Book List

<h2 style="text-align: center;">အခန်း (၇၃၀)</h2> <h2 style="text-align: center;">*</h2> <p> </p> <p> </p> <p style="text-align:justify">"ဝှစ်”</p> <p style="text-align:justify">လူပေါင်းများစွာ၏ အကြည့်များမှာ ထိုသူထံသို့ တစ်ပြိုင်နက်တည်း ကျရောက်သွားသည်။</p> <p style="text-align:justify">အကြည့်ပေါင်းများစွာ၏ ဝန်းရံခံနေရမှုကြောင့် ထိုအဆင့် ၁၁ သိုင်းသမားမှာ ရှက်ရွံ့ထိတ်လန့်နေပြီး နောက်သို့ ပြန်ဆုတ်ရန် တွန့်ဆုတ်နေမိသည်။</p> <p style="text-align:justify">ရုတ်တရက်ဆိုသလို လေဟာနယ်မှ စွမ်းအင်တစ်ရပ် ပေါ်ထွက်လာကာ သူ့အား ဆွဲမယူ၍ ကောင်းကင်ယံသို့ ပင့်တင်သွားလေသည်။</p> <p style="text-align:justify">"ကောင်းတယ်"</p> <p style="text-align:justify">ဆာလ် အားရကျေနပ်စွာ ပြုံးလိုက်သည်။ </p> <p style="text-align:justify">သူ၏ မျက်ဝန်းတို့၌ ဖုံးကွယ်ခြင်းမရှိသော ချီးမွမ်းရိပ်တို့ဖြင့် ထိုသူအား စိုက်ကြည့်နေသည်။</p> <p style="text-align:justify">"ငါ ကတိပေးတယ် မင်းရဲ့ ဒီရွေးချယ်မှုအတွက် မင်း လုံးဝ နောင်တရမှာ မဟုတ်ဘူး"</p> <p style="text-align:justify">ထိုသူသည် ခေါင်းငုံ့ကာ အသိအမှတ်ပြုသည့်အနေဖြင့် ခေါင်းညိတ်လိုက်သည်။ </p> <p style="text-align:justify">သူ၏မျက်နှာပေါ်တွင် နောင်တရသည့်အရိပ်အယောင်တို့ တစ်ချက်တစ်ချက် ဖြတ်ပြေးနေသော်လည်း ပိုမိုထင်ရှားစွာ ပေါ်လွင်နေသည်မှာ စိတ်သက်သာရာ ရသွားခြင်းပင်။</p> <p style="text-align:justify">ဘေးဒုက္ခကြီးတစ်ခုမှ အသက်ရှင်လွတ်မြောက်သွားရသည့် ပေါ့ပါးမှုမျိုးကို သူ ခံစားလိုက်ရသည်။</p> <p style="text-align:justify">ပထမဆုံး တစ်ယောက် ပေါ်ထွက်လာပြီးနောက်တွင်မူ ဒုတိယ တတိယမြောက် သူတို့သည်လည်း အလျင်အမြန်ပင် ရှေ့သို့ တိုးထွက်လာကြသည်။</p> <p style="text-align:justify">"ကျွန်တော်လည်း ပူးပေါင်းလိုပါတယ်"</p> <p style="text-align:justify">"ကျွန်တော်လည်း ပူးပေါင်းပါမယ်..."</p> <p style="text-align:justify">သေမင်း၏ အရိပ်အောက်တွင် ရင်ဆိုင်နေရသော ဖိအားများကြောင့် သိက္ခာနှင့် မူဝါဒဟူသည်မှာ နောက်တန်းသို့သာ ရောက်သွားရချေသည်။</p> <p style="text-align:justify">အဆင့် ၁၁ ၁၂ အထိ ပင်ပင်ပန်းပန်း ကျင့်ကြံလာခဲ့ကြသူများတွင် မည်သူကများ တကယ်တမ်း သေဆုံးခြင်းကို လိုလားပါ့မည်နည်း။</p> <p style="text-align:justify">သစ္စာဖောက် ဆိုသည့် ဘွဲ့နာမမှာ နားဝင်မချိုလှပေ။ သို့သော် သူတို့ထဲတွင် ပါရမီအရှိဆုံးဟုဆိုရမည့် ဆာလ် ပင်လျှင် သစ္စာဖောက်လမ်းကြောင်းကို ရွေးချယ်ခဲ့သည် မဟုတ်ပါလား။</p> <p style="text-align:justify">သူတို့၏ ကျင့်ကြံခြင်းအဆင့်မှာ အဆင့် ၁၃ ကို မကျော်လွန်နိုင်သည်ကို သူတို့ သိရှိထားသည် မဟုတ်ပါလား။</p> <p style="text-align:justify">သို့သော် သစ္စာမဖောက်ရုံနှင့် အဆင့် ၁၃ သို့ တက်လှမ်းနိုင်မည်လော။</p> <p style="text-align:justify">လူအများစုမှာ မိမိတို့၏ ကန့်သတ်ချက်ကို ကောင်းစွာ သိရှိကြသည်။ အဆင့် ၁၂ ၏ နယ်နိမိတ်ကို ရောက်ရှိ၍ နိယာမ ကြယ်တာရာစနစ် နှစ်ခု သုံးခုခန့်ကိုသာ ခန္ဓာကိုယ်အတွင်း ပို့ဆောင်နိုင်ခြင်းမှာပင် သူတို့အတွက် အထွတ်အထိပ်ဖြစ်သည်။ မဟုတ်ပါက ဤဟင်းလင်းပြင် စစ်မြေပြင်သို့ လာရောက် ကံစမ်းနေစရာ အကြောင်းမရှိပေ။</p> <p style="text-align:justify">လူတို့သည် တစ်စုံတစ်ခုကို လက်ခံရန် ဆုံးဖြတ်လိုက်ပြီဆိုပါက မိမိကိုယ်ကိုယ် အကာအကွယ်ပေးရန် အကြောင်းပြချက် ပေါင်းစုံကို အလိုအလျောက် ရှာဖွေတတ်ကြစမြဲပင်။</p> <p style="text-align:justify">အချို့ဆိုလျှင် ဆာလ် နှင့် အဆင်ပြေစေရန် အချိန်ယူ ပြင်ဆင်နေကြပြီ ဖြစ်သည်။</p> <p style="text-align:justify">"အနာဂတ်မှာ သခင်လေး ဆာလ် ကျွန်တော့်ကို စောင့်ရှောက်ပေးဖို့ မျှော်လင့်ပါတယ်..."</p> <p style="text-align:justify">ဆာလ် ၏ အဖွဲ့အတွင်းသို့ အသစ်ဝင်ရောက်လာသော အဆင့် ၁၂ သိုင်းသမားမှာ အလွန်ပင် ရိုသေစွာဖြင့် လျှောက်တင်လေသည်။ သူ၏စကားလုံးတို့၌ ဖားယားမြှောက်ပင့်ခြင်းတို့ အပြည့်အနှက်ရှိနေပြီး ထိုအပြုအမူမှာ ကြည့်ရသည်မှာပင် ရွံရှာဖွယ်ကောင်းလှသည်။</p> <p style="text-align:justify">အချိန်တိုအတွင်းမှာပင် လူတစ်ဒါဇင်ကျော်မှာ ဘက်ပြောင်းသွားကြပြီး ဆာလ် ကိုယ်စားပြုသော သစ္စာဖောက် အဖွဲ့ထဲသို့ တက်တက်ကြွကြွ ပူးပေါင်းသွားကြသည်။</p> <p style="text-align:justify">စိတ်ဓာတ်မခိုင်မြဲသော အချို့သူများပင် စတင် ယိမ်းယိုင်လာစေသည်။</p> <p style="text-align:justify">လမ်းပြသူ နှစ်ဦးဖြစ်သော လူဝကြီးနှင့် အေးစက်စက် လူလတ်ပိုင်း အမျိုးသားတို့၏ မျက်နှာများမှာ အလွန်ပင် မည်းမှောင်နေတော့သည်။</p> <p style="text-align:justify">နောက်ထပ် လူအချို့ သစ္စာဖောက်ရန် ကြံစည်နေသည်ကို မြင်လိုက်ရသည့်အခါ လူဝကြီးမှာ မနေနိုင်တော့ဘဲ လွှတ်ခနဲ အော်ဟစ်လိုက်သည်။ </p> <p style="text-align:justify">"သခင်ကြီး ဟိုင်ကျိ အရိုးစုဓားသခင် လာနေပြီ။ သူ ရောက်လာရင် မင်းတို့ ဘာဖြစ်သွားမလဲဆိုတာ သေချာ စဉ်းစားကြဦး..."</p> <p style="text-align:justify">ဤစကားသံကြောင့် သစ္စာဖောက်ရန် ခြေတစ်လှမ်း ပြင်နေကြသော အဆင့် ၁၂ သိုင်းသမား အနည်းငယ်မှာ သူတို့၏ခြေလှမ်းများကို အမြန်ပင် ပြန်လည် ရုပ်သိမ်းလိုက်ကြသည်။</p> <p style="text-align:justify">သစ္စာဖောက်ရန် ရွေးချယ်ပြီးသား လူတစ်ဒါဇင်ကျော်၏ မျက်နှာအမူအရာများမှာလည်း ချက်ချင်းပင် ပြောင်းလဲသွားရသည်။</p> <p style="text-align:justify">သူတို့ ထိုအချက်ကို မေ့လျော့နေခဲ့ကြသည်။</p> <p style="text-align:justify">ဟင်းလင်းပြင် စစ်မြေပြင်၏ လူသားအခြေစိုက်စခန်းမှ အဆင့် ၁၃ အထွတ်အထိပ်သို့ ရောက်ရှိနေသူတစ်ဦးအား မိမိတို့ဆီသို့ စေလွှတ်ထားသည်မှာ အမှန်ပင်။</p> <p style="text-align:justify">အချိန်ကာလကို တွက်ဆကြည့်ပါက ထိုသိုင်းပညာရှင် ရောက်ရှိချိန် တန်ပြီဖြစ်သည်။</p> <p style="text-align:justify">အကယ်၍ ထိုအဆင့် ၁၃ ပုဂ္ဂိုလ်သာ အချိန်မီ ရောက်လာပါက ယခု သူတို့ရွေးချယ်လိုက်သော အသက်ရှင်သန်ရေးလမ်းကြောင်းမှာ ချက်ချင်းပင် သေလမ်းအဖြစ် ပြောင်းလဲသွားပေလိမ့်မည်။</p> <p style="text-align:justify">မိမိတို့၏ မျိုးနွယ်စုကို စွန့်ခွာ၍ သစ္စာဖောက်ခြင်းသည် စကြာဝဠာအတွင်း အကြီးလေးဆုံးသော ပြစ်ဒဏ်အဖြစ် သတ်မှတ်ခံရသည်။</p> <p style="text-align:justify">ပြင်ပလောကတွင် ခွင့်လွှတ်ခြင်းဟူသော အရာ ရှိကောင်းရှိနိုင်သော်လည်း ဤသို့သော အသေအရှင် စစ်မြေပြင်မျိုး၌မူ အပြစ်ဒဏ်မှာ တွေ့ရာသင်္ချိုင်းတွင် ချက်ချင်းစီရင်ခြင်းသာ ဖြစ်ပေလိမ့်မည်။</p> <p style="text-align:justify">ကြယ်တာရာ ကောင်းကင်ယံမှာ အဆုံးမရှိ ကျယ်ပြောလှပြီး အဆင့် ၁၂ သိုင်းသမားတို့မှာလည်း ရှားပါးလှသည်မဟုတ်ပေ။</p> <p style="text-align:justify">ထိုမျှသာမကဘဲ ယခုအချိန်မှစ၍ သူတို့၏ မိသားစုများနှင့် သားစဉ်မြေးဆက်များပါ ပတ်သက်ဆက်နွယ်သွားမည်ဖြစ်ရာ ဤအရှက်တရားကို မျိုးဆက်ပေါင်းများစွာ ထမ်းပိုးထားရင်း မည်သည့်အခါမျှ ခေါင်းမဖော်နိုင်တော့ပေ။</p> <p style="text-align:justify">"ဟီး... ဟီး..."</p> <p style="text-align:justify">ဆာလ်တစ်ယောက် လှောင်ပြောင်သံဖြင့် ရယ်မောလိုက်ပြီးနောက် ထိုလူနှစ်ဦးကို ပြုံးစိစိဖြင့် စိုက်ကြည့်ကာ အေးဆေးတည်ငြိမ်စွာ ဆိုလိုက်သည်။ </p> <p style="text-align:justify">"ခင်ဗျားတို့ နှစ်ယောက်က အဲဒီ အရိုးစုဓားသခင် ရောက်လာတော့မယ်လို့ မျှော်လင့်နေတုန်းပဲလား"</p> <p style="text-align:justify">သူ၏ စကားသံနှင့်အတူ လမ်းပြသူနှစ်ဦး၏ မျက်နှာအမူအရာတို့မှာ သိသိသာသာ ပျက်ယွင်းသွားကြသည်။</p> <p style="text-align:justify">"မင်း... ဘာကို ဆိုလိုတာလဲ"</p> <p style="text-align:justify">အေးစက်စက် လူလတ်ပိုင်း အမျိုးသားက စူးစူးရှရှ မေးခွန်းထုတ်လိုက်သည်။</p> <p style="text-align:justify">ဆာလ် တည်ငြိမ်စွာပင် ဖြေဆိုလိုက်သည်။ </p> <p style="text-align:justify">"သူ ဒီကို ရောက်နိုင်မယ်ဆိုရင် အစောကြီးကတည်းက ရောက်နှင့်နေမှာပေါ့။ အဆင့် ၁၃ သိုင်းသမားတစ်ယောက်အတွက် ဒီလောက် အကွာအဝေးဆိုတာ ခရီးတစ်ထောက်တောင် မဟုတ်ပါဘူး"</p> <p style="text-align:justify">"မေ့လျော့ခြင်း သခင်ကြီးက ခင်ဗျားတို့ကို ကယ်တင်ဖို့ဆိုတဲ့ မှတ်ဉာဏ်ကို အဲဒီ အရိုးစုဓားသခင်ကောင်ရဲ့ စိတ်ထဲကနေ ဖယ်ရှားပစ်လိုက်တာ ကြာပြီ"</p> <p style="text-align:justify">"ငါ တွက်ကြည့်ရသလောက်တော့... အခုချိန်မှာ ခင်ဗျားတို့ စောင့်နေတဲ့ အရိုးစုဓားသခင် ဆိုတဲ့လူက အခြေစိုက်စခန်းထဲက အခန်းတစ်ခုမှာ အေးအေးဆေးဆေး လက်ဖက်ရည် သောက်နေလောက်ပြီ ထင်တယ်လေ"</p> <p style="text-align:justify">"ဘာ"</p> <p style="text-align:justify">လမ်းပြသူ နှစ်ဦးမှာ အပြင်းအထန် ရိုက်ခတ်ခံလိုက်ရသလို ဖြစ်သွားပြီး ခန္ဓာကိုယ်များမှာ မသိမသာ ယိုင်နဲ့သွားကြသည်။ </p> <p style="text-align:justify">သူတို့မှာ အံကို တင်းတင်းကြိတ်လျက် "မဖြစ်နိုင်ဘူး ဒါက လုံးဝ မဖြစ်နိုင်ဘူး" ဟုသာ ရေရွတ်နေကြသည်။</p> <p style="text-align:justify">သို့သော် သူတို့၏ မျက်ဝန်းများမှတစ်ဆင့် ဟိုင်ကျိ အရိုးစုဓားသခင် ဘက်တွင် အခြေအနေတစ်ခုခု အမှန်တကယ်ပင် ဖြစ်ပျက်နေပြီဖြစ်ကြောင်း ခန့်မှန်းမိပုံရသည်။</p> <p style="text-align:justify">ဆာလ်၏ စကားလုံးများသည် ကျန်ရှိနေသေးသော သူများ၏ နှလုံးသားထဲမှ နောက်ဆုံးမျှော်လင့်ချက် အလင်းတန်းကို ရိုက်ခွဲပစ်လိုက်သကဲ့သို့ပင်။</p> <p style="text-align:justify">ယခင်က တုံ့ဆိုင်းနေခဲ့ကြသော သိုင်းသမားအများစုမှာ မိမိတို့၏ တွန့်ဆုတ်မှုများကို စွန့်လွှတ်လိုက်ကြပြီး ဆာလ်၏ ရင်ခွင်ထဲသို့ ခိုဝင်သွားကြတော့သည်။</p> <p style="text-align:justify">အချိန်တိုအတွင်းမှာပင် အခြေအနေမှာ တစ်ဖက်စောင်းနင်း ဖြစ်သွားတော့သည်။</p> <p style="text-align:justify">ဆုံးဖြတ်ချက်မချရသေးသူများပင်လျှင် အတွင်းစိတ်ထဲ၌ ပြင်းထန်စွာ ရုန်းကန်နေကြရသည်။</p> <p style="text-align:justify">လုရှန်မှာမူ ခြွင်းချက်ဖြစ်သည်။</p> <p style="text-align:justify">အစအဆုံးတိုင်အောင် ဖြစ်ပျက်နေသည်များမှာ သူနှင့် ဘာမျှမသက်ဆိုင်သကဲ့သို့ လုံးဝ တည်ငြိမ်နေခဲ့သည်။</p> <p style="text-align:justify">သို့သော် သူ၏ အဖော်ဟု ဆိုနိုင်သော သူနှစ်ယောက်မှာမူ ယခုအချိန်တွင် လုံးဝ တည်ငြိမ်နိုင်ခြင်း မရှိတော့ပေ။</p> <p style="text-align:justify">"သောက်ကျိုးနည်း"</p> <p style="text-align:justify">ဆာယာ၏မျက်နှာတွင် ဝေခွဲမရသည့် အရိပ်အယောင်တို့ ထင်ဟပ်နေကာ လုရှန်အား အကူအညီတောင်းလိုသည့် အကြည့်ဖြင့် အသည်းအသန် ကြည့်နေသည်။</p> <p style="text-align:justify">"လုရှန်... ငါတို့ ဘာလုပ်ကြမလဲ"</p> <p style="text-align:justify">ဘာကြောင့်မှန်း မသိသော်လည်း တစ်ဖက်လူ၏ ကျင့်ကြံမှုအဆင့်မှာ အဆင့် ၁၁ သာ ရှိသေးသော်ငြား သူ၏ တည်ငြိမ်သော မျက်နှာကို ကြည့်လိုက်ရုံဖြင့် တစ်ခုခုကို စွမ်းဆောင်နိုင်လိမ့်မည်ဟု ဆာယာ ခံစားနေမိလေတော့သည်။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save