Book List

<h2 style="text-align: center;">အခန်း (၁၆၈၄)</h2> <h2 style="text-align: center;">ချူးယွင်ဖန်း ဘယ်တော့မှ ပြန်မလာစေရဘူး</h2> <h2 style="text-align: center;">*</h2> <p> </p> <p> </p> <p>တစ်နည်းအားဖြင့် ချူးယွင်ဖန်းသည် ကြယ်ကြွေကောင်းကင်ဂိုဏ်းမှ အကြိမ်ပေါင်း တစ်ရာကျော်မက ဘေးကင်းစွာ ဝင်ထွက်နိုင်ခဲ့ခြင်းဖြစ်ကာ ၎င်းဖြစ်စဉ်အနက် အခြားလူများ၏ လိုက်လံရှာဖွေမှုကို မထည့်တွက်ရသေးပေ။ ချူးယွင်ဖန်းသည် ထိုသူများ၏ လိုက်လံဖမ်းဆီးမှုကို မည်သို့ ရှောင်တိမ်းခဲ့သည်ကို မည်သူမျှ မသိကြပေ။ အလိုရှိဆုံးစာရင်းတွင် ပါဝင်သော ရက်စက်ကြမ်းကြုတ်သူအချို့သည် ထိပ်တန်းတပည့်များပင် မကိုင်တွယ်နိုင်သူများဖြစ်ကြသည်။ ၎င်းတို့၏ ပစ်မှတ်ထားခြင်းကို ခံရပါက သေဆုံးရပေလိမ့်မည်။ သို့သော်လည်း ချူးယွင်ဖန်း၏ တည်နေရာကို မည်သူမျှ မရှာတွေ့နိုင်ကြရာ၊ အားနည်းသော ကျင့်ကြံသူများဆိုလျှင် ပို၍ပင် မဖြစ်နိုင်ပေ။ ၎င်းတို့သည် သူ့ကို ရှာတွေ့နိုင်လျှင် အသတ်ခံလိုက်ရရုံသာရှိသည်။</p> <p> </p> <p>"အသုံးမကျလိုက်တာ၊ မင်းတို့အားလုံး နည်းနည်းမှ အသုံးမကျဘူး။ ဒါလေးကိုတောင် မင်းတို့ မလုပ်နိုင်ဘူးလား" ဝမ်ယိဖန်က ဒေါသတကြီး ပြောလိုက်သည်။</p> <p>"ချူးယွင်ဖန်းက ဒီလောက်အကောင်ကြီးတာကို မင်းတို့ မတွေ့ဘူးလား။ မင်းတို့ မျက်စိတွေ ကန်းနေကြတာလား"</p> <p> </p> <p>“စီနီယာဝမ်၊ ကျွန်တော်တို့ သူ့ကိုရှာဖို့ အတတ်နိုင်ဆုံး ကြိုးစားခဲ့ပေမယ့် အမြဲတမ်း တစ်လှမ်းနောက်ကျသွားတာပါ။ ချူးယွင်ဖန်းက အရမ်းသတိကြီးပြီး ကျွန်တော်တို့လူတွေလည်း လမ်းခုလတ်မှာတင် ခဏခဏ ပျောက်သွားကြတာပါ” တပည့်ဖြစ်သူက ခါးသီးသော အပြုံးဖြင့် ပြောလိုက်သည်။</p> <p> </p> <p>ဝမ်ယိဖန်ထံ လာရောက်ပူးပေါင်းသော တပည့်အရေအတွက်သည် များပြားလှသည်။ ထိုလူများအနက် အတွင်းစည်းတပည့်များနှင့် ထိပ်တန်းတပည့်များပင် ပါဝင်သည်။ ၎င်းတို့သည် လူအင်အား မနည်းလှသော်လည်း လွန်ခဲ့သော နှစ်လအတွင်း ချူးယွင်ဖန်း၏ ဆက်တိုက် သတ်ဖြတ်မှုကြောင့် ၎င်းတို့၏ အရေအတွက်သည် များစွာ လျော့ကျသွားခဲ့သည်။ ယခုအခါ လူတိုင်းသည် ချူးယွင်ဖန်းကို ကျားဂူသဖွယ် သတ်မှတ်နေကြသည်။ ၎င်းသည် ပြန်လမ်းမရှိသော ခရီးတစ်ခုသာဖြစ်သည်။ သာမန်အတွင်းစည်းတပည့်များနှင့် ထိပ်တန်းတပည့်များပင် ချူးယွင်ဖန်း၏ လက်ထဲတွင် ကျဆုံးသွားရသည်။ ပျောက်ဆုံးသွားသော တပည့်များသည် ချူးယွင်ဖန်းနှင့် ပတ်သက်နေကြောင်း ရှင်းလင်းသော သတင်းအချက်အလက်ဟူ၍ မရှိပေ။ တစ်ကြိမ်နှစ်ကြိမ်ဖြစ်လျှင် ကိစ္စမရှိသော်လည်း ဤမျှ အကြိမ်ရေ များပြားလာသောအခါ အထုံထိုင်းဆုံးလူပင် ၎င်းတို့အားလုံး ချူးယွင်ဖန်း၏ လက်ချက်ဖြင့် သေဆုံးသွားရခြင်းဖြစ်ကြောင်း သဘောပေါက်သွားသည်။</p> <p> </p> <p>ချူးယွင်ဖန်း မည်သို့လုပ်ဆောင်ခဲ့သည်ကို မသိကြသော်လည်း ချူးယွင်ဖန်းသည် အံ့ဖွယ်တိမ်တိုက်တောင်ထိပ်​၏ တပည့်များနှင့် သူ့ကို လိုက်ဖမ်းနေသော အခြားကျင့်ကြံသူများကို နတ်ဆိုးတစ်ကောင်သဖွယ် ဝါးမျိုနေဟန်ရှိသည်။ လူတိုင်းက ဤတာဝန်ကို ဝန်ထုပ်ဝန်ပိုးတစ်ခုအဖြစ် မြင်လာကြကာ မည်သူမျှ လက်မခံလိုကြတော့ပေ။ ၎င်းတို့သည် ချူးယွင်ဖန်း​၏လက်ချက်ဖြင့် အသတ်ခံရမည်ကို ကြောက်ရွံ့နေကြသည်။ လူအများစုသည် သေခြင်းတရားကို မကြောက်ရွံ့ကြသော်လည်း ဤကဲ့သို့ ထူးဆန်းသော နည်းလမ်းဖြင့် သေဆုံးရခြင်းကိုမူ လူတိုင်း အကြောက်ရွံ့ဆုံးဖြစ်သည်။</p> <p> </p> <p>ဝမ်ယိဖန်သည် ထိုသို့ကြားသောအခါ သူ၏ အသက်ရှူနှုန်းများ မြန်ဆန်လာသည်။ ချူးယွင်ဖန်းကို ကိုင်တွယ်ခြင်းသည် သူ ခန့်မှန်းထားသည်ထက် ပို၍ ခက်ခဲနေသည်။ သူသည် ချူးယွင်ဖန်းကို အလေးမထားခဲ့ပေ။ ဝမ်ယိဖန်​၏ စိတ်ထဲတွင် ချူးယွင်ဖန်းသည် ယီယွင်ယောင်၏ ခွေးတစ်ကောင်ဖြစ်၍ သူ အမှန်တကယ် ပစ်မှတ်ထားချင်သူသည် ယီယွင်ယောင်ဖြစ်သည်။ ချူးယွင်ဖန်းသည် အရံတာဝန်တစ်ခုသာဖြစ်၏။ သို့သော်လည်း ဤဆက်တိုက် ကျရှုံးမှုများကြောင့် ချူးယွင်ဖန်းအပေါ် တဖြည်းဖြည်း အာရုံစိုက်လာမိသည်။ ဝမ်ယိဖန်သည် မလှုပ်ရှားပါက အခြေအနေကို ထိန်းချုပ်နိုင်တော့မည် မဟုတ်ကြောင်း ဝေဝါးစွာ ခံစားနေရသည်။</p> <p> </p> <p>ဝမ်ယိဖန်သည် ယီယွင်ယောင်ကြောင့် တိုက်ရိုက် မတိုက်ခိုက်နိုင်သော်လည်း သူ၏ အမြင်တွင် ချူးယွင်ဖန်းသည် တွားသွားနေသော ဖားပြုတ်တစ်ကောင်ကဲ့သို့ပင်ဖြစ်သည်။ ချူးယွင်ဖန်းသည် မည်သူ့ကိုမျှ မထိခိုက်စေနိုင်သော်လည်း သူ့ကို မြင်တွေ့ရခြင်းသည် ရွံရှာဖွယ်ကောင်းလှသည်။</p> <p> </p> <p>"ချူးယွင်ဖန်းကို သတ်ပစ်ရမယ်" ဝမ်ယိဖန်၏ မျက်လုံးများထဲတွင် သတ်လိုစိတ်များ လင်းလက်လာခဲ့ရာ မည်သူကိုမဆို ဝါးမျိုပစ်နိုင်သည့် ရက်စက်သော သားရဲတစ်ကောင်နှင့် ဆင်တူနေသည်။ "ယွီဝမ်ရှင်းကို ခေါ်ခဲ့"</p> <p> </p> <p>"ဟုတ်ကဲ့၊ စီနီယာဝမ်" တပည့်ဖြစ်သူသည် အလျင်အမြန် ထွက်သွားခဲ့သည်။</p> <p> </p> <p>ခဏအကြာတွင် အသက်နှစ်ဆယ်အရွယ် ခန့်ညားသော အမျိုးသားတစ်ဦး လျှောက်လှမ်းလာသည်။</p> <p> </p> <p>"စီနီယာဝမ်ကို ဂါရဝပြုပါတယ်" ထိုအမျိုးသားက ဝမ်ယိဖန်ကို ဦးညွှတ်လိုက်သည်။</p> <p> </p> <p>"မင်းရဲ့ ကျင့်ကြံမှု အခြေအနေတွေ ဘယ်လိုရှိလဲ" ဝမ်ယိဖန်က ပြုံးလျက် မေးလိုက်သည်။</p> <p> </p> <p>"ဂရုစိုက်ပေးတဲ့အတွက် ကျေးဇူးတင်ပါတယ် စီနီယာဝမ်၊ ကျွန်တော် ဒီနေ့ပဲ သီးသန်းကျင့်ကြံရာကနေ ထွက်လာခဲ့တာပါ၊ ဒြပ်မဲ့ကျွမ်းကျင်အဆင့်ကို ရောက်ဖို့ တစ်လှမ်းပဲ လိုပါတော့တယ်" ယွီဝမ်ရှင်းက လက်သီးဆုပ်လျက် အရိုအသေပေးကာ ပြောလိုက်သည်။</p> <p> </p> <p>"သိပ်ကောင်းတယ်၊ ကျုပ်နဲ့ လာပူးပေါင်းတဲ့ တပည့်တွေထဲမှာ မင်းရဲ့ ပါရမီက အကောင်းဆုံးပဲ၊ ပြီးခဲ့တဲ့ အကြိမ်က အတွင်းစည်းတပည့် ပြိုင်ပွဲမှာ မင်းကို ဝင်မပါခိုင်းခဲ့ပေမယ့် ဒီတစ်ကြိမ်တော့ ကျုပ် မင်းကို ဝင်ပြိုင်စေချင်တယ်" ဝမ်ယိဖန်က ပြောလိုက်သည်။</p> <p> </p> <p>ယွီဝမ်ရှင်းသည် အံ့အားသင့်ကာ ဝမ်းမြောက်သွားသည်။ မိမိကဲ့သို့ အစစ်အမှန်တပည့်တစ်ဦးကို အမှီပြုနေရသူများသည် အလွန်များပြားလှသည်။ အစစ်အမှန်တပည့်များသည် မတူညီသော အဖွဲ့အစည်းများနှင့် ဂိုဏ်းခွဲများမှ ဆင်းသက်လာခြင်းဖြစ်သည်။ အနာဂတ်တွင် ထိုအစစ်အမှန်တပည့်များသည် ရာထူးကြီးများ ပိုင်ဆိုင်ကာ ဂိုဏ်းခေါင်းဆောင်များပင် ဖြစ်လာနိုင်သည်။ ၎င်းတို့သည် ထိုအစစ်အမှန်တပည့်များ၏ နောက်ကွယ်မှ ပင်မအဖွဲ့ဝင်များဖြစ်လာနိုင်သည့်အတွက် ၎င်းတို့၏ အနာဂတ် ဂုဏ်ကျက်သရေသည် အကန့်အသတ်မရှိ များပြားပေလိမ့်မည်။</p> <p> </p> <p>ထို့ကြောင့် ယွီဝမ်ရှင်းသည် ဝမ်ယိဖန်၏ စကားကို မငြင်းဆန်ဝံ့ပေ။ သူသည် ယခင်အတွင်းစည်းတပည့် ပြိုင်ပွဲတွင် မပါဝင်ခဲ့သော်လည်း ဤတစ်ကြိမ်တွင် ကွဲပြားခြားနားပေသည်။ သူ၏ ကျင့်ကြံမှုသည် ဒြပ်မဲ့အဆင့်သို့ ရောက်ရှိနေသည်မှာ ကြာမြင့်ပြီဖြစ်၍ ဒြပ်မဲ့ကျွမ်းကျင်အဆင့်နှင့် ခြေတစ်လှမ်းသာ လိုအပ်တော့သည်။ သူသည် ထိုအဆင့်ကို ချိုးဖျက်နိုင်သည်နှင့် ထိပ်တန်းတပည့်တစ်ဦးဖြစ်လာနိုင်ပေလိမ့်မည်။ မှန်သည်၊ ထိပ်တန်းတပည့် ဖြစ်လာပြီးနောက်တွင်ပင် ဝမ်ယိဖန် အရှေ့တွင် ရိုင်းစိုင်းစွာ ပြုမူဝံ့မည် မဟုတ်ပေ။ ထိပ်တန်းတပည့်နှင့် အစစ်အမှန်တပည့်ကြားက ကွာခြားချက်သည် ကောင်းကင်နှင့် မြေကြီးကဲ့သို့ ခြားနားပေသည်။</p> <p> </p> <p>"ကျေးဇူးတင်ပါတယ် စီနီယာဝမ်" ယွီဝမ်ရှင်းက ပြောလိုက်သည်။</p> <p> </p> <p>ဝမ်ယိဖန်က ခေါင်းညိတ်လိုက်သည်။</p> <p>"မင်းက ပါရမီရှိတဲ့လူလေ၊ ကျုပ်က ဘာလို့ မင်းကို ပြိုင်ပွဲမဝင်ဖို့ တားရမှာလဲ။ ပြီးခဲ့တဲ့ အခေါက်က မင်းရဲ့ကျင့်ကြံဆင့်က ပြိုင်ပွဲဝင်မယ့်လူတွေနဲ့ မမှီသေးဘူး၊ ဒီတော့ ပြိုင်ပွဲဝင်နေလည်း အဓိပ္ပာယ်မရှိဘူး။ နာမည်ကြီးချင်ရင် တစ်ချက်တည်းနဲ့ လူတိုင်းကို အံ့အားသင့်သွားအောင် လုပ်ရမယ်ဆိုတဲ့ စကားပုံအတိုင်း ဂိုဏ်းကလူတွေ မင်းကို အထင်ကြီးစေချင်ရင် မင်း သေချာပေါက် ချန်ပီယံဖြစ်ရမယ်"</p> <p> </p> <p>"ကျွန်တော့်ရဲ့ ကျင့်ကြံမှုတွေကို အပင်ပန်းခံ ကူညီပေးခဲ့တာတွေကို ကျွန်တော် ဘယ်တော့မှ မမေ့ပါဘူး၊ စီနီယာဝမ်" ယွီဝမ်ရှင်းက သူ၏ သစ္စာရှိမှုကို အလျင်အမြန် ဖော်ပြလိုက်သည်။</p> <p> </p> <p>ဝမ်ယိဖန်သည် ကျေနပ်စွာ ပြုံးလိုက်သည်။ "အတွင်းစည်းတပည့် ပြိုင်ပွဲမှာ အနိုင်ရဖို့က အရေးကြီးတယ်၊ ဒါပေမယ့် လူတစ်ယောက်ကို အထူးသတိထားစေချင်တယ်။ သူ့နာမည်က ချူးယွင်ဖန်း၊ သူက လိမ္မာပါးနပ်ပြီး တော်တော်လေးလည်း သန်မာတယ်၊ အတွင်းစည်းတပည့် ပြိုင်ပွဲမှာ မင်း သူ့ကို သတ်ပေးရမယ်"</p> <p> </p> <p>ယွီဝမ်ရှင်းသည် ထိုသို့ကြားသောအခါ ထိတ်လန့်သွားသည်။ သူ ကျင့်ကြံခြင်းတွင် နစ်မြုပ်ထားသည်မှာ တစ်နှစ်ခွဲခန့်ရှိပြီဖြစ်၍ ဝမ်ယိဖန်က သူ့ကို ယခုအချိန်မှ ခေါ်ထုတ်ခဲ့ခြင်းဖြစ်သည်။ ဝမ်ယိဖန်သာ မခေါ်ထုတ်ခဲ့လျှင် သူသည် ဒြပ်မဲ့ကျွမ်းကျင်အဆင့်သို့ ရောက်ရှိချိန်မှ ထွက်လာပေလိမ့်မည်။ ထို့ကြောင့် သူသည် ချူးယွင်ဖန်းနှင့် ပတ်သက်၍ မသိထားသော်လည်း ဝမ်ယိဖန်၏ ဤသို့အလေးအနက်ထားနေပုံအရ ချူးယွင်ဖန်းသည် ကိုင်တွယ်ရခက်ခဲသူတစ်ဦးဖြစ်ပေလိမ့်မည်။</p> <p> </p> <p>"ကျွန်တော် နားလည်ပါပြီ၊ စိတ်မပူပါနဲ့ စီနီယာဝမ်။ သူက စီနီယာ့ကို စော်ကားထားမှတော့ ကျွန်တော့်ရဲ့ ရန်သူပါပဲ၊ သူ့ကို တွေ့တာနဲ့ ကျွန်တော် လုံးဝလွှတ်ပေးမှာ မဟုတ်ပါဘူး" ယွီဝမ်ရှင်းက ပြောလိုက်သည်။</p> <p> </p> <p>ယွီဝမ်ရှင်းသည် ယုံကြည်မှုရှိသော အမူအရာမျိုး ပြသလာသည်။ သူသည် အခြားအရာဆိုလျှင် ယုံကြည်မှု မရှိနိုင်သော်လည်း အတွင်းစည်းတပည့် ပြိုင်ပွဲဟူသည် လက်ဖဝါးကို လှန်မှောက်ခြင်းကဲ့သို့ လွယ်ကူပေလိမ့်မည်။ သူသည် ဤကျင့်ကြံမှု အဆင့်အတွင်း မည်သူမျှ သူ့ကို မယှဉ်နိုင်ကြောင်း အခိုင်အမာ ယုံကြည်ထားသည်။ ထိပ်တန်းတပည့်များနှင့် မတွေ့ဆုံသရွေ့ သာမန်အတွင်းစည်းတပည့်များသည် သူ့အရှေ့တွင် သေဆုံးရုံသာရှိသည်။</p> <p> </p> <p>"ကောင်းပြီ။ မင်းကို နတ်ဖြတ်ဓား ပေးလိုက်မယ်၊ မင်း သူ့ကို သတ်ပြီးတာနဲ့ အခြားဟာတွေ ထပ်ပေးဦးမယ်" ဝမ်ယိဖန်က ပြောလိုက်သည်။</p> <p> </p> <p>ဝမ်ယိဖန်သည် လက်ချောင်းကို တောက်လိုက်သည်နှင့် ယွီဝမ်ရှင်း၏ စိတ်ထဲသို့ အလင်းတန်းတစ်ခု တိုးဝင်သွားသည်။ ယွီဝမ်ရှင်းသည် မျက်လုံးများကို မှိတ်လိုက်သည်။ ထိုအခါ သူ၏ စိတ်ထဲတွင် တောက်ပနေသော ဓားတစ်လက်ကို မြင်တွေ့လိုက်ရသည်။ ၎င်းသည် သူ အလွန်တောင်းတနေသော နတ်ဖြတ်ဓားဖြစ်ပေသည်။</p> <p> </p> <p>"ကျေးဇူးတင်ပါတယ် စီနီယာဝမ်၊ ချူးယွင်ဖန်း အသက်ရှင်လျက် ပြန်မလာနိုင်ဖို့အတွက် အတွင်းစည်းတပည့် ပြိုင်ပွဲမှာ ကျွန်တော် အကောင်းဆုံး ကြိုးစားပါ့မယ်"</p> <p> </p> <p> </p> <p> </p> <p style="text-align: center;">***</p>


Save