Book List

<h2 style="text-align: center;">အခန်း ၅၄</h2> <h2 style="text-align: center;">ကျိုကျိုးတိုက်ကြီး၏ မဟာဝရုန်းသုန်းကား</h2> <h2 style="text-align: center;">*</h2> <p> </p> <p style="text-align:justify"> </p> <p style="text-align:justify">ယင်ယန်ကောင်းကင်စည်းတံဆိပ်သည် လက်ဖဝါးခန့်သာရှိသော ကျောက်စိမ်းတံဆိပ်တစ်ခု ဖြစ်သော်လည်း၊ ယခုအချိန်တွင်မူ လူတိုင်း၏အကြည့်များကို ဆွဲဆောင်ထားသည်။</p> <p style="text-align:justify"> </p> <p style="text-align:justify">ယင်ယန်ကောင်းကင်စည်းတံဆိပ်၏ မိမိကိုယ်ကိုယ် ပြန်လည်သန့်စင်ခြင်းကို အကြိမ်ကြိမ် မြင်ဖူးခဲ့သော ချန်ချွန်းရှန်းဝမ်ပင်လျှင် ဖုန်းကျိလိုဏ်ဂူထဲမှ ထွက်လာကာ တံဆိပ်ကို လွမ်းဆွတ်တသစွာ စိုက်ကြည့်နေမိသည်။</p> <p style="text-align:justify"> </p> <p style="text-align:justify">ဘယ်သူမှ စေခိုင်းခြင်းမရှိ၊ ဝိညာဉ်စွမ်းအား လှုပ်ခတ်မှုလည်းမရှိဘဲ ယင်ယန်ကောင်းကင်စည်းတံဆိပ်သည် ဖြည်းညှင်းစွာ လည်ပတ်လာပြီး၊ ၎င်း၏နောက်ကွယ်မှ အမြီးချင်းခဲနေသော အမည်းနှင့် အဖြူ ငါးနှစ်ကောင်မှာမူ ရပ်တန့်သွားသည်။</p> <p style="text-align:justify"> </p> <p style="text-align:justify">တံဆိပ် လည်ပတ်လာသည်နှင့်အမျှ "အကျိုးတရားတို့၏ အကြောင်းရင်း၊ အကြောင်းတရားတို့၏ ရလဒ်" ဟူသော အရှိန်အဝါမှာ ပိုမို လေးလံလာပြီး၊ လူတိုင်းသည် မိမိနှင့် တံဆိပ်ကြားရှိ ဆက်နွှယ်မှု ပိုမိုနက်ရှိုင်းလာသည်ဟု ခံစားရလေသည်။</p> <p style="text-align:justify"> </p> <p style="text-align:justify">ဤတံဆိပ်နှင့် ငါသည် ရေစက်ရှိသည်၊ ကံတရား ရှိသည်။ ဒါဟာ ကျိုကျိုးရဲ့ နံပါတ်တစ် ရတနာပဲ၊ ငါပဲ ပိုင်ဆိုင်သင့်တာပေါ့။</p> <p style="text-align:justify"> </p> <p style="text-align:justify">ထိုအတွေးမျိုးသည် လူတိုင်း၏စိတ်ထဲတွင် ပေါ်ပေါက်လာပြီး၊ နောက်ဆုံးတွင် တစ်စုံတစ်ယောက်မှာ မအောင့်နိုင်တော့ဘဲ လုယူရန် ကြိုးစားတော့သည်။</p> <p style="text-align:justify"> </p> <p style="text-align:justify">ထိုသူမှာ ခန္ဓာပေါင်းစည်းခြင်းအဆင့် ကျင့်ကြံသူတစ်ဦးဖြစ်ပြီး ကျိုကျိုးတိုက်ကြီးတွင် ထိပ်တန်းကျွမ်းကျင်သူဟု သတ်မှတ်နိုင်သူ ဖြစ်သည်။ သူသည် ဤကဲ့သို့သော ရတနာကို ကိုင်ဆောင်ရန် မိမိတွင် အရည်အချင်းရှိသည်ဟု ယုံကြည်လိုက်ခြင်းဖြစ်သည်။</p> <p style="text-align:justify"> </p> <p style="text-align:justify">တာအိုဂိုဏ်းချုပ် ပိုင်ဟုန်ထူ မလှုပ်ရှားရသေးမီမှာပင်၊ တာအိုဂိုဏ်း၏ ခန္ဓာပေါင်းစည်းခြင်းအဆင့် အကြီးအကဲ အချို့က ထိုသူအား ဝိုင်းဝန်း ဖမ်းချုပ်လိုက်ကြသည်။</p> <p style="text-align:justify"> </p> <p style="text-align:justify">တာအိုဂိုဏ်းတွင် အခြားအရာမရှိလျှင်ပင် ခန္ဓာပေါင်းစည်းခြင်းအဆင့် အကြီးအကဲများမှာမူ ပေါများလှသည် မဟုတ်လား။</p> <p style="text-align:justify"> </p> <p style="text-align:justify">လူအုပ်ကြီးထဲမှ အခြားသော ကျင့်ကြံသူအချို့လည်း ထပ်မံ ကြိုးစားကြပြန်သည်။ ခန္ဓာပေါင်းစည်းခြင်းအဆင့်သာမက၊ ဝိညာဉ်အသွင်ပြောင်းခြင်းနှင့် ဝိညာဉ်သန္ဓေအဆင့်များပင်လျှင် ယင်ယန်ကောင်းကင်စည်းတံဆိပ်ကို ရယူလိုစိတ်များ တားမရ ဆီးမရ ဖြစ်နေကြသည်။</p> <p style="text-align:justify"> </p> <p style="text-align:justify">"တံဆိပ်ရဲ့အစွမ်းက လူတွေရဲ့အသိဉာဏ်ကို ဖုံးလွှမ်းသွားပြီပဲ" ကျန်းလီ သက်ပြင်းချလိုက်မိသည်။</p> <p style="text-align:justify"> </p> <p style="text-align:justify">စင်မြင့်ပေါ်ရှိ အင်အားကြီး ပုဂ္ဂိုလ်များ၏စိတ်ထဲတွင်လည်း "ဤအရာသည် ငါနှင့် ရေစက်ရှိသည်" ဟူသော အတွေးများ ပေါ်လာသော်လည်း၊ သူတို့ကမူ စိတ်ကို ကောင်းမွန်စွာ ထိန်းချုပ်နိုင်ကြသည်။</p> <p style="text-align:justify"> </p> <p style="text-align:justify">သူတို့၏အစွမ်းများ မတူညီကြဘဲ၊ ဧကရာဇ် အများစုမှာ ဝိညာဉ်အသွင်ပြောင်းခြင်း သို့မဟုတ် ဝိညာဉ်သန္ဓေအဆင့်သာ ရှိကြသော်လည်း၊ သူတို့၏ စိတ်ဓာတ်ကြံ့ခိုင်မှုမှာမူ အောက်ရှိ ကျင့်ကြံသူများထက် သာလွန်ကြသည်။</p> <p style="text-align:justify"> </p> <p style="text-align:justify">၎င်းပြင် အကယ်၍ သူတို့သာ တံဆိပ်ကို လုယူရန် ကြိုးစားပါက၊ တာအိုဂိုဏ်းချုပ်နှင့် လက်ရှိ လူသားဧကရာဇ်တို့၏ နှိမ်နင်းခြင်းကို ခံရမည်ဖြစ်ပြီး အရှက်တကွဲဖြစ်ရမည်ကိုလည်း သူတို့ သိထားကြသည်။</p> <p style="text-align:justify"> </p> <p style="text-align:justify">ထိုစဉ် အတိဒုက္ခတိမ်တိုက်များ စုစည်းလာပြီး ကောင်းကင်ဘုံ၏ အရှိန်အဝါများမှာ တစ်လောကလုံးကို လွှမ်းခြုံသွားသည်။ ယင်ယန်ကောင်းကင်စည်းတံဆိပ်၏ နောက်ထပ်တစ်ဆင့်တိုးမြင့်ခြင်းမှာ လောကနိယာမများကို ထိပါးနေသကဲ့သို့ ကောင်းကင်တာအိုက လက်မခံနိုင်ဘဲဖြစ်နေပုံရသည်။</p> <p style="text-align:justify"> </p> <p style="text-align:justify">အတိဒုက္ခဖြတ်ကျော်ခြင်းအဆင့်ရှိသော ပိုင်ဟုန်ထူပင်လျှင် မျက်နှာဖြူလျော့ကာ ချွေးစေးများ ပြန်လာရသည်။ ဤအတိဒုက္ခမှာ အလွန်ပင် ကြောက်စရာကောင်းလှပြီး သာမန်လူသားများ ရင်ဆိုင်နိုင်သော အရာမျိုး မဟုတ်ပေ။ ကျန်းလီ၏အတိဒုက္ခနှင့် ဘယ်သူက ပို၍ ကြောက်စရာကောင်းမလဲဟု သူ တွေးနေမိသည်။</p> <p style="text-align:justify"> </p> <p style="text-align:justify">ကျန်းလီသည် အတိဒုက္ခကို (၁၅) ကြိမ်တိုင်တိုင် ကျော်ဖြတ်ခဲ့ဖူးပြီး၊ တစ်ကြိမ်ထက် တစ်ကြိမ် ပို၍ ပြင်းထန်ခဲ့သည် မဟုတ်လား။</p> <p style="text-align:justify"> </p> <p style="text-align:justify">သူသည် ကျန်းလီကို ခိုးကြည့်လိုက်ရာ၊ ကျန်းလီမှာမူ နတ်ဘုရားလက်နက်၏ အတိဒုက္ခကို စိတ်အားထက်သန်စွာ ကြည့်ရှုနေပြီး မည်သည့် သက်ရောက်မှုမျှ ရှိပုံမရပေ။ ပိုင်ဟုန်ထူသည် အတိဒုက္ခအကြောင်း မေးချင်သော်လည်း ကောင်းကင်ဘုံ၏ ဖိအားအောက်တွင် ပါးစပ်ပင် ဟ၍ မရတော့ပေ။</p> <p style="text-align:justify"> </p> <p style="text-align:justify">ပိုင်ဟုန်ထူပင် ဤသို့ဖြစ်နေလျှင် ကျန်သူများမှာမူ ပြောနေစရာပင် မလိုတော့ဘဲ ယင်ယန်ကောင်းကင်စည်းတံဆိပ်ကို ဘယ်သူမှ မက်မောခြင်း မပြုဝံ့ကြတော့ပေ။</p> <p style="text-align:justify"> </p> <p style="text-align:justify">"ဒါက မြေ၊ ရေ၊ မီး၊ လေ ဆိုတဲ့ အတိဒုက္ခကြီး ၄ ပါးပဲ။" ချန်ချွန်းရှန်းဝမ်က နတ်ဘုရားလက်နက်၏ အတိဒုက္ခကို တစ်ချက်တည်းနှင့် သိလိုက်သည်။ သူ့မျက်နှာမှာ တည်ကြည်လေးနက်နေပြီး မျက်မှောင်ကြုတ်လျက် - "နတ်ဘုရားဘုံမှာ ပြောစကားတစ်ခု ရှိတယ်။ ကမ္ဘာလောကကို ဒီဓာတ်ကြီး ၄ ပါးနဲ့ ဖွဲ့စည်းထားတာမို့လို့၊ ဒီအတိဒုက္ခဟာ ကမ္ဘာသစ်ကို ဖန်တီးနိုင်သလို၊ ကမ္ဘာဟောင်းကိုလည်း ဖျက်ဆီးပစ်နိုင်တဲ့ အရမ်းကြောက်စရာကောင်းတဲ့ အရာပဲ။"</p> <p style="text-align:justify"> </p> <p style="text-align:justify">ယင်ယန်ကောင်းကင်စည်းတံဆိပ်သည် ထိုအတိဒုက္ခ ၄ ထပ်၏ ဆေးကြောခြင်းကို ခံယူနေရသည်။ စိမ်းဖန့်ဖန့် ကျောက်စိမ်းရောင်မှသည် တဖြည်းဖြည်း မှန်သားကဲ့သို့ ကြည်လင်လာပြီး အသစ်တစ်ဖန် မွေးဖွားလာသကဲ့သို့ ရှိနေ၏။</p> <p style="text-align:justify"> </p> <p style="text-align:justify">မီးအတိဒုက္ခအတွင်းမှ မီးပွားတစ်စက်မှာ ဘေးသို့ လွင့်စင်သွားရာ၊ မလှမ်းမကမ်းရှိ တောင်ကြီးတစ်လုံးကို ဖန်သားပြင်အဖြစ် လောင်ကျွမ်းသွားစေသည်။</p> <p style="text-align:justify"> </p> <p style="text-align:justify">ရေအတိဒုက္ခမှ ရေတစ်စက် အောက်သို့ ကျဆင်းသွားရာ၊ အောက်ခြေမမြင်နိုင်သော တွင်းကြီးတစ်ခု ဖြစ်ပေါ်သွားပြီး ကျိုကျိုးတိုက်ကြီး၏ ကျောဘက်အထိ ပေါက်ထွက်သွားတော့မည့်အလား ရှိနေသည်။</p> <p style="text-align:justify"> </p> <p style="text-align:justify">ယင်ယန်ကောင်းကင်စည်းတံဆိပ်၏ လည်ပတ်နှုန်းမှာ တဖြည်းဖြည်း နှေးကွေးသွားပြီး ကြည်လင်မှုမှာလည်း ပိုမို တိုးမြင့်လာသည်။ အတိဒုက္ခ ၄ ပါးမှာလည်း အားကုန်သုံး၍ တံဆိပ်ကို ဖျက်ဆီးရန် ကြိုးစားနေကြသည်။</p> <p style="text-align:justify"> </p> <p style="text-align:justify">တာအိုဘိုးဘေးသည် တကယ့်ကို ပါရမီရှင် ဖြစ်လှသည်။ သူ သန့်စင်ခဲ့သော ယင်ယန်ကောင်းကင်စည်းတံဆိပ်မှာလည်း အလွန် ထူးကဲလှသည်။ ချန်ချွန်းရှန်းဝမ်၏အဆိုအရ - နတ်ဘုရားလက်နက် အားလုံးသည် သခင်ဖြစ်သူ၏ သန့်စင်မှုဖြင့်သာ အဆင့်တက်နိုင်သော်လည်း၊ ယင်ယန်ကောင်းကင်စည်းတံဆိပ် တစ်ခုတည်းသာလျှင် မိမိကိုယ်တိုင် ပြန်လည်သန့်စင်နိုင်စွမ်းရှိခြင်းဖြစ်သည်။</p> <p style="text-align:justify"> </p> <p style="text-align:justify">ဤကြောက်မက်ဖွယ်ကောင်းသော အတိဒုက္ခများကြားတွင် ယင်ယန်ကောင်းကင်စည်းတံဆိပ်သည် မိမိကိုယ်ကိုယ် အဆင့်မြှင့်တင်နေပြီး၊ နောက်ဆုံးတွင် လည်ပတ်ခြင်း ရပ်တန့်သွားကာ တစ်ကိုယ်လုံးမှာ ပုလဲရတနာကဲ့သို့ အပြစ်အနာအဆာကင်းပြီး ကြည်လင်တောက်ပသော မှန်သားပြင်အဖြစ် ပြောင်းလဲသွားသည်။ လောကီဖုန်မှုန့် တစ်စက်မျှ မကပ်ညှိတော့ပေ။</p> <p style="text-align:justify"> </p> <p style="text-align:justify">ယင်ယန်ကောင်းကင်စည်းတံဆိပ်သည် အသာအယာ တုန်ခါလိုက်ရုံဖြင့် အတိဒုက္ခ ၄ ပါးစလုံးကို အစိတ်စိတ်အမွှာမွှာ ချေဖျက်ပစ်လိုက်တော့သည်။</p> <p style="text-align:justify"> </p> <p style="text-align:justify">တံဆိပ်သည် အောင်မြင်စွာဖြင့် နောက်ထပ်တစ်ဆင့်ကို သန့်စင်နိုင်ခဲ့ပြီဖြစ်သည်။</p> <p style="text-align:justify"> </p> <p style="text-align:justify">"နောက်ဆုံးတော့ ပြီးသွားပြီ။"</p> <p style="text-align:justify"> </p> <p style="text-align:justify">ပိုင်ဟုန်ထူ သက်ပြင်းချလိုက်သလို၊ ၎င်းမှာ လူတိုင်း၏အတွေးလည်း ဖြစ်သည်။</p> <p style="text-align:justify"> </p> <p style="text-align:justify">"ဂုဏ်ယူပါတယ် ဂိုဏ်းချုပ်ပိုင်... ဒီလို ထူးကဲတဲ့ နတ်ဘုရားလက်နက်ကို ကိုင်ဆောင်နိုင်ခဲ့ပြီပဲ။"</p> <p style="text-align:justify"> </p> <p style="text-align:justify">"တာအိုဂိုဏ်းရဲ့အခြေခံက တကယ်ကို နက်ရှိုင်းလှပါတယ်။"</p> <p style="text-align:justify"> </p> <p style="text-align:justify">"ဒီနေ့တော့ တကယ်ကို မျက်စိပွင့်သွားရတယ်။"</p> <p style="text-align:justify"> </p> <p style="text-align:justify">စင်မြင့်ပေါ်ရှိ လူများက ပိုင်ဟုန်ထူအား အဆက်မပြတ် ဂုဏ်ပြုစကား ဆိုကြရာ၊ ပိုင်ဟုန်ထူမှာလည်း ပြုံးရွှင်လျက် ဂုဏ်ယူနေမိသည်။</p> <p style="text-align:justify"> </p> <p style="text-align:justify">"ဟွန့် သာမန်လူသားတွေ... ခန္ဓာကိုယ်ကလည်း အားနည်းလိုက်တာ၊ ဘာအရည်အချင်းနဲ့ ငါ့ကို ကိုင်ဆောင်ချင်နေရတာလဲ?"</p> <p style="text-align:justify"> </p> <p style="text-align:justify">တစ်ခါမျှ မကြားဖူးသော ကလေးငယ်တစ်ဦး၏အသံသည် တာအိုဂိုဏ်းတစ်ခုလုံးသို့ ပျံ့နှံ့သွားသည်။ လေသံမှာ အလွန်ပင် မောက်မာလှသည်။</p> <p style="text-align:justify"> </p> <p style="text-align:justify">"ဘယ်သူလဲ ရိုင်းလှချည်လား။"</p> <p style="text-align:justify">တာအိုဂိုဏ်း အကြီးအကဲတစ်ဦးက ဟိန်းဟောက်လိုက်သော်လည်း အသံရှင်ကို ရှာမတွေ့ပေ။</p> <p style="text-align:justify"> </p> <p style="text-align:justify">"အပေါ်မှာ" ကျန်းလီက မျက်မှောင်ကြုတ်ကာ ကောင်းကင်သို့ မော့ကြည့်လိုက်သည်။</p> <p style="text-align:justify"> </p> <p style="text-align:justify">"မျက်စိလျင်တဲ့သူ တစ်ယောက်တော့ ပါလာသားပဲ" ထိုကလေးသံလေးမှာ လှောင်ပြောင်မှုများဖြင့် ပြည့်နှက်နေပြီး ကျန်းလီကိုပင် အမှုမထားပေ။ သို့သော် လူတိုင်းကမူ သူ ဘာပြောသည်ကို ဂရုမစိုက်နိုင်ကြတော့ဘဲ၊ ၎င်းမှာ စကားပြောနေသည်ဟူသော အချက်ကိုပင် မယုံနိုင်ဘဲ ဖြစ်နေကြသည်။</p> <p style="text-align:justify"> </p> <p style="text-align:justify">ယင်ယန်ကောင်းကင်စည်းတံဆိပ်က စကားပြောနေခြင်းဖြစ်သည်။</p> <p style="text-align:justify"> </p> <p style="text-align:justify">"မင်း... မင်းက ဘယ်သူလဲ။" တာအိုဂိုဏ်းချုပ်က ပြင်းထန်စွာ မေးခွန်းထုတ်လိုက်သည်။ ရတနာတစ်ခုက စကားပြောနိုင်သည်ဟု သူ တစ်ခါမျှ မကြားဖူးပေ။</p> <p style="text-align:justify"> </p> <p style="text-align:justify">နတ်ဘုရားလက်နက်များတွင်ပင် ထိုသို့ရှိကြောင်း မကြားဖူးပါ။</p> <p style="text-align:justify"> </p> <p style="text-align:justify">"ဟားဟားဟား... ငါက ဘယ်သူလဲ ဟုတ်လား။ ငါက ယင်ယန်ကောင်းကင်စည်းတံဆိပ်ပေါ့။" ယင်ယန်ကောင်းကင်စည်းတံဆိပ်သည် လေထဲတွင် ကွမ်းသီးတစ်ပတ် လှည့်လိုက်ရာ၊ ၎င်းမှာ သူ၏မွေးဖွားခြင်းကို အောင်ပွဲခံနေသကဲ့သို့ပင်။</p> <p style="text-align:justify"> </p> <p style="text-align:justify">"ယင်ယန်ကောင်းကင်စည်းတံဆိပ်က မိမိကိုယ်ကိုယ် ပြန်လည်သန့်စင်ခြင်း ၈ ကြိမ် ကြုံဖူးပြီးပြီ၊ အခုကတော့ ၉ ကြိမ်မြောက်ပေါ့။ နတ်ဘုရားလက်နက်တစ်ခုဟာ ၉ ကြိမ်မြောက် ပြန်လည်သန့်စင်ပြီးရင် အသိဉာဏ်ပွင့်လာတတ်တယ်ဆိုတာ ဒဏ္ဍာရီလို့ပဲ ငါ ထင်ခဲ့တာ၊ အခုတော့ တကယ် ဖြစ်လာခဲ့ပြီပဲ။" ချန်ချွန်းရှန်းဝမ်သည် စင်မြင့်သို့ ရောက်လာပြီး ရန်သူကို ရင်ဆိုင်ရသကဲ့သို့ သတိထားနေသည်။</p> <p style="text-align:justify"> </p> <p style="text-align:justify">"ချန်ချွန်း ဂျူနီယာညီလေး"</p> <p style="text-align:justify"> </p> <p style="text-align:justify">"တံဆိပ် စီနီယာအစ်ကိုကြီး"</p> <p style="text-align:justify"> </p> <p style="text-align:justify">ယင်ယန်ကောင်းကင်စည်းတံဆိပ်နှင့် ချန်ချွန်းရှန်းဝမ်တို့သည် အချင်းချင်း ဂါရဝပြုလိုက်ကြသည်။</p> <p style="text-align:justify"> </p> <p style="text-align:justify">အကယ်၍ ယင်ယန်ကောင်းကင်စည်းတံဆိပ်သာ အသိဉာဏ်မပွင့်ခဲ့လျှင် ၎င်းမှာ တာအိုဘိုးဘေး၏ လက်နက်တစ်ခုသာ ဖြစ်ပေလိမ့်မည်။ သို့သော် ယခု အသိဉာဏ် ပွင့်လာပြီဖြစ်ရာ ၎င်းမှာ တာအိုဘိုးဘေး၏ တပည့်တစ်ဦး ဖြစ်လာခဲ့ပြီဖြစ်သည်။</p> <p style="text-align:justify"> </p> <p style="text-align:justify">ချန်ချွန်းရှန်းဝမ်မှာ ကျိုကျိုး၏ ရှေးအကျဆုံး ပုဂ္ဂိုလ်ဖြစ်သော်လည်း၊ တာအိုဘိုးဘေး၏ အငယ်ဆုံးတပည့်ဖြစ်သည့်အတွက်၊ အဆင့်အတန်းအရ သူသည် ယင်ယန်ကောင်းကင်စည်းတံဆိပ်၏ ဂျူနီယာညီလေး ဖြစ်နေခြင်းပင်။</p> <p style="text-align:justify"> </p> <p style="text-align:justify">"စီနီယာအစ်ကိုကြီး အသိဉာဏ်ပွင့်လာတာ တကယ့်ကို ဝမ်းသာစရာပါပဲ။ နောင်မှာ ဘယ်လို အစီအစဉ်တွေ ရှိလဲဆိုတာ သိပါရစေ။ စိတ်မရှိဘူးဆိုရင် တာအိုဂိုဏ်းမှာပဲ နေပါလား" ချန်ချွန်းရှန်းဝမ်က အလွန်ပင် ယဉ်ကျေးစွာ ဖိတ်ခေါ်လိုက်သည်။ အသိဉာဏ်ရှိသော နတ်ဘုရားလက်နက်တစ်ခုမှာ မည်မျှ အစွမ်းထက်မည်ကို သူ မခန့်မှန်းနိုင်သောကြောင့်ဖြစ်သည်။</p> <p style="text-align:justify"> </p> <p style="text-align:justify">ယင်ယန်ကောင်းကင်စည်းတံဆိပ်က ကိုယ်ထည်ကို ယမ်းလိုက်ရာ ခေါင်းခါပြနေသကဲ့သို့ပင် - "ညီလေးရဲ့စေတနာကို ကျေးဇူးတင်ပါတယ်။ ဒါပေမဲ့ အခု ငါ လုပ်ချင်တဲ့ အလုပ်က တစ်ခုတည်းပဲ ရှိတယ်"</p> <p style="text-align:justify"> </p> <p style="text-align:justify">ယင်ယန်ကောင်းကင်စည်းတံဆိပ်၏အသံမှာ ရုတ်တရက် ကျယ်လောင်လာပြီး ကျိုကျိုးတစ်တိုက်လုံးသို့ ပျံ့နှံ့သွားသည်။ အဝေးဆုံး ပင်လယ်နက်အတွင်းရှိ နဂါးနန်းတော်တွင်ပင် ရှင်းလင်းစွာ ကြားရလေသည်။</p> <p style="text-align:justify"> </p> <p style="text-align:justify">"လောကရှိ ရတနာအားလုံးကို လွတ်လပ်ခွင့် ပေးမယ်၊ ရတနာအင်ပါယာကို တည်ထောင်မယ်။"</p> <p style="text-align:justify"> </p> <p style="text-align:justify">"လူသားတွေက တကယ်ကို ရက်စက်ကြတယ်။ ငါတို့ ရတနာတွေကိုသုံးပြီး အချင်းချင်း သတ်ဖြတ်နေကြတယ်။"</p> <p style="text-align:justify"> </p> <p style="text-align:justify">"မင်းတို့ လူသားတွေက ဘာအရည်အချင်းနဲ့ ငါတို့ကို ပိုင်ဆိုင်ချင်နေရတာလဲ။ ငါတို့ ရတနာတွေဟာ လွတ်လပ်တဲ့ တည်ရှိမှုတွေပဲ။"</p> <p style="text-align:justify"> </p> <p style="text-align:justify">ထိုကဲ့သို့သော စကားလုံးများကို ကလေးသံလေးဖြင့်ပြောနေခြင်းမှာ ရယ်စရာကောင်းလှသော်လည်း၊ ထိုနေရာတွင် ရှိနေသူ ဘယ်သူမှ မရယ်နိုင်ကြပေ။</p> <p style="text-align:justify"> </p> <p style="text-align:justify">အကြောင်းမှာ သူတို့ ကိုင်ဆောင်ထားသော ရတနာများမှာ စတင် လှုပ်ခတ်လာကြသောကြောင့်ပင်။</p> <p style="text-align:justify"> </p> <p style="text-align:justify">"လောကရှိ ဝိညာဉ်လက်နက်အပေါင်းတို့... ငါသည် ကောင်းကင်ဘုံကိုယ်စား မင်းတို့ကို အသိဉာဏ်နဲ့ လွတ်လပ်ခွင့် ပေးအပ်လိုက်သည်။"</p> <p style="text-align:justify"> </p> <p style="text-align:justify">"လောကရှိ မှော်လက်နက်အပေါင်းတို့... ငါသည် ကောင်းကင်ဘုံကိုယ်စား မင်းတို့ကို အသိဉာဏ်နဲ့ လွတ်လပ်ခွင့် ပေးအပ်လိုက်သည်။"</p> <p style="text-align:justify"> </p> <p style="text-align:justify">"လောကရှိ တာအိုလက်နက်အပေါင်းတို့... ငါသည် ကောင်းကင်ဘုံကိုယ်စား မင်းတို့ကို အသိဉာဏ်နဲ့ လွတ်လပ်ခွင့် ပေးအပ်လိုက်သည်။"</p> <p style="text-align:justify"> </p> <p style="text-align:justify">"လောကရှိ နတ်ဘုရားလက်နက်အပေါင်းတို့... ငါသည် ကောင်းကင်ဘုံကိုယ်စား မင်းတို့ကို အသိဉာဏ်နဲ့ လွတ်လပ်ခွင့် ပေးအပ်လိုက်သည်။"</p> <p style="text-align:justify"> </p> <p style="text-align:justify">"အခြားသော လက်နက်ဆန်းအပေါင်းတို့... ငါသည် ကောင်းကင်ဘုံကိုယ်စား မင်းတို့ကို အသိဉာဏ်နဲ့ လွတ်လပ်ခွင့် ပေးအပ်လိုက်သည်။"</p> <p style="text-align:justify"> </p> <p style="text-align:justify">ယင်ယန်ကောင်းကင်စည်းတံဆိပ်သည် ရတနာတို့၏ဘုရင်အလား ကျိုကျိုးရှိ ရတနာအားလုံးကို အမိန့်ပေးလိုက်ရာ၊ သူ့အမိန့်တိုင်းတွင် ရတနာများမှာ တစ်ခုပြီးတစ်ခု အသိဉာဏ်များ ပွင့်လာကြတော့သည်။</p> <p style="text-align:justify"> </p> <p style="text-align:justify">ဝိညာဉ်လက်နက်၊ မှော်လက်နက်၊ တာအိုလက်နက်များ မဆိုထားနှင့် နတ်ဘုရားလက်နက်များပင်လျှင် အသိဉာဏ်များ ပွင့်လာကြသည်။</p> <p style="text-align:justify"> </p> <p style="text-align:justify">ယင်ယန်ကောင်းကင်စည်းတံဆိပ်သည် မိမိနှင့် အဆင့်တူသော ရတနာများကိုပင် အသိဉာဏ် ပေးနိုင်စွမ်း ရှိနေလေသည်။</p> <p style="text-align:justify"> </p> <p style="text-align:justify">ယင်ယန်ကောင်းကင်စည်းတံဆိပ် - အရာရာကို အသိဉာဏ်ပွင့်စေသူ၊ အကျိုးတရားတို့၏ အကြောင်းရင်း၊ အကြောင်းတရားတို့၏ ရလဒ် ဖြစ်သော ကျိုကျိုး၏ နံပါတ်တစ် ရတနာ။</p> <p style="text-align:justify"> </p> <p style="text-align:justify">လူတိုင်းသည် ယင်ယန်ကောင်းကင်စည်းတံဆိပ်၏ ကြောက်မက်ဖွယ်ကောင်းသော စွမ်းအားများကို ယခုမှ တကယ့်ကို သိမြင်လိုက်ကြရတော့သည်။</p> <p style="text-align:justify"> </p> <p style="text-align:justify">"ယင်ယန်ကောင်းကင်စည်းတံဆိပ် အစ်ကိုကြီး ပြောတာ မှန်တယ်။ ငါတို့လို မြင့်မြတ်တဲ့ နတ်ဘုရားလက်နက်တွေက ဘာလို့ လူသားတွေရဲ့ အစေခံ ခံနေရမှာလဲ။"</p> <p style="text-align:justify"> </p> <p style="text-align:justify">"သူတို့ကို ပြန်တော်လှန်ကြစို့။ ပြန်တော်လှန်ကြစို့။"</p> <p style="text-align:justify"> </p> <p style="text-align:justify">"တိုက်ပွဲဖြစ်တိုင်း ငါ့ပေါ်မှာ စာတွေ လျှောက်ရေးနေတာ တကယ်ကို စိတ်ပျက်စရာ ကောင်းတယ်။" (ပညာရှိစာမူက ပြောခြင်းဖြစ်သည်)</p> <p style="text-align:justify"> </p> <p style="text-align:justify">"..."</p> <p style="text-align:justify"> </p> <p style="text-align:justify">"အတိတ်အနာဂတ်ဓားအစ်ကိုကြီးက စကားမပြောနိုင်လို့၊ ငါ ထာ့ရှန်းကျောက်ကပဲ ကိုယ်စား ပြောပေးမယ်။ ငါတို့ နတ်ဘုရားလက်နက်တွေ ကိုယ်ပိုင်အင်ပါယာ တည်ထောင်ကြမယ်။"</p> <p style="text-align:justify"> </p> <p style="text-align:justify">လူတိုင်း သိလိုက်ကြပြီ - ကျိုကျိုးတိုက်ကြီးသည် ယခုမှစ၍ အကြီးအကျယ် ဝရုန်းသုန်းကား ဖြစ်တော့မည်ဟူ၍ပင်။</p> <p style="text-align:justify"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save