Book List

<h2 style="text-align: center;">အနာဂတ် သိုင်းပညာကုန်းမြေ</h2> <h2 style="text-align: center;">အခန်း (၇၂၁)</h2> <h2 style="text-align: center;">*</h2> <h2 style="text-align: center;"> </h2> <p style="text-align:justify"> </p> <p style="text-align:justify">အဖွဲ့ဝင်တစ်ဦး ရုတ်တရက် ပျောက်ကွယ်သွားခဲ့သည်။</p> <p style="text-align:justify">ထိုသူကား ဆာလ်ပင် ဖြစ်သည်။</p> <p style="text-align:justify">ဆာလ်၏ ပျောက်ဆုံးမှုသည် တစ်ဖွဲ့လုံး အား ရုတ်ရုတ်သဲသဲ ဖြစ်သွားစေခဲ့သည်။</p> <p style="text-align:justify">အဖွဲ့ထဲတွင် အသွက်လက်ဆုံး အထင်ရှားဆုံးနှင့် နောက်လိုက်နောက်ပါများ ဝန်းရံနေလောက်သည့် ဆာလ်တစ်ယောက် မည်သူမျှ မရိပ်မိလိုက်ဘဲ ပျောက်ကွယ်သွားလိမ့်မည်ဟု မည်သူမျှ မတွေးထင်ခဲ့မိပေ။</p> <p style="text-align:justify">သူ မည်သည့်အချိန်တွင် အဖွဲ့နှင့် လမ်းခွဲသွားခဲ့သည်ကိုပင် အတည်တကျ မသိလိုက်ရခြင်းက ပဟေဠိဆန်လွန်းလှသည်။</p> <p style="text-align:justify">ဤအဖြစ်အပျက်သည် ပုံမှန်မဟုတ်သော ထူးခြားမှုတို့ဖြင့် ပြည့်နှက်နေသည်။</p> <p style="text-align:justify">လမ်းပြသူနှစ်ဦးမှာ မျက်မှောင်ကြုတ်လျက် ဆာလ်၏ ပျောက်ဆုံးမှုအကြောင်းကို အတန်ကြာအောင် တိုင်ပင်ဆွေးနွေးကြသည်။</p> <p style="text-align:justify">နောက်ဆုံးတွင် သူတို့ ဆုံးဖြတ်ချက်ချလိုက်ကြသည်။</p> <p style="text-align:justify">"ပျောက်သွားတဲ့ နှစ်ယောက်ကို ခဏလောက် လျစ်လျူရှုထားလိုက်ကြစို့။ စစ်မြေပြင် အခြေစိုက်စခန်းကို ပြန်ရောက်မှ အရာအားလုံးကို ရှင်းလင်းကြမယ်"</p> <p style="text-align:justify">အဖွဲ့သည် နောက်တစ်ကြိမ် ခရီးဆက်ခဲ့ပြန်သည်။</p> <p style="text-align:justify">"ဆာလ် က ဘာလို့ အဖွဲ့ထဲကနေ တစ်ယောက်တည်း ထွက်သွားတာလို့ မင်းတို့ ထင်လဲ။ သူ ဘာလုပ်ဖို့ ကြိုးစားနေတာလဲ" </p> <p style="text-align:justify">လမ်းခရီးတွင် ဆာယာသည် မျက်မှောင်ကြုတ်လျက် လုရှန်နှင့် ဒေါင်းတန်တို့အား မေးခွန်းထုတ်သည်။</p> <p style="text-align:justify">လုရှန်က တည်ငြိမ်စွာ ပြောလိုက်သည်။</p> <p style="text-align:justify">"သူ အလေးသွားချင်လို့ ခိုးထွက်သွားတာလည်း ဖြစ်နိုင်တာပဲလေ။ မကြာခင် ပြန်လာမှာပါ"</p> <p style="text-align:justify">"ဒါက ရယ်စရာကောင်းလိုက်တာ..."</p> <p style="text-align:justify">ဆာယာက မယုံကြည်နိုင်သည့်အကြည့်ဖြင့် စိုက်ကြည့်လိုက်သည်။</p> <p style="text-align:justify">သို့သော် ဒေါင်းတန်ကမူ တစ်စုံတစ်ခုကို အလေးအနက် တွေးဆနေဟန်ဖြင့် ဆိုသည်။ </p> <p style="text-align:justify">"လုရှန်ရဲ့ ခန့်မှန်းချက်က ဖြစ်နိုင်ခြေ အများဆုံးပဲလို့ ငါထင်တယ်။ ကိုယ့်ရဲ့ သဘာဝကိစ္စကို သူများမမြင်စေချင်တာ သဘာဝပဲ မဟုတ်လား" </p> <p style="text-align:justify">"၈၀၃.."</p> <p style="text-align:justify">လုရှန်မှာ အရူးချီးပန်းစကားများ ပြောနေခြင်းသာဖြစ်သည်။</p> <p style="text-align:justify">တကယ်တမ်းတွင်မူ ဆာလ်သည် သူ၏ စိတ်စွမ်းအား ထောက်လှမ်းမှုကို မည်သို့သော နည်းလမ်းဖြင့် ကျော်လွန်ကာ အဖွဲ့ထဲမှ ထွက်ခွာသွားခဲ့သည်ကို လုရှန် စူးစမ်းချင်နေမိသည်။</p> <p style="text-align:justify">သို့သော် ပြန်လည်တွေးဆကြည့်သော် သူ၏ စိတ်စွမ်းအားမှာ အဆင့် ၁၁ အားကောင်းသူများတွင် ထိပ်တန်းဖြစ်သော်လည်း အဆင့် ၁၂ အားကောင်းသူများကြားတွင်မူ အပြိုင်အဆိုင် ရှိနေဆဲဖြစ်သည်။ </p> <p style="text-align:justify">ထို့ပြင် သူသည် ဆာလ်အား အထူးတလည် စောင့်ကြည့်နေခြင်းလည်း မဟုတ်ပေ။ ထို့ကြောင့် ဆာလ်အနေဖြင့် သူ၏ အာရုံခံမှုကို ရှောင်လွှဲနိုင်ရန် အထူးနည်းလမ်းများကို အသုံးပြုခဲ့ခြင်းမှာ ထူးဆန်းလှသည်ဟု ဆိုနိုင်မည်မဟုတ်ပေ။</p> <p style="text-align:justify">အနည်းဆုံးတော့ လုရှန်တစ်ယောက် ဤကိစ္စကို ထူးထူးခြားခြား ပြဿနာဟု မခံစားမိပေ။</p> <p style="text-align:justify">"အဲဒီ ဆာလ် က အစကတည်းက အရူးတစ်ယောက်လိုပဲ။ အရူးတစ်ယောက်က အဓိပ္ပာယ်မဲ့တဲ့ အလုပ်တစ်ခုခု လုပ်တာက ပုံမှန်ပါပဲ"</p> <p style="text-align:justify">"ပြီးတော့ သူက ဂြိုဟ်သား သားရဲကောင် အမြုတေတွေကို အများကြီး စုပ်ယူထားတာဆိုတော့ သူ့စိတ်ထဲမှာ အခု အဆိုးမြင် စိတ်ခံစားချက်တွေ ပြည့်နှက်နေလောက်ပြီ။ သူ ဘယ်လို ယုတ်မာတဲ့ အကြံအစည်တွေ ကြံစည်နေလဲဆိုတာ ဘယ်သူသိမှာလဲ"</p> <p style="text-align:justify">"သူ အဖွဲ့ထဲက ထွက်သွားတာက တကယ်တော့ ကောင်းတဲ့ကိစ္စပဲ။ လူတိုင်း စိတ်ပူစရာ မလိုတော့ဘူးပေါ့"</p> <p style="text-align:justify">သူ့ဘေးတွင် ရပ်နေသော ဒေါင်းတန် က ဝင်ပြောလိုက်သည်။</p> <p style="text-align:justify">လုရှန်က သဘောတူသည့်အနေဖြင့် ခေါင်းညိတ်ပြလိုက်သည်။</p> <p style="text-align:justify">ရိုးရိုးသားသားဆိုရလျှင် ဒေါင်းတန်၏ စကားမှာ အမှန်ပင်ဖြစ်သည်။</p> <p style="text-align:justify">သူသည် လမ်းတစ်လျှောက်လုံး ဆာလ်အား အမြင်မကြည်ခဲ့သည်မှာ အမှန်ပင်။ ဆာလ် သေသည်ဖြစ်စေ ရှင်သည်ဖြစ်စေ သူနှင့် မသက်ဆိုင်ပေ။</p> <p style="text-align:justify">သို့သော် နောက်ဆက်တွဲ ဖြစ်ရပ်များမှာမူ အလွန်ပင် ထူးဆန်းလှသည်။</p> <p style="text-align:justify">အဖွဲ့သည် ဟင်းလင်းပြင်၌ နေ့တစ်ဝက်နီးပါး ခရီးနှင်ပြီးနောက် လူဦးရေကို စစ်ဆေးရန် ခေတ္တရပ်နားလိုက်သည်။ </p> <p style="text-align:justify">သို့သော် လူထပ်လျော့နေပြန်သည်။</p> <p style="text-align:justify">ဤတစ်ကြိမ်တွင်မူ အဖွဲ့ဝင် သုံးဦး ပျောက်ကွယ်သွားသည်။</p> <p style="text-align:justify">အခြေအနေ မည်မျှ လေးနက်နေသည်ကို အားလုံး နားလည်သဘောပေါက်လိုက်ကြသည်။</p> <p style="text-align:justify">တစ်ဖွဲ့လုံး မငြိမ်မသက်ဖြစ်ကာ ပွက်လောရိုက်သွားသည်။ </p> <p style="text-align:justify">ဤနေရာတွင် ရှိနေသူအပေါင်းမှာ ကြယ်တာရာ ကောင်းကင်ယံတစ်ခွင်၌ ထင်ရှားကျော်ကြားသော အထက်တန်းလွှာများ ဖြစ်ကြသော်လည်း ယခုအခါတွင်မူ သူတို့၏ မျက်ဝန်း၌ စိုးရိမ်ခြင်း အရိပ်အယောင်တို့ လွှမ်းခြုံလာသည်။</p> <p style="text-align:justify">မိမိဘေးတွင် အကောင်းပကတိ ရှိနေခဲ့သည့် လူသားတို့မှာ မျက်တောင်တစ်ခတ်အတွင်း ပျောက်သွားခဲ့သည် မဟုတ်ပါလား။</p> <p style="text-align:justify">ထို့အပြင် ပျောက်ဆုံးသွားသူများအားလုံးမှာ အဆင့် ၁၂ အားကောင်းသူများ ဖြစ်ကြသည်။</p> <p style="text-align:justify">နောက်ထပ် သားကောင်မှာ မိမိဖြစ်လာမည်လောဟူသော မေးခွန်းက ထိတ်လန့်စရာပင်။</p> <p style="text-align:justify">ကြောက်ရွံ့ခြင်းဟူသော ခံစားချက်တစ်ခုသည် အဖွဲ့အတွင်း အလျင်အမြန် ကြီးထွားလာနေသည်ကို လုရှန် ရှင်းရှင်းလင်းလင်း မြင်တွေ့လိုက်ရသည်။</p> <p style="text-align:justify">"တစ်ခုခုတော့ မှားနေပြီ..."</p> <p style="text-align:justify">အဖွဲ့၏ ရှေ့မှ လမ်းပြပေးနေသော လူလတ်ပိုင်းအမျိုးသားက မျက်မှောင်ကြုတ်လျက် သူ့အဖော်အား ပြောလိုက်သည်။</p> <p style="text-align:justify">"အဆိုးဝါးဆုံး အခြေအနေနဲ့ ရင်ဆိုင်နေရပြီလို့ ငါသံသယရှိတယ်။ အဲဒါက ငါတို့ကို ပစ်မှတ်ထားနေတာပဲ"</p> <p style="text-align:justify">မျက်နှာဝိုင်းဝိုင်းနှင့် လူဝကြီးက ထိုစကားလုံးများ၏ အဓိပ္ပာယ်ကို သဘောပေါက်ဟန်ဖြင့် မျက်နှာအမူအရာ လေးနက်သွားသည်။</p> <p style="text-align:justify">"အခြေစိုက်စခန်းကို ဆက်သွယ်ပြီး အဆင့် ၁၃ အားကောင်းသူ တစ်ယောက် လာကူညီပေးဖို့ တောင်းဆိုလိုက်"</p> <p style="text-align:justify">လူလတ်ပိုင်း အမျိုးသားက ခေါင်းညိတ်လိုက်သည်။ </p> <p style="text-align:justify">"ငါ သူတို့ကို အကြောင်းကြားပြီးပြီ။ အရိုးစုဓားသခင် ဟိုင်ကျိတောက် လာနေပြီတဲ့" </p> <p style="text-align:justify">ဟိုင်ကျိတောက် ဟူသော နာမည်ကို ကြားလိုက်ရသောအခါ မျက်နှာဝိုင်းဝိုင်းနှင့် လူဝကြီး၏ တင်းမာနေသော မျက်မှောင်များ သိသိသာသာ ပြေလျော့သွားသည်။</p> <p style="text-align:justify">"အရိုးစုဓားသခင် ဟိုင်ကျိတောက် လာနေပြီဆိုမှတော့ အားလုံး အဆင်ပြေသွားမှာပါ။ ငါတို့က အချိန်ဆွဲထားပြီး သူနဲ့ ဘေးကင်းကင်း ဆုံနိုင်ဖို့ပဲ လိုတယ်"</p> <p style="text-align:justify">"ငါ သူတို့ကို ဒီသတင်းပြောပြပြီး အရင်ဆုံး စိတ်ငြိမ်အောင် လုပ်လိုက်မယ်..." </p> <p style="text-align:justify">"ကောင်းပြီ"</p> <p style="text-align:justify">"ကြည့်ရတာ ငါတို့က အဆင့် ၁၃ သားရဲကောင်ရဲ့ ပစ်မှတ်ထားတာကို တကယ်ခံလိုက်ရပြီ ထင်တယ်..."</p> <p style="text-align:justify">လမ်းပြသူတို့၏ ကြေညာချက်ကို ကြားရသောအခါ ဆာယာ အနည်းငယ် ဝမ်းသာနေဟန်ရှိသည်ကို လုရှန် သတိပြုမိသည်။</p> <p style="text-align:justify">သေချာပေါက် ဆာလ် အသက်မရှင်တော့ဟု သူ ယုံကြည်နေ၍ ဖြစ်ပေလိမ့်မည်။</p> <p style="text-align:justify">ဒေါင်းတန်ကမူ လုံးဝ စိုးရိမ်ဟန်မပေါ်ပေ။</p> <p style="text-align:justify">"အဆင့် ၁၃ အားကောင်းသူ တစ်ယောက် ငါတို့ကို လာခေါ်မယ်လို့ သူတို့ ပြောတယ် မဟုတ်ဘူးလား ဘာစိုးရိမ်စရာ ရှိလို့လဲ"</p> <p style="text-align:justify">ဒေါင်းတန်၏ လေသံမှာ လုံးဝ ဂရုမစိုက်သည့်ပုံ ပေါက်နေသည်။</p> <p style="text-align:justify">ဆာယာက ရယ်မောကာ ဝင်ပြောလိုက်သည်။</p> <p style="text-align:justify">"အဲဒါပြောတာလေ"</p> <p style="text-align:justify">ထိုအချိန်တွင် လုရှန် ရုတ်တရက် ဝင်ပြောလိုက်သည်။</p> <p style="text-align:justify">"ငါတို့ကို ကယ်ဖို့ အဆင့် ၁၃ အားကောင်းသူ တစ်ယောက် လာတာကို ငါတို့ မစောင့်နိုင်ရင် ဘယ်လိုလုပ်မလဲ"</p> <p style="text-align:justify">"မင်းတို့ အသက်ရှင်ကျန်ရစ်ခဲ့ရင်တောင် အဆင့် ၁၃ အားကောင်းသူ နှစ်ယောက်ရဲ့ တိုက်ပွဲကြားထဲကနေ အသက်ရှင်နိုင်မယ်လို့ တကယ် ယုံကြည်ချက် ရှိရဲ့လား"</p> <p style="text-align:justify">လုရှန် စကားပြောပြီးသည်နှင့် တစ်ပြိုင်နက် ဆာယာနှင့် ဒေါင်းတန် တို့၏ မျက်နှာအမူအရာများ ချက်ချင်း ပြောင်းလဲသွားသည်။</p> <p style="text-align:justify">ဤအချက်ကို သူတို့ အဘယ်ကြောင့် မတွေးမိခဲ့ပါသနည်း။</p> <p style="text-align:justify">လမ်းပြသူများက အဆင့် (၁၃) အားကောင်းသူ လာရောက်မည်ဟု ပြောသော်လည်း ထိုသူ အချိန်မီ ရောက်ရှိလာနိုင်ပါမည်လော။</p> <p style="text-align:justify">သူတို့အား လှည့်စားရန်အတွက် ဖန်တီးထားသည့် ပရိယာယ်တစ်ခုလည်း ဖြစ်နေနိုင်သည်။</p> <p style="text-align:justify">ထို့ပြင် လုရှန် ပြောသည့်အတိုင်း အဆင့် (၁၃) သိုင်းပညာရှင်တစ်ဦး ရောက်ရှိလာခဲ့လျှင်ပင် မိမိတို့၏ အသက်ရှင်သန်ရေးမှာ မသေချာသည့်အပြင် ခြိမ်းခြောက်မှုတစ်ခု ဖြစ်လာနိုင်ပေသည်။</p> <p style="text-align:justify">သိုင်းပညာ၏ အဆင့်အတန်း ကွာဟချက်ဆိုသည်မှာ မြင့်မားလေလေ ပို၍ ကျယ်ပြန့်လေလေ ဖြစ်သည်။ အဆင့်ကြီးနှစ်ခု၏ ကွာဟချက်ကား အလွန်ပင် ကြီးမားလှသည်။</p> <p style="text-align:justify">အဆင့် (၁၃) သိုင်းသမားတစ်ဦး၏ စိတ်စွမ်းအင် ဖိအားသက်သက်ဖြင့်ပင် သူတို့ သေကျေပျက်စီးစေရန် လုံလောက်နေသည်။</p> <p style="text-align:justify">တိုက်ပွဲ၏ အရှိန်အဟုန်ကြားတွင် အဆင့် (၁၃) သိုင်းသမားတစ်ဦးအနေဖြင့် ပုရွက်ဆိတ်တစ်ကောင်ကို နင်းမိမသွားစေရန် သတိထားပေးလိမ့်မည်ဟု မျှော်လင့်၍ မရနိုင်ပေ။</p> <p style="text-align:justify">"သေစမ်း... ဒါဆိုရင် ငါတို့မှာ အသက်ရှင်ဖို့ ရာခိုင်နှုန်း (၁၀) လောက်ပဲ ရှိတော့တယ်ပေါ့"</p> <p style="text-align:justify">ဆာယာ၏ မျက်နှာသွင်ပြင်မှာ ချက်ချင်းပင် ညှိုးနွမ်းသွားသည်။</p> <p style="text-align:justify">ဒေါင်းတန်၏ မျက်နှာတွင်လည်း လေးနက်သည့် အရိပ်အယောင်တို့ ထင်ဟပ်လာသည်။</p> <p style="text-align:justify">လုရှန်ကမူ ပေါ့ပါးသည့် လေသံဖြင့် မှတ်ချက်ချလိုက်သည်။</p> <p style="text-align:justify">"အရမ်းကြီး အဆိုးမြင်မနေပါနဲ့။ ပြေးလမ်းကြောင်းသာ ကြိုတင်တွက်ဆထားကြပါ"</p> <p style="text-align:justify">သို့သော် သူ၏ နှစ်သိမ့်စကားမှာ မည်သို့မျှ အရာမထင်မှန်း သိသာလှသည်။</p> <p style="text-align:justify">ကျန်ရှိနေသော ခရီးတစ်လျှောက်တွင် ဆာယာနှင့် ဒေါင်းတန်တို့မှာ စိုးရိမ်ပူပန်မှုတို့ဖြင့် ခြောက်ကပ်နေပြီး စကားပြောရန်ပင် စိတ်မပါတော့ချေ။</p> <p style="text-align:justify">အဖွဲ့သားအပေါင်းမှာလည်း ထိုနည်းတူပင် ဖြစ်သည်။</p> <p style="text-align:justify">တစ်ဖွဲ့လုံးမှာ လမ်းပြသူနှစ်ဦး၏ နောက်သို့ တိတ်ဆိတ်စွာပင် လိုက်ပါလာခဲ့ကြသည်။</p> <p style="text-align:justify">"အခြေစိုက်စခန်းကို ရောက်ဖို့ ခရီးတစ်ဝက်တောင် မကျိုးသေးဘူး..."</p> <p style="text-align:justify">"အားလုံး ခဏ နားကြပါဦး။ နောက်ထပ် သုံးပုံတစ်ပုံလောက် ခရီးဆက်ပြီးရင်တော့ အခြေစိုက်စခန်းကို ရောက်ပါလိမ့်မယ်"</p> <p style="text-align:justify">သို့သော် စိုးရိမ်ပူပန်မှုတို့မှာ မည်သို့မျှ လျော့ပါးသွားခြင်းမရှိပေ။</p> <p style="text-align:justify">အကြောင်းမှာ အဖွဲ့ဝင်များ တဖြည်းဖြည်းနှင့် ထပ်မံပျောက်ဆုံးနေသောကြောင့်ပင်။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save