Book List

<h2 style="text-align: center;">အခန်း (၇၂၈)</h2> <h2 style="text-align: center;">*</h2> <p> </p> <p> </p> <p style="text-align:justify">"အရူးကောင်"</p> <p style="text-align:justify">ထိုအချိန်၌ပင် အော်ဟစ်သံတစ်ခု ထွက်ပေါ်လာပြီး လူတိုင်း၏ အတွေးများကို ချက်ချင်း ဖြတ်တောက်လိုက်သည်။</p> <p style="text-align:justify">အော်လိုက်သူမှာ လမ်းပြပင် ဖြစ်သည်။</p> <p style="text-align:justify">လမ်းပြနှစ်ဦးစလုံး၏ မျက်နှာထားမှာ အလွန်ပင် အရုပ်ဆိုး အကျည်းတန်နေသည်။ ယခုအချိန်၌ စကားဆိုလိုက်သူမှာ မျက်နှာဝိုင်းဝိုင်းနှင့် လူဝကြီးဖြစ်သည်။</p> <p style="text-align:justify">"သူက မင်းကို ဘယ်လိုနေရာမျိုးမှာ ပူးပေါင်းခိုင်းနေတာလဲဆိုတာ မင်းသိလား အဲဒါကိုတောင် မင်းက သဘောတူချင်နေတာလား"</p> <p style="text-align:justify">"ဒီလောကမှာ အလကားရတဲ့ အကျိုးကျေးဇူးဆိုတာ ရှိလို့လား မင်းရဲ့ ဦးနှောက်ကိုသုံးပြီး သေချာစဉ်းစားစမ်း" </p> <p style="text-align:justify">လမ်းပြသူ၏ ငေါက်ငမ်းသံကြောင့် လူတိုင်း ထိတ်လန့်သွားကြပြီး သတိဝင်သွားကြသည်။</p> <p style="text-align:justify">မှန်ပေသည်။ ယခုအချိန်အထိ ဆာလ်နှင့် အခြားသူတို့ ပျောက်ဆုံးနေချိန်အတွင်း သူတို့ ကြုံတွေ့ခဲ့ရသည်များကို တစ်ခွန်းမျှ မဟခဲ့ကြပေ။</p> <p style="text-align:justify">အဘယ်ကြောင့် သူတို့၏ စွမ်းအားများ ဤမျှအထိ အကြီးအကျယ် တိုးလာသနည်း။</p> <p style="text-align:justify">သူတို့ မည်သည့်လမ်းကို လျှောက်နေလေပြီလော။ </p> <p style="text-align:justify">အဆင့် ၁၃ ဟိုင်ကျိ အရိုးစုဓားသခင် ရောက်လာမှသာ သူတို့အား အဖွဲ့ထဲ ပြန်လည်ဝင်ခွင့်ပြုရန် ဆုံးဖြတ်နိုင်မည်ဟု လမ်းပြသူက ပြောလိုက်ချိန်တွင် သူတို့ အဘယ်ကြောင့် ရုတ်တရက် ရန်လိုသွားကြသနည်း။</p> <p style="text-align:justify">ထိုအရာကို သတိရသွားသောအခါ စိတ်လှုပ်ရှားနေသော လူအုပ်ကြီးမှာ ရုတ်တရက် ပြန်လည် သတိဝင်လာကြပြီး ဆာလ်နှင့် အခြားသူများအား သံသယ အံ့ဩမှုတို့ဖြင့် စိုက်ကြည့်လိုက်ကြသည်။</p> <p style="text-align:justify">အစောပိုင်းက သဘောတူရန် ပြင်ဆင်နေသော အဆင့် ၁၂ အားကောင်းသူမှာလည်း နောက်သို့ အနည်းငယ် ဆုတ်သွားပြီး ဆာလ်နှင့် အကွာအဝေးတစ်ခု ထားကာ ပါးစပ်ကို တင်းတင်းပိတ်လိုက်သည်။</p> <p style="text-align:justify">ဆာလ်၏ အပြုံးတို့မှာ တဖြည်းဖြည်း ပျောက်ကွယ်သွားပြီး လမ်းပြသူနှစ်ဦးကို စိုက်ကြည့်လိုက်သည်။</p> <p style="text-align:justify">"ခင်ဗျားတို့ နှစ်ယောက်က ဘာလို့ ဒီလောက်တောင် စိတ်အနှောင့်အယှက် ဖြစ်စရာကောင်းနေရတာလဲ…"</p> <p style="text-align:justify">သူ အေးစက်စက် လေသံဖြင့် ပြောလိုက်သည်။</p> <p style="text-align:justify">မျက်နှာဝိုင်းဝိုင်းနှင့် လူဝကြီးက ဆာလ်အား မကျေမနပ် မျက်နှာထား ရှုပ်ထွေးသော အကြည့်တို့ဖြင့် ကြည့်ကာ ဖြည်းညှင်းစွာ ပြောလိုက်သည်။ </p> <p style="text-align:justify">"ဟင်းလင်းပြင် စစ်မြေပြင်မှာ အမှားအားလုံးကို ခွင့်လွှတ်ပေးလို့ ရပါတယ်"</p> <p style="text-align:justify">"ဒါပေမဲ့ တစ်ခုကလွဲရင်ပေါ့..."</p> <p style="text-align:justify">သူ ခေတ္တရပ်လိုက်ပြီးနောက် အသံဩရှရှဖြင့် တစ်လုံးချင်းစီ ပြောလိုက်သည်။ </p> <p style="text-align:justify">"အဲဒါကတော့ ကိုယ့်ဝိညာဉ်ကို ချောက်ကမ်းပါးထဲ ကျဆင်းစေပြီး လူသားတစ်ယောက် ဖြစ်ပါရက်နဲ့ ဂြိုဟ်သားသားရဲကောင်ရဲ့ လက်ပါးစေဖြစ်ဖို့ ဆန္ဒရှိနေတာပဲ"</p> <p style="text-align:justify">"ဆာလ်... မင်း ဒီလိုလုပ်ရပ်မျိုးကို နောင်တမရဘူးလို့ သေချာရဲ့လား"</p> <p style="text-align:justify">လမ်းပြသူ၏ အသံဩရှရှ ထွက်ပေါ်လာချိန်တွင် လေထုမှာ ရုတ်ခြည်း တင်းမာသွားသည်။</p> <p style="text-align:justify">မျက်တောင်တစ်ခတ်အတွင်း မုန်တိုင်းတစ်ခု တိုက်ခတ်သွားသကဲ့သို့ ဖြစ်သွားသည်။ လူအများ၏ မျက်နှာပေါ်တွင် ထိတ်လန့်တုန်လှုပ်ခြင်းနှင့် မယုံကြည်နိုင်မှုများ လွှမ်းခြုံသွားတော့သည်။</p> <p style="text-align:justify">ဆာယာ၏ မျက်ဝန်းတို့မှာ ပြူးကျယ်သွားပြီး သူ့ဘေးရှိ လုရှန်အား ရုတ်တရက် လှည့်ကြည့်မိသည်။</p> <p style="text-align:justify">လုရှန် ပြောခဲ့သော ကျွန်ပြုခြင်း ပဋိညာဉ် နှင့် အကျင့်ပျက် ခြစားသွားခြင်း ဆိုသည့် စကားလုံးများ၏ အဓိပ္ပာယ်ကို သူ ယခုမှပင် အပြည့်အဝ သဘောပေါက် နားလည်သွားတော့သည်။</p> <p style="text-align:justify">ဤအဖြစ်အပျက်အား သူ လုံးဝ မျှော်လင့်မထားခဲ့မိပေ။</p> <p style="text-align:justify">ဆာလ်နှင့် သူ၏အဖွဲ့သည် အမှန်ပင် ထိုလမ်းစဉ်ကို ရွေးချယ်ခဲ့ကြလေသလော။</p> <p style="text-align:justify">သစ္စာဖောက်…။</p> <p style="text-align:justify">ဤစကားလုံးများ လူတိုင်း၏ စိတ်ထဲသို့ ရောက်ရှိလာချိန်တွင် ဆာလ်တို့ အဖွဲ့အပေါ် ဖြစ်ပျက်ခဲ့သော ထူးဆန်းသည့် အရာအားလုံးမှာ ရုတ်တရက် ရှင်းလင်းသွားတော့သည်။</p> <p style="text-align:justify">ဆာလ်တို့ အဖွဲ့၏ ပတ်ပတ်လည်တွင် ဟာလာဟင်းလင်း ဖြစ်သွားသည်။</p> <p style="text-align:justify">အစောပိုင်းတွင် လူတိုင်း သူတို့အုပ်စုအား ကြည့်သည့်အကြည့်၌ ကြောက်ရွံ့မှု အံ့ဩမှုနှင့် မနာလိုမှုတို့ ရောပြွမ်းနေခဲ့သော်လည်း ယခုမူကား ရွံရှာစက်ဆုပ်မှုနှင့် အထင်အမြင်သေးမှုတို့သာ လွှမ်းမိုးနေတော့သည်။</p> <p style="text-align:justify">သစ္စာဖောက်ခြင်းဟူသည် မည်သည့်နေရာတွင် ဖြစ်ပွားသည်ဖြစ်စေ အလွန်ပင် ယုတ်မာနိမ့်ကျသော လုပ်ရပ်တစ်ရပ် ဖြစ်ပေသည်။</p> <p style="text-align:justify">အထူးသဖြင့် မိမိမျိုးနွယ်စုကို စွန့်ခွာ၍ သစ္စာဖောက်ခြင်းကဲ့သို့သော ကြီးလေးသည့် ကိစ္စမျိုးဆိုလျှင် ပို၍ပင် ဆိုးရွားလှသည်။</p> <p style="text-align:justify">သို့သော် ဆာလ်နှင့် အခြားသူတို့မှာမူ သူတို့အပေါ် ထားရှိသော ရွံရှာစက်ဆုပ်သည့် အကြည့်တို့ကို အနည်းငယ်မျှ ဂရုမစိုက်ကြပေ။</p> <p style="text-align:justify">"တခြားမျိုးနွယ်စုနဲ့ ပူးပေါင်းလိုက်တာ ဘာဖြစ်လို့လဲ"</p> <p style="text-align:justify">ဆာလ်က ပြုံး၍ ညင်သာစွာ ပြောလိုက်သည်။</p> <p style="text-align:justify">"အခု ငါ ဘယ်လောက်တောင် သန်မာနေပြီလဲ ဆိုတာကိုသာ ကြည့်စမ်းဦး"</p> <p style="text-align:justify">ဆာလ်သည် လက်ကို ဆန့်ထုတ်လိုက်ပြီး လမ်းပြသူနှစ်ဦးရှိရာဘက်သို့ ဖမ်းကိုင်လိုက်သည့် အမူအရာပြုလုပ်လိုက်သည်။</p> <p style="text-align:justify">သူမ၏ လက်ဖဝါးထဲတွင် သေးငယ်သော လိမ္မော်နီရောင် နက်ဗျူလာတစ်ခု တိတ်ဆိတ်စွာ ပေါက်ကွဲထွက်သွားသည်။</p> <p style="text-align:justify">လမ်းပြသူနှစ်ဦး၏ မျက်နှာအမူအရာများမှာ ချက်ချင်း ပြောင်းလဲသွားပြီး တုံ့ဆိုင်းမနေဘဲ ဘေးဘက်သို့ လျင်မြန်စွာ ရှောင်တိမ်းလိုက်ကြသည်။</p> <p style="text-align:justify">တစ်ချိန်တည်းမှာပင် သူတို့ ရှိနေခဲ့သော ဟင်းလင်းပြင်မှာ ချေမွခံလိုက်ရသော စက္ကူတစ်ရွက်အလား ရုတ်တရက် တွန့်လိမ်သွားတော့သည်။</p> <p style="text-align:justify">"ဒီကောင်ကတော့..."</p> <p style="text-align:justify">လမ်းပြသူနှစ်ဦးသည် ဟင်းလင်းပြင်ထဲရှိ တွန့်လိမ်သွားသော နေရာကိုကြည့်ကာ တစ်ဦးနှင့်တစ်ဦး အကြည့်ချင်း ဖလှယ်လိုက်ကြသည်။ </p> <p style="text-align:justify">နှစ်ဦးစလုံး၏ မျက်ဝန်းတို့တွင် မနှစ်မြို့မှုများ ပြည့်နှက်နေသည်။</p> <p style="text-align:justify">လူအများစုက မသိနိုင်သော်လည်း ဟင်းလင်းပြင် စစ်မြေပြင်၏ ဝါရင့်သူများ ဖြစ်သည့်အားလျော်စွာ ကောင်းကောင်းကြီး သိရှိကြသည်။</p> <p style="text-align:justify">ဟင်းလင်းပြင် စစ်မြေပြင်သည် ပင်မစကြာဝဠာနှင့် ကွဲပြားသည်။ ဤနေရာရှိ ဟင်းလင်းပြင်၏ တည်ငြိမ်ခိုင်ခံ့မှုမှာ ပင်မစကြာဝဠာထက် အဆပေါင်းများစွာ ပိုမိုမြင့်မားသည်။ သို့မှသာ အဆင့်မြင့် အားကောင်းသူ အများအပြား ဤနေရာတွင် တိုက်ခိုက်ခြင်းကို ခံနိုင်ရည်ရှိမည် ဖြစ်သည်။</p> <p style="text-align:justify">ဤနေရာရှိ ဟင်းလင်းပြင်ကို တုန်ခါသွားအောင် သို့မဟုတ် တွန့်လိမ်သွားအောင် ပြုလုပ်ခြင်းမှာ သာမန်လူတစ်ယောက် လုပ်ဆောင်နိုင်သည့်အရာ မဟုတ်ပေ။</p> <p style="text-align:justify">အနည်းဆုံး သူတို့ကိုယ်တိုင်ပင် မလုပ်နိုင်ကြပေ။</p> <p style="text-align:justify">ဆာလ် ယခုလေးတင် ထုတ်ပြလိုက်သည့် စွမ်းအားမှာ သူတို့ မျှော်လင့်ထားသည်ထက်ပင် ပိုမိုအားကောင်းနေပုံရသည်။</p> <p style="text-align:justify">"မင်း ဘယ်လောက်ပဲ သန်စွမ်းနေပါစေ မင်းက သူတစ်ပါးရဲ့ ခွေးတစ်ကောင်ထက် မပိုပါဘူး..."</p> <p style="text-align:justify">မျက်နှာဝိုင်းဝိုင်းနှင့် လူဝကြီး လမ်းပြသူက မကျေမနပ် မျက်နှာထားဖြင့် လှောင်ပြောင်လိုက်သည်။ </p> <p style="text-align:justify">"ပြီးတော့ မင်းရဲ့ ပါရမီနဲ့ဆိုရင် မင်း ခွေးတစ်ကောင် မဖြစ်ခဲ့ရင်တောင် ဒီလို စွမ်းအားမျိုး ရောက်ဖို့က သိပ်မကြာတော့ပါဘူး"</p> <p style="text-align:justify">"ဒါတင်မကသေးဘူး အဆင့် ၁၃ ဒါမှမဟုတ် အဆင့် ၁၄ ထိတောင် ရောက်နိုင်တဲ့ အလားအလာ ရှိသေးတယ်"</p> <p style="text-align:justify">"အခုတော့ ဘာဖြစ်သွားလဲ အဆင့် ၁၃ သားရဲကောင်ရဲ့ ခွေးအဖြစ် အသုံးတော်ခံနေရတော့ မင်းရဲ့ တစ်သက်တာလုံးမှာ အဆင့် ၁၃ ကိုတောင် ဘယ်တော့မှ ကျော်ဖြတ်နိုင်မှာ မဟုတ်တော့ဘူး"</p> <p style="text-align:justify">"တောက်... မင်းက ဉာဏ်ကောင်းတာလား ဒါမှမဟုတ် အူကြောင်ကြောင် ဖြစ်နေတာလားလို့ ငါမေးရတော့မယ်"</p> <p style="text-align:justify">လူဝကြီး၏ စကားလုံးများမှာ ထက်မြက်သော ဓားတစ်လက်ကဲ့သို့ တစ်ဖက်လူ၏ အားနည်းချက်ကို ချက်ချင်း ထိုးစွလိုက်သည်။</p> <p style="text-align:justify">ဆာလ်အပါအဝင် ကွင်းပြင်ထဲရှိ လူအများအပြား ဆွံ့အသွားကြသည်။</p> <p style="text-align:justify">သေချာ ပြန်လည် စဉ်းစားကြည့်လျှင် မှန်ကန်ပေသည်။</p> <p style="text-align:justify">ဤနေရာတွင် ရပ်တည်နေနိုင်သူတိုင်းမှာ ကြယ်တာရာနယ်မြေတစ်ခု၌ လူတစ်သောင်းတွင်မှ တစ်ယောက်ပေါ်သော စူပါပါရမီရှင်များသာ ဖြစ်ကြသည်။</p> <p style="text-align:justify">သူတို့၏ အနာဂတ်တွင် အဆင့် ၁၃ သို့မဟုတ် ၁၄ အထိ ရောက်ရှိနိုင်ခြင်းမှာ မဖြစ်နိုင်သော ကိစ္စရပ် မဟုတ်ပေ။</p> <p style="text-align:justify">ခေတ္တခဏမျှ စွမ်းအားရရှိရန်အတွက်နှင့် အဘယ်ကြောင့် သစ္စာဖောက်ဟူသော အမည်နာမကို ခံယူကာ အခြားမျိုးနွယ်စု၏ ခွေးအဖြစ် ခံယူရမည်နည်း။</p> <p style="text-align:justify">အဆိုးရွားဆုံးမှာ ဤလူမိုက်တို့သည် မိမိတို့၏ ကိုယ်ပိုင်အနာဂတ်ကို ကိုယ်တိုင် ဖျက်ဆီးပစ်လိုက်ခြင်းပင်။</p> <p style="text-align:justify">ဗိုလ်ချုပ်အဆင့် သားရဲကောင်သည် အဆင့် ၁၃ နှင့် ညီမျှရာ သူ၏လက်ပါးစေများကို အဆင့် ၁၃ အထိ ရောက်ရှိခွင့် ပေးပါ့မည်လော။</p> <p style="text-align:justify">သေချာစွာ တွက်ချက်ကြည့်လျှင် ပေးဆပ်ရမည့် တန်ဖိုးမှာ အလွန်ပင် ကြီးမားလွန်းလှသဖြင့် ဤသစ္စာဖောက်မှုမှာ လုံးဝ မတန်မရာ ဖြစ်ပေသည်။</p> <p style="text-align:justify">ရုတ်တရက် လူတိုင်းက ဆာလ်နှင့် အခြားသူများအား ထူးဆန်းသော မျက်လုံးများဖြင့် ငေးကြည့်လာကြသည်။</p> <p style="text-align:justify">မူလက ရွံရှာမှုနှင့် အထင်အမြင်သေးမှုတို့မှာ ယခုမူ အထင်အမြင်သေးခြင်းအပြင် လေးနက်သော သနားကရုဏာစိတ်များပါ ရောပြွမ်းသွားတော့သည်။</p> <p style="text-align:justify">ဆာလ်နှင့် အခြားသူတို့၏ မျက်နှာအမူအရာများမှာလည်း ယင်ကောင်တစ်ထောင်ကို မျိုချမိသကဲ့သို့ ပြောင်းလဲသွားကြသည်။</p> <p style="text-align:justify">"ဒါက တကယ်ကို မိုက်မဲလွန်းတာပဲ"</p> <p style="text-align:justify">ဆာယာတစ်ယောက် ဆာလ်အား သနားစဖွယ် အကြည့်ဖြင့် ကြည့်လိုက်သည်။</p> <p style="text-align:justify">"ဒီခွေးဘဝမျိုးက ဘာမှတန်ဖိုး မရှိတော့ပါဘူး"</p> <p style="text-align:justify">"လောကမှာ အလကားရတဲ့ နေ့လယ်စာ ဆိုတာ မရှိဘူးဆိုတာ သေချာသွားပြီ။ မနာလိုစရာကောင်းတဲ့ အရာတိုင်းမှာ ပေးဆပ်ရမယ့် တန်ဖိုးတစ်ခုတော့ ရှိတာပဲ"</p> <p style="text-align:justify">ကျောက်တုံးလူသား ဒေါင်းတန်က တွေးခေါ်ရှင်တစ်ယောက်လို ဩရှရှ အသံနက်ကြီးဖြင့် မှတ်ချက်ချလိုက်သည်။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save