Book List

<h2 style="text-align: center;">အခန်း (၇၄၀)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p style="text-align:justify">"လျှို့ဝှက်နည်းစနစ်တွေလား… နတ်ဘုရား သိုင်းစွမ်းအားတွေလား… ဒါမှမဟုတ် ထူးခြားတဲ့ ခန္ဓာကိုယ် တည်ဆောက်ပုံလား"</p> <p style="text-align:justify">ခေတ္တမျှ မှင်သက်အံ့အားသင့်သွားပြီးနောက် ဆာလ်၏ မျက်နှာအမူအရာမှာ အလျင်အမြန် ပြန်လည်တည်ငြိမ်သွားသည်။ </p> <p style="text-align:justify">သို့သော် သူ၏ ခန္ဓာကိုယ်ထံမှမူ ပိုမိုကြမ်းတမ်းရက်စက်ကာ ကြောက်မက်ဖွယ်ကောင်းသော အရှိန်အဝါတို့ တိုးထွက်လာတော့သည်။ </p> <p style="text-align:justify">သူ၏ မျက်နှာထက်၌ အေးစက်သော အရိပ်အယောင်များ ဖုံးလွှမ်းလာပြီး တစ်ကိုယ်လုံးမှလည်း ပြင်းထန်လှသော လူသတ်ငွေ့များ လှိုင်လှိုင်ထွက်ပေါ်နေတော့သည်။</p> <p style="text-align:justify">"မင်း ဘယ်လိုနည်းလမ်းတွေပဲ သုံးသုံး.. အခုတော့ သေရတော့မှာပဲ"</p> <p style="text-align:justify">ဆာလ် ပြင်းထန်စွာ အော်ဟစ်လိုက်ပြီးနောက် သူ၏ ခန္ဓာကိုယ်တစ်ခုလုံးမှာ လိမ္မော်ရောင် ပုံရိပ်ယောင်တစ်ခုအဖြစ် ပြောင်းလဲသွားလေသည်။ သူ၏ ပုံရိပ်သည် တိုက်ပွဲမြေပြင်ရှိ ဟင်းလင်းပြင်ထက်၌ ရေလှိုင်းဂယက်များသဖွယ် ပျံ့နှံ့ကျန်ရစ်ခဲ့သည်။ </p> <p style="text-align:justify">ဤသည်မှာ စွမ်းအင်များ အလွန်အမင်း သိပ်သည်းနေပြီး အမြန်နှုန်းမှာလည်း မယုံနိုင်လောက်အောင် မြန်ဆန်လွန်းမှသာ မြင်တွေ့နိုင်သော ထူးခြားသည့် ဖြစ်ရပ်မျိုးပင် ဖြစ်သည်။</p> <p style="text-align:justify">မျက်တောင်တစ်ခတ်အတွင်းမှာပင် လူတိုင်း၏ မျက်ဝန်းအစုံမှာ လိမ္မော်ရောင် အလင်းတန်းများ၏ အရှိန်ကြောင့် ကျိန်းစပ်သွားရတော့သည်။ အလွန်တောက်ပလှသော လိမ္မော်ရောင် ကြယ်တံခွန်ကြီးတစ်ခုသည် ရုတ်ချည်း ကျဆင်းလာသည်။</p> <p style="text-align:justify">"ဝုန်း..."</p> <p style="text-align:justify">နားစည်ကွဲမတတ် ကျယ်လောင်လှသော ဟိန်းဟောက်သံကြီး တစ်ခု ပေါ်ထွက်လာသည်။ </p> <p style="text-align:justify">ပြင်းထန်လှသော ထိခိုက်မှုအပြီးတွင် ကြောက်မက်ဖွယ်ရာ စွမ်းအင်လှိုင်းကြီးတစ်ခုသည် မျက်ဝါးထင်ထင် ဖွဲ့စည်းသွားပြီး ဗဟိုချက်မှနေ၍ အပြင်ဘက်သို့ အရှိန်အဟုန်ဖြင့် ပြန့်ကားသွားတော့သည်။ </p> <p style="text-align:justify">တိုက်ပွဲဗဟိုချက်နှင့် အနီးဆုံးတွင် ရှိနေကြသော သိုင်းသမားများနှင့် ထူးဆန်းသော သားရဲများအားလုံးမှာ ထိုစွမ်းအင်လှိုင်း၏ ရိုက်ခတ်မှုကြောင့် လွင့်စင်ထွက်သွားကြရလေသည်။</p> <p style="text-align:justify">အဆင့် (၁၂) ရှိသော သတ္တဝါများပင်လျှင် ဟန်ချက်ကို မထိန်းနိုင်ကြတော့ပေ။ </p> <p style="text-align:justify">မိမိတို့၏ ခန္ဓာကိုယ်ကို နိယာမစွမ်းအားများဖြင့် အကာအကွယ်ပေးထားသည့်တိုင်အောင် ပြင်းထန်စွာ တုန်ခါသွားရသဖြင့် သွေးလေများ ဖောက်ပြန်ထကြွကာ ဒဏ်ရာရလုနီးပါး ဖြစ်သွားကြရသည်။ </p> <p style="text-align:justify">စစ်တလင်းအတွင်းရှိ လူသားသိုင်းသမားအားလုံး၏ မျက်နှာအမူအရာမှာလည်း သိသိသာသာ ပျက်ယွင်းသွားကြတော့သည်။ </p> <p style="text-align:justify">နိယာမစွမ်းအား ငါးမျိုးကို နားလည်သဘောပေါက်ပြီး ပေါင်းစပ်ထားသော အဆင့် (၁၂) ထိပ်တန်းပညာရှင်တစ်ဦး၏ စွမ်းပကားကို ယခုမှပင် သူတို့ အစစ်အမှန် မြင်တွေ့လိုက်ရခြင်း ဖြစ်သည်။ </p> <p style="text-align:justify">တိုက်ကွက်တစ်ချက်တည်းနှင့်ပင် ဤမျှ ကြောက်စရာကောင်းသော စွမ်းအားကို ထုတ်လွှတ်နိုင်ခဲ့ခြင်းပင်။</p> <p style="text-align:justify">"ကြယ်ပုဖြူ တစ်လုံးတောင်မှ ဒီတိုက်ကွက် လမ်းကြောင်းမှာ ရှိနေရင် အပေါက်ဖြစ်ပြီး ကြေမွသွားလောက်တယ်"</p> <p style="text-align:justify">တစ်စုံတစ်ယောက်က အံ့ဩတုန်လှုပ်စွာဖြင့် ခပ်တိုးတိုး ရေရွတ်လိုက်မိသည်။ လူတိုင်း၏ အကြည့်တို့သည် ကြယ်တာရာ ကောင်းကင်ယံမှ ပြင်းထန်သော မုန်တိုင်းကြီးတစ်ခုနှင့် တူနေသည့် တိုက်ပွဲဗဟိုချက်သို့သာ စုပြုံရောက်ရှိနေကြသည်။ </p> <p style="text-align:justify">ဤတိုက်ခိုက်မှုအပြီးတွင် လုရှန်၏ အခြေအနေ မည်သို့ရှိနေမည်ကို အသည်းအသန် သိရှိလိုနေကြခြင်းပင် ဖြစ်သည်။</p> <p style="text-align:justify">ကံမကောင်းစွာဖြင့် ဆာလ်၏ တိုက်ခိုက်မှုမှာ အလွန်ပင် အားကောင်းပြင်းထန်လွန်းလှသဖြင့် သာမန်မျက်စိဖြင့် မဆိုထားနှင့် စိတ်စွမ်းအား ဖြင့်ပင် အနားသို့ ကပ်ရန် ခက်ခဲလှပေသည်။ </p> <p style="text-align:justify">ထိုနေရာရှိ ဟင်းလင်းပြင်ကြီးမှာ အနက်ရောင် အက်ကွဲကြောင်းကြီးများ ဖြစ်ပေါ်လျက် ပွင့်ထွက်နေသည်ကိုသာ ဝေဝါးစွာ မြင်တွေ့နေရသည်။ </p> <p style="text-align:justify">ဆာလ်၏ ထိုပြင်းထန်လှသော တိုက်ကွက်ကြောင့် ဖြစ်ပေါ်လာသည့် တုန်လှုပ်မှုများမှ မလွတ်မြောက်နိုင်သေးမီမှာပင် မိစ္ဆာမီးတောက်များနှယ် လိမ္မော်ရောင် မီးလျှံများက ထပ်မံ၍ ဟုန်းခနဲ တောက်လောင်လာပြန်သည်။</p> <p style="text-align:justify">"သေဆုံးစမ်း..."</p> <p style="text-align:justify">ဆာလ်၏ အေးစက်သော အသံသည် ဟင်းလင်းပြင်အတွင်း ပဲ့တင်ထပ်သွားပြီးနောက် ယခင်တိုက်ကွက်ထက် မလျော့သော ပိုမိုကျယ်လောင်သည့် ဟိန်းဟောက်သံကြီးများ တစ်ခုပြီးတစ်ခု ထွက်ပေါ်လာတော့သည်။</p> <p style="text-align:justify">"ဘုန်း..."</p> <p style="text-align:justify">"ဘုန်း..."</p> <p style="text-align:justify">ဆာလ်သည် ရူးသွပ်နေသော ကျားသစ်တစ်ကောင်ကဲ့သို့ ရက်စက်ကြမ်းကြုတ်သော အရှိန်အဟုန်ဖြင့် မနားတမ်း တိုက်စစ်ဆင်နေတော့သည်။ </p> <p style="text-align:justify">သူ၏ ခန္ဓာကိုယ် အစိတ်အပိုင်းတိုင်းမှာ တိုက်ခိုက်ရေးလက်နက်များအဖြစ် အသွင်ပြောင်းသွားသကဲ့သို့ပင်။ </p> <p style="text-align:justify">အဆင့် (၅) အထွတ်အထိပ်သို့ ရောက်ရှိထားသော အမျိုးမျိုးသော သိုင်းပညာရပ်များအားလုံးကို သူ၏ လက်ထဲတွင် အဆက်မပြတ် လှည့်ပတ်အသုံးပြုနေလေသည်။ နိယာမစွမ်းအား ငါးသွယ်ကို နားလည်ပေါင်းစပ်ထားသော သူ၏ စွမ်းအားမှာ ယခုအချိန်တွင် အစွမ်းကုန် ပွင့်လန်းနေတော့သည်။</p> <p style="text-align:justify">သူ၏ ပတ်ဝန်းကျင်တွင် အရွယ်အစားမျိုးစုံရှိသော မရေမတွက်နိုင်သည့် လိမ္မော်ရောင် အလင်းလုံးလေးများမှာ လွင့်မြောနေကြသည်။ </p> <p style="text-align:justify">ဆာလ်၏ တိုက်ကွက်တိုင်းတွင် ထိုအလင်းလုံး အနည်းငယ် သို့မဟုတ် ဒါဇင်နှင့်ချီ၍ ပါဝင်နေလေ့ရှိသည်။ သူသည် အလွန်လက်ရာမြောက်လှသော နည်းစနစ်များကို အသုံးပြု၍ ထိုလိမ္မော်ရောင် အလင်းလုံးများကို ရိုက်ခတ်လိုက်ရာ အလင်းလုံး တစ်ခုချင်းစီမှာ ဂြိုဟ်သိမ်ဂြိုဟ်မွှားတစ်ခု ပေါက်ကွဲသွားသကဲ့သို့ ပြင်းထန်သော စွမ်းအားများဖြင့် ပေါက်ကွဲထွက်သွားကြလေသည်။</p> <p style="text-align:justify">ဆာလ်၏ တိုက်စစ်မှာ ပိုမိုမြန်ဆန်လာပြီး ပိုမိုပြင်းထန်လာတော့သည်။ </p> <p style="text-align:justify">နောက်ဆုံးတွင်မူ သူ၏ လက်သီးချက်တိုင်း လက်သည်းချက်တိုင်းမှာ ရာနှင့်ချီသော လိမ္မော်ရောင် အလင်းလုံးများ၏ ပေါက်ကွဲမှုများနှင့်အတူ ပါဝင်လာတော့သည်။ </p> <p style="text-align:justify">ပေါက်ကွဲထွက်လာသော စွမ်းအင်များသည် လှိုင်းလုံးများသဖွယ် တစ်ခုပြီးတစ်ခု အလွှာလိုက် အလွှာလိုက် အရှိန်အဟုန်ဖြင့် တက်လာပြီး အရပ်မျက်နှာ အသီးသီးသို့ စုပုံသွားတော့သည်။ </p> <p style="text-align:justify">တိုက်ပွဲ၏ ဗဟိုတည့်တည့်တွင်မူ ဧရာမ လိမ္မော်ရောင် နက်ဗျူလာ မုန်တိုင်းကြီးတစ်ခု တိုက်ရိုက် ဖြစ်ပေါ်လာလေသည်။</p> <p style="text-align:justify">ထိုမုန်တိုင်းဂယက်ကြီးအတွင်း၌ သွေးရောင်လျှပ်စီးတို့သည် မြွေနဂါးများသဖွယ် အရူးအမူး ကခုန်နေကြလေသည်။ ကြောက်မက်ဖွယ်ကောင်းလှသော ထိုနက်ဗျူလာမုန်တိုင်းသည် ဟင်းလင်းပြင်ကြီးကို အပိုင်းပိုင်းအစစ ဆွဲဖြဲပစ်လိုက်ပြီ ဖြစ်သည်။ </p> <p style="text-align:justify">ဟင်းလင်းပြင် အက်ကွဲကြောင်းများအတွင်းမှ ထွက်ပေါ်လာသော ပြင်းထန်လှသည့် စုပ်ယူမှုအားနှင့် ဖျက်ဆီးလိုသော အငွေ့အသက်များကြောင့် အဝေးမှ ကြည့်နေကြသော လမ်းပြသူနှစ်ဦးမှာပင် ဦးရေပြားများ စိမ့်တက်သွားရသည်အထိ ထိတ်လန့်သွားကြရသည်။</p> <p style="text-align:justify">ဤမျှအထိ ပြင်းထန်လှသော ဆာလ်၏ ရက်စက်ကြမ်းကြုတ်သည့် တိုက်စစ်သည် သူတို့နှစ်ဦး တောင့်ခံနိုင်စွမ်းရှိသော အတိုင်းအတာကို များစွာ ကျော်လွန်သွားခဲ့လေပြီ။ </p> <p style="text-align:justify">အကယ်၍ သူတို့သာ ယခုအချိန်တွင် ရှေ့သို့ တိုးဝင်သွားမည်ဆိုပါက နက်ဗျူလာမုန်တိုင်း၏ အစွန်အဖျား၌ပင် အစိတ်စိတ်အမွှာမွှာ ဆွဲဖြဲခံရမည်မှာ မြေကြီးလက်ခတ်မလွဲဟု တွေးတောမိနေကြသည်။ </p> <p style="text-align:justify">လုရှန်နှင့် ပူးပေါင်း၍ ဆာလ်ကို တိုက်ခိုက်မည်ဟူသော အစောပိုင်းက အကြံအစည်များမှာလည်း စိတ်ကူးထဲ၌ပင် အစအနမကျန် ပျောက်ကွယ်သွားခဲ့ရလေပြီ။</p> <p style="text-align:justify">ယခုအချိန်တွင် စစ်တလင်းအတွင်းရှိ မည်သူတစ်ဦးတစ်ယောက်မျှ လုရှန် အသက်ရှင်နေဦးမည်ဟု မယုံကြည်ကြတော့ပေ။ ဆာလ်၏ ဤမျှ ကြောက်စရာကောင်းပြီး အဆက်မပြတ်လှသော တိုက်စစ်အောက်တွင် နိယာမ သုံးခု လေးခုခန့် ပေါင်းစပ်ထားသော အဆင့် (၁၂) ပညာရှင်ကြီးပင်လျှင် တောင့်ခံနိုင်မည်မဟုတ်ချေ။ </p> <p style="text-align:justify">မည်မျှပင် ကောင်းကင်ဘုံကို ဆန့်ကျင်နိုင်သော အဆင့် (၁၁) ပါရမီရှင် ဖြစ်ပါစေဦးတော့ သူ အသက်ရှင်နိုင်မည့် အခွင့်အရေးကား အစအနမျှပင် မရှိတော့ပေ။</p> <p style="text-align:justify">သူတို့၏ ခန့်မှန်းချက်အရဆိုလျှင် မုန်တိုင်းဗဟိုချက်တွင် ရှိနေသော လုရှန်မှာ ဆာလ်၏ တတိယ သို့မဟုတ် စတုတ္ထမြောက် တိုက်ကွက်ကတည်းကပင် မြူမှုန်အဖြစ်သို့ ကူးပြောင်းသွားခဲ့လောက်ပြီ ဖြစ်သည်။ </p> <p style="text-align:justify">ဆာလ်၏ နောက်ဆက်တွဲ တိုက်ခိုက်မှုများမှာ သူ၏ ရင်တွင်း၌ ကိန်းအောင်းနေသော အာဃာတများကို ဖြေဖျောက်ရန်အတွက်သာ ပြုလုပ်နေခြင်း ဖြစ်ပုံရလေသည်။</p> <p style="text-align:justify">ဤအချိန်တွင် ရူးသွပ်စွာ တိုက်ခိုက်နေသော ဆာလ်တစ်ယောက် သူ၏ လှုပ်ရှားမှုများကို ရုတ်တရက် ရပ်တန့်လိုက်သည်။ သူ၏ ဒေါသအဟုန်များမှာ အတော်အတန် ပြေပျောက်သွားပုံရသဖြင့် တိုက်ခိုက်မှုကို ရပ်ဆိုင်းလိုက်ခြင်း ဖြစ်ကာ ယခင်ကထက် များစွာ တည်ငြိမ်အေးစက်သွားပုံရသည်။ </p> <p style="text-align:justify">သူ၏ တစ်ကိုယ်လုံးမှ သွေးရောင်မီးခိုးငွေ့များ တလူလူ ထွက်ပေါ်နေသည်။ ထိုမီးခိုးငွေ့များသည် ဆာလ်၏ အသက်ရှူသံနှင့်အတူ နိမ့်ချည်မြင့်ချည် ဖြစ်နေကာ သူ၏ ဦးခေါင်းအထက်နှင့် အနောက်ဘက်တွင် ရုပ်ပျက်ဆင်းပျက် ပုံသဏ္ဌာန်များကို တဖြည်းဖြည်း ပုံဖော်လာကြသည်။</p> <p style="text-align:justify">ဆာလ် ညင်သာစွာ သက်ပြင်းချလိုက်သည်။ သူ၏ မျက်နှာထက်တွင် ရက်စက်ယုတ်မာသော အပြုံးတစ်ခု ပေါ်လာသည်။ မျက်ဝန်းအစုံမှာလည်း အေးစက်နေကာ မျက်လုံးအတွင်းရှိ လိမ္မော်နီရောင် အစက်ကလေးမှာ ကြောက်မက်ဖွယ်ကောင်းလောက်အောင် တောက်ပနေတော့သည်။</p> <p style="text-align:justify">"နောက်ဆုံးတော့ ငါ့ရဲ့ ဒေါသတွေ ပြေလျော့သွားပြီ"</p> <p style="text-align:justify">"လူကြီးမင်းက ငါ့ကို သတိထားဖို့ ပြောခဲ့တဲ့လူက မင်း ဖြစ်နိုင်တယ်။ ဒါပေမဲ့ ငါ့အမြင်တော့ မင်းက အဲဒီလောက်လည်း မထူးခြားပါဘူး"</p> <p style="text-align:justify">"ဘာပဲဖြစ်ဖြစ်ပေါ့..."</p> <p style="text-align:justify">ဆာလ် သူ၏ ညာလက်ကို ဖြည်းညှင်းစွာ မြှောက်လိုက်ပြီး လက်ချောင်းများကို လက်သီးအဖြစ် တင်းတင်းဆုပ်လိုက်သည်။ သူ၏ ရှေ့မှောက်တွင် လိမ္မော်ရောင် နက်ဗျူလာမုန်တိုင်းကြောင့် လုံးဝ ပျက်စီးသွားသော ဟင်းလင်းပြင်ကြီးကို ကြည့်ကာ သူ၏ နှုတ်ခမ်းဖျား၌ အောင်နိုင်သူ၏ အပြုံးတစ်ခု လျင်မြန်စွာ ပျံ့နှံ့သွားသည်။</p> <p style="text-align:justify">"လူကြီးမင်းရဲ့ အလိုအတိုင်းပါပဲ.. ဒါကို ငါ့ရဲ့ အပြင်းထန်ဆုံး တိုက်ကွက်နဲ့ပဲ အဆုံးသတ်ပေးလိုက်ပါ့မယ်..."</p> <p style="text-align:justify">သူ၏ ခန္ဓာကိုယ်မှ ထွက်ပေါ်နေသော သွေးရောင်မီးခိုးငွေ့များသည် နောက်ဆုံးတွင် သူ၏ အနောက်ဘက်၌ အလုံးအရင်းဖြင့် စုစည်းသွားကြတော့သည်။ ၎င်းမှာ မျက်လုံး (၁၂) လုံးနှင့် ပြည်ကြီးငါးလက်တံများ ဖုံးလွှမ်းနေသော ပါးစပ်ပါသည့် ပုံပျက်ပန်းပျက် မိစ္ဆာကောင်ကြီးတစ်ကောင်အသွင် ဖြစ်ပြီး အဆုံးစွန်သော ယုတ်မာမှုနှင့်အတူ ကြက်သီးထဖွယ် ခံစားချက်ကို ပေးစွမ်းနေသည်။</p> <p style="text-align:justify">ထိုမိစ္ဆာ၏ ပုံသဏ္ဌာန် ခိုင်မာသွားသည့် အခိုက်အတန့်တွင် ဆာလ်၏ စွမ်းအင်အရှိန်အဝါမှာ အမြင့်ဆုံး အထွတ်အထိပ်သို့ ရောက်ရှိသွားတော့သည်။ </p> <p style="text-align:justify">ထိုခဏမှာပင် မည်သည့်အရပ်မှလာမှန်းမသိသော ဖော်ပြ၍မရသည့် စွမ်းအားတစ်ခုသည် ဆာလ်၏ ခန္ဓာကိုယ်အတွင်းသို့ စီးဝင်သွားသကဲ့သို့ ဖြစ်သွားသည်။ </p> <p style="text-align:justify">ဤစွမ်းအားသည် ဆာလ်၏ ကိုယ်ပိုင်စွမ်းအားများနှင့် ပေါင်းစပ်သွားကာ အရှိန်အဟုန်ဖြင့် ပြန့်ကားလာပြီး အရည်အသွေးပိုင်းဆိုင်ရာ အပြောင်းအလဲတစ်ခုကို ဖြစ်ပေါ်စေလျက် စစ်တလင်းတစ်ခုလုံးကို တိုက်ရိုက် လွှမ်းမိုးချုပ်ကိုင်သွားတော့သည်။</p> <p style="text-align:justify">စစ်တလင်းအတွင်းရှိ လူတိုင်းသည် တစ်ခဏချင်းမှာပင် မယုံနိုင်လောက်အောင် ပြင်းထန်လှသော ဖိအားကြီးတစ်ခုကို ခံစားလိုက်ရလေသည်။ </p> <p style="text-align:justify">ဧရာမ မမြင်နိုင်သော ကြိတ်ဆုံကျောက်ကြီးတစ်ခုသည် ဟင်းလင်းပြင်တစ်ခွင် ရုတ်တရက် ပြည့်နှက်သွားသည်။ သူတို့အားလုံး အသက်ရှူရန်ပင် ခက်ခဲပြီး မွန်းကျပ်လာကြရသည်။ </p> <p style="text-align:justify">တဟုန်ထိုး လည်ပတ်နေသော နက်ဗျူလာမုန်တိုင်းကြီးပင်လျှင် နေရာမှာပင် အေးခဲသွားတော့သည်။ ပွင့်ထွက်နေသော ဟင်းလင်းပြင်မှာလည်း ဆက်လက်၍ ပွင့်ထွက်ခြင်း မရှိတော့သကဲ့သို့ အက်ကွဲကြောင်းကြီးမှာလည်း ပြန့်ကားမလာတော့ဘဲ ထိုအတိုင်း ရပ်တန့်နေတော့သည်။</p> <p style="text-align:justify">ဤဖော်ပြရန် ခက်ခဲလှသော ကြောက်မက်ဖွယ် ဖိအားအောက်တွင် ဤဟင်းလင်းပြင်၏ အချိန်ကာလမှာပင် ရပ်တန့်သွားသကဲ့သို့ ရှိနေတော့သည်။ </p> <p style="text-align:justify">အစွမ်းကုန် ဆွဲဆန့်ခံထားရသည့်အလားပင်။ ရှိနေသူအားလုံး၏ နှလုံးသားထဲတွင် ကြီးမားလှသော အံ့ဩတုန်လှုပ်မှုကြီးတစ်ခု အလျင်အမြန် ပေါ်ပေါက်လာတော့သည်။ သူတို့၏ စိတ်အာရုံများမှာ နှေးကွေးသွားသကဲ့သို့ ခံစားနေရသော်လည်း အတွေးတစ်ခုကမူ တစ်စစနှင့် ကြီးမားလာနေသည်။</p> <p style="text-align:justify">***<br />  </p>


Save