Book List

<h2 style="text-align: center;">အခန်း(၁၇၀၀)</h2> <h2 style="text-align: center;">ဗိုလ်လုပွဲ</h2> <h2 style="text-align: center;">*</h2> <p> </p> <p> </p> <p>အချိန်ကြာလာသည်နှင့်အမျှ ဖုန်မှုန့်များ ငြိမ်သက်သွားသည်။</p> <p> </p> <p>အလင်းရောင်တန်းတစ်ခုသည်  တိုက်ခိုက်ရေးကွင်းအထက် ကောင်းကင်ယံသို့ ပျံသန်းသွားသည်။ လူတိုင်း၏အကြည့်များသည် အစည်းအဝေးရှိ ပုံရိပ်ပေါ်တွင် အာရုံစိုက်နေကြသည်။ ဖန်းယွီမှ တပါး မည်သူဖြစ်နိုင်မည်နည်း။</p> <p> </p> <p>ဖန်းယွီက လက်နှစ်ဖက်ကို ကျောနောက်မှာထား၍ မတ်တပ်ရပ်နေသည်။</p> <p> </p> <p>သူက လူတိုင်းကို ကြည့်၍ ပြောလိုက်၏။</p> <p> </p> <p> "အတွင်းတပည့်ပြိုင်ပွဲအတွက် ကနဦးရွေးချယ်မှု ပြီးဆုံးသွားပါပြီ။ လက်မှတ်မရတဲ့သူတွေကို ထုတ်ပယ်လိုက်မယ်"</p> <p> </p> <p>သူပြောနေစဉ်မှာပင် ဖန်းယွီက လက်တံဆိပ်တစ်ခုကို ပြုလုပ်လိုက်သည်။ လက်ထဲတွင် လက်မှတ်မရှိသော တပည့်များသည် စီးဆင်းနေသော မီးလုံးများအဖြစ်သို့ ပြောင်းလဲသွားကာ ထွက်ခွာသွားကြသည်။ နေရာသည် ပိုမိုတိတ်ဆိတ်သွားသည်။ လူရာဂဏန်းအနည်းငယ်သာ ကျန်ရှိတော့ပြီး မူလအရေအတွက်၏ ဆယ်ပုံတစ်ပုံထက်နည်းသွားသည်။</p> <p> </p> <p>"ကျန်တဲ့ပြိုင်ပွဲတွေကို အနီရောင်တိုကင်တွေနဲ့ အဝါရောင်တိုကင်တွေအဖြစ် ခွဲခြားထားပါမယ်။ အဝါရောင်တိုကင်တွေရှိသူတွေက ထိပ်ဆုံး ၁၀၀ အတွက် ယှဉ်ပြိုင်ကြရမှာပါ။ အနီရောင်တိုကင်တွေရှိသူတွေက ပထမ၊ ဒုတိယနဲ့ တတိယနေရာအတွက် ယှဉ်ပြိုင်ကြမှာပါ"</p> <p> </p> <p>သူစကားပြောပြီးသည်နှင့် လူဆယ်ယောက်သည် လူအုပ်ထဲမှ ထွက်လာကြသည်။ အနီရောင်တိုကင်ဆယ်ခုကို မည်သူရရှိသည်ကို လူတိုင်းမြင်လိုက်ကြသည်။ ကောင်းကင်ကိုကြည့်လိုက်သောအခါ အံ့အားသင့်သွားကြသည်။ အားကစားကွင်းအပြင်ဘက်ရှိ အတွင်းနှင့် အစွန်အဖျားတပည့်များလည်း အထူးသဖြင့် တပည့်သစ်များကဲ့သို့ပင် အံ့အားသင့်သွားကြသည်။ သူတို့သည် လူဆယ်ယောက်တွင် နှစ်ယောက်ကို ပါးစပ်အဟောင်းသားဖြင့် ကြည့်ကြသည်။</p> <p> </p> <p>ဟွာရှန်းယွမ် နှင့် ချူးယွင်ဖန်းတို့က ထိပ်ဆုံးဆယ်ဦးစာရင်းဝင်ခဲ့သည်။</p> <p> </p> <p>လူတိုင်း အံ့အားသင့်သွားကြပြီး အထူးသဖြင့် တပည့်သစ်များပင်ဖြစ်သည်။ ချူးယွင်ဖန်းနှင့် ဟွာရှန်းယွမ်တို့သည် သူတို့နှင့်အတူ ဂိုဏ်းထဲသို့ ဝင်ရောက်လာကြသော်လည်း အတွင်းတပည့်ပြိုင်ပွဲတွင် ပါဝင်ရန် အရည်အချင်းမပြည့်မီကြပေ။ သို့သော် ချူးယွင်ဖန်နှင့် ဟွာရှန်းယွမ်တို့သည်မူ ထိပ်ဆုံးဆယ်ဦးတွင် ပါဝင်နေပြီး ချန်ပီယံပင် ဖြစ်လာနိုင်သည်။</p> <p> </p> <p>အံ့သြစရာကောင်းလောက်အောင် ကွာခြားချက်ပဲ!</p> <p> </p> <p>ယင်းက လူတိုင်းကို ဆွံ့အသွားစေခဲ့သည်။ ၎င်းတို့နှင့် ချူးယွင်ဖန်းတို့ကြားမှ ကွာဟချက်က သာမန်လူများနှင့် ပါရမီရှင်များဟု လူသိများသော လူများကြားမှ ကွာခြားချက်ထက်ပင် ပိုကြီးသေးသည်။</p> <p> </p> <p>အားကစားကွင်းတစ်ခုလုံးနှင့် အပြင်ဘက်တွင် ရုတ်ရုတ်သဲသဲဖြစ်နေသည်။ ဤလူများထဲတွင် ချူးယွင်ဖန်နှင့် ဟွားရှန်းယွမ်တို့သည် မျက်စိကျစရာကောင်းလောက်အောင် ဆွဲဆောင်မှုရှိကြသည်။ သို့သော် ပို၍မျက်စိကျစရာကောင်းသူမှာ ယုချူးယွမ်ဖြစ်သည်။ ယုချူးယွမ်သည် ကံကောင်းကာ ချူးယွင်ဖန်းထံမှ အနီရောင်တိုကင်တစ်ခုရရှိခဲ့ကြောင်း လူအများသိကြသည်။</p> <p> </p> <p>သာမန်အတွင်းစည်း တပည့်များကို မေ့လိုက်ပါ။</p> <p>ထိပ်ဆုံးဆယ်ဦးထဲသို့ဝင်ရန် မျှော်လင့်ချက်ရှိသော အထွတ်အထိပ်လေ့လာသူအဆင့်များသည် ယုချူးယွမ်ကို ကြည့်၍ အံကြိတ်နေကြသည်။ သူ့ကြောင့်မဟုတ်ပါက ၎င်းတို့တွင် အခွင့်အရေးရှိလာနိုင်သေးသည်။ သို့သော် ၎င်းတို့က ချူးယွင်ဖန်းကို ပြဿနာမရှာရဲပေ။ မည်သို့ပင်ဖြစ်စေကာမူ  ချူးယွင်ဖန်းက ဒြပ်မဲ့လေ့လာသူအထွတ်အထိပ်အဆင့်ရှိသူတပည့်တစ်စုကို အနိုင်ယူကာ ယွီဝမ်ရှင်းကို သတ်ပစ်၍ ဤကိစ္စက သူ၏ ရက်စက်မှုကို လူအများအား သိစေခဲ့သည်။ သို့သော် ယုချူးယွမ်အပေါ် ၎င်းတို့ သံသယစိတ်များ မရှိကြပေ။</p> <p> </p> <p>"ချူးယွင်က ဘာမှမဟုတ်ဘူး။ သူက ကျောထောက်နောက်ခံပေးသူနောက်ကို လိုက်လာတဲ့ ကံကောင်းတဲ့လူတစ်ယောက်ပဲ”</p> <p> </p> <p>ယုချူးယွမ်က ထိုအကြည့်များကို ဂရုမစိုက်ပေ။ သူက ခေါင်းကို ဝံ့ကြွားစွာမော့ထားသည်။ ဤမနာလိုဝန်တိုမှုနှင့် အမုန်းတရားအပြည့်နှင့် အကြည့်များကို သူက လှောင်ရယ်နေသည်။</p> <p> </p> <p>"ဘာလို့လဲဆိုတော့ ငါက အနာဂတ်ကို ကောင်းကောင်းမြင်နိုင်လို့ပဲ။ စီနီယာချူးအပေါ် ဘယ်သူမှ အကောင်းမြင်မှုမရှိတဲ့အခါ ကျွန်တော် သူ့ဘက်က ပြတ်ပြတ်သားသား ရပ်တည်ခဲ့တယ်။ မင်းမှာ အရည်အချင်းရှိရင် ကျောထောက်နောက်ခံပေးမယ့်သူလည်း ရှာသင့်တယ်။"</p> <p>ယုချူးယွမ်က အပြစ်ရှိသည်ဟု လုံးဝ မခံစားခဲ့ရပေ။ သူ့တွင် အကန့်အသတ်မဲ့သော စိတ်အားထက်သန်မှုများနှင့်ပြည့်နေသည်။ သူ့ရှေ့၌ ကောင်းမွန်သော အနာဂတ်တစ်ခုရှိနေသည်မှာ သေချာသည်။ </p> <p> </p> <p>"ဂျူနီယာတို့၊ ငါနဲ့လိုက်ခဲ့။ မင်းရဲ့တိုက်ပွဲကွင်းက ဒီမှာ။" ဖန်းယွီက လက်ကိုဝှေ့ယမ်းကာ လူတိုင်းကို တွန်းထုတ်လိုက်သည်။</p> <p> </p> <p>လူတိုင်း မျက်လုံးဖွင့်လိုက်သောအခါ ၎င်းတို့က အတားအဆီးငယ်လေးထဲရှိနေသည်ကို မြင်လိုက်ရသည်။ လက်ကိုဝှေ့ယမ်း၍ လူတိုင်းကို တွန်းထုတ်လိုက်သည်။</p> <p> </p> <p>လူတိုင်း မျက်လုံးဖွင့်လိုက်သောအခါ ၎င်းတို့က အတားအဆီးငယ်လေးတစ်ခုထဲ ရှိနေကြောင်း မြင်လိုက်ရသည်။ အတားအဆီးထဲတွင် တိုက်ခိုက်ရေးကွင်းငါးခုရှိသည်။  ထို့ကြောင့် ပြိုင်ပွဲအတွက် အသုံးပြုရန်ဖြစ်ကြောင်း ရှင်းနေသည်။</p> <p> </p> <p>လူတိုင်းက ဖန်းယွီကို အံ့အားသင့်စွာ ကြည့်နေကြသည်၊ အထူးသဖြင့် အများစုသည် ယခင်က ဖန်းယွီက ထူးကဲသည်ဟု မထင်ခဲ့ကြပေ။</p> <p> </p> <p> သို့သော် ဤလှုပ်ရှားမှုက သူတို့နှင့် ဖန်းယွီအကြား ကွာခြားချက်ကို အမှန်တကယ် ခံစားမိစေသည်။ သူ၏ခွန်အားသည် အံ့အားသင့်ဖွယ်အဆင့်သို့ ရောက်ရှိနေပြီဖြစ်သည်။ သူသည် စစ်မှန်သောတပည့်တစ်ဦးနှင့် နှိုင်းယှဉ်၍မရသော်လည်း သူသည် အားမနည်းလှပေ။</p> <p> </p> <p>ချူးယွင်ဖန်နှင့် ဟွားရှန်ယွမ်တို့၏ မျက်နှာများတွင် လေးနက်သော အမူအရာများ ရှိနေသည်။ ဖန်းယွီက ဝင်ခွင့်စာမေးပွဲနှင့် အတွင်းတပည့်ပြိုင်ပွဲကို ဦးဆောင်ရန် အရည်အချင်းပြည့်မီခြင်းမှာ အံ့သြစရာမဟုတ်ပေ။ သူ၏အစွမ်းသတ္တိသည် အထက်တန်းစားတပည့်များကြားတွင် ထူးချွန်နေပေမည်။</p> <p> </p> <p>"ဂျူနီယာတို့၊ ဒီတစ်ခါ ထိပ်ဆုံးသုံးယောက်ကိုပဲ ဆုံးဖြတ်မှာပါ။ ကိုယ့်ကိုယ်ကိုယ် ယုံကြည်မှုရှိရင် အားကစားကွင်းထဲ ဝင်လို့ရပါတယ်။ ယုံကြည်မှုမရှိဘူး ဒါမှမဟုတ် ယှဉ်ပြိုင်ဖို့ မလိုအပ်ဘူးလို့ ခံစားရရင် ရှေ့တိုးစရာမလိုပါဘူး"</p> <p> </p> <p>ထိုလူဆယ်ဦးအနက် စိတ်လှုပ်ရှားသွားသူတချို့တော့ ရှိခဲ့သည်။ ၎င်းတို့၏ အစွမ်းသတ္တိကို ၎င်းတို့ ယုံကြည်ကြသော်လည်း ချန်ပီယံဖြစ်လာမည်မဟုတ်ကြောင်း ၎င်းတို့သိကြသည်။ ထိပ်ဆုံးဆယ်ယောက်ထဲ ဝင်နိုင်ခြင်းကပင် ၎င်းတို့ကို ဆုလာဘ်များစွာပေးစွမ်းနိုင်ပြီဖြစ်သည်။</p> <p> </p> <p>"စီနီယာဖန်း ကျွန်တော် နောက်ဆုတ်ချင်ပါတယ်။"</p> <p> </p> <p>ယုချူးယွမ်က အရင်ပြောလိုက်သည်။ သူ၏ ကျင့်ကြံမှုက</p> <p>အနီရောင် တိုကင်တွေရတဲ့သူများအနက် အားအနည်းဆုံးဖြစ်ကြောင်း သူသိသည်။ သူတက်သွားပါက အရှက်ခွဲခံရရန် တောင်းဆိုနေခြင်းသာဖြစ်ပေမည်။ ထိုကြောင့် ရပ်လိုက်ခြင်းက အကောင်းဆုံးဖြစ်ပေလိမ့်မည်ဖြစ်သည်။</p> <p> </p> <p>"ကောင်းပြီ" ဖန်းယွီက ပြောလိုက်သည်။</p> <p>"တခြားသူတွေ ဆုတ်ခွာချင်ရင် အခု အကောင်းဆုံးအချိန်ပါ”</p> <p> </p> <p>ဖန်းယွီ၏ စကားများကိုကြားသောအခါ လူများက ပို၍ ပို၍ နောက်ဆုတ်သွားကြရာ အဆုံးတွင် လူလေးဦးသာကျန်တော့သည်။ ချူးယွင်ဖန်းက ကျန်ရှိနေသော ပြိုင်ဘက်များကို လှမ်းကြည့်လိုက်သည်။</p> <p> </p> <p>သူနှင့် ဟွားရှန်းယွမ်အပြင် သံမျှော်စင်ကဲ့သို့ ကြွက်သားသန်မာသူတစ်ဦးလည်းရှိသည်။</p> <p>သူ့အသားအရေက မည်းနက်နေကာ ကြွက်သားများလည်း ဖောင်းကားနေသည်။ သံမျှော်စင်ကဲ့သို့ အရပ်မြင့်၍ သာမန်လာများနှင့် လုံးဝ ကွာခြားနေသည်။ သူ့တွင် ခြိမ်းခြောက်နိုင်သော ရောင်ဝါလည်းရှိသည်။</p> <p> </p> <p>သူမှလွဲ၍ ခပ်သေးသေး ကိုယ်လုံးရှိသော အမျိုးသမီးတစ်ဦးရှိသည်။ ထိုအမျိုးသမီးသည် ၁.၅ မီတာခန့်သာ အရပ်ရှိသော်လည်း သူမ၏ခန္ဓာကိုယ်မှာ ကောက်ကြောင်းများ၍ အလွန်ဆွဲဆောင်မှုရှိသည်။ သို့သော် သူမ၏မျက်နှာအမူအရာမှာ အေးစက်ပြီး ကြောက်စရာကောင်းသည်။ သူမသည် ဖိနှိပ်ချုပ်ချယ်သော အရှိန်အဝါကိုလည်း ထုတ်လွှတ်သည်။</p> <p> </p> <p>"အဲ့လိုဆို မင်းတို့လေးယောက် အတွဲလိုက် တိုက်ခိုက်မှာမို့ အနိုင်ရသူတွေက ပထမနေရာအတွက် တိုက်ခိုက်ကြလိမ့်မယ်" ဖန်းယွီက ခေါင်းညိတ်လိုက်သည်။</p> <p> </p> <p>ထို့နောက် သူ့လက်ကို ဝှေ့ယမ်းလိုက်သောအခါ ကွင်းပြင်တစ်ခု အသက်ဝင်လာသည်။ ၎င်းပေါ်ရှိ အတားအဆီးနှင့် အစီအရီဖွဲ့စည်းပုံသည် တစ်ပြိုင်နက်တည်း အသက်ဝင်လာပြီး အမည်နှစ်ခု ပေါ်လာသည်။ တစ်ခုမှာ ဟွားရှန်းယွမ်ဖြစ်ကာ နောက်တစ်ခုမှာ ရှားဟော်ကျဲဖြစ်ကာ ၎င်းသည် သံမျှော်စင်ကဲ့သို့ ကြွက်သားများရှိသော အမျိုးသား၏ အမည်ဖြစ်သည်။</p> <p> </p> <p>"ဟားဟားဟား၊ ငါကတော့ အသစ်တစ်ယောက်နဲ့ တွဲမိတာ အတော်လေး ကံကောင်းတာပဲ။ ငါ ချန်ပီယံ ဖြစ်တော့မယ်ထင်တယ်။" ရှားဟော်ကျဲက  အားကစားကွင်းထဲကို ပြေးဝင်ပြီး ကျယ်လောင်စွာ ရယ်မောလိုက်သည်။ သူ့မျက်နှာတွင် ဂုဏ်ယူဝင့်ကြွားသော အပြုံးတစ်ခု ပေါ်လာ၍ ဟွားရှန်ယွမ်ကို နှိုးဆွသော အကြည့်နှင့်ကြည့်လိုက်သည်။</p> <p> </p> <p>ဟွားရှန်ယွမ်က စကားတစ်ခွန်းမှ မပြောဘဲ ရှေ့သို့ ခြေတစ်လှမ်း တိုးကာ တိုက်ခိုက်ရေးကွင်းထဲသို့ ဝင်ရောက်လာခဲ့သည်။</p> <p> </p> <p> </p> <p> </p> <p style="text-align: center;">***</p>


Save