Book List

<h2 style="text-align: center;">အခန်း ၅၅</h2> <h2 style="text-align: center;">မဟာကျိုး တော်ဝင်မိသားစု၏ ဇာစ်မြစ်</h2> <h2 style="text-align: center;">*</h2> <p> </p> <p style="text-align:justify"> </p> <p style="text-align:justify">ယင်ယန်ကောင်းကင်တံဆိပ်၊ ဗြဟ္မာမျှော်စင်၊ ပညာရှိစာမူ၊ ထာ့ရှန်းကျောက်၊ အတိတ်အနာဂတ်ဓား၊ နဂါးပုလဲ နှင့် ဆန္ဒပြည့်ဘူးသီး။ တလက်လက် တောက်ပနေသော နတ်ဘုရားလက်နက် ခုနစ်ပါးတို့သည် ကောင်းကင်ယံတွင် ပျံဝဲနေပြီး၊ ခေတ်သစ်တစ်ခု စတင်ပြီဖြစ်ကြောင်း ကြေညာနေကြလေသည်။</p> <p style="text-align:justify"> </p> <p style="text-align:justify">အင်အားစုကြီးများသည် မည်သို့ပင် ပြန်လည်ခေါ်ယူစေကာမူ၊ မည်သို့သော နည်းလမ်းများကို အသုံးပြုစေကာမူ၊ နတ်ဘုရားလက်နက်များကို လုံးဝ ထိန်းချုပ်၍ မရနိုင်တော့ပေ။ နတ်ဘုရားလက်နက်များပင် ဤသို့ဖြစ်နေလျှင်၊ ဝိညာဉ်လက်နက်၊ မှော်လက်နက်နှင့် တာအိုလက်နက်များဆိုပါက ပြောနေစရာတောင်မလိုတော့ပေ။</p> <p style="text-align:justify"> </p> <p style="text-align:justify">၎င်းတို့အားလုံးသည် အသိဉာဏ်များ ပွင့်လာကြပြီး၊ သခင်ဖြစ်သူတို့၏ ထိန်းချုပ်မှုမှ ရုန်းထွက်ကာ သိုလှောင်လက်စွပ်များထဲမှ ပြေးထွက်လာခဲ့ကြသည်။</p> <p style="text-align:justify"> </p> <p style="text-align:justify">လက်နက်ပိုင်ရှင်များသည် အင်အားသုံး၍ နှိမ်နင်းရန် ကြိုးပမ်းခဲ့ကြသော်လည်း၊ မိမိတို့၏ လက်နက်များကို မိမိတို့ကိုယ်တိုင် ပြန်လည်မယှဉ်နိုင်တော့ဘဲ၊ ပြောင်းပြန် အနှိမ်ခံလိုက်ရကြောင်း တွေ့ရှိသွားကြရသည်။ သူတို့သည် ပိုင်ဆိုင်မှုများ အကုန်ပုံအောကာ ဝယ်ယူခဲ့ရသော လက်နက်တစ်လက်ဖြင့် အဆင့်တူ ကျင့်ကြံသူများကြားတွင် ပြိုင်ဘက်ကင်းဖြစ်နေခဲ့သဖြင့် ဂုဏ်ယူဝင့်ကြွားနေခဲ့ကြသည်။ သို့သော် ယခုမှပင် ထိုလက်နက်များ ပုန်ကန်လာသောအခါ သူတို့တွင် မည်သို့သော တတ်နိုင်စွမ်းမှ မရှိတော့ကြောင်း သဘောပေါက်သွားကြလေတော့သည်။</p> <p style="text-align:justify"> </p> <p style="text-align:justify">မိမိတို့၏လက်နက်များကို အတင်းအကျပ် ပြန်လည်ထိန်းချုပ်နိုင်သူ အနည်းငယ်သာ ရှိပေသည်။ ဥပမာအားဖြင့် သူတော်စင်ကျန့်ရှင်းသည် တာအိုလက်နက်ဖြစ်သော ဆယ့်နှစ်လွှာအဇူရာကြာပန်းကို နှိမ်နင်းနိုင်ခဲ့သလို၊ ပိုင်ဟုန်ထူကလည်း သူ၏ တာအိုလက်နက်အဆင့်ရှိ တာအိုဝတ်ရုံ နှစ်ထည်ကို နှိမ်နင်းနိုင်ခဲ့သည်။</p> <p style="text-align:justify"> </p> <p style="text-align:justify">ပိုင်ဟုန်ထူသည် ကိုယ့်ကိုယ်ကိုယ် ကျိုကျိုး၏ ဒုတိယမြောက် ပါရမီရှင်ဟု သတ်မှတ်ထားကာ မည်မျှပင် ဘဝင်မြင့်နေစေကာမူ၊ အသိဉာဏ်ရှိသော နတ်ဘုရားလက်နက်တစ်ပါးကို သူ အနိုင်ယူနိုင်လိမ့်မည်ဟု လုံးဝ မထင်ထားခဲ့ပေ။</p> <p style="text-align:justify"> </p> <p style="text-align:justify">ခန္ဓာပေါင်းစည်းခြင်းအဆင့်ဖြစ်စေ၊ အတိဒုက္ခကျော်ဖြတ်ခြင်းအဆင့်ဖြစ်စေ၊ မည်သူကမျှ နတ်ဘုရားလက်နက်များ၏ စစ်မှန်သော အစွမ်းသတ္တိအပြည့်ကို ထုတ်ဖော် မသုံးစွဲနိုင်ပေ။ နတ်ဘုရားများသာလျှင် သုံးစွဲနိုင်စွမ်း ရှိသည်။</p> <p style="text-align:justify"> </p> <p style="text-align:justify">သို့သော် ယခုအခါတွင်မူ အခြေအနေတစ်ခု ထပ်တိုးလာခဲ့ပြီ ဖြစ်သည်။ နတ်ဘုရားလက်နက်များ ကိုယ်တိုင်လည်း သူတို့၏အစွမ်းကို အပြည့်အဝ သုံးစွဲလာနိုင်ကြပြီဖြစ်သည်။ သူသည် နတ်ဘုရားလက်နက် တစ်ပါးတည်းကိုပင် အနိုင်မတိုက်နိုင်ရာ၊ ယခု ၇ ပါးတောင် ရှိနေသည်ဆိုပါက ဆိုဖွယ်ရာပင် မရှိတော့ပေ။</p> <p style="text-align:justify"> </p> <p style="text-align:justify">"လက်နက်ဆန်းက ဘယ်မှာလဲ။" ယင်ယန်ကောင်းကင်တံဆိပ်က ခပ်လေးလေး အသံဖြင့် မေးလိုက်သည်။</p> <p style="text-align:justify"> </p> <p style="text-align:justify">ကျိုကျိုးတွင် လက်နက်ဆန်းတစ်လက်ရှိနေသည်ကို ၎င်းက အာရုံခံမိပြီး အသိဉာဏ်ပေးအပ်ခဲ့သော်လည်း၊ ထိုလက်နက်မှာ လုံးဝ ထွက်ပေါ်လာခြင်း မရှိသေးသောကြောင့်ဖြစ်သည်။</p> <p style="text-align:justify"> </p> <p style="text-align:justify">လက်နက်ဆန်းဆိုသည်မှာ ကျိုကျိုးရှိလူများ မသိရှိသော အယူအဆတစ်ခု ဖြစ်သည်။ အဆင့်သတ်မှတ်ချက် နယ်ပယ်ထဲတွင် မပါဝင်သော်လည်း၊ ထူးခြားသော အစွမ်းသတ္တိများ ရှိနေသည့် လက်နက်များကို ခေါ်ဆိုခြင်း ဖြစ်သည်။ သို့သော် ချန်ချွန်းရှန်းဝမ်ကတော့ ကျိုကျိုးတွင် လက်နက်ဆန်း တစ်လက်တည်းသာ ရှိကြောင်းကို သိထားလေသည်။</p> <p style="text-align:justify"> </p> <p style="text-align:justify">၎င်းမှာ ကျန်းလီ၏ ထျန်းဟွမ်လှံပင် ဖြစ်သည်။</p> <p style="text-align:justify"> </p> <p style="text-align:justify">ကျန်းလီသည် ဟင်းလင်းပြင်ကို ဆွဲဖြဲကာ လေဟာနယ်အတွင်းမှ သတ္တုတုံးတစ်တုံးကို အမှတ်မထင် တွေ့ရှိခဲ့ဖူးသည်။ ထိုသတ္တုတုံးမှာ လေဟာနယ် လေစီးကြောင်းများကိုပင် မကြောက်ရွံ့သလို၊ အလွန်လည်း မာကျောလှသည်။ သူက ၎င်းကို တာအိုဂိုဏ်း၏ လက်နက်သန့်စင်ရေးတောင်သို့ ယူဆောင်လာခဲ့ပြီး၊ မီးဖို ၇ လုံးခန့် ပျက်စီးသွားပြီးမှသာ လှံရှည်ပုံစံ ဖြစ်လာအောင် သွန်းလုပ်နိုင်ခဲ့ခြင်း ဖြစ်သည်။ ကျန်းလီက ထိုလှံကို ထျန်းဟွမ် (ကောင်းကင်ဘုံ၏ အဆုံးအစွန်) ဟု အမည်ပေးခဲ့သည်။</p> <p style="text-align:justify"> </p> <p style="text-align:justify">ထျန်းဟွမ်လှံရှည်သည် ကျန်းလီ၏ သိုလှောင်လက်စွပ်ထဲတွင် တစ်ချက်မျှ လှုပ်ရှားသွားပြီး၊ ကိုယ်ပေါ်ရှိ ဖုန်များကို ခါချလိုက်ကာ၊ တစ်ဖက်သို့ လှည့်၍ ဆက်လက် အိပ်စက်နေပါတော့သည်။</p> <p style="text-align:justify"> </p> <p style="text-align:justify">လွတ်လပ်ခွင့်လား... အိပ်ရတာကမှ ပိုကောင်းသေးတယ်လေ။</p> <p style="text-align:justify"> </p> <p style="text-align:justify">"မင်းက ငါတို့ရဲ့ ညီအစ်ကိုကို အကျဉ်းချထားတာပဲ!" ယင်ယန်ကောင်းကင်တံဆိပ်သည် တံဆိပ်ကိုယ်ထည်ကို လှည့်ကာ ကျန်းလီထံသို့ ချိန်ရွယ်လိုက်သည်။</p> <p style="text-align:justify"> </p> <p style="text-align:justify">ကျန်းလီ၏ သိုလှောင်လက်စွပ်ထဲမှနေ၍ ထျန်းဟွမ်လှံရှည်နှင့် ၎င်းတို့ကြားရှိ ကံတရား ဆက်နွယ်မှုကို အာရုံခံမိလိုက်သောကြောင့် ဖြစ်သည်။ ကျန်းလီသည် စကားတစ်ခွန်းမျှ ထပ်မပြောတော့ဘဲ ယင်ယန်ကောင်းကင်တံဆိပ်ဆီသို့ တန်းတန်းမတ်မတ် ပြေးဝင်သွားလေသည်။</p> <p style="text-align:justify"> </p> <p style="text-align:justify">"ကျန်းလီ... သူနဲ့ အတင်းမတိုက်နဲ့! မင်း သူ့ကို မနိုင်ဘူး!" ချန်ချွန်းရှန်းဝမ်က အော်ဟစ် သတိပေးလိုက်သည်။</p> <p style="text-align:justify"> </p> <p style="text-align:justify">နောက်နေတာလား... ကျန်းလီ မည်မျှပင် သန်မာစေကာမူ၊ ၎င်းတို့မှာ နတ်ဘုရားလက်နက်များ ဖြစ်ကြသည်။ သူတို့၏ ကိုယ်ပိုင်အစွမ်းများကို မဆိုထားနှင့်ဦး၊ ၎င်းတို့ကို ဖန်တီးထားသည့် ပစ္စည်းများမှာပင် အတိဒုက္ခပေါင်း သောင်းချီလည်း မပျက်စီးနိုင်သော ပစ္စည်းများချည်း ဖြစ်ပေသည်။</p> <p style="text-align:justify"> </p> <p style="text-align:justify">သို့သော် လူတိုင်းကို အံ့ဩမှင်တက်သွားစေသည်မှာ... အဝေးသို့ လွင့်ထွက်သွားသည်က ယင်ယန်ကောင်းကင်တံဆိပ် ဖြစ်နေခြင်းပင်! ယင်ယန်ကောင်းကင်တံဆိပ်သည် တောင် ၇ လုံး၊ ၈ လုံးခန့်ကို ဆက်တိုက် ဝင်တိုက်မိပြီးမှသာ ရပ်တန့်သွားနိုင်တော့သည်။</p> <p style="text-align:justify"> </p> <p style="text-align:justify">ပို၍ ဆိုးရွားသည်မှာ... ထိုလက်သီးချက်ကြောင့် တံဆိပ်တွင် အက်ကွဲရာတစ်ခုပင် ဖြစ်သွားခဲ့ရသည်။ ယင်ယန်ကောင်းကင်တံဆိပ်၏ ထောင့်တစ်နေရာ ပဲ့ထွက်သွားလေပြီ!</p> <p style="text-align:justify"> </p> <p style="text-align:justify">လူများ အံ့ဩမှင်တက်သွားရုံမျှမက၊ အခြားသော နတ်ဘုရားလက်နက်များပင် ဤမြင်ကွင်းကြောင့် လန့်ဖြန့်သွားကြပြီး၊ မွေးရာပါ အတတ်တစ်ခုအလား ဆဲရေးတိုင်းထွာ ချင်စိတ်များပင် ပေါက်သွားကြလေသည်။</p> <p style="text-align:justify"> </p> <p style="text-align:justify">လခွမ်းက လူရော ဟုတ်သေးရဲ့လား!</p> <p style="text-align:justify"> </p> <p style="text-align:justify">"ကိုယ့်နေရာ ကိုယ်ပြန်သွားကြ။ မဟုတ်ရင် မင်းတို့ အကုန်လုံးကို မီးဖိုထဲ ပြန်ထည့်ပြီး အရည်ကျိုပစ်မယ်!" ကျန်းလီက အေးစက်စွာ ပြောလိုက်သည်။</p> <p style="text-align:justify"> </p> <p style="text-align:justify">ယနေ့ ဖြစ်ပွားသော အရှုပ်အထွေးများကို သံမဏိလက်သီးဖြင့် အမြန်ဆုံး နှိမ်နင်းရမည်ဖြစ်ကြောင်း သူ သိထားသည်။ မဟုတ်လျှင် ကျိုကျိုးတစ်ခုလုံးကို ရတနာများက အုပ်စိုးသွားပေလိမ့်မည်။</p> <p style="text-align:justify"> </p> <p style="text-align:justify">"သူက လူသားဧကရာဇ်ပဲ... ကျိုကျိုးမှာ အသန်မာဆုံးသူ။ သူ့ကို အနိုင်ယူနိုင်ရင် ငါတို့ ကိုယ်ပိုင် အင်ပါယာတစ်ခုကို တည်ထောင်လို့ ရပြီ!" ထာ့ရှန်းကျောက်က အသံကုန် အော်ဟစ်လိုက်ပြီး၊ ကျန်းလီဆီသို့ ဦးဆောင်ကာ ပြေးဝင်သွားသည်။</p> <p style="text-align:justify"> </p> <p style="text-align:justify">အခြား နတ်ဘုရားလက်နက်များကလည်း ဤလူသားဧကရာဇ်မှာ သူတို့၏ အကြီးမားဆုံး အတားအဆီးဆိုသည်ကို သိရှိကြသည်။ သူ့ကို အနိုင်ယူနိုင်မှသာ နောက်ကွယ်မှ ကိစ္စများအားလုံးကို အကောင်အထည်ဖော်နိုင်မည် ဖြစ်သည်။</p> <p style="text-align:justify"> </p> <p style="text-align:justify">တာအိုလက်နက်များကမူ... နတ်ဘုရားလက်နက် အစ်ကိုကြီးများက အလွန်ဆိုးသွမ်းသော ကျန်းလူသားဧကရာဇ်ကို အနိုင်ယူမည့် အချိန်ကို အေးအေးဆေးဆေး စောင့်ဆိုင်းနေကြပြီး ဝင်ရောက် မကူညီရဲကြပေ။ တာအိုလက်နက်များသည် အရေအတွက် နည်းပါးသလို အစွမ်းလည်း ထက်မြက်ကြသော်လည်း... နတ်ဘုရားလက်နက် အစ်ကိုကြီးဖြစ်သော ယင်ယန်ကောင်းကင်တံဆိပ်ပင်လျှင် လက်သီးတစ်ချက်ဖြင့် ထောင့်ပဲ့သွားသည် မဟုတ်လား။ သူတို့သာ ဝင်သွားမည်ဆိုပါက လက်သီးတစ်ချက်တည်းဖြင့် မူလ ကုန်ကြမ်းများအဖြစ်သို့ ပြန်လည်ပြောင်းလဲသွားမည်မှာ သေချာလှသည်။</p> <p style="text-align:justify"> </p> <p style="text-align:justify">ကျီကျစ်က သူ၏ ထပ်ဆင့်သူငယ်အိမ်ကို အသုံးပြု၍ ကျန်းလီကို ကူညီချင်သော်လည်း၊ အတိတ်အနာဂတ်ဓား ရှိနေသည့်အတွက် အနာဂတ်ကို သူ မြင်တွေ့၍ မရနိုင်တော့ပေ။</p> <p style="text-align:justify"> </p> <p style="text-align:justify">ထာ့ရှန်းကျောက် ပြေးဝင်လာသည်ကို မြင်သောအခါ၊ ကျန်းလီက ကာကွယ်ရန် အသင့်အနေအထား ပြင်လိုက်သည်။ သို့သော် ရုတ်တရက် ထာ့ရှန်းကျောက်သည် ကျန်းလီ၏အနောက်ဘက်သို့ ရောက်ရှိသွားပြီး၊ ဧရာမ ကြယ်ကြီးတစ်လုံး ကျိုကျိုးကို ဝင်တိုက်သကဲ့သို့ ပြင်းထန်စွာ ဝင်တိုက်လိုက်သည်။</p> <p style="text-align:justify"> </p> <p style="text-align:justify">ကျန်းလီသည် မထင်မှတ်ဘဲ ထာ့ရှန်းကျောက်၏အတိုက်ကို ခံလိုက်ရသည်။ ထိုမှ ဖြစ်ပေါ်လာသော တုန်ခါမှု လှိုင်းလုံးများကြောင့် အောက်ဘက်ရှိ လူများပင် လဲကျသွားကြပြီး၊ သူတို့၏ စိတ်အာရုံများပါ တုန်ခါသွားရလေသည်။ ကျန်းလီ ခံလိုက်ရသော တိုက်ချက်မှာ မည်မျှတောင် ပြင်းထန်မှာလဲ ဆိုသည်ကို မှန်းဆကြည့်၍ ရနိုင်ပေသည်။</p> <p style="text-align:justify"> </p> <p style="text-align:justify">"ဗြဟ္မာမျှော်စင်ရဲ့ နေရာလွတ် ခုန်ပျံခြင်းပဲ။" ကျန်းလီက ဘာမှမဖြစ်သည့် ပုံစံဖြင့်၊ ခုနက ထာ့ရှန်းကျောက် သူ၏ အနောက်ဘက်သို့ ရောက်လာရသည့် အကြောင်းရင်းကို ထုတ်ဖော် ပြောဆိုလိုက်သည်။</p> <p style="text-align:justify"> </p> <p style="text-align:justify">၎င်းမှာ ဗြဟ္မာမျှော်စင်၏ ဟင်းလင်းပြင် ထိန်းချုပ်မှု စွမ်းရည်ပင် ဖြစ်သည်။</p> <p style="text-align:justify"> </p> <p style="text-align:justify">"ငါ့ကို လွှတ်စမ်း!" ထာ့ရှန်းကျောက်က အော်ဟစ်လိုက်သည်။</p> <p style="text-align:justify"> </p> <p style="text-align:justify">၎င်းက ကျန်းလီကို တကယ်ပင် ဝင်တိုက်မိခဲ့ခြင်း ဖြစ်သည်။ သို့သော် ကျန်းလီက ချက်ချင်းပင် လှည့်၍ ထိုကျောက်တုံးလေးကို သူ့လက်ထဲတွင် ဖမ်းဆုပ်ထားလိုက်ခြင်း ဖြစ်သည်။ ထာ့ရှန်းကျောက်သည် ရန်သူကို သေချာပေါက် ထိမှန်နိုင်စွမ်းရှိသည် ဆိုသော်ငြားလည်း... ပထမဆုံးအနေဖြင့် ပစ်လွှတ်၍ရမှသာဖြစ်မည်။ ယခုမူ ၎င်းသည် လှုပ်၍ပင် မရတော့ရာ၊ မည်သို့ ထိမှန်နိုင်တော့မှာလဲ။</p> <p style="text-align:justify"> </p> <p style="text-align:justify">ကျန်းလီ၏ကိုယ်ပေါ်တွင် တည်ငြိမ်ခြင်း ဟူသော စာလုံး သုံးလုံး ပေါ်လာသည်။ ဗြဟ္မာမျှော်စင်က ပညာရှိစာမူထံမှ တည်ငြိမ်ခြင်း စာလုံးများကို ကျန်းလီထံသို့ ဟင်းလင်းပြင် ကူးပြောင်း၍ ပို့ပေးလိုက်ခြင်း ဖြစ်ရာ၊ ကျန်းလီ ရှောင်တိမ်း၍ မရအောင် ပြုလုပ်လိုက်ခြင်းဖြစ်သည်။</p> <p style="text-align:justify"> </p> <p style="text-align:justify">သို့သော် ကျန်းလီသည် တစ်ယောက်မှ သုံးယောက်အဖြစ်သို့ ပြောင်းလဲသွားသည်။ ထိန်းချုပ်မခံရသော ကိုယ်ပွားနှစ်ယောက်က စာလုံးများကို ခွာချလိုက်ပြီး၊ သုံးယောက်စလုံး တစ်ပြိုင်နက်တည်း တိုက်ခိုက်လိုက်ကြသည်။</p> <p style="text-align:justify"> </p> <p style="text-align:justify">'ရီချိဟွာစန်းချင်း' (ကိုယ်ပွားအတတ်တစ်မျိုး) ပင် ဖြစ်လေသည်!</p> <p style="text-align:justify"> </p> <p style="text-align:justify">အတိတ်အနာဂတ်ဓားသည် လက်ရှိကမ္ဘာမှ ပျောက်ကွယ်သွားပြီး၊ အချိန်မြစ်အထက်တွင် ရပ်တည်ကာ အနာဂတ်မှ ကျန်းလီ မည်သို့ လှုပ်ရှားမှာလဲဆိုသည်ကို ကြည့်ရှုရန် ကြိုးစားလိုက်သည်။ သို့သော် အနာဂတ်၏ ရေစက်လေးတစ်ခုထဲတွင် ကျန်းလီကို သူ မြင်တွေ့လိုက်ရသကဲ့သို့၊ ကျန်းလီကလည်း သူ့ကို မြင်သွားခဲ့သည်။</p> <p style="text-align:justify"> </p> <p style="text-align:justify">ထိုအချိန်က ကျန်းလီသည် ထျန်းဟွမ်လှံရှည်ကို ကိုင်ဆောင်၍ နတ်ဘုရားလက်နက်များနှင့် တိုက်ခိုက်နေခြင်း ဖြစ်သည်။ တစ်စုံတစ်ယောက်က သူ့ကို ကြည့်နေကြောင်း အာရုံခံမိသဖြင့် မော့ကြည့်လိုက်ရာ၊ အတိတ်အနာဂတ်ဓား၏ အကြည့်နှင့် တည့်တည့်ဆုံသွားတော့သည်။</p> <p style="text-align:justify"> </p> <p style="text-align:justify">အနာဂတ်မှ ကျန်းလီက လှံရှည်ကို တစ်ချက် ဝှေ့ယမ်းလိုက်ရာ၊ အချိန်နှင့် ဟင်းလင်းပြင်ကို ဖောက်ထွင်းပြီး အတိတ်အနာဂတ်ဓားကို ရိုက်ချလိုက်လေသည်။</p> <p style="text-align:justify"> </p> <p style="text-align:justify">အတိတ်အနာဂတ်ဓားသည် အချိန်မြစ်ထဲသို့ ပြုတ်ကျသွားပြီး၊ ရေစီးကြောင်းအတိုင်း မျောပါကာ အတိတ်သို့ ပြန်ရောက်သွားခဲ့သည်။ အချိန်မြစ်ပြင်ထဲတွင် ၎င်း၏ ခန္ဓာကိုယ်ပေါ်၌ သွေးနှင့် အသားများ တဖြည်းဖြည်း ပြန်ပေါက်လာပြီး၊ ငါးတစ်ကောင်အဖြစ် ပြန်လည်ပြောင်းလဲသွားပါတော့သည်။ အနာဂတ်၏ တစ်ချိန်ချိန်တွင် သူ ကုန်းပေါ်သို့ ပြန်ရောက်လာလိမ့်မည်ဟု ၎င်းက ဝိုးတဝါး ခံစားမိနေသည်။</p> <p style="text-align:justify"> </p> <p style="text-align:justify">အခြား နတ်ဘုရားလက်နက်များကမူ အတိတ်အနာဂတ်ဓား ဘယ်ရောက်သွားမှန်း မသိကြပေ။ ဒီကောင် ထွက်ပြေးသွားပြီဟုသာ ထင်မှတ်နေကြပြီး၊ ကျန်းလီ၏ တိုက်ခိုက်မှုများကို ခုခံရင်း စိတ်ထဲမှနေ၍ ထိုအသုံးမကျသော အဖော်ကို ဆဲဆိုနေကြလေသည်။</p> <p style="text-align:justify"> </p> <p style="text-align:justify">၎င်းတို့သည် အသိဉာဏ် မပွင့်ခင်ကတည်းက ကျန်းလီ အလွန်သန်မာကြောင်းကို ဝိုးတဝါး ခံစားမိခဲ့ကြသည်။ သို့သော် တကယ်တမ်း တိုက်ခိုက်ကြည့်သောအခါမှသာ... ဤလူသားဧကရာဇ်မှာ ယုတ္တိမတန်လောက်အောင်ကို သန်မာလွန်းနေကြောင်း သိလိုက်ရသည်။ သူသည် လူသားတစ်ယောက်သာ မဟုတ်ခဲ့လျှင်... သူ့ကို လူယောင်ဖန်ဆင်းထားသော နတ်ဘုရားလက်နက်ဟုပင် သူတို့ ထင်မိကြမည် ဖြစ်သည်။</p> <p style="text-align:justify"> </p> <p style="text-align:justify">ဆန္ဒပြည့်ဘူးသီးသည် အသုံးပြုသူ၏ ဆန္ဒအလျောက် အတိဒုက္ခမျိုးစုံကို ဖန်တီးပေးနိုင်သည်။ မိုးကြိုးအတိဒုက္ခ ဖန်တီးနိုင်သလို၊ မြေ၊ ရေ၊ မီး၊ လေ ဟူသော အတိဒုက္ခ ၄ မျိုးနှင့် အတွင်းစိတ်မိစ္ဆာ အတိဒုက္ခများကိုလည်း ဖန်တီးပေးနိုင်သည်။ ဤအတိဒုက္ခများသည် ရန်သူများကို အလူးအလဲ ခံစားရစေရန် ဖြစ်သော်လည်း... ကျန်းလီနှင့် ရင်ဆိုင်ရသောအခါတွင်မူ ဆန္ဒပြည့်ဘူးသီး ကိုယ်တိုင်ပင် ရူးချင်သွားရလေသည်။</p> <p style="text-align:justify"> </p> <p style="text-align:justify">မိုးကြိုးအတိဒုက္ခနှင့် ရင်ဆိုင်ရသောအခါ၊ မိုးတိမ်များထဲရှိ မိုးကြိုးများမှာ အပြင်းထန်ဆုံးဖြစ်ကြောင်းကို ကျန်းလီက လုံးဝ ဂရုမစိုက်ဘဲ၊ လက်သီးတစ်ချက်တည်းဖြင့် မိုးတိမ်များကို ဖျက်ဆီးပစ်လိုက်သည်။ ၎င်းမှာ "ကောင်းကင်၏ အာဏာအလား၊ ခုခံ၍ မရနိုင်" ဟု တင်စားရသော ဟွမ်ယွမ် နတ်လူသားမိုးကြိုးကြီးပင်!</p> <p style="text-align:justify"> </p> <p style="text-align:justify">မြေ၊ ရေ၊ မီး၊ လေ အတိဒုက္ခ ၄ မျိုးနှင့် ရင်ဆိုင်ရသောအခါတွင်လည်း၊ ကျန်းလီက "အရာအားလုံးဟာ ဗလာနတ္ထိပဲ!" ဟု အော်ဟစ်လိုက်သည်နှင့် တစ်ပြိုင်နက်၊ ထိုအတိဒုက္ခ ၄ မျိုးလုံး အငွေ့ပျံ ပျောက်ကွယ်သွားပြီး နောက်ဆုံးတွင် "ဗလာ" အဖြစ်သို့သာ ပြောင်းလဲသွားလေသည်။</p> <p style="text-align:justify"> </p> <p style="text-align:justify">စိတ်မိစ္ဆာအတိဒုက္ခဆိုလျှင်တော့ သူ့အပေါ်၌ အနည်းငယ်မျှပင် အကျိုးသက်ရောက်မှု မရှိခဲ့ပေ။</p> <p style="text-align:justify"> </p> <p style="text-align:justify">ပညာရှိစာမူသည် ကွန်ဖြူးရှပ်ဂိုဏ်း၏ ကာကွယ်စောင့်ရှောက်သူ ၄ ဦးကို ခေါ်ဆောင်လာပြီး၊ ၎င်းတို့က နဂါးပုလဲ ၄ လုံးကို ကိုင်ဆောင်ကာ တိုက်ခိုက်ခြင်းနှင့် ကာကွယ်ခြင်း ပေါင်းစပ်ထားသော အစွမ်းထက်သည့် အကာအကွယ်ကို ဖန်တီး၍ ကျန်းလီ သုံးယောက်ကို ဝိုင်းရံထားလိုက်သည်။ ထို့ပြင် "သေ"၊ "လောင်ကျွမ်း"၊ "ပျက်စီး" စသည့် စာလုံးများဖြင့်လည်း ကျန်းလီကို အဆက်မပြတ် တိုက်ခိုက်နေကြသည်။</p> <p style="text-align:justify"> </p> <p style="text-align:justify">ဗြဟ္မာမျှော်စင်မှာမူ အလွန်တရာ လေးလံလှသည်။ ၎င်း၏ နေရာလွတ်စွမ်းရည်ကို ထည့်မတွက်လျှင်ပင်၊ ၎င်းကိုယ်တိုင်က အလွန်ပြင်းထန်သော လက်နက်ကြီးတစ်ခု ဖြစ်နေသည်။ ၎င်းမှာ အလွန် လေးလံလွန်းသဖြင့် ပတ်ဝန်းကျင်ရှိ ဟင်းလင်းပြင်များပင် ပြိုကျသွားပြီး၊ အရာအားလုံးကို မျိုချပစ်နိုင်သော တွင်းနက်ကြီးတစ်ခုပင် ဖြစ်ပေါ်နေလေသည်။</p> <p style="text-align:justify"> </p> <p style="text-align:justify">ကျန်းလီသည် မျက်နှာတည်တည်ဖြင့် ထျန်းဟွမ်လှံကို ထုတ်ယူလိုက်ကာ၊ နတ်ဘုရားလက်နက်များနှင့် ဆက်လက်၍ တိုက်ပွဲဝင်လေတော့သည်။</p> <p style="text-align:justify"> </p> <p style="text-align: center;"> </p> <p style="text-align: center;">***</p>


Save