Book List

<h2 style="text-align: center;">အခန်း (၂၀၆၅)</h2> <h2 style="text-align: center;">သူ့ကံတရားက အတိုင်းအတာတွေ ကျော်လွန်နေပြီ</h2> <h2 style="text-align: center;">*</h2> <p> </p> <p> </p> <p>~"ဘယ်လိုလဲ ယဲ့ဖန်... တခြား နေရာတွေမှာ ပစ္စည်း ရခဲ့လား"</p> <p> </p> <p>ကျူးရှောင်ကျောင်းနှင့် အခြား နှစ်ဦးတို့သည် ပင်လယ်မျှော့များကို ပျော်ရွှင်စွာ ကောက်ယူနေဆဲပင်။ ယဲ့ဖန် ပြန်ရောက်လာသည်ကို မြင်သောအခါ၊ ကျူးရှောင်ကျောင်း ပထမဆုံး ရပ်တန့်ပြီး မေးလိုက်၏။</p> <p> </p> <p>ဟိုင်လင်းအာ လည်း စူးစမ်းချင်စိတ် ဖြစ်ပေါ်နေသည်။</p> <p> </p> <p>သို့သော် သူမက ဉာဏ်ကောင်းသူ ဖြစ်သဖြင့်၊ မမေးတာ ပိုကောင်းမယ် ဆိုတာ သိ၏။ မျက်လုံးထဲတွင် စူးစမ်းချင်စိတ်များ ပြည့်နှက်နေသော်လည်း၊ သူမ မမေးခဲ့ပေ။</p> <p> </p> <p>ဟိုင်ရှောင်ယောင် ကတော့ အများကြီး တွေးတတ်သူ လူတစ်ယောက် မဟုတ်ပါ လေ။ သူ အလိုအလျောက် ဝင်ပြောလိုက်၏။</p> <p> </p> <p>"ဒီလောက် ကြီးမားတဲ့ ပင်လယ်မျှော့ ဧရိယာကြီး တွေ့တာနဲ့တင် မာကျူ ရဲ့ ကောင်းချီး ဖြစ်နေပါပြီ... ဒီနား တစ်ဝိုက်မှာ တခြား ပစ္စည်းကောင်းတွေ မရှိလောက်တော့ပါဘူး... ဟုတ်တယ် မလား၊ အစ်ကိုကြီး"</p> <p> </p> <p>ယဲ့ဖန် အများကြီး မပြောတော့ပေ။ ခြင်းတောင်းထဲမှ ကျောက်စိမ်းဖြူ ပင်လယ်မျှော့ တစ်ကောင်ကို ထုတ်ယူလိုက်ပြီး သူတို့ သုံးဦးအား ပြသလိုက်၏။</p> <p> </p> <p>"ငါတို့ ကံမဆိုးပါဘူး... ဟိုဘက်က ကျောက်ဆောင်ပုံ နောက်ကွယ်မှာ ဒါကို တွေ့ခဲ့တာ"</p> <p> </p> <p>"ဒါက..."</p> <p> </p> <p>ကျောက်စိမ်းဖြူကဲ့သို့ လှပသော ပင်လယ်မျှော့ဖြူကို မြင်လိုက်ရသောအခါ ဟိုင်ရှောင်ယောင် ပါးစပ် အဟောင်းသား ဖြစ်သွား၏။</p> <p> </p> <p>"ဘုရားရေ"</p> <p> </p> <p>ထို့နောက် သူ အသိပြန်ဝင်လာသည်။ လက်ထဲမှ ပင်လယ်မျှော့ကို လွှင့်ပစ်လိုက်ပြီး ယဲ့ဖန် ဆီသို့ အပြေးကလေး  ပြေးသွားကာ၊ ပင်လယ်မျှော့ဖြူကို သေချာ ကြည့်ရှု စစ်ဆေးလိုက်လေ၏။</p> <p> </p> <p>"ပင်လယ်မျှော့ဖြူ..."</p> <p> </p> <p>ဟိုင်လင်းအာနှင့် ကျူးရှောင်ကျောင်း တို့လည်း အမြန် ရောက်ရှိလာကြ၏။</p> <p> </p> <p>"ဒီ ပင်လယ်မျှော့က အရမ်း လှတာပဲ... ကျောက်စိမ်းဖြူ နဲ့ ထုဆစ်ထားသလိုပဲ"</p> <p> </p> <p>ကျူးရှောင်ကျောင်း က ဒီပင်လယ်မျှော့ကို မသိပေ။ လှသည် ဟုသာ တွေးတတ်၏။</p> <p> </p> <p>ဟိုင်လင်းအာ မျက်လုံးများ ပြူးကျယ်သွား၏။</p> <p> </p> <p>"ဒါက ပင်လယ်မျှော့တွေရဲ့ ဘုရင်... ကျောက်စိမ်းဖြူ ပင်လယ်မျှော့ ပဲ"</p> <p> </p> <p>"အစ်ကို ယဲ့ဖန်... အစ်ကို့ ကံတရားက တကယ် ပြိုင်ဘက်ကင်းပါပဲ"</p> <p> </p> <p>"ဒီလို ပင်လယ်မျှော့မျိုးက...အကောင် (၁၀၀,၀၀၀) မှာ တစ်ကောင်တောင် ရှိချင်မှ ရှိတာရှင့်...သမီးတို့ ရွာမှာ နှစ်နှစ် သုံးနှစ်နေမှ တစ်ကောင် တွေ့ရခဲတဲ့ အရာကို... အစ်ကိုကြီးက တကယ် ရခဲ့တာပဲ"</p> <p> </p> <p>"ပြီးတော့ အစ်ကို့ရဲ့ ကျောက်စိမ်းဖြူ ပင်လယ်မျှော့က တော်တော် ကြီးတယ်... ရောင်းမယ် ဆိုရင်... အနည်းဆုံး တစ်သိန်းလောက်တော့ ရနိုင်တယ်နော်"</p> <p> </p> <p>သူမ စကားကို ကြားမှ ကျူးရှောင်ကျောင်း တုံ့ပြန်နိုင်တော့၏။</p> <p> </p> <p>"ဒီအရာက အဲ့ဒီလောက် တန်ဖိုးကြီးတာလား"</p> <p> </p> <p>သူမ မေးခွန်းကို ဟိုင်လင်းအာ အမြန် ခေါင်းညိတ်လိုက်၏။</p> <p> </p> <p>"ပြီးခဲ့တဲ့ တစ်ခေါက် ရွာက လူတစ်ယောက် တွေ့တုန်းက... ဒီဟာထက် နည်းနည်း သေးတယ်... သူ ဖုန်းခေါ်လိုက်တော့ အပြင်က ဟိုတယ် အကြီးကြီး တစ်ခုက ရဟတ်ယာဉ် ငှားပြီး ညချင်းပေါက် လာယူသွားတာ... ယွမ် တစ်သိန်း ပေးသွားတယ်"</p> <p> </p> <p>"ဒီအရာက အဆင့်မြင့် စားသောက်ဆိုင် တချို့မှာ... အထူးသဖြင့် ရှန်ကျန်း မြို့ က ဆိုင်တွေမှာ အရမ်း လူကြိုက်များတယ် လို့ ကြားတယ်"</p> <p> </p> <p>"ပြီးခဲ့တဲ့ တစ်ခေါက် ဟိုတယ် ပိုင်ရှင် ပြန်သွားတုန်းက... ညီမတို့ ရွာကို ဆက်သွယ်ရန် ဖုန်းနံပါတ် သီးသန့် ပေးခဲ့တယ်... နောက်တစ်ခါ ဒီလိုမျိုး ထပ်တွေ့ရင် အချိန်မရွေး ဖုန်းဆက်ပါ တဲ့... သူ ဈေးကြီးပေးပြီး လာဝယ်ပါ့မယ် တဲ့"</p> <p> </p> <p>ဟိုင်ရှောင်ယောင် လေးစားအားကျမှုများ ပြည့်နှက်နေလေသည်။</p> <p> </p> <p>"အစ်ကိုကြီး ယဲ့ဖန်... ဒီလို ကျောက်စိမ်းဖြူ ပင်လယ်မျှော့မျိုး တွေ့တာ... အစ်ကိုကြီး ချမ်းသာပြီ"</p> <p> </p> <p>"ဒီ ပင်လယ်မျှော့က အရသာ ရှိတဲ့ မုန့်တွေ၊ အရုပ်တွေ အများကြီးနဲ့ လဲလို့ ရတယ်"</p> <p> </p> <p>ယဲ့ဖန် ခြင်းတောင်းထဲမှ နောက်ထပ် ကျောက်စိမ်းဖြူ ပင်လယ်မျှော့ တစ်ကောင်ကို ထပ်မံ ထုတ်ယူလိုက်ပြီး ပြုံးလိုက်၏။</p> <p> </p> <p>"တကယ်တော့ တစ်ကောင်တည်း မဟုတ်ပါဘူး... ကျောက်စိမ်းဖြူ ပင်လယ်မျှော့ နှစ်ကောင် တွေ့ခဲ့တာ"</p> <p> </p> <p>"ဘုရားရေ"</p> <p> </p> <p>ဒါကို ကြားလိုက်ရသောအခါ ဟိုင်ရှောင်ယောင်နှင့် ဟိုင်လင်းအာ တို့၏ မေးရိုးများ ပြုတ်ကျလုနီးပါး ဖြစ်သွားသည်။</p> <p> </p> <p>‘ဒါက ကျောက်စိမ်းဖြူ ပင်လယ်မျှော့လေ။</p> <p> </p> <p>ဒီကျွန်းငယ်လေး ပေါ်မှာ ပုံမှန် အားဖြင့် နှစ်နှစ် သုံးနှစ်နေမှ တစ်ကောင် ရှာတွေ့ဖို့ ခက်ခဲတာ။</p> <p> </p> <p>ဒါပေမဲ့ အခု အစ်ကိုကြီး ယဲ့ဖန် က နှစ်ကောင်တောင် လွယ်လွယ်ကူကူ ရှာတွေ့ခဲ့သည်လား။’</p> <p> </p> <p>ခဏတာ မှင်သက်သွားပြီးနောက်၊ ဟိုင်လင်းအာ နောက်ဆုံးတော့ အသိပြန်ဝင်လာပြီး အမြန် ပြောလိုက်၏။</p> <p> </p> <p>"အစ်ကို ယဲ့ဖန်... စားသောက်ဆိုင် ပိုင်ရှင်ရဲ့ ဖုန်းနံပါတ် ရှာပေးရမလားဟင်"</p> <p> </p> <p>"အစ်ကို့ရဲ့ ကျောက်စိမ်းဖြူ ပင်လယ်မျှော့ နှစ်ကောင်က အရမ်း ကြီးပြီး လှတယ်... သူ့ကို ရောင်းလိုက်ရင်... အနည်းဆုံး သုံးသိန်းလောက်တော့ ရမယ် လို့ ခန့်မှန်းရပါတယ်"</p> <p> </p> <p>ယဲ့ဖန် ကျူးရှောင်ကျောင်း၏ စိတ်အားထက်သန်ပြီး စူးစမ်းလိုစိတ် ပြင်းပြနေသော မျက်လုံးများကို တစ်ချက် ကြည့်လိုက်ပြီး၊ ပြုံးကာ ခေါင်းခါလိုက်၏။</p> <p> </p> <p>"အစ်ကိုကြီးက ဘာလို့ ရောင်းရမှာလဲ"</p> <p> </p> <p>"အစ်ကိုကြီးတို့က အဲ့ဒီ ပိုက်ဆံလောက်ကို မက်မောနေတာမှ မဟုတ်တာ... ပြန်ယူသွားပြီး အရသာ ခံကြည့်ကြတာပေါ့"</p> <p> </p> <p>မျှော်လင့်ထားသည့် အတိုင်းပင်၊ ကျူးရှောင်ကျောင်း ချက်ချင်း ခေါင်းညိတ် သဘောတူလိုက်၏။</p> <p> </p> <p>"ကျွန်မ ပင်လယ်မျှော့တွေ အများကြီး စားဖူးပေမဲ့... ကျောက်စိမ်းဖြူ ပင်လယ်မျှော့ရဲ့ အရသာကို မမြည်းစမ်းဖူးသေးဘူး"</p> <p> </p> <p>"နောက်ကျရင် မြည်းစမ်းကြည့်ရမယ်"</p> <p> </p> <p>ဒါကို မြင်တော့ ဟိုင်လင်းအာ ဝင်မပြောတော့ပေ။ သူမ ခဏတာ စဉ်းစားလိုက်ပြီး ပြောလိုက်၏။</p> <p> </p> <p>"နောက်ကျရင် ပြန်ရောက်တဲ့ အခါ... ဒါကို ဘယ်လို အရသာ ရှိအောင် ချက်ရမလဲ ဆိုတာ ရွာထဲက လူကြီးတွေကို မေးကြည့်ပေးပါ့မယ်နော်"</p> <p> </p> <p>ယဲ့ဖန် ပြုံးလိုက်၏။ ပင်လယ်မျှော့များကို မြန်မြန် ကောက်ယူရန် အားလုံးကို မျက်ရိပ်ပြလိုက်ပြီး၊ ယန်ဝေနှင့် ဟိုင်လီ တို့ သင်တုန်းဓား ဂုံးဘုရင် တူးဆွနေကြသော ကမ်းခြေ ဘက်သို့ လျှောက်သွားလိုက်၏။</p> <p> </p> <p>ဒီနေ့ ထိုဇနီးမောင်နှံကို လှည့်စားခြင်း အစီအစဉ်၏ နောက်ဆုံး အပိုင်းကို လုပ်ဆောင်ရန် ပြင်ဆင်လိုက်ခြင်း ဖြစ်လေသည်။</p> <p> </p> <p style="text-align: center;"> </p> <p style="text-align: center;">***</p>


Save