Book List

<h2 style="text-align: center;">အခန်း(၁၇၀၂)</h2> <h2 style="text-align: center;">အရှုံးပေးပြီး ငါ့ကို အရှက်ခွဲခံရတာကနေကယ်ပါ</h2> <h2 style="text-align: center;">*</h2> <p> </p> <p> </p> <p>ဤအချိန်တွင်ဟွားရှန်းယွမ်သည် လေထဲတွင် စစ်နတ်ဘုရားတစ်ပါးနှယ် မတ်တပ်ရပ်နေဆဲဖြစ်သည်။  ခဏတာမျှ အရာအားလုံး တိတ်ဆိတ်သွားသည်။</p> <p>လက်ကြီးတစ်ဖက်က လူတိုင်း၏ လည်ပင်းကို ဆုပ်ကိုင်ထားသည့်နှယ်ထင်ရသည်။</p> <p> </p> <p>“ဟွားရှန်းယွမ်က အရမ်းအစွမ်းထက်တယ်။ ရှားဟော်ကျဲက သုံးကွက်တောင် မခံနိုင်ဘူး”</p> <p> </p> <p>တစ်စုံတစ်ယောက် စကားပြောနေစဥ် လူတိုင်း၏ အကြည့်များသည် ဟွားရှန်းယွမ်ဆီတွင်မဟုတ်ဘဲ တစ်ဖက်တွင်ထိုင်နေသော ချူးယွင်ဖန်းဘက်သို့ရှိနေသည်။ ဤအရာများအားလုံးကို သူခန့်မှန်းပြီးသားဖြစ်၍ သူဂရုမစိုက်ပေ။ ‘ကြည့်လေ ငါပြောတာမှန်တယ်’ ဟု ပြောနေသကဲ့သို့ပင်ဖြစ်သည်။</p> <p> </p> <p>ယင်းက လူတိုင်းကို စိတ်ပျက်စေခဲ့သည်။</p> <p> </p> <p>ဟွားရှန်းယွမ်က ရှားဟော်ကျဲကို အကွက်သုံးကွက်နှင့် အနိုင်ယူခဲ့သော်လည်း ချူးယွင်ဖန်းက ယင်းတွင်ပါဝင်နေသည်ဟု အဘယ်ကြောင့် ခံစားရသနည်း။</p> <p> </p> <p>"အရမ်းအစွမ်းထက်တာပဲ။ အခု ဟွားရှန်းယွမ်က သူ့အစွမ်း သုံးဆယ်ရာခိုင်နှုန်းကိုတောင် မသုံးခဲ့ဘူးလို့ ငါယုံတယ်”</p> <p> </p> <p>၏"ဒါပေမယ့် ဒါက မယုံနိုင်စရာပဲ။ဟွားရှန်းယွမ်မှာ မြန်မြန်ဆန်ဆန် လေ့ကျင့်နိုင်တဲ့ ထူးခြားတဲ့ ခန္ဓာကိုယ်ဖွဲ့စည်းပုံ ရှိတယ်လို့ ကောလာဟလတွေ ထွက်နေတာ သာမန်လူတွေက သူ့ကို ယှဉ်လို့မရဘူး။"</p> <p> </p> <p>"သူ ဒီနှစ်ရဲ့ ချန်ပီယံ ဖြစ်လာမယ့်ပုံပဲ။ ငါတို့ ယွီဝမ်ရှင်းအပေါ် အကောင်းမြင်ခဲ့ကြပေမယ့် အခုတော့ ယွီဝမ်ရှင်းက ဘာမှ မဟုတ်တော့သလိုပဲ။ တကယ့် မြင်းတွေက ချူးယွင်ဖန်နဲ့ဟွားရှန်းယွမ်ပဲ။"</p> <p> </p> <p>လူအုပ်ကြီးသည် စိတ်လှုပ်ရှားစွာ ဆွေးနွေးကြသည်။ အတွင်းစည်းတပည့်ဖြစ်စေ၊ အပြင်စည်းတပည့်ဖြစ်စေ၊ လက်ရွေးစင်တပည့်ဖြစ်စေ၊ ဟွားရှန်းယွမ်၏ အံ့မခန်းတိုက်ခိုက်ရေးအစွမ်းကြောင့် အားလုံး အံ့သြသွားကြသည်။</p> <p> </p> <p>ဟွားရှန်းယွမ်သည် စစ်မှန်သောတပည့်တစ်ဦးဖြစ်လာလိမ့်မည်ဟု လူအများက သေချာပေါက်ယုံကြည်ကြသည်။ ၎င်းသည် အချိန်တစ်ခုသာဖြစ်ပြီး မကြာမီလာတော့မည်ဖြစ်သည်။</p> <p> </p> <p>လူတိုင်းအအံ့သြရဆုံးအရာက ယင်းအချက်ပင်ဖြစ်သည်။</p> <p>စစ်မှန်သော တပည့်များသည် လက်ရွေးစင်တပည့်များနှင့်မတူပေ။ တစ်ယောက်ချင်းစီသည် ဂိုဏ်း၏ မျိုးစေ့များဖြစ်ကာ တပည့်စစ်တစ်ယောက် ဖြစ်လာသည်ဖြစ်စေ မဖြစ်လာသည်ဖြစ်စေ ကောင်းကင်နှင့် မြေကြီးကဲ့သို့ ခြားနားသော ကိစ္စတစ်ခုပင်ဖြစ်၏။</p> <p> </p> <p>စစ်မှန်သောတပည့်တစ်ဦးဖြစ်လာပြီးနောက်၊ ကြယ်ကြွေကောင်းကင်ဂိုဏ်းတွင် ရာထူးမြင့်မားသူတစ်ဦးဖြစ်လာရုံသာမက တရှရှိ အုပ်ချုပ်သူလူတန်းစား၏အဖွဲ့ဝင်တစ်ဦးအဖြစ်လည်း သတ်မှတ်ခံရမည်ဖြစ်သည်။ ၎င်းတို့၏အဆင့်အတန်းသည် ခုန်ပျံကျော်လွှားကာ တိုင်းတာ၍မရနိုင်လောက်အောင် မြင့်မားလာမည်ဖြစ်သည်။ စစ်မှန်သောတပည့်တစ်ဦးသေဆုံးပါက တရှ၏ဧကရာဇ်တရားရုံးပင် စုံစမ်းစစ်ဆေးရန် ရှေ့သို့ထွက်လာလိမ့်မည်။ ထိုသို့စရိုက်မျိုးသည် ၎င်းတို့ကို စိတ်ပျက်အားငယ်စေသည်။ နှိုင်းယှဥ်ရန် ဘာမှမရှိပေ။</p> <p> </p> <p>"ဗိုလ်လုပွဲမှာ မင်းကို ငါစောင့်နေမယ်။"ဟွားရှန်းယွမ်က လူအုပ်ကို လှမ်းကြည့်လိုက်ကာ သူ့အကြည့်များက ချူးယွင်ဖန်းဆီရောက်သွားသည်။</p> <p> </p> <p>အစမှ အဆုံးအထိ သူတကယ်ဂရုစိုက်သော ပြိုင်ဘက်က ချူးယွင်ဖန်းဖြစ်သည်။</p> <p> </p> <p>လှပသောအမျိုးသမီးက ယင်းကို မြင်လိုက်ပြီးနောက် လက်သီးကို ကျစ်ကျစ်ပါအောင် ဆုပ်၍ အံကို တင်းတင်းကြိတ်လိုက်သည်။</p> <p> </p> <p>“သူတို့ ငါ့ကို လျှော့တွက်နေကြတာလား။</p> <p> </p> <p>ဟွားရှန်းယွမ်နှင့် ချူးယွင်ဖန်းတို့က သူမကို လျစ်လျူရှု့ထားကြောင်း သူမ ခံစာမးိသည်။ သူမ အလွန်အမင်း ရှက်ရွံ့မိ၏။ သူမသည် အမျိုးသမီးတစ်ဦးဖြစ်သော်လည်း မည်သူမျှ သူမကို မလျှော့တွက်ရဲပေ။ သူမကို လျှော့တွက်ခဲ့သော ယောကျ်ားတိုင်းကို သူမအနိုင်ယူခဲ့သည်။ </p> <p> </p> <p>"စိတ်ဝင်စားစရာပဲ။ ခဏလေးပဲ ကြာလိမ့်မယ်။ တစ်ယောက်ယောက်ကို ငါအနိုင်ယူနိုင်တာ အတော်ကြာပြီ။ မင်းငါ့ကို စိတ်ပျက်အောင် မလုပ်ဘူးလို့ မျှော်လင့်ပါတယ်။" ချူးယွင်ဖန်းပြုံးလိုက်သည်။</p> <p> </p> <p>ဤအချိန်တွင် အခြားကွင်းတစ်ဝိုက်ရှိ အတားအဆီးနှင့် အစီအရီသည် ပြန်လည်အသက်ဝင်လာပြီး ချူးယွင်ဖန်နှင့် အမျိုးသမီး၏အမည်များ ပေါ်လာသည်။</p> <p> </p> <p>စွန်းယောင်</p> <p> </p> <p>"နောက်ထပ် ပြင်းထန်တဲ့တိုက်ပွဲတစ်ခု ဖြစ်လာတော့မှာပဲ။ စွန်းယောင်က အကြီးအကဲစွန်းရဲ့ မြေးမမို့ တပည့်စစ်ဖြစ်လာနိုင်ခြေအခွင့်အလမ်းများတယ်။ အခု သူ ချူးယွင်ဖန်းနှင့် တွေ့ပြီဖြစ်၍ နောက်ထပ် ပြင်းထန်သော တိုက်ပွဲတစ်ခု ဖြစ်လာတော့မည်ကို စိုးရိမ်နေသည်။</p> <p> </p> <p>အချို့လူများသည် ထိုအမျိုးသမီးကို မှတ်မိကြသည်။ သူမသည် ကြယ်ကြွေကောင်းကင်ဂိုဏ်းမှ အကြီးအကဲတစ်ဦး၏ မြေးမဖြစ်၍ အကြီးအကဲက စစ်မှန်သော တပည့်မဟုတ်သကဲ့သို့ စစ်မှန်သော တပည့်များထက် အရေးမပါသော်လည်း ခွန်အားသည် အခြား စစ်မှန်သော တပည့်များထက် မနိမ့်ကျပေ။</p> <p> </p> <p>အကြီးအကဲတစ်ယောက်၏ မြေးတစ်ယောက်အနေနှင့် စွန်းယောင်က သဘာဝအတိုင်းပင် အာရုံစိုက်ခံခဲ့ရသည်။ ကံမကောင်းစွာဖြင့် ထိုအသုတ်တွင် ထူးဆန်းသော လူသစ်များ များစွာ များပြားသည်။ ပထမဆုံးအနေဖြင့် အလွန် လေးစားခံရသော ယွီဝမ်ရှင်း၊ ထို့နောက် ချူးယွင်ဖန်းနှင့် ဟွားရှန်းယွမ်တို့ ပေါ်လာခဲ့သည်။ ၎င်းတို့က သူမ၏ ကျော်ကြားမှုကို ခိုးယူသွားခဲ့ခြင်းဖြစ်သည်။ မဟုတ်ပါက သူမ၏ ခွန်အားနှင့် ဤပြိုင်ပွဲတွင် ချန်ပီယံဖြစ်လာရန် ရေပန်းစားပေလိမ့်မည်ဖြစ်သည်။</p> <p> </p> <p>စွန်းယောင်သည် ရှေ့သို့တစ်လှမ်းတိုးကာ အားကစားကွင်းအလယ်သို့ ရောက်ရှိသွားသည်။</p> <p> </p> <p>"မကြာခင်ပြီးသွားမယ်ဟုတ်လား။ ငါ့ကို ဘယ်သူလို့ထင်လဲ။ လမ်းဘေးက ခွေးတစ်ကောင်လား ကြောင်တစ်ကောင်လား? ဒီကိုရောက်ဖို့ ငါ့ခွန်အားကို အားကိုးခဲ့တာ။ ငါ့ကို မထီမဲ့မြင်မလုပ်နဲ့”</p> <p> </p> <p>ချူးယွင်ဖန်၏ ပါးစပ်က တွန့်သွားသည်။ သူ့စကားများက ဤမီးလျှံဆန်သော အလှတရားကို စော်ကားခဲ့သည်မှာ ထင်ရှားသည်။ သို့သော် ဤအချိန်တွင် သူမအား ကရုဏာပြရန် ရည်ရွယ်ချက်မရှိပေ။ ဤနေရာသည် ထိုသို့ပြုလုပ်ရန် မဟုတ်ပေ။</p> <p>ချူးယွင်ဖန်းသည် ကွင်းထဲ၌ ပေါ်လာကာ အဝေးမှ စွန်းယောင်နှင့် ရင်ဆိုင်လိုက်သည်။</p> <p> </p> <p>"ပွဲကို အရှုံးပေးလိုက်ပါ။ ဒါက ကျွန်တော့်ကို လှုပ်ရှားမှုတစ်ခုလုပ်ဖို့နဲ့ စစ်ဆေးခံရဖို့ ဒုက္ခတွေကနေ ကယ်တင်ပေးတယ်" ချူးယွင်ဖန်းက ဘာသိဘာသာ ပြောလိုက်သည်။</p> <p> </p> <p>လူတိုင်း ချက်ချင်း ရုတ်ရုတ်သဲသဲဖြစ်သွားကာ ဆွေးနွေးမှု အမျိုးမျိုး ပေါ်ပေါက်လာသည်။</p> <p> </p> <p>"သူ စွန်းယောင်ကို လက်လျှော့ခိုင်းလိုက်တာလား။ အရမ်းမာနကြီးတာပဲ!"</p> <p> </p> <p>"သူ့ကိုယ်သူ ဘယ်သူလို့ ထင်နေတာလဲ။ သူက ထိပ်တန်းတပည့်လား။"</p> <p> </p> <p>"မာနကြီးတဲ့ကောင်!"</p> <p> </p> <p>လူအများက ကျိန်ဆဲကြသည်။ စွန်းယောင်သည် စွမ်းအားကြီးကာ အလွန်လှပသည်။ သူမအား ဂိုဏ်းရှိ လူများစွာက နတ်ဘုရားမတစ်ပါးအဖြစ် သတ်မှတ်ကြသည်။ ချူးယွင်ဖန်း၏ လုပ်ရပ်များသည် အလွန်လွန်ကဲလွန်းသည်။ လက်ရွေးစင် တပည့်များပင် စွန်းယောင်အား အရှုံးပေးရန် မတောင်းဆိုရဲပေ။</p> <p> </p> <p>မျှော်လင့်ထားသည့်အတိုင်း၊ ချူးယွင်ဖန်၏ စကားများကို ကြားပြီးနောက်၊ စွန်းယောင်က အလွန်ဒေါသထွက်ကာ အံကြိတ်လိုက်၏။</p> <p> </p> <p>"ချူးယွင်ဖန်၊ နင် ငါ့ကို လက်လျှော့စေချင်တယ်ဆိုရင် နင် ဘာတွေ လုပ်နိုင်လဲဆိုတာ ပြပါ!" </p> <p> </p> <p>ချူးယွင်ဖန်အား မမေ့နိုင်မည့် အမှတ်တရတစ်ခု ပေးရန် သူမ ဆုံးဖြတ်လိုက်သည်။</p> <p> </p> <p>စွန်းယောင်က သူမ၏လှုပ်ရှားမှုကို ပြုလုပ်ပြီး မိုးကြိုးကဲ့သို့ မြန်ဆန်စွာ ထွက်ပေါ်လာသည်။ သူမသည် ချူးယွင်ဖန်ရှေ့သို့ ချက်ချင်းရောက်ရှိသွားသည်။ ထို့နောက် သူမသည် လေထဲသို့ လက်ဆန့်တန်းလိုက်ကာ ကြေးတူတစ်ချောင်းကို ထုတ်ယူလိုက်သဖြင့် လူတိုင်း အံ့အားသင့်သွားကြသည်။ ၁.၅ မီတာမြင့်သော စွန်းယောင်က ဤကဲ့သို့သော လက်နက်ကို အသုံးပြုလိမ့်မည်ဟု မည်သူမျှ မမျှော်လင့်ထားပေ။ ကျင့်ကြံသူတစ်ဦး၏ အစွမ်းသတ္တိကို အသွင်အပြင်ဖြင့် ဆုံးဖြတ်၍မရသော်လည်း သူမ၏နည်းလမ်းများမှာ အမှန်တကယ် အံ့အားသင့်စရာပင်။</p> <p> </p> <p>"ဒါကိုခံကြည့်လိုက်”</p> <p> </p> <p>စွန်းယောင်က သူမ၏တူဖြင့် ဝှေ့ယမ်းလိုက်သည်။ ကောင်းကင်တွင် တူသည် ဧရာမနတ်ဘုရားဆင်ကြီးတစ်ကောင်အဖြစ်သို့ ပြောင်းလဲသွားပြီး ဤနတ်ဘုရားဆင်ကြီးသည် နင်းခြေချလိုက်သည်။ ဤသည်မှာ သူမ၏ သိုင်းပညာ အယူအဆဖြစ်သည်။ ဤနတ်ဘုရားဆင်ကြီးသည် တောင်တန်းတစ်ခုကို ဖျက်ဆီးနိုင်သည်။ သူမ၏အဆင့်တွင် သူမတွင် အမှန်တကယ်ပင် ခွန်အားကြီးမားသည်။</p> <p> </p> <p>ချူးယွင်ဖန်းက စွန်းယောင်ကို မကြည့်ဘဲ လက်ကိုမြှောက်ကာ တစ်ချက်တည်းရိုက်ချလိုက်သည်။</p> <p> </p> <p>ဘမ်း</p> <p> </p> <p>ကျယ်လောင်သော ပေါက်ကွဲသံတစ်ခု ထွက်ပေါ်လာခဲ့သည်။ ပိန်ပိန်ပါးပါး ချူးယွင်ဖန်းက နတ်ဘုရားဆင်၏ ခြေထောက်ကို လက်ဗလာဖြင့် ဆုပ်ကိုင်လိုက်သည်။</p> <p> </p> <p> </p> <p> </p> <p style="text-align: center;">***</p>


Save