Book List

<h2 style="text-align: center;">အခန်း ၂၄၈</h2> <h2 style="text-align: center;">ပြင်းထန်သော ယှဉ်ပြိုင်မှု</h2> <h2 style="text-align: center;">*</h2> <p> </p> <p style="text-align:justify"> </p> <p style="text-align:justify">အနောက်ဆောင်မှ အမျိုးသမီးများ၏ စိတ်ထဲတွင် မည်သို့ပင် ရှိစေကာမူ ရွေးချယ်ပွဲကို ပုံမှန်အတိုင်း ကျင်းပခဲ့သည်။</p> <p style="text-align:justify"> </p> <p style="text-align:justify">နင်ချန်က စိတ်မဝင်စားသဖြင့် တစ်ခါမှ မသွားရောက်ခဲ့ပေ။ အရာရာကို မိဖုရားခေါင်ကြီးအား လွှဲအပ်ထားပြီး ရှူးဖေးနှင့် သယ့်ဖေးတို့က ကူညီဆောင်ရွက်ပေးကြသည်။ ဒီအခြေအနေက မိဖုရားခေါင်ကြီးကို အာဏာပိုရစေသည်။</p> <p style="text-align:justify"> </p> <p style="text-align:justify">ရှူးဖေးနှင့် သယ့်ဖေးတို့သည် သားသမီးရှိကြသော်လည်း အချစ်မခံရသဖြင့် မိဖုရားခေါင်ကြီးကို မယှဉ်နိုင်ကြပေ။</p> <p style="text-align:justify"> </p> <p style="text-align:justify">ထို့ကြောင့် နင်ချန်သည် ရွေးချယ်ပွဲမစမီ ဖုန်းရှီးနန်းဆောင်သို့ သွားရောက်ပြီး သတိပေးစကား ပြောကြားခဲ့သည်။</p> <p style="text-align:justify"> </p> <p style="text-align:justify">အထူးသဖြင့် ရွေးချယ်သင့်သူများကို မှာကြားခဲ့ခြင်း ဖြစ်သည်။ ဒီတစ်ခေါက်တွင် မယ်တော်ကြီးလည်း စိတ်မဝင်စားပေ။ ချန်မိသားစုမှ မည်သူမျှ ဝင်ရောက်လာမည် မဟုတ်ကြောင်း သိထားသောကြောင့် ဖြစ်သည်။</p> <p style="text-align:justify"> </p> <p style="text-align:justify">ဒီကာလအတွင်း မယ်တော်ကြီးသည် ချန်ကျယ်ယွီကို ချီနင်နန်းဆောင်သို့ မကြာခဏ ခေါ်ယူပြီး ပြုစုခိုင်းသည်။ တကယ်တမ်းတွင် ချန်ကျယ်ယွီနှင့် ပထမမင်းသားတို့ သံယောဇဉ်ဖြစ်လာစေရန် ကြိုးစားပေးနေခြင်း ဖြစ်သည်။</p> <p style="text-align:justify"> </p> <p style="text-align:justify">ချန်ကျယ်ယွီနှင့် ပထမမင်းသားတို့၏ ဆက်ဆံရေး မည်သို့ရှိသည်ကို မသိရသော်လည်း ပထမမင်းသားနှင့် မယ်တော်ကြီးတို့သည် တကယ့် မြေးအဖွား သံယောဇဉ် ဖြစ်ထွန်းလာကြသည်။</p> <p style="text-align:justify"> </p> <p style="text-align:justify">ပထမမင်းသားသည် ကျန်းမာရေး မကောင်းဘဲ မိခင်နှင့် ကွဲကွာနေရသဖြင့် လူကို တွယ်တာတတ်သည်။ နို့ထိန်းသည်များက အစေခံများဖြစ်၍ စည်းကမ်းကို လိုက်နာရသဖြင့် ကလေးနှင့် ရင်းနှီးခွင့် မရကြပေ။ ၎င်းမှာသွေးသားတော်စပ်မှုကြောင့်လည်း ဖြစ်နိုင်သည်။ ပထမမင်းသားသည် မယ်တော်ကြီးကို အလွန်တွယ်တာလာသည်။</p> <p style="text-align:justify"> </p> <p style="text-align:justify">မယ်တော်ကြီးသည် အသက်ကြီးလာပြီး အထီးကျန်နေသူ ဖြစ်သည်။ ငယ်စဉ်က နန်းတွင်းပြိုင်ဆိုင်မှုများကြောင့် သားဖြစ်သူ နင်ချန်နှင့် သံယောဇဉ် မရှိခဲ့ပေ။ ယခု အသက်ကြီးလာပြီး စိတ်နှလုံး နူးညံ့လာချိန်တွင် မြေးအရင်းလေးကို တကယ် ချစ်မြတ်နိုးလာသည်။</p> <p style="text-align:justify"> </p> <p style="text-align:justify">ချီနင်နန်းဆောင်မှ လူတိုင်း သိကြသည့်</p> <p style="text-align:justify">အချက်မှာမယ်တော်ကြီးသည် ယခုအခါ ပိုမို ပြုံးရွှင်လာသည်။</p> <p style="text-align:justify"> </p> <p style="text-align:justify">မြေးလေးကို ဂရုစိုက်နေရသဖြင့် နင်ချန်၏ နိုင်ငံရေးနှင့် အနောက်ဆောင်ကိစ္စများကို ဝင်ရောက်စွက်ဖက်မှု နည်းပါးလာပြီး သားအမိဆက်ဆံရေး တိုးတက်လာသည်။</p> <p style="text-align:justify"> </p> <p style="text-align:justify">ပထမမင်းသားသည် မယ်တော်ကြီးထံတွင် နေထိုင်ရပြီး လူရှုပ်သက်သာသဖြင့် အနားယူခွင့်ရကာ ကျန်းမာရေး တိုးတက်လာသည်။ ဒါတွေက မမျှော်လင့်ထားသော ကောင်းကျိုးများ ဖြစ်သည်။</p> <p style="text-align:justify"> </p> <p style="text-align:justify">အနောက်ဆောင်သို့ ပြန်ကြည့်လိုက်လျှင် လေးလကြာ လစ်လျူရှုခံထားရသော ယောင်ရှန်းသည် ပြန်လည်နိုးထရန် အခွင့်အရေး ရရှိလာသည်။</p> <p style="text-align:justify"> </p> <p style="text-align:justify">ဘဝနှစ်ခုစာ အတွေ့အကြုံကို အသုံးပြုပြီး မိသားစုထံ စာပို့ကာ အကြံပေးလိုက်သည်။</p> <p style="text-align:justify"> </p> <p style="text-align:justify">အခွန်အတုတ် ကိစ္စနှင့် ပတ်သက်ပြီး သူမ၏ ဖခင်နှင့် အစ်ကိုတို့သည် ထူးချွန်ပြောင်မြောက်သော အကြံဉာဏ်များ တင်ပြနိုင်ခဲ့ကြသည်။</p> <p style="text-align:justify"> </p> <p style="text-align:justify">ယောင်မိသားစု တင်ပြသော နည်းလမ်းသည် ဆန်းသစ်ပြီး ပြည့်စုံသဖြင့် နင်ချန်နှင့် အမတ်ကြီးများ တစ်လကြာ အဖြေရှာမရ ဖြစ်နေသော ပြဿနာကို ဖြေရှင်းပေးနိုင်ခဲ့သည်။</p> <p style="text-align:justify"> </p> <p style="text-align:justify">ဒီကိစ္စကြောင့် နင်ချန်သည် ယောင်ရှန်းကို ဆက်လက် လစ်လျူရှုထားရန် မဖြစ်နိုင်တော့ပေ။ ယောင်ရှန်းသည် နင်ချန်၏ စိတ်ကို ကောင်းစွာ နားလည်သဖြင့် မည်သို့ ပြုမူရမည်ကို သိသည်။</p> <p style="text-align:justify"> </p> <p style="text-align:justify">ထို့ကြောင့် နင်ချန်သည် ဝေ့ရွယ်ဆောင်တွင် နှစ်ရက်ဆက်တိုက် အိပ်စက်ခဲ့ပြီး ယောင်ရှန်း၏ ခက်ခဲသော လေးလတာ ကာလ ပြီးဆုံးသွားသည်။</p> <p style="text-align:justify"> </p> <p style="text-align:justify">ယဲ့ယွင်အတွက် မထူးဆန်းပေ။ ယောင်မိသားစု မပြိုလဲသရွေ့ ယောင်ရှန်းတွင် အားကိုးစရာ ရှိနေမည်ဖြစ်ပြီး လစ်လျူရှုခံရခြင်းသည် ခေတ္တသာ ဖြစ်သည်။</p> <p style="text-align:justify"> </p> <p style="text-align:justify">လက်ရှိ နိုင်ငံရေး အခြေအနေကို ကြည့်လျှင် မိဖုရားခေါင်ကြီး၏ မိသားစု အင်အားလျော့နည်းလာသည်။</p> <p style="text-align:justify"> </p> <p style="text-align:justify">ချန်မိသားစုတွင် ယင်းကော်ကုန်း နှင့် အရည်အချင်းရှိသော မယားငယ်သား ချန်ရှန်ယီတို့ ရှိနေသည်။ ယောင်မိသားစုက အခုမှ မျက်နှာပွင့်လာသည်။ ယိရွှင်ရုန်၏ ဝူမိသားစုလည်း အင်အားကြီးမားသည်။</p> <p style="text-align:justify"> </p> <p style="text-align:justify">ယဲ့ယွင်၏ အစ်ကို ယဲ့ကျယ်သည် ယောက္ခမ ယင်းမိသားစု၏ ထောက်ခံမှုဖြင့် လင်ကျိုးစစ်တပ်တွင် အာဏာရရှိထားပြီး အဘိုး၏ ချူမိသားစုလည်း နိုင်ငံရေးတွင် နေရာရလာပြီဖြစ်သည်။</p> <p style="text-align:justify"> </p> <p style="text-align:justify">သူတို့အားလုံးသည် အနောက်ဆောင်တွင် ရောက်ရှိနေသော ပထမတန်းစား မိသားစုများ ဖြစ်ကြသည်။</p> <p style="text-align:justify"> </p> <p style="text-align:justify">လူသစ်များ ရောက်လာလျှင် လက်ရှိ အင်အားစုများ ပြောင်းလဲသွားမလား မသိနိုင်ပေ။ အတိုချုံးပြောရလျှင် ပြိုင်ဆိုင်မှု ပြင်းထန်နေသည်။</p> <p style="text-align:justify"> </p> <p style="text-align:justify">ယနေ့ ဂါရဝပြုပွဲသည် ရွေးချယ်ပွဲ၏ နောက်ဆုံးအဆင့်သို့ ရောက်ရှိနေပြီ ဖြစ်သည်။ မနက်ဖြန်တွင် နောက်ဆုံးအဆင့် ရွေးချယ်ပွဲ ကျင်းပမည် ဖြစ်သည်။</p> <p style="text-align:justify"> </p> <p style="text-align:justify">"မနက်ဖြန် နောက်ဆုံးအဆင့် ရောက်ပြီ။ အယောက် ၄၀ ကျန်သေးတယ်။ အားလုံးက အရည်အချင်းရှိကြတယ်။ ဘယ်နှစ်ယောက် အရွေးခံရမလဲ မသိဘူး"</p> <p style="text-align:justify"> </p> <p style="text-align:justify">မိဖုရားခေါင်ကြီး ပြုံးလျက် ပြောလိုက်သည်။</p> <p style="text-align:justify"> </p> <p style="text-align:justify">ရှူးဖေး မျက်နှာမကောင်းပေ။ မနေ့ညက ကောင်းကောင်း မအိပ်ရသဖြင့် မျက်ကွင်းညိုနေပြီး စိတ်တိုနေသည်။</p> <p style="text-align:justify"> </p> <p style="text-align:justify">"ဘာမှ နားမလည်တဲ့ ကောင်မလေးတွေကို မယ်မယ်က အထင်ကြီးလွန်းနေပါပြီ"</p> <p style="text-align:justify"> </p> <p style="text-align:justify">သူမ စိတ်ဆိုးရခြင်းမှာ အကြောင်းရှိသည်။ မနေ့က လူသစ်တစ်ယောက်ကြောင့် အရှက်ကွဲခဲ့ရသည်။</p> <p style="text-align:justify"> </p> <p style="text-align:justify">ယွီကျိုးဒေသမှ ရောက်လာသော ဟိုမျိုးရိုးဖြစ်သည်။ သူမသည် အဆင့်သုံး ဗိုလ်ချုပ် ဟိုဖျင်ပေ၏ ညီမဖြစ်ပြီး အသက် ၁၈ နှစ် ရှိပြီး ငယ်ရွယ်သူ မဟုတ်တော့ပေ။ နန်ချီနိုင်ငံ၏ ရွေးချယ်ပွဲ သတ်မှတ်ချက်မှာ ၁၅ နှစ်မှ ၁၈ နှစ် ဖြစ်သဖြင့် အသက်အကြီးဆုံး စာရင်းဝင် ဖြစ်သည်။</p> <p style="text-align:justify"> </p> <p style="text-align:justify">ရှူးဖေး၏ လက်အောက်မှ ကျန်းဝမ်ရုန်သည် မိဖုရားခေါင်ကြီးဘက် ကူးပြောင်းသွားသဖြင့် လူသစ်များထဲမှ တစ်ယောက်ကို ဆွဲခေါ်ရန် ကြိုးစားခဲ့ပြီး သူမနှင့် ဇာတိတူသော ဟိုမျိုးရိုးကို သဘောကျနေသည်။</p> <p style="text-align:justify"> </p> <p style="text-align:justify">မနေ့ညနေက ချန်ချွန်းနန်းဆောင်သို့ လာလည်ရန် လူလွှတ်ဖိတ်ခေါ်သော်လည်း ဟိုမျိုးရိုးက နေမကောင်းဟု အကြောင်းပြပြီး ငြင်းဆန်လိုက်သည်။</p> <p style="text-align:justify"> </p> <p style="text-align:justify">မနေ့ကအထိ ကောင်းနေပြီး ဒီနေ့မှ ရုတ်တရက် နေမကောင်းဖြစ်တာ မဖြစ်နိုင်ပေ။ သူမကို မျက်နှာမပေးချင်မှန်း သိသာနေသည်။ ထို့ကြောင့်ရှူးဖေး ဒေါသထွက်ပြီး အရှက်ကွဲခဲ့ရသည်။</p> <p style="text-align:justify"> </p> <p style="text-align:justify">"အစ်မတော် ပြောတာ ဟုတ်ပါတယ်။ ဘယ်သူကများ ကောင်မလေးဘဝကနေ မဖြတ်သန်းဖူးလို့လဲ။ နောက်ဆုံးအဆင့်ထိ ရောက်လာတဲ့သူတွေက သာမန်တော့ မဟုတ်လောက်ပါဘူး"</p> <p style="text-align:justify"> </p> <p style="text-align:justify">ကျင်းသယ့်ဖေးက ဝင်ပြောလိုက်သည်။</p> <p style="text-align:justify"> </p> <p style="text-align:justify">သို့သော် သူမ၏ မျက်ဝန်းထဲတွင် လှောင်ပြောင်မှုများ ပါဝင်နေသဖြင့် ရှူးဖေး ပိုဒေါသထွက်သွားသည်။</p> <p style="text-align:justify"> </p> <p style="text-align:justify">သယ့်ဖေး ပြောတာ မှန်နေသဖြင့် ပြန်ပြောစရာ မရှိဘဲ နှာမှုတ်ပြီး ငြိမ်နေလိုက်ရသည်။</p> <p style="text-align:justify"> </p> <p style="text-align:justify">မိဖုရားခေါင်ကြီး လက်ဖက်ရည်ခွက် ချလိုက်ပြီး ဆုံးမစကား ပြောလိုက်သည်။</p> <p style="text-align:justify"> </p> <p style="text-align:justify">"ကဲပါ... ရှူးဖေးရယ်။ သဘောထားကြီးပါဦး။ ကလေးတွေနဲ့ ဘာလို့ ဖက်ပြိုင်နေတာလဲ။ ပထမမင်းသမီးလေးတောင် ခြောက်နှစ် ရှိနေပြီ။ နင်လည်း တည်ငြိမ်သင့်ပြီ"</p> <p style="text-align:justify"> </p> <p style="text-align:justify">အသက်ကြီးပြီး စိတ်သဘောထား သေးသိမ်ကြောင်း ထင်ရှားစွာ ပြောလိုက်သဖြင့် ရှူးဖေး မျက်နှာနီရဲသွားသည်။</p> <p style="text-align:justify"> </p> <p style="text-align:justify">ကျန်းဝမ်ရုန် မရှိတော့သဖြင့် သူမသည် ပြန်လည်တုံ့ပြန်နိုင်စွမ်း မရှိတော့ပေ။</p> <p style="text-align:justify"> </p> <p style="text-align:justify">ရှူးဖေး အရှက်ကွဲနေသည်ကို ကြည့်ပြီး မိဖုရားခေါင်ကြီး စိတ်ကျေနပ်သွားကာအပြုံးပန်းများ ဝေဆာလျက် လက်ကာပြလိုက်သည်။</p> <p style="text-align:justify"> </p> <p style="text-align:justify">"ဒီနေ့တော့ ဒီလောက်ပဲ။ အားလုံး ပြန်ကြတော့"</p> <p style="text-align:justify"> </p> <p style="text-align:justify">အားလုံး အရိုအသေပြုပြီး အစဉ်လိုက် ပြန်လည်ထွက်ခွာကြသည်။ ဖုန်းရှီးနန်းဆောင် အပြင်ဘက်တွင် ဝမ်ရွှင်ရုန်သည် ယဲ့ယွင်နှင့် ကျိုးချိုက်ရန်တို့ကို လှမ်းခေါ်လိုက်သည်။</p> <p style="text-align:justify"> </p> <p style="text-align:justify">"ညီမလေးတို့ နေပါဦး။ ဟုန်တုက မုန့်အသစ်တွေ လုပ်ထားတယ်။ အရသာ ကောင်းတယ်။ ယီမေ့နန်းဆောင်ကို လိုက်ခဲ့ကြပါလား"</p> <p style="text-align:justify"> </p> <p style="text-align:justify">ယဲ့ယွင် ပြုံးလိုက်သည်။</p> <p style="text-align:justify"> </p> <p style="text-align:justify">"ညီမက စားသောက်ရတာ ကြိုက်တယ်။ အစ်မတော် မငြိုငြင်ရင် လိုက်ခဲ့ပါမယ်"</p> <p style="text-align:justify"> </p> <p style="text-align:justify">ကျိုးချိုက်ရန်လည်း သဘောတူသည်။</p> <p style="text-align:justify"> </p> <p style="text-align:justify">"ညီမက အားနေတာဆိုတော့ အစ်မတော်တို့နဲ့ စကားပြောရင်း အပျင်းဖြေရတာပေါ့"</p> <p style="text-align:justify"> </p> <p style="text-align:justify">သုံးယောက်သား ယီမေ့နန်းဆောင်သို့ ထွက်ခွာသွားကြသည်။ လက်ဖက်ရည်သောက်ရုံ သက်သက် မဟုတ်ဘဲ ဆွေးနွေးစရာ ရှိနေပုံရသည်။</p> <p style="text-align:justify"> </p> <p style="text-align:justify">သူမတို့တင် မဟုတ်ဘဲ မိဖုရားခေါင်ကြီးနှင့် ယိရွှင်ရုန်တို့လည်း လူသစ်ကိစ္စ စဉ်းစားနေကြသည်။ အခုတစ်သုတ်ထဲတွင် မိသားစုနောက်ခံ နိမ့်သော်လည်း ရုပ်ရည်ချောမောသူများ ပါဝင်နေသဖြင့် မိဖုရားခေါင်ကြီး မျက်စိကျနေသည်။</p> <p style="text-align:justify"> </p> <p style="text-align:justify">သူမတွင် ကျန်းဝမ်ရုန် တစ်ယောက်တည်းနှင့် မလုံလောက်ပေ။ သူမ၏ နေရာကို ခိုင်မာစေရန် ထိန်းချုပ်ရလွယ်ကူသော လူများကို လိုအပ်သည်။ </p> <p style="text-align:justify"> </p> <p style="text-align:justify">ယိရွှင်ရုန်ကတော့ မိသားစုနောက်ခံ ကောင်းမွန်သော လူသစ်များကို စိတ်ဝင်စားနေသည်။ အဘယ်ကြောင့်ဆိုသော် သူမတွင် သားရှိနေပြီ ဖြစ်သည်။ တတိယမင်းသား၏ အနာဂတ်အတွက် အင်အားကြီးမားသော မဟာမိတ်များကို လိုအပ်သည်။</p> <p style="text-align:justify"> </p> <p style="text-align:justify">အဲ့ဒီလူသစ်တွေက သားမွေးပြီး သူမကို မကူညီတော့ရင်ရော ဆိုတာကတော့ နောက်မှ စဉ်းစားရမယ့် ကိစ္စပင်။</p> <p style="text-align:justify"> </p> <p style="text-align:justify">ဒီနန်းတော်ထဲမှာ ကိုယ်ဝန်ရဖို့တောင် ခက်ခဲတာ၊ မွေးဖို့ဆိုတာ ပိုခက်ခဲသေးတယ်။</p> <p style="text-align:justify"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save