Book List

<h2 style="text-align: center;">အခန်း ၂၄၅</h2> <h2 style="text-align: center;">ကြံ့ခိုင်မှု</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify">အပြင်ပန်းတွင်မူ ယောင်ကျယ်ယွီသည် ဧကရာဇ်ရှေ့တော်မှောက်တွင် မသင့်လျော်သော အပြုအမူကြောင့် ရာထူးလျှော့ချခံရသည်ဟု ပြောဆိုကြသည်။ သို့သော် မနက်ပိုင်းတွင် စုကျယ်ယွီ ကိုယ်ဝန်ပျက်ကျသည့် သတင်းနှင့် ဆက်စပ်ကြည့်လျှင် သံသယဖြစ်စရာ ဖြစ်နေသည်။</p> <p style="text-align:justify"> </p> <p style="text-align:justify">သို့သော် အရှင်မင်းကြီးက "နောက်တစ်ခါ မဖြစ်စေနဲ့" ဟု နှုတ်မိန့်ဖြင့်သတိပေးထားသဖြင့် ယောင်မျိုးရိုးကို မျက်နှာသာပေးထားကြောင်း သိသာသည်။ ထို့ကြောင့် မည်သူမျှ ဘာမှမပြောရဲကြပေ။</p> <p style="text-align:justify"> </p> <p style="text-align:justify">ယောင်ကျယ်ယွီ ရာထူးကျခြင်းသည် သူမ၏ ကိုယ်ပိုင်အမှားကြောင့်သာ ဖြစ်သည်ဟု လက်ခံထားကြသည်။</p> <p style="text-align:justify"> </p> <p style="text-align:justify">ဤတစ်ကြိမ်တွင် တိုက်ကွေ့ဖေးတောင်မှ စိတ်ပူနေသော်လည်း ဝင်မကူညီရဲပေ။</p> <p style="text-align:justify"> </p> <p style="text-align:justify">တော်ဝင်မျိုးဆက်နှင့် ပတ်သက်လျှင် အရှင်မင်းကြီးသည် သည်းမခံတတ်ပေ။ အမှားလုပ်မိလျှင် ပိုပြီး အမုန်းခံရနိုင်သည်။</p> <p style="text-align:justify"> </p> <p style="text-align:justify">"ရှန်းအာက အမြဲ သတိထားတတ်ပေမဲ့ ဒီနှစ်ခါလုံး ယဲ့မျိုးရိုးလက်ချက်နဲ့ ရှုံးနိမ့်ခဲ့ရတယ်။ ပြီးတော့ရာထူးကျတာ နှစ်ခါလုံး ယဲ့မျိုးရိုးနဲ့ ပတ်သက်နေတယ်။ တကယ်ပဲ အဲ့မိန်းကလေးကို လျှော့တွက်လို့ မရဘူး။”</p> <p style="text-align:justify"> </p> <p style="text-align:justify">"ကျွန်တော်မျိုးမ အမြင်အရဆိုရင် ယဲ့မျိုးရိုးကို အမြန်ရှင်းပစ်ရမယ်။ သူသာ ဒီထပ်ပိုပြီးနေရာရလာရင် ယောင်ကျယ်ယွီအတွက် အကြီးမားဆုံး ရန်သူ ဖြစ်လာလိမ့်မယ်။”</p> <p style="text-align:justify"> </p> <p style="text-align:justify">ဖေ့ဟွမ်က ပြောလိုက်သည်။</p> <p style="text-align:justify"> </p> <p style="text-align:justify">တိုက်ကွေ့ဖေးသည် လက်ထဲမှ ပုတီးစေ့များကို ပွတ်သပ်ရင်း မျက်ဝန်းများ အေးစက်သွားသည်။</p> <p style="text-align:justify"> </p> <p style="text-align:justify">"သေချာပေါက် နည်းလမ်းရှာပြီး ရှင်းပစ်ရမယ်။ မဟုတ်ရင် ငါ စိတ်ချနိုင်မှာ မဟုတ်ဘူး"</p> <p style="text-align:justify"> </p> <p style="text-align:justify">သူမသည် အသက်ကြီးလာပြီဖြစ်သည်။မယ်တော်ကြီးကလည်းကျန်းမာရေး မကောင်းသလို သူမလည်း သိပ်မခိုင်မာတော့ပေ။</p> <p style="text-align:justify"> </p> <p style="text-align:justify">ယခင်ဧကရာဇ်၏အချစ်တော် ကွေ့ဖေးဘဝနှင့် ယခု တိုက်ဖေးဘဝသည် ကွာခြားလွန်းလှသည်။ စားဝတ်နေရေး အဆင့်အတန်း ကျဆင်းသွားသဖြင့် အရာအားလုံးကိုသည်းခံနေရသည်။ ထို့ကြောင့်မျှော်လင့်ချက်အားလုံးကို ယောင်ရှန်းအပေါ်တွင်သာ ပုံအပ်ထားသည်။</p> <p style="text-align:justify"> </p> <p style="text-align:justify">ယောင်ရှန်း၏ အတွေးသည်လည်း တိုက်ကွေ့ဖေးနှင့် အတူတူပင်။</p> <p style="text-align:justify"> </p> <p style="text-align:justify">အကွက်ဆင်ပြီး တိုက်ခိုက်သည်ထပ်</p> <p style="text-align:justify">အဆိပ်ခတ်ပြီး သတ်လိုက်ခြင်းသည် ပို၍လွယ်ကူပေသည်။</p> <p style="text-align:justify"> </p> <p style="text-align:justify">ယခုကဲ့သို့ရာထူးကျပြီး ဘွဲ့ထူးဂုဏ်ပုဒ် ရုပ်သိမ်းခံရခြင်းသည် သူမအတွက် ကြီးမားသော အရှက်ကွဲမှု ဖြစ်သည်။ ယဲ့မျိုးရိုးနှင့် ဝူမျိုးရိုးတို့ တစ်ယောက်ချင်းစီ သေချာပေါက်ပြန်ပေးဆပ်ရမည်။</p> <p style="text-align:justify"> </p> <p style="text-align:justify">သို့သော် လောလောဆယ် အကျယ်ချုပ် သုံးလ ပြည့်အောင် စောင့်ရဦးမည်။ ရာထူးကျသွားသူကို မည်သူမျှ ဂရုမစိုက်ကြပေ။ ယောင်ရှန်း ရာထူးကျခြင်းနှင့် စုကျယ်ယွီ ကိုယ်ဝန်ပျက်ကျခြင်းတို့သည် မကြာမီ ရောက်ရှိလာမည့် နှစ်သစ်ကူးပွဲတော်၏ ပျော်ရွှင်မှုများအောက်တွင် မှေးမှိန်</p> <p style="text-align:justify">ပျောက်ကွယ်သွားတော့သည်။</p> <p style="text-align:justify"> </p> <p style="text-align:justify">မိဖုရားခေါင်ကြီးသည် လပေါင်းများစွာ အနားယူကုသပြီးနောက် ဒဏ်ရာများ သက်သာပျောက်ကင်းလာပြီ ဖြစ်သည်။</p> <p style="text-align:justify"> </p> <p style="text-align:justify">သို့သော် ဒီတစ်ခေါက် အတွေ့အကြုံကြောင့် ပိုမို သတိထားလာပြီး အလုပ်များကို တစ်ယောက်တည်း မလုပ်တော့ဘဲ ခွဲဝေပေးလိုက်သည်။</p> <p style="text-align:justify"> </p> <p style="text-align:justify">ရှူးဖေး၊ ကျင်းဖေး နှင့် ဝမ်ရှိုးရီ တို့ကို ခေါ်ယူပြီး နှစ်သစ်ကူးပွဲတော်အတွက် တာဝန်ခွဲဝေပေးသည်။</p> <p style="text-align:justify"> </p> <p style="text-align:justify">ဒီနှစ်ပွဲတော် ကျင်းပရာတွင်အနည်းငယ် အခက်အခဲ ရှိနေသည်။ နန်းတွင်းတွင် ကလေးတစ်ယောက် ဆုံးရှုံးသွားသဖြင့် အရမ်းမပျော်ရွှင်သင့်ပေ။ သို့သော် အရှင်မင်းကြီး၏ တောင်ပိုင်းခရီးစဉ် အောင်မြင်မှုကြောင့် နိုင်ငံတော်ဘဏ္ဍာ တိုးပွားလာသဖြင့် ပျော်ပွဲရွှင်ပွဲ ကျင်းပသင့်ပြန်သည်။</p> <p style="text-align:justify"> </p> <p style="text-align:justify">နောက်ဆုံးတွင် နင်ချန်၏ ဆုံးဖြတ်ချက်ကို မေးမြန်းလိုက်သည်။</p> <p style="text-align:justify"> </p> <p style="text-align:justify">"စည်းကမ်းအတိုင်း လုပ်လိုက်ပါ။ အရမ်းစည်ကားစရာ မလိုသလို၊ ရှောင်ကြဉ်စရာလည်း မလိုပါဘူး။ ဒါပေမဲ့ ကျားစခ်ဒေသဘက်ကို ကျန်းဆုလာဘ်တွေအပြင် စူးမျိုးရိုးရဲ့ မိခင်ကိုပါ ပစ္စည်းတချို့ ပေးပို့လိုက်ပါ။”</p> <p style="text-align:justify"> </p> <p style="text-align:justify">"ဟုတ်ကဲ့ပါ အရှင်မင်းကြီး။ ဒီချန်းချဲ့ နားလည်ပါပြီ"</p> <p style="text-align:justify"> </p> <p style="text-align:justify">မိဖုရားခေါင်ကြီး ခေါင်းညိတ်လိုက်ပြီး ဆက်မေးသည်။</p> <p style="text-align:justify"> </p> <p style="text-align:justify">"စုကျယ်ယွီကိုရော သီးသန့် ဆုချစရာ လိုမလား။ သူက ကျန်းမာရေး မကောင်းဘဲ ကလေးဆုံးရှုံးလိုက်ရလို့ ဝမ်းနည်းနေမှာပါ"</p> <p style="text-align:justify"> </p> <p style="text-align:justify">စုကျယ်ယွီ ကိုယ်ဝန်ပျက်ကျမှုကို မည်သူ့အပေါ်မှ အပြစ်ပုံချ၍ မရသဖြင့် သူမ၏ အစေခံက မသင့်လျော်သော ဆေးဝါးများ တိုက်ကျွေးမိ၍ဟုသာ ကောက်ချက်ချလိုက်သည်။ ထို့နောက်အစေခံ၏ လိမ်ညာမှုကို ခံလိုက်ရသော သားကောင်အဖြစ် သတ်မှတ်လိုက်သည်။</p> <p style="text-align:justify"> </p> <p style="text-align:justify">နင်ချန် မျက်မှောင်ကြုတ်လိုက်ပြီး ငြင်းဆန်လိုက်သည်။</p> <p style="text-align:justify"> </p> <p style="text-align:justify">"စည်းကမ်းအတိုင်းပဲ လုပ်လိုက်ပါ။ သူကိုက ကံမကောင်းတာပါ။ အထူးဂရုစိုက်ပေးဖို့ မလိုပါဘူး။ နှစ်သစ်ကူးပွဲတော် တက်ရောက်စရာ မလိုဘဲ အနားယူခွင့် ပေးလိုက်ပါ။”</p> <p style="text-align:justify"> </p> <p style="text-align:justify">အတွင်းရေးကို သိထားသော နင်ချန်သည် စူးမျိုးရိုးကို ခွင့်လွှတ်ရန် ဝန်လေးနေသည်။</p> <p style="text-align:justify"> </p> <p style="text-align:justify">မိဖုရားခေါင်ကြီး ခေါင်းညိတ်လိုက်ပြီး နောက်ထပ် ကိစ္စတစ်ခုကို တင်ပြသည်။</p> <p style="text-align:justify"> </p> <p style="text-align:justify">"နှစ်သစ်ကူးပြီးရင် ရွေးချယ်ပွဲတွေ လုပ်တော့မှဆိုတော့ မကြာခင်လူသစ်တွေ ရောက်လာတော့ပါမယ်။ လက်ရှိ ကိုယ်လုပ်တော်တွေရဲ့ ရာထူးတွေကိုအရင်တိုးပေးလိုက်ရမလား။ အားလုံးက အရှင်မင်းကြီးကို ပြုစုလာတာ ကြာပြီဆိုတော့ လူသစ်တွေ ရောက်လာရင် မျက်နှာမငယ်ရအောင်ပါ။”</p> <p style="text-align:justify"> </p> <p style="text-align:justify">နင်ချန် စဉ်းစားပြီးနောက်ပြန်ဖြေလိုက်သည်။</p> <p style="text-align:justify"> </p> <p style="text-align:justify">"မိဖုရားခေါင်ကြီး ပြောတာ မှန်ပါတယ်။ ရာထူးတိုးပေးလိုက်ပါ။”</p> <p style="text-align:justify"> </p> <p style="text-align:justify">မိဖုရားခေါင်ကြီး ပြုံးလိုက်ပြီး စာအုပ်တစ်အုပ်ကို ကမ်းပေးလိုက်သည်။</p> <p style="text-align:justify"> </p> <p style="text-align:justify">"ဒီချန်းချဲ့ စာရင်းပြုစုထားပါတယ်။ အရှင်မင်းကြီး ကြည့်ရှုပေးပါဦး"</p> <p style="text-align:justify"> </p> <p style="text-align:justify">နင်ချန် ယူကြည့်လိုက်သည်။</p> <p style="text-align:justify"> </p> <p style="text-align:justify">စာရင်းထဲတွင် ကျင်းဖေးကို သယ့်ဖေး၊ ဝမ်ရှိုးရီကို ရွှင်ရုန်၊ ယိရှိုးယွမ်ကို ရှိုးရီ၊ ကျန်းချိုက်ရန်ကို ဝမ်ရုန်၊ ရှမိန်ရန်ကို ကျယ်ယွီ နှင့် ချွေ့ပေါင်လင်ကို ချိုက်ရန်အဖြစ် ရာထူးတိုးပေးထားသည်။</p> <p style="text-align:justify"> </p> <p style="text-align:justify">"ကျင်းဖေးက ပထမဆုံး ပြုစုခဲ့တဲ့သူဖြစ်သလို ဒုတိယမင်းသားကိုလည်း မွေးစားထားတော့ သယ့်ဖေး ရာထူးနဲ့ ထိုက်တန်ပါတယ်။ ဝမ်ရှိုးရီကလည်း နှစ်ပေါင်းများစွာ ပြုစုခဲ့ပြီး မင်းသမီးလေး မွေးထားတော့ ရွှင်ရီအဆင့် ပေးလိုက်မယ်။ ကလေးမွေးထားတဲ့ ကုသိုလ်ရှိတော့ အဆင့်ကျော်ပြီး ပေးလည်း ကိစ္စမရှိပါဘူး"</p> <p style="text-align:justify"> </p> <p style="text-align:justify">"ရှမျိုးရိုးကိုတော့ ရာထူးမတိုးပေးနဲ့ဦး။ ကျိုးချိုက်ရန်နဲ့ ကျန်းပေါင်လင်တို့နှစ်</p> <p style="text-align:justify">ယောက်ကို တစ်ဆင့်စီ တိုးပေးလိုက်။”</p> <p style="text-align:justify"> </p> <p style="text-align:justify">မိဖုရားခေါင်ကြီးပြင်ဆင်ထားသောစာရင်းကို ကြည့်ပြီး နင်ချန် ပြင်ဆင်လိုက်သည်။</p> <p style="text-align:justify"> </p> <p style="text-align:justify">ကျိုးမျိုးရိုးနှင့် ကျန်းမျိုးရိုးအကြောင်း ယဲ့ယွင် မကြာခဏ ပြောဖူးသဖြင့် နင်ချန် သတိရပြီး ရာထူးတိုးပေးလိုက်ခြင်း ဖြစ်သည်။ သူတို့နှစ်ဦးက ရိုးသားကြသည်။</p> <p style="text-align:justify"> </p> <p style="text-align:justify">မိဖုရားခေါင်ကြီးသည် နင်ချန်၏စကားကြောင့် အံ့ဩသွားခဲ့သည်။ နှစ်ပေါင်းများစွာ လစ်လျူရှုခံထားရသော ထိုနှစ်ယောက်ကို အရှင်မင်းကြီးက သတိရနေလိမ့်မည်ဟု မထင်မှတ်ထားပေ။</p> <p style="text-align:justify"> </p> <p style="text-align:justify">သို့သော်၎င်းမှာ သေးငယ်သော ကိစ္စရပ်များသာဖြစ်၍ လက်ခံလိုက်သည်။</p> <p style="text-align:justify"> </p> <p style="text-align:justify">ဒီနှစ်တွင် နှင်းကျတာ နောက်ကျသော်လည်း အချိန်ကိုက် ကျဆင်းနေသည်။</p> <p style="text-align:justify"> </p> <p style="text-align:justify">နှစ်သစ်ကူး ညစာစားပွဲ ကျင်းပနေစဉ် နှင်းပွင့်လေးများ ကျဆင်းလာပြီး နန်းတော်မီးရောင်များအောက်တွင် လှပသော ရှုခင်းကို ဖန်တီးပေးသည်။</p> <p style="text-align:justify"> </p> <p style="text-align:justify">ဒီနှစ်ပွဲတော်ကို ယောင်မျိုးရိုး တက်ရောက်ခွင့် မရသဖြင့် ရာထူးတိုးပွဲကို မမြင်တွေ့လိုက်ရပေ။ ဒီတစ်ခေါက်တွင် ဝူမျိုးရိုး (ယိရှိုးယွမ်) သည် အကြီးအကျယ် မျက်နှာပွင့်ခဲ့သည်။ နင်ချန်က သူမကို ရှိုးရီအဆင့်အစား အဆင့်ကျော်ပြီး ရွှင်ရုန်အဆင့်သို့ တိုးမြှင့်ပေးလိုက်သည်။</p> <p style="text-align:justify"> </p> <p style="text-align:justify">ကျင်းဖေးသည် သယ့်ဖေး ဖြစ်လာပြီး ကျန်လူများမှာ မူလအတိုင်း ဖြစ်သည်။</p> <p style="text-align:justify"> </p> <p style="text-align:justify">အံ့ဩစရာ အကောင်းဆုံးမှာ ကျန်းမျိုးရိုးဖြစ်သည်။ သူမသည် ချိုက်ရန်အဆင့်သို့ တိုးမြှင့်ခံရသည်။ ၎င်းမှာယဲ့ယွင်၏ ကူညီပေးမှုကြောင့်ဖြစ်မှန်း သိလိုက်ပေသည်။</p> <p style="text-align:justify"> </p> <p style="text-align:justify">မဟုတ်လျှင် တစ်ခါသာ အိပ်ဆောင်ဝင်ဖူးပြီး မေ့လျော့ခံထားရသူကို အရှင်မင်းကြီးက ဘယ်လိုလုပ် သတိရမှာလဲ။</p> <p style="text-align:justify">.....</p> <p style="text-align:justify"> </p> <p style="text-align:justify">နှစ်သစ်ကူး ပွဲတော်တွင် စကားပြောခွင့် မရသော်လည်း နောက်တစ်နေ့တွင် မိခင်ဖြစ်သူ ချူရှီဝင်ရောက်တွေ့ဆုံခွင့် ရသောအခါ ယဲ့ယွင် သတင်းကောင်း ကြားလိုက်ရသည်။</p> <p style="text-align:justify"> </p> <p style="text-align:justify">မရီးဖြစ်သူ ယင်းမျိုးရိုးတွင် ကိုယ်ဝန်ရှိနေပြီ ဖြစ်ပြီး ဒီဇင်ဘာလအစောပိုင်းက သိရှိခဲ့ခြင်း ဖြစ်သည်။</p> <p style="text-align:justify"> </p> <p style="text-align:justify">ထိုသတင်းကြောင့် ဒီနှစ် မြို့တော်သို့ ပြန်လာပြီး အစီရင်ခံရမည့် အစ်ကိုဖြစ်သူ ယဲ့ကျယ်သည် ဒုတိယဗိုလ်ချုပ်ကို ကိုယ်စားလွှတ်လိုက်ပြီး ကိုယ်ဝန်ဆောင် ဇနီးသည်ကို စောင့်ရှောက်ရန် နေရစ်ခဲ့သည်။</p> <p style="text-align:justify"> </p> <p style="text-align:justify">ယဲ့ယွင် ဝမ်းသာအားရ ဖြစ်သွားပြီး မိခင်ဖြစ်သူကို ပစ္စည်းများစွာ ပေးအပ်လိုက်သည်။ အများစုမှာ ကိုယ်ဝန်ဆောင်နှင့် ကလေးအတွက် ဖြစ်သည်။</p> <p style="text-align:justify"> </p> <p style="text-align:justify">နောက်ထပ် သတင်းကောင်းတစ်ခုမှာ ဦးလေး၏ သားသမီးနှစ်ဦး အရွယ်ရောက်လာပြီ ဖြစ်သည်။</p> <p style="text-align:justify"> </p> <p style="text-align:justify">သူမထက် တစ်နှစ်ငယ်သော မောင်ဝမ်းကွဲ ယဲ့ဟွိုင်သည် အသက် ၁၈ နှစ် ပြည့်ပြီဖြစ်၍ နောက်နှစ် ဆောင်းဦးရာသီ စာမေးပွဲဝင်ဖြေမည်ဟုဆိုသည်။  တကယိတော်တော် ထူးချွန်တဲ့ ကလေးပဲ။  ယဲ့ယွင်ရဲ့တခြားဝမ်းကွဲအစ်ကိုတွေဆိုရင် အသက် ၂၅ လောက်မှ စာမေးပွဲ ဖြေခွင့်ရကြတာ။</p> <p style="text-align:justify"> </p> <p style="text-align:justify">ညီမဝမ်းကွဲ ယဲ့လျန်သည်လည်း ဒီနှစ်တွင် အရွယ်ရောက်ပြီး ( ၁၅ နှစ်) ဖြစ်၍ နောက်နှစ်တွင် အိမ်ထောင်ဘက် ရှာဖွေရတော့မည်။</p> <p style="text-align:justify"> </p> <p style="text-align:justify">အဒေါ်ဖြစ်သူ ယန်မျိုးရိုးသည် ယဲ့ယွင် နန်းတွင်းတွင် အခက်အခဲ ရှိနေမည်စိုး၍ ယဲ့လျန်ကို ဂုဏ်သရေရှိ မိသားစုနှင့် လက်ထပ်ပေးပြီး အကူအညီ ရယူလိုနေသည်။</p> <p style="text-align:justify"> </p> <p style="text-align:justify">ယန်မျိုးရိုး၏ပူပန်မှုကိုလည်း အပြစ်မဆိုနိုငိ</p> <p style="text-align:justify">ပေ။ ယဲ့မိသားစုဝင်များသည် အိမ်ထောင်ခွဲ၍မနေကြပဲ အတူတကွစည်းလုံးစွာနေကြသည့်အပြင်</p> <p style="text-align:justify">အိမ်ထောင်ဦးစီးသည် ယဲ့ကျယ်ဖြစ်သည်။</p> <p style="text-align:justify"> </p> <p style="text-align:justify">ယဲ့ကျယ်က နယ်စပ်တွင်ရာထူးကြီးစစ်သူကြီးဖြစ်ကာ ယဲ့ယွင်က နန်းတွင်းမှာ ကိုယ်လုပ်တော် ဖြစ်နေသည့်အတွက်</p> <p style="text-align:justify">ယန်မျိုးရိုး၏ သားသမီးနှစ်ယောက်မှာသူတို့နှင့်ယှဉ်လျှင် အနောက်တွင်ကျန်ရစ်နေသကဲ့သို့ပင်။ ဘွဲ့ထူးဂုဏ်ပုဒ် ရှိပေမဲ့ သားဖြစ်သူက ယဲ့ကျယ်လောက် ရာထူးမကြီးသည့်အပြင် မရီးဖြစ်သူ ချူရှီရဲ့ အကူအညီ မပါပါက သူမ၏ကလေးနှစ်ယောက်မှဘာမှမဟုတ်ပေ။</p> <p style="text-align:justify"> </p> <p style="text-align:justify">သို့သော် ယဲ့ယွင်က သူမ၏ ရှေ့ရေးအတွက် ညီမလေး၏ ဘဝကို စတေးခံမည့်သူ မဟုတ်ပေ။ ယဲ့မိသားစုသည် သမီးမိန်းကလေးများကို အားကိုးပြီး ရပ်တည်ရမည့် အခြေအနေ မဟုတ်ကြောင်း၊ ယဲ့မိသားစု သားယောက်ျားလေးများသည် အိမ်ထောင်ကို ဦးစီးနိုင်စွမ်း ရှိကြောင်း အဒေါ်ဖြစ်သူကို ပြတ်ပြတ်သားသား ပြောလိုက်သည်။ ထိုစကားကြောင့် ယန်မျိုးရိုး စိတ်လှုပ်ရှားသွားပြီး မိသားစု စည်းလုံးမှု ပိုမို ခိုင်မြဲသွားခဲ့သည်။</p> <p style="text-align:justify"> </p> <p style="text-align:justify">ဒီခေတ်ကြီးထဲတွင် ခင်ပွန်းသည် မရှိဘဲ ရပ်တည်ရန်အလွန်ခက်ခဲပေသည်။ ယဲ့ကျယ်က လျင်မြန်စွာအရွယ်ရောက်လာပြီး ယဲ့ယွင်ကလည်း ထက်မြတ်စွာကြီးပျင်းလာခဲ့၍ မိသားစု မပြိုကွဲဘဲ တောင့်ခံနိုင်ခဲ့ခြင်းဖြစ်သည်။ မဟုတ်ပါက ချူရှီနှင့်ယန်မျိုးရိုးတို့ အမျိုးသမီးနှစ်ယောက်သည် ကလေးလေးယောက်နှင့်တော်ဝင်မြို့တော်တွေရပ်တည်နိုင်မည်မဟုတ်ပေ။</p> <p style="text-align:justify"> </p> <p style="text-align:justify">ဖခင်မရှိတော့သည့်အတွက် ယဲ့မိသားစု ကလေးများသည် ရွယ်တူများထက် ပိုမို ကြံ့ခိုင်သန်စွမ်းကြသည်။</p> <p style="text-align:justify"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save