Book List

<h2 style="text-align:center">အခန်း ၂၅၅</h2> <h2 style="text-align:center">အံ့အားသင့်စရာ</h2> <h2 style="text-align:center">*</h2> <p> </p> <p style="text-align:justify"> </p> <p style="text-align:justify">ယဲ့ယွင် ကိုယ်ဝန် နှစ်လပြည့်ပြီဖြစ်သောကြောင့် သူငယ်ချင်းနှစ်ယောက်ကို ဆက်လက်ဖုံးကွယ်ထားရန် အစီအစဉ် မရှိတော့ပေ။ ထို့ကြောင့် မိတ်ကပ်မလိမ်းဘဲ သဘာဝအတိုင်း တွေ့ဆုံလိုက်သည်။</p> <p style="text-align:justify"> </p> <p style="text-align:justify">ဝမ်ရွှင်ရုန် နှင့် ကျိုးဝမ်ရုန်တို့ ရောက်လာသောအခါ ယဲ့ယွင်၏မျက်နှာသည် နီရဲတွတ်ပြီး ကျန်းမာရွှင်လန်းနေသည်ကို တွေ့လိုက်ရသည်။ သူမတို့ အံ့ဩနေသည်ကို ကြည့်ပြီး ယဲ့ယွင် ရယ်မောလိုက်သည်။</p> <p style="text-align:justify"> </p> <p style="text-align:justify">မဆိုင်သော အစေခံများကို အပြင်ထုတ်လိုက်ပြီး ဟွေယွဲ့ နှင့် နန်ကျစ်ကိုသာ ထားခဲ့သည်။</p> <p style="text-align:justify"> </p> <p style="text-align:justify">"တမင် ဖုံးကွယ်ထားတာ မဟုတ်ပါဘူး။ လူများရင် သတင်းပေါက်ကြားမှာ စိုးလို့ပါ။ လုံခြုံရေးအတွက်မို့ နားလည်ပေးပါအုံး။”</p> <p style="text-align:justify"> </p> <p style="text-align:justify">ဝမ်ရွှင်ရုန် နားမလည်နိုင်ပေ။</p> <p style="text-align:justify"> </p> <p style="text-align:justify">"ညီမလေး... ဘာတွေဖြစ်နေတာလဲ။ အစ်မတော့ နားမလည်တော့ဘူး"</p> <p style="text-align:justify"> </p> <p style="text-align:justify">ကျိုးဝမ်ရုန်လည်း ထို့အတူပင်။</p> <p style="text-align:justify"> </p> <p style="text-align:justify">"ညီမမှာ ကိုယ်ဝန်ရှိနေပြီ။ နှစ်လပြည့်တော့မယ်"</p> <p style="text-align:justify"> </p> <p style="text-align:justify">ယဲ့ယွင် တိုးတိုးလေး ပြောလိုက်သည်။</p> <p style="text-align:justify">ဒီစကားသည် သူမတို့နှစ်ယောက်အတွက် မိုးကြိုးပစ်လိုက်သလို ဖြစ်သွားပြီးပါးစပ်အဟောင်းသား ဖြစ်သွားကြသည်။</p> <p style="text-align:justify"> </p> <p style="text-align:justify">"အို... ညီမလေးရယ်။ တော်တော် လုံအောင် ဖုံးထားတာပဲ။ စောစောသိရင် မကြာခဏ လာကြည့်ပြီး ကလေးပြုစုနည်းတွေ သင်ပေးမှာပေါ့။”</p> <p style="text-align:justify"> </p> <p style="text-align:justify">ဝမ်ရွှင်ရုန် ရယ်မောလိုက်သည်။ ဗိုက်ကို ကြည့်ပြီး တွက်ချက်လိုက်သည်။</p> <p style="text-align:justify"> </p> <p style="text-align:justify">"တွက်ကြည့်ရသလောက်ဆိုရင် ဖန်းကျယ်ယွီရဲ့ ကိုယ်ဝန်နဲ့ ရက်သိပ်မကွာဘူးပဲ။ ကံကောင်းလိုက်တာ။”</p> <p style="text-align:justify"> </p> <p style="text-align:justify">ကျိုးဝမ်ရုန်လည်း ဝမ်းသာသွားသည်။ သို့သော် ချက်ချင်း စိတ်ပူလာသည်။</p> <p style="text-align:justify"> </p> <p style="text-align:justify">"အစ်မတော်က ဒီလို ဖုံးကွယ်ထားတာ အရှင်မင်းကြီး သိရဲ့လား။ နောက်မှ သိသွားရင် အပြစ်ပေးမှာ စိုးလို့ပါ"</p> <p style="text-align:justify"> </p> <p style="text-align:justify">"နင်က တုံးလိုက်တာ။ အရှင်မင်းကြီးက ရက်ပိုင်းခြားပြီး လူလွှတ်ကြည့်နေတာ မသိဘူးလား။”</p> <p style="text-align:justify"> </p> <p style="text-align:justify">ဝမ်ရွှင်ရုန်က ကျိုးဝမ်ရုန်၏ နဖူးကို လက်ညှိုးဖြင့် ထောက်လိုက်သည်။ ကျိုးဝမ်ရုန် ရှက်သွားသည်။ ဝမ်ရွှင်ရုန်သည် အချစ်ခံရမှုကို စိတ်မဝင်စားတော့ဘဲ သမီးလေးအတွက်သာ အာရုံစိုက်နေသည်။ ယဲ့ယွင်နှင့် ကျိုးဝမ်ရုန်ကို ညီမအရင်းလို သဘောထားသည်။ ညီမလေးတွေ အဆင်ပြေရင် သူလည်း မျက်နှာပွင့်တာပဲလေ။</p> <p style="text-align:justify"> </p> <p style="text-align:justify">သူမတို့နှစ်ယောက် တစ်နာရီခန့် စကားပြောပြီး ပြန်သွားကြသည်။ ယဲ့ယွင် အနားယူစေရန် နေ့လည်စာ အတူမစားတော့ပေ။</p> <p style="text-align:justify">.....</p> <p style="text-align:justify"> </p> <p style="text-align:justify">နေ့လည်ခင်းတွင် နင်ချန် ရောက်လာပြီး ယဲ့ယွင် လက်ကိုင်ပဝါ ထိုးနေချိန် ဖြစ်သည်။</p> <p style="text-align:justify"> </p> <p style="text-align:justify">ပုံမှန်အားဖြင့် သူမ မကြိုက်သော်လည်း ကလေးမွေးလာရင် ကိုယ်တိုင်ချုပ်ပေးချင်သဖြင့် လေ့ကျင့်နေခြင်း ဖြစ်သည်။</p> <p style="text-align:justify"> </p> <p style="text-align:justify">ဟွေယွဲ့ ဆွဲပေးထားသော ပုံကြမ်းအတိုင်း လိုက်ထိုးနေသည်။</p> <p style="text-align:justify"> </p> <p style="text-align:justify">"ဘာလို့ ပန်းထိုးနေတာလဲ။ မျက်လုံးထိခိုက်လိမ့်မယ်။ အနားယူသင့်တယ်လေ။”</p> <p style="text-align:justify"> </p> <p style="text-align:justify">နင်ချန် ဝင်လာသည်နှင့် ပြောလိုက်သည်။</p> <p style="text-align:justify"> </p> <p style="text-align:justify">ယဲ့ယွင် ပန်းထိုးဘောင်ကို ချထားပြီး မတ်တတ်ရပ်လိုက်သည်။</p> <p style="text-align:justify"> </p> <p style="text-align:justify">"အရှင်မင်းကြီး လာတာ ကြိုမပြောဘူး။ ဒီတိုင်း အပျင်းပြေ လုပ်နေတာပါ။ မပင်ပန်းပါဘူး"</p> <p style="text-align:justify"> </p> <p style="text-align:justify">"ကြိုပြောလိုက်ရင် နေ့လည်စာ ပြင်ဆင်နေရမှာစိုးလို့ မပြောခိုင်းလိုက်တာ"</p> <p style="text-align:justify"> </p> <p style="text-align:justify">နင်ချန် လက်ဆွဲပြီး ပြတင်းပေါက်ဘေးရှိ ဆိုဖာပေါ်တွင် အတူထိုင်လိုက်သည်။</p> <p style="text-align:justify"> </p> <p style="text-align:justify">"ဒီနေ့ မင်းမွေးနေ့လေ။ ရွှေငွေလက်ဝတ်ရတနာတွေက ရိုးနေပြီ။ ဒီတစ်ခါ ထူးခြားတာ ပေးမယ်။”</p> <p style="text-align:justify"> </p> <p style="text-align:justify">"ဘာလဲဟင်"</p> <p style="text-align:justify"> </p> <p style="text-align:justify">ယဲ့ယွင် မျက်လုံးများ အရောင်တောက်လာပြီး သကြားလုံး လိုချင်သော ကလေးလေးနှင့် တူနေသည်။</p> <p style="text-align:justify"> </p> <p style="text-align:justify">တကယ်တမ်းတွင် ယဲ့ယွင်သည် ကိုယ်ဝန်ကြောင့် ကိုယ်အလေးချိန် တက်လာပြီး မျက်နှာလေး ပြည့်ဖောင်းလာသဖြင့် ပိုပြီး ငယ်ရွယ်နုပျိုပုံ ပေါက်နေသည်။ မိခင်လောင်းနှင့် မတူဘဲ အပျိုစင်လေးနှင့် တူနေသည်။</p> <p style="text-align:justify"> </p> <p style="text-align:justify">နင်ချန် မနေနိုင်ဘဲ ပါးဖောင်းဖောင်းလေးကို ဆွဲညှစ်လိုက်သည်။ အထိအတွေ့က ကောင်းလိုက်တာ။ နန်းတွင်းတွင် ကိုယ်ဝန်ဆောင်ဖူးသူများ ရှိသော်လည်း ယဲ့ယွင်လောက် ကျန်းမာရွှင်လန်းသူ မရှိပေ။ ချစ်စရာကောင်းလိုက်တာ။</p> <p style="text-align:justify"> </p> <p style="text-align:justify">"ကျန်းက နေရာသစ် ပြောင်းပေးမယ် ပြောထားတယ်လေ။ အခု မင်းကြိုက်တဲ့နေရာ ရွေးလိုက်တော့"</p> <p style="text-align:justify"> </p> <p style="text-align:justify">နင်ချန် ပြုံးပြီး ပြောလိုက်သည်။</p> <p style="text-align:justify"> </p> <p style="text-align:justify">ယွမ်ကျို လက်ထဲမှ စာလိပ်ကို ယူပြီး စားပွဲပေါ် ဖြန့်ခင်းလိုက်သည်။ ထိုစာလိပ်မှာအနောက်ဆောင် မြေပုံဖြစ်ပြီး အဆောင်အားလုံး ပါဝင်သည်။</p> <p style="text-align:justify"> </p> <p style="text-align:justify">ဒီလို အံ့အားသင့်စရာကို ယဲ့ယွင် မမျှော်လင့်ထားပေ။ ကိုယ်လုပ်တော်များ၏ နေထိုင်ရာကို ဧကရာဇ် သို့မဟုတ် မိဖုရားခေါင်ကြီးက သတ်မှတ်ပေးလေ့ရှိသည်။ ကိုယ်တိုင် ရွေးချယ်ခွင့်ရခြင်းသည် ကြီးမားသော မျက်နှာသာပေးမှု ဖြစ်သည်။</p> <p style="text-align:justify"> </p> <p style="text-align:justify">ယဲ့ယွင် မထိန်းနိုင်တော့ဘဲ နင်ချန်၏ ပါးကို ရွှတ်ခနဲ နမ်းလိုက်သည်။</p> <p style="text-align:justify"> </p> <p style="text-align:justify">"အရှင်မင်းကြီးက ဒီချန်းချဲ့အပေါ် အရမ်းကောင်းတာပဲ။”</p> <p style="text-align:justify"> </p> <p style="text-align:justify">အစေခံများရှေ့တွင် နမ်းလိုက်သဖြင့် နင်ချန် မျက်နှာရဲသွားပြီး ရင်ခုန်သွားသော်လည်ဍ ချောင်းဟန့်လိုက်ပြီး ယဲ့ယွင်ကို နေရာရွေးခိုင်းလိုက်သည်။</p> <p style="text-align:justify"> </p> <p style="text-align:justify">ယဲ့ယွင် သေချာကြည့်ရှုပြီးနောက် နေရာတစ်ခုကို လက်ညှိုးထိုးပြလိုက်သည်။</p> <p style="text-align:justify"> </p> <p style="text-align:justify">"ကျောက်ချွန်းနန်းဆောင်?"</p> <p style="text-align:justify"> </p> <p style="text-align:justify">နင်ချန် ဖတ်လိုက်ပြီး ရုတ်တရက် ရယ်မောလိုက်သည်။</p> <p style="text-align:justify"> </p> <p style="text-align:justify">"ဘာလို့ ရယ်တာလဲဟင်"</p> <p style="text-align:justify"> </p> <p style="text-align:justify">"အို... ရှိုးရုန်နဲ့ အရှင်မင်းကြီးက တကယ် စိတ်ချင်းဆက်နေတာပဲ။ ဒီနေ့ ကျိုချန်နန်းဆောင်မှာ အရှင်မင်းကြီးက ရှိုးရုန် ဒီနေရာကို ရွေးမယ်လို့ ပြောနေတာ။”</p> <p style="text-align:justify"> </p> <p style="text-align:justify">ယွမ်ကျို ဝင်ရှင်းပြလိုက်ရာ ယဲ့ယွင်လည်း ရယ်မောလိုက်သည်။</p> <p style="text-align:justify"> </p> <p style="text-align:justify">နင်ချန် လက်ဖက်ရည် တစ်ငုံသောက်ပြီး ရှင်းပြသည်။</p> <p style="text-align:justify"> </p> <p style="text-align:justify">"ကျောက်ချွန်းနန်းဆောင်က မူလက နန်းတော်အဆင့် ရှိတယ်။ ဒါပေမဲ့ ခြံဝင်းက သေးငယ်ပြီး အဆောင်ထက် ကြီးနေလို့ ဧကရာဇ်ဟောင်းလက်ထက်မှာ အဆောင်အဖြစ် ပြောင်းလဲသတ်မှတ်ခဲ့တာ။ ဘေးနားမှာ ပန်းခြံငယ်လေးနဲ့ ရေကန် ရှိတယ်။ ဒါပေမဲ့ ကျိုချန်နန်းဆောင်နဲ့ ဖုန်းရှီးနန်းဆောင်နဲ့တော့ နည်းနည်းဝေးတယ်"</p> <p style="text-align:justify"> </p> <p style="text-align:justify">"ဒါဆိုရင် ရတနာရလိုက်တာပေါ့။ တခြားနေရာတွေထက် ပိုကျယ်တာပဲ။ အရှင်မင်းကြီး စိတ်ထဲမှာ ဒီချန်းချဲ့ ရှိနေသရွေ့ ဝေးတယ်ဆိုတာ မရှိပါဘူး။”</p> <p style="text-align:justify"> </p> <p style="text-align:justify">ယဲ့ယွင် ပြုံးလိုက်သည်။ မြေပုံကြည့်တုန်းက ဒီနေရာက အေးဆေးဆိတ်ငြိမ်လို့ ရွေးလိုက်တာ။ ဘေးနားမှာ ပန်းခြံနဲ့ ရေကန်ပဲ ရှိတယ်။ တခြားလူနေအိမ်တွေနဲ့ လည်း ဝေးတယ်။ ကိုယ်ဝန်ဆောင် ကာလမှာ အနားယူဖို့ အသင့်တော်ဆုံးပဲ။</p> <p style="text-align:justify"> </p> <p style="text-align:justify">နင်ချန် သူမလက်ကို ဆော့ကစားရင်း ပြောလိုက်သည်။</p> <p style="text-align:justify"> </p> <p style="text-align:justify">"အခုမှ နှစ်လပဲ ရှိသေးတယ်။ သုံးလပြည့်မှ ကြေညာမယ်။ အဲ့ဒီအချိန်ကျရင် ၁၁လပိုင်း ရောက်နေပြီ။ ဆောင်းတွင်းကြီး ပြောင်းရွှေ့ရတာ အဆင်မပြေလောက်ဘူး။ အဲ့ဒါကြောင့် နေရာဦးထားပြီး နောက်နှစ် ၂ လပိုင်းကျမှ ပြောင်းကြတာပေါ့။ နဂါးခေါင်းထောင်တဲ့ လဆိုတော့ နိမိတ်ကောင်းတယ်လေ"ဍ။”</p> <p style="text-align:justify"> </p> <p style="text-align:justify">"အရှင်မင်းကြီး စီစဉ်တာ ပြည့်စုံပါတယ်။ ဒီချန်းချဲ့က အရှင်မင်းကြီး ရင်ခွင်ထဲက ငှက်ကလေးလိုပဲ နေလိုက်ပါ့မယ်။”</p> <p style="text-align:justify"> </p> <p style="text-align:justify">ယဲ့ယွင် နွဲ့ပြီး မှီလိုက်သည်။ နင်ချန်လည်းသူမကို ဖက်ထားပြီး ရယ်မောလိုက်သည်။</p> <p style="text-align:justify"> </p> <p style="text-align:justify">"မင်းက ငှက်ကလေး မဟုတ်ပါဘူး။ ပျင်းရိလွန်းတဲ့ မြေခွေးမလေး ကျန်း စီစဉ်ပေးတာကို စောင့်နေတာမလား။”</p> <p style="text-align:justify"> </p> <p style="text-align:justify">"ပျင်းတာ ကောင်းတာပေါ့။ အရှင်မင်းကြီးက ချစ်တာပဲဟာ။”</p> <p style="text-align:justify"> </p> <p style="text-align:justify">ယဲ့ယွင် မျက်လုံးမှေးပြီး ပြုံးကာ လည်ပင်းကို သိုင်းဖက်လိုက်သည်။</p> <p style="text-align:justify"> </p> <p style="text-align:justify">ဒီကောင်မလေးတော့ ကိုယ်ဝန်ရှိနေတာတောင် မငြိမ်ဘူး။ ဒီနေ့ နင်ချန် နေ့လည်စာ အတူစားပြီး တစ်နာရီခန့် အတူအိပ်စက်ကာ ပြန်သွားသည်။ သူ နေချင်သော်လည်း ယဲ့ယွင်က ဖျားနာသည်ဟု သတင်းလွှင့်ထားသဖြင့် ညအိပ်၍ မရပေ။ ထို့အပြင် ကိုယ်ဝန်ရှိနေသဖြင့် စိတ်မထိန်းနိုင်ဘဲ မှားယွင်းမိမည်ကို စိုးရိမ်သောကြောင့် ဖြစ်သည်။</p> <p style="text-align:justify"> </p> <p style="text-align:justify">သို့သော် ယွီရှို့အဆောင်တွင် နေ့ဝက်ခန့်နေသွားသဖြင့် အခြားကိုယ်လုပ်တော်များက မနာလို ဖြစ်နေကြသည်။ နေမကောင်းတာတောင် မငြိမ်ဘဲ အရှင်မင်းကြီးကို မြှူဆွယ်နေတယ်လို့ ပြောကြတော့သည်။</p> <p style="text-align:justify"> </p> <p style="text-align:justify">ယဲ့ယွင် ဂရုမစိုက်ပေ။ ကိုယ်ဝန်အတွက်သာတိတ်တဆိတ် အားမွေးနေခဲ့သည်။</p> <p style="text-align:justify"> </p> <p style="text-align:justify">သုံးလပြည့်ပြီး ကိုယ်ဝန်ရှိကြောင်း ကြေညာလိုက်ရင် လူတွေ ဘယ်လို မျက်နှာထား ဖြစ်သွားမလဲ ဆိုတာ ကြိုမြင်ယောင်နေမိသည်။</p> <p style="text-align:justify">....</p> <p style="text-align:justify"> </p> <p style="text-align:justify">ယဲ့ယွင် အေးဆေးနေနိုင်သော်လည်း ကိုယ်ဝန်ဆောင်ထားသော ယောင်ရှန်းမှာမူ စိတ်မချမ်းသာပေ။</p> <p style="text-align:justify"> </p> <p style="text-align:justify">ဒီနေ့ သူမ၏ အဝတ်အစားသစ်များပေါ်တွင် မသန့်ရှင်းသော အရာများ တွေ့ရှိခဲ့သည်။</p> <p style="text-align:justify"> </p> <p style="text-align:justify">အဝတ်အစား တစ်ထည်ဖြစ်လာဖို့ အဆင့်ဆင့် ဖြတ်သန်းရသဖြင့် ဘယ်သူ့လက်ချက်လဲ ဆိုတာ စုံစမ်းရခက်သည်။</p> <p style="text-align:justify"> </p> <p style="text-align:justify">ပြီးခဲ့တဲ့ တစ်ခေါက်ကလည်း မန်ကျည်းဖျော်ရည်ထဲမှာ ဆေးခတ်ခံရသေးတယ်။ အဲ့တာကို ကျီကျူးက အရသာထူးခြားနေလို့ သတိထားမိလိုက်လို့တော်သေးတယ်။</p> <p style="text-align:justify"> </p> <p style="text-align:justify">ကိုယ်ဝန်ရှိတာ သိပြီး တစ်လလောက်အတွင်း နှစ်ကြိမ်တောင် လုပ်ကြံခံရပြီ။</p> <p style="text-align:justify">တကယ်ကို ကာကွယ်ရ ခက်ခဲလှပေသည်။</p> <p style="text-align:justify"> </p> <p style="text-align:center"> </p> <p style="text-align:center"> </p> <p style="text-align:center">***</p>


Save