Book List

<h2 style="text-align: center;">အခန်း (၆၈၈)</h2> <h2 style="text-align: center;">အင်အားကြီး လျှို့ဝှက်ပုဂ္ဂိုလ်</h2> <h2 style="text-align: center;">*</h2> <p> </p> <p> </p> <p>~ဝူကျိနယ်မြေ၊ ကျန်းမိသားစု။</p> <p> </p> <p>ခမ်းနားထည်ဝါလှသော နန်းတော်ကြီး၏ အထက် ကောင်းကင်ယံတွင် မူလက ကြည်လင်နေသော ကောင်းကင်ပြာကြီးမှာ ယူဇနာပေါင်းများစွာအထိ အဆုံးအစမဲ့ ကျယ်ပြန့်နေခဲ့၏။</p> <p> </p> <p> </p> <p> </p> <p>သို့သော် ထိုအခိုက်အတန့်၌ ဘယ်ကမှန်းမသိသော တိမ်တိုက်မည်းကြီး တစ်ခုမှာ ရုတ်ချည်း ထွက်ပေါ်လာပြီး ပတ်ဝန်းကျင် တစ်ခုလုံးကို အေးစက်ခြောက်ခြားဖွယ် အငွေ့အသက်များဖြင့် လွှမ်းမိုးလိုက်လေတော့သည်။</p> <p> </p> <p>တိတ်ဆိတ်ငြိမ်သက်နေသော နန်းတော်ကြီးအတွင်းမှ ပြင်းထန်သော အရှိန်အဝါ ဒါဇင်ပေါင်းများစွာသည် ကောင်းကင်ယံသို့ တဟုန်ထိုး ထိုးတက်သွားကြပြီး ထိုတိမ်တိုက်မည်းကြီးနှင့် .. ထိပ်တိုက်တွေ့ဆုံကြတော့၏။</p> <p> </p> <p>"ဘုန်း..."</p> <p> </p> <p>"ဝီ... ဝီ..."</p> <p> </p> <p>ထိုထိပ်တိုက်တွေ့ဆုံမှုကြောင့် နားကွဲမတတ် ကျယ်လောင်သော ပေါက်ကွဲသံကြီး ထွက်ပေါ်လာပြီး လေဟာနယ် တစ်ခုလုံးမှာလည်း မျက်စိဖြင့် မြင်နိုင်သော အရှိန်အဟုန်ဖြင့် ပြိုကွဲပျက်စီးသွားသည်။</p> <p> </p> <p> </p> <p>ကြည်လင်နေသော ကောင်းကင်ပြာကြီးမှာ မျက်တောင်တစ်ခတ်အတွင်း မှောင်မိုက်ညို့မှိုင်းသွားခဲ့ရပြီ ဖြစ်၏။ ဖျက်ဆီးခြင်း အငွေ့အသက်များမှာ အရပ်မျက်နှာ အသီးသီးသို့ လိမ့်ဆင်းသွားကြပြီး ဝိညာဉ်ကိုပင် တုန်လှုပ်စေသော အဟုန်ကြီးမှာ ပြင်းထန်လှသည်။</p> <p> </p> <p>ရုတ်တရက် ပေါ်ပေါက်လာသော  အခြေအနေကြောင့် ကျန်းမိသားစုဝင်များ အားလုံး ထိတ်လန့်တုန်လှုပ်ကုန်ကြ၏။ နန်းတော်ဆောင်များအတွင်းမှ ကျန်းမိသားစုဝင် ပညာရှင်များမှာ တစ်ယောက်ပြီးတစ်ယောက် ထွက်လာကြပြီး ကောင်းကင်ယံသို့ တုန်လှုပ်ခြောက်ခြားစွာဖြင့် မော့ကြည့်နေကြတော့သည်။</p> <p> </p> <p>ကျန်းထျန်းရွှမ်းမှာ လေးနက်တည်ကြည်သော မျက်နှာထားဖြင့် အသည်းအသန် အော်ဟစ်လိုက်လေ၏။</p> <p> </p> <p> </p> <p> </p> <p> </p> <p>"အားလုံး မလန့်ကြနဲ့ဦး... မိသားစုခေါင်းဆောင်နဲ့ အကြီးအကဲတွေ ကိုယ်တိုင် လှုပ်ရှားနေပြီ"</p> <p> </p> <p>"ဝှစ်... ဝှစ်... ဝှစ်..."</p> <p> </p> <p>လေဟာနယ်ကို ဖြတ်သန်းကာ ကျန်းဝူဟန်၊ ကျန်းထျန်းယွင်နှင့် အကြီးအကဲ ကျန်းဝူဖုန်းတို့မှာ နန်းတော်ထက်သို့ ရောက်ရှိလာကြသည်။ သူတို့၏ မျက်နှာပေါ်တွင် အစွန်းရောက်သော တင်းမာမှုများ အထင်းသား ပေါ်လွင်နေ၏။ ဤတိမ်တိုက်မည်းကြီးမှာ ကျန်းမိသားစုအတွက် ကြီးမားလှသော ခြိမ်းခြောက်မှုကြီး ဖြစ်နေကြောင်း သူတို့ ရိပ်မိနေကြပြီ မဟုတ်ပါလော။</p> <p> </p> <p>"ဟင်... မိသားစုခေါင်းဆောင်ဟောင်း ကိုယ်တိုင် ထွက်လာတာလား"</p> <p>ကျန်းမိသားစုဝင်များ၏ ရင်ထဲတွင် ထိတ်လန့်မှု လှိုင်းတံပိုးတို့က ဒလဟော ရိုက်ခတ်သွားသည်။</p> <p> </p> <p> </p> <p> ကျန်းမိသားစု၏ အထွတ်အထိပ် ပုဂ္ဂိုလ်ကြီး ဖြစ်သော ကျန်းဝူဟန်ကိုပင် တုန်လှုပ်သွားစေနိုင်သည့် ဤအရာမှာ မည်မျှ အစွမ်းထက်လိမ့်မည်နည်းဟု သူတို့ တွေးတောမိရင်း ကျောချမ်းနေကြရ၏။</p> <p> </p> <p>ကျန်းဝူဟန်က သူ၏ အိုမင်းရင့်ရော်နေသော မျက်နှာထားကို တင်းတင်းထားကာ ကောင်းကင်သို့ မော့ကြည့်ရင်း မေးလိုက်၏။</p> <p>"မိတ်ဆွေက ဘယ်သူလဲဆိုတာ သိပါရစေ... ငါတို့ ကျန်းမိသားစုကို ဘာကြောင့်များ အခုလို လာပြီး တိုက်ခိုက်ရတာလဲ"</p> <p> </p> <p>"ဝီ... ဝီ..."</p> <p> </p> <p>ထိုလျှို့ဝှက်ဆန်းကြယ်သော တိမ်တိုက်မည်းကြီးထံမှ မည်သည့် တုံ့ပြန်မှုမျှ ထွက်မလာခဲ့ချေ။ သို့သော် ကောင်းကင်နှင့် မြေကြီးကိုပင် ဖျက်ဆီးပစ်နိုင်လောက်သော စွမ်းအင်ကြီးမှာမူ ပေါက်ကွဲထွက်လာတော့သည်။ လေဟာနယ် တစ်ခုလုံး ပြင်းထန်စွာ တုန်ခါသွားရာ ထိုတုန်ခါမှုကြီးမှာ ဝူကျိနယ်မြေ တစ်ခုလုံးသို့ ပျံ့နှံ့သွားသည့်အလားပင်။</p> <p> </p> <p>ဝူကျိနယ်မြေအတွင်းရှိ မရေမတွက်နိုင်သော အင်အားစုများနှင့် ကျင့်ကြံသူများမှာ အစွန်းရောက်အောင် ထိတ်လန့်သွားကြရ၏။ တစ်နယ်မြေလုံး ဆူညံပွက်လောရိုက်သွားရခြင်း ဖြစ်၏။</p> <p> </p> <p>"အားလုံး သတိထားကြစမ်း... သူ့ရဲ့ ကျင့်ကြံခြင်း အဆင့်က တကယ့်ကို နက်နဲလွန်းတယ်"</p> <p>ကျန်းထျန်းယွင်က တည်ကြည်လေးနက်သော လေသံဖြင့် သတိပေးလိုက်သည်။</p> <p> </p> <p>ကျန်းဝူဟန်နှင့် အခြားသော ကျန်းမိသားစု ပညာရှင် ဒါဇင်ပေါင်းများစွာမှာ သူတို့၏ အစစ်အမှန်ယွမ်များကို အစွမ်းကုန် လှုံ့ဆော်လိုက်ကြတော့၏။</p> <p> </p> <p> </p> <p> </p> <p> </p> <p> </p> <p>နတ်ဘုရားအသွင်ပြောင်းဘုံနှင့် ထျန်းကျီဘုံတို့၏ ပြင်းထန်လှသော အရှိန်အဝါများမှာ ရူးသွပ်စွာ လှည့်ပတ်သွားကြပြီး ကောင်းကင်ယံသို့ ထိုးတက်သွားကြသည်။ ဤရန်သူသည် မည်သူမှန်း မသိသော်လည်း ကျန်းမိသားစု၏ 'ရန်သူ' ဖြစ်နေသည်မှာတော့ သေချာလှ၏။</p> <p> </p> <p>ကောင်းကင်ယံရှိ တိမ်တိုက်မည်းကြီးမှာ ပေသောင်းချီ ကြီးမားလှသော ဧရာမ လက်သည်းကြီး တစ်ခုအဖြစ်သို့ ပြောင်းလဲသွားပြီး၊ အသက်ရှူပင် ရပ်တန့်သွားစေလောက်သော စွမ်းအင်များ ပြည့်နှက်နေတော့သည်။ ထိုလက်သည်းကြီးကို မြင်လိုက်ရသောအခါ ကျန်းမိသားစုဝင်များမှာ သွေးပျက်မတတ် ကြောက်လန့်သွားကြရ၏။</p> <p> </p> <p>"နတ်ဘုရားအသွင်ပြောင်းဘုံ ဆဋ္ဌမအလွှာ ပါလား"</p> <p>ကျန်းဝူဟန်က တုန်ရီနေသော လေသံဖြင့် မှတ်ချက်ချလိုက်သည်။ သူကိုယ်တိုင်မှာ နတ်ဘုရားအသွင်ပြောင်းဘုံ စတုတ္ထအလွှာ၌သာ ရှိနေ၏။ နှစ်ပေါင်းများစွာ တံခါးပိတ်ကျင့်ကြံသော်လည်း ပဉ္စမအလွှာသို့ပင် မတက်လှမ်းနိုင်သေးသူ ဖြစ်သည်။</p> <p> </p> <p>ကျန်းထျန်းယွင်ကလည်း စိုးရိမ်တကြီးဖြင့် ဝင်ရောက် ပြောဆိုလိုက်၏။</p> <p>"ဒီလူရဲ့ ခွန်အားက... 'နတ်ဘုရားငယ်' နဲ့တောင် ရင်ပေါင်တန်းနိုင်မယ့် အနေအထားမှာ ရှိနေတာ။ အစွန်းရောက်အောင် သတိထားမှ ဖြစ်မယ်"</p> <p> </p> <p>ထိုဧရာမ လက်သည်းမည်းကြီးသည် ဖျက်ဆီးခြင်း အငွေ့အသက်များနှင့်အတူ အောက်သို့ အရှိန်ပြင်းပြင်းဖြင့် ဖိချလိုက်သည်။ ဤအဟုန်မှာ ကျန်းဝူဟန်နှင့် အခြားသူများကိုပါ တစ်ခါတည်း မျိုးဖြုတ်ပစ်တော့မည့်အလားပင်။</p> <p> </p> <p>"မိသားစုခေါင်းဆောင်... ဒီစွမ်းအားက အရမ်းကြီးလွန်းတယ်။ ကျုပ်တို့ ထိပ်တိုက်ရင်ဆိုင်လို့ မဖြစ်ဘူး"</p> <p>ထျန်းကျီဘုံ ဆဋ္ဌမအလွှာရှိ အကြီးအကဲ တစ်ဦးမှာ မျက်နှာ တစ်ခုလုံး သွေးဆုတ်ဖြူရော်သွားကာ အော်ဟစ်လိုက်၏။</p> <p> </p> <p>"ပုန်းချင်ရင်လည်း ပုန်းလို့ရပါတယ်ကွာ... ငါကတော့ ခွင့်ပြုထားတယ်"</p> <p>တိမ်တိုက်မည်းကြီးအတွင်းမှ မိစ္ဆာဆန်သော လှောင်ရယ်သံကြီး ထွက်ပေါ်လာလေ၏။ ထိုအသံမှာ ကျောချမ်းဖွယ် ကောင်းလှသည်။</p> <p> </p> <p>ထိုလက်သည်းကြီးမှာ အကြင်နာ ကင်းမဲ့စွာဖြင့် ကျဆင်းလာ၏။ အကယ်၍ ကျန်းဝူဟန်တို့သာ ရှောင်တိမ်းလိုက်မည်ဆိုပါက သူတို့၏ အောက်ဘက်ရှိ ကျန်းမိသားစု၏ နန်းတော်ကြီးမှာ မျက်တောင်တစ်ခတ်အတွင်း ပြာအဖြစ်သို့ ပြောင်းလဲသွားမည်မှာ မြေကြီးလက်ခတ်မလွဲပင်။</p> <p> </p> <p>"အားလုံး အသေခံပြီး တိုက်ကြစမ်း"</p> <p>ကျန်းဝူဟန်က အံကိုတင်းတင်းကြိတ်ကာ အမိန့်ပေးလိုက်သည်။ သူ၏ ရင်ထဲတွင်မူ ကြီးမားလှသော ခြိမ်းခြောက်မှုနှင့်အတူ အားကိုးရာမဲ့မှုကိုပါ ခံစားနေရ၏။ ဤရန်သူ၏ ခွန်အားမှာ ယင်ယန်မိသားစုမှ သခင်လေး စီမင်နှင့်ပင် နှိုင်းယှဉ်နိုင်လောက်၏။</p> <p> </p> <p>ကျန်းမိသားစုဝင်များမှာ သူတို့၏ အစွမ်းအထက်ဆုံးသော အင်မော်တယ်လက်နက်များနှင့် ချပ်ဝတ်များကို အသီးသီး ထုတ်ဖော်လိုက်ကြတော့၏။ ကျန်းဝူဟန်နှင့် အခြားသူများ၏ အရှိန်အဝါမှာ တဟုန်ထိုး မြင့်တက်လာပြီး အင်အားကြီး စစ်အင်အားကြီး တစ်ခုအဖြစ် ပုံပေါ်လာသည်။ ကျန်းမိသားစု၏ ဤစွမ်းအားမှာ မည်သူ့ကိုမဆို တုန်လှုပ်သွားစေရန် လုံလောက်၏။</p> <p> </p> <p>"မြေကမ္ဘာအဆင့် အမြင့်ဆုံး သိုင်းကွက်... ကောင်းကင်သတ် သွေးဓားသွား"</p> <p> </p> <p>"မြေကမ္ဘာအဆင့် အမြင့်ဆုံး သိုင်းကွက်... ကောင်းကင်ခွဲ ဓားကိုးစင်း"</p> <p> </p> <p>"မြေကမ္ဘာအဆင့် အမြင့်ဆုံး သိုင်းကွက်... ကမ္ဘာပျက် တစ္ဆေလက်ဝါး"</p> <p> </p> <p>"..."</p> <p> </p> <p>ကျန်းဝူဟန်နှင့် ကျန်းမိသားစု အကြီးအကဲများ အားလုံးသည် သူတို့၏ အစွမ်းကုန် ခွန်အားများကို အသုံးပြုကာ သိုင်းကွက်များကို ထုတ်ဖော်လိုက်ကြသည်။ အင်မော်တယ်လက်နက်များ၏ ကူညီမှုကြောင့် ကြောက်မက်ဖွယ် စွမ်းအင်လှိုင်းများမှာ ရူးသွပ်စွာ ရိုက်ခတ်သွားတော့၏။</p> <p> </p> <p>"ဝှစ်... ဝှစ်... ဝှစ်..."</p> <p> </p> <p>"ဝီ... ဝီ..."</p> <p> </p> <p>ကောင်းကင်နှင့် မြေကြီးကို ဖျက်ဆီးပစ်နိုင်လောက်သော သိုင်းကွက် ဒါဇင်ပေါင်းများစွာသည် လေကိုခွင်းသော အသံကြီးများနှင့်အတူ ကောင်းကင်ယံသို့ ထိုးတက်သွားကြရာ ဝူကျိနယ်မြေ တစ်ခုလုံး သိမ့်သိမ့်တုန်သွားရ၏။ သို့ဖြစ်သော်ငြားလည်း ကျန်းဝူဟန်ကဲ့သို့သော ထိပ်တန်းပညာရှင် ဒါဇင်ပေါင်းများစွာသည် နတ်ဘုရားအသွင်ပြောင်းဘုံ ဆဋ္ဌမအလွှာရှိ ပညာရှင် တစ်ဦးကို အနိုင်ယူနိုင်ရန်မှာ လုံးဝ မလွယ်ကူလှချေ။</p> <p> </p> <p>"ကျန်းမိသားစု ဘက်ကနေ... နတ်ဘုရားအသွင်ပြောင်းဘုံ ရဲ့ အရှိန်အဝါတွေ ထွက်နေတာပဲ"</p> <p>ကောင်းကင်လမ်းစဉ်ဂိုဏ်း၏ ဂိုဏ်းချုပ်မှာ ထိတ်လန့်တုန်လှုပ်စွာဖြင့် ကျန်းမိသားစုရှိရာ ဆီသို့ လှမ်းကြည့်နေမိသည်။</p> <p> </p> <p>"နတ်ဘုရားအသွင်ပြောင်းဘုံ ဆဋ္ဌမအလွှာ တဲ့လား... ဒီယုတ်မာတဲ့ စွမ်းအားတွေက ဘာလဲ။ ကျန်းမိသားစုမှာ တစ်ခုခု ဖြစ်နေပြီလား"</p> <p>လင်မိုယန်မှာလည်း အလန့်တကြား မှတ်ချက်ချလိုက်သည်။ လေလံရုံမှ ထိပ်ပိုင်းခေါင်းဆောင်များ အားလုံးလည်း ထိုင်မရ ထမရ ဖြစ်ကုန်ကြတော့၏။</p> <p> </p> <p>"ပြဿနာကြီးတော့မယ်"</p> <p>နဂါးနတ်ဘုရားနန်းတော်၌ ဟန်ခွန်းမှာ ကျန်းမိသားစုရှိရာ ဆီသို့ လေးနက်သော မျက်နှာထားဖြင့် လှမ်းကြည့်နေမိ၏။ ထိုယုတ်မာသော စွမ်းအားများမှာ နဂါးနတ်ဘုရားနန်းတော်အထိပင် ရိုက်ခတ်လာခဲ့ပြီ မဟုတ်ပါလော။</p> <p> </p> <p>"ဘုန်း... ဘုန်း... ဘုန်း..."</p> <p> </p> <p>"ဝေါ့... ဝေါ့... ဝေါ့..."</p> <p> </p> <p>ဖျက်ဆီးခြင်း သိုင်းကွက် ဒါဇင်ပေါင်းများစွာသည် ထိုလက်သည်းမည်းကြီးနှင့် ပြင်းထန်စွာ ထိပ်တိုက်တွေ့ဆုံကာ ပေါက်ကွဲသွားကြ၏။ ပေါက်ကွဲသံကြီးမှာ ဝူကျိနယ်မြေ တစ်ခုလုံးကို ပဲ့တင်ထပ်သွားစေပြီး၊ ထွက်ပေါ်လာသော စွမ်းအင်ဂယက်များကြောင့် ကျန်းဝူဟန်နှင့် အခြားသူများ အားလုံး သွေးများ အန်ကျကာ နောက်သို့ လွင့်ထွက်ကုန်ကြတော့၏။</p> <p> </p> <p>"ဝီ... ဝီ..."</p> <p> </p> <p>ဖျက်ဆီးခြင်း စွမ်းအင်လှိုင်းများမှာ ပေသောင်းချီသော လေဟာနယ် တစ်ခုလုံးကို ဖုံးလွှမ်းသွားပြီး ကမ္ဘာပျက်တော့မည့်အလား ပြင်းထန်စွာ တုန်လှုပ်နေတော့သည်။ ထျန်းကျီဘုံ ပညာရှင် ဒါဇင်ကျော်မှာ ကောင်းကင်ယံမှနေ၍ ကျီးကန်းတောင်မှောက် ကျဆင်းလာကြပြီး ချက်ချင်းပင် သတိလစ်သွားကြလေသည်။</p> <p> </p> <p>ကျန်းဝူဟန်နှင့် ကျန်းထျန်းယွင်တို့ကဲ့သို့ နတ်ဘုရားအသွင်ပြောင်းဘုံ ပညာရှင်များပင်လျှင် အပြင်းအထန် ဒဏ်ရာရသွားရလေပြီ။</p> <p> </p> <p> </p> <p> </p> <p>ကျန်းဝူဟန်မှာ အဆင့် (၄) တွင် ရှိနေပြီး အင်မော်တယ်လက်နက်ကြောင့် အဆင့် (၅) ထက်ပင် ပို၍ အစွမ်းထက်သော်လည်း... ဆဋ္ဌမအလွှာရှိ ပညာရှင် တစ်ဦးကိုမူ ဘယ်လိုမှ မယှဉ်နိုင်ခဲ့ချေ။</p> <p> </p> <p>တစ်ချက်တည်းနှင့်ပင်... အင်အားကြီးလှသော ကျန်းမိသားစုမှာ ပြိုလဲသွားခဲ့ရ၏။</p> <p> </p> <p>"ဘိုးဘိုး..."</p> <p> </p> <p>"မိသားစုခေါင်းဆောင်..."</p> <p> </p> <p>ထိုမြင်ကွင်းကြောင့် ကျန်းမိသားစု တစ်ခုလုံး ကသောင်းကနင်း ဖြစ်ကုန်၏။ အစွန်းရောက်သော အကြောက်တရားနှင့်အတူ မျှော်လင့်ချက် ကင်းမဲ့မှုများက နေရာအနှံ့ ရိုက်ခတ်သွားတော့သည်။ မျက်တောင်တစ်ခတ်အတွင်းမှာပင် အစွမ်းထက်လှသော ပညာရှင်များ အားလုံး အရေးနိမ့်သွားရခြင်းက တကယ့်ကို ထိတ်လန့်ဖွယ်ရာပင်။</p> <p> </p> <p>"ကျန်းမိသားစု ဆိုတာလည်း... ဒီလောက်ပဲ ရှိတာကိုး"</p> <p>တိမ်တိုက်မည်းကြီးအတွင်းမှ အေးစက်စက် လှောင်ပြုံးသံနှင့်အတူ မထီမဲ့မြင် ပြုသော စကားသံ ထွက်ပေါ်လာလေသည်။</p> <p> </p> <p>ကျန်းဝူဟန်၏ မျက်နှာမှာ ဖြူလျော့နေပြီး သူက ကောင်းကင်သို့ စိုက်ကြည့်ကာ လေးနက်သော အသံဖြင့် မေးလိုက်၏။</p> <p> </p> <p> </p> <p>"မင်းက တကယ်တမ်း ဘယ်သူလဲ။ ငါတို့ ကျန်းမိသားစုက မင်းနဲ့ ဘာရန်ငြိုးမှ မရှိပါဘဲ... ဘာလို့ ဒီလောက်အထိ ရက်စက်ရတာလဲ"</p> <p> </p> <p>"မင်းတို့ ကျန်းမိသားစုက... ကိုယ်နဲ့မဆိုင်တဲ့ ကိစ္စတွေမှာ ဝင်ဝင်ပါနေလို့ပဲ။ အဲဒါက သေတွင်းကို ကိုယ်တိုင်တူးနေတာနဲ့ အတူတူပဲကွ"</p> <p>အေးစက်လှသော စကားသံက တိမ်တိုက်မည်းကြီးအတွင်းမှ ပြန်လည် ထွက်ပေါ်လာ၏။</p> <p> </p> <p>"မဆိုင်တဲ့ ကိစ္စမှာ ဝင်ပါတယ် ဟုတ်လား... ဒီအဘိုးကြီးကတော့ ဘာကို ဆိုလိုတာလဲဆိုတာ လုံးဝ မသိဘူး"</p> <p> </p> <p> </p> <p>ကျန်းဝူဟန်က ဒေါသတကြီးဖြင့် ပြန်လည် တုံ့ပြန်လိုက်သည်။ သူသည် ဤလျှို့ဝှက်ပုဂ္ဂိုလ်ကို တစ်ခါမျှ မတွေ့ဖူးသည်မှာ သေချာလှပေ၏။</p> <p> </p> <p>"မင်း သိနေဖို့ မလိုပါဘူး။ မင်း သိထားရမှာက... ဒီနေ့ကစပြီး ဘာကိစ္စမှာမှ ဝင်မပါနဲ့တော့။ အကယ်၍ မင်းတို့ဘက်ကသာ ဆက်ပြီး ဝင်ပါဦးမယ် ဆိုရင်တော့... ကျန်းမိသားစု တစ်ခုလုံး မျိုးပြုတ်သွားမယ့် အကျိုးဆက်ကို ခံစားရလိမ့်မယ်"</p> <p> </p> <p> </p> <p>တိမ်တိုက်မည်းကြီးအတွင်းမှ ခြိမ်းခြောက်သံကြီး ထွက်ပေါ်လာပြီးနောက် ထိုအငွေ့အသက်များမှာ တဖြည်းဖြည်း လွင့်စင်ပျောက်ကွယ်သွားလေတော့သည်။</p> <p> </p> <p> </p>


Save