Book List

<h2 style="text-align: center;">အခန်း ၂၅၃</h2> <h2 style="text-align: center;">ကြွေရုပ်လေး</h2> <h2 style="text-align: center;">*</h2> <p> </p> <p style="text-align:justify"> </p> <p style="text-align:justify">"အရှင်မင်းကြီး စိတ်ချပါ။ ကျွန်တော်မျိုးက ဆေးပညာလိုက်စားလာတာ ကြာပါပြီ။ ဒီလောက်တော့ နားလည်ပါတယ်။ အကယ်၍ အရှင်မင်းကြီး စိတ်မချရင် နောက်ထပ် ၁၀ ရက်နေမှ ပြန်စစ်ဆေးကြည့်ပါ့မယ်။ အဲ့ဒီအချိန်ကျရင် သေချာပေါက် ပြောနိုင်ပါပြီ။”</p> <p style="text-align:justify"> </p> <p style="text-align:justify">အရှင်မင်းကြီး ပျော်ရွှင်နေသည်ကို ကြည့်ပြီး သမားတော်ကျန်း မနေတတ် ဖြစ်နေသည်။</p> <p style="text-align:justify"> </p> <p style="text-align:justify">"ရှောင်ရန်ဆောင်ရန်တွေကတော့... အေးလွန်းတဲ့ အစားအစာတွေ မစားရပါဘူး။ အစပ်လျှော့စားပါ။ ကျန်တာကတော့ ပြဿနာ မရှိပါဘူး။ ရှိုးရုန်ရဲ့ ကိုယ်ဝန်အခြေအနေက ကောင်းမွန်ပါတယ်။ လှုပ်ရှားမှု နည်းနည်းလေး လုပ်ပေးတာ ကောင်းပါတယ်။ အမြဲတမ်း လှဲနေ၊ ထိုင်နေဖို့ မလိုပါဘူး။ နောက်ဆုံးအချက်ကတော့... မိန်းမယောက်ျားကိစ္စ ဆင်ခြင်ဖို့ပါပဲ။”</p> <p style="text-align:justify"> </p> <p style="text-align:justify">ထိုစကားကြောင့် နင်ချန် မျက်နှာရဲသွားသည်။ မနေ့ညက အရမ်း ကဲလိုက်မိတာကိုတွေးပြီး ကြောက်စိတ်ဝင်သွားသည်။</p> <p style="text-align:justify"> </p> <p style="text-align:justify">ကံကောင်းလို့ ဘာမှမဖြစ်သွားတာ။ နောက်နောင် ဆင်ခြင်မှဖြစ်တော့မယ်။</p> <p style="text-align:justify"> </p> <p style="text-align:justify">သမားတော်ကျန်း ထွက်သွားမှ ယဲ့ယွင် သတိပြန်ဝင်လာသည်။ အိပ်မက်မက်နေသလို ခံစားနေရသည်။ ကလေးယူဖို့ ပြင်ဆင်ထားသော်လည်း ဒီလောက် မြန်မြန်ဆန်ဆန်ရလာလိမ့်မည်ဟု မထင်ထားပေ။</p> <p style="text-align:justify"> </p> <p style="text-align:justify">အချိန်အတော်ကြာမှ နင်ချန်၏လက်ဖဝါးက သူမ၏ ဗိုက်ပေါ် ရောက်လာသောအခါ သူမ၏ကိုယ်ထဲတွင် အသက်သစ်တစ်ခု ရှင်သန်နေပြီဖြစ်ကြောင်း ခံစားလိုက်ရသည်။</p> <p style="text-align:justify"> </p> <p style="text-align:justify">"ကောင်းတယ်... ကောင်းတယ်။ ဒီနေ့ အားလုံးကို ဆုချမယ်။ ယွီရှို့အဆောင်က လူတိုင်း ငွေစ ၂၀ စီ ဆုချမယ်။”</p> <p style="text-align:justify"> </p> <p style="text-align:justify">နင်ချန် လက်ဝှေ့ယမ်းပြီး အမိန့်ပေးလိုက်ရာ ယွမ်ကျိုက ချက်ချင်း လုပ်ဆောင်ရန် ပြင်လိုက်သည်။</p> <p style="text-align:justify"> </p> <p style="text-align:justify">ယဲ့ယွင် အမြန် တားလိုက်သည်။</p> <p style="text-align:justify"> </p> <p style="text-align:justify">"အရှင်မင်းကြီး... သမားတော်ကျန်း ပြောသွားတာ ကြားတယ်မလား။ တစ်လတောင် မပြည့်သေးဘူးတဲ့။ ဘာလို့ အလျင်လိုနေတာလဲ။ ၁၀ ရက်နေမှ ပြန်စစ်ဆေးပြီး သေချာမှ ကြေညာတာ မနောက်ကျပါဘူး။ အခု ကြေညာလိုက်ရင် လူတွေ ဝိုင်းလာပြီး ဂုဏ်ပြုကြတာနဲ့ ဒီချန်းချဲ့ ကောင်းကောင်း နားရမှာ မဟုတ်ဘူး။”</p> <p style="text-align:justify"> </p> <p style="text-align:justify">"ချင်းချင်း ပြောတာ ဟုတ်တယ်။ ကျန်း ပျော်လွန်းလို့ သတိလွတ်သွားတာ။”</p> <p style="text-align:justify"> </p> <p style="text-align:justify">နင်ချန် စိတ်လျော့လိုက်သော်လည်း မျက်ဝန်းထဲတွင် ပျော်ရွှင်ရိပ်များ တောက်ပနေဆဲ ဖြစ်သည်။ ဟွေယွဲ့က တိုးတိုးလေး သတိပေးလိုက်သည်။</p> <p style="text-align:justify"> </p> <p style="text-align:justify">"အရှင်မင်းကြီး... ရှိုးရုန်က အိပ်ရာထတာ နောက်ကျနေပါပြီ။ မနက်စာတောင် မစားရသေးပါဘူး။ ကိုယ်ဝန်ရှိနေပြီဆိုတော့ အစာမစားဘဲ နေလို့မဖြစ်ပါဘူး။”</p> <p style="text-align:justify"> </p> <p style="text-align:justify">ဒါကို ကြားလိုက်ရမှ နင်ချန် သတိရသွားသည်။</p> <p style="text-align:justify"> </p> <p style="text-align:justify">"ဟုတ်သားပဲ။ စားဖိုဆောင်ကို မြန်မြန်သွားပြီး အာဟာရရှိတာတွေ လုပ်ခိုင်းလိုက်။ ငှက်သိုက်ပေါင်း လုပ်ခိုင်းလိုက်။ သွေးငှက်သိုက်ကို သုံးနော်။”</p> <p style="text-align:justify"> </p> <p style="text-align:justify">သူ့ရဲ့ စိုးရိမ်ပူပန်မှုကို ကြည့်ပြီး ယဲ့ယွင် သဘောကျကာ ရယ်မောလိုက်မိပြီး ရင်ထဲ နွေးထွေးသွားသည်။ အနည်းဆုံးတော့ နင်ချန်က သူမကို တကယ် ချစ်မြတ်နိုးတာ သေချာတယ်။</p> <p style="text-align:justify"> </p> <p style="text-align:justify">စားဖိုဆောင်သို့ သွားရောက်မှာကြားသူမှာ ယွမ်ကျို ဖြစ်သည်။</p> <p style="text-align:justify"> </p> <p style="text-align:justify">သူက ပါးနပ်သူပီပီ အရှင်မင်းကြီးက နိုင်ငံရေးကိစ္စတွေကြောင့် ပင်ပန်းနေလို့ အားရှိအောင် စားချင်တာ ဖြစ်ကြောင်း အကြောင်းပြလိုက်သည်။ ယဲ့ယွင်အတွက် မှာတာလို့ ထုတ်မပြောပေ။</p> <p style="text-align:justify"> </p> <p style="text-align:justify">သခင်တွေက ဖုံးကွယ်ထားချင်မှတော့ သူက ထုတ်ပြောလိုက်ရင် ခေါင်းပြတ်သွားမှာပေါ့။</p> <p style="text-align:justify"> </p> <p style="text-align:justify">မနက်ခင်း တစ်ခုလုံး နင်ချန်သည် ယဲ့ယွင်ကို အသီးခွံ့ကျွေးလိုက်၊ နွားနို့တိုက်လိုက်နှင့် အလုပ်ရှုပ်နေသည်။ လမ်းလျှောက်ခွင့်တောင် မပေးဘဲ ပွေ့ချီသွားချင်နေသည်။</p> <p style="text-align:justify"> </p> <p style="text-align:justify">သို့သော် အလုပ်တွေ ရှိနေသဖြင့် ပြန်သွားရတော့မည်။ ယဲ့ယွင်က ယွီရှို့အဆောင်သို့ ပြန်နားချင်ကြောင်း ပြောလိုက်တော့သည်။ နင်ချန်အား အနှောင့်အယှက် မဖြစ်စေချင်၍ ဖြစ်သည်။</p> <p style="text-align:justify"> </p> <p style="text-align:justify">နင်ချန် မခွဲချင်သော်လည်း ညနေပိုင်းတွင် အမတ်ကြီးများနှင့် တွေ့ဆုံရဦးမည် ဖြစ်၍ ခွင့်ပြုလိုက်သည်။ ယွမ်ကျိုကို လိုက်ပို့ခိုင်းမလို့ လုပ်သော်လည်း ယဲ့ယွင် ငြင်းဆန်လိုက်သည်။</p> <p style="text-align:justify"> </p> <p style="text-align:justify">အရမ်း ထူးခြားနေရင် လူတွေ ရိပ်မိကုန်မှာပေါ့။</p> <p style="text-align:justify">...</p> <p style="text-align:justify"> </p> <p style="text-align:justify">ယွီရှို့အဆောင် ပြန်ရောက်သောအခါ ပုံမှန်ဆိုရင် အတင်းခုန်တက်တတ်သော ညန်ကောင်းသည် ဒီတစ်ခါ ငြိမ်ကုပ်နေပြီး အမြီးနှံ့ကာ လှည့်ပတ်နေသည်။</p> <p style="text-align:justify"> </p> <p style="text-align:justify">"စဉ်းစားကြည့်မှ... ဒီ ၁၀ ရက်လောက်</p> <p style="text-align:justify">အတွင်း ညန်ကောင်းက ငါ့ဆီ မခုန်</p> <p style="text-align:justify">တက်တော့ဘူးပဲ။”</p> <p style="text-align:justify"> </p> <p style="text-align:justify">ယဲ့ယွင် ရုတ်တရက် သတိထားမိလိုက်သည်။</p> <p style="text-align:justify"> </p> <p style="text-align:justify">ဟွေယွဲ့ စဉ်းစားကြည့်တော့မှ ဟုတ်မှန်း သတိရလိုက်သည်။ ဒီရက်ပိုင်း အမှန်တကယ်ခွေးက ထူးဆန်းနေသလို ဖြစ်နေသည်။</p> <p style="text-align:justify"> </p> <p style="text-align:justify">ယဲ့ယွင် ပြုံးပြီး ခွေးခေါင်းကို ပွတ်သပ်ပေးလိုက်သည်။</p> <p style="text-align:justify"> </p> <p style="text-align:justify">"ခွေးတွေက လူတွေရဲ့ရောဂါနဲ့ ပြောင်းလဲမှုတွေကို အနံ့ခံနိုင်တယ်လို့ ကြားဖူးတာ တကယ် ဟုတ်နေတာပဲ။”</p> <p style="text-align:justify"> </p> <p style="text-align:justify">"ရှိုးရုန်... ဘာဖြစ်လို့လဲ။ နေမကောင်းလို့လား။ ဘယ်နား နာနေလို့လဲ"</p> <p style="text-align:justify"> </p> <p style="text-align:justify">နန်ကျစ်က အခန်းထဲမှ ထွက်လာပြီး စိုးရိမ်တကြီး မေးလိုက်သည်။ ယဲ့ယွင်နှင့် ဟွေယွဲ့တို့ ကြည့်ပြီး ပြုံးလိုက်ကြသည်။</p> <p style="text-align:justify"> </p> <p style="text-align:justify">ဟွေယွဲ့က တိုးတိုးလေး ပြောပြလိုက်သည်။</p> <p style="text-align:justify"> </p> <p style="text-align:justify">"မကောင်းတာ မဟုတ်ပါဘူး။ ကောင်းတာပါ။ ရှိုးရုန်မှာ ကိုယ်ဝန်ရှိနေပြီ။”</p> <p style="text-align:justify"> </p> <p style="text-align:justify">"တကယ်လား။”</p> <p style="text-align:justify"> </p> <p style="text-align:justify">နန်ကျစ် ဝမ်းသာအားရ ဖြစ်သွားပြီး မျက်လုံးပြူးကာ အော်လိုက်သည်။</p> <p style="text-align:justify"> </p> <p style="text-align:justify">"တိုးတိုး... တိုးတိုး"</p> <p style="text-align:justify"> </p> <p style="text-align:justify">ဟွေယွဲ့က သူမပါးစပ်ကို အမြန် ပိတ်လိုက်သည်။</p> <p style="text-align:justify"> </p> <p style="text-align:justify">"တစ်လတောင် မပြည့်သေးဘူး။ ၁၀ ရက်နေမှ ပြန်စစ်ဆေးရမှာ။ အပြင်မပြောနဲ့ဦး။ အခု လူတိုင်းက ဝေ့ရွယ်ဆောင်ကို အာရုံစိုက်နေကြတာ။ ငါတို့ ရှိုးရုန်က တိတ်တိတ်လေး ကိုယ်ဝန်ဆောင်ထားတာ ပိုကောင်းတယ်။”</p> <p style="text-align:justify"> </p> <p style="text-align:justify">နန်ကျစ် ခေါင်းညိတ်ပြီး ပါးစပ်ပိတ်ကာ ရယ်မောနေသည်။ အစေခံနှစ်ယောက်က အခန်းထဲရှိ ပစ္စည်းများကို အသစ်လဲချင်ကြသော်လည်း ယဲ့ယွင် တားလိုက်သည်။</p> <p style="text-align:justify"> </p> <p style="text-align:justify">နောက်ဆုံးတွင် ဆိုဖာပေါ်က မွေ့ရာကို အနူးညံ့ဆုံးတစ်ခုနှင့် လဲလိုက်ရုံသာ လုပ်လိုက်သည်။ အခုချိန်မှာ ဘာမှမဖြစ်သလို နေတာ အကောင်းဆုံးပဲ။</p> <p style="text-align:justify">....</p> <p style="text-align:justify"> </p> <p style="text-align:justify">ညရောက်သောအခါ နင်ချန်သည် ယဲ့ယွင်ထံသို့ ထပ်လာသည်။</p> <p style="text-align:justify"> </p> <p style="text-align:justify">မနေ့ညကမှ ကိုယ်ဝန်ရှိကြောင်း သိလိုက်ရသော ယောင်ရှန်းသည် ရယ်စရာ ဖြစ်သွားသည်။</p> <p style="text-align:justify"> </p> <p style="text-align:justify">နှစ်ရက်ဆက်တိုက် အရှင်မင်းကြီးက သူမဆီ မလာပေ။ ဆုလာဘ်တွေပေးသော်လည်း လူကမူယွီရှို့အဆောင်သို့ရောက်နေသည်။</p> <p style="text-align:justify"> </p> <p style="text-align:justify">ဒါက လုံးဝ သူမက်ို ဂရုမစိုက်တာပဲ။</p> <p style="text-align:justify"> </p> <p style="text-align:justify">ယောင်ရှန်း ဒေါသထွက်ပြီး လက်ဖက်ရည်ခွက်များကို ရိုက်ခွဲပစ်သော်လည်း ဘာမှ မတတ်နိုင်ပေ။ ဒါက ကံတရားပဲလား။</p> <p style="text-align:justify"> </p> <p style="text-align:justify">ဘဝနှစ်ခု ဖြတ်သန်းခဲ့ပေမဲ့ နင်ချန်က သူမကို တစ်ချက်ကလေးတောင်လှည့်မကြည့်ဘူး။ အခွင့်အရေးရတိုင်း အသည်းအသန် ကြိုးစားခဲ့ပေမဲ့ ဒီဘဝက အရင်ဘဝလောက်တောင် အချစ်မခံရဘူး။</p> <p style="text-align:justify">....</p> <p style="text-align:justify"> </p> <p style="text-align:justify">ယဲ့ယွင်ကတော့ တခြားသူတွေ မုန်းတာ၊ မမုန်းတာ ဂရုမစိုက်ပါဘူး။ အခုချိန်မှာ အရှင်မင်းကြီးက သူမကို ကြွေရုပ်လေးလို သဘောထားပြီး ပွေ့ဖက်ထားသည်။</p> <p style="text-align:justify"> </p> <p style="text-align:justify">မနေ့ညက ရေချိုးကန်မှာ ရေချိုးတုန်းက အိပ်ချင်လွန်းလို့ ခေါင်းမလျှော်ခဲ့ရဘူး။ ဒီနေ့ည ရေချိုးတော့မှ လျှော်လိုက်ရသည်။</p> <p style="text-align:justify"> </p> <p style="text-align:justify">နင်ချန်က စေတနာအပြည့်နှင့် ခေါင်းသုတ်ပေးသည်။ သူမကို ပေါင်ပေါ်တင်ပြီး ရင်ခွင်ထဲ ထည့်ကာ ဖြည်းဖြည်းချင်း သုတ်ပေးနေသည်။</p> <p style="text-align:justify"> </p> <p style="text-align:justify">"ကိုယ်ဝန် သုံးလပြည့်ရင် ရာထူးတိုးပေးမယ်။ နေရာသစ် ပြောင်းပေးမယ်။ မင်းက ကျိုဖင်အဆင့် ရောက်နေပြီဆိုတော့ သီးသန့် အဆောင်တစ်ခုမှာ နေသင့်တယ်။ ယွီရှို့အဆောင်က မဆိုးပေမဲ့ ကလေးမွေးဖို့အတွက်တော့ သေးလွန်းတယ်"</p> <p style="text-align:justify"> </p> <p style="text-align:justify">"အရှင်မင်းကြီး သဘောပါပဲ။”</p> <p style="text-align:justify"> </p> <p style="text-align:justify">ယဲ့ယွင်သည်မျက်လုံးမှေးပြီး ဇိမ်ခံနေသည်။ ခေါင်းခြောက်သွားပြီး အိပ်ရန် ပြင်သောအခါ ယဲ့ယွင်က နင်ချန်၏ လည်ပင်းကို သိုင်းဖက်လိုက်သည်။</p> <p style="text-align:justify"> </p> <p style="text-align:justify">ထို့နောက် ချွဲနွဲ့သလို၊ တောင်းပန်သလို ပြောလိုက်သည်။</p> <p style="text-align:justify"> </p> <p style="text-align:justify">"အရှင်မင်းကြီး... ဒီချန်းချဲ့ရဲ့ စိတ်ကို သိပါတယ်။ အရမ်း စိတ်ဆတ်တယ်လေ။ တခြားလူတွေနဲ့ အမြဲ ရန်ဖြစ်နေကျ။ အခု ကိုယ်ဝန်ရှိနေတော့ မဆိုးရဲတော့ဘူး။ ဒါပေမဲ့ အပြင်ထွက်ရင် ပြဿနာတက်မှာ စိုးရိမ်တယ်။ ဒီချန်းချဲ့က တောင့်ခံနိုင်ပေမဲ့ ဗိုက်ထဲက ကလေးလေးကို စိတ်ပူလို့ပါ။”</p> <p style="text-align:justify"> </p> <p style="text-align:justify">"အရှင်မင်းကြီးကို တောင်းဆိုချင်တာက... ဒီချန်းချဲ့ကို နေမကောင်းဘူးဆိုပြီး အပြင်မထွက်ခိုင်းဘဲ ထားပေးပါ။ သုံးလပြည့်ပြီး ကိုယ်ဝန်ခိုင်မာမှ ပြန်ထွက်ပါရစေ။ ဖြစ်မလားဟင်။”</p> <p style="text-align:justify"> </p> <p style="text-align:justify">နင်ချန် သူမကို ဖက်ထားရင်း ခဏစဉ်းစားပြီး သဘောတူလိုက်သည်။ သို့သော် ချက်ချင်းကြီး နေမကောင်းဖြစ်တာက သဘာဝမကျသဖြင့် အချိန်ယူရမည်။</p> <p style="text-align:justify"> </p> <p style="text-align:justify">နောက် သုံးလေးရက်အကြာတွင် မင်ရှိုးရုန် မျက်နှာမကောင်းဘဲ ချောင်းဆိုးနေသည်ကို လူအများ သတိထားမိလာသည်။</p> <p style="text-align:justify"> </p> <p style="text-align:justify">ငါးရက်အကြာတွင် မင်ရှိုးရုန် ရာသီဖျားမိပြီး အိပ်ရာထဲ လဲနေကြောင်းသတင်းထွက်လာသည်။</p> <p style="text-align:justify"> </p> <p style="text-align:justify">နင်ချန်က ချက်ချင်း အမိန့်ထုတ်ပြီး ယဲ့ယွင်ကို အနားယူစေကာ ဂါရဝပြုပွဲ မတက်ရောက်ရန်နှင့် အပြင်မထွက်ရန် မှာကြားလိုက်သည်။</p> <p style="text-align:justify"> </p> <p style="text-align:justify">သို့သော် မျက်နှာလိုက်သလို မဖြစ်စေရန် ဖန်းကျယ်ယွီကိုလည်း ကိုယ်ဝန်သုံးလမပြည့်မချင်း ဂါရဝပြုပွဲ တက်ရောက်စရာမလိုကြောင်း အမိန့်ထုတ်လိုက်သည်။</p> <p style="text-align:justify"> </p> <p style="text-align:justify">ဒီအမိန့်နှစ်ခုကြောင့် အနောက်ဆောင်တွင် တုံ့ပြန်မှုအမျိုးမျိုး ထွက်ပေါ်လာသည်။</p> <p style="text-align:justify"> </p> <p style="text-align:justify">ယဲ့ယွင် နေမကောင်းဖြစ်ခြင်းက အခြားကိုယ်လုပ်တော်များအတွက် အခွင့်အရေး ဖြစ်လာသဖြင့် ဝမ်းသာနေကြသည်။</p> <p style="text-align:justify"> </p> <p style="text-align:justify">ဖန်းကျယ်ယွီကတော့ မနာလိုစရာ ဖြစ်နေသည်။ သူမ ကလေး ပျက်ကျသွားရင် ကောင်းမှာပဲဟု ကျိန်ဆဲနေကြသည်။</p> <p style="text-align:justify"> </p> <p style="text-align:justify">ကိုယ်ဝန်မဆောင်ဖူးသူများက မနာလိုရုံသာ ရှိသော်လည်း ကိုယ်ဝန်ပျက်ကျဖူးသူများကတော့ ပိုပြီး ခံစားရသည်။ မိဖုရားခေါင်ကြီး အပါအဝင်ပေါ့။</p> <p style="text-align:justify"> </p> <p style="text-align:justify">လူအများက အအေးနန်းဆောင်ထဲက ကျောက်မျိုးရိုးကို မေ့နေကြသော်လည်း မိဖုရားခေါင်ကြီးကတော့ မမေ့နိုင်ပေ။</p> <p style="text-align:justify"> </p> <p style="text-align:justify">ကျောက်မျိုးရိုးက မကောင်းဆိုးဝါး ပစ္စည်းတွေ ယူလာလို့သာ သူမ ကိုယ်ဝန်ပျက်ကျခဲ့ရတာလေ။ လင်းမျိုးရိုးသေသွားပြီမို့ အသက်ရှင်ကျန်ရစ်သူ ကျောက်မျိုးရိုးသည် မိဖုရားခေါင်ကြီး၏ နှစ်ဆတိုးသော အမုန်းတရားကို ခံစားရတော့မည်။</p> <p style="text-align:justify"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save