Book List

<h2 style="text-align: center;">အခန်း (၁၆၉၁)</h2> <h2 style="text-align: center;">ထူးခြားသော ပြိုင်ပွဲ စတင်ခြင်း</h2> <h2 style="text-align: center;">*</h2> <p> </p> <p> </p> <p>"မင်းတော့ အသေပဲ"</p> <p>ချူးယွင်ဖန်း၏ နားထဲတွင် ရုတ်တရက် အေးစက်စက် အသံတစ်ခု ထွက်ပေါ်လာသည်။ သူ လိုက်ကြည့်လိုက်ရာ အေးစက်သော ခြိမ်းခြောက်မှုကို ပြုလုပ်လိုက်သူသည် ယွီဝမ်ရှင်းဖြစ်နေကြောင်း တွေ့ရှိလိုက်ရသည်။ သူသည် ချူးယွင်ဖန်းကို စိတ်ချင်းဆက်သွယ်မှုမှတစ်ဆင့် စကားပြောနေခြင်းဖြစ်သည်။</p> <p> </p> <p>"ခင်ဗျားက ကျုပ်ကို သတ်ချင်လို့လား။ ခင်ဗျားမှာ ဒီလိုအရည်အချင်းမျိုး မရှိသေးဘူး" ချူးယွင်ဖန်းက ခပ်ဖျော့ဖျော့ ပြုံးလိုက်သည်။</p> <p> </p> <p>"ဟုတ်လား။ မင်းမှာ နောက်ဆုံး ပြောစရာစကားရှိရင် မြန်မြန် ပြောထားခဲ့ဦး။ ပြိုင်ပွဲ စတဲ့အခါ ပြောဖို့ အခွင့်အရေးရတော့မှာ မဟုတ်ဘူး" ယွီဝမ်ရှင်းက လှောင်ပြောင်လိုက်သည်။</p> <p> </p> <p>သူ၏ အကြည့်များသည် ရက်စက်မှုနှင့် အေးစက်မှုတို့ဖြင့် ပြည့်နှက်နေသည်။ ဤသည်မှာ ဝမ်ယိဖန်၏ အမိန့်ဖြစ်နေသည့်အပြင် သူကိုယ်တိုင်သည်လည်း ချူးယွင်ဖန်းကို မုန်းတီးနေသည်။ ယခုနှစ်တွင် သူသည် ချန်ပီယံဖြစ်ရန် ဆုံးဖြတ်ထားကြောင်း လူတိုင်း သိကြသော်လည်း ချူးယွင်ဖန်းသည် အလွန် သတ္တိကောင်းစွာဖြင့် ချန်ပီယံနေရာကို ယှဥ်ပြိုင်ရန် ဟွာရှန်းယွမ်နှင့် သီးသန့် သဘောတူညီချက်ပင် ပြုလုပ်ခဲ့သည်။ ချူးယွင်ဖန်းသည် သူ့ကို လျစ်လျူရှု့ခဲ့ခြင်းဖြစ်သည်။ သူ၏ မျက်လုံးထဲတွင် ချူးယွင်ဖန်းသည် ကောင်းကင်နှင့် မြေကြီး၏ ထုထည်ကို မသိနားမလည်သော ကလေးတစ်ဦးသာဖြစ်သည်။ ချူးယွင်ဖန်းသည် ပြုံးလိုက်ပြီးနောက် ယွီဝမ်ရှင်းကို အာရုံမစိုက်တော့ပေ။</p> <p> </p> <p>ဟွာရှန်းယွမ်သည် ချူးယွင်ဖန်းထံ လျှောက်လာ၍  အကြံပေးလိုက်သည်။</p> <p>"ခဏနေရင် အခြအနေတွေ ရှုပ်ထွေးလာလိမ့်မယ်။ မသေစေနဲ့" ဟွာရှန်းယွမ်သည် ကောလာဟလအချို့ကို ကြားသိထားကြောင်း ချူးယွင်ဖန်း နားလည်လိုက်သည်။ အမှန်တကယ်တွင် ဝမ်ယိဖန်သည် ထိုကိစ္စကို ဖုံးကွယ်ရန်ပင် မကြိုးစားခဲ့ပေ။ သူကဲ့သို့ အစစ်အမှန်တပည့်တစ်ဦးသည် အတွင်းစည်းတပည့်တစ်ဦးကို ကိုင်တွယ်ရာတွင် ပုန်းလျှိုးကွယ်လျှိုး လုပ်ဆောင်နေရပါက ဟာသတစ်ခုဖြစ်သွားပေလိမ့်မည်။</p> <p> </p> <p>"စိုးရိမ်စရာ မလိုပါဘူး" ချူးယွင်ဖန်းက ခပ်ဖျော့ဖျော့ ပြုံးလိုက်သည်။</p> <p> </p> <p>"အဲဒီလိုကြားရတာ ဝမ်းသာပါတယ်။ ကျုပ်သာ ခင်ဗျားရဲ့ နောက်ဆုံးပြိုင်ဘက်ဖြစ်လာမှာမို့လို့ တခြားလူတွေလက်ထဲမှာ မသေစေနဲ့" ဟွာရှန်းယွမ်သည် ချူးယွင်ဖန်းကို တစ်ချက်စိုက်ကြည့်ပြီးနောက် လှည့်ထွက်သွားသည်။</p> <p> </p> <p>ချူးယွင်ဖန်းအရှေ့သို့ လူရိပ်တစ်ခု ရုတ်တရက် ရောက်ရှိလာသည်။ ထိုလူသည် ယုချူးယွမ်ဖြစ်၍ တစ်လကြာ ပြင်းထန်သော ကျင့်ကြံမှုများ ပြုလုပ်ပြီးနောက် ယုချူးယွမ်သည် ဒြပ်မဲ့လေ့လာသူအဆင့်​၏ နောက်ဆုံးအဆင့်သို့ တက်လှမ်းနိုင်ခဲ့သည်။ သူသည် အတွင်းစည်းတပည့်များအနက် အတော်အတန် သန်မာသူတစ်ဦးဖြစ်လာခဲ့သည်။ အနည်းဆုံးလျှင် အောက်ခြေ၌သာရှိနေသော မူလအခြေအနေထက် များစွာ သာလွန်လာခဲ့သည်။</p> <p> </p> <p>"ဂါရဝပြုပါတယ်၊ စီနီယာချူး" ယုချူးယွမ်က ပြောလိုက်သည်။</p> <p> </p> <p>ချူးယွင်ဖန်းက ခေါင်းညိတ်ပြပြီးနောက် ပြောလိုက်သည်။</p> <p>"ခဏနေရင် ကြိုးစားပြီး ဝင်ပြိုင်ကြည့်၊ တတ်နိုင်သမျှ အမြင့်ဆုံးရအောင် ကြိုးစား"</p> <p> </p> <p>ချူးယွင်ဖန်းသည် အတွင်းစည်းတပည့်များကို လေ့လာကြည့်ရှု့လိုက်သည်။ ၎င်းတို့အားလုံးသည် ကျွမ်းကျင်သူများဖြစ်ကြသော်လည်း ကြယ်ကြွေကောင်းကင်ဂိုဏ်း၏ အင်းအားစုအစစ်အမှန် မဟုတ်သေးကြောင်း သူ သိနေသည်။ ထူးချွန်သော ပါရမီရှင် အများအပြားသည် ယခုနှစ် ပြိုင်ပွဲကို ရှောင်တိမ်းခဲ့ကြသည်။ အဘယ်ကြောင့်ဆိုသော် ယခုနှစ် ပြိုင်ပွဲတွင် ဝမ်ယိဖန် အထူးတလည် မြှင့်တင်ပေးထားသော ယွီဝမ်ရှင်းကို လမ်းဖွင့်ပေးထားသောကြောင့်ဖြစ်သည်။ လူအများအပြားသည် နောက်တစ်ကြိမ်ကျင်းပမည့် အတွင်းစည်းတပည့် ပြိုင်ပွဲတွင်သာ ပါဝင်ယှဉ်ပြိုင်ရန် ရွေးချယ်ခဲ့ကြပုံပေါ်သည်။</p> <p> </p> <p>"ဟုတ်ကဲ့ပါ စီနီယာချူး" ယုချူးယွမ်က ပြောလိုက်သည်။</p> <p> </p> <p>ထူးချွန်တပည့်အချို့သည်လည်း သူ့ကို ကြည့်နေကြကြောင်း ချူးယွင်ဖန်း ရှင်းရှင်းလင်းလင်း ခံစားမိသည်။ ၎င်းတို့သည် သူနှင့်ပတ်သက်သည့်အကြောင်းကို ဆွေးနွေးနေကြခြင်းဖြစ်နိုင်သည်။</p> <p> </p> <p>"အဲဒါ ချူးယွင်ဖန်းလား။ စိတ်ဝင်စားဖို့ကောင်းသားပဲ။ ဒြပ်မဲ့အဆင့်ပဲ ရှိသေးတာကို ပြိုင်ပွဲမှာ ပါဝင်ရဲတယ်လား။ ကျုပ် မျက်စိနဲ့သာ တပ်အပ် မမြင်ခဲ့ရင် ဒီလို သေရေးရှင်ရေး မသိတဲ့သူ ရှိနေမယ်လို့ ယုံကြည်မှာမဟုတ်ဘူး"</p> <p> </p> <p>"ဟားဟားဟား သူ့ကို လျှော့မတွက်နဲ့ဦး။ သူက ဒြပ်မဲ့အဆင့်ပဲ ရှိသေးပေမယ့် စုဟုန်ချန်းကို အနိုင်ယူနိုင်ခဲ့တာ။ သူ့ရဲ့ ကျင့်ကြံမှုက ဒြပ်မဲ့လေ့လာသူအဆင့်ရဲ့ အထွက်အထိပ် ကျင့်ကြံသူတစ်ယောက်အောက် နိမ့်ကျမှာ မဟုတ်ဘူး"</p> <p> </p> <p>"အဲဒါက အရေးမကြီးပါဘူး။ သူသာ အဲဒီအဆင့်ကို မကျော်ဖြတ်နိုင်ရင် ကျုပ်တို့နဲ့ တန်းတူတပည့်တစ်ယောက် ဖြစ်လာနိုင်မှာ မဟုတ်ဘူး။ အတွင်းစည်းတပည့်နဲ့ ထူးချွန်တပည့်ကြားမှာ တစ်ဆင့်တည်း ကွာခြားတယ်လို့ ထင်ရပေမယ့် တကယ်တမ်း ခြားနားချက်က နည်းတာ မဟုတ်ဘူး"</p> <p> </p> <p>ထိုအချိန်တွင် ထူးချွန်တပည့်များသည် ပွဲကြည့်စင်ပေါ်၌ တီးတိုးပြောနေကြရာ ၎င်းတို့ ဆွေးနွေးမှု၏ပစ်မှတ်သည် ချူးယွင်ဖန်းဖြစ်သည်။ များပြားလှသော အတွင်းစည်းတပည့်များအနက် ချူးယွင်ဖန်း၊ ဟွာရှန်းယွမ်နှင့် ယွီဝမ်ရှင်းတို့သည် အာရုံစိုက်မှုကို အခံရဆုံးသော ပြိုင်ပွဲဝင်များဖြစ်ကြသည်။ ၎င်းတို့တွင် အခြားသော အတွင်းစည်းတပည့်များ မနှိုင်းယှဉ်နိုင်သည့် အကြောင်းပြချက်အမျိုးမျိုး ရှိနေကြသည်။</p> <p> </p> <p>"ချန်ပီယံကတော့ ယွီဝမ်ရှင်းပဲ ဖြစ်လောက်တယ်။ တခြားသူတွေကတော့ အလှမ်းဝေးပါသေးတယ်"</p> <p> </p> <p>"မှန်တယ်၊ ဝမ်ယိဖန်က သူ့အပေါ် အကြီးအကျယ် လောင်းကြေးထပ်ထားတာ"</p> <p> </p> <p>"ကျုပ်တော့ အဲဒီလို မထင်ဘူး။ ဟွာရှန်းယွမ်က သာမန်လူ မဟုတ်ဘူး။ သူ့နဲ့ကျင်စဥ်တူတဲ့ လူတွေထဲမှာ သူ့ကို ယှဉ်နိုင်တဲ့သူ မရှိသလောက်ပဲ။ သူက ယွီဝမ်ရှင်းနဲ့ ယှဉ်နိုင်လောက်တယ်"</p> <p> </p> <p>"ကျွတ်၊ ကျွတ်... ဒီချူးယွင်ဖန်းနဲ့ ဟွာရှန်းယွမ်က ဒီနှစ်မှ ရောက်လာတဲ့ လူသစ်တွေလေ။ လူသစ်တွေက တစ်နေ့ထက်တစ်နေ့ ပိုပြီး အစွမ်းထက်လာကြတာပဲ"</p> <p> </p> <p>လူတိုင်း ဆွေးနွေးနေကြစဉ် ထူးချွန်တပည့်များထဲမှ လူရိပ်တစ်ခု ပျံသန်းထွက်ပေါ်လာသည်။ ချူးယွင်ဖန်းက သေချာစိုက်ကြည့်လိုက်သောအခါ ဝင်ခွင့်စာမေးပွဲတွင် တွေ့ဆုံခဲ့သည့် ဖန်းယွီမှတစ်ပါး အခြားလူ မဟုတ်ကြောင်း မြင်တွေ့လိုက်ရသည်။ သို့သော် ယခင်နှင့် နှိုင်းယှဉ်ပါက ဖန်းယွီ၏ ခွန်အားသည် ပို၍ပင် ထိတ်လန့်ဖွယ်ကောင်းလာသည်။ ထိုစဉ်က ဖန်းယွီသည် ဒြပ်မဲ့လေ့လာသူအဆင့်၏ အထွက်အထိပ်၌သာ ရှိခဲ့သော်လည်း ယခုအခါ သူသည် လုံးလုံးလျားလျား ခန့်မှန်း၍မရသော ဒြပ်မဲ့ကျွမ်းကျင်အဆင့်သို့ ရောက်ရှိနေသည်။</p> <p> </p> <p>ဖန်းယွီသည် ဒြပ်မဲ့ကျွမ်းကျင်အဆင့်ရှိ ထူးချွန်တပည့်တစ်ဦးဖြစ်ခဲ့သည်မှာ ကြာမြင့်ပြီဖြစ်ကြောင်း ချူးယွင်ဖန်း သတိရသွားသည်။ သူသည် ယခင်က ပြင်းထန်သော ဒဏ်ရာကြောင့်သာ ကျင့်ကြံမှုအဆင့်များ ဒြပ်မဲ့လေ့လာသူအဆင့်သို့ ခေတ္တ ကျဆင်းသွားခဲ့ခြင်းဖြစ်သည်။ ယခုအခါ သူသည် သူ၏ ပုံမှန်ကျင့်စဥ်သို့ ပြန်ရောက်သွားလေသည်။</p> <p> </p> <p>"တိတ်ကြတော့"</p> <p>ဖန်းယွီ၏ အသံသည် ခေါင်းလောင်းကဲ့သို့ ကျယ်လောင်လှ၍ ကွင်းပြင်တစ်ခုလုံး ငြိမ်သက်သွားသည်။</p> <p> </p> <p>"အတွင်းစည်းတပည့် ပြိုင်ပွဲကနေ ကြိုဆိုပါတယ်။ ဒီပြိုင်ပွဲကို တစ်နှစ်တစ်ကြိမ် ကျင်းပတာဖြစ်ပြီး ဂျူနီယာတွေရဲ့ အောင်မြင်မှုတွေကို စမ်းသပ်တာလည်း ဖြစ်တယ်။ ဒါဟာ ဂိုဏ်းက သတ်မှတ်ထားတဲ့ စည်းမျဉ်းတစ်ခုဖြစ်ပဲ။ တစ်ချိန်တည်းမှာ ကျုပ်တို့တွေ ရှေ့ဆက် လေ့ကျင့်ပေးဖို့အတွက် အထူးချွန်ဆုံးတပည့်တွေကို ရွေးချယ်တာလို့လည်း ဆိုရမယ်။ မင်းတို့သာ ထိပ်တန်း အယောက် ၅၀၀ ထဲ ဝင်မယ်ဆိုရင် ဆုတွေ ရလိမ့်မယ်။ ထိပ်တန်း အယောက် ၁၀၀ ကတော့ ဆုတွေ ပိုများမှာဖြစ်သလို၊ ထိပ်တန်း ၁၀ ယောက်ထဲ ဝင်တဲ့သူတွေကတော့ ဂိုဏ်းကနေ အထူးလေ့ကျင့်မှုတွေနဲ့ တခြားဆုတွေကို ရလိမ့်မယ်။ လူတိုင်း အဲဒါတွေကို ကြားဖူးကြမယ်လို့ ထင်ပါတယ်၊ ဒါကြောင့် အသေးစိတ်ကိုတော့ ထပ်မပြောတော့ဘူး" ဖန်းယွီက တည်ငြိမ်စွာ ပြောလိုက်သည်။</p> <p>"ပြိုင်ပွဲ စတင်ဖို့ အချိန်ရောက်ပြီ။ ဒါပေမယ့် ဒီတစ်ခေါက်တော့ နည်းနည်း ကွာခြားချက် ရှိလိမ့်မယ်။ ကွင်းထဲမှာ တိုကင် အခု ၅၀၀ ပေါ်လာလိမ့်မယ်။ အဲဒီထဲမှာ ၁၀ ခုက အနီရောင် တိုကင်တွေဖြစ်ပြီး ကျန်တာတွေကတော့ အဝါရောင် တိုကင်တွေ။ အနီရောင် တိုကင် ရတဲ့လူတွေက ထိပ်တန်း ၁၀ ယောက်စာရင်းထဲကို တိုက်ရိုက် ဝင်ရောက်နိုင်လိမ့်မယ်"</p> <p> </p> <p>လူတိုင်း ဆူညံပွက်လောရိုက်သွားကြသည်။ ယခုနှစ်၏ စည်းမျဉ်းများသည် ယခင်နှစ်များနှင့် အလွန်ကွဲပြားနေသောကြောင်း ၎င်းတို့အားလုံး အံ့အားသင့်သွားကြသည်။ ယခင်ကမူ အနိုင်အရှုံးကို အဆင့်ဆင့် ဆုံးဖြတ်ပြီးမှသာ အဆုံးတွင် ထိပ်တန်း ၁၀ ယောက်ကို သတ်မှတ်ခြင်းဖြစ်သည်။ ယခုမူ လူတိုင်း တစ်ပြိုင်နက်တည်း တိုက်ခိုက်ရမည့်ပုံပေါ်သည်။ အင်အားအကြီးဆုံး ပြိုင်ပွဲဝင်များသည် အနီရောင် တိုကင် ၁၀ ခုအတွက် တိုက်ခိုက်ကြမည်ဖြစ်၍ ကျန်ထောင်ပေါင်းများစွာသော ပြိုင်ပွဲဝင်များသည် အဝါရောင် တိုကင်များအတွက် တိုက်ခိုက်ကြရမည်ဖြစ်သည်။ တိုကင် မရရှိသော ပြိုင်ပွဲဝင်များသည် ပြိုင်ပွဲမှ ထွက်ခွာကြရပေလိမ့်မည်။</p> <p> </p> <p>ရှုပ်ထွေးသော တိုက်ပွဲတစ်ခုဖြစ်လာလိမ့်မည်ဟု ဟွာရှန်းယွမ်က အဘယ်ကြောင့် ပြောခဲ့ရသည်ကို ချူးယွင်ဖန်း ချက်ချင်း နားလည်သွားသည်။ ၎င်းသည် ကျွမ်းကျင်မှုချင်း ယှဉ်ပြိုင်ခြင်းထက် ပို၍ မြန်ဆန်မည်ဖြစ်သော်လည်း အခက်အခဲသည် အဆပေါင်းများစွာ ပိုမို မြင့်တက်သွားမည်မှာ သေချာသည်။ အနိုင်ရရှိသူသည် အတော်ဆုံးထဲက အတော်ဆုံးတပည့်သာဖြစ်ပေလိမ့်မည်။</p> <p> </p> <p>"တိတ်ကြ။ ပြိုင်ပွဲ စတော့မယ်"</p> <p>ဖန်းယွီသည် အခြား မည်သည့်စကားမျှ ထပ်မပြောတော့ပေ။ သူ၏ အကြည့်သည် မိမိထံတွင် ခေတ္တ ရပ်တန့်သွားကြောင်း ချူးယွင်ဖန်း ခံစားလိုက်ရသည်။ ပြီးနောက် အလင်းတန်းများစွာသည် ကောင်းကင်ယံသို့ ပျံသန်းထွက်ပေါ်လာသည်။ ၎င်းတို့အနက် အများစုသည် ရွှေရောင်အလင်းတန်းများဖြစ်သော်လည်း ၁၀ ခုသည် ကြက်သွေးရောင် တိုကင်များဖြစ်ကြသည်။ ထိုအခါ လူတိုင်း စတင် လှုပ်ရှားလိုက်ကြသည်။</p> <p> </p> <p> </p> <p> </p> <p style="text-align: center;">***</p>


Save