Book List

<h2 style="text-align: center;">အခန်း ၂၄၇</h2> <h2 style="text-align: center;">ချွဲနွဲ့သူလေး</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify">"ဟွိုက်အန်း... စိတ်မပူပါနဲ့။ ညန်ကောင်းက လိမ္မာတဲ့ကောင်လေးပါ။ လူကို မကိုက်ပါဘူး။ သူ အရှင်မင်းကြီးကို သဘောကျလို့ ကစားနေတာပါ။ ကျွန်မ ဝင်ခေါ်လိုက်မယ်"</p> <p style="text-align:justify"> </p> <p style="text-align:justify">ယဲ့ယွင် နှစ်သိမ့်ပြောကြားပြီး ဂါဝန်စကို မကာ အထဲသို့ ဝင်သွားလိုက်သည်။</p> <p style="text-align:justify"> </p> <p style="text-align:justify">ဟွိုက်အန်း တွန့်ဆုတ်နေသော်လည်း အရှင်မင်းကြီးက ခွေးကို ပွတ်သပ်ပေးနေသည်ကို မြင်လိုက်ရမှ စိတ်ချသွားသည်။</p> <p style="text-align:justify"> </p> <p style="text-align:justify">တံခါးမပိတ်တော့ဘဲ အပြင်တွင်သာ စောင့်နေလိုက်သည်။</p> <p style="text-align:justify"> </p> <p style="text-align:justify">"အရှင်မင်းကြီးကို ဂါရဝပြုပါတယ်"</p> <p style="text-align:justify"> </p> <p style="text-align:justify">ယဲ့ယွင် ယဉ်ကျေးစွာ နှုတ်ဆက်လိုက်သည်။</p> <p style="text-align:justify"> </p> <p style="text-align:justify">"ရောက်လာပြီလား"</p> <p style="text-align:justify"> </p> <p style="text-align:justify">နင်ချန် မော့ကြည့်လိုက်ပြီး ဘေးနားမှ နေရာလွတ်ကို ညွှန်ပြလိုက်သည်။</p> <p style="text-align:justify"> </p> <p style="text-align:justify">"ဒီမှာ လာထိုင်"</p> <p style="text-align:justify"> </p> <p style="text-align:justify">ညန်ကောင်းက နားလည်သကဲ့သို့ ယဲ့ယွင်နားသို့ ပြေးသွားပြီး တစ်ပတ်ပတ်ကာ နင်ချန်ဘေးသို့ ပြန်လိုက်ပါသွားပြီး ယဲ့ယွင်၏ ခြေရင်းတွင် ထိုင်ချလိုက်သည်။</p> <p style="text-align:justify"> </p> <p style="text-align:justify">လူတစ်ယောက်နှင့် ခွေးတစ်ကောင်ကို ကြည့်ပြီး နင်ချန် အတော်သဘောကျနေသည်။</p> <p style="text-align:justify"> </p> <p style="text-align:justify">"မင်းရဲ့ခွေးက တော်တော် လိမ္မာတာပဲ"</p> <p style="text-align:justify"> </p> <p style="text-align:justify">"အရှင်မင်းကြီး ပေးထားတဲ့ခွေးပဲလေ။ သေချာပေါက် လိမ္မာမှာပေါ့။ ညန်ကောင်းလေးက သင်ရလွယ်တယ်"</p> <p style="text-align:justify"> </p> <p style="text-align:justify">ယဲ့ယွင် မျက်ခုံးပင့်လိုက်ပြီး ခွေးဘက်လှည့်ကာ အမိန့်ပေးလိုက်သည်။</p> <p style="text-align:justify"> </p> <p style="text-align:justify">"ညန်ကောင်း... ဂါရဝပြုလိုက်။”</p> <p style="text-align:justify"> </p> <p style="text-align:justify">"ဝုတ်... ဝုတ်"</p> <p style="text-align:justify"> </p> <p style="text-align:justify">ညန်ကောင်းက အမိန့်နာခံပြီး ခြေထောက်နှစ်ချောင်းထောင်ကာ လက်အုပ်ချီပြလိုက်သည်။</p> <p style="text-align:justify"> </p> <p style="text-align:justify">ဒါကို မြင်လိုက်ရတော့ နင်ချန် အံ့ဩဝမ်းသာသွားပြီး မျက်လုံးများ အရောင်တောက်လာသည်။</p> <p style="text-align:justify"> </p> <p style="text-align:justify">ခွေးလေ့ကျင့်ပေးသူများ ရှိသော်လည်း အရှင်မင်းကြီးရှေ့တွင် ခွေးလိမ္မာလေးမရှိဖူးပေ။ ထို့ကြောင့် ဆန်းသစ်နေသည်။</p> <p style="text-align:justify"> </p> <p style="text-align:justify">သူစိတ်ဝင်စားနေမှန်း သိသဖြင့် ယဲ့ယွင်က သင်ပြပေးလိုက်သည်။</p> <p style="text-align:justify"> </p> <p style="text-align:justify">"အရှင်မင်းကြီး လက်ကမ်းလိုက်ပြီး 'လက်ဆွဲမယ်' လို့ ပြောလိုက်။ သူလေးကဘယ်ညာတောင် ခွဲတတ်သေးတယ်"</p> <p style="text-align:justify"> </p> <p style="text-align:justify">နင်ချန် မယုံသလို ဖြစ်နေသော်လည်း စိတ်ဝင်စားသဖြင့် စမ်းကြည့်လိုက်သည်။</p> <p style="text-align:justify"> </p> <p style="text-align:justify">ကျွမ်းကျင်မှု မရှိသော်လည်း လက်ကမ်းပေးလိုက်သည်။</p> <p style="text-align:justify"> </p> <p style="text-align:justify">"ညန်ကောင်း... လက်ဆွဲမယ်"</p> <p style="text-align:justify"> </p> <p style="text-align:justify">ချက်ချင်းပင် လက်ဖဝါးပေါ်သို့ ခွေးလက်သည်းတစ်ခုရောက်လာခဲ့သညါ။</p> <p style="text-align:justify"> </p> <p style="text-align:justify">ညန်ကောင်းက အမြီးနှံ့ပြီး လျှာထုတ်ကာ ပျော်ရွှင်နေသည်။</p> <p style="text-align:justify"> </p> <p style="text-align:justify">"ညာဘက်လက်"</p> <p style="text-align:justify"> </p> <p style="text-align:justify">နင်ချန် စိတ်ပါလာပြီး ထပ်ခိုင်းလိုက်သည်။</p> <p style="text-align:justify"> </p> <p style="text-align:justify">ယဲ့ယွင် ပြောသည့်အတိုင်းပင် ညန်ကောင်းက ညာဘက်လက်ကို တင်ပေးလိုက်သည်။</p> <p style="text-align:justify"> </p> <p style="text-align:justify">နင်ချန် ဆက်ကစားချင်သော်လည်း ကလေးဆန်လွန်းသည်ဟု ထင်ရမည်စိုး၍ ထိန်းချုပ်လိုက်ရသည်။</p> <p style="text-align:justify"> </p> <p style="text-align:justify">"ခွေးလေးကိုလေ့ကျင့်ပေးဖို့ အချိန်အများကြီး ပေးထားပုံရတယ်။ နေ့တိုင်း ခွေးနဲ့ပဲ ကစားနေတာလား"</p> <p style="text-align:justify"> </p> <p style="text-align:justify">နင်ချန်က ရိုးရိုးသားသား မေးလိုက်ခြင်း ဖြစ်သော်လည်း ယဲ့ယွင် နားထဲတွင် တစ်မျိုးကြီး ဖြစ်နေသည်။ ထို့ကြောင့်မကျေနပ်ပဲမျက်စောင်းထိုးပြီး ပြန်ပြောလိုက်သည်။</p> <p style="text-align:justify"> </p> <p style="text-align:justify">"ဒီချန်းချဲ့က အသုံးမကျတော့ ခွေးနဲ့ပဲ ကစားတတ်တာလေ"</p> <p style="text-align:justify"> </p> <p style="text-align:justify">"အို... ကျန်းက အဲ့လိုသဘောနဲ့ ပြောတာ မဟုတ်ပါဘူး။ မင်းက တော်တော် စိတ်ကြီးတာပဲ"</p> <p style="text-align:justify"> </p> <p style="text-align:justify">နင်ချန် ပါးစပ်က ပြောနေသော်လည်း မျက်လုံးများက ပြုံးရွှင်နေပြီး သူမ၏ ပါးပြင်ကို ဆွဲညှစ်လိုက်သည်။</p> <p style="text-align:justify"> </p> <p style="text-align:justify">"ချွဲနွဲ့သူလေး"</p> <p style="text-align:justify"> </p> <p style="text-align:justify">"အာ...!"</p> <p style="text-align:justify"> </p> <p style="text-align:justify">ယဲ့ယွင် ရှောင်လိုက်သော်လည်း မလွှတ်သည့်အတွက်နှုတ်ခမ်းဆူပြီး ပြောလိုက်သည်။</p> <p style="text-align:justify"> </p> <p style="text-align:justify">"အရှင်မင်းကြီးက ခုနကလေးတင်ခွေးလက်ကို ကိုင်ပြီးပြီလေ။ အခု ဒီချန်းချဲ့ရဲ့ ပါးကို လာကိုင်နေပြန်ပြီ"</p> <p style="text-align:justify"> </p> <p style="text-align:justify">"မင်းက ရာရာစစကျန်းကို ရွံနေတယ်ပေါ့လေ။ တော်တော် သတ္တိကောင်းနေပါလား"</p> <p style="text-align:justify"> </p> <p style="text-align:justify">နင်ချန် မျက်လုံးမှေးလိုက်ပြီး လက်ဆွဲကာ သူမအားရင်ခွင်ထဲသို့ ဆွဲသွင်းလိုက်သည်။</p> <p style="text-align:justify"> </p> <p style="text-align:justify">မျက်လုံးချင်း ဆုံကြည့်လိုက်သောအခါ ဖီးနစ်ငှက်မျက်ဝန်းများထဲတွင် ဆိုးသွမ်းမှုများ ပါဝင်နေပြီး မိန်းမပျိုလေးကို စနောက်နေသော လူပျိုလှည့်သူနှင့် တူနေသည်။</p> <p style="text-align:justify"> </p> <p style="text-align:justify">ခါးကို ဖက်ထားသော လက်က ကလိထိုးလိုက်သဖြင့် ယဲ့ယွင် တခစ်ခစ် ရယ်မောလိုက်သည်။ ခေါင်းလောင်းသံလေးကဲ့သို့ ရယ်သံကို အပြင်ဘက်မှ အစေခံများပင် ကြားလိုက်ရသည်။</p> <p style="text-align:justify"> </p> <p style="text-align:justify">အရှင်မင်းကြီးရှေ့တွင် ဒီလောက် လွတ်လွတ်လပ်လပ် ရယ်မောရဲသူ ရှားပါးလှသည်။ မင်ရှိုးရုန်က တကယ် အချစ်ခံရသူပဲ။</p> <p style="text-align:justify"> </p> <p style="text-align:justify">သူတို့နှစ်ဦး၏ ရိုမန်တစ်ဆန်မှုကို ကြည့်ပြီး ညန်ကောင်းလေးသည် ခွေးစာမိသွားသည်။ (တစ်ကိုယ်တည်းသမားများ အတွဲများကို ကြည့်ပြီး အားကျရခြင်း)</p> <p style="text-align:justify"> </p> <p style="text-align:justify">သခင်နှစ်ယောက်က မိမိရှေ့တွေချစ်ကြည်နူးပြနေသည်ကို မကြည့်နိုင်တော့သဖြင့် ခဏကြာသောအခါ ညန်ကောင်း အပြင်ထွက်သွားလိုက်သည်။</p> <p style="text-align:justify"> </p> <p style="text-align:justify">မကြာမီ နေ့လည်စာ ရောက်လာသည်။</p> <p style="text-align:justify"> </p> <p style="text-align:justify">ဒီနေ့ ဟင်းပွဲများကို သေချာ စီစဉ်ထားပုံရသည်။ တစ်ဝက်က နင်ချန် ကြိုက်တာတွေ ဖြစ်ပြီး ကျန်တစ်ဝက်က ယဲ့ယွင် ကြိုက်တာတွေ ဖြစ်သည်။</p> <p style="text-align:justify"> </p> <p style="text-align:justify">ပဲငံပြာရည်နှပ် ဝက်လက်ကို ယဲ့ယွင် အကြိုက်ဆုံး ဖြစ်ပြီး ပန်းကန်တစ်ဝက်လောက် ကုန်အောင် စားလိုက်သည်။</p> <p style="text-align:justify"> </p> <p style="text-align:justify">ယခုခေတ် ဝက်လက်က အတုံးလိုက် မဟုတ်ဘဲ အလွှာလိုက် လှီးထားခြင်း ဖြစ်သည်။ အရသာ ရှိသော်လည်း ကိုက်စားရတာလောက် အရသာ မရှိပေ။</p> <p style="text-align:justify"> </p> <p style="text-align:justify">နောက်တစ်ခါ တစ်ယောက်တည်း စားရရင် တစ်တုံးလုံး ယူခိုင်းပြီး အားရပါးရ ကိုက်စားပစ်အုံးမယ်။</p> <p style="text-align:justify"> </p> <p style="text-align:justify">စားပွဲဝိုင်းတွင် အတူစားနေသော နင်ချန်သည် သူမ၏ အရိုင်းဆန်သော စိတ်ကူးကို မသိရှိလိုက်ပေ။ နေ့လည်စာ စားပြီးနောက် လက်ဖက်ရည်သောက်ရင်း အနားယူနေစဉ် နန်းတွင်းရေးရာဌာနမှ လူတစ်</p> <p style="text-align:justify">ယောက် ဝင်ခွင့်တောင်းသည်။</p> <p style="text-align:justify"> </p> <p style="text-align:justify">နင်ချန်က ယဲ့ယွင်ကို မရှောင်ဘဲ ဝင်ခွင့်ပြုလိုက်သည်။ ဝင်လာသူမှာ မိန်းမစိုးချုပ် လျှိုချွမ်ကျုံးဖြစ်ပြီး ဒူးထောက်အရိုအသေပြုလိုက်သည်။</p> <p style="text-align:justify"> </p> <p style="text-align:justify">"အရှင်မင်းကြီး... ဒါက ဒီနှစ် ရွေးချယ်ပွဲ ဝင်ရောက်မယ့် အဆင့်သုံးနဲ့အထက် အရာရှိသမီးတွေ၊ ဂုဏ်သရေရှိ မိသားစုဝင်တွေရဲ့ စာရင်းပါ"</p> <p style="text-align:justify"> </p> <p style="text-align:justify">"ထားခဲ့လိုက်ပါ။ ရွေးချယ်ပွဲအတွက် ပြင်ဆင်မှုတွေ ပြီးပြီလား"</p> <p style="text-align:justify"> </p> <p style="text-align:justify">"စိတ်ချပါ အရှင်မင်းကြီး။ အားလုံး အဆင်သင့်ပါပဲ။ အခုကဒုတိယအကြိမ် ရွေးချယ်ပွဲဆိုတော့ အတွေ့အကြုံ ရှိနေပါပြီ။ အမှားအယွင်း မရှိစေရပါဘူး။ မိဖုရားခေါင်ကြီးလည်း ကိုယ်တိုင် ကြီးကြပ်နေပါတယ်"</p> <p style="text-align:justify"> </p> <p style="text-align:justify">၎င်းကမိဖုရားခေါင်ကြီးကိုပါ မြှောက်ပင့်ပြောဆိုလိုက်ခြင်း ဖြစ်သည်။</p> <p style="text-align:justify"> </p> <p style="text-align:justify">မထူးဆန်းပါဘူး။ မိဖုရားခေါင်ကြီးက အာဏာရှိနေတုန်းပဲလေ။</p> <p style="text-align:justify"> </p> <p style="text-align:justify">"ကောင်းပြီ။ သွားတော့"</p> <p style="text-align:justify"> </p> <p style="text-align:justify">နင်ချန် လက်ကာပြလိုက်သည်။</p> <p style="text-align:justify"> </p> <p style="text-align:justify">ဒီရွေးချယ်ပွဲကို နင်ချန် သိပ်စိတ်မဝင်စားပေ။ သုံးနှစ်တစ်ကြိမ် ကျင်းပရမည့် စည်းကမ်းမို့သာ လုပ်လိုက်ရခြင်း ဖြစ်သည်။</p> <p style="text-align:justify"> </p> <p style="text-align:justify">လျှိုချွမ်ကျုံး ထွက်သွားပြီးနောက် စာအုပ်ကို မဖွင့်ကြည့်ဘဲ ဘေးသို့ ပစ်ထားလိုက်သည်။</p> <p style="text-align:justify"> </p> <p style="text-align:justify">ယဲ့ယွင် မျက်ခုံးပင့်လိုက်ပြီး စနောက်လိုက်သည်။</p> <p style="text-align:justify"> </p> <p style="text-align:justify">"မိဖုရားခေါင်ကြီး ပြောတာတော့ မိန်းမပျိုလေးတွေအားလုံးက လှပပြီး အရည်အချင်းရှိကြတယ်တဲ့။ ပြီးတော့ငယ်လည်း ငယ်ကြတယ်။ အရှင်မင်းကြီးက မကြည့်ချင်ဘူးလား။ ဒါမှမဟုတ် ဒီချန်းချဲ့ ရှိနေလို့ မကြည့်ရဲတာလား။”</p> <p style="text-align:justify"> </p> <p style="text-align:justify">"ဘာလဲ... ချင်းချင်းက ကျန်းကိုသဝန်တိုနေတာလား။”</p> <p style="text-align:justify"> </p> <p style="text-align:justify">နင်ချန် ပြုံးပြီး မေးလိုက်သည်။</p> <p style="text-align:justify"> </p> <p style="text-align:justify">"ဟွန့်... ဒီချန်းချဲ့က အစပ်ကြိုက်တယ်။ အချဉ် (သဝန်တိုခြင်း) မကြိုက်ဘူး"</p> <p style="text-align:justify"> </p> <p style="text-align:justify">ယဲ့ယွင် မေးစေ့မော့လိုက်ကာ ထောင်လွှားစွာဖြင့်မိန်းကလေးဆန်ဆန် ချွဲနွဲ့လိုက်ခြင်း ဖြစ်သည်။</p> <p style="text-align:justify"> </p> <p style="text-align:justify">နင်ချန် နှုတ်ခမ်းထောင့် ကွေးတက်သွားပြီး မျက်လုံးများ မှေးကျဉ်းသွားကာ အသံနှိမ့်ပြီး ပြောလိုက်သည်။</p> <p style="text-align:justify"> </p> <p style="text-align:justify">"အချဉ်ကြိုက်ရင် သား၊ အစပ်ကြိုက်ရင် သမီးဆိုတဲ့ စကားရှိတယ်။ ချစ်တဲ့သူက အစပ်ကြိုက်တယ်ဆိုတော့ သမီးလေး မွေးပေးရင်လည်း ကောင်းတာပဲ"</p> <p style="text-align:justify"> </p> <p style="text-align:justify">ထိုစကားကြောင့် ယဲ့ယွင် မျက်နှာနီရဲသွားကာ ရှက်ရမ်းရမ်းပြီး မျက်စောင်းထိုးလိုက်သည်။</p> <p style="text-align:justify"> </p> <p style="text-align:justify">"နေ့ခင်းကြောင်တောင်ကြီး ဘာတွေ ပြောနေတာလဲ။ ရှက်စရာကြီး"</p> <p style="text-align:justify"> </p> <p style="text-align:justify">"ကဲပါ... မပြောတော့ပါဘူး။ ညကျမှ ဆက်ပြောကြတာပေါ့"</p> <p style="text-align:justify"> </p> <p style="text-align:justify">ယဲ့ယွင် ပြောစရာ စကားမဲ့သွားသည်။</p> <p style="text-align:justify"> </p> <p style="text-align:justify">ဧကရာဇ်က ဘယ်တုန်းကများ ဒီလောက် စကားတတ်သွားတာလဲ။ သူမ မျက်နှာနီရဲနေသည်ကို ကြည့်ပြီး နင်ချန် ကျေနပ်သွားကာ ဆက်မစတော့ပေ။</p> <p style="text-align:justify"> </p> <p style="text-align:justify">စားပွဲပေါ်မှ စာအုပ်ကို ယူပြီး လှန်လှောကြည့်လိုက်သည်။</p> <p style="text-align:justify"> </p> <p style="text-align:justify">စာရင်းထဲတွင် သတ်မှတ်ထားသူ အချို့ ပါဝင်နေပုံရသည်။ နင်ချန်က ရည်ရွယ်ချက်ရှိရှိ ကြည့်ရှုနေသည်။</p> <p style="text-align:justify"> </p> <p style="text-align:justify">ခဏကြည့်ပြီးနောက် စာအုပ်ကို ယဲ့ယွင်ထံ ကမ်းပေးလိုက်သည်။</p> <p style="text-align:justify"> </p> <p style="text-align:justify">"ကြည့်ကြည့်ပါဦး"</p> <p style="text-align:justify"> </p> <p style="text-align:justify">"ဘာကြည့်ရမှာလဲ။ ဒီချန်းချဲ့အတွက် ရွေးပေးရမှာမှ မဟုတ်တာ"</p> <p style="text-align:justify"> </p> <p style="text-align:justify">ယဲ့ယွင် လက်ဖက်ရည်ခွက်ကို ကိုင်ထားပြီး မယူပေ။ နင်ချန်က သူမလက်နားတွင် ချပေးလိုက်သည်။</p> <p style="text-align:justify"> </p> <p style="text-align:justify">"မင်း မကြိုက်တဲ့သူ ပါမပါ ကြည့်ထားလေ။ ရွေးမိသွားရင် မင်း အနိုင်ကျင့်နေဦးမယ်"</p> <p style="text-align:justify"> </p> <p style="text-align:justify">ယဲ့ယွင် နှုတ်ခမ်းမဲ့လိုက်သည်။</p> <p style="text-align:justify"> </p> <p style="text-align:justify">"အရှင်မင်းကြီး ပြောပုံအရဆိုရင် ဒီချန်းချဲ့က ဘီလူးမကြီး ကျနေတာပဲ။ ဘယ်တုန်းက လူတွေကို အနိုင်ကျင့်ဖူးလို့လဲ"</p> <p style="text-align:justify"> </p> <p style="text-align:justify">ပြောနေသော်လည်း လက်ဖက်ရည်ခွက်ချပြီး ယူကြည့်လိုက်သည်။</p> <p style="text-align:justify"> </p> <p style="text-align:justify">အမှန်တိုင်း ပြောရရင် ဒီစာအုပ်က မိသားစုနောက်ခံလောက်ပဲ ကြည့်လို့ရတာ။ ရုပ်ရည်ကိုတော့ လုံးဝ ကြည့်လို့မရဘူး။</p> <p style="text-align:justify"> </p> <p style="text-align:justify">မှင်ချရေးဆွဲထားတာ ဖြစ်ပြီး ရေးဆွဲနည်းကလည်း ရိုးရှင်းလွန်းလို့ အဝတ်အစား၊ ဆံပင်ပုံစံ၊ လက်ဝတ်ရတနာ ကွဲပြားတာကလွဲရင် မျက်နှာတွေက တူတူတွေချည်းပဲ။</p> <p style="text-align:justify"> </p> <p style="text-align:justify">သို့သော် ဒီမိန်းကလေး ၁၂ ယောက်၏ မိသားစုနောက်ခံကတော့ တကယ် ကောင်းမွန်ကြသည်။ ၎င်းမှာသီးသန့် ရွေးထုတ်ထားခြင်း ဖြစ်နိုင်သည်။</p> <p style="text-align:justify"> </p> <p style="text-align:justify">ဒီ ၁၂ ယောက်ထဲက တော်တော်များများ ပါလာလောက်တယ်။</p> <p style="text-align:justify"> </p> <p style="text-align:justify">"ဘယ်လိုလဲ"</p> <p style="text-align:justify"> </p> <p style="text-align:justify">နင်ချန် မေးလိုက်သည်။</p> <p style="text-align:justify"> </p> <p style="text-align:justify">ယဲ့ယွင် စာအုပ်ပိတ်ပြီး ပြန်ထားလိုက်သည်။</p> <p style="text-align:justify"> </p> <p style="text-align:justify">"ဘာမှ မထူးခြားပါဘူး။ လူချင်းတွေ့မှ သိမှာပါ။ ဒါပေမဲ့ ကျန်းဝမ်ရုန်လို စိတ်ဓာတ်မျိုး မရှိရင် ပြီးတာပါပဲ"</p> <p style="text-align:justify"> </p> <p style="text-align:justify">နင်ချန် ပြောစရာ မရှိတော့ပေ။သူ၏  ချင်းချင်းက ကျန်းမျိုးရိုးကို မကြိုက်တာပေါ်လွင်နေသည်။</p> <p style="text-align:justify"> </p> <p style="text-align:justify">သူမ ပြောဖူးတာ ဘာတဲ့... ကြာပန်းဖြူမလား ပန်းဖြူလား</p> <p style="text-align:justify"> </p> <p style="text-align:justify">ဩော်... ဟုတ်ပြီ။ မကြာသေးခင်က နောက်တစ်မျိုး ထပ်တိုးလာသေးတယ်။ မြက်ခြောက်ပင် (ဟိုဘက်ဒီဘက် ယိမ်းနွဲ့သူ) တဲ့။</p> <p style="text-align:justify"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save