Book List

<h2 style="text-align: center;">အခန်း (၁၆၉၄)</h2> <h2 style="text-align: center;">ချူးယွင်ဖန်း၏ တုန်လှုပ်ဖွယ်ရာ စွမ်းပကား</h2> <h2 style="text-align: center;">*</h2> <p> </p> <p> </p> <p>"ချူးယွင်ဖန်းက သန်မာလိုက်တာ"</p> <p> </p> <p>"သူက ဒြပ်မဲ့အဆင့်မှာပဲ ရှိသေးတာမဟုတ်ဘူးလား ဘယ်လိုလုပ် ဒီလောက် သန်မာနေရတာလဲ"</p> <p> </p> <p>"တကယ့်ကို ကြောက်စရာကောင်းတာပဲ။ လူ့အသွင်ဆောင်ထားတဲ့ သားရဲကြီးတစ်ကောင်အတိုင်းပဲ"</p> <p> </p> <p>"သူ့ကို ဘယ်သူမှ မတားနိုင်လောက်ဘူး"</p> <p> </p> <p>ပွဲကြည့်စင်တစ်ခုလုံး ရုတ်ရုတ်သဲသဲ ဖြစ်သွားကြသည်။ အချင်းချင်း ရူးသွပ်စွာ တိုက်ခိုက်နေကြသော ပြိုင်းကွင်းအတွင်းရှိ ပြိုင်ပွဲဝင်တိုင်း ချူးယွင်ဖန်း၏ ရက်စက်ကြမ်းကြုတ်သော တိုက်ကွက်များကြောင့် ထိတ်လန့်သွားကြသည်။ အထူးသဖြင့် အနီရောင်တိုကင်ပြားဆီ ပျံသန်းနေကြသော ထိပ်တန်းကျင့်ကြံသူ တစ်ဒါဇင်ခန့်သည် ချက်ချင်း ရပ်တန့်သွားကာ သူ့ကို သတိကြီးစွာ ကြည့်လိုက်ကြသည်။</p> <p> </p> <p>ချူးယွင်ဖန်း၏ စွမ်းဆောင်ရည်သည် လူတိုင်းကို မှင်သက်သွားစေသောကြောင့် လူတိုင်းသည် သူ့ကို အဓိကရန်သူအဖြစ် ချက်ချင်း သတ်မှတ်လိုက်ကြသည်။ အကယ်၍ ယခင်က ၎င်းတို့ကြားရှိ ပြိုင်ပွဲသည် မျှတနေခဲ့လျှင် ချူးယွင်ဖန်းသည် သမိုင်းမတင်မီခေတ်က သားရဲကြီးတစ်ကောင်ကဲ့သို့ ရုတ်တရက် ကျူးကျော်ဝင်ရောက်လာခဲ့သည်။ ဤဖြစ်စဥ်သည် ၎င်းတို့၏ဟန်ချက်ညီမှုကို ချက်ချင်း ဖျက်ဆီးပစ်လိုက်သည်။ ထို့ကြောင့် လူတိုင်း ချူးယွင်ဖန်းကို ဘုံရန်သူအဖြစ် သတ်မှတ်လိုက်ကြသည်။</p> <p> </p> <p>"တိုက်ကြစို့" တစ်စုံတစ်ယောက်က အော်ဟစ်လိုက်သည်နှင့် ထိုထိပ်တန်းကျင့်ကြံသူများအားလုံး တစ်ပြိုင်နက်တည်း တိုက်ခိုက်လိုက်ကြသည်။ ၎င်းတို့၏ ပစ်မှတ်သည် ချူးယွင်ဖန်းဖြစ်၏။</p> <p> </p> <p>ဘုံး</p> <p> </p> <p>ခဏအတွင်းပင် ကောင်းကင်တစ်ခုလုံး ပြင်းထန်စွာ တုန်ခါသွားသည်။ ဒြပ်မဲ့လေ့လာသူအဆင့် အထွတ်အထိပ်သို့ ရောက်ရှိနေသူ တစ်ဒါဇင်ခန့် တစ်ပြိုင်နက်တည်း တိုက်ခိုက်လိုက်ခြင်းဖြစ်သည့်အတွက် ကြောက်မက်ဖွယ် သိုင်းကွက်မျိုးစုံသည် ချူးယွင်ဖန်းထံ အရှိန်အဟုန်ဖြင့် ကျရောက်လာသည်။ အခြားသော အတွင်းစည်းတပည့်များသည် ထိုတိုက်ခိုက်မှုများကို ရှောင်တိမ်းနေကြသည်။ ၎င်းတို့သည် ဤလူများနှင့် ယှဉ်ပြိုင်ရန် မဝံ့ရဲကြပေ။ ၎င်းတို့သည်လည်း အတွင်းစည်းတပည့်များဖြစ်သော်လည်း ဤကျင့်ကြံသူများ၏ စွမ်းအင်သည် ၎င်းတို့ကို နှိမ်နင်းရန် လုံလောက်ပေသည်။ ဤကျင့်ကြံသူများအနက် တစ်ဦးချင်းစီတွင် ၎င်းတို့ကို အပိုင်းပိုင်းဖြစ်သည်အထိ ချေမှုန်းနိုင်သော စွမ်းရည်များရှိကြသည်။ ဤသို့ အင်အားကြီးမားသူများသာလျှင် နောက်ဆုံးကျန်ရှိမည့် နေရာဆယ်ခုအတွက် ယှဉ်ပြိုင်ရန် အရည်အချင်းရှိကြသည်။</p> <p> </p> <p>"ဟားဟားဟား၊ အားလုံးကို ကြိုဆိုပါတယ်"</p> <p>ချူးယွင်ဖန်းသည် အနည်းငယ်မျှ ကြောက်ရွံ့ခြင်း မရှိဘဲ လူအုပ်ထဲသို့ ခုန်ဝင်သွားကာ လက်သီးတစ်ချက် ပစ်သွင်းလိုက်သည်။</p> <p> </p> <p>"အံ့ဖွယ်လက်သီးရှစ်ချက်"</p> <p> </p> <p>ကမ္ဘာလောကတစ်ခုလုံး တုန်လှုပ်သွားဟန်ရှိသည်။ ကြီးမားသော ပုံရိပ်ကြီးရှစ်ခု ရုတ်တရက် ပေါ်ပေါက်လာ၍ အရပ်မျက်နှာအနှံ့သို့ စတင်တိုက်ခိုက်လေသည်။ ချူးယွင်ဖန်းသည် တစ်ဖက်မှ ကျင့်ကြံသူတစ်ဒါဇင်နှင့် ရင်ဆိုင်ရာတွင် အနည်းငယ်မျှ စိုးရွံ့ကြောက်ရွံ့ခြင်းမရှိဘဲ တိုက်ခိုက်လိုက်သည်။</p> <p> </p> <p>ဘုံး</p> <p> </p> <p>ပြင်းထန်သော ပေါက်ကွဲမှုများအပြီးတွင် ချူးယွင်ဖန်းသည် ဝိုင်းရံတိုက်ခိုက်မှုကြားတွင် မတုန်မလှုပ် မတ်တပ်ရပ်နေဆဲဖြစ်ကြောင်း လူတိုင်း မြင်တွေ့လိုက်ရသည်။ ဒြပ်မဲ့လေ့လာသူအဆင့် ပြိုင်ပွဲဝင်များသည် ကြောက်မက်ဖွယ် စွမ်းအင်များ ထုတ်ဖော်ခဲ့ကြသည်။ ဧရာမလှိုင်းလုံးကြီးများကဲ့သို့ ထိုစွမ်းအင်များ ဝိုင်းပတ်စီးဆင်းနေသော်လည်း ချူးယွင်ဖန်းသည် ပင်လယ်ထဲရှိ ကျောက်ဆောင်တစ်ခုကဲ့သို့ မားမတ်စွာ ရပ်တည်နေသည်။ ဒီရေများ မည်မျှပြင်းထန်စွာ ရိုက်ခတ်နေပါစေ သူ့ကို မတုန်လှုပ်နိုင်ခဲ့ပေ။</p> <p> </p> <p>သူသည် တိုက်ခိုက်မှုအားလုံးကို ပိတ်ဆို့နိုင်ခဲ့သည်။ ချူးယွင်ဖန်း၏ အရှိန်အဝါသည် လျော့ပါးမသွားသည့်အပြင် တိုက်ခိုက်လေ ပို၍ သန်မာလာခဲ့သည်။ ဒြပ်မဲ့ကျွမ်းကျင်အဆင့် အထူးချွန်ဆုံး တပည့်များပင် ဤကြောက်မက်ဖွယ် မြင်ကွင်းကို မျက်လုံးများ ပြူးကျယ်စွာ စိုက်ကြည့်နေမိသည်။ ၎င်းတို့ကိုယ်တိုင်ပင် ဒြပ်မဲ့လေ့လာသူအဆင့် တစ်ဒါဇင်ကျော်၏ တိုက်ခိုက်မှုကို လျစ်လျူရှုရန် မဖြစ်နိုင်ပေ။</p> <p> </p> <p>ပြိုင်ကွင်း၏ ထောင့်တစ်နေရာတွင် သိုင်းပညာပေါင်းစုံနှင့် နတ်စွမ်းအင်များ ကောင်းကင်အနှံ့သို့ ပျံနှံ့နေကာ မှော်လက်နက်မျိုးစုံမှ ထွက်ပေါ်လာသော အလင်းတန်းများလည်း ပျံဝဲနေသည်။ ပြီးနောက် ချူးယွင်ဖန်း မည်မျှ ကြောက်စရာကောင်းသည်ကို လူတိုင်း မြင်တွေ့လိုက်ရသည်။ သူသည် ထိုမှော်လက်နက်များကို လက်ဗလာဖြင့် ရင်ဆိုင်နေခြင်းဖြစ်၍ ထိုမှော်လက်နက်များကို လက်ဗလာဖြင့် ပေါ့လျော့စွာ ရိုက်ထုတ်နိုင်ခဲ့သည်။</p> <p> </p> <p>ဤဖြစ်စဥ်သည် အမှန်တကယ် ကြောက်မက်ဖွယ်ကောင်းလှသည်။ အခြားသူများသည် တိုက်ခိုက်ရာတွင် ရန်သူ၏မှော်လက်နက်များကို တုံ့ပြန်ရန်အတွက် ၎င်းတို့၏ကိုယ်ပိုင်မှော်လက်နက်များကို အားကိုးလေ့ရှိသည်။ ၎င်းတို့သည် ချူးယွင်ဖန်းကဲ့သို့ လက်ဗလာဖြင့် ရင်ဆိုင်နိုင်မည် မဟုတ်ပေ။ ချူးယွင်ဖန်းသည် အမှန်တကယ် သန်မာလွန်းလှသည်။ ၎င်းတို့သည် ဤမျှကြမ်းတမ်းသော တိုက်ခိုက်မှုမျိုးကို တစ်ခါမှ မမြင်ဖူးခဲ့ပေ။</p> <p> </p> <p>ဘန်း</p> <p> </p> <p> ဘန်း</p> <p> </p> <p> ဘန်း</p> <p> </p> <p>မှော်လက်နက်မျိုးစုံသည် ချူးယွင်ဖန်း၏ ရိုက်ထုတ်မှုကြောင့် လွင့်ထွက်သွားပြီးနောက် အက်ကွဲသွားကြသဖြင့် ထိုဒြပ်မဲ့လေ့လာသူအဆင့် အထွတ်အထိပ်သို့ ရောက်နေသော အတွင်းစည်းတပည့်များ နာကျင်စွာ ညီးညူနေကြသည်။ ၎င်းတို့သည် ထိတ်လန့်တုန်လှုပ်နေသော မျက်လုံးများဖြင့် ချူးယွင်ဖန်းကို ကြည့်လိုက်ကြသည်။ ထိုအချိန်မှသာ ချူးယွင်ဖန်းသည် မွန်းစတားတစ်ကောင်ဖြစ်ကြောင်း ၎င်းတို့ သဘောပေါက်သွားကြသည်။</p> <p> </p> <p>‘သူက လူရော ဟုတ်ရဲ့လား’</p> <p> </p> <p>မှော်လက်နက်များကို ကိုယ်ခန္ဓာဖြင့် ခုခံရုံတင်မကဘဲ မှော်လက်နက်များကို ပျက်စီးသွားသည်အထိ ပြုလုပ်နိုင်သူမျိုးကို ၎င်းတို့ တစ်ခါမှ မမြင်တွေ့ဖူးပေ။ ဤသည်မှာ အံ့ဖွယ်ဖြစ်စဥ်ဖြစ်ပေသည်။ ဤမှော်လက်နက် တစ်ခုစီတွင် ၎င်းတို့၏ ကိုယ်ပိုင် စိတ်ဝိညာဥ်များရှိကြသည်။ ထို့အပြင် ဤကျင့်ကြံသူများသည် ထိုလက်နက်များကို သန့်စင်ရန် အလွန်အားစိုက်ထုတ်ခဲ့ရသည်။ အနည်းငယ် ပွန်းပဲ့သွားခြင်းဖြင့်ပင် ၎င်းတို့ကို အလွန်အမင်း နာကျင်စေသည်။</p> <p> </p> <p>သို့သော်လည်း ၎င်းတို့သည် ဤအဆင့်အထိ ရောက်လာခဲ့ပြီဖြစ်သည့်အတွက် တိုက်ခိုက်ရန်မှတစ်ပါး အခြားရွေးချယ်စရာ မရှိတော့ချေ။ သို့သော် ၎င်းတို့ မတုံ့ပြန်နိုင်မီတွင် ၎င်းတို့အားလုံးကို တိုက်ခိုက်နေသည့် ပုံရိပ်များ ပျောက်ကွယ်သွားသည်။ ချူးယွင်ဖန်းသည် ခရမ်းရောင် အလင်းတန်းတစ်ခုနှင့်အတူ ပျောက်ကွယ်သွားပြီးနောက် နောက်တစ်စက္ကန့်တွင် ပြိုင်ပွဲဝင်တစ်ဦး၏ အရှေ့တွင် ပြန်လည်ပေါ်ပေါက်လာသည်။</p> <p> </p> <p>ဘုံး</p> <p> </p> <p>ထိုအတွင်းစည်းတပည့်သည် လက်သီးတစ်ချက်တည်းဖြင့် လွင့်ထွက်သွားလေသည်။ ထိုတပည့်သည် သွေးတစ်ပွက် အန်ထွက်ပြီးနောက် အလင်းတန်းတစ်ခုအဖြစ် ပြောင်းလဲကာ ပြိုင်းကွင်းအတွင်းမှ ပျောက်ကွယ်သွားသည်။ ပွဲကြည့်ပရိသတ်များအားလုံး အသက်ရှူပင် မှားသွားကြသည်။ ချူးယွင်ဖန်းသည် ထိုတပည့်ကို လက်သီးတစ်ချက်တည်းနှင့် လွင့်ထွက်သွားသည်အထိ တိုက်ခိုက်ပြီးနောက် ခေတ္တမျှ ရပ်တန့်မနေခဲ့ပေ။ ချူးယွင်ဖန်းသည် တောင်တန်းချုပ်နှောင်ချိပ်စည်းကို ပစ်လွှတ်လိုက်ရာ ကြီးမားလှသော ပုံရိပ်ယောင် ထိုက်တောင်ကြီးသည် တပည့်နှစ်ဦးအပေါ်သို့ ပြုတ်ကျလာသည်။</p> <p> </p> <p>ဘုံး</p> <p> </p> <p>ဘုံး</p> <p> </p> <p>မိုးချိန်းသံကဲ့သို့ ပေါက်ကွဲသံနှစ်သံ ထွက်ပေါ်လာပြီးနောက် ထိုတပည့်နှစ်ဦးသည်လည်း လွင့်ထွက်သွားကာ အလင်းတန်းနှစ်ခုအဖြစ် ပြောင်းလဲပျောက်ကွယ်သွားပြန်သည်။ ဒြပ်မဲ့လေ့လာသူအဆင့် အထွတ်အထိပ်ရှိ နောက်ထပ်အတွင်းစည်းတပည့်နှစ်ဦး ပြိုင်ပွဲမှ ထွက်ခွာသွားရပြန်သည်။</p> <p> </p> <p>ပြီးနောက် ချူးယွင်ဖန်းသည် တောင်ပေါ်မှ ဆင်းလာသည့် ရက်စက်သော ကျားတစ်ကောင်ကဲ့သို့ ပြိုင်ပွဲဝင်တပည့်များကို ဆက်တိုက် တိုက်ခိုက်လိုက်သည်။ အစဉ်အမြဲ မြင့်မြတ်လှပါသည်ဟူသော ဤတပည့်များသည် ချူးယွင်ဖန်း၏ သိုင်းကွက် တစ်ကွက်ကိုပင် မခုခံနိုင်ကြချေ။ ၎င်းတို့သည်အားလုံးသည် သိုင်းကွက် တစ်ကွက်တည်းဖြင့် လွင့်ထွက်သွားကြရာ ခဏအတွင်း ထိပ်တန်းဆယ်ဦး နေရာအတွက် ယှဉ်ပြိုင်နေသည့် ဒါဇင်ခန့်သော တပည့်အားလုံး ရှင်းထုတ်ခံလိုက်ရသည်။</p> <p> </p> <p>ခဏအတွင်း ပြိုင်ကွင်းတစ်ခုလုံး ဟာလာဟင်းလင်းဖြစ်သွားသည်။ လူတိုင်း ဆွံ့အမှင်သက်နေကြသည်။ ချူးယွင်ဖန်းသည် အမှန်တကယ် ကြမ်းတမ်း၍ ကြောက်မက်ဖွယ်ကောင်းလှသည်။ ဒြပ်မဲ့လေ့လာသူအဆင့် အထွတ်အထိပ်ရှိ အတွင်းစည်းတပည့် တစ်ဒါဇင်ကျော်သည် ချူးယွင်ဖန်းကို တားဆီးရန် သို့မဟုတ် ဒဏ်ရာရအောင် ပြုလုပ်နိုင်စွမ်းပင် မရှိခဲ့ပေ။ ချူးယွင်ဖန်းနှင့် ဤတပည့်များ၏ ကျင့်စဥ်များ အလွန်ကွာခြားနေခြင်းကို အတုံးအဆုံးလူပင် မြင်တွေ့နိုင်သည်။</p> <p> </p> <p>"သူက တော်တော်သန်မာတာပဲ… သူ ဒြပ်မဲ့ကျွမ်းကျင်အဆင့်ကို ရောက်နေပြီလား"</p> <p> </p> <p> </p> <p> </p> <p style="text-align: center;">***</p>


Save