Book List

<h2 style="text-align: center;">အခန်း (၁၅၉၀)</h2> <h2 style="text-align: center;">အကောင်းဆုံး သစ္စာခံခြင်း လက်ဆောင်</h2> <h2 style="text-align: center;">*</h2> <p> </p> <p> </p> <p> </p> <p>လျှို့ဝှက်လဝန်းနန်းတော်က မလွှဲမရှောင်သာသော အပြစ်ပေးလာမည်ကို တွေးမိပြီး တိန့်ချင်းဖုန်း အလွန် ထိတ်လန့်သွား၏။ တိန့်ချင်းဖုန်းက</p> <p> </p> <p> “နတ်စွမ်းအားရှင်... ကျုပ်ကို ကယ်တင်ပေးပါဦး”</p> <p> </p> <p>စီကုန်းယုဖုန်းက မျက်နှာသေဖြင့်</p> <p> </p> <p>“ခင်ဗျားနဲ့ မိသားစုကြီးတွေ အသက်ရှင်ဖို့ တစ်ခုတည်းသော နည်းလမ်းက ချီယန်ဂိုဏ်းကို အကြွင်းမဲ့ သစ္စာခံဖို့ပဲ။”</p> <p> </p> <p>တိန့်ချင်းဖုန်းက</p> <p> “ဒါပေမဲ့ ချီယန်ဂိုဏ်းဘက်က အခုထိ ဘာမှ အကြောင်းမပြန်သေးဘူး ခင်ဗျ။”</p> <p> </p> <p>စီကုန်းယုဖုန်းက နှာခေါင်းရှုံ့လိုက်၏။</p> <p> </p> <p>ချီယန်ဂိုဏ်းထဲသို့ မည်သူမဆို ဝင်ရောက်နိုင်သည်ဟု သူ တကယ်ပဲ ထင်မှတ်နေတာလား။</p> <p> </p> <p>တိန့်ချင်းဖုန်း မှင်တက်သွားပြန်ပြီး</p> <p> </p> <p> “နတ်စွမ်းအားရှင်... ကျုပ်ကို လမ်းပြပေးပါဦး”</p> <p> </p> <p>စီကုန်းယုဖုန်းက တိုက်ရိုက်ပင်</p> <p>“ချီယန်ဂိုဏ်းထဲ ဝင်ချင်ရင် ခင်ဗျားရဲ့ တန်ဖိုးကို အရင် သက်သေပြရမယ်။”</p> <p> </p> <p>“လျှို့ဝှက်လဝန်းနန်းတော်က လာတဲ့ သံတမန်ဟာ ခင်ဗျားတို့ သစ္စာခံဖို့အတွက် အကောင်းဆုံး လက်ဆောင်ပဲ။”</p> <p> </p> <p>ဤအရာက...</p> <p> </p> <p>တိန့်ချင်းဖုန်း နှုတ်ဆိတ်သွား၏။</p> <p> </p> <p>ရောက်လာမည့်သူသည် လျှို့ဝှက်လဝန်းနန်းတော်၏ သာမန်တပည့်တစ်ဦးသာ ဖြစ်ခဲ့လျှင် သူတို့ လက်ရဲဇက်ရဲ ပြုမူဝံ့ပေလိမ့်မည်။ သို့သော် ယခုလာမည့်သူက နတ်ဘုရင်တစ်ပါး၏ တပည့်ရင်း ဖြစ်နေသည်။</p> <p> </p> <p>လျှို့ဝှက်လဝန်းနန်းတော်နှင့် စစ်မဖြစ်လိုသော ချီယန်ဂိုဏ်းက သူ့ကို အပြစ်ဖို့ရန် စတေးလိုက်မလားဆိုတာကို မည်သူမှ တပ်အပ်မပြောနိုင်ချေ။</p> <p> </p> <p>တိန့်ချင်းဖုန်း၏ အတွေးကို ရိပ်မိပုံရသော စီကုန်းယုဖုန်းက</p> <p> </p> <p> “ကောင်းကင်ဝံပုလွေမြို့မှာ ကျင့်ကြံနေတဲ့ သာမန်လူသားတွေဟာ လျှို့ဝှက်လဝန်း နန်းတော်သခင်ရဲ့ တပည့်ရင်းကို ယှဉ်နိုင်မယ်လို့ ခင်ဗျား တကယ်ပဲ ထင်နေတာလား။”</p> <p> </p> <p>“ခင်ဗျားတို့ဘက်က အဲဒီလူ ဘယ်မှာလဲဆိုတာပဲ ရှာပေးဖို့ လိုတယ်။ ကျန်တာကို ချီယန်ဂိုဏ်းက တာဝန်ယူလိမ့်မယ်။ ဂိုဏ်းထဲဝင်ပြီးတာနဲ့ ကောင်းကင်ဝံပုလွေမြို့ကနေ ချက်ချင်းထွက်သွားလိုက်။ လျှို့ဝှက်လဝန်းနန်းတော်က ခင်ဗျားတို့ သစ္စာဖောက်တာကို သိသွားရင်တောင် ဘာမှ လုပ်နိုင်မှာ မဟုတ်ဘူး။”</p> <p> </p> <p>စီကုန်းယုဖုန်း၏ စကားကို ကြားလျှင် တိန့်ချင်းဖုန်းလည်း အကျိုးအကြောင်းဆီလျော်သည်ဟု ယူဆမိ၏။ လျှို့ဝှက်လဝန်းနန်းတော် နန်းတော်သခင်၏ တပည့်ရင်းတစ်ဦး၏ စွမ်းအားကို ခန့်မှန်းကြည့်နိုင်၏။</p> <p> </p> <p>သူတို့ကဲ့သို့ လူသားကျင့်ကြံသူများက ထိုကဲ့သို့ ပုဂ္ဂိုလ်မျိုးကို မည်သို့ ယှဉ်နိုင်ပါမည်နည်း။</p> <p> </p> <p>အကယ်၍ ထိုသူ တစ်စုံတစ်ခု ဖြစ်ခဲ့ပါက လျှို့ဝှက်လဝန်းနန်းတော်က ချီယန်ဂိုဏ်းကိုသာ အဓိက အပြစ်တင်လိမ့်မည်။ ချီယန်ဂိုဏ်းက သူတို့ကဲ့သို့ အရေးမပါသော လူပုဂ္ဂိုလ်များကို အပြစ်ဖို့ခဲ့လျှင်ပင် နန်းတော်ဘက်က ယုံကြည်မည် မဟုတ်သလို နန်းတော်၏ ဒေါသကိုလည်း ပြေလျော့စေနိုင်မည် မဟုတ်ချေ။</p> <p> </p> <p>ကောင်းကင်ဝံပုလွေမြို့ကို ချီယန်ဂိုဏ်းက သိမ်းပိုက်သည့် အချိန်အထိ စောင့်ဆိုင်းပြီး ထိုမြို့မှ သူ ချက်ချင်း ထွက်ခွာသွားနိုင်ပါက မည်သည့်အန္တရာယ်မှ ကျရောက်မည် မဟုတ်ချေ။</p> <p> </p> <p>ထိုသို့ တွေးတောမိသော တိန့်ချင်းဖုန်းက</p> <p> </p> <p> “နတ်စွမ်းအားရှင်... စိတ်ချပါ။ လျှို့ဝှက်လဝန်းနန်းတော်က သံတမန်ကို ဘယ်နည်းနဲ့မဆို ကျုပ်တို့ ရှာဖွေသွားမှာပါ။”</p> <p> </p> <p>တိန့်ချင်းဖုန်း သဘောတူသည်ကို မြင်လျှင် စီကုန်းယုဖုန်းက အာကာသလက်စွပ်ထဲမှ ကျောက်စိမ်းဆွဲပြားတစ်ခုကို ထုတ်ယူကာ</p> <p> </p> <p> “သူ့ရဲ့ တည်နေရာကို သိတာနဲ့ ဒီကျောက်စိမ်းဆွဲပြားကို ချက်ချင်း အသက်သွင်းလိုက်ပါ။ ကျုပ် ချက်ချင်း ရောက်လာခဲ့မယ်။”</p> <p> </p> <p>တိန့်ချင်းဖုန်းက စီကုန်းယုဖုန်း၏ လက်ထဲမှ ကျောက်စိမ်းဆွဲပြားကို  ရိုရိုသေသေယူလိုက်ပြီး</p> <p> </p> <p> “နတ်စွမ်းအားရှင်... ချီယန်ဂိုဏ်းက ကောင်းကင်ဝံပုလွေမြို့ကို ဘယ်အချိန်မှာ သိမ်းပိုက်ဖို့ စဉ်းစားထားတာပါလဲ။”</p> <p> </p> <p>စီကုန်းယုဖုန်းက မျက်နှာသေဖြင့်</p> <p> </p> <p> “အခုပဲ သိမ်းပိုက်ပြီးသား ဖြစ်မနေဘူးလား။”</p> <p> </p> <p>ထိုအရာကို ကြားလျှင် တိန့်ချင်းဖုန်း ရုတ်ချည်း ဉာဏ်ပွင့်သွား၏။  ကောင်းကင်ဝံပုလွေမြို့သည် ယခု ချီယန်ဂိုဏ်း၏ နယ်မြေဖြစ်နေပြီဖြစ်ကြောင်း သဘောပေါက်ကာ သူ၏ရင်ထဲ အတိုင်းမသိ ဝမ်းသာသွားသည်။</p> <p> </p> <p>လျှို့ဝှက်လဝန်းနန်းတော် နန်းတော်သခင်၏ တပည့်ရင်းကို ရှာဖွေရန် ချီယန်ဂိုဏ်းက လူလွှတ်ခဲ့တာ မဆန်းတော့ချေ။ သူတို့သည် နန်းတော်နှင့် စစ်ခင်းရန် အသင့်ပြင်ထားပုံ ရ၏။</p> <p> </p> <p>လျှို့ဝှက်လဝန်းနန်းတော် နန်းတော်သခင်၏ တပည့်ရင်းကို ရှာတွေ့နိုင်ခဲ့လျှင် ထိုအရာသည် သူ့အတွက် ကြီးမားသော စွမ်း‌ ဆောင်မှု ဖြစ်ပေလိမ့်မည်။ ထိုအခါ ချီယန်ဂိုဏ်းသို့ ဝင်ရောက်သည့်အခါတွင်လည်း ဆုလာဘ်များ ဧကန်မုချ ရရှိပေလိမ့်မည်။</p> <p> </p> <p>ထိုအချက်များကို တွေးတောရင်း တိန့်ချင်းဖုန်း၏ ရင်ထဲ အလွန် ကြည်နူးလှုပ်ရှားနေမိ၏။</p> <p> </p> <p>ထိုအခိုက်အတန့်တွင် စီကုန်းယုဖုန်း၏ ပုံရိပ် ထိုနေရာမှ ကွယ်ပျောက်သွားရာ တိန့်ချင်းဖုန်းက</p> <p> </p> <p>“နတ်စွမ်းအားရှင်... ကောင်းကောင်း ကြွပါ”</p> <p> </p> <p>စီကုန်းယုဖုန်း ထွက်ခွာသွားသည်နှင့် လျှို့ဝှက်လဝန်းနန်းတော် သံတမန်၏ ခြေရာကို ရှာဖွေရန် လူများကို တိန့်ချင်းဖုန်း ချက်ချင်း စေလွှတ်လိုက်ပြီး အခြားမိသားစုများကိုလည်း သတင်းပေးလိုက်၏။</p> <p> </p> <p>လျှို့ဝှက်လဝန်းနန်းတော်ကို သစ္စာဖောက်ရန် ကြံစည်နေသော မိသားစုများလည်း ထိုသတင်းကို ကြားသောအခါ များစွာ စိတ်လှုပ်ရှားသွားကြ၏။ ချီယန်ဂိုဏ်းသို့ ဝင်ရောက်ခွင့်ရရန် သူတို့ နှစ်ပေါင်းများစွာ စောင့်ဆိုင်းခဲ့ရ၏။ ယခုတော့ အခွင့်အရေး ရရှိလာခဲ့ပြီဖြစ်သည်။</p> <p> </p> <p>မကြာမီပင် မိသားစုအသီးသီးကလည်း လျှို့ဝှက်လဝန်းနန်းတော် သံတမန်၏ တည်နေရာကို ရှာဖွေရန် သူတို့၏ တပည့်များကို စေလွှတ်လိုက်ကြ၏။</p> <p> </p> <p>…..</p> <p> </p> <p>မိသားစုကြီးများနှင့် မြို့တော်ဝန်စံအိမ်တို့က လုချန်းနှင့် အပေါင်းအပါများကို ရှာဖွေနေကြစဉ်မှာပင် လုချန်းက ရှောင်ရွှီရင်နှင့် ကောက်ရှီယွမ်တို့ကို ခေါ်ဆောင်ကာ ကောင်းကင်ဝံပုလွေမြို့ တံခါးဝသို့ ပေါ်ပေါ်တင်တင်ကြီး ရောက်ရှိလာ၏။</p> <p> </p> <p>လုချန်းကို မြင်လျှင် တံခါးစောင့်စစ်သားများက</p> <p> “ဒီနေ့ မြို့ကို ပိတ်ထားတယ်။ ဘယ်သူမှ ကောင်းကင်ဝံပုလွေမြို့ထဲကို ဝင်ခွင့်မရှိဘူး။”</p> <p> </p> <p>ထိုစကားကို ကြားသောအခါ ရှောင်ရွှီရင်က အေးစက်စွာ နှာခေါင်းရှုံ့လိုက်ပြီး</p> <p> </p> <p>“ရှင်တို့ရဲ့ ညစ်ပတ်တဲ့မျက်လုံးတွေကို ဖွင့်ပြီး ဒါ ဘာလဲဆိုတာ သေချာကြည့်လိုက်စမ်း။”</p> <p> </p> <p>ရှောင်ရွှီရင်က လျှို့ဝှက်လဝန်းနန်းတော်၏ အမှတ်အသားတံဆိပ်ကို သူမ၏ အာကာသလက်စွပ်ထဲမှ တိုက်ရိုက် ထုတ်ယူလိုက်သည်။ ရှောင်ရွှီရင်၏ လက်ထဲရှိ အမှတ်အသားတံဆိပ်ကို မြင်လျှင် တံခါးစောင့်စစ်သားများ မှင်တက်သွားသည်။</p> <p> </p> <p>တိန့်ချင်းဖုန်းကို အကြွင်းမဲ့ သစ္စာခံထားသော မြို့တော်ဝန်စံအိမ်မှ စစ်သားများ ဖြစ်ကြသည့်အလျောက် တိန့်ချင်းဖုန်း ဘာစဉ်းစားထားသည်ကိုလည်း သူတို့ သိထားကြ၏။ လျှို့ဝှက်လဝန်းနန်းတော် သံတမန် ကောင်းကင်ဝံပုလွေမြို့မှ ထွက်မသွားနိုင်စေရန် တိန့်ချင်းဖုန်းက သူတို့ကို တံခါးဝ၌ စောင့်ကြပ်ခိုင်းထားခြင်း ဖြစ်သည်။</p> <p> </p> <p>သို့သော် ယခုတော့ တစ်ဖက်လူက မြို့ထဲမှ လာခြင်းမဟုတ်ပဲ  အမှတ်အသားတံဆိပ်နှင့်အတူ အပြင်ဘက်မှ မြို့ထဲသို့ ဝင်ရန် ရောက်ရှိလာခြင်း ဖြစ်သည်။</p> <p> </p> <p>လျှို့ဝှက်လဝန်းနန်းတော် သံတမန် မြို့ထဲသို့ ရောက်ရှိနေပြီဟု သူတို့ကို ပြောထားခဲ့သည် မဟုတ်ပါလား။</p> <p> </p> <p>ယခုမှ အဘယ်ကြောင့် ရောက်ရှိလာရသနည်းဟု တွေးတောရင်း စစ်သားများ ဇဝေဇဝါ ဖြစ်ကုန်ကြသည်။</p> <p> </p> <p>ထိုအခိုက်အတန့်တွင် မြို့တော်ဝန်စံအိမ်၏ ကိုယ်ရံတော်တပ်မှူးလည်း အခြေအနေကို ရိပ်မိသွားပြီး လုချန်း၏အနားသို့ အမြန်ချဉ်းကပ်လာကာ</p> <p> </p> <p> “ဂိုဏ်းချုပ်ရဲ့ သံတမန်တော်ကြီးကို ဂါရဝပြုပါတယ်။”</p> <p> </p> <p>ကိုယ်ရံတော်တပ်မှူး ဒူးထောက်လိုက်သည်ကို မြင်လျှင် အခြားသော စစ်သားများကလည်း တစ်ယောက်ပြီးတစ်ယောက် ဒူးထောက်ကာ</p> <p> </p> <p> “ဂိုဏ်းချုပ် သံတမန်ကြီးကို ဂါရဝပြုပါတယ်။”</p> <p> </p> <p>လုချန်းက တည်ငြိမ်စွာပင်</p> <p> </p> <p> “ခင်ဗျားတို့ မြို့တော်ဝန်ကို ချက်ချင်း သွားအကြောင်းကြားလိုက်။”</p> <p> </p> <p>တပ်မှူး ပိုင်ယုဖုန်းက အမြန်ထရပ်ကာ</p> <p> </p> <p> “ဟုတ်ကဲ့ပါ သံတမန်ကြီး... သံတမန်တော်ကြီး ရောက်ရှိလာတဲ့အကြောင်း မြို့တော်ဝန်ကို ကျုပ် ချက်ချင်း သွားအကြောင်းကြားပါ့မယ်။”</p> <p> </p> <p>ထိုစကားများနှင့်အတူ ပိုင်ယုဖုန်း မြို့တော်ဝန်စံအိမ်သို့ အပြေးအလွှား ထွက်ခွာသွားလေတော့၏။</p> <p> </p> <p>ထိုအချိန်တွင် လျှို့ဝှက်လဝန်းနန်းတော် သံတမန်ကို မည်သို့ရှာဖွေရမည်ကို တိန့်ချင်းဖုန်းနှင့် မိသားစုကြီးအချို့တို့ ဆွေးနွေးနေကြဆဲ ဖြစ်၏။</p> <p> </p> <p>မြို့တော်ဝန်စံအိမ်၏ အစည်းအဝေးခန်းမထဲသို့ ပိုင်ယုဖုန်း အလောတကြီး ပြေးဝင်လာပြီး</p> <p> </p> <p> “မြို့တော်ဝန်... သတင်းထူးရှိပါတယ်။”</p> <p> </p> <p>ပိုင်ယုဖုန်း၏ စကားကို ကြားလျှင် အစည်းအဝေးခန်းမအတွင်းရှိ ဆွေးနွေးမှုများ ရပ်တန့်သွား၏။ တိန့်ချင်းဖုန်းက မျက်မှောင်ကြုတ်လျက်</p> <p> </p> <p> “ပိုင်ယုဖုန်း... ခင်ဗျားကို မြို့တံခါးမှာ စောင့်ခိုင်းထားတာ မဟုတ်လား။ ဘာလို့ ဒီကို ရောက်နေတာလဲ။”</p> <p> </p> <p>ပိုင်ယုဖုန်းက</p> <p> “မြို့တော်ဝန်... သံတမန် ကိစ္စပါ။ ကျုပ်တို့ သံတမန်ကို တွေ့ပါပြီ။”</p> <p> </p> <p>ထိုစကားကို ကြားလျှင် တိန့်ချင်းဖုန်း အပါအဝင် ရှိသမျှ လူအားလုံး ပြိုင်တူ မတ်တပ်ရပ်လိုက်ကြ၏။ တိန့်ချင်းဖုန်းက</p> <p> </p> <p> “ဘယ်မှာလဲ”</p> <p> </p> <p>ပိုင်ယုဖုန်းက</p> <p> </p> <p> “မြို့တံခါးဝမှာပါ”</p> <p> </p> <p>ထိုစကားကို ကြားလျှင် တိန့်ချင်းဖုန်း၏ မျက်နှာပျက်သွားကာ</p> <p> </p> <p> “ဒုက္ခပဲ... သူက ကောင်းကင်ဝံပုလွေမြို့ကနေ ထွက်သွားဖို့ ကြိုးစားနေတာပဲ။”</p> <p> </p> <p>သူတို့၏ လှုပ်ရှားမှုများ အလွန်ကြီးမားလွန်းသဖြင့် ထိုသူ သတိထားမိသွားကာ ကောင်းကင်ဝံပုလွေမြို့မှ ထွက်ပြေးရန် ပြင်ဆင်နေသည်ဟု တိန့်ချင်းဖုန်း ထင်မှတ်လိုက်ခြင်း ဖြစ်သည်။</p> <p> </p> <p>တိန့်ချင်းဖုန်း အထင်လွဲနေသည်ကို ပိုင်ယုဖုန်း ချက်ချင်း ရိပ်မိသွားကာ</p> <p> </p> <p> “မြို့တော်ဝန်... အထင်လွဲနေပါပြီ။ သံတမန်က မြို့ထဲက ထွက်သွားတာ မဟုတ်ပါဘူး။ အပြင်ကနေ ဝင်လာတာပါ။”</p> <p> </p> <p>ဤအရာက...</p> <p> </p> <p>လူတိုင်း နောက်တကြိမ် မှင်တက်သွားပြန်၏။</p> <p> </p> <p>လျှို့ဝှက်လဝန်းနန်းတော် သံတမန် ကောင်းကင်ဝံပုလွေမြို့သို့ ရောက်ရှိနေသည်မှာ ကြာပြီဖြစ်ပြီး သူတို့ သစ္စာဖောက်သည့် သက်သေများကို မြို့ထဲတွင် လိုက်လံစုဆောင်းနေသည်ဟု သူတို့ အတိအကျ ထင် ကြေးပေးထားကြခြင်းဖြစ်သည်။</p> <p> </p> <p>ထိုသို့ဆိုလျှင် သံတမန်က အပြင်ဘက်မှ အဘယ်ကြောင့် ယခုမှ ဝင်ရောက်လာရသနည်း။</p> <p> </p> <p>ထိုအခိုက်အတန့်တွင် မိသားစုခေါင်းဆောင်တစ်ဦးက တိန့်ချင်းဖုန်းကို</p> <p> </p> <p>“မြို့တော်ဝန်... အခု ဘာဆက်လုပ်ကြမလဲ”</p> <p> </p> <p>တိန့်ချင်းဖုန်းက ထိုမေးခွန်းကို ပြန်မဖြေခဲ့ချေ။ သူက သူ၏ အာကာသလက်စွပ်ထဲမှ ကျောက်စိမ်းဆွဲပြားတစ်ခုကို တိုက်ရိုက်ထုတ်ယူကာ စိတ်ဝိညာဉ်စွမ်းအားဖြင့် အသက်သွင်းလိုက်၏။</p> <p> </p> <p>နောက်တစ်စက္ကန့်တွင် အစည်းအဝေးခန်းမအတွင်း၌ ဝတ်ရုံနီဝတ်ဆင်ထားသော အမျိုးသားတစ်ဦး ပေါ်လာ၏။ ထိုသူကို မြင်လျှင် တိန့်ချင်းဖုန်းက</p> <p> </p> <p>“နတ်စွမ်းအားရှင်... ဂါရဝပြုပါတယ်”</p> <p> </p> <p>တိန့်ချင်းဖုန်း ဂါရဝပြုသည်ကို မြင်လျှင် မိသားစုခေါင်းဆောင်များလည်း ထိုသူ၏ မည်သူဖြစ်ကြောင်း ချက်ချင်း ရိပ်မိသွားကာ ဒူးထောက်လျက်</p> <p> </p> <p> “နတ်စွမ်းအားရှင်... ဂါရဝပြုပါတယ်”</p> <p> </p> <p>စီကုန်းယုဖုန်းက တိန့်ချင်းဖုန်းကို ကြည့်ကာ</p> <p> </p> <p>“ဘာကိစ္စလဲ”</p> <p> </p> <p>တိန့်ချင်းဖုန်းက</p> <p> “နတ်စွမ်းအားရှင်... လျှို့ဝှက်လဝန်းနန်းတော်က သံတမန် ကောင်းကင်ဝံပုလွေမြို့ကို ရောက်နေပါပြီ။ အခုလေးတင် ဝင်လာတာပါ။”</p> <p> </p> <p>တိန့်ချင်းဖုန်း၏ စကားကို ကြားလျှင် စီကုန်းယုဖုန်း အနည်းငယ် အံ့အားသင့်သွား၏။ လျှို့ဝှက်လဝန်းနန်းတော် သံတမန် မြို့ထဲသို့ ရောက်ရှိနေသည်မှာ ကြာပြီဖြစ်ကာ တစ်နေရာရာတွင် ပုန်းအောင်းနေသည်ဟု သူ ထင်မှတ်ထားခဲ့သောကြောင့် ဖြစ်သည်။</p> <p> </p> <p> </p> <p> </p> <p> </p> <p style="text-align: center;">***</p>


Save