Book List

<h2 style="text-align: center;">အခန်း ၅၂</h2> <h2 style="text-align: center;">ပွဲစဉ်သုံးသပ်ချက်</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify">ပွဲစဉ်ကတော့ မကြာခင် စတင်တော့မှာ ဖြစ်ပါတယ်။</p> <p style="text-align:justify"> </p> <p style="text-align:justify">ပထမဆုံး ယှဉ်ပြိုင်မယ့်သူကတော့ တာအိုဂိုဏ်းက ပိုင်ဟုန်ထူပဲ ဖြစ်ပါတယ်။ အတိဒုက္ခဖြတ်ကျော်ခြင်းအဆင့် တစ်ယောက်အနေနဲ့ သူက ဘယ်လို အံ့မခန်း စွမ်းဆောင်မှုတွေ ပြသမလဲဆိုတာ အားလုံး စောင့်ကြည့်လိုက်ကြရအောင်။</p> <p style="text-align:justify"> </p> <p style="text-align:justify">ကဲ... ကြည့်လိုက်ကြပါဦး။ ပိုင်ဟုန်ထူက အတိဒုက္ခဖြတ်ကျော်ခြင်းအဆင့် ဖြစ်ပါလျက်နဲ့၊ အရှက်မရှိဘဲ ခန္ဓာပေါင်းစည်းခြင်းအဆင့်သာရှိတဲ့ ကွန်ဖြူးရှပ်ဂိုဏ်းချုပ် တုန်းကျုံးရန်ကို ပြိုင်ဘက်အဖြစ် ရွေးချယ်လိုက်ပါပြီ။</p> <p style="text-align:justify"> </p> <p style="text-align:justify">တုန်းကျုံးရန်က ပိုင်ဟုန်ထူရဲ့ဖိတ်ခေါ်မှုကို အဖက်မလုပ်ပါဘူး။ ပိုင်ဟုန်ထူ ဘာဆက်လုပ်မလဲ... ဟော... သူ ဆွပေးနေပြီ။ ပိုင်ဟုန်ထူက တုန်းကျုံးရန်ကို အတင်း ရန်စနေပါပြီ။</p> <p style="text-align:justify"> </p> <p style="text-align:justify">ဆဲဆို ရန်စတဲ့ စကားလုံးတွေက တကယ်ကို နားမခံသာအောင် ဆိုးရွားလွန်းလှပါတယ်။ ငါသာ စင်တင်တင်ဆက်သူဆိုရင်တောင် ဒီစကားတွေကြားရင် တစ်ပွဲလောက် ထချလိုက်မိမှာ အသေအချာပါပဲ။ စိတ်ကို ထိန်းချုပ်နိုင်စွမ်းရှိတဲ့ ကွန်ဖြူးရှပ်ဂိုဏ်းချုပ်က ဘယ်လို ရွေးချယ်မလဲဆိုတာ ကြည့်ရတာ စိတ်လှုပ်ရှားစရာပါပဲ။</p> <p style="text-align:justify"> </p> <p style="text-align:justify">ထင်တဲ့အတိုင်းပါပဲ... တုန်းကျုံးရန်တစ်ယောက် ဒေါသထွက်လွန်းလို့ တုန်တုန်ယင်ယင်တောင် ဖြစ်နေပါပြီ... ဟော... သူ စိန်ခေါ်မှုကို လက်ခံလိုက်ပါပြီ။ သူ လက်ခံလိုက်ပါပြီ။</p> <p style="text-align:justify"> </p> <p style="text-align:justify">ပိုင်ဟုန်ထူရဲ့နည်းလမ်းတွေက အောက်တန်းကျပေမဲ့ တကယ်ကို အလုပ်ဖြစ်ပုံရပါတယ်။ တုန်းကျုံးရန်ရဲ့သတ္တိကို အားလုံး လက်ခုပ်တီးပြီး အားပေးလိုက်ကြရအောင်။</p> <p style="text-align:justify"> </p> <p style="text-align:justify">ကျန်းလီသည် ရုတ်တရက် လက်ခုပ်တီးလိုက်သဖြင့် ဘေးတွင် ထိုင်နေသော သူတော်စင်ကျန့်ရှင်းမှာ ကြောင်အသွားသည်။</p> <p style="text-align:justify"> </p> <p style="text-align:justify">ကျန်းလီကတော့ စိတ်ထဲမှ ဆက်လက်၍ ပွဲစဉ်သုံးသပ်ချက်ပေးနေ၏။</p> <p style="text-align:justify"> </p> <p style="text-align:justify">ဒီနေ့တော့ ငါတို့တွေ ကွန်ဖြူးရှပ်ဂိုဏ်းရဲ့ ပညာရှိစာမူကို မြင်တွေ့ခွင့်ရတော့မယ် ထင်တယ်။</p> <p style="text-align:justify"> </p> <p style="text-align:justify">တုန်းကျုံးရန်က ပညာရှိစာမူကို ထုတ်လိုက်ပါပြီ။ တကယ်ကို အစစ်ကြီးပဲ။ စစ်မှန်တဲ့ နတ်ဘုရားလက်နက်ပါပဲ။ ပြိုင်ပွဲဝင်နှစ်ဦးစလုံး ကောင်းကင်ယံသို့ ပျံတက်သွားကြပါပြီ။ တုန်းကျုံးရန်က ပိုင်ဟုန်ထူကို တရားဓမ္မတွေနဲ့ ဖျောင်းဖျပြီး တိုက်ပွဲကို ရပ်တန့်ဖို့ ကြိုးစားနေပါတယ်။ သူတို့ ဘာပြောနေလဲ နားထောင်ကြည့်ရအောင်။</p> <p style="text-align:justify"> </p> <p style="text-align:justify">"ဒါက နတ်ဘုရားလက်နက် ဖူးမြော်ပွဲလေ၊ နတ်ဘုရားလက်နက်နဲ့ တိုက်ရမှာ။ မင်းတို့ တာအိုဂိုဏ်းရဲ့ တစ်ခုတည်းသော နတ်ဘုရားလက်နက်က စင်ပေါ်မှာ တင်ထားတာလေ၊ မင်းက ဘာနဲ့ တိုက်မလို့လဲ"</p> <p style="text-align:justify"> </p> <p style="text-align:justify">"အဲ့လို ပြောလို့ ဘယ်ရမလဲ။ ဒါ ငါတို့ တာအိုဂိုဏ်းက ကျင်းပတဲ့ပွဲပဲ၊ ငါတို့က မတိုက်ရင် တာအိုဂိုဏ်းက ပွဲထဲမှာ အရာမထင်ဘဲ နေမှာပေါ့။ လာပါ... ငါ မင်းကို အနိုင်မကျင့်ပါဘူး။ လက်နက် မသုံးဘဲ လက်ဗလာနဲ့ပဲ နတ်ဘုရားလက်နက် ကိုင်ထားတဲ့ မင်းကို ရင်ဆိုင်ပေးမယ်"</p> <p style="text-align:justify"> </p> <p style="text-align:justify">တုန်းကျုံးရန်က ပိုင်ဟုန်ထူကို ဆက်ပြီး ဖျောင်းဖျဖို့ ကြိုးစားနေတုန်းမှာပဲ... ပိုင်ဟုန်ထူကတော့ ကျင့်ဝတ်ကို ဂရုမစိုက်ဘဲ အမှတ်မထင် ခိုးတိုက်လိုက်ပါပြီ။ ပွဲတောင် မစရသေးဘူး။ သူက အတိဒုက္ခဖြတ်ကျော်ခြင်းအဆင့် ဖြစ်ရဲ့သားနဲ့ ခန္ဓာပေါင်းစည်းခြင်းအဆင့်ကို ခိုးတိုက်တာပါ။</p> <p style="text-align:justify"> </p> <p style="text-align:justify">စင်တင်တင်ဆက်သူအနေနဲ့ တစ်ခွန်းလောက် ဆဲပါရစေ။</p> <p style="text-align:justify"> </p> <p style="text-align:justify">ပိုင်ဟုန်ထူ... မင်းကတော့ တကယ့်ကို ***** ပါပဲ။</p> <p style="text-align:justify"> </p> <p style="text-align:justify">တုန်းကျုံးရန်က ပညာရှိစာမူပေါ်မှာ စာလုံးတစ်လုံး ရေးလိုက်ပါပြီ။</p> <p style="text-align:justify">သူ ရေးလိုက်တဲ့ စာလုံးကတော့ "လွင့်စင်" ဖြစ်ပါတယ်။</p> <p style="text-align:justify"> </p> <p style="text-align:justify">အဲ့ဒီစာလုံးကို ပိုင်ဟုန်ထူရဲ့ကိုယ်ပေါ်မှာ ကပ်ဖို့ ကြိုးစားနေပါတယ်... ကပ်လိုက်နိုင်ပြီ။ အောင်မြင်သွားပါပြီ။</p> <p style="text-align:justify"> </p> <p style="text-align:justify">ပိုင်ဟုန်ထူ ဘယ်လို တုံ့ပြန်မလဲ... ဟော... သူ အင်္ကျီတွေ ချွတ်နေပြီ။ သူ အင်္ကျီချွတ်နေပြီ။ သူ့ရဲ့ တာအိုဝတ်ရုံကို ချွတ်ချလိုက်ပါပြီ။ ပိုင်ဟုန်ထူရဲ့ တာအိုဝတ်ရုံကတော့ လွင့်စင်သွားပါပြီ။ ဒါပေမဲ့ ပိုင်ဟုန်ထူကတော့ နေရာမှာတင် ရှိနေတုန်းပါပဲ။ သူ ဘာမှမဖြစ်ပါဘူး။</p> <p style="text-align:justify"> </p> <p style="text-align:justify">တကယ့်ကို အံ့မခန်း တိုက်ပွဲပါပဲ။</p> <p style="text-align:justify"> </p> <p style="text-align:justify">ကျင့်ကြံသူအပေါင်းတို့... ပိုင်ဟုန်ထူ ချွတ်ချလိုက်တဲ့ ဝတ်ရုံကို လုယက်တာမျိုး မပြုကြပါနဲ့။ တာအိုဂိုဏ်းတပည့်တွေအနေနဲ့ စည်းကမ်းလေး ထိန်းပေးကြပါဦး။ အရှက်ရစရာဖြစ်ပေမဲ့ အဲ့ဒီဝတ်ရုံက တာအိုကိရိယာဖြစ်လို့ ပြန်ကောက်ပေးကြပါဦး။</p> <p style="text-align:justify"> </p> <p style="text-align:justify">မြင်ကွင်းကို ပြန်ကြည့်ရအောင်။ တုန်းကျုံးရန်က နောက်ထပ် စာလုံးတစ်လုံး ထပ်ရေးပြီး ပိုင်ဟုန်ထူဆီ ကပ်လိုက်ပြန်ပါပြီ။</p> <p style="text-align:justify"> </p> <p style="text-align:justify">ပိုင်ဟုန်ထူက နောက်ထပ် တာအိုဝတ်ရုံ တစ်ထည်ကို ထပ်ချွတ်လိုက်ပြန်ပြီ။ သူ တစ်ကိုယ်လုံးမှာ ဝတ်ရုံ ဘယ်နှထည်တောင် ဝတ်ထားတာလဲ မသိဘူး။ ဒီနေ့အတွက် သူ သေသေချာချာ ပြင်ဆင်လာပုံရပါတယ်။</p> <p style="text-align:justify"> </p> <p style="text-align:justify">ဒါဆို တုန်းကျုံးရန်က ဒီတစ်ခါ ရှုံးသွားတာလား။</p> <p style="text-align:justify"> </p> <p style="text-align:justify">မဟုတ်ဘူး... မဟုတ်ဘူး... အခြေအနေက မမှန်တော့ဘူး။ ပိုင်ဟုန်ထူ ချွတ်ချလိုက်တဲ့ ဝတ်ရုံက တိုက်ခိုက်မယ့် ကိုယ်ဟန် ပြင်လိုက်ပြီး၊ ပိုင်ဟုန်ထူကို ပြန်တိုက်နေပါပြီ။</p> <p style="text-align:justify"> </p> <p style="text-align:justify">ဪ... တုန်းကျုံးရန် ရေးလိုက်တဲ့ စာလုံးက "တိုက်ပွဲ" ဆိုတဲ့ စာလုံးကိုး။</p> <p style="text-align:justify"> </p> <p style="text-align:justify">ဘယ်အရာကိုမဆို ကိုယ့်အတွက် တိုက်ခိုက်ပေးစေနိုင်တဲ့ "တိုက်ပွဲ" စာလုံးအဆောင်ပဲ ဖြစ်ပါတယ်။</p> <p style="text-align:justify"> </p> <p style="text-align:justify">တုန်းကျုံးရန်က အခွင့်ကောင်းယူပြီး နောက်ထပ် "သတ်ဖြတ်ခြင်း" ဆိုတဲ့ စာလုံး သုံးလုံးကို ဆက်တိုက် ရေးလိုက်ပြန်ပါတယ်။</p> <p style="text-align:justify"> </p> <p style="text-align:justify">ငါတို့ မြင်တွေ့နေရတာကတော့ အဲ့ဒီစာလုံးတွေက ရွှေရောင်ဝတ်စုံဝတ် နတ်မင်း သုံးပါးအဖြစ် ပြောင်းလဲသွားတာပါပဲ။ တစ်ပါးချင်းစီက ခန္ဓာပေါင်းစည်းခြင်း အထွတ်အထိပ် အဆင့်တွေချည်းပါပဲဗျာ။</p> <p style="text-align:justify"> </p> <p style="text-align:justify">တင်ဆက်သူ ရှောင်ကျန်းအနေနဲ့ ရှင်းပြပါရစေ။ ဒီနတ်မင်း သုံးပါးဟာ ကွန်ဖြူးရှပ်ဂိုဏ်းရဲ့ အစောင့်အရှောက်တွေ ဖြစ်ပါတယ်။ ကွန်ဖြူးရှပ်ဂိုဏ်းသားတစ်ယောက်ဟာ ခန္ဓာပေါင်းစည်းခြင်းအဆင့်ကိုရောက်တိုင်း ပညာရှိစာမူပေါ်မှာ သူတို့ရဲ့ပုံရိပ်ကို ချန်ထားရစ်ခဲ့ကြရပါတယ်။ "သတ်ဖြတ်ခြင်း" စာလုံးကို ရေးလိုက်တာနဲ့ အဲ့ဒီပုံရိပ်တွေက အစောင့်အရှောက်တွေအဖြစ် ထွက်ပေါ်လာပြီး ဂိုဏ်းကို ကာကွယ်ပေးကြတာ ဖြစ်ပါတယ်။</p> <p style="text-align:justify"> </p> <p style="text-align:justify">ကဲ... တိုက်ပွဲကတော့ အရမ်းကို ပြင်းထန်နေပါပြီ။ ပိုင်ဟုန်ထူကတော့ အကျပ်ရိုက်နေပါတယ်။ သူ့ရဲ့ ကိုယ်ပိုင်ဝတ်ရုံရယ်၊ ဓားကိုင်ထားတဲ့ နတ်မင်း သုံးပါးရယ်ရဲ့ ဝိုင်းဝန်းတိုက်ခိုက်မှုကို ခံနေရသလို၊ တုန်းကျုံးရန်ရဲ့တိုက်ကွက်တွေကိုလည်း သတိထားနေရပါတယ်။</p> <p style="text-align:justify"> </p> <p style="text-align:justify">ပိုင်ဟုန်ထူ သွေးအန်နေပါပြီ။ သူ တော်တော်လေး အရိုက်ခံနေရပြီ။</p> <p style="text-align:justify"> </p> <p style="text-align:justify">အားလုံးပဲ စိတ်မပူကြပါနဲ့။ အတိဒုက္ခဖြတ်ကျော်ခြင်းအဆင့်ဆိုတာ သွေးတစ်စက်ရှိရင် ပြန်ရှင်နိုင်တာမို့၊ ပိုင်ဟုန်ထူရဲ့ဒဏ်ရာတွေက အပေါ်ယံပါပဲ။</p> <p style="text-align:justify"> </p> <p style="text-align:justify">ဟော... ပိုင်ဟုန်ထူ ပြန်တိုက်ပြီ။ သူ နတ်မင်းတွေကို ကန်ထုတ်လိုက်ပြီ။ တုန်းကျုံးရန်ကိုလည်း ဒဏ်ရာရအောင် လုပ်လိုက်နိုင်ပြီ။</p> <p style="text-align:justify"> </p> <p style="text-align:justify">တိုက်ပွဲမြင်ကွင်းက တကယ်ကို ရက်စက်လှပါတယ်။ အသိပေးချက်အနေနဲ့ - အသက်မပြည့်သေးတဲ့ ကျင့်ကြံသူတွေအနေနဲ့ လူကြီးမိဘ အုပ်ထိန်းသူတွေနဲ့အတူ ကြည့်ရှုကြဖို့ တိုက်တွန်းပါရစေ။</p> <p style="text-align:justify"> </p> <p style="text-align:justify">တုန်းကျုံးရန် ဘယ်လို တုံ့ပြန်မလဲ။ သူ "ပြန်လည်ဆန်းသစ်ခြင်း" စာလုံးကို ရေးလိုက်ပါပြီ။ သူဟာ မူလအခြေအနေအတိုင်း ပြန်ဖြစ်သွားပါပြီ။</p> <p style="text-align:justify"> </p> <p style="text-align:justify">ပိုင်ဟုန်ထူက တာအိုအဆောင်ကို သုံးလိုက်ပါပြီ။ ကောင်းကင်ယံမှာ လှိုင်းထနေတဲ့ မြစ်ကြီးတစ်စင်း ပေါ်လာပါပြီ။</p> <p style="text-align:justify"> </p> <p style="text-align:justify">ဒါက တာအိုဂိုဏ်းရဲ့ ကျန်းဟိုင်ထျန်းချင်းအဆောင်ပဲ ဖြစ်ပါတယ်။</p> <p style="text-align:justify"> </p> <p style="text-align:justify">မြစ်ရေတွေက တုန်းကျုံးရန်ဆီကို အဟုန်နဲ့ ပြေးဝင်နေပါပြီ။ ကြောက်စရာ အရှိန်အဝါပါပဲ။ ဒါပေမဲ့ တုန်းကျုံးရန်က "သိမ်းဆည်း" စာလုံးနဲ့ အဲ့ဒီမြစ်ရေတွေကို စာမူထဲ သိမ်းလိုက်ပါပြီ။</p> <p style="text-align:justify"> </p> <p style="text-align:justify">တိုက်ပွဲကတော့ အလွန်အမင်း ပြင်းထန်နေပါတယ်။ ပိုင်ဟုန်ထူက အဆောင်တွေ တရစပ် သုံးနေသလို၊ တုန်းကျုံးရန်ကလည်း စာလုံးအဆောင်တွေနဲ့ ပြန်လည်တုံ့ပြန်နေပါတယ်။ နှစ်ယောက်စလုံး အပေးအယူ မျှနေကြပါတယ်။</p> <p style="text-align:justify"> </p> <p style="text-align:justify">တင်ဆက်သူရဲ့ စကားလုံး ကြွယ်ဝမှု မရှိတာကို ခွင့်လွှတ်ပေးကြပါဦး။</p> <p style="text-align:justify"> </p> <p style="text-align:justify">တုန်းကျုံးရန်က "သေဆုံး" စာလုံးကို ရေးပြီး ပိုင်ဟုန်ထူရဲ့နဖူးမှာ ကပ်လိုက်ပါပြီ။</p> <p style="text-align:justify"> </p> <p style="text-align:justify">ပိုင်ဟုန်ထူရဲ့ ယန်ဝိညာဉ်က ခန္ဓာကိုယ်ထဲက ထွက်လာပါပြီ။ သူက ဝိညာဉ်တိုက်ခိုက်မှု လုပ်တော့မှာပါ။ တုန်းကျုံးရန် တားနိုင်ပါ့မလား။</p> <p style="text-align:justify"> </p> <p style="text-align:justify">ကဲ... ပြိုင်ပွဲဝင် နှစ်ဦးစလုံးဟာ ဒါဟာ ရင်းနှီးမှုအတွက် ယှဉ်ပြိုင်ပွဲသာဖြစ်ကြောင်း သတိရသွားပုံရပြီး ခုနက တိုက်ကွက်တွေက အနည်းငယ် လွန်သွားတယ်လို့ ယူဆပုံရပါတယ်။</p> <p style="text-align:justify"> </p> <p style="text-align:justify">ပြိုင်ပွဲဝင်နှစ်ဦး လက်ဆွဲနှုတ်ဆက်ပြီး စစ်ပြေငြိမ်းလိုက်ကြပါပြီ... သူတို့ လက်ဆွဲနှုတ်ဆက်တာက အချိန်နည်းနည်း ကြာနေသလိုပဲ။</p> <p style="text-align:justify"> </p> <p style="text-align:justify">ပိုင်ဟုန်ထူရဲ့ နားထင်ကြောတွေ ထောင်နေသလို၊ တုန်းကျုံးရန်ကလည်း "ခွန်အား" စာလုံးကို ကိုင်ထားပုံရပါတယ်။</p> <p style="text-align:justify"> </p> <p style="text-align:justify">နောက်ဆုံးတော့ ပြိုင်ပွဲဝင်နှစ်ဦး လက်ချင်း ခွာလိုက်ကြပါပြီ။ ပထမအချီပြိုင်ပွဲကတော့ အောင်မြင်စွာ ပြီးဆုံးသွားခဲ့ပါပြီ။</p> <p style="text-align:justify"> </p> <p style="text-align:justify">"ရှင် ခုနက စိတ်ထဲမှာ အရမ်းတက်ကြွနေသလိုပဲနော်" သူတော်စင်ကျန့်ရှင်းက ကျန်းလီအား သံသယဖြင့် မေးလိုက်သည်။ ထိုခံစားချက်မှာ အခြေအမြစ်မရှိသော်လည်း သူမ၏ အလိုလိုသိစိတ်ကို သူမ ယုံကြည်နေသည်။</p> <p style="text-align:justify"> </p> <p style="text-align:justify">"ဘယ်မှာလဲ" ကျန်းလီက မျက်နှာသေဖြင့် ပြန်ဖြေသည်။</p> <p style="text-align:justify"> </p> <p style="text-align:justify">"အကယ်၍ ခုနက နှစ်ယောက် ဆက်တိုက်ရင် ဘယ်သူ နိုင်မလဲ" သူတော်စင်ကျန့်ရှင်းက ထိုကိစ္စကို ဆက်မမေးတော့ဘဲ မေးခွန်းပြောင်းလိုက်သည်။</p> <p style="text-align:justify"> </p> <p style="text-align:justify">"တုန်းကျုံးရန်က အစွမ်းကုန် သုံးထားတာ၊ ဒါပေမဲ့ ပိုင်ဟုန်ထူကတော့ အေးဆေးပါပဲ။ သူ အဆောင်မန္တာန်တွေ၊ အစီအရင်တွေကို တစ်ခုမှ မသုံးရသေးဘူး။ ပြီးတော့ သူတို့နှစ်ယောက်ရဲ့ တိုက်ခိုက်ရေးအတွေ့အကြုံက အဝေးကြီး ကွာခြားတယ်၊ တုန်းကျုံးရန်က ပိုင်ဟုန်ထူကို မမီပါဘူး"</p> <p style="text-align:justify"> </p> <p style="text-align:justify">"နတ်ဘုရားလက်နက်က ခန္ဓာပေါင်းစည်းခြင်းနဲ့ အတိဒုက္ခဖြတ်ကျော်ခြင်းကြားက ကွာဟချက်ကို ဖြည့်ဆည်းပေးနိုင်တယ်လို့ ကျွန်မ သိထားတာလေ"</p> <p style="text-align:justify"> </p> <p style="text-align:justify">"မင်းပြောတာက တိုက်ခိုက်ရေး သက်သက်အတွက် သုံးတဲ့ နတ်ဘုရားလက်နက်တွေကို ပြောတာပါ။ ဥပမာ - ဖုန်လိုင်ကျွန်းက ထာ့ရှန်းကျောက် လိုမျိုးပေါ့။ အကယ်၍ ဖုန်လိုင်ကျွန်းသခင်ကသာ ထာ့ရှန်းကျောက်ကို ကိုင်ထားရင် ပိုင်ဟုန်ထူတောင် အရိုက်ခံရုံပဲ ရှိတော့မှာ"</p> <p style="text-align:justify"> </p> <p style="text-align:justify">"လူသားဧကရာဇ်က ကျွန်မကို ဒီလောက်တောင် အထင်ကြီးနေတာလား" သူတို့နှစ်ဦး ပွင့်ပွင့်လင်းလင်း စကားပြောနေကြစဉ် ဘေးတွင် ထိုင်နေသော ဖုန်လိုင်ကျွန်းသခင်က ပြုံးလျက် ဝင်ပြောလိုက်သည်။</p> <p style="text-align:justify"> </p> <p style="text-align:justify">ဖုန်လိုင်ကျွန်းသခင် မော့ရို့ယွီသည် ကိုယ်လုံးကိုယ်ပေါက် အလွန်လှပသော အမျိုးသမီးကြီး တစ်ဦး ဖြစ်သည်။ မျက်လုံးထောင့်တွင် မျက်ရည်ခံမှဲ့လေး တစ်လုံးရှိပြီး၊ ခန္ဓာပေါင်းစည်းခြင်း အထွတ်အထိပ်အဆင့် ကျင့်ကြံသူ ဖြစ်သည်။ ကျန်းလီ ချီသန့်စင်ခြင်းအဆင့်မှာသာ ရှိသေးစဉ်ကပင် သူမသည် ဖုန်လိုင်ကျွန်းသခင် ဖြစ်နေခဲ့ပြီဖြစ်သည်။</p> <p style="text-align:justify"> </p> <p style="text-align:justify">"မဟုတ်ပါဘူး... အမှန်အတိုင်း ပြောတာပါ။ ကျွန်းသခင် မော့ကော... ဗုဒ္ဓဂိုဏ်းရဲ့ ဗြဟ္မာမျှော်စင်ကို စိန်ခေါ်ချင်တာလား၊ ထျန်းယွမ်အင်ပါယာရဲ့ ဆန္ဒပြည့်ဘူးသီးကို စိန်ခေါ်မလား၊ ဒါမှမဟုတ် မဟာကျိုးအင်ပါယာရဲ့ အတိတ်အနာဂတ်ဓားကို စိန်ခေါ်မလား"</p> <p style="text-align:justify"> </p> <p style="text-align:justify">"ဘုန်းကြီးအိုကြီးက မရှိဘူးလေ၊ ဆန္ဒပြည့်ဘူးသီးနဲ့လည်း တိုက်ဖူးတာ အကြိမ်ကြိမ်ပဲ။ မဟာကျိုးရဲ့ အတိတ်အနာဂတ်ဓားကတော့ အချိန်နဲ့ နေရာလွတ်ကို နှောင့်ယှက်နိုင်တယ်လို့ ကြားဖူးပေမဲ့ တစ်ခါမှ မတိုက်ဖူးသေးဘူး"</p> <p style="text-align:justify"> </p> <p style="text-align:justify">"ကျီကျစ် ... မင်းရဲ့ မဟာကျိုးက အတိတ်အနာဂတ်ဓားကို ငါ တစ်ချက်လောက် စမ်းကြည့်ပါရစေ။" ဖုန်လိုင်ကျွန်းသခင် မော့ရို့ယွီသည် နေရာမှ ထရပ်ကာ ကျီကျစ်အား ပြောလိုက်လေတော့သည်။</p> <p style="text-align:justify"> </p> <p style="text-align:justify">ကျီကျစ်ကလည်း ဝမ်းမြောက်စွာ လက်ခံလိုက်သည်။</p> <p style="text-align:justify"> </p> <p style="text-align:justify">တာအိုဂိုဏ်းတွင်ရှိနေသဖြင့် သူသည် နိုင်ငံတော်ကံကြမ္မာ အရှိန်အဝါဖြင့် ခန္ဓာပေါင်းစည်းခြင်း အထွတ်အထိပ်အထိသာ ရောက်ရှိနိုင်ရာ၊ မော့ရို့ယွီနှင့် တိုက်ခိုက်ရန်မှာ အကောင်းဆုံး အခြေအနေပင် ဖြစ်တော့သည်။</p> <p style="text-align:justify"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save