Book List

<h2 style="text-align: center;">အခန်း (၁၆၈၅)</h2> <h2 style="text-align: center;">ဒြပ်မဲ့အဆင့်အထွတ်အထိပ်</h2> <h2 style="text-align: center;">*</h2> <p> </p> <p> </p> <p>ကျင့်ကြံခြင်း၌ အချိန်သည် မြန်ဆန်စွာ ကုန်ဆုံးသွားလေ့ရှိသည်။ မျက်စိတစ်မှိတ်အတွင်း နောက်ထပ်တစ်လ ကုန်လွန်သွားခဲ့သည်။ တောင်မြစ်ပန်းချီကားအတွင်း၌ ချူးယွင်ဖန်းသည် သူ၏မျက်လုံးများကို ဖြည်းညှင်းစွာ ဖွင့်လိုက်သည်။ သူ၏ခန္ဓာကိုယ်ရှိ အရှိန်အဝါသည် ပြီးပြည့်စုံသော အခြေအနေသို့ ရောက်ရှိသွား၍ ၎င်းကို အတွင်း၌သာ ထိန်းချုပ်ထားသည်။ ဤသည်မှာ ဒြပ်မဲ့အဆင့် အထွတ်အထိပ်သို့ ရောက်ရှိနေသည့် အခြေအနေဖြစ်သည်။</p> <p> </p> <p>ကောင်းကင်နတ်ဆိုးဆေးလုံးကို ဝါးမျိုပြီးနောက် သူ၏အင်အားသည် များစွာတိုးတက်လာခဲ့သည်။ အရေးကြီးဆုံးမှာ တာအိုအပေါ် နားလည်သဘောပေါက်မှုသည် အဆင့်သစ်တစ်ခုသို့ ရောက်ရှိသွားခြင်းဖြစ်သည်။ သူ၏ တိုက်ခိုက်နိုင်စွမ်းများ တိုးလာရုံသာမကဘဲ ကျင့်ကြံမှုအဆင့်သည်လည်း အပြစ်ပြောစရာမရှိသည်အထိ ပြီးပြည့်စုံသွားသည်။</p> <p> </p> <p>ဤသည်မှာ သူအမြဲတစေ မျှော်လင့်ခဲ့ရသည့်အရာဖြစ်သည်။ ဆေးဧကရာဇ်သည် သူ၏ အဓိကစွမ်းအင်ကို သိုင်းပညာဘက်တွင် မမြှုပ်နှံခဲ့သောကြောင့် ကျင့်ကြံခြင်းလမ်းစဉ်၌ အားနည်းချက်ရှိခဲ့သည်။ ဆေးဖော်စပ်မှုဖြင့် ဆေးဧကရာဇ်တစ်ပါး ဖြစ်လာခြင်းသည် ကွဲပြားခြားနားသော လမ်းစဉ်တစ်ခုဟု ဆိုနိုင်သည်။ ထို့ကြောင့် သူ၏ တိုက်ခိုက်နိုင်စွမ်းတွင် ဟာကွက်များရှိခဲ့၍ သိုင်းပညာဖြင့် ဧကရာဇ်ဖြစ်လာသူများကဲ့သို့ အနှိုင်းမဲ့ မဖြစ်ခဲ့ပေ။</p> <p> </p> <p>ချူးယွင်ဖန်းသည် ထိုအမှားမျိုးကို အစွမ်းကုန် ရှောင်ရှားရန် ကြိုးစားနေခြင်းဖြစ်သည်။ သူ၏ကျင့်ကြံမှုသည် ဒြပ်မဲ့အဆင့်အထွတ်အထိပ်သို့ ရောက်ရှိလာသည်နှင့်အမျှ သူ၏ တိုက်ခိုက်နိုင်စွမ်းသည်လည်း ဒြပ်မဲ့လေ့လာသူအဆင့် အထွတ်အထိပ်သို့ မြင့်တက်သွားသည်။ ယခုအချိန် သူ၏ရုပ်ရည်တွင် ပြောင်းလဲခြင်းမရှိသော်လည်း ခန္ဓာကိုယ်အတွင်း၌ ကြောက်မက်ဖွယ်ကောင်းသော သွေးစွမ်းအင်များ စီးဆင်းနေသည်။ ၎င်းသည် စစ်မှန်သော အထွတ်အထိပ်အခြေအနေဖြစ်သည်။</p> <p> </p> <p>"အတွင်းစည်းတပည့် ပြိုင်ပွဲလား။ မဖြစ်မနေ အနိုင်ရစေရမယ်" ချူးယွင်ဖန်းက အေးစက်စွာ ပြောလိုက်သည်။ သူသည် ထိုပြိုင်ပွဲတွင် အနိုင်ရရန် သန္နိဋ္ဌာန်ချထားသည်။ သူ၏ လက်ရှိအခြေအနေအရ မည်သူမျှ သူ့ကို တားဆီးနိုင်မည်မဟုတ်ပေ။</p> <p> </p> <p>နတ်ဘုရားတစ်ပါး လမ်းပိတ်ထားလျှင်ပင် သတ်ပစ်မည်ဟူသော စိတ်ဓာတ်မျိုးရှိနေသည်။ ယခုအခါ သူသည် အခြားအရာတစ်ခုကို စဉ်းစားနေသည်။ ဤသည်မှာ ဒြပ်မဲ့လေ့လာသူအဆင့်သို့ တိုးတက်ရမည့် နည်းလမ်းဖြစ်သည်။ အကယ်၍ ဒြပ်မဲ့အဆင့်သည် သဘာဝနိယာမတရားများ၏ ခြေရာလက်ရာအချို့ကို ဝေဝါးစွာ စတင်နားလည်သည့် အဆင့်ဆိုလျှင် ဒြပ်မဲ့လေ့လာသူအဆင့်သည် စစ်မှန်သော နားလည်မှု၏ အစပျိုးမှုဖြစ်သည်။ ထိုအဆင့်သို့ ရောက်ရှိလျှင် အရာအားလုံး ပို၍ ရှင်းလင်းလာပေလိမ့်မည်။ ထိုအချိန်၌ သူ၏ တိုက်ခိုက်နိုင်စွမ်းသည် အထူးချွန်ဆုံးတပည့်များနှင့်ပင် ယှဉ်နိုင်ပေလိမ့်မည်ဖြစ်သည်။</p> <p> </p> <p>အထူးချွန်ဆုံးတပည့်များသည် သာမန်အတွင်းစည်းတပည့်များနှင့် ကွာခြားသည်။ ၎င်းတို့သည် ကြယ်ကြွေကောင်းကင်ဂိုဏ်း၏ စစ်မှန်သော ကျောရိုးများဖြစ်ကြသည်။ တစ်ဦးချင်းစီ၏ တိုက်ခိုက်နိုင်စွမ်းသည် သာမန်တပည့်များထက် များစွာ သာလွန်သည်။ ၎င်းတို့သည် ဂိုဏ်း၏ နယ်မြေချဲ့ထွင်မှုများတွင် စစ်မှန်သော အင်အားစုများဖြစ်သည်။ ဂိုဏ်းအတွင်း၌ ထိုတပည့်များကို တွေ့ရခဲသည့် အကြောင်းရင်းမှာ ၎င်းတို့သည် ကြီးမြတ်သောတရှအတွက် အမှုထမ်းရန် ပြင်ပသို့ ထွက်ခွာသွားကြရသောကြောင့်ဖြစ်သည်။</p> <p> </p> <p>၎င်းသည် ကြီးမြတ်သောတရှကို စတင်တည်ထောင်စဉ်က ဂိုဏ်းအသီးသီးမှ ပြုလုပ်ခဲ့သော သဘောတူညီချက်ဖြစ်သည်။ သာမန်အပြင်စည်းနှင့် အတွင်းစည်းတပည့်များကို လျစ်လျူရှုထားနိုင်သော်လည်း အထူးချွန်ဆုံးတပည့်များသည် အင်ပါယာအတွက် အမှုထမ်းကြရပေလိမ့်မည်။ အင်ပါယာ တည်ငြိမ်ခြင်းသည် ဂိုဏ်းများ တည်ငြိမ်ခြင်းနှင့် ထပ်တူကျသည်။ အင်ပါယာအတွက် အမှုထမ်းခြင်းဖြင့် ကြီးမြတ်သောတရှ၏ ဂိုဏ်းများနှင့် သက်ရှိအားလုံးကို ကာကွယ်ပေးရာရောက်သည်။</p> <p> </p> <p>အခြေခံအားဖြင့် ၎င်းတို့သည် နန်းတော်တွင် အရာရှိများအဖြစ် ဝင်ရောက်လုပ်ကိုင်ကြသည့်အပြင် စစ်တပ်များကို ဦးဆောင်၍ တိုက်ပွဲဝင်လေ့ရှိကြသည်။ ထို့ကြောင့် ကြယ်ကြွေကောင်းကင်ဂိုဏ်းတွင် အင်အားအကောင်းဆုံး တပည့်များဖြစ်သည့် အစစ်အမှန်တပည့်များနောက်တွင် အတွင်းစည်းတပည့်များရှိကြသည်။</p> <p> </p> <p>အဘယ်ကြောင့်ဆိုသော် သာမန်အထူးချွန်ဆုံးတပည့်များတွင် တာဝန်ဝတ္တရားများရှိနေသောကြောင့်ဖြစ်သည်။ ၎င်းတို့သည် ဂိုဏ်းသို့ ငါးနှစ် သို့မဟုတ် ဆယ်နှစ်ခန့်မျှ ပြန်မလာနိုင်ခြင်းသည် သာမန်ကိစ္စဖြစ်သည်။ ရုတ်တရက် အပြင်ဘက်ခြံဝင်းအတွင်းမှ ကျယ်လောင်သော အသံတစ်ခု ထွက်ပေါ်လာ၍ ချူးယွင်ဖန်း၏ အတွေးများကို ဖြတ်တောက်ပစ်လိုက်သည်။ သူသည် တောင်မြစ်ပန်းချီကားအတွင်းမှ ထွက်လာခဲ့သည်။ ပြီးနောက် ခြံဝင်းအပြင်ဘက်သို့ ထွက်လာ၍ ကောင်းကင်ယံသို့ မော့ကြည့်လိုက်သည်။</p> <p> </p> <p>ကောင်းကင်တစ်ခုလုံးတွင် ပျံသန်းနေသော အလင်းတန်းများဖြင့် ပြည့်နှက်နေသည်။ သို့သော် အများစုသည် အရှေ့ပိုင်းဒေသမှ လာရောက်ကြည့်ရှုကြသော အပြင်စည်း၊ အတွင်းစည်းတပည့်များဖြစ်ကြသည်။ အဓိက ဇာတ်ဆောင်သည် လရောင်ကဲ့သို့ ဖြူဖွေးသော ဝတ်ရုံကို ဝတ်ဆင်ထားသည့် လူငယ်တစ်ဦးဖြစ်သည်။ လူငယ်သည် လက်နှစ်ဖက်ကို နောက်ပစ်၍ မတ်မတ်ရပ်ကာ ချူးယွင်ဖန်းကို အထက်မှ ငုံ့ကြည့်နေသည်။</p> <p> </p> <p>"မင်းက ချူးယွင်ဖန်းလား" ချူးယွင်ဖန်း ထွက်လာခြင်းကို မြင်သောအခါ ထိုလူငယ်က မျက်ခုံးပင့်၍ မေးလိုက်သည်။</p> <p> </p> <p> </p> <p>"ဟုတ်တယ်၊ ခင်ဗျားက ဘယ်သူလဲ" ချူးယွင်ဖန်းက ပြန်မေးလိုက်သည်။</p> <p> </p> <p>"ကျုပ်နာမည်က စုဟုန်ချန်းပဲ" ထိုလူငယ်သည် ချူးယွင်ဖန်းကို စိုက်ကြည့်လျက် ပြောလိုက်သည်။</p> <p> </p> <p>"သူကို။ သူ ဘယ်တုန်းက ပြန်ရောက်တာလဲ၊ အတွင်းစည်းတပည့် ပြိုင်ပွဲမှာ ဝင်ပြိုင်ဖို့ ပြန်လာတာလား"</p> <p> </p> <p>"ဒါပဲ ဖြစ်ရမယ်၊ စုဟုန်ချန်းက လွန်ခဲ့တဲ့ သုံးနှစ်ကတည်းက ကြီးမြတ်တဲ့တရှ တစ်ခွင် လှည့်လည်သွားလာနေတာလို့ ပြောကြတာပဲ။ အခု သူပြန်လာပြီဆိုတော့ ပြိုင်ပွဲဝင်ဖို့ပဲ ဖြစ်မှာပေါ့"</p> <p> </p> <p>"ဟုတ်တယ်၊ သူပြန်လာတယ်ဆိုရင်တော့ ချန်ပီယံရဖို့အတွက်ပဲ ဖြစ်ရမယ်။ လွန်ခဲ့တဲ့ သုံးနှစ်တုန်းကတောင် သူက ထိပ်တန်းဆယ်ယောက်ထဲမှာ ပါခဲ့တာ။ အခုဆို အနိုင်ရဖို့ အခွင့်အရေးတွေ ပိုများတာပေါ့"</p> <p>လူအုပ်ကြီးက စိတ်လှုပ်ရှားစွာ ဆွေးနွေးနေကြသည်။ ဝါရင့် အတွင်းစည်း၊ အပြင်စည်းတပည့် အများအပြားသည် စုဟုန်ချန်းနှင့်ပတ်သက်၍ ကြားဖူးကြသည်။ သူ၏ ခွန်အားသည် အလွန်ထူးခြားသည်။ လွန်ခဲ့သော သုံးနှစ်က ပြိုင်ပွဲတွင် သူသည် အဆင့် ၁၀ အတွင်း ပါဝင်ခဲ့သည်။ ထိုကဲ့သို့သော လူမျိုးသည် အလွန်စွမ်းအားကြီးသည်ဟု ဆိုနိုင်သည်။ ကြီးမြတ်သောတရှတွင် သုံးနှစ်ကြာ လှည့်လည်သွားလာပြီးနောက် သူ၏ အင်အားသည် ပို၍ ကြောက်မက်ဖွယ်ကောင်းနေမည်မှာ သေချာသည်။ စုဟုန်ချန်းသည် သူ၏ အရှိန်အဝါကို ထုတ်မပြသေးသော်လည်း သာမန်အတွင်းစည်းတပည့်များထက် များစွာ သာလွန်သော ဖိအားများကို ထုတ်လွှတ်နေသည်။ သူသည် အထူးချွန်ဆုံးတပည့်ဖြစ်လာရန် လက်တစ်ကမ်းသာ လိုအပ်ပေသည်။</p> <p> </p> <p>အချို့သောသူများသည် ကြီးမားသော ရည်မှန်းချက်များရှိကြရာ အနာဂတ်တွင် အစစ်အမှန်တပည့်များဖြစ်လာရန် သို့မဟုတ် ထိုထက်မက တိုးတက်လာရန် မျှော်မှန်းကြကြောင်း လူအများ နားလည်ကြသည်။ ထို့ကြောင့် ဒြပ်မဲ့လေ့လာသူအဆင့်တွင် အခြေခံခိုင်မာရန် အထူးအရေးကြီးသဖြင့် ဒြပ်မဲ့ကျွမ်းကျင်အဆင့်သို့ အလောတကြီး မဖြတ်ကျော်ကြပေ။ ယင်းအစား ၎င်းတို့၏ ကျင့်ကြံမှုကို အပြစ်အနာအဆာကင်းမဲ့၍ အခြေခံခိုင်မာစေရန် အထပ်ထပ်အခါခါ လေ့ကျင့်ကြသည်။ စုဟုန်ချန်းသည်လည်း ထိုသို့ပင် ဖြစ်သည်။ သူ ဒြပ်မဲ့ကျွမ်းကျင်အဆင့်သို့ တက်ရောက်သွားသည်နှင့် တစ်ပြိုင်နက် နှစ်အနည်းငယ်အတွင်း ထိုအဆင့်၏ အထွတ်အထိပ်သို့ ရောက်ရှိနိုင်ပေလိမ့်မည်။ သူသည် အနာဂတ်တွင် အစစ်အမှန်တပည့်တစ်ဦး ဖြစ်လာရန် လွယ်ကူပေလိမ့်မည်။</p> <p> </p> <p>"ဟုတ်တယ်၊ ကျုပ်က ချူးယွင်ဖန်းပဲ" ချူးယွင်ဖန်းက ခပ်အေးအေး ပြန်ပြောလိုက်သည်။</p> <p> </p> <p>"မင်း ဒီနှစ်ပြိုင်ပွဲမှာ ဟွာရှန်းယွမ်နဲ့ လောင်းကြေးထပ်ထားတယ်လို့ ကျုပ် ကြားတယ်" စုဟုန်ချန်းက ချူးယွင်ဖန်းကို မေးလိုက်သည်။</p> <p> </p> <p>"ဟုတ်တယ်" ချူးယွင်ဖန်းက ခေါင်းညိတ်လိုက်သည်။</p> <p> </p> <p>စုဟုန်ချန်းက လှောင်ရယ်ကာ ပြောလိုက်သည်။</p> <p>"မင်းတို့လို လူသစ်တွေက ကောင်းကင်နဲ့ မြေကြီးရဲ့ ထုထည်ကို မသိကြဘူးပဲ။ အတွင်းစည်းတပည့် ပြိုင်ပွဲကို ကစားစရာလို့ ထင်နေတာလား။ ဒါမှမဟုတ် မင်းရဲ့ မျိုးစေ့တပည့်ဆိုတဲ့ ဂုဏ်ပုဒ်ကို အားကိုးနေတာလား။ ဒီပြိုင်ပွဲကို ဝင်ပြိုင်ခွင့်ရတဲ့သူတွေထဲမှာ ဘယ်သူကများ မျိုးစေ့တပည့် မဖြစ်ခဲ့ဖူးလို့လဲ"</p> <p> </p> <p>"ဒါတွေက ခင်ဗျားနဲ့ ဘာဆိုင်လို့လဲ" ချူးယွင်ဖန်းက အေးစက်စွာ ပြောလိုက်သည်။</p> <p> </p> <p>"ဟုတ်တယ်၊ ဒါတွေက ကျုပ်နဲ့ မဆိုင်ဘူး။ ဒါပေမယ့် နောက်ဖြစ်မယ့်အရာကတော့ ကျုပ်နဲ့ ဆိုင်တယ်။ မင်းဆီမှာ ဆင့်ကဲပြောင်းလဲမှု ဆေးရှိတယ်လို့ ကျုပ် ကြားတယ်" စုဟုန်ချန်းက ခပ်အေးအေး ဆက်လိုက်ပြောသည်။</p> <p>"အဲဒါကို အလယ်အလတ်အဆင့် ဝိညာဉ်ကျောက်တုံး နှစ်သိန်းနဲ့ ကျုပ်ကို ရောင်းလိုက်"</p> <p> </p> <p>"လာနောက်နေတာလား။ စိတ်တော့မရှိပါနဲ့၊ ကျုပ် ခင်ဗျားကို မရောင်းနိုင်ဘူး" ချူးယွင်ဖန်းက အေးစက်စွာ ရယ်လိုက်သည်။</p> <p> </p> <p>ဆင့်ကဲပြောင်းလဲမှုဆေးလုံး၏ တန်ဖိုးနှင့် နှိုင်းယှဉ်လျှင် ဝိညာဉ်ကျောက်တုံး နှစ်သိန်းဆဟူသည် လုယူခြင်းနှင့် ထူးမခြားနားပေ။ ပြီးနောက် ချူးယွင်ဖန်းက လှည့်ထွက်သွားသည်။</p> <p> </p> <p>"မရောင်းဘူး ဟုတ်လား။ ဒီကိစ္စက မင်းသဘောနဲ့ မင်းလုပ်လို့ရတာ မဟုတ်ဘူး။ မင်းလို တပည့်အသစ်တစ်ယောက်က ဆင့်ကဲပြောင်းလဲမှုဆေးကို ကာကွယ်နိုင်မယ်လို့ ထင်နေတာလား။ ကျုပ် အကြံပေးလိုက်မယ်၊ အဲဒါကို အခုချက်ချင်း ကျုပ်ကို ပေးလိုက်။ မဟုတ်ရင် မင်း နောင်တရလိမ့်မယ်" စုဟုန်ချန်း၏ မျက်နှာအမူအရာ နက်မှောင်သွား၍ ချူးယွင်ဖန်းကို အေးစက်စွာ စိုက်ကြည့်လိုက်သည်။</p> <p> </p> <p>"ခင်ဗျားက အတွင်းစည်းတပည့်တစ်ယောက်ပါ။ ခင်ဗျားနောက်ကွယ်မှာ ဘယ်သူရှိနေလဲဆိုတာ ကျုပ် မသိပေမယ့် ခင်ဗျားက ခွေးတစ်ကောင်ထက် မပိုဘူး" ချူးယွင်ဖန်းက လှောင်ရယ်ကာ ပြောလိုက်သည်။</p> <p> </p> <p> </p> <p style="text-align: center;">***</p>


Save