Book List

<h2 style="text-align: center;">အခန်း(၁၇၁၀)</h2> <h2 style="text-align: center;">တိုက်ပွဲ</h2> <h2 style="text-align: center;">*</h2> <p> </p> <p> </p> <p>“ညီမယီ မင်းက သိသာတဲ့အရာကို မေးနေတာ မဟုတ်ဘူးလား" ဝမ်ယိဖန်က အံကြိတ်၍ ယီယွင်ယောင်ကို စိုက်ကြည့်နေသည်။</p> <p> </p> <p>သူမက သူ၏ အစီအစဥ်ကို ထပ်မံ ဖျက်ဆီးလိုက်ပြန်ပြီဖြစ်သည်။ သူ ချူးယွင်ဖန်းကို နောက်ဆုံးတစ်ခေါက်က ပညာပေးချင်ခဲ့စဥ်ကလည်း ယီယွင်ယောင်ကြောင့် ပျက်ဆီးသွားသည်ကို သူ သတိရသွားသည်။ ဤတစ်ကြိမ်လည်း အတူတူပင်ဖြစ်သည်။</p> <p> </p> <p>ဝမ်ယိဖန်သည် နှစ်ဖက်စလုံး ကြာမြင့်စွာ တိုက်ခိုက်ခဲ့ကြပုံနှင့် ထိပ်တန်းတပည့်များဖြစ်နေစဉ်က ပဋိပက္ခများစွာ ဖြစ်ပွားခဲ့ပုံကို စဉ်းစားမိသောအခါ ပို၍ပင် ဒေါသထွက်လာခဲ့သည်။</p> <p> </p> <p>"ညီမယီ ချူးယွင်ဖန်က ပြိုင်ပွဲအတွင်းမှာ ငါ့ရဲ့လက်အောက်ငယ်သားကို သတ်ပြီး ငါ့ပစ္စည်းကို ခိုးသွားတယ်။ သူက စည်းကမ်းမရှိဘူး။ မင်းသူ့ကို ကာကွယ်ဖို့ ကြိုးစားနေတာလား" ဝမ်ယိဖန်က လူသတ်မှုနှင့် လုယက်မှု ရာဇဝတ်မှုကို ချူးယွင်ဖန်းအပေါ် ထပ်တင်၍ သူ့ကို အပြစ်ရှိသကဲ့သို့ စကားမပြောနိုင်အောင် လုပ်လိုက်သည်။</p> <p> </p> <p>"စီနီယာဝမ်၊ ရှင် အရမ်းအလေးအနက်ထားနေပါပြီ ပြိုင်ပွဲတွေမှာ ထိခိုက်ဒဏ်ရာရတာ ပုံမှန်ပဲ။ ကျင့်ကြံမှုလမ်းက ယှဉ်နိုင်စရာမရှိအောင် ရှည်လျားတယ်။ ဒါက အလိုလိုဖြစ်လာမယ့် ကပ်ဘေးပဲ။  ဒီအခြေအနေကို ကျော်လွှားနိုင်မလားဆိုတာ လူတစ်ယောက်ရဲ့ ကံကြမ္မာပေါ်မှာ မူတည်တယ်" ယီယွင်ယောင်က ပြောသည်။</p> <p> </p> <p> "ဒါ့အပြင် ရှင်ကိုယ်တိုင် နတ်ဓားကို ယွီဝမ်ရှင်းကို ပေးခဲ့တာမဟုတ်ဘူးလား။ အဲ့လိုဆိုရင်ရှင့်အပိုင် မဟုတ်တော့ဘူး။ ချူးယွင်ဖန်းက တိုက်ပွဲမှာ အနိုင်ရတဲ့ပစ္စည်းမို့ ရှင်ဘာမှ ပြောပိုင်ခွင့်မရှိဘူးမလား”</p> <p> </p> <p>ယွီယွင်ယောင်၏ စကားများသည် ဝမ်ယိဖန်ကို ချက်ချင်းဆွံ့အသွားစေသည်။</p> <p> </p> <p> </p> <p>“ညီမယီ ဒီကိစ္စမှာ ဝင်ရောက်စွက်ဖက်ဖို့ ဆုံးဖြတ်ထားတယ်လို့ ပြောနေတာလား" ဝမ်ယိဖန်က ယီယွင်ယောင်ကို စိုက်ကြည့်ကာ မျက်နှာတစ်ခုလုံးမည်းနက်လာသည်။</p> <p> </p> <p>"ဟုတ်တယ်။ ဒီကိစ္စကို ကျွန်မကိုင်တွယ်ပါ့မယ်။ ခွေးတွေက သူတစ်ပါးရဲ့အာဏာကို မှီခိုအားထားရတယ်လို့ ရှင်ပြောပေမယ့် ကျွန်မ သဘောမတူဘူး။ ကျွန်မတို့အားလုံးက တပည့်ချင်းချင်းတွေပဲ။ စီနီယာဝမ်၊ ရှင့်စကားတွေက မနှစ်မြို့စရာကောင်းလွန်းတယ်”</p> <p>ယီယွင်ယောင်က မှိန်ဖျော့သောအပြုံးဖြင့် တည်ငြိမ်စွာပြောလိုက်သည်။</p> <p> </p> <p>ဝမ်ယိဖန်က မည်သို့ပင်ပြောစေကာမူ သူမကို ဒေါသထွက်အောင် မလုပ်နိုင်သကဲ့သို့ မျက်နှာအမူအရာကိုလည်း ပြောင်းလဲအောင်လည်း မလုပ်နိုင်ပေ။</p> <p> </p> <p>"ငါတို့ နောက်ဆုံးတွေ့ခဲ့တာ အတော်ကြာပြီ။ မင်းရဲ့ ကျင့်ကြံမှု တိုးတက်လာပုံပဲ ညီမယီ" ဝမ်ယိဖန်က အေးစက်စွာ ပြောလိုက်သည်။</p> <p> </p> <p>"ဟုတ်တယ်။ ရှင် ကျွန်မကို နောက်ဆုံးတစ်ခေါက်က အနိုင်ကျင့်ခဲ့တာက အဓိကတပည့်ဖြစ်လာတုန်းကပဲ။ ဒီတစ်ခါတော့ နည်းနည်းပါးပါး ယှဉ်ပြိုင်ကြရအောင်။ စကားပြောတာက အသုံးမဝင်ဘူး" ယီယွင်ယောင်က ဘာမှ မငြင်းဘဲ ပြောလိုက်သည်။</p> <p> </p> <p>"ဒါပေမယ့် ဒီမှာ အဆင်မပြေဘူး။ အပေါ်တက်ပြီး ဒါကို အဆုံးသတ်လိုက်ရအောင်"</p> <p> </p> <p>ယီယွမ်ယောင်း ပြောနေစဥ်၌ပင် သူမ၏ ခန္ဓာကိုယ်က အလင်းတန်းတစ်ခုအဖြစ်ပြောင်းလဲသွားကာ ကောင်းကင်ထဲသို့ ထိုးဖောက်သွားသည်။ ဝမ်ယိဖန်က ချူးယွင်ဖန်းကို ခက်ထန်သော အကြည့်နှင့်ကြည့်၍ သူ ချက်ချင်းလိုက်သွားသည်။ မကြာခင်၌ပင် ၎င်းတို့နှစ်ဦးလုံး ကောင်းကင်ထဲ၌ ပျောက်ကွယ်သွားကြ၏။</p> <p> </p> <p>မြင်ကွင်းက ချက်ချင်းပင် အသက်ဝင်လာသည်။</p> <p> </p> <p>တပည့်ကြီးနှစ်ဦးရှိနေချိန်၌ ၎င်းတို့၏ ကြောက်မက်ဖွယ်အရှိန်အဝါများသည် လူတိုင်းကို အသက်ရှုမရလောက်သည်အထိ ဖိနှိပ်ထားခဲ့သည်။ ၎င်းတို့အတွက် စကားပြောရန်ပင် ခက်ခဲသွားခဲ့သည်။ ကံကောင်းထောက်မစွာဖြင့် ၎င်းတို့နှစ်ယောက် ထွက်သွားကာ လူတိုင်းကို အသက်ရှုခွင့်ပေးလိုက်သည်။</p> <p> </p> <p>လူတိုင်းက ချူးယွင်ဖန်ကို ပြန်ကြည့်၍ မျက်လုံးများသည်လည်း နားလည်မှုတို့နှင့် တောက်ပနေသည်။ ထို့ကြောင့် ချူးယွင်ဖန်းက စီနီယာ ယွီယွင်ယောင်းနှင့် အမှန်ပင် ဆွေမျိုးတော်စပ်သည်။</p> <p> </p> <p>လူများစွာ၏ အတွေးများ ပျောက်ကွယ်သွားခဲ့သည်မှာ ကြာနှင့်ပြီဖြစ်သည်။ ၎င်းတို့က ချူးယွင်ဖန်း၏ တောင်မြစ်ပန်းချီကားကို လိုချင်ကြခြင်းဖြစ်၏။ မည်သို့ပင်ဖြစ်စေကာမူ ယင်းက တိုက်ခိုက်၍ တစ်ချိန်တည်း၌ပင် ခုခံနိုင်သည့် ကောင်းမွန်သော ရတနာတစ်ခုဖြစ်သည်။</p> <p> </p> <p>သို့သော် ယီယွင်ယောင် ပါဝင်ပတ်သက်နေပါက သေချာစဥ်းစားရန် လိုအပ်သည်။ မည်သို့ပင်ဖြစ်စေကာမူ ယီယွင်ယောင်ကဲ့သို့ စစ်မှန်သော တပည့်တစ်ဦးကို ၎င်းတို့ မစော်ကားမိချင်ပေ။ သို့သော် ယီယွင်ယောင်က ချူးယွင်ဖန်း၏ အသက်ကို ကယ်တင်ခဲ့ခြင်းမဟုတ်ဘဲ ဝမ်ယိဖန်၏ အသက်ကို ကယ်တင်ခဲ့ခြင်းဖြစ်ကြောင်း မည်သူမျှ မသိခဲ့ကြပေ။ ထိုအချိန်၌ ချူးယွင်ဖန်းက ဝမ်ယိဖန်ကို သတ်၍ တိုက်ခိုက်ရန် အဆင်သင့်ဖြစ်နေသည်။</p> <p> </p> <p>ယီယွင်ယောင် ဝင်ရောက်စွက်ဖက်သောအခါ ချူးယွင်ဖန်းသက်ပြင်းချလိုက်သည်။ ယီယွင်ယောင် ဝင်ရောက်စွက်ဖက်ရန် အကြောင်းပြချက် မည်သို့ပင်ရှိစေကာမူ သူမသည် သူ့ကို ဓားအလင်းတံတိုင်းကို အသုံးမပြုရန် ကယ်တင်ခဲ့သည်။ အဆုံးစွန်အားဖြင့် ထိုတံတိုင်းသည် သူ၏ လျှို့ဝှက်ချက်ဖြစ်သည်။ သူသည် လီချန်းယွမ်ကို ကိုင်တွယ်ဖြေရှင်းရန် ၎င်းကို အသုံးပြုမည်ဖြစ်ပြီး ဝမ်ယိဖန်ကို တိုက်ခိုက်ရန် ၎င်းကို အသုံးပြုခြင်းသည် အလဟဿဖြစ်လိမ့်မည်။</p> <p> </p> <p>သို့သော်လည်း ယီယွင်ယောင်းက နောက်ဆုံးအချိန်တွင် လှုပ်ရှားမှုတစ်ခုပြုလုပ်မည်ကို သူထူးဆန်းသည်ဟု ထင်မြင်မိသည်။ သူမသည် ယခုအခါ ပို၍ပင် အစွမ်းထက်လာပုံရသည်။ သာမန်လူများ မသိနိုင်သော်လည်း ချူးယွမ်ဖန်၏မျက်လုံးများမှ သူမ မည်သို့ပုန်းအောင်းနိုင်မည်နည်း။</p> <p> </p> <p>ဘမ်း</p> <p> </p> <p>ကောင်းကင်ယံထဲ၌ ကျယ်လောင်သော အသံကြီးတစ်ခု ထွက်ပေါ်လာသည်။ ယီယွင်ယောင်းနှင့် ဝမ်ယိဖန်ကို တိုက်ခိုက်နေခြင်းကို လူတိုင်းသိကြသည်။ စစ်မှန်သော တပည့်နှစ်ဦးကြားက တိုက်ပွဲက ကြောက်မက်ဖွယ် မြင်ကွင်းတစ်ခုပင်ဖြစ်သည်။ မည်သူနိုင်နိုင် မည်သူရှုံးရှုံး ယင်းက ဂိုဏ်းတစ်ခုလုံးအပေါ် ကြီးမားသော သက်ရောက်မှုတစ်ခုဖြစ်လာစေလိမ့်မည်။</p> <p> </p> <p>သို့သော်လည်း သူတို့၏မြင်ကွင်းမှ အတားအဆီးကြောင့် ကန့်သတ်ခံထားရသောကြောင့် တိုက်ပွဲ၏  အသေးစိတ်အချက်အလက်များကို မမြင်ရပေ။ တိုက်ပွဲ၏ နောက်ဆက်တွဲငလျင်အချို့ကိုသာ မြင်တွေ့ခဲ့ရပြီး အလွန်ကြောက်စရာကောင်းလှသည်။</p> <p> </p> <p>ယွီယွင်ယောင်နှင့် ဝမ်ယိဖန်တို့၏ တိုက်ပွဲက ၎င်းတို့နှင့် အလွန် ဝေးကွာလှသော်လည်း တိုက်ပွဲ၏ နောက်ဆက်တွဲ တုန်ခါမှုများကို ၎င်းတို့ ခံစားမိကြဆဲဖြစ်သည်။ တိုက်ပွဲ၏ အတိုင်းအတာက မည်မျှ ထိ ထိတ်လန့်ဖွယ်ကောင်းကြောင်း မြင်ယောင်ကြည့်ရန် လွယ်ကူသည်။</p> <p> </p> <p>"ဒါက စစ်မှန်တဲ့ တပည့်တစ်ယောက်ရဲ့ စွမ်းအားပဲ။ ငါတို့လို ထိပ်တန်းတပည့်တွေ ယှဉ်နိုင်တဲ့အရာ မဟုတ်ဘူး။"</p> <p> </p> <p>"ဟုတ်တယ်။ ငါတို့ အမြန်ဆုံး လေ့ကျင့်ရမယ်။ နောက်ဆုံးတော့ ငါတို့ဟာ စစ်မှန်တဲ့ တပည့်တွေ ဖြစ်လာရမယ်။ ဒီနေ့ အဖြစ်အပျက်ကို ထပ်ခါတလဲလဲ မဖြစ်စေရဘူး။"</p> <p> </p> <p>"စစ်မှန်တဲ့ တပည့်တစ်ယောက် ဖြစ်လာမှသာ တကယ့် ကြီးမားတဲ့ အခွင့်အရေးတစ်ခု ဖြစ်လာနိုင်တယ်!"</p> <p> </p> <p>ထို ထိပ်တန်းတပည့်များသည် စိတ်အားထက်သန်စွာ ဆွေးနွေးနေကြသည်။ ထိုသူများကြား၌ ဖန်းယွီ၏ မျက်နှာက‌ ရေလိုမည်းနက်နေကာ လက်သီးများကိုလည်း ဆုပ်ထားသည်။ သူ၏ ယခင်က မာနက ပြောစရာမလိုကြောင်း သူတကယ်နားလည်သည်။ သူသည် စစ်မှန်သော တပည့်တစ်ဦးဖြစ်လာတော့မည်ကို သိသော်လည်း ယင်းက လုံးဝ ကွဲပြားသော ကိစ္စတစ်ခုဖြစ်သည်။ ၎င်တို့ ကြား၌ ပါးလွှသော မျဥ်းးတစ်ကြောင်းသာရှိလျှင်ပင် ကွာခြားချက်က ကမ္ဘာတမျှပင်ဖြစ်၏။</p> <p> </p> <p>ဝမ်ယိဖန် မည်မျှပင် ဒေါသထွက်နေစေကာမူ ယီယွင်ယောင်၏ စကားများကို နားထောင်ရမည်ဖြစ်သည်။ သို့သော် ဝမ်ယိဖန်က သူပြောစကားကိုမူ လုံးဝ လျစ်လျူရှု့ထား၏။</p> <p> </p> <p>ယင်းက မျက်နှာကို ဖြတ်ရိုက်လိုက်သကဲ့သို့ပင်ဖြစ်သည်။ စစ်မှန်သော တပည့်တစ်ဦးအဆင့်၌ မည်သူ၏ စွမ်းအားကိုမျှ ငှားယူခြင်းက မကောင်းပေ။ လူတစ်ဦးက ခွန်အားကြီးမှသာ အမှန်တကယ် ခွန်အားကြီးနိုင်သည်။</p> <p> </p> <p>ထိုအကြောင်းကိုတွေး၍ ဖန်းယွီက ချူးယွင်ဖန်းကို ထပ်ကြည့်လိုက်သည်။ မည်သည်ကြောင့်မသိသော်လည်း ချူးယွင်ဖန်းက သူ၏ အစွမ်းအစကို အပြည့်အဝ အသုံးပြုခြင်းမရှိကြောင်း သူခံစားလိုက်ရသည်။</p> <p>ချူးယွင်ဖန်းက ရွှေအမတေပြီးပြည့်စုံခြင်းအဆင့်သို့ရောက်သည်မှာ ခြောက်လခန့်သာ ရှိသေးသော်လည်း ဒြပ်မဲ့အဆင့်သို့ရောက်နေပြီဖြစ်ကာ ထိုအမြန်နှုန်းက  အံ့သြစရာကောင်းလောက်အောင် မြန်ဆန်လွန်းသည်။</p> <p> </p> <p>‘ဒီကောင် တကယ် မွန်းစတားဖြစ်နေနိုင်မလား’</p> <p> </p> <p>ရုတ်တရက် လူတိုင်းက ၎င်းတို့၏ အတွေးများကို နယ်ဆန့်နေသော အခိုက်၌ ကောင်းကင်ကတိုက်ပွဲက ပြီးဆုံးသွားပြီဖြစ်ကာ ပုံရိပ်နှစ်ခု ဆင်းသက်လာခဲ့သည်။</p> <p> </p> <p> </p> <p> </p> <p style="text-align: center;">***</p>


Save