Book List

<h2 style="text-align:center">အခန်း (၁၆၉၅)</h2> <h2 style="text-align:center">ပြိုင်ဘက်ကင်းသူ</h2> <h2 style="text-align:center">*</h2> <p> </p> <p> </p> <p>တစ်စုံတစ်ယောက်သည် တုန်ရီနေသော အသံဖြင့် ပြောလိုက်သည်။ လူတိုင်း ဆွံ့အစွာ ငေးငိုင်နေကြသည်။ ၎င်းတို့အားလုံးသည် ချူးယွင်ဖန်း၏ အံ့မခန်း တိုက်ခိုက်ရေးစွမ်းရည်ကြောင့် ကြောက်လန့်တုန်လှုပ်နေကြသည်။ ဒြပ်မဲ့လေ့လာသူအဆင့်တွင် ချူးယွင်ဖန်းနှင့် ယှဥ်ပြိုင်နိုင်မည့် ပြိုင်ဘက်မရှိတော့ပေ။ ဤအချက်သည် လူတိုင်းကို တုန်လှုပ်သွားစေသည်။ မည်သူတစ်ဦးတစ်ယောက်မျှ သူ့ကို ယှဉ်ပြိုင်နိုင်စွမ်း မရှိကြပေ။ အင်အားကြီးမားသော အရှင်သခင်ဟူသည် အဘယ်နည်း။ ဤသည်မှာ အင်အားကြီးမားသော အရှင်သခင်ဖြစ်ပေသည်။</p> <p> </p> <p>ချူးယွင်ဖန်း၏ စွမ်းဆောင်ရည်ကြောင့် အထူးချွန်ဆုံးတပည့်များ မျက်မှောင်ကြုတ်သွားကြသည်။ ၎င်းတို့ကိုယ်တိုင်ပင် ချူးယွင်ဖန်းကဲ့သို့ မလုပ်ဆောင်နိုင်ကြချေ။ ပွင့်ပွင့်လင်းလင်း ပြောရလျှင် ၎င်းတို့သာ ထိုနေရာတွင် ရှိနေခဲ့ပါက ချူးယွင်ဖန်း၏ တိုက်ခိုက်မှုကြောင့် ကျရှုံးရပေလိမ့်မည်။ အခြားရလဒ်ဟူ၍ ရှိနိုင်မည်မဟုတ်ပေ။ ချူးယွင်ဖန်းသည် အလွန်အမင်း သန်မာလွန်းလှသည်။ ၎င်းတို့အားလုံးသည် အားနည်းနေခြင်း မဟုတ်ဘဲ ချူးယွင်ဖန်းသည် မွန်းစတားတစ်ကောင်ဖြစ်နေခြင်းဖြစ်သည်။</p> <p> </p> <p>"သူ ဒြပ်မဲ့လေ့လာသူအဆင့်ကို မရောက်သေးဘူး မဟုတ်လား။ ဒါတောင် အခုကတည်းက ဒီလောက်တောင် ကြောက်စရာကောင်းနေရင် အဆင့်ဖြတ်ကျော်သွားရင် ဘယ်လောက်တောင် ထိတ်လန့်စရာကောင်းလိုက်မလဲ" ထူးချွန်တပည့်တစ်ဦးက တုန်လှုပ်စွာ ပြောလိုက်သည်။ သူသည် ဖြစ်ပျက်သွားသော ထိတ်လန့်ဖွယ်ရာ မြင်ကွင်းကို ယခုထိ မယုံကြည်နိုင်သေးပေ။</p> <p> </p> <p>"အတွင်းစည်းတပည့်တွေထဲ ဒီလိုအရှင်သခင်အဆင့် ပုဂ္ဂိုလ်မျိုး မပေါ်ထွက်လာတာ ဘယ်လောက်တောင် ကြာပြီလဲ။ ဒီလိုလူမျိုးသာ လမ်းခုလတ်မှာ ရုတ်တရက် မသေသွားခဲ့ရင် သေချာပေါက် တပည့်အရင်းအဖြစ် ချီးမြှောက်ခံရလိမ့်မယ်"</p> <p> </p> <p>"သူက တပည့်အရင်းဖြစ်လာရုံနဲ့ ရပ်သွားမှာမဟုတ်ဘူး။ အခုတောင် သူ ဒြပ်မဲ့လေ့လာသူအဆင့်ကို မရောက်သေးဘူး။ သူသာ တပည့်အရင်းဖြစ်လာရင် ချက်ချင်း တပည့်အရင်းတွေထဲမှာ ထူးချွန်ထင်ရှားသူ ဖြစ်လာလိမ့်မယ်။ သာမန်လူတွေတောင် နှိုင်းယှဉ်လို့မရတဲ့ ကျွမ်းကျင်သူဖြစ်လာမှာ"</p> <p> </p> <p>ထူးချွန်တပည့်များ အံ့အားသင့်နေကြသည်။ ချူးယွင်ဖန်းသည် မကြာမီ ၎င်းတို့နှင့် ရင်ဘောင်တန်းနိုင်လိမ့်မည်ဟု ၎င်းတို့၏ ပင်ကိုယ်သိစိတ်က ပြောနေသည်။ သူသည် ဤပြိုင်ပွဲ၏ အနိုင်ရရှိသူ ဧကန်မုချ ဖြစ်လာပေလိမ့်မည်။ ၎င်းတို့နှင့် တစ်တန်းတည်း ရပ်တည်နိုင်ရန် အချိန်တစ်ခုသာ လိုအပ်ပေသည်။ ချန်ပီယံမဖြစ်ခဲ့လျှင်ပင် သူ၏ စွမ်းဆောင်ရည်အရ ၎င်းတို့နှင့် တန်းတူအဆင့်တွင် တည်ရှိရန် ပြဿနာမရှိနိုင်ပေ။</p> <p> </p> <p>မည်သို့ပင် ကြည့်ရှုစေကာမူ ဒြပ်မဲ့အဆင့်မှ ဒြပ်မဲ့လေ့လာသူအဆင့်သို့ တက်လှမ်းခြင်းသည် ဒြပ်မဲ့လေ့လာသူအဆင့်မှ ဒြပ်မဲ့ကျွမ်းကျင်အဆင့်သို့ တက်လှမ်းခြင်းထက် များစွာ ပို၍လွယ်ကူပေသည်။ ကျင့်ကြံခြင်းလမ်းစဉ်သည် မြင့်မားလာလေ ပိုမိုကျဉ်းမြောင်း ခက်ခဲလာလေဖြစ်သည်။ ဤသည်မှာ မပြောင်းလဲသော နိယာမတစ်ခုဖြစ်သည်။ ပြိုင်ကွင်းပြင်ပရှိ အတွင်းတပည့်များနှင့် အပြင်စည်းတပည့်များ ဆွံ့အသွားကြသည်။ တပည့်သစ်တစ်ယောက်သည် ဤမျှသန်မာနိုင်လိမ့်မည်ဟု ၎င်းတို့ တစ်ခါမျှ မတွေးခဲ့ဖူးပေ။ အထူးသဖြင့် ချူးယွင်ဖန်းနှင့်အတူ မျိုးစေ့တပည့်များဖြစ်လာခဲ့ကြသည့် တပည့်သစ်များသည် ယခုအချိန်တွင် ခံစားချက်မျိုးစုံ ခံစားနေရသည်။ ချူးယွင်ဖန်းသည် ၎င်းတို့ကို အဆင့်တစ်ခုမျှဖြင့် ဖြတ်ကျော်သွားခြင်း မဟုတ်ဘဲ ၎င်းတို့သည် သူ၏ နောက်မီးကိုပင် မမြင်နိုင်တော့ပေ။</p> <p> </p> <p>"ကျုပ်တို့ထဲမှာ ဒီလို မွန်းစတားတစ်ယောက် ပေါ်လာလိမ့်မယ်လို့ မထင်ထားဘူး။ ကျုပ်တို့အသုတ်ထဲကနေ တပည့်အရင်းတစ်ယောက် ပေါ်ထွက်လာတော့မှာပဲ"</p> <p> </p> <p>တပည့်သစ်များ ဤအကြောင်းကို စိတ်လှုပ်ရှားစွာ ဆွေးနွေးနေကြသည်။ ကြယ်ကြွေကောင်းကင်ဂိုဏ်းသည် သုံးနှစ်တစ်ကြိမ် တပည့်သစ်များ ခေါ်ယူသော်လည်း အသုတ်တိုင်းမှ အစစ်အမှန်တပည့်တစ်ဦး ပေါ်ထွက်လာရန် မသေချာပေ။ အမှန်တကယ်တွင် နှစ်သုတ် သို့မဟုတ် သုံးသုတ်ခန့်မှ အစစ်အမှန်တပည့်တစ်ဦးသာ ပေါ်ထွက်လေ့ရှိသည်။</p> <p> </p> <p>၎င်းတို့အသုတ်မှ အစစ်အမှန်တပည့်တစ်ဦး ပေါ်ထွက်လာပါက ဤတပည့်များအတွက် ဂုဏ်ယူစရာဖြစ်ပေလိမ့်မည်။ တစ်ချိန်တည်းမှာပင် ချူးယွင်ဖန်းသည် ၎င်းတို့အုပ်စု၏ ကျောရိုးတစ်ခုဖြစ်လာပေလိမ့်မည်။ ကြယ်ကြွေကောင်းကင်ဂိုဏ်းတွင်ဖြစ်စေကာမူ အုပ်စုဖွဲ့၍ စုပေါင်းနေထိုင်ခြင်းသည် လူသားတို့၏ ပင်ကိုယ်ဗီဇဖြစ်သည်။ ဤအချိန်တွင် ချူးယွင်ဖန်းက အနီရောင်တိုကင်ကို ဆုပ်ကိုင်၍ လေထုထဲသို့ မြှောက်ပြလိုက်သည်။ မည်သူမျှ ၎င်းကို လုယူရန် မဝံ့ရဲကြချေ။</p> <p> </p> <p>အခြားနေရာများတွင်မူ ပြင်းထန်သော တိုက်ပွဲများ ဆက်လက်ဖြစ်ပွားနေဆဲဖြစ်သည်။ အဝါရောင်တိုကင်တစ်ခုအတွက် လူငါးဦး ခြောက်ဦးခန့်ပင် တိုက်ခိုက်နေကြသည်။ အခြေအနေသည် အလွန်အမင်း အန္တရာယ်များလှသည်။ ချူးယွင်ဖန်းက ပတ်ဝန်းကျင်ကို ဝေ့ကြည့်လိုက်ရာ ယုချူးယွမ်ကို တွေ့ရှိသွားသည်။ သူသည် အခြားအသော တွင်းစည်းတပည့်အများအပြားနှင့် အဝါရောင်တိုကင်တစ်ခုကို တိုက်ခိုက်နေသည်။ ဤလူများအနက် ယုချူးယွမ်၏ ကျင့်ကြံမှုသည် အားအနည်းဆုံးဖြစ်သည်။ ထို့ကြောင့် ယုချူးယွမ်သည် သွေးအန်လုနီးပါး အခြေအနေသို့ ရောက်ရှိနေသည်။ အခြားသူများသည် အားအနည်းဆုံးဖြစ်သော ယုချူးယွမ်ကို ဦးစွာ ဖယ်ရှားရန် ကြိုးပမ်းနေကြသည်။ ၎င်းတို့အားလုံးသည် နှောင်းပိုင်း ဒြပ်မဲ့လေ့လာသူအဆင့် ကျင့်ကြံသူများဖြစ်ကြသော်လည်း ယုချူးယွမ်သည် ဤအဆင့်သို့ ရောက်ရှိခါစ ကျင့်ကြံသူဖြစ်သောကြောင့် သူ၏ စွမ်းအင်သည် အခြားသူများနှင့် နှိုင်းယှဉ်လျှင် အလွန်အားနည်းနေသည်။</p> <p> </p> <p>"ချီးပဲ။ ဘာလို့ ဒီလောက်တောင် ခက်ခဲနေရတာလဲ" ယုချူးယွမ်သည် အံကြိတ်၍ ကျိန်ဆဲလိုက်သည်။</p> <p> </p> <p>အခြေအနေသည် ဤမျှဆိုးရွားလိမ့်မည်ဟု သူ မထင်မှတ်ထားခဲ့ပေ။ ဤကဲ့သို့သော စမ်းသပ်မှုနည်းလမ်းမျိုးကို သူ တစ်ခါမျှ မမြင်ဖူးခဲ့ပေ။ ၎င်းတို့သည် နေရာတစ်ခု ရရှိရန်အတွက် တိုကင်တစ်ခုကို ကိုယ်ပိုင်စွမ်းအင်ဖြင့် လုယူနေရသည်။ ပို၍ဆိုးရွားသည်မှာ လူအများအပြားသည် အုပ်စုဖွဲ့ထားကြခြင်းဖြစ်သည်။ ၎င်းတို့သည် တိုက်ပွဲစတင်သည်နှင့် လျင်မြန်စွာ စုစည်း၍ အုပ်စုဖွဲ့ တိုက်ခိုက်နေကြသည်။</p> <p> </p> <p>ယုချူးယွမ်သည်သာ တစ်ဦးတည်းဖြစ်နေသည်။ အုပ်စုနှစ်ခုသည် ဤတိုကင်တစ်ခုအတွက် ယှဥ်ပြိုင်တိုက်ခိုက်နေကြသည်။ သူသည် တစ်ယောက်တည်းဖြစ်သည့်အပြင် အားအနည်းဆုံးဖြစ်နေသည်။ အားအနည်းဆုံးဖြစ်သည့်အတွက် လူတိုင်းက သူ့ကို ဦးစွာ အပြတ်ရှင်းရန် ကြိုးစားနေကြသည်။ ဤအခိုက်အတန့်တွင် ယုချူးယွမ်အတွက် အခြားရွေးချယ်စရာ မရှိတော့ပေ။ တစ်ကိုယ်တည်းဖြစ်နေသည့် အားနည်းချက်သည် ယခုအခါ ထင်ရှားပေါ်လွင်နေသည်။</p> <p> </p> <p>"သူ့ကို အရင် ရှင်းပစ်လိုက်ကြ" တစ်စုံတစ်ယောက်က အော်ဟစ်လိုက်သည်။</p> <p> </p> <p>လူတိုင်းသည် ယုချူးယွမ်ထံ လှံများဖြင့် ချိန်ရွယ်လိုက်ကြသည်။ ခဏအတွင်းပင် ထိတ်လန့်ဖွယ်ကောင်းသော တိုက်ခိုက်မှုပေါင်းစုံသည် ယုချူးယွမ်ရှိရာသို့ ရောက်ရှိလာသည်။</p> <p> </p> <p>ဘန်း</p> <p> </p> <p>ဤတိုက်ခိုက်မှုများ ယုချူးယွမ်အပေါ် ကျရောက်ကာ ပြင်းထန်စွာ ဒဏ်ရာရရှိစေတော့မည့်ဖြစ်သည်။ ယုချူးယွမ်သည် ကာကွယ်ရေးအလင်းတန်းကြောင့် ပြိုင်ကွင်းအပြင်ဘက်သို့ ရောက်ရှိတော့မည့်အချိန်တွင် ကောင်းကင်ယံမှ ဧရာမလက်ဖဝါးကြီးတစ်ခု ဆင်းသက်လာကာ တိုက်ခိုက်မှုအားလုံးကို ဖမ်းဆုပ်လိုက်သည်။ ပြီးနောက် ဤလက်ဖဝါးကြီးသည် ရုတ်တရက် ရိုက်ချလာသည့်အတွက် ယုချူးယွမ်ကို တိုက်ခိုက်နေသော တပည့်များအားလုံး ပြင်းထန်စွာ ဒဏ်ရာရရှိကာ ပြိုင်ကွင်းအပြင်ဘက်သို့ လွင့်ထွက်သွားကြသည်။</p> <p> </p> <p>ယုချူးယွမ်သည် ဤမြင်ကွင်းကြောင့် ကြောက်လန့်တုန်လှုပ်သွားသည်။ ဤတိုက်ခိုက်မှုသည် မည်သည့်နေရာမှ ရောက်လာသည်ကို သူ မသိသော်လည်း ဤလက်ဖဝါးကြီးသည် သူ့ကို ရှောင်ကွင်းခဲ့ခြင်းဖြစ်ကြောင်း သိသာထင်ရှားသည်။ ဆက်လက်မစဉ်းစားနိုင်မီ ပြင်းထန်သော စုပ်ယူအားတစ်ခုက သူ့ကို ဆွဲယူလာကြောင်း ခံစားလိုက်ရသည်။ သူ့မျက်လုံးများ ဝေဝါးသွားပြီးနောက် ခဏအကြာတွင် လူတစ်ယောက်၏ နံဘေးတွင် ပေါ်ပေါက်လာခဲ့သည်။ သေချာကြည့်လိုက်သောအခါ ထိုလူသည် ချူးယွင်ဖန်းမှတစ်ပါး အခြားလူ မဟုတ်ပေ။</p> <p> </p> <p>ချူးယွင်ဖန်းက သူ့ကို ကယ်တင်ခဲ့ခြင်းဖြစ်ကြောင်း ယုချူးယွမ် နားလည်သွားသည်။ သို့မဟုတ်ပါက သူသည် ဧကန်မုချ ဖယ်ရှားခံရပေလိမ့်မည်။ ယုချူးယွမ်သည် သူ၏ ဒဏ်ရာများကို ဖိနှိပ်ပြီးနောက် ချူးယွင်ဖန်းကို ကျေးဇူးတင်စကားပြောလိုက်သည်။</p> <p>"ကယ်ပေးခဲ့တဲ့အတွက် ကျေးဇူးတင်ပါတယ် စီနီယာချူး"</p> <p> </p> <p>"ရပါတယ်။ ဒဏ်ရာတွေကို အရင်ကုလိုက်ဦး" ချူးယွင်ဖန်းသည် လက်ကို ဝှေ့ယမ်းလိုက်သည်နှင့် ယုချူးယွမ်၏ လက်ထဲသို့ ဆေးလုံးတစ်လုံး ကျရောက်လာသည်။ ၎င်းသည် ကုသဆေးဖြစ်သည်။</p> <p> </p> <p>ယုချူးယွမ်သည် သူ၏ လက်ထဲတွင် အဝါရောင်တိုကင်တစ်ခုရှိနေကြောင်း မြင်လိုက်ရသဖြင့် အလွန်အမင်း ဝမ်းသာသွားသည်။ သို့သော်လည်း ချူးယွင်ဖန်း၏ လက်ထဲတွင် အနီရောင်တိုကင်တစ်ခုရှိနေသကြောင်း မြင်တွေ့လိုက်ရသောအခါ ပို၍ပင် အံ့အားသင့်သွားသည်။ ချူးယွင်ဖန်းသည် ထိပ်တန်းဆယ်ယောက်စာရင်းထဲသို့ ဝင်သွားပြီဟူသော အဓိပ္ပာယ်ဖြစ်သည်။</p> <p> </p> <p>ဤအချက်သည် ယုချူးယွမ်ကို အနည်းငယ် မူးဝေသွားစေသည်။ ချူးယွင်ဖန်းသည် သာမန်လူတစ်ယောက် မဟုတ်ကြောင်း သူ သိထားသော်လည်း ချူးယွင်ဖန်းသည် ဤမျှလျင်မြန်စွာ တိုးတက်လာလိမ့်မည်ဟု သူ မထင်မှတ်ထားပေ။</p> <p> </p> <p> </p> <p> </p> <p> </p> <p style="text-align:center">***</p>


Save