Book List

<h2 style="text-align: center;">အခန်း (၁၆၈၃)</h2> <h2 style="text-align: center;">ကောင်းကင်နတ်ဆိုးဆေးလုံး ဖော်စပ်ခြင်းနှင့် သီးသန့်ကျင့်ကြံခြင်း</h2> <h2 style="text-align: center;">*</h2> <p> </p> <p> </p> <p>ချူးယွင်ဖန်းသည် နှစ်လအတွင်း မစ်ရှင်ပေါင်း တစ်ရာကျော်ကို ပြီးမြောက်ခဲ့ရာ ၎င်းအနက် ထက်ဝက်ခန့်သည် ဤနည်းလမ်းကြောင့်ဖြစ်သည်။ ထိုသူများထဲတွင် အလွန်အစွမ်းထက်သော ကျွမ်းကျင်သူများ ပါဝင်သောကြောင့် ဟုတ်သားရဲအဖြစ် ပြောင်းလဲထားသော ချူးယွင်ဖန်းပင် ၎င်းတို့ကို တိုက်ရိုက်ရင်ဆိုင်နိုင်စွမ်း မရှိခဲ့ပေ။ သို့သော် သူသည် ထိပ်တိုက်ရင်ဆိုင်ခြင်း မပြုလုပ်ဘဲ တောင်မြစ်ပန်းချီကားထဲတွင် ပုန်းအောင်းနေခဲ့သည်။ သူ ပန်းချီကားထဲတွင် ပုန်းအောင်းနေလျှင် မည်သူကမျှ သူ့ကို ရှာတွေ့နိုင်မည် မဟုတ်ပေ။</p> <p> </p> <p>ဤနှစ်လအတွင်း ချူးယွင်ဖန်းသည် သူ၏ ကျင့်ကြံမှုများ ခိုင်မာလာစေရန် ကြိုးစားအားထုတ်ခဲ့သောကြောင့် ယခုအခါ ရလဒ်များကို ရယူရန် အချိန်တန်ပြီဖြစ်သည်။ ချူးယွင်ဖန်းသည် ကြယ်ကြွေကောင်းကင်ဂိုဏ်းရှိ သူ၏ နေအိမ်သို့ ပြန်သွားကာ တောင်မြစ်ပန်းချီကားထဲသို့ ဝင်လိုက်သည်။ လွန်ခဲ့သော နှစ်လအတွင်း နည်းလမ်းအမျိုးမျိုးဖြင့် ဝယ်ယူခဲ့သော ဆေးဘက်ဝင်အပင်များသည် တောင်တစ်ခုသဖွယ် ပုံအောင်းနေသည်။</p> <p> </p> <p>ဂုဏ်ပြုမှတ်တမ်းဆောင်၏ စနစ်ကို အသုံးပြု၍ သူ​၏လိုအပ်ချက်များကို အမည်မဖော်ဘဲ အခြားလူများကို ထိုဆေးပင်များ စုဆောင်းခိုင်းခဲ့သည်။ သူသည် ယခုအခါ လူအများ၏ ပစ်မှတ်ဖြစ်နေသည့်အပြင် ထိုကောလာဟလများကြောင့် လူအများက သူ့ကို ပြဿနာရှာရန် ဝန်လေးနေမည် မဟုတ်ပေ။ ချူးယွင်ဖန်းသည် ထိုသို့သော အခြေအနေမျိုးတွင် အလွန်သတိထားရမည်ဖြစ်သည်။ ကောင်းကင်နတ်ဆိုးဆေးလုံး ဖော်စပ်ရာတွင် လုံးလုံးလျားလျား ကျရှုံးရန် မဖြစ်ပေ။ ထို့ကြောင့် သူသည် မစ်ရှင်များကို အမည်မဖော်ဘဲ တင်၌ ဆေးဘက်ဝင်အပင်များကို တစ်ခုပြီးတစ်ခု ဝယ်ယူခဲ့ခြင်းဖြစ်သည်။</p> <p> </p> <p>ချူးယွင်ဖန်းသည် လက်ကို ဆန့်ထုတ်၍ တောင်မြစ်အိုး(ဆေးမီးဖို) ကို ဆင့်ခေါ်လိုက်သောအခါ ၎င်းက သူ့အရှေ့သို့ တိတ်ဆိတ်စွာ ပျံဝဲလာသည်။ ဆေးမီးဖိုပေါ်ရှိ ရှေးကျ၍ ရှုပ်ထွေးလှသော အင်းစာလုံးများကို ကြည့်နေစဥ် ၎င်းသည် အချိန်မည်မျှကြာအောင် ဆေးကြောသန့်စင်မှု ခံယူခဲ့သနည်းဟု သူ စဉ်းစားနေမိသည်။</p> <p> </p> <p>သူသည် လက်ဟန်တစ်ခု ပြုလုပ်လိုက်သောအခါ လေဟာနယ်ထဲမှ မီးတောက်တစ်ခု ထွက်ပေါ်လာသည်။ ၎င်းသည် သူ ကျင့်ကြံထားသော ဆေးဖော်စပ်ရာတွင် အသုံးပြုသည့် မီးတောက်ဖြစ်သည်။ မီးတောက်၏ အရောင်သည် နှင်းများကဲ့သို့ ဖြူဖွေးနေသော်လည်း နှင်းများ မဟုတ်ပေ။ ဆန့်ကျင်ဘက်အနေဖြင့် ၎င်း၏ အပူချိန်သည် အလွန် မြင့်မားလှသည်။ ကျင့်ကြံမှု အဆင့်မြင့်မားသော ဆေးပညာရှင်တစ်ဦးဖြစ်သည့် ချူးယွင်ဖန်းသည် ဆေးလုံးဖော်စပ်ရန် သာမန်မီးတောက်များကို အသုံးပြုမည် မဟုတ်ပေ။</p> <p> </p> <p>ချူးယွင်ဖန်းသည် သူ၏ မှတ်ဉာဏ်ထဲရှိ ကောင်းကင်နတ်ဆိုးဆေးလုံး ဖော်စပ်နည်းအတိုင်း ဆေးမီးဖိုထဲသို့ ဆေးပင်များကို စတင်ထည့်သွင်းလိုက်သည်။ သူ၏ နတ်စွမ်းအင် ထက်ဝက်ခန့်သည် မိနစ်ပိုင်းအတွင်း ကုန်ဆုံးသွားခဲ့သည်။ ဤဆေးဖော်စပ်ခြင်း မီးတောက်ကို ထိန်းသိမ်းခြင်းသည် နတ်စွမ်းအင်ကို အလွန်ကုန်ဆုံးစေသဖြင့် ကုသဆေးအချို့ကို အလျင်အမြန် မျိုချလိုက်သည်။ ပြန်လည်ဖြည့်တင်းမှုနှုန်းသည် သုံးစွဲမှုနှုန်းနှင့် ညီမျှသွားကြောင်း ခံစားလိုက်ရသောအခါ သူ စိတ်အေးသွားသည်။</p> <p> </p> <p>ဤသည်မှာ တောင်မြစ်ဆေးမီးဖိုကို အသုံးပြု၍ ဆေးဖော်စပ်သည့် ချူးယွင်ဖန်း၏  ပထမဆုံးအကြိမ်ဖြစ်သည်။ ၎င်း၏ အရှိန်အဟုန်သည် မယုံကြည်နိုင်ဖွယ် မြန်ဆန်လှကြောင်း သူ တွေ့ရှိလိုက်ရသည်။ ယခင်က သာမန်ဆေးမီဖိုကို အသုံးပြုစဉ် သူ၏ စွမ်းဆောင်ရည်သည် တောင်မြစ်ဆေးမီးဖိုကို အသုံးပြုသည့် တစ်ရာခိုင်နှုန်းကိုပင် မမှီခဲ့ပေ။</p> <p> </p> <p>ကောင်းကင်နတ်ဆိုးဆေးလုံး ဖော်စပ်ခြင်းသည် အလွန်လွယ်ကူသည့်အပြင် တောင်မြစ်ဆေးမီးဖို၏ အကူအညီကြောင့် ဤလုပ်ငန်းစဉ်သည် ပို၍ပင် လျင်မြန်သွားသည်။ ဆေးဖော်စပ်သည့် ပါဝင်ပစ္စည်းများကို တစ်ခုပြီးတစ်ခု ထည့်သွင်း၍ ရောနှောပေါင်းစပ်လိုက်သည်။ စက္ကန့်နှင့် မိနစ်များ ကုန်လွန်သွား၍ ချူးယွင်ဖန်းသည် ဆေးဖော်စပ်ရန် နေ့ညမပြတ် ကြိုးစားလုပ်ဆောင်ခဲ့သည်။ နောက်ဆုံးတွင် ဆေးမီးဖိုအဖုံး ပွင့်လာချိန်၌ ပြင်းထန်သော ဆေးရနံ့များ တိုးထွက်လာသည်။ သူသည် ထိုဆေးရနံ့ထဲတွင် ချက်ချင်း နစ်မျောသွားကာ ခန္ဓာကိုယ်ရှိ ချွေးပေါက်များအားလုံး ပွင့်သွားသကဲ့သို့ ခံစားလိုက်ရသည်။</p> <p> </p> <p>သူ၏ နတ်စွမ်းအင်များ ပိုမိုနက်ရှိုင်း၍ ထူးကဲလာသည်။ ချူးယွင်ဖန်းသည် ဆေးမီးဖိုထဲတွင် ကောင်းကင်နတ်ဆိုးဆေးလုံး နှစ်လုံးကို တွေ့လိုက်ရသည်။ ဤကောင်းကင်နတ်ဆိုးဆေးလုံး နှစ်လုံးသည် သာမန်ဆေးလုံးများနှင့် မတူပေ။ ၎င်းတို့သည် နတ်ဆိုးပုံသဏ္ဌာန်ရှိ၍ ချူးယွင်ဖန်းသည် ၎င်းတို့၏ မျက်နှာများကိုပင် ရေးတေးတေး မြင်နေရသည်။ သို့သော်လည်း ချူးယွင်ဖန်းသည် ၎င်းကို ကိစ္စကြီးတစ်ခုဟု မမှတ်ယူခဲ့ပေ။ ဆေးဧကရာဇ် ဖော်စပ်ခဲ့သော ဆေးလုံးများစွာလည်း ဤကဲ့သို့ပင်ဖြစ်သည်။ ၎င်းတို့သည် သာမန်ဆေးလုံးနှင့် မတူပေ။ အချို့သော ဆေးလုံးများသည် ဖော်စပ်ပြီးသည်နှင့် သက်ရှိများအဖြစ် ပြောင်းလဲလိုကြသဖြင့် မိုးကြိုးကပ်ဘေးများကိုပင် စတင်ရင်ဆိုင်ကြလေသည်။</p> <p> </p> <p>ဤဆေးလုံးများသည် သဘာဝတရား၏ ဝိညာဉ်စွမ်းအင်များကို စုပ်ယူထားသောကြောင့် ကမ္ဘာပေါ်တွင် အကောင်းဆုံးဆေးများဖြစ်ကြသည်။ ချူးယွင်ဖန်းသည် ဆေးဧကရာဇ်၏ မှတ်ဉာဏ်များတွင် ရက်စက်ကြမ်းကြုတ်သော သားရဲပုံသဏ္ဌာန်ဆေးများ၊ လူသားပုံသဏ္ဌာန်ဆေးများနှင့် အပင်ပုံသဏ္ဌာန် ဆေးလုံးများကို အကြိမ်ကြိမ် မြင်တွေ့ဖူးသဖြင့် ၎င်းကို ကောင်းစွာ နားလည်ထားသည်။ ချူးယွင်ဖန်းသည် ဆေးစွမ်းအင်များ ယိုစိမ့်မသွားစေရန် ဆေးတစ်လုံးကို ကျောက်စိမ်းသေတ္တာထဲသို့ ထည့်ပြီးနောက် အခြားဆေးတစ်လုံးကို မျိုချလိုက်သည်။ သူသည် တောင်မြစ်ဆေးမီးဖိုကို ကြည့်လျက် အံ့အားသင့်စွာ စုတ်သပ်မိသွားသည်။ ဤဆေးမီးဖို၏ အကူအညီကြောင့်သာ မဟုတ်ပါက ကောင်းကင်နတ်ဆိုးဆေးလုံး ဖော်စပ်ရန် အနည်းဆုံးလျှင် တစ်လခန့် ကြာမြင့်ပေလိမ့်မည်။ ယခုမူ ကြာချိန်သည် များစွာ တိုတောင်းသွားခဲ့သည်။</p> <p> </p> <p>ဆေးဧကရာဇ် ဉာဏ်အလင်းမရမီက အသုံးပြုခဲ့သော မှော်လက်နက်ဟူသည့်အတိုင်း ၎င်းသည် အလွန်အံ့ဩဖွယ်ကောင်းလှသည်။ ခရမ်းရောင်မိုးကြိုးဓားဂိုဏ်းသည် တောင်မြစ်ဆေးမီးဖိုကို ၎င်းတို့ဂိုဏ်း၏ ဆက်ခံမှုအတွက် မရှိမဖြစ်ပစ္စည်းတစ်ခုအဖြစ် သတ်မှတ်ခဲ့ခြင်းသည် အကြောင်းမဲ့ မဟုတ်ပေ။ ချူးယွင်ဖန်းသည် ကောင်းကင်နတ်ဆိုးဆေးလုံးကို မျိုချပြီးနောက် တင်ပျဉ်ခွေထိုင်လိုက်သည်။ သူ၏ ခန္ဓာကိုယ်ထဲသို့ လူပုလေးတစ်ယောက် ဝင်လာသကဲ့သို့ ခံစားရ၍ ဆေးလုံးကို ချေဖျက်ခြင်းသည် မလွယ်ကူလှပေ။ သူသည် ဧကရာဇ်ကျင့်စဉ်နှင့် ကောင်းကင်ဝါးမျိုခြင်းသိုင်းပညာကို လှည့်ပတ်ကာ ကောင်းကင်နတ်ဆိုးဆေးလုံးကို စတင် သန့်စင်လိုက်သည်။</p> <p> </p> <p>နောက်ဆုံးတွင် ကောင်းကင်နတ်ဆိုးဆေးလုံးသည် လှိုင်းလုံးကြီးတစ်ခုအဖြစ် ပြောင်းလဲသွားကာ ချူးယွင်ဖန်း၏ ဆဲလ်များအတွင်းသို့ တိုးဝင်သွားသည်။ စွမ်းအင်လှိုင်းတစ်ခုသည် သူ၏ စိတ်အာရုံထဲသို့ တိုက်ရိုက် တိုးဝင်သွားခဲ့ရာ၊ ၎င်းသည် အန္တရာယ်အရှိဆုံး အဆင့်ဖြစ်သည်။ ဤသည်မှာ ဒြပ်မဲ့အဆင့်၏ အခက်ခဲဆုံး အဆင့်ဖြစ်သည်။ ဒြပ်မဲ့အဆင့် မတိုင်မီ ကျင့်ကြံမှုအားလုံးသည် ရုပ်ခန္ဓာနှင့် သက်ဆိုင်သော်လည်း ဒြပ်မဲ့အဆင့်၏ ကျင့်ကြံမှုသည် စိတ်အာရုံနှင့် သက်ဆိုင်သည်။ သဘာဝတရား၏ နိယာမများကို ပိုမိုနားလည်နိုင်ရန်အတွက် ဦးနှောက်ကို လှုံ့ဆော်၍ ၎င်း၏ စွမ်းရည်များကို မြှင့်တင်ရန် လိုအပ်သည်။ ဤအရာအားလုံးသည် အလွန် အန္တရာယ်များလှသည်။ ဦးနှောက်သည် အလွန်လျှို့ဝှက်ဆန်းကြယ်လှရာ အနည်းငယ်မျှ သတိလွတ်သွားသည်နှင့် အရူးတစ်ယောက်ဖြစ်သွားနိုင်သည်။</p> <p> </p> <p>ကံကောင်းထောက်မစွာဖြင့် ထိုအချိန်တွင် ချူးယွင်ဖန်း၏ စိတ်ထဲရှိ နတ်ဘုရားဝိညာဉ်သည် မှိန်ဖျော့သော အလင်းရောင်ကို ထုတ်လွှတ်လာကာ ထိုစွမ်းအင်များကို သူ၏ ဦးနှောက်ထဲသို့ လမ်းညွှန်ပေးခဲ့သည်။ သူသည် ဉာဏ်အလင်းရရှိသော အခြေအနေသို့ ရောက်ရှိသွားကြောင်း ချက်ချင်း ခံစားလိုက်ရကာ ခန္ဓာကိုယ်တစ်ခုလုံး လျှို့ဝှက်ဆန်းပြားသော အခြေအနေသို့ ရောက်ရှိသွားလေသည်။ ချူးယွင်ဖန်းသည် တာအိုကို ဆက်လက်ကျင့်ကြံကာ ဒြပ်မဲ့အဆင့်၏ အတားအဆီးကို ချိုးဖျက်နေစဉ် အချိန်များ လျင်မြန်စွာ ကုန်ဆုံးသွားခဲ့သည်။</p> <p> </p> <p>တစ်ချိန်တည်းမှာပင် အံ့ဖွယ်တိမ်တိုက်တောင်ထိပ်၏ ပင်မခန်းမ၌ ဝမ်ယိဖန်သည် သူ၏ တပည့်များထံမှ အစီရင်ခံစာကို နားထောင်နေစဉ် မျက်နှာတစ်ခုလုံး ပြာနှမ်းနေသည်။ သူသည် သီးသန့်ကျင့်ကြံနေခဲ့သော်လည်း တပည့်များ​​၏ လှုပ်ရှားမှုများကို မရပ်တန့်ခဲ့ပေ။ ချူးယွင်ဖန်းသည် ကြယ်ကြွေကောင်းကင်ဂိုဏ်းမှ ထွက်ခွာကာ သေကြောင်းကြံစည်လိုကြောင်း ကြားသိရသောအခါ ၎င်းတို့ အလွန်ဝမ်းသာသွားကြသည်။ ၎င်းတို့သည် လူများစွာကို တိတ်တဆိတ်သော်လည်းကောင်း ပွင့်လင်းစွာသော်လည်းကောင်း စေလွှတ်ခဲ့ကြသည်။ ၎င်းအနက် ကြယ်ကြွေကောင်းကင်ဂိုဏ်း​၏ ယခင်တပည့်များအပြင် ကြီးမြတ်သောတရှ၏ အလိုရှိဆုံးစာရင်းတွင် ပါဝင်နေသူအချို့လည်း ပါရှိခဲ့သည်။ ထိုလူတစ်ဦးချင်းစီသည် နာမည်ကျော်ကြား၍ ရာဇ၀တ်မှုကြီးများ ကျူးလွန်ထားသူများဖြစ်သည့်အပြင် ဝမ်ယိဖန်နှင့် ပူးပေါင်းဆောင်ရွက်နေသူများဖြစ်သည်။</p> <p> </p> <p>မည်သို့ပင်ဆိုစေကာမူ ထိုဥပဒေမဲ့သူများသည် ကြီးမြတ်သောတရှသည် ၎င်းတို့ကို ရုတ်တရက် လာရောက်သုတ်သင်မည်ကို ကြောက်ရွံ့ကြသည်။ ၎င်းတို့အတွက် တည်ငြိမ်သော သတင်းအချက်အလက် လမ်းကြောင်းတစ်ခု လိုအပ်သည့်အပြင် ဝမ်ယိဖန်သည်လည်း ၎င်းတို့ကို ကိုင်တွယ်ဖြေရှင်းစေလိုသည့် သမာသမတ်မကျသော ကိစ္စအချို့ရှိနေသည်။ ထို့ကြောင့် နှစ်ဖက်စလုံး အပေးအယူတည့်လာ၍ အချိန်ကြာမြင့်စွာ လက်တွဲလာခဲ့ကြခြင်းဖြစ်သည်။ သို့သော်လည်း စေလွှတ်လိုက်သော ကျွမ်းကျင်သူများသည် ချူးယွင်ဖန်းကို အမှန်တကယ် မထိခိုက်နိုင်ခဲ့ကြပေ။ ချူးယွင်ဖန်းသည် နှစ်လကျော်အတွင်း မစ်ရှင်ပေါင်း တစ်ရာကျော်ကို လွယ်ကူစွာ လုပ်ဆောင်နိုင်ခဲ့သည်။</p> <p> </p> <p> </p> <p> </p> <p style="text-align: center;">***</p>


Save