Book List

<h2 style="text-align: center;">အခန်း ၂၄၉</h2> <h2 style="text-align: center;">ချင်မျိုးရိုး</h2> <h2 style="text-align: center;">*</h2> <p> </p> <p style="text-align:justify"> </p> <p style="text-align:justify">အခြားတစ်ဖက်တွင် ယဲ့ယွင် နှင့် ကျိုးဝမ်ရုန်တို့သည် ယီမေ့နန်းဆောင်တွင် တစ်နေကုန် စကားပြောပြီးမှ ပြန်သွားကြသည်။</p> <p style="text-align:justify"> </p> <p style="text-align:justify">သူမတို့၏ ဆွေးနွေးမှု ခေါင်းစဉ်သည် လူသစ်များကို မိမိဘက်ပါအောင် ဆွဲဆောင်သင့်၊ မသင့် ဆိုသည့် အကြောင်းအရာသာ ဖြစ်သည်။ ထိုအချက်ကိုယဲ့ယွင်က ပြတ်ပြတ်သားသား ငြင်းပယ်လိုက်သည်။</p> <p style="text-align:justify"> </p> <p style="text-align:justify">သူမသည် လက်ရှိတွင် အချစ်ခံရမှုနှင့် ရာထူးနေရာ ခိုင်မာနေပြီဖြစ်၍ လူသစ်များကို မလိုအပ်တော့ဟု ခံယူထားသည်။</p> <p style="text-align:justify"> </p> <p style="text-align:justify">အစပိုင်းက ကျိုးမျိုးရိုးကို သိမ်းသွင်းခဲ့ခြင်းသည် နေရာမခိုင်မာသေး၍ အင်အားလိုအပ်သောကြောင့် ဖြစ်သည်။ ဝမ်ရွှင်ရုန်နှင့် မဟာမိတ်ဖွဲ့ခြင်းသည်လည်း အကျိုးရှိသောကြောင့် ဖြစ်သည်။ အနာဂတ်နှင့် စိတ်နေသဘောထား မသေချာသော လူသစ်တစ်ယောက်ကို ဆွဲခေါ်ခြင်းသည် အန္တရာယ်များလှသည်။</p> <p style="text-align:justify"> </p> <p style="text-align:justify">ယဲ့ယွင်သည် ကျိုးမျိုးရိုးကို ပိုမို မြှောက်စားပေးရန် သို့မဟုတ် ကျန်းချိုက်ရန်ကို နေရာပေးရန် ပိုစိတ်ဝင်စားသည်။ ဝမ်ရွှင်ရုန်သည် အစပိုင်းတွင် လူသစ်တစ်ယောက်ကို မျက်စိကျနေသော်လည်း ဆွေးနွေးပြီးနောက် လက်လျှော့လိုက်သည်။</p> <p style="text-align:justify"> </p> <p style="text-align:justify">နောက်ဆုံးတွင် ဒီအဖွဲ့ထဲ၌ ယဲ့ယွင်က ဦးဆောင်နေသူဖြစ်သည်။ ဝမ်ရွှင်ရုန်သည် သမီးရှိနေပြီဖြစ်၍ အချစ်ခံရမှုကို စိတ်မဝင်စားတော့ဘဲ သမီးလေးအတွက် အနာဂတ်ကောင်းမွန်စေရန် ယဲ့ယွင်နှင့် ပူးပေါင်းထားခြင်းဖြစ်သည်။</p> <p style="text-align:justify"> </p> <p style="text-align:justify">ကျိုးဝမ်ရုန်ကတော့ ပြောစရာမလိုတော့ပေ။ ယဲ့ယွင်၏ စကားကို တသွေမတိမ်း လိုက်နာသူ ဖြစ်သည်။ ထို့ကြောင့် ဤကိစ္စကို ဤမျှဖြင့် အဆုံးသတ်လိုက်ကြသည်။</p> <p style="text-align:justify">.....</p> <p style="text-align:justify"> </p> <p style="text-align:justify">ယောင်ရှန်းအနေဖြင့် ယခုလက်ရှိ အားသာချက်မရှိသဖြင့် လူသစ်များကို သိမ်းသွင်းရန် ခက်ခဲနေသည်။ အချစ်ခံရမှု သာမန်သာ ရှိပြီး ယဲ့ယွင်နှင့် ယိရွှင်ရုန်တို့၏ ပူးပေါင်းတိုက်ခိုက်မှုကြောင့် ကျိုဖင်ရာထူးမှ ပြုတ်ကျသွားခဲ့ပြီး လောလောဆယ် တစ်ယောက်တည်း ရပ်တည်ရမည် ဖြစ်သည်။</p> <p style="text-align:justify"> </p> <p style="text-align:justify">သူမအနေဖြင့် တခြားသူများကို အားကိုးလျှင် ရနိုင်သော်လည်း မာနကြီးသူမို့ မလုပ်ချင်ပေ။</p> <p style="text-align:justify">....</p> <p style="text-align:justify"> </p> <p style="text-align:justify">နောက်ဆုံးအဆင့် ရွေးချယ်ပွဲ ကျင်းပမည့်နေ့ ရောက်ရှိလာသည်။ ဒီနေ့တွင် နင်ချန် တက်ရောက်ခြင်းမရှိလျှင် မကောင်းသဖြင့် တက်ရောက်ခဲ့သည်။ မယ်တော်ကြီးလည်း ပါဝင်လာသည်။ ကျန်ရှိနေသော ၄၀ ဦးကို ၅ ယောက်တစ်ဖွဲ့ခွဲပြီး ဝင်ရောက်တွေ့ဆုံခိုင်းသည်။</p> <p style="text-align:justify"> </p> <p style="text-align:justify">ပထမအဖွဲ့ နှစ်ဖွဲ့မှ ၁၀ ယောက်လုံးကို နင်ချန်က တစ်ယောက်မှ မရွေးချယ်သဖြင့် မယ်တော်ကြီး စိတ်မရှည်တော့ပေ။</p> <p style="text-align:justify"> </p> <p style="text-align:justify">"အရှင်မင်းကြီး... ရွေးချယ်ပွဲဆိုတာ တော်ဝင်မျိုးဆက် ပြန့်ပွားဖို့အတွက်ပါ။ ရုပ်ရည်ကို အရမ်းကြီး မရွေးပါနဲ့"</p> <p style="text-align:justify"> </p> <p style="text-align:justify">နင်ချန် မျက်လွှာချလိုက်သည်။</p> <p style="text-align:justify">"သားတော် နားလည်ပါပြီ"</p> <p style="text-align:justify"> </p> <p style="text-align:justify">ဘေးတွင် ထိုင်နေသော မိဖုရားခေါင်ကြီးက နူးညံ့စွာ ဝင်ပြောလိုက်သည်။</p> <p style="text-align:justify"> </p> <p style="text-align:justify">"ယိရွှင်ရုန်နဲ့ မင်ရှိုးရုန်တို့လို ရုပ်ရည်မျိုးက ရှားပါးပါတယ် မယ်တော်ကြီး"</p> <p style="text-align:justify"> </p> <p style="text-align:justify">"အလှတရားနဲ့ အရှင်မင်းကြီးကို မြှူဆွယ်တာ ကောင်းတဲ့အရာ မဟုတ်ပါဘူး။ မိဖုရားခေါင်ကြီးအနေနဲ့ အရှင်မင်းကြီးကို သတိပေးသင့်ပါတယ်"</p> <p style="text-align:justify"> </p> <p style="text-align:justify">မယ်တော်ကြီးက နှာမှုတ်လိုက်သည်။</p> <p style="text-align:justify"> </p> <p style="text-align:justify">ဒီစကားက ယိရွှင်ရုန်နှင့် ယဲ့ယွင်တို့ကို ရည်ရွယ်ပြီး ပြောလိုက်ခြင်း ဖြစ်သည်။ မယ်တော်ကြီးက သူတို့နှစ်ဦးကို သဘောမကျကြောင်း သိသာသည်။</p> <p style="text-align:justify"> </p> <p style="text-align:justify">မိဖုရားခေါင်ကြီး၏ စကားသည် မယ်တော်ကြီးကို သတိပေးလိုက်ခြင်းလည်း ဖြစ်သည်။ အရမ်းလှပလွန်းသူများကို မရွေးချယ်သင့်ကြောင်း သွယ်ဝိုက်ပြောလိုက်ခြင်း ဖြစ်သည်။</p> <p style="text-align:justify"> </p> <p style="text-align:justify">နင်ချန် မိဖုရားခေါင်ကြီးကို တစ်ချက်ကြည့်လိုက်သော်လည်း ဘာမှ မပြောပေ။</p> <p style="text-align:justify"> </p> <p style="text-align:justify">နောက်တစ်ဖွဲ့တွင်မူ နှစ်ယောက် ရွေးချယ်လိုက်သည်။ ပထမတစ်ယောက်မှာ အိမ်ရှေ့စံဆရာ ချီချန်ရူ၏ တူမဖြစ်ပြီး ဒုတိယတစ်ယောက်မှာ မြို့တော်ဝန် လီတောက်ချင်း၏ သမီးဖြစ်သည်။</p> <p style="text-align:justify"> </p> <p style="text-align:justify">နှစ်ယောက်စလုံး ရုပ်ရည်ချောမောကြပြီး တစ်မျိုးစီ လှပကြသည်။</p> <p style="text-align:justify"> </p> <p style="text-align:justify">ချီမျိုးရိုးသည် ပညာတတ်မျိုးရိုးမှ ဆင်းသက်လာပြီး စာပေလေ့လာလိုက်စားသူ ဖြစ်သဖြင့် မာနကြီးပြီး အေးစက်စက်နိုင်သော အလှမျိုးဖြစ်သည်။ လီမျိုးရိုးသည် ရိုးရာအစဉ်အလာကြီးမားသော အိမ်တော်မှ ဆင်းသက်လာသူဖြစ်ပြီး ယိရွှင်ရုန် နန်းတွင်းစရောက်စဉ်က ပုံစံနှင့် ဆင်တူသည်။</p> <p style="text-align:justify"> </p> <p style="text-align:justify">နောက်တစ်ဖွဲ့တွင်လည်း နှစ်ယောက် ရွေးချယ်လိုက်သည်။</p> <p style="text-align:justify"> </p> <p style="text-align:justify">ရှန်ကျိုးဒေသမှ မြို့စားသမီး ဝမ်မျိုးရိုးနှင့် မိသားစုနောက်ခံ သာမန်သာရှိသော ယွီမျိုးရိုးတို့ ဖြစ်သည်။ ယွီမျိုးရိုးကို မယ်တော်ကြီးက ရွေးချယ်ပေးလိုက်ခြင်းဖြစ်သည်။</p> <p style="text-align:justify"> </p> <p style="text-align:justify">အလှတရားဖြင့် မမြှူဆွယ်ရဟု ပြောထားသော်လည်း နင်ချန် စိတ်မဝင်စားသလို ဖြစ်နေသည်ကို ကြည့်ပြီး ယောက်ျားလေးသဘာဝအရ လှပသူကို သဘောကျမည်ဟုတွေးကာ ယွီမျိုးရိုးကို ရွေးပေးလိုက်ခြင်းဖြစ်သည်။</p> <p style="text-align:justify"> </p> <p style="text-align:justify">နောက်တစ်ဖွဲ့တွင် နင်ချန်က စစ်သူကြီးဟို၏ ညီမဖြစ်သူ ဟိုမျိုးရိုးကို ချက်ချင်း ရွေးချယ်လိုက်သည်။ ဟိုမျိုးရိုး အရွေးခံရသောအခါ ရှူးဖေး၏ မျက်နှာ မဲပုပ်သွားသည်။</p> <p style="text-align:justify"> </p> <p style="text-align:justify">သူမနှင့်အတူ ပါလာသော ချင်မျိုးရိုးလည်း အရွေးခံရသည်။ ချင်မျိုးရိုးသည် မိသားစုနောက်ခံ နိမ့်ပါးသော်လည်း ဉာဏ်ကောင်းသည်။ မိတ်ဆက်ချိန်တွင် စစ်ပွဲအကြောင်း ကဗျာတစ်ပုဒ် ရွတ်ပြခဲ့သည်။ သူမ၏ ရုပ်ရည်ကလည်း နူးညံ့ပျော့ပျောင်းသော မိန်းကလေးများကြားတွင် ထူးခြားနေသည်။</p> <p style="text-align:justify"> </p> <p style="text-align:justify">နင်ချန် သဘောကျသွားပြီး စကားအနည်းငယ်ပြောဆိုကာ ရွေးချယ်လိုက်သည်။</p> <p style="text-align:justify"> </p> <p style="text-align:justify">ချင်မျိုးရိုးပြီးနောက် နင်ချန်နှင့် မယ်တော်ကြီးတို့ ထွက်ခွာသွားကြသည်။</p> <p style="text-align:justify"> </p> <p style="text-align:justify">ကျန်ရှိနေသော သူများထဲမှ မိဖုရားခေါင်ကြီးက ဟန်မျိုးရိုးနှင့် ဝမ်မျိုးရိုးတို့ကို ရွေးချယ်လိုက်သည်။</p> <p style="text-align:justify"> </p> <p style="text-align:justify">နှစ်ယောက်စလုံး မိသားစုနောက်ခံ နိမ့်ပါးသော်လည်း ရုပ်ရည်ချောမောသူများ ဖြစ်ကြသည်။ ထို့ကြောင့် နန်ချီ၏ ဒုတိယအကြိမ် ရွေးချယ်ပွဲ ပြီးဆုံးသွားသည်။</p> <p style="text-align:justify"> </p> <p style="text-align:justify">ဒီတစ်ခေါက်တွင် လူသစ် ရှစ်ယောက် ရွေးချယ်ခဲ့သည်။ လေးယောက်က မိသားစုနောက်ခံ ကောင်းမွန်ပြီး ကျန်လေးယောက်က သာမန်ဖြစ်သည်။</p> <p style="text-align:justify"> </p> <p style="text-align:justify">မိသားစုနောက်ခံ ကောင်းမွန်သူများကို လူအများ စိတ်မဝင်စားကြဘဲ ရုပ်ရည်ချောမောသော ယွီမျိုးရိုးနှင့် အရှင်မင်းကြီး စကားပြောခဲ့သော ချင်မျိုးရိုးတို့ကို စိတ်ဝင်စားနေကြသည်။</p> <p style="text-align:justify"> </p> <p style="text-align:justify">နောက်ဆုံးအဆင့်ထိ ရောက်လာသူများသည် မိသားစုနောက်ခံ သို့မဟုတ် ရုပ်ရည်တစ်ခုခုကောင်းမွန်ရမည်။ ချင်မျိုးရိုး၏ရုပ်ရည်ကို မမြင်ဖူးသော်လည်း ဆိုးမည်မဟုတ်ဟု ခန့်မှန်းကြသည်။</p> <p style="text-align:justify"> </p> <p style="text-align:justify">အထူးသဖြင့် အရှင်မင်းကြီးက သူမတစ်ယောက်တည်းကိုသာ စကားပြောခဲ့သဖြင့် ပိုမိုထင်ရှားနေသည်။</p> <p style="text-align:justify">....</p> <p style="text-align:justify"> </p> <p style="text-align:justify">နောက်တစ်နေ့တွင် လူသစ်များ၏ ရာထူးအဆင့်အတန်းကို ထုတ်ပြန်ကြေညာခဲ့သည်။</p> <p style="text-align:justify"> </p> <p style="text-align:justify">ဒီတစ်သုတ်တွင် ရာထူးမြင့်မြင့်ဖြင့် စတင်သူ မရှိပေ။ အမြင့်ဆုံးမှာ ချီမျိုးရိုးနှင့် ဝမ်မျိုးရိုးတို့ဖြစ်ပြီး ချိုက်ရန်ရာထူး ရရှိကြသည်။</p> <p style="text-align:justify"> </p> <p style="text-align:justify">သူတို့နှစ်ဦး၏ မိသားစုနောက်ခံက အမြင့်ဆုံးဖြစ်သည်။</p> <p style="text-align:justify"> </p> <p style="text-align:justify">ဟိုမျိုးရိုးနှင့် လီမျိုးရိုးတို့သည် ပေါင်လင်ရာထူး ရရှိကြသည်။</p> <p style="text-align:justify"> </p> <p style="text-align:justify">အံ့ဩစရာကောင်းသည်မှာ ချင်မျိုးရိုးလည်း ပေါင်လင်ရာထူးရရှိခဲ့ပြီး ကျန်သော မိသားစုနောက်ခံ နိမ့်ပါးသူ သုံးဦးမှာ အနိမ့်ဆုံး ချိုက်နွီရာထူးသာ ရရှိကြသည်။</p> <p style="text-align:justify"> </p> <p style="text-align:justify">ဒီအချက်က ချင်မျိုးရိုးကို လူပြောများစေသည်။</p> <p style="text-align:justify"> </p> <p style="text-align:justify">အရှင်မင်းကြီးက ချင်ပေါင်လင်ကို အထူးသဘောကျသည်ဟု ထင်မြင်နေကြသော်လည်း တကယ်တမ်းတွင် သူမ၏ရာထူးကို မိဖုရားခေါင်ကြီးက သတ်မှတ်ပေးခဲ့ခြင်းဖြစ်သည်။</p> <p style="text-align:justify"> </p> <p style="text-align:justify">နင်ချန်သည် မိသားစုနောက်ခံကောင်းမွန်သူ လေးဦး၏ ရာထူးကိုသာ သတ်မှတ်ပေးခဲ့ပြီး ကျန်လူများကို မိဖုရားခေါင်ကြီးအား လွှဲအပ်ခဲ့သည်။</p> <p style="text-align:justify"> </p> <p style="text-align:justify">မိဖုရားခေါင်ကြီးက ရည်ရွယ်ချက်ရှိရှိဖြင့် ချင်မျိုးရိုးကို မြှောက်စားပေးလိုက်ခြင်းဖြစ်သည်။ ရည်ရွယ်ချက်ကတော့ ရှင်းပါသည်။</p> <p style="text-align:justify">....</p> <p style="text-align:justify"> </p> <p style="text-align:justify">လူသစ်များသည် တစ်လအကြာတွင် နန်းတွင်းသို့ ဝင်ရောက်လာကြသည်။ ဇွန်လလယ်ရောက်မှ လူသစ်များကို တွေ့မြင်ခွင့်ရကြသည်။</p> <p style="text-align:justify"> </p> <p style="text-align:justify">ပထမဆုံးနေ့တွင် ဖုန်းရှီးနန်းဆောင်သို့ သွားရောက်ပြီး ဂါရဝပြုကြသည်။ ထို့နောက် ကိုယ့်နေအိမ်သို့ပြန်ပြီး အိပ်ဆောင်ဝင်ခွင့်ရမည့်နေ့ကို စောင့်မျှော်ရသည်။ အိပ်ဆောင်ဝင်ပြီးမှသာ တရားဝင် ကိုယ်လုပ်တော်ဖြစ်လာပြီး နေ့စဉ် ဂါရဝပြုခွင့်ရရှိမည်ဖြစ်သည်။</p> <p style="text-align:justify"> </p> <p style="text-align:justify">အောက်တွင် ဒူးထောက်နေသော လှပျိုဖြူ ရှစ်ဦးကို ကြည့်ပြီး ယဲ့ယွင်တစ်ယောက်ဧကရာဇ်ဖြစ်ချင်စိတ် ပေါက်သွားသည်။</p> <p style="text-align:justify"> </p> <p style="text-align:justify">ဝမ်းနည်းစရာကောင်းသည်မှာ သူမက အချစ်တော်ကိုယ်လုပ်တော် တစ်ပါးသာဖြစ်သည်။ အချစ်တော်ဆိုမှတော့ အချစ်တော်လို နေပြရမှာပေါ့။ လူသစ်တွေကို ကြိုတင်သတိပေးထားမှ နောက်ပိုင်း ပြဿနာမရှာရဲမှာ။</p> <p style="text-align:justify"> </p> <p style="text-align:justify">မိဖုရားခေါင်ကြီး ဆုံးမစကားပြောပြီးသည်နှင့် ယဲ့ယွင်က ဦးစွာ စကားစပြောလိုက်သည်။</p> <p style="text-align:justify"> </p> <p style="text-align:justify">"ချင်ပေါင်လင်က ဘယ်သူလဲ။ သိချင်နေတာ ကြာပြီ။ ထွက်ပြပါဦး"</p> <p style="text-align:justify"> </p> <p style="text-align:justify">"ဒီချန်းချဲ့... ချင်မျိုးရိုးပါ။ မင်ရှိုးရုန်ကို ဂါရဝပြုပါတယ်"</p> <p style="text-align:justify"> </p> <p style="text-align:justify">ကြည်လင်ပြတ်သားသော အသံတစ်သံ ထွက်ပေါ်လာပြီး အနောက်ဘက်ဆုံးတွင် ထိုင်နေသော ခန္ဓာကိုယ် တောင့်တင်းသန်မာသည့် အမျိုးသမီးတစ်ဦး မတ်တတ်ရပ်လိုက်ကာ ဂါရဝပြုပြီးနောက် ခေါင်းမော့လိုက်သည်။</p> <p style="text-align:justify"> </p> <p style="text-align:justify">စည်းကမ်းနားလည်ပုံ ရသည်။ ယဲ့ယွင်ကို တည့်တည့်မကြည့်ဘဲ အကြည့်ကို အောက်သို့ အနည်းငယ် ချထားသည်။</p> <p style="text-align:justify"> </p> <p style="text-align:justify">"ရုပ်ရည် မဆိုးပါဘူး။ အရှင်မင်းကြီး သဘောကျတာ မဆန်းပါဘူး"</p> <p style="text-align:justify"> </p> <p style="text-align:justify">ယဲ့ယွင် သူမကို ကြည့်လိုက်သည်။ နှုတ်ခမ်းထောင့် ကွေးတက်သွားပြီးကုလားထိုင်ပေါ်တွင် မှီချလိုက်ကာ ပျင်းရိသလိုလိုနှင့် အရှိန်အဝါ ထုတ်လွှတ်လိုက်သည်။</p> <p style="text-align:justify"> </p> <p style="text-align:justify">"ကြားတာတော့ ရွေးချယ်ပွဲတုန်းက စစ်သည်တွေအကြောင်း ကဗျာရွတ်ပြတယ်ဆို။ ငါကလည်း စစ်ဘက်မျိုးရိုးကပဲ။ စိတ်ဆတ်တယ်နော်။ နင့်စိတ်က ငါနဲ့တူနေရင် ထိန်းထိန်းသိမ်းသိမ်းနေ။ ငါ့ထက် စိတ်ကြီးတဲ့သူကို မကြိုက်ဘူး"</p> <p style="text-align:justify"> </p> <p style="text-align:justify">ချင်မျိုးရိုး ပြန်မပြောရသေးခင်မှာပင် ယိရွှင်ရုန်က ဝင်ပြောလိုက်သည်။</p> <p style="text-align:justify"> </p> <p style="text-align:justify">"အို... မင်ရှိုးရုန်ကလည်း လူသစ်လေးကို စစချင်း ခြိမ်းခြောက်နေပြန်ပြီ။ ချင်ပေါင်လင် မကြောက်ပါနဲ့။ နန်းတွင်းစည်းကမ်းလိုက်နာပြီး ယဉ်ယဉ်ကျေးကျေးနေရင် ဘယ်သူမှ ဒုက္ခမပေးပါဘူး"</p> <p style="text-align:justify"> </p> <p style="text-align:justify">လက်ရှိ အချစ်တော် နှစ်ပါးက တစ်ယောက်တစ်လှည့် ပြောဆိုနေသဖြင့် ချင်ပေါင်လင် စိတ်လှုပ်ရှားသွားသည်။</p> <p style="text-align:justify"> </p> <p style="text-align:justify">ဒူးညွှတ်အရိုအသေပြုရာတွင် အနည်းငယ် တုန်ရီနေသည်။</p> <p style="text-align:justify">"မယ်မယ်တို့ရဲ့ ဆုံးမစကားကို မှတ်သားထားပါ့မယ်။ စည်းကမ်းမဖောက်ဖျက်ရဲပါဘူး"</p> <p style="text-align:justify"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save