justify">ဟင်းလင်းပြင်ကို ဖြတ်ကျော်မောင်းနှင်နိုင်သည့် စွမ်းရည်မရှိပါက ၎င်းတို့၏ အရှိန်အဟုန်မှာ အဆင့် ၁၂ အားကောင်းသူတို့၏ အမြန်နှုန်းကို လိုက်မီရန် အလှမ်းဝေးလှသည်။</p> <p style="text-align:justify">ပို၍ဆိုးသည်မှာ ယာဉ်ပျံ၏ ကြီးမားသော ကိုယ်ထည်သည် ဂြိုဟ်သား သားရဲတို့၏ အာရုံစိုက်မှုကို ဆွဲဆောင်ရန် အလွန်ပင် လွယ်ကူနေသည်။</p> <p style="text-align:justify">အဓိက အချက်မှာကား အဆင့် ၁၁ သို့မဟုတ် ၁၂ သားရဲကောင်တို့၏ ရှေ့မှောက်တွင် ယာဉ်ပျံတို့၏ နည်းပညာစနစ်များ ပုံမှန်လည်ပတ်နိုင်ပါ့မလား ဆိုသည်ပင်။</p> <p style="text-align:justify">သံသယဖြစ်ဖွယ် ကောင်းလှသည်။</p> <p style="text-align:justify">လုရှန် ဤအချက်ကို ကောင်းကောင်းမှတ်မိနေသည်။</p> <p style="text-align:justify">သာမန် အဆင့် ၇ ဂြိုဟ်သား သားရဲကောင် တစ်ကောင်တည်းနှင့်ပင် ကမ္ဘာကြယ်၏ နည်းပညာအများစုကို အသုံးမဝင်အောင် ဖျက်ဆီးပစ်နိုင်စွမ်း ရှိသည်။</p> <p style="text-align:justify">ထိုသို့ဆိုပါက ပိုမိုမြင့်မားသည့် သားရဲကောင်တို့သည် နိယာမတရားတို့ကိုပါ ဖျက်နိုင်သည့် စွမ်းအား ပိုမိုကြီးမားနေမည်မှာ မလွဲဧကန်ပင်။</p> <p style="text-align:justify">ဤအချက်ကို နားလည်လိုက်သည့်အခါ သူတို့ စီးနင်းလာသည့် လူစုဆောင်းရေး ယာဉ်ပျံမှာ အဘယ်ကြောင့် ဤမျှ ရိုးရှင်းပြီး ဟောင်းနွမ်းနေရသည်ကို လုရှန် ရုတ်တရက် သဘောပေါက်သွားသည်။</p> <p style="text-align:justify">အဝင် ကိုဩဒိနိတ် တစ်ခုစီတိုင်းမှာ မရေရာသဖြင့် ဤယာဉ်ပျံသည် အခြေစိုက်စခန်းသို့ ပြန်လည်ရောက်ရှိနိုင်ခြေ နည်းပါးလှသည်။ </p> <p style="text-align:justify">ထို့ကြောင့် ၎င်းမှာ တစ်ကြိမ်သုံးပြီးလျှင် စွန့်ပစ်ရမည့်အရာသာ ဖြစ်သည်။</p> <p style="text-align:justify">တစ်ခါသုံး ပစ္စည်းအတွက် အဆင့်မြင့် ယာဉ်ပျံမျိုးကို အသုံးပြုရန် လိုအပ်လိမ့်မည် မဟုတ်ပေ။</p> <p style="text-align:justify">"ဒါဆိုရင် ကျွန်တော်တို့ နောက်ထပ် ဘာဆက်လုပ်ရမှာလဲ ဆရာ"</p> <p style="text-align:justify">အခြားသူ တစ်ယောက်က မေးခွန်းထုတ်လိုက်သည်။</p> <p style="text-align:justify">အေးစက်ပြီး တင်းကျပ်သည့်ပုံစံရှိသော လူလတ်ပိုင်းအမျိုးသားက တည်ငြိမ်စွာပင် ပြန်ဖြေလိုက်သည်။ </p> <p style="text-align:justify">"အရမ်းရိုးရှင်းပါတယ်..."</p> <p style="text-align:justify">"အဖွဲ့နဲ့ အမီလိုက်လာခဲ့ ပြီးရင်တော့... အသက်ရှင်အောင် နေကြ ဒါပဲ..."</p> <p style="text-align:justify">ထိုလူလတ်ပိုင်းက ရှိနေသူအားလုံးကို တစ်ချက်ဝေ့ကြည့်လိုက်ပြီးနောက် အေးစက်စက် လေသံဖြင့် ဆက်ပြောသည်။ </p> <p style="text-align:justify">"ဂြိုဟ်သား အခြေစိုက်စခန်းကို မရောက်မချင်း မင်းတို့ထဲက ဘယ်သူမှ ငါ့ကို ခေါင်းဆောင်လို့ ခေါ်ဖို့ အရည်အချင်း မပြည့်မီသေးဘူး..."</p> <p style="text-align:justify">စကားအဆုံးတွင် သူသည် နောက်မှ မည်သူလိုက်လာမည်ကိုပင် ဂရုမစိုက်တော့ဘဲ လှည့်ထွက်သွားသည်။</p> <p style="text-align:justify">သူ၏ဘေးမှ မျက်နှာဝိုင်းဝိုင်းနှင့် လူကလည်း တစ်ချက်ပြုံးကာ ဘာမျှမပြောဘဲ လှည့်၍ ပျံသန်းထွက်ခွာသွားတော့သည်။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save